فوازير رمضانية بالنكهة المطبخية

[أم أحمد]

بسم الله الرحمن الرحيم

أيام قليلة ويهل علينا شهر رمضان الكريم
أعاده الله علينا وعليكم وعلي الأمة الإسلامية بالخير والبركات

وطبعا ما ينفعش يمر شهر رمضان من غير الفوازير الجميلة
وعشان كده ميعادنا السنة دي مع فوازير جديدة
ذات طابع جميل ومحبب لنا جميعا






فوازيرنا هذا العام هتحمل الطابع الشعري
يعني هتكون فوازير شعرية بنكهة مطبخية

هيكون كل يوم عندنا فزورة تقدم في صورة شعرية
هتكون عن أحد أنواع الخضار أو الفاكهة وفي بعض الأحيان عن بعض الأكلات الشهية




هيقوم بإعداد وكتابة الفوازير شعرائنا الكرام
وإن شاء الله هأقوم كل يوم بعرض حلقة جديدة
في نفس الموضوع هنا
واللي يعرف الحل يقوم بوضع الإجابة فورا في الموضوع
وفي أخر الشهر سوف نقوم بتجميع النقاط

هيكون عندنا 3 مراكز
يلا يا شاطرين
ركزوا معانا في المسابقة
وكلنا إن شاء الله هنكون فايزين



ومن خلال هذا الموضوع
اشكر شعرائنا الكرام علي تعاونهم الجميل معنا
في إعداد وتقديم هذه المسابقة المتميزة


خالص شكري للفاضل أستاذ Ayman Roshdy

وخالص شكري للرائعة سماء
وخالص شكري للفاضل أستاذ وجدي محمود



انتظروا معنا أول حلقة
في أول أيام شهر رمضان الكريم

تحياتي لكم جميعا
وخالص تقديري للجميع

[اليمامة]

العزيزة ام احمد
هى دى الفوازير واللا بلاش...على الاقل ليها ريحة وطعم ونكهة ولون...حاجة تفتح النفس...ياللا انا معاكى...وجهزى الجوايز ام عيار تقيل اوىىىىىىىىىىى

[طـــــير في الســـما]

سلام الله عليك أم أحمد

معاك و ان شاء الله...نعرف نحل

و لو إني قلقانة من أستاذ وجدي

فوازيره من سهلة أبدا

بس يلا..أمرنا لله

رمضان كريم عليكوا

خالص تحيـ ـ ـ ـ ـ ـاتي

[أم أحمد]

العزيزة ام احمد
هى دى الفوازير واللا بلاش...على الاقل ليها ريحة وطعم ونكهة ولون...حاجة تفتح النفس...ياللا انا معاكى...وجهزى الجوايز ام عيار تقيل اوىىىىىىىىىىى

اهلا بيكي يا حبيبتي
منورة الموضوع والمسابقة
طبعا الجوايز هتكون هدايا عينية من مطبخك الكريم
دي مش تدبيسة ولا حاجة
دي عزومة من اهل الكرم

[اليمامة]

العزيزة ام احمد
مش تقولى كدة من الاول
خلاص موافقة...بس قوليلى على منيو الجوايز..علشان احضر نفسى
ياعينى عليهم اهل الكرم..ولا يهمك
كل سنة وانتى طيبة انتى والاسرة الكريمة

[سيمفونية كاتبه]

فكره جميله جداً

إن شاء الله متابعه

لو إتقال كلام موزون عن الكوسه وعصير الليمون

يبقى إحنى أكيد هنقول يافصوليه .. ياطبق فول

منتظرررررررررره

[a_leader]

كل سنة و انتو طيبين و دايما بخير يارب


مسابقة جميلة و لذيذة و الفكرة تمام

و فراخ محشية و مشوية و معاها حمام

و الشوربة تجنن و المحشى ولا فى الأحلام

و عصاير تهوس تشربها و تقول يا سلام


أعاد الله عليكم ايامه هذه باليمن و البركات

[a_leader]

[poem font="simplified arabic,6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ياللا يا عالم شوَّقتونا=قبل الأكل فين التحابيش

سلطة و طُرشى جوَّعتونا=ياللا بسرعة و هاتو العيش

بيبسى و كولا و هاتو خرُّوب=و عصير منجة و نص ياميش

و املوا السفرة لحوم و خضار=مش عايزين اطباق فى النيش

ياللا يا عالم مش قادرين=ولّا أجيب محضر و شاويش[/poem]

[a_leader]

[poem font="simplified arabic,6,darkblue,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
بصوا خلاص انا جيبت صنية=و حطيت فيها حبّة مايّة

أمّا انا ح اعمل حتّة عملة=مكرونة انما ايه مغذِّية

قلت اجيبها كده ف صنية=و ادِّيها لخواتى هديّة

قبل الصوم لاجل ما يتعذّو=ياللا أوام هاتو الطبلية[/poem]

[أم أحمد]

سلام الله عليك أم أحمد

معاك و ان شاء الله...نعرف نحل

و لو إني قلقانة من أستاذ وجدي

فوازيره من سهلة أبدا

بس يلا..أمرنا لله

رمضان كريم عليكوا

خالص تحيـ ـ ـ ـ ـ ـاتي

وعليكم السلام ورحمة الله وبركاته
اهلا بيكي يا ايمان
ما تقلقيش يا حبيبتي
الفوازير ان شاء الله هتكون سهلة
بس ركزي شوية معانا انتي
وخليكي متابعة علي طول
رمضان كريم يا قمر