النتائج 1 إلى 9 من 9

الموضوع: ليه الدكتور نسى الفوطه

  1. #1

    تاريخ التسجيل
    Jan 2009
    الدولة
    المنصورة
    العمر
    38
    المشاركات
    6,760

    ليه الدكتور نسى الفوطه

    الفوطه

    وناس واقفه بتتريأ ومبسوطه
    وناس تانيه بتستغرب ومنقوطه ليه الدكتور نسي الفوطه
    و هو يا عيني كان واقف ووشه أحمر ولا القوطه
    و قال ياجــــــــماعه سامحوني .....وقبل ما تيـــــــجوا تلوموني
    أحكيلكوا أنا حكايتي..... وبعديها إبقوا تعالــــــوا حـــــــاكموني
    سنــــين فــــاتت في ثانــــــويه..... كفاح دامي وعــرق ودموع
    وبعد المعركـــــــــه الحــــاميه..... قدرت أنجح وأجيب مجموع
    أخيراً حلمنـــــــــــــــــا إتحقق .....هخش الطــــــــب وأدّكــــتر
    رســـــــــــاله جميله ومعـــاها...... مقام عالي وفلوس أكـــــــتر
    و جاتلي بطاقة الترشيـــــــــح...... فيها الطب اللي بحــــــلم بيه
    بتاع البوسته جابهــــــــــــالي ......وخدله حلاوه عشــــرة جنيه
    في أول يوم لـــــــــبست جديد ......وشلت البالطو رحـت لاقيت
    زمايلي إتحــشروا في مــدرج...... عامل ولا عــــــلبة الكبريت
    ولكــن برضه مايئستش


    دخل دكتور قعد يشــــــــــرح .......كلام كــــان صعب ولاتيني
    و أنا متنـــح ومـــش فــــــاهم ......لاقيت النــــــــوم غلب عيني
    و لسّه أنا برضه مايئستش


    و قلت مادام ضــــاع النظري...... هظبّــــــــط نفسي في العملي
    جريت عـ المشـــرحه بسرعه...... لكن كالـــــــــعاده خاب أملي
    دخلـــــت لاقـــيت 200واحد....... بيتخــــــــانقم على الجــــــثه
    وناس واقـــــــــفه من الزحمه ......على كتافـي ومـــــــش حاسه
    و لسّه أنا برضه مايئستش



    و طبــــــعاً حسّوا بظــــروفنا .......وحطّولنا إمتــــــحان فوازير
    وكل أمّا آجي أحــل ســـــؤال....... أقف أدامــــــه زي الــــــزير
    و لسّه أنا برضه مايئستش

    وجينا في لجنة الشـــــــــفوي....... وكان أدّامي واد كــــــــــوسه
    خد الfull mark مـ الدكتور....... وخد فوقهـــــــم كــمان بوسه
    و لسّه أنا برضه مايئستش

    دخلت انا قام مكـــــــــــشرلي .......كإن أنــــــا مش human race
    سألني سؤال... مـــــاردّيتشي........وقاللي أخرج يا hopless case
    ولسه أنا برضه ما يئستش

    سنه بتمشــي وســــنه بتيجي .........مقـــالـــب بعـــدها مقــــــالب
    زمايلي إتعينوا و قبـــــــضوا .......و أنا شايـــــل لـــــــقب طالب
    و لسّه أنا برضه مايئستش


    كبـــــــرنا شـــويه وقــــالولنا....... خلاص دلوقتي شوفوا حالات
    و رحنـــــــا نشوف وكالعاده......... دا كله بيطلع إشتــــــــــغالات
    و لسّه أنا برضه مايئستش


    بشوف الشاب من ســــــــني........ واقـــــــــف ويّا البنات مرتاح
    و لــــو عديـــــت أنا يقولــوا........ راح الدحّـــاح .....جه الدحّاح
    و لسّه أنا برضه مايئستش

    لحد ماخلصم السبــــــــــــعه ........وقلت خلاص هروق وهعيش
    و قبل ما أفوق من الصــدمه........ خدوني عشان أخـــش الجيش
    و لسّه أنا برضه مايئستش

    وقعت هناك في إيــــد ظابط ........ظغرلي وقال يا بســـــــــكوته
    أحب أبـــــــــــشرك إنــــــك ........معـــــــايا هتطـــــــفح الكوته
    و لسّه أنا برضه مايئستش

    خلااااص السبعه بقوا عشرة........ ولسه أنا ماشي جنــب الحيط
    و بان السن علــــــــى وشي ........و شعري إبيـــّض و إصلعيت
    و لسّه أنا برضه مايئستش

    وبعد ما قـــــلت كــــــــفاره .........خلاص هرتاحلى بقى كام يوم
    لاقيتهم تـــــــــانــي واخدنّي .......عشان تكليـــــــــفي في السلوم
    و لسّه أنا برضه مايئستش

    و قلت هنـــاك هآخد قرشين........ آكل منهم و أجيـــــــــب لبسي
    فوجئـــــــت يا عيني بمرتب .......يادوب مايقضــــــنيش شيبسي
    و لسّه أنا برضه مايئستش

    و بعد الـــعمر دا كـــــــــــله ........رمــــــوني في وحـــده صحية
    نسيت الطب أنا فيـــــــــــها .........وبقــــــــيت زي الترمــــــجيه
    و لسّه أنا برضه مايئستش

    و آديني بعيش وهعمل أيـه؟؟......... ماليــــــــش ولا قوه ولا حولا
    وحيد غلبان وحتى مافـــيش ........جـــــواز علـــى نفــــقة الدوله
    و لسّه أنا برضه مايئستش

    قام الدكتور صعب عـ الناس....... و فــــــضلم يـــبكوا على حاله
    و حتى الفوطة نســــــــيوها......... ولموا فلــــــــــوس وسابوهاله
    و قال دكتورنا عـ الفوطــــه......... تعــــــالوا هشـــــيلها أنا بكرة
    لكن اهل المريض قالــــــوا........ خلاص........ سيبهالنا للذكرى

    وعجبى


    تعرف بس تجرح قلبى وتعذبنى بيه
    انما يوم تحس بجرحى .. دا اللى ملكش فيه

    مش هخاف مـ البعد همشى .. يعنى هيجرى ايه
    وقبل ما أروح .. حبيبى أنا عندى بس سؤال
    وأنا مجروح كدا مرتاح وهادى البال


    [IMEEM]-Wg5a5894w[/IMEEM]



  2. #2

    تاريخ التسجيل
    Feb 2006
    الدولة
    منية سندوب - المنصوره
    المشاركات
    17,058
    جااااااااااااااااااااااااااامده يا باشااااااااااااااا

    توبك 100 100

    تسلم الايادي




  3. #3

    تاريخ التسجيل
    Jan 2009
    الدولة
    المنصورة
    العمر
    38
    المشاركات
    6,760
    اقتباس المشاركة الأصلية كتبت بواسطة thereallove مشاهدة المشاركة
    جااااااااااااااااااااااااااامده يا باشااااااااااااااا

    توبك 100 100

    تسلم الايادي


    تسلم ياحبى
    نورت الموضوع والله
    طب اقعد اشرب شاى


    تعرف بس تجرح قلبى وتعذبنى بيه
    انما يوم تحس بجرحى .. دا اللى ملكش فيه

    مش هخاف مـ البعد همشى .. يعنى هيجرى ايه
    وقبل ما أروح .. حبيبى أنا عندى بس سؤال
    وأنا مجروح كدا مرتاح وهادى البال


    [IMEEM]-Wg5a5894w[/IMEEM]



  4. #4

    تاريخ التسجيل
    Sep 2008
    الدولة
    بلاد لا تعرف الشمس
    المشاركات
    223
    خطيره جداا و تعكس الواقع
    تسلم ايديك
    اللهم يا صاحبي عند شدتي ويا مؤنسي في وحدتي ويا ولي نعمتي أرحم عبرتي وأحفظني في غربتي وإكشف كربتي وأقل عثرتي وأجب دعوتي,,,اللهم إني إعوذ بك من عمل يخزيني,,,وهم يرديني,,,وفقر ينسيني,,,وغنى يطغيني

  5. #5

    تاريخ التسجيل
    Jan 2009
    الدولة
    المنصورة
    العمر
    38
    المشاركات
    6,760
    اقتباس المشاركة الأصلية كتبت بواسطة فرفوته مشاهدة المشاركة
    خطيره جداا و تعكس الواقع
    تسلم ايديك
    ربنا يخليكى فرفوته
    اسعدنى مرورك


    تعرف بس تجرح قلبى وتعذبنى بيه
    انما يوم تحس بجرحى .. دا اللى ملكش فيه

    مش هخاف مـ البعد همشى .. يعنى هيجرى ايه
    وقبل ما أروح .. حبيبى أنا عندى بس سؤال
    وأنا مجروح كدا مرتاح وهادى البال


    [IMEEM]-Wg5a5894w[/IMEEM]



  6. #6

    تاريخ التسجيل
    Mar 2009
    الدولة
    المدينة المنورة
    العمر
    33
    المشاركات
    173
    مررررررررررررره حلووووه يسلمووووو

  7. #7

    تاريخ التسجيل
    Feb 2009
    الدولة
    مصر
    المشاركات
    861
    إيه الجمال ده يا محمد..
    جميل جدا تسلم إيدك 100%..

    =============
    خـالـف الـنـفـس و الـشـيـطـان و إعـصـهـمـا..
    و إن هـمــــا مـحـضــــاك الـنـــصـح فـإتـــهــم..
    و لا تــطــع مــنـهـمـــا خـصـمــاً و لا حـكـمـــا..

  8. #8

    تاريخ التسجيل
    Jan 2009
    الدولة
    المنصورة
    العمر
    38
    المشاركات
    6,760
    اقتباس المشاركة الأصلية كتبت بواسطة boooboo مشاهدة المشاركة
    مررررررررررررره حلووووه يسلمووووو
    ربنا يخليك بووبو
    نورت الموضوع


    تعرف بس تجرح قلبى وتعذبنى بيه
    انما يوم تحس بجرحى .. دا اللى ملكش فيه

    مش هخاف مـ البعد همشى .. يعنى هيجرى ايه
    وقبل ما أروح .. حبيبى أنا عندى بس سؤال
    وأنا مجروح كدا مرتاح وهادى البال


    [IMEEM]-Wg5a5894w[/IMEEM]



  9. #9

    تاريخ التسجيل
    Jan 2009
    الدولة
    المنصورة
    العمر
    38
    المشاركات
    6,760
    اقتباس المشاركة الأصلية كتبت بواسطة jasmine1320 مشاهدة المشاركة
    إيه الجمال ده يا محمد..
    جميل جدا تسلم إيدك 100%..

    ربنا يخليكى جاسمين
    الاجمل مرورك ياقمر اللى بيسعدنى كتيييييييييييييييييير
    نورتينى ياجميل والله


    تعرف بس تجرح قلبى وتعذبنى بيه
    انما يوم تحس بجرحى .. دا اللى ملكش فيه

    مش هخاف مـ البعد همشى .. يعنى هيجرى ايه
    وقبل ما أروح .. حبيبى أنا عندى بس سؤال
    وأنا مجروح كدا مرتاح وهادى البال


    [IMEEM]-Wg5a5894w[/IMEEM]



المواضيع المتشابهه

  1. الأستاذ الدكتور / عمر
    بواسطة سيد جعيتم في المنتدى لقاءات في حب الله
    مشاركات: 3
    آخر مشاركة: 13-02-2010, 09:59 PM
  2. رد على الدكتور خالد منتصر
    بواسطة mohammedhammed في المنتدى قاعة المناقشات
    مشاركات: 1
    آخر مشاركة: 07-04-2009, 11:03 PM
  3. لما الدكتور يقولك.........؟
    بواسطة MaTR|X في المنتدى قاعة فك التكشيرة
    مشاركات: 26
    آخر مشاركة: 13-08-2006, 12:24 PM
  4. إلى الدكتور حسان
    بواسطة آسر المسيري في المنتدى قاعة الشعر الفصيح
    مشاركات: 4
    آخر مشاركة: 25-06-2006, 09:44 AM
  5. الدكتور والمريض
    بواسطة الشيخ عادل في المنتدى لقاءات في حب الله
    مشاركات: 0
    آخر مشاركة: 07-02-2006, 08:30 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •