هو إنتى ليه ديما كده؟؟؟
إنتى لية ديما كدة
تاعبه قلبى معاكى ليه
قولتلك مليون بحبك
قولتى لما أحس بية
بس أنا حاسس بقلبى بينحرق
وإنتى من جواكى طالبة نفترق
خلتينى أحس إنك رافضة حبى
رافضة قلبى
سيبتى قلبى ينسرق
إيدت جسمى شمعة ليكى
جملت الدنيا فى عنيكى
قبل ما تتمنى شئ
قبل حلمك كان بيجيكى
كنت أضئ ليكى الطريق
وإنتى بردة كنتى شمعة
كنت ماسكك بين إديا
كنت حاضنك
كنتى نور قلبى وعنيا
بس ما حسيتش حبك
كنت بغالط مشاعرى
وأقول لنفسى
إنى ساكن جوة قلبك
إنتى ملكى وقلبى ملكك
كنت نفسى فى مرة أحسك
حبه حبى
بس ماحسيت بغير
كرهه غريب من عنيكى يزيد فى بعدى
قولت لاء
وحاولت أقرب
بس كان قلبك بيهرب
ولسانك قالها بصدق
بكرهك
مش من النهاردة من سنين
وقبلتها ماعتبتكيش
عارفة لية
بس علشان نفسى أعيش
ورغم انى سمعتها ماكرهتكيش
وفضلت جنبك
لجل بيتى ماسبتكيش
وحاولت أقرب تبعدى
ويزيد عنادك تعندى
وإنتى عارفة إنى صخرة
يبقى لية ترددى
عيزانى قولى
من غير شروط
عايزة حياتك
سيبينى أفوت
من بين إديكى
ماتمسكيش
روحى عيشى زى مانتى بتحلمى
قلبى خلاص رافض يعيش
رد مع اقتباس
المشاركة الأصلية كتبت بواسطة فراشة
.. 
المفضلات