النتائج 1 إلى 7 من 7

الموضوع: يوميات صافيولا في مطبخ أم الدنيا (( كاري الدجاج ))

  1. #1

    تاريخ التسجيل
    Nov 2008
    الدولة
    مصر
    العمر
    44
    المشاركات
    768

    يوميات صافيولا في مطبخ أم الدنيا (( كاري الدجاج ))

    وحشتوني والله النهارده راجع من جديد ليوم جديد وطبخه جديده من يومياتي

    يوميات صافيولا في مطبخ أم الدنيا



    والنهارده طبخه جديده وربنا يسترها معانا زي ماسترها قبل كده

    اسمها

    كاري الدجاج



    واللي هايعمل شاطر وناصح ويقولي هو ايه الكاري ده وهاجيبه منين هاقوله روح هاتلك اي كيس شيبسي

    بطعم الدجاج بالكاري من اي سوبر ماركت وافصل الاتنين عن بعض

    نبدأ بأدوات الامن والامان احنا طبعا عارفينها بس معلش يمكن في واحده غلبانه حبت تجرب

    وصفه من بتوعي لاول مره لازم ننبهها



    ادوات الامن والامان
    1- قناع واقي من النوع الصلب
    2- انبوبه اوكسجين للطواريء ( اللي دايما بتحصل )
    3- صديري من الصلب الخالص
    4- قفاز من الحديد المجلفن
    5- موبايل ومشحون ياريت للاتصال بالاسعاف او المطافيء عند اللزوم



    كده تمام وانا طبعا اخر مره اديت ملحوظه وفيها جميع نمر المطافيء والاسعاف

    مش هاقولها تاني



    تعالو نشوف المقادير

    اسمعي ياستي

    كيلو دجاج مسحب مقطع مكعبات متوسطة الحجم ( وياريت تخلي بالك انفلونزا الطيور لسه موجوده
    وعندي طريقه تكشفي بيها على الدجاجه علشان تعرفيها عندها انفلونزا طيور او لا تمسكي الفرخه كويس
    وتبصيلها بعيون جريئه وتسأليها قوليلي يا شاطره اسمك ايه لو لقيتي وش الفرخه بقي لونه احمر كله
    تبقي سليمه وده مجرد كسوف بس ولو الاحمرار على قد المنقار تبقي انفلونزا على طول هذا وللعلم )

    نصف كوب بقدونس مفروم ناعم ( اموت واعرف ده بيتباع في كوبايات ازاي بس )

    علبة لبن زبادي ( وياريت تكوني ناصحه وتعرفي الزبادي دي طازه ولا مش طازه انا من رأيي تسيبيها اسبوع لو
    عفنت تبقي مش طازه ولو ماعفنتش اكيد طازه والله الموفق )

    ربع كوب زيت ذرة أو دوار الشمس ( او زيت دوخيني يا لمونه وده موجود في كل مكان )

    عدد 2 حبة بصل متوسطة الحجم مفرومة فرم ناعم ( ولو حبكت وعاوزه تعطسي ابقي ابعدي وشك عن الطبق )

    عدد 4 ضروس تومه مفرو فرم ناعم ( يعني بصل وتوم وابو العيال هينام في البلكونه ان شاء الله النهارده )

    عدد 4 قرون من الفلفل الحار ( ولو مابتحبيش الفلفل هاتي شويه كلور )

    كوب ماء ( منزوع الدسم يعني خالي من الميكروبات )
    بلاش تعملي زي مسرحيه المتزوجون والدقيق مابيكونش تحت الحوض وده للمعرفه ) ) ملعقتين طعام دقيق

    ملح ( ياريت يكون مالح شويه )

    ملعقة صغيرة كاري ( وده تلاقيه موجود عند باتا )

    ربع ملعقة صغيرة قرفة ( ولو انتي حامل صافيولا بيقولك نصيحه ابعدي عن القرفه حتى اسألو اي واحده متجوزه )

    ربع ملعقة صغيرة عُصفر ( اي نوع من انواع العصفر يعني عصفر زينه او عصفر بلدي مش مشكله )

    نصف ملعقة صغيرة زنجبيل ( ممكن استبداله بقليل من الزنجبيل الطازج )
    ( او ممكن استبداله بورق صنفره ناعم )

    نصف ملعقة صغيرة كزبرة ( ممكن استبداله بربع كوب من الكزبرة الطازجة
    ( وممكن استبداله كمان بنترات البوتاسيوم الفلزيه .... اوعوا تعملوها ده انا باهزر وانا ناقص مصايب )

    مكعب ماجي ( واسألو عن ماجي دي ولو مالقتوش اسألو عن انجي اي حد فيهم يسد )

    اف اخيرا تعالو نشوف الطريقه



    الطريقة

    نقوم بوضع قطع الدجاج في وعاء الطبخ على النار مع الزيت ونحركه حتى يتغير لونه لمدة 5 دقائق
    ( ملحوظه صافيوليه للي ماتعرفش ازاي الالوان بتتغير تجيبي ريموت التلفزيون وتختاري نظام الالوان وتعملي ضبط على درجه الالوان بتاعت ..... يانهار ابيض ده موضوع تاني خالص )

    خلال فترة تحريك قطع الدجاج على النار نقوم بوضع الدقيق في طبق صغير ونضيف عليه قليل من الماء ونحركه حتى يصبح قوامه لين ثم نضعه في طبق ونحركه مع اللبن بعدها نضيف عليهم الماء ونخلطهم ثم نقوم بإضافة باقي المقادير فوق الدجاج ثم نبدأ بالتحريك حتى يبدأ الخليط بالغليان
    ( هتلاحظي ان كل الحشرات اللي في البيت اتجمعت على الي بتعمليه عادي عاوزك تعملي نفسك
    ماشفتيش اي حاجه ده فضول حشرات مش اكتر )

    فنخفف عنه درجة حرارة النار ونغطي الوعاء ونتركه على النار لمدة نصف ساعة مع استمرار عملية التحريك كل خمس دقائق

    يقدم مع الأرز أو الخبز
    ( او يقدم الارز والخبز وسيبك من اللي نيلناه دلوقتي العمر مش بعزقه )


    اتمني لبخه النهارده قصدي طبخه النهارده تكون عجبتكم

    والموضوع كده خلص بس ناقص شويه ملحوظات من صافيولا بسيطه

    1- وانتي في وسط الاكل تقولي انك ماطبختيش اي حاجه الست شوزي جارتكم بعتت لكم الطبق ده

    2- حاولي تخليكي بعيده عن متناول ايد زوجك ياستي احنا مش ناقصين اصابات لسه هانعلب النهائي

    3- عيالك لو خايفه عليهم اعملي لهم ساندوتشات جبنه

    4- بعد ماتخلصي الطبخه ماتفتحيش الشبابيك مره واحده لا حاولي تفتحيهم بالراحه واحده واحده كل
    نص ساعه وده محافظه على العلاقات الجيرانيه

    5- الباقي من الطبخه ماتخليهوش في البيت وروحي لاقرب حظيره فراخ واحفري حفره ااقل حاجه 3 متر تحت الارض وادفني الباقي من الاكل فيها



    واخيرا صافيولا بريء من ذنب اي شخص يحصله اي حاجه

    وبالنسبه للاعراض الجانبيه للطبخه مافيهاش اي اعراض جانبيه خالص بس لو حصل شويه تشنجات حاولي تستلقي على ظهرك لمده 12 ساعه



    بس

    خلاص

    مع تحيات صافيولا والي يوم جديد

    وطبخه جديده

    من

    يوميات صافيولا في مطبخ أم الدنيا

    سلاااااااااااام



  2. #2
    الصورة الرمزية أيمن خطــاب
    أيمن خطــاب غير متواجد حالياً قَتلونِي ثْمـ سَألونِي عن طَيِفْي الحَزيِن
    Fishy Champion!
    تاريخ التسجيل
    Aug 2008
    الدولة
    خلف دائرة الأحزان
    العمر
    42
    المشاركات
    5,574



    الأخ الفاضل .. أحمد








    سلمت يداك على تلك الوصفه الجديدة

    لطريقة عمل كـــــــــاري الدجــــــــاج

    والأكثر من ذلك هو طرقة عرضك

    والتي كانت كوميديه جداً كالعـــــادة

    ولقد ضحكت كثيــــــــــراً لتحذيراتك

    تحياتي العطرية




    كل عام وأنتم بخير


    مع تحياتي

    بدون ألقاب .. فقط .. أيمن خطاب



    أيمن خطاب

  3. #3

    تاريخ التسجيل
    Nov 2008
    الدولة
    مصر
    العمر
    44
    المشاركات
    768
    اهلا بيك يا استاذ أيمن منورني والله

    والحمد لله ان الموضوع وطريقه العرض بيعجبوك

    منور المطبخ كله والله

  4. #4

    تاريخ التسجيل
    Oct 2008
    الدولة
    حلم نفسى تحلمه كل القلوب
    المشاركات
    2,002
    ههههههههههههههههه
    لا بقه
    بعد كده مش هنعمل خواطر مع بعض
    هنعمل طبخات مع بعض
    انت تطبخ
    وانا اغسل المواعين
    ههههههههههههههههههه
    اصلى فاشله ف الطبخ
    مش قوى يعنى
    بس حبه نونو
    ههههههههههههههههههه
    بالهنا والشفا
    مش سمعتوا كلامه
    اشربوا بقه
    هههههههههههههههههههه

  5. #5

    تاريخ التسجيل
    Nov 2008
    الدولة
    القاهره
    المشاركات
    3,146
    الاخ العزيز صافيولا
    انا موت من الضحك لدرجه انى نسيت الوصفه
    كل شويه ارجع اشوف الخطوه الى قبلها
    بس فعلا فعلا روعه
    و تسلم اديك وعقبال الطبخات التانيه
    ههههههههههههههههههههههههههههه
    وربنا يستر علينا
    التعديل الأخير تم بواسطة النجمه الحائره ; 27-01-2009 الساعة 09:43 PM

  6. #6

    تاريخ التسجيل
    Nov 2008
    الدولة
    مصر
    العمر
    44
    المشاركات
    768
    اقتباس المشاركة الأصلية كتبت بواسطة زي الملايكة مشاهدة المشاركة
    ههههههههههههههههه
    لا بقه
    بعد كده مش هنعمل خواطر مع بعض
    هنعمل طبخات مع بعض
    انت تطبخ
    وانا اغسل المواعين
    ههههههههههههههههههه
    اصلى فاشله ف الطبخ
    مش قوى يعنى
    بس حبه نونو
    ههههههههههههههههههه
    بالهنا والشفا
    مش سمعتوا كلامه
    اشربوا بقه
    هههههههههههههههههههه
    ههههههههههههههههههههه

    بالطريقه دي يبقي نفض الشركه احسن

    هههههههههههههههه

    ولا ااقولك خليكي في المواعين احسن

    ولعلمك انا باقلب الدنيا والمطبخ ورايا

    شدي حيلك بقي

    هههههههههههههههههههههههه

    زي الملايكه نورتي المطبخ بجد

  7. #7

    تاريخ التسجيل
    Nov 2008
    الدولة
    مصر
    العمر
    44
    المشاركات
    768
    اقتباس المشاركة الأصلية كتبت بواسطة النجمه الحائره مشاهدة المشاركة
    الاخ العزيز صافيولا
    انا موت من الضحك لدرجه انى نسيت الوصفه
    كل شويه ارجع اشوف الخطوه الى قبلها
    بس فعلا فعلا روعه
    و تسلم اديك وعقبال الطبخات التانيه
    ههههههههههههههههههههههههههههه
    وربنا يستر علينا
    الاخت الغاليه النجمه الحائره

    والله يانجمتنا احسن حاجه في الطبخ بتاعي ده

    انك ماتعرفيش راسك من رجليك

    وفي الاخر تروحي تاكلي من الصدمه ماتحسيش باي الم في المعده وخليها علي الله

    ههههههههههههههههه

    نورتي الموضوع بجد والمطبخ نور بوجودك

المواضيع المتشابهه

  1. مشاركات: 19
    آخر مشاركة: 08-11-2011, 10:50 AM
  2. مشاركات: 22
    آخر مشاركة: 16-04-2009, 03:28 PM
  3. يوميات صافيولا في مطبخ أم الدنيا (( المشبك ))
    بواسطة صافيولا في المنتدى المطبخ
    مشاركات: 34
    آخر مشاركة: 27-02-2009, 11:27 PM
  4. مشاركات: 10
    آخر مشاركة: 09-01-2009, 02:10 PM
  5. اطباق الدجاج لمحبى الدجاج
    بواسطة MOON LOVE في المنتدى المطبخ
    مشاركات: 4
    آخر مشاركة: 14-09-2006, 01:21 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •