يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 6 123 ... الأخيرةالأخيرة
النتائج 1 إلى 10 من 51

الموضوع: رجعوني تاااني.....واااء...واااااء...

  1. #1

    تاريخ التسجيل
    May 2003
    الدولة
    و ادخلوها ان شاء الله آمنين
    العمر
    38
    المشاركات
    1,864

    رجعوني تاااني.....واااء...واااااء...

    بعض أحداث هذه القصة قد يحدث في واقعنا..و البعض الآخر من وحي الخيال و قد نجده واقعا في المستقبل كنتيجة للأحداث الراهنة....



    الورقة الأولى





    تن تن تن تن " النداء الأخير للدكتور حسني ... الرجاء سرعة التوجه لغرفة العمليات رقم 2 ..و شكراً" تن تن تن تن ....

    كان ذلك صوت المذيعة الداخلية بالمستشفى...و كعادته كان الدكتور حسني في غرفته ينهي وجبته المفضلة(كشري بالثوم) بعد موعد بدء العملية بعشر دقائق...يشرب بعدها حجرين معسل لمدة ثلث ساعة تقريباً....
    أما في غرفة العمليات...فقد كان الوضع مستقراً....الحالتان متواجدتان... الممرضات...
    طبيب التخدير... كانت حسنية (كبيرة الممرضات) تنهي آخر صفحات مجلة الموضة و في يدها المشرط...."بتقمع بمية"...!!! حتى أزعجها ذلك الصوت الهامس و الذي يناديها باسمها...التفتت لمصدر الصوت على باب غرفة العمليات...فإذا به الدكتور علي....

    - في حاجة يا دكتور..؟؟!! + أيوة المنفاخ ..فين؟؟؟
    - أهو يا دكتور...

    أما بقية الطاقم فكان مشغولاً "بماتش" طاولة ساخن جداً...

    - شوفت اللعبة دي...كدة حبستك يا حلو....
    + ايه يعني ..ما أنا زنقلك اليك هنا...و مش حسيبهولك...
    - و لا يهمني بردو حكسبك..و حشيلك عزومة البانجو....

    لم تمر دقائق حتى دخل الدكتور حسني مسرعاً ...و معه أنبوبة رش بنج...أخذ مكانه و بدأ إجراء العملية...


    * القطن...
    - قطن
    * المشرط...
    - مشرط ...مشرط...هو فين.؟؟!! آه ..أهو .مشرط
    * العرق...
    - ........
    * المقص....
    - مقص
    * الشيشة.....
    - شيشة
    * ............ايه الأرف دة؟؟!!....حد يغيرلي الحجر دة...و يبعت يجيب لي ولعة من القهوة اللي برة...أووف..هو ما حدش يعرف يشتغل بمزاج أبداً...!!! يالا يا سيتي انتي كمان ...هو احنا ما ورناش غيرك انهاردة و لا ايه..؟؟!!

    تيت- تيت- تيت- تيت- تيت- تيت- تيت-..............
    * ايه الصووت دة؟؟!! كفاية ازعاج ...حتطيروا الحجرين من نفوخي...منكم لله..
    - دة الأوكسجين خلص من الحالة التانية يا دكتور....
    * و ايه يعني...المنفاخ فين؟؟؟مش أول مرة دي يا حسنية...
    - أيوة بس المنفاخ مع دكتور علي...
    * خلصي نفسك...خرطوم و انفخي...و لا واكلة حلجة فيها تووم؟؟!!...قلتلك بلاش تووم قبل العمليات...ريحة المكان بتبقى وحشة....
    نشادر....
    - نشادر
    * لأ مش ليا.. للرجل جوز الست دي.. يا ريت حد يفوقه و يمضيه على ورقة باننا ناخد الكلية اليمين للست دي...قولوله أي حاجة...لقيناها بايظة مثلاً...حنسيبلها الشمال ..و لا الطمع عمى قلوب النااس...و هاتيلي كبريت...بنجيييه تااااني...
    - حاضر يا دكتور...
    * يالا يا سيتي....هة ..كمان واحدة...الحمد لله.....
    o واااااااء ...وااااااااء... سيبوني...أنا طالع لوحدي انتو فاكرين اني عايز أفضل جوة ..دة أنا زهقت من القرفصة...أوووووف...واااء...واااااء...

    أمسك الدكتور بالمولود من قدميه و كأنه فرخة مدبوحة...أخذ نفساً عميقاً من السيجارة و نفثه في وجه الصغير قائلاً...
    * ألف مبروك يا سيتي..و لد زي الفل...شبه أبوه...شكله كدة حيمسك في الدكاترة بردو..
    يالا يا جماعة ...بنجولي الست دي..عشان ناخد ال....

    o كح كح.. كح كح....ايه دة.؟؟؟!! ايف...ابعد البتاعة دي عني يا راجل انت...بتخليني أكح...و أنا مش فاضي للكح...لازم أوريهم نفسي في العياط..وااااااء..كح..كح..وااااااء..وااااء...


    عادت حسنية لغرفة العمليات و بيدها كبريت و ورقة...اقتربت من الدكتور و أشعلت له عودا و هي تقول..
    - رئيس القسم بيفكر سياتك بمؤتمر مكافحة التدخين اللي سياتك حتكون فيه مندوب المستشفى...
    * خلاص خلاص... انتي لسة فاكرة الكبريت دلوقتي...؟؟؟ خدي الواد دة حطييه في الحضانة...

    تلقت حسنية الطفل و همت بالخرووج...
    o ايه يا ست انتي ..مش حتحميني...و لا تغطيني حتى...يمكن لما أزود جرعة العياط ترتجع

    و بالفعل عدلت حسنية و جهتها للداخل مرة أخرى ...و جرت للخارج الطرابيزة...التي وضعت عليها طبق البامية...و بمجرد مرورها من باب غرفة العمليات...تسمرت في مكانها...
    كان مدير المستشفى أمامها مباشرة ...ينقل عينيه على جسدها من أوله لآخره...

    " براافو ..برااافو عليكي يا بنتي...انتي مثال للممرضة المثالية ...في كل حاجة...شكلك ...لبسك...شعرك...احم..حتى خوفك على الولد من قسوة الطرابيزة ...و خداه بين أحضانك ..و مدفياااااه....يا ريتني زيه...انتي شغالة عندنا هنا...؟؟"
    - أيوة يا فندم...لسة متعينة بقالي شهر...
    " حتخدي الممرضة المثالية الشهر دة...برااافوو عليكي...

    أكملت حسنية طريقها ..و هي لاتزال متأثرة من هول المفاجأة...دخلت لغرفة الحضانات و خرجت و هي لاتزال تفكر في حديث المدير...و لكنها تعجبت...لماذا تسمع صوت بكاء طفل رغم أنها ابتعدت عن غرفة الحضانات...بل لقد ركبت الأصانصير...
    - ايييه دة.....؟؟؟ صرخت حسنية...فقد كان الطفل لا يزال بين أحضانها...
    - أمال أنا حطيت ايه في الحضانة....؟؟؟!!!


    الى اللقاء في الورقة الثانية
    دة لو عجبتكوا الورقة الأولى
    لحظات..... على جانب الطريق
    رجعوني تاااني.....واااء...واااااء... تم اصدار الورقة التانية

    لم نخلق عظاماً نتوارى خلف الثرى ... بل خلقنا عظاماً نسكن السحاب

  2. #2

    تاريخ التسجيل
    Oct 2002
    الدولة
    مصر
    المشاركات
    1,433
    الأخ الفاضل : shody20
    بأسلوب ساخر وبراعة صورت لنا مشهدا من واقع يحدث في مستشفياتنا .. من اهمال وتقصير واشياء ابعد ما تكون عن الطب ...

    نحن في شغف ننتظر ورقتك الثانية ..
    دام لنا قلمك .........
    اسامة ياسين

  3. #3

    تاريخ التسجيل
    May 2003
    الدولة
    و ادخلوها ان شاء الله آمنين
    العمر
    38
    المشاركات
    1,864
    أستاذي العزيز...أسامة يس...
    لم أتوقع الرد بهذه السرعة...و لكنه أثلج صدري سريعاً..
    لم أكتب بأسلوب ساخر قبل هذا..غير اني معاي فطاحل مصراوي و العمدة..و غيرهم..
    و لكن قررت اقتحام التجربة...و أنتظر النصح و الارشاد...

    أدام الله لي مرورك و تعليقك الذي أعتز به كثيراً...
    لحظات..... على جانب الطريق
    رجعوني تاااني.....واااء...واااااء... تم اصدار الورقة التانية

    لم نخلق عظاماً نتوارى خلف الثرى ... بل خلقنا عظاماً نسكن السحاب

  4. #4
    أشجان الليل زائر غير مسجل
    هههههههه


    لذيذه جدا يا شودى...
    ربنا يكرمك..
    فى انتظار الورقة الثانيه

  5. #5

    تاريخ التسجيل
    Feb 2003
    الدولة
    مدينة الألف مأذنة
    العمر
    37
    المشاركات
    1,115
    shody20

    شركت كل أعضاء المستشفى يا اخي...
    بس فعلا بتحصل حاجات اسوأ من كده كمان لسه قريب جدا قريبتي كانت في غرفة العمليات وفوجئنا بالدكتور واقف بره وهي جرحها مفتوح بيشرب سيجاره وبياخد رست مع انها مش عمليه صعبه وكانت ولاده برده هههههه..الله يهديهم ويسامحهم..

    shody20
    أكثر ما لاحظته على أسلوبك في الكتابه هو حبك للوصف والتجسيد للاماكن والشخصيات والمواقف وهذا ما يضفي رونق خاص لكتابتك فهي اشبه بالمشاهد التلفزيونيه المقروءه..

    في انتظار ورقتك التاليه
    لك خالص التحيه وفائق الاحترام
    اختك في الله
    بسمة
    المرء بفضيلته لا بفصيلته وبكماله لا بجماله وبآدابه لا بثيابه

    اللهم لك الحمد والشكر كما ينبغي لجلال وجهك وعظيم سلطانك

    سبحانك اللهم وبحمدك أشهد أن لا إله إلا أنت أستغفرك وأتوب إليك
    .

  6. #6

    تاريخ التسجيل
    Mar 2003
    الدولة
    مصر
    المشاركات
    968
    بسم الله

    ههههههههههه

    حلوة اوى ياشودى وجت عندى "ع الجرح" يعنى قصة "ف الوريد " لان ما ابدعته اقرب الى الواقع منه الى الخيال ...
    ما اقصده انى بحكم الدراسة بشوف اللى ما خطرش ع البال ولا كنت اتصور انى اشوفه ابدا فى مستشفى حتى لو كانت تعليمية حكومية " جدا " لكنك بحرفية موهوب وبخفة دم مصرية فيها شيء من المبالغة دون اى تزيف للحقيقة قدرت تصوره يمكن بالعكس كمان قدرت بقلمك تخفف عنا وقع الحقيقة ......

    شكرا لك وفى انتظار مجلد كامل مش ورقة بس
    كثيراً ما اشعر أن الكتابة كالدنيا
    كلما رغبت فيها تركتنى!!

  7. #7

    تاريخ التسجيل
    May 2003
    الدولة
    و ادخلوها ان شاء الله آمنين
    العمر
    38
    المشاركات
    1,864
    كاتب الرسالة الأصلية : أشجان الليل
    هههههههه


    لذيذه جدا يا شودى...
    ربنا يكرمك..
    فى انتظار الورقة الثانيه


    المبدعة أشجان
    كم يسعدني دائماً رؤية تعليقك على أحد مشاركاتي...لا حرمني الله منه أبداً...
    أشكرك سيدتي على مرورك العطر...
    لحظات..... على جانب الطريق
    رجعوني تاااني.....واااء...واااااء... تم اصدار الورقة التانية

    لم نخلق عظاماً نتوارى خلف الثرى ... بل خلقنا عظاماً نسكن السحاب

  8. #8

    تاريخ التسجيل
    May 2003
    الدولة
    و ادخلوها ان شاء الله آمنين
    العمر
    38
    المشاركات
    1,864
    كاتب الرسالة الأصلية : byh
    shody20

    شركت كل أعضاء المستشفى يا اخي...
    بس فعلا بتحصل حاجات اسوأ من كده كمان لسه قريب جدا قريبتي كانت في غرفة العمليات وفوجئنا بالدكتور واقف بره وهي جرحها مفتوح بيشرب سيجاره وبياخد رست مع انها مش عمليه صعبه وكانت ولاده برده هههههه..الله يهديهم ويسامحهم..

    shody20
    أكثر ما لاحظته على أسلوبك في الكتابه هو حبك للوصف والتجسيد للاماكن والشخصيات والمواقف وهذا ما يضفي رونق خاص لكتابتك فهي اشبه بالمشاهد التلفزيونيه المقروءه..

    في انتظار ورقتك التاليه
    لك خالص التحيه وفائق الاحترام
    اختك في الله
    بسمة
    الأخت الجميلة...بسمة...
    بالنسبة للتشريك سيدتي العزيزة...فدة لزووم البهارات و اللذي منه .. غير ان طبعاً أنا ببالغ حبتين..
    بس صدقيني فعلاً في حاجات بتحصل و أقدر اقولك ما خفي كان أعظم...
    و اللي انتي بتقوليه مثل صغير للي ممكن يحصل فعلاً ....


    سعيد جداً بملاحظتك ... التي تنم عن حظي في أن تكوني ممن يتابعون نصوصي المتواضعة...
    و سعيد أكثر باطرائك الذي يفوق امكانياتي و ما أستحق..
    بيني و بينك ..بصراحة أنا فعلاً بتخيل اللي بيحصل و أنا بكتبه...
    و أحاول - و لست أدري ما أفعله صواب أم خطأ- أن أعيش القارئ داخل القصة بالصوت و الصورة و الرائحة...

    دام لي مرورك و تعليقك...فأنا أفرح بهما كثيراً....لا حرمني الله منهما..
    لحظات..... على جانب الطريق
    رجعوني تاااني.....واااء...واااااء... تم اصدار الورقة التانية

    لم نخلق عظاماً نتوارى خلف الثرى ... بل خلقنا عظاماً نسكن السحاب

  9. #9

    تاريخ التسجيل
    May 2003
    الدولة
    و ادخلوها ان شاء الله آمنين
    العمر
    38
    المشاركات
    1,864
    كاتب الرسالة الأصلية : جرح الزمان
    بسم الله

    ههههههههههه

    حلوة اوى ياشودى وجت عندى "ع الجرح" يعنى قصة "ف الوريد " لان ما ابدعته اقرب الى الواقع منه الى الخيال ...
    ما اقصده انى بحكم الدراسة بشوف اللى ما خطرش ع البال ولا كنت اتصور انى اشوفه ابدا فى مستشفى حتى لو كانت تعليمية حكومية " جدا " لكنك بحرفية موهوب وبخفة دم مصرية فيها شيء من المبالغة دون اى تزيف للحقيقة قدرت تصوره يمكن بالعكس كمان قدرت بقلمك تخفف عنا وقع الحقيقة ......

    شكرا لك وفى انتظار مجلد كامل مش ورقة بس

    المبدعة خفيفة الروح ... جرح الزمان..
    الحمد لله بشوف مشاركتك لتاني مرة في رابع طرخ لي... و هذا معناه ان حظي السيء الرافض أن أرى تعليقاتك فيها قد تركني و باذن الله من غير رجعة...
    جت عندك على الجرح..!!!
    :confused::confused:
    طيب دة أنا كدة عايز شوية لقطات كدة من اللي بتشوفيهم عشان أضيفهم...
    شوية حاجات في العضل كدة...:D
    طبعاً تعجز كلماتي المتواضعة أن ترد على كلماتك المبدعة...
    فانه وسام على صدري أن تكون هذه الكلمات لشخصي الضعيف...
    و أقول لكي شكراً مع اعتذاري ألا أوفيكي حقك في الرد مهما بلغت عبقرية الكلمة مداها...
    يا رب يا رب أشوف دايماً تعليقاتك منورة ...و اللي يتسعدني جداً جــــــــــــداً.....

    لكي مني كل تقدير و احترام...
    التعديل الأخير تم بواسطة shody20 ; 11-12-2003 الساعة 10:19 AM
    لحظات..... على جانب الطريق
    رجعوني تاااني.....واااء...واااااء... تم اصدار الورقة التانية

    لم نخلق عظاماً نتوارى خلف الثرى ... بل خلقنا عظاماً نسكن السحاب

  10. #10

    تاريخ التسجيل
    Nov 2002
    الدولة
    مصر
    المشاركات
    3,868


    الحبيب شودي

    كما قلتُ من قبل فأنت تملك موهبة جميلة و مقدرة مميزة على نسج الأحداث و صياغتها بصورة رائعة
    و رغم أنني لست من القراء الدائمين للسرد بالعامية ، إلا أنني أجدني مدفوعاً لمتابعة كتاباتك مستمتعاً دون ملل

    تجربة مميزة و تستحق كل التقدير ؛ و في شغف لاستكمالها .

    دمت بكل الخير
    أطيب أمنياتي لك بدوام التوفيق
    إسلام شمس الدين



صفحة 1 من 6 123 ... الأخيرةالأخيرة

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك