النتائج 1 إلى 3 من 3

الموضوع: هربان من أرض الخوف .. وبحار فى نهر الضباب ..

  1. #1

    تاريخ التسجيل
    Sep 2006
    الدولة
    القاهرة
    العمر
    37
    المشاركات
    632

    هربان من أرض الخوف .. وبحار فى نهر الضباب ..

    السلام عليكم ورحمه الله وبركاته ..

    موضوع إسمه زى الفل .. أعمل إيه لكنى فعلاً تعبان وعاوز أكتب ..
    أفضفض بشكل غير واضح .. يمكن أحد يقول كلمة تكون السبب فى تغيرى ..

    أنا تعبت .. أنا مبحبش أشتكى لحد .. طيب أنا بعمل إيه ؟ أنا بوصف حالى ..
    أنا مش عاوز أضايق حد بكلامى أنا عارف نفسى نكدى ودمى تقيل .. والكلام السلبى مُعدى ..
    أخطر من أنفلونزا الخنازير بكتير .. الى خلانى أكتب أنى كل ما بقرأ كلام جميل وكله تفائل ..
    وأقول يا سلام .. وأنا عارف حجات كتير الحمد لله .. المتعلقة بالتفائل ..
    لكنى قاعد محلك سر .. لا بهش ولا بنش ..

    أنا كنت حكتب الكلام الى حكتبه فى الموضوع ده .. كنت حكتبه فى موضوع الأخت هايدى ..
    ♥○ أخبار يومك النهارده ..؟ طيب ما تيجي تغيره ! ○♥ ..

    لكن قلت بلاش تبوظ الموضوع وتكتب كلامى سلبى .. فقلت أعمل موضوع منفصل ..

    الأخت هايدى قالت كلام ممتاز .. وفكرتنا بمعانى جميلة .. لكسر الروتين ..
    لكنى حاسس إنى ضعفت ومش قادر أقاوم وأكمل معركتى ..

    أنا لما أقاوم الروتين كأنى غريق .. والى بعمله بطرطش شوية ماء وخلاص ..
    رغم أنى أحسن من الأول وحاسس إنى ركبت مركب .. لكن سعات بنسى إنى فعلاً بقيت أحسن .. ونضجت ..
    وتبت من معاصى كتير الحمد لله وبقالى سنتين بفضل الله معملتش الذنوب الى تبت منها .. يارب ثبتنى ..
    ومتمسك بمبادئ الحمد لله .. ورغم الضغوطات متمسك بيها الحمد لله .. لكنى سعات مبحسش بالتغيرات ديه ..

    الأييام كلها روتينية ياريت روتينية بل خناقية وصراعية .. بصحى ببدأ اليوم كأنى بتخطف خطف يا أخواتى ..
    كأنى بتشد وبتزعق فى حلبة ملاكمة .. قبل ما أتنفس ألاقى بوكس ميه ميه دخل فى بطنى .. قبل ما أقول آه ..
    البوكس التانى فى وشى .. وهكذا ..

    الأخت هايدى قالت ..

    أول السطر بدأ اليوم
    وفي نهاية السطر إنتهى اليوم
    وبين أول سطر وأخر سطر
    ............... نقط
    أنا بقى ببدأه ببوكس .. وأختمه ببوكس .. وبين أول بوكس وتانى بوكس ..
    مفيش حتى نقط .. الصفحة مفيهاش حاجة خالص يمكن شوية شخبطة متشابكة ..

    لا يوجد شئ أفعله فى اليوم .. ولا أستطيع البوح بالسبب ..
    لا صديق ولا حبيب ولا قريب ولا جارى ولا حتى أب ..
    أب عايش وكأنه مش عايش .. أب كويس لكنه حزين علطول ..
    وبعد فى آخر صفحات قصتى ..

    وغير باقى تفاصيل حياتى الأخرى التى تُشبه السجن ..
    لا قادر أشوف منظر طبيعى جميل ولا جو نقى حلو ..
    لا أشعر بوجود معانى جميلة فى حياتى .. ووجود هدف ..

    والناحية الأيمانية كانت كويسة الحمد لله .. دلوقتى ضعفت خالص ..
    صلاة بلا خشوع .. ذكر بلا تدبر .. قرأئة قرأن بدون تفكر ..

    حاسس إن كل شئ بيضيع منى .. أنا عارف إن الكلمة الجاية الى حقولها غلط ..
    لكن حقولها يمكن تعرفوا إحساسى .. حاسس إن الدنيا ضاعت منى ..
    وخايف أخسر الأخرة كمان ..

    كله بعد عنى .. وحاسس إنى بطلت أشوف وشوش الناس .. ومنعزل عن الدنيا ..
    عمال أفتكر الذكريات الحزينة التى تتجدد .. ومش قادر أكتب ذكريات جميلة ..
    مش قادر أجدد حياتى ومعارفى .. نفسى مليانة مخاوف من الناس ..
    مش قادر أكون إيجابى وإجتماعى ..

    ملا حظين قلت مش قادر كام مرة فى الكام سطر الى فاتوا .. حاسس إنى فى معركة ..
    وضعفت جداً والمعركة مع الوقت بتزداد صعوبة .. حاسس إن إرادتى بتتكسر ..

    أنا آسف يا جماعة تعبتكم معايا .... أنا آسف بجد ..
    لا تنسونى من دعواتكم ..

    وأكرر آسفى للجميع ..
    ..

    أنضم لفريق مقاطعة قاعات الأغانى والأفلام فى المنتدى وأجرى على الله
    وأسأله جل جلاله أن يرزقنى الاخلاص

  2. #2

    تاريخ التسجيل
    Jan 2003
    الدولة
    كوكب الأحلام والمبادىء
    المشاركات
    9,991
    بسم الله الرحمن الرحيم

    أخى الحبيب ألب رسلان

    لماذا كل هذا الحزن والتشاؤم والذكريات الحزينة والألم والسواد

    الدنيا هى ملعب كبير نعيش ايامه لنخرج بنتيجة المباراة اما كاسب واما خاسر

    استمر فى اتصالك بالله والدعاء والصلاة وتدبر القرآن ولو بقدر بسيط وعمل الخير لكل من حولك

    وتغيير حياتك للأفضل ومصاحبة اهل الخير وصلة الرحم والأمل فى الله ليس له حدود

    اخرج للمناظر الخضراء وللنيل واستمع لدروس الشيوخ المحفزة للأمل والجنة وسيرة الرسول صلى الله عليه وسلم

    وسيرة الصحابة واسعى لمحاولة تغيير نمط حياتك وابحث عن الزوجة الصالحة

    صلى الفجر وبعد الفجر اخرج الى مكان واسع جميل واذكر الله باذكار الصباح

    أخى الحبيب

    أنت قوى وان شاء الله تقدر على الخروج من هذه الأزمة منتصرا

    بارك الله فيكم

    جزاكم الله خيرا

    ولا تنسوا ذكر الله
    ***
    أشرف حسن { كوكب تانى }
    //kenanaonline.com/allah1



    قال رسول الله صلى الله عليه وسلم
    "من أكثر من الإستغفار جعل الله له من كل هم مخرجا ومن كل ضيق فرجا"


    ماسنجر ياهو/computerashraf

  3. #3

    تاريخ التسجيل
    May 2009
    الدولة
    شروق الفجر
    العمر
    35
    المشاركات
    568
    بسم الله الرحمن الرحيم


    زي ماحكيت الجزء المتشائم بحياتك تقدر تحكى وتعيش سعيد حتى وانت وحيد

    كل حاجه بأديك .. مش قادر؟

    اوهم نفسك انك سعيد

    مش عارف تعيش موهوم؟؟

    قول لنفسك انا مبسوط وسعيد غصب عنك وغصب عن اى هموم في الدنيا


    ادحك للدنيا من قلبك حتى فى شدة زعلك منها بردو ادحك لها

    والله تقدر وبأيدك سهله اوى

    متقولش مش هعرف

    زى ماعرفت تفتكر كل النقط السوده في حياتك تقدر تلونها وتقدر تمسحها وتقدر تموتها وتدفنها


    وللا انت عايز وحابب انك تفضل كدا؟!!



    مافتكرش ... يبقى لازم تدحك وتبتسم لاكتر حاجه بتزعلك وبتدايقك


    نفسك ضعيفه .. غيرها بأديك للاحسن ودايما قول يارب قويني

    ارضا بكل حاجه قول الحمدلله من جوا قلبك وانت راضي

    لو رضيت عمرك ماهتحزن لحظه

    من يرضا بقضاء الله يرضيه الله ويرضا عنه وهتكون الدنيا ملك اديه


    اسفه للاطاله

    قال رسول الله صللى الله عليه وسلم : كلمتان خفيفتان .. ثقيلتان في الميزان .. حبيبتان الى الرحمن ...سبحان الله وبحمده .. سبحان الله العظيم

المواضيع المتشابهه

  1. لندن ... بلد الضباب
    بواسطة وادكول مش معقول في المنتدى حول العالم
    مشاركات: 2
    آخر مشاركة: 01-03-2021, 01:04 PM
  2. [السعودية] السعودية مشروع لاستحلاب الضباب
    بواسطة رهـف في المنتدى قاعة الوطن العربي
    مشاركات: 0
    آخر مشاركة: 26-03-2011, 01:10 PM
  3. شفت الشيطان هربان
    بواسطة محمود54 في المنتدى قاعة الشعر العامي
    مشاركات: 0
    آخر مشاركة: 07-11-2010, 11:09 PM
  4. وانقشع الضباب!
    بواسطة الكونت في المنتدى قاعة الخواطر والقصة القصيرة
    مشاركات: 0
    آخر مشاركة: 08-04-2006, 09:08 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •