النتائج 1 إلى 8 من 8

الموضوع: تيراميسو بالصور .. تأليفي طبعاً.. و ربنا ستر .. !

  1. #1

    تاريخ التسجيل
    Feb 2004
    الدولة
    على سطح الأرض
    العمر
    41
    المشاركات
    6,178

    Icon19 تيراميسو بالصور .. تأليفي طبعاً.. و ربنا ستر .. !

    بسم الله الرحمن الرحيم ..
    حبايب قلبي ..
    إزيكم .. عاملين ايه ؟؟
    يا رب تكونوا بخير ..
    النهاردة عملنا تيراميسو .. هو في الواقع تلات ترباع المقادير اللي طلبوها مني مالقيتهاش اصلا ..
    و كنت راجعة من الشغل .. فاستسهلت و استقربت .. نقيت الموجود و خلاص .. همة اي نعم حصل حالة استغراب .. و حالة ايه العك اللي هتعكيه دة امال فين كذا و كذا و كذا .. و الناس و الضيوف ..و ووو ...
    بس المهم .. لما خلوني اعمله .. قلت اصوره .. طلع حلو كدة و ينفع يتاكل .. احطهولكم ..
    طلع وحش و اترمى و كسبوا همة رهانهم انه مش هينفع الا بالمقادير اللي طلبوها .. يبقى اسكت خالص و ماحطش الصور
    اول ما عملناه و قطعناه و كدة .. طلع حلو جدا .. و احلى من الوصفة اللي احنا متعودين عليها ..


    عاوزة انبه على حاجة مهمة .. التيراميسو ضار جدا .. باتكلم جد ..
    الحتة الواحدة فيها 570 كالوري .. !! دة لو قسمنا الصينية على 12 قطعة !!
    احنا مش بنعملها كتير .. يعني كل فين و فين .. زي التشيز كيك كدة .. مناسبة مثلا .. او ناس .. ضيوف ..
    غير ان كلها كريمة و فيها كوليسترول عالي شوية .. و القطعة الواحدة على فكرة بتبقى تقيلة جدا ..
    يعني يادوبك يتشرب جنبها قهوة خفيفة سودة .. او شاي خفيف ..

    الحاجات دي لما باعملها في البيت .. بابقى مبسوطة اوي .. لأن محدش بيرضى ياكلها من برة بعد ما بيدوقها في البيت ..

    المقادير ..
    500 جرام Heavy Cream
    400 جرام جبنة كريم .. انا استعملت فلادلفيا .. الوصفة الاصلية المفروض الماسكربون تشيز..
    2 فنجان حليب ( فنجان القهوة )
    2 فنجان سكر ( فنجان القهوة )
    2 ظرف كريم شانتيه
    4 معالق كبيرة حليب بودرة
    رشة فانيليا
    مج نسكافيه محضر من مية مغلية و معلقة و نصف نسكافيه ( و نسيبه يبرد خالص )
    علبة بسكوت شاي
    سويس رول كان عندنا .. ممكن تستبدلوه بطبقتين بسكوت على فكرة .

    الطريقة ..

    استعملت قالب التشيز كيك .. القالب المتحرك ..
    قطعت السويس رول .. و غمسته في النسكافيه .. و رصيته في القالب ..



    خلطت ( الجبنة + الكريمة التقيلة + الحليب البودرة + السكر +الفانيليا + الحليب السائل + الكريم شانتيه ) مع بعض ..



    و حطيت نص المقدار فوق السويس رول كدة ..



    بعدين جبت بسكوت الشاي .. غمسته في النسكافيه برضه .. و رصيته فوق الخليط ..



    و بعدين كملت باقي المقدار ... كدة ... و دخلته التلاجة عشان يجمد .. يا دوبك ساعتين و نص ( التلاجة مش الفريزر )



    دة شكله بعد ما طلع من التلاجة .. زينته بشيكولاتة سوداء و بيضاء مبشورة و كاكاو و نسكافيه مطحون ..





    و دي حتة .. بس ايدي اتهزت و انا باصور ..


    .......

    بالهنا


  2. #2

    تاريخ التسجيل
    May 2004
    الدولة
    مصر
    المشاركات
    2,206
    أنفال

    كل حاجة من إيدك حلوة...

    أنا بحب جدا التراميسو.. بس المشكلة إن محدش فى البيت بيحب النسكافيه خالص... غيرى طبعا..

    يعنى إذا عملتها هضطر آكلها كلها لوحدى...

    وانت بتقولى حتة واحدة كفاية....

    أيه رأيك ناكلها سوا؟؟؟

  3. #3

    تاريخ التسجيل
    Sep 2008
    الدولة
    الاسكندرية
    المشاركات
    1,618
    شكله شهى وكتير بحبه جداااا ..
    تسلبم ايدك اختى العزيزه انفال ...
    هجربه على طريقتك اكيد ...
    شكرا لمجهودك الرائع...

    "سبحان الله وبحمده سبحان ربى العظيم"





  4. #4

    تاريخ التسجيل
    May 2006
    الدولة
    بورسعيد
    العمر
    41
    المشاركات
    7,021
    شكلها جميل فعلا أنفال........

    انا الحقيقة معرفش الصنف ده أصلا.........بس أوعدك إني هجربه على العيد..يا رب أعرف أعمله زيك.....بس لو حد جراله حاجه هجيب العيب على اللحمة....و أقول إن الخروف كان expierd

    تسلم إيدك.........تحيـ ـ ـ ــاتي
    بسم الله الرحمن الرحيم

    {قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعًا إِنَّهُ هُوَ الْغَفُورُ الرَّحِيمُ}


  5. #5

    تاريخ التسجيل
    Nov 2005
    الدولة
    في البيت اللي جنب بيت الجيران
    العمر
    33
    المشاركات
    7,323
    إييييييييييييييه الحلاوة دي
    شكله لذيذ قوي تسلم ايدك يا انفال هجربه شكلي كده هتعلم الطبخ علي ايديكوا هههههههههههههههههههههه


    وَأُفَوِّضُ أَمْرِي إِلَى اللَّهِ إِنَّ اللَّهَ بَصِيرٌ بِالْعِبَادِ




  6. #6

    تاريخ التسجيل
    Mar 2005
    الدولة
    فيصل - الجيزة
    العمر
    48
    المشاركات
    4,078
    الله الله الله

    في ناس بتصور من ورايا وإلا اييييييييييه


    بس بجد ..

    تسلم إيدك يا انفال

    انا برضة مكنتش أعرفة زي إيمان
    بس أكيد حجربة .. لأن شكله يستحق فعلا التجربة

    بس بعد العيد طبعاً ..
    كفاية كوليسترول اللحم والفتة

    خالص وأرق تحياتي،،،

  7. #7

    تاريخ التسجيل
    Nov 2008
    الدولة
    مصر
    العمر
    44
    المشاركات
    768
    عذرا سيدتي اعتقدت من اسم الموضوع ان التيراميسو هو احد انواع الديناصورات المنقرضه

    لكني وجدت نفسي داخل قسم المطبخ وامام وجبه شهيه

    سلمت يداك سيدتي

  8. #8

    تاريخ التسجيل
    Sep 2005
    الدولة
    محافظة البحيرة
    العمر
    42
    المشاركات
    1,456
    يا باشا احنا بنقول حلويات قايلة السعرات .. عشان نخس .. و انتي جايبالنا صنية فيها يجي 7000 كالوري ..
    ماشي يا باشا اي حاجة من ايدك حلوة .. بس انا مش ناوية اجربه خالص ..
    حبيبة قلبي انفال .. تسلم ايديكي ..
    خالص ودي ..
    فيها حاجة حلوة ... حاجة حلوة بينا
    حاجة كل مادا تزيد زيادة فيها إنة
    فيها نية صافية ... فيها حاجة دافية
    حاجة بتخليك تثبت فيها سنة سنة
    ام محمد

المواضيع المتشابهه

  1. الطريقة المثلى لكيك البرتقال .. طريقتي طبعاً
    بواسطة أنفـــــال في المنتدى المطبخ
    مشاركات: 4
    آخر مشاركة: 19-03-2008, 09:31 AM
  2. ماسك سريع .. من اختراعي طبعاً
    بواسطة أنفـــــال في المنتدى قاعة الأسرة
    مشاركات: 3
    آخر مشاركة: 20-12-2007, 06:03 AM
  3. هذه أول مشاركة لي ,,, كلمات من تأليفي
    بواسطة ضياء فتحي في المنتدى قاعة الخواطر والقصة القصيرة
    مشاركات: 8
    آخر مشاركة: 18-03-2007, 08:15 PM
  4. إلى دُنـيـا ـ ـ ـ طبعاً بعد إذن أبوها د.فوزي ـ أبو دنـيـا !
    بواسطة عصام علم الدين في المنتدى قاعة الشعر العامي
    مشاركات: 6
    آخر مشاركة: 09-09-2006, 02:13 PM
  5. أقاصيص صغيرة جدا جدا ....من تأليفي...
    بواسطة سحر الليالي في المنتدى قاعة الخواطر والقصة القصيرة
    مشاركات: 0
    آخر مشاركة: 27-02-2005, 11:54 PM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •