يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 1 من 9 123 ... الأخيرةالأخيرة
النتائج 1 إلى 10 من 84

الموضوع: بورتريه مع ..... المايسترو الفنان صفحات العمر

  1. #1

    تاريخ التسجيل
    Jul 2007
    الدولة
    فوق الشجرة
    المشاركات
    2,710

    بورتريه مع ..... المايسترو الفنان صفحات العمر



    جايين ومعانا
    فى البورتريه ضيف
    على قلبنا دايما خفيف
    ونقول ونرسم
    بالكلام ويا الحروف
    ونجمنا
    شاعر مش اى شاعر
    حروفه نبض للمشاعر
    صدق
    طهر
    طيبه
    براءه
    كلامه حق واعر
    مهما أوصف واقول
    وجوه منه أصول وأجول
    اسمه عنوان لعزفه
    يخطفنا م الدنيا لحنه
    وتأثيره ما ابدا يزول
    شاعرنا
    يهمس لنا ويقسم
    بكلام تغريد
    المايسترو الفنان



    معاه دايما فيه جديد
    من لحن للحن
    أنسان مشتاق
    محب لكل المعانى
    يملأ صوته
    نغم أصيل للأغانى
    تقراه وتزيد
    وتلاقيك بتعيد
    وتقرا من تانى
    مشهور بصفحات العمر
    واللى يهمه حسه بالأمر
    لا يهم فين انكتب
    ولا فين اتقرا
    المهم يسعدك
    لما عليه تمر
    هوه اللى قال
    صباح ومساء الحب
    وبحنان علينا طب
    وقال كان ياما كان
    وأهدلنا ظرف زمان
    وقال ظروف
    ومحتاج يا شاعر أسألك
    وقال لسه
    لسه طفل
    وقال برئ
    ومعاه الدليل
    ولحظه
    وخلانا معاه نفضفض
    تحت جميزة بلدنا
    ولحظات اللقا معاه
    هتبقى عيدنا

    ارجوا ان تبحر معنا بالقصد والمعنى
    بنص حكاية حرف ومنه هتكون البدايه
    وعشان تحكلنا الحكايه

    والاقيك...
    وقت ما يتوه الصدق تغِير
    وتعيش إنسان
    مش حابب إنك تبقى ملاك
    وف وقت الشده تموت عطشان
    خليك إنسان
    صفحاتك شايله تاريخ العمر الجاى
    من غير تزوير
    وتسَامِح وخز الوجع الساكن فيّا وفيك
    جرّب..
    متخافشى من المحاذير


    ممكن تحكى لنا حكاية حرف محمد سعيد وامتى بدأ ووصل لفين ؟؟



    وكمان

    طب ليه بنسكت لما نحتاج للكلام؟
    عشان كهوف الخوف بتحبس جوه جواها الامل
    ومفيش حقيقه فيها معنى بيكتمل
    الخوف يضيع كل شىء
    بيفطس الحلم البرىء
    قبلن ما حتى نحلمه
    ونفوق على الهم التقيل
    ايه اللى مفروض نعمله؟؟؟
    نتلاقى يوم من غيرميعاد!!!
    يا قسوة الليل اللى لابس كل يوم
    توب من سواد


    أستاذى الفاضل الكريم

    هل الخوف ممكن يحبس كلمة محمد سعيد الفنان والأنسان ؟؟

    وما هو حلم محمد سعيد اللى لسه متحققش ؟

    كلمنا ببوح عن واقع الشعر والشعراء بالشبكة العنكبوتيه ؟؟؟؟



    محتاج يا شاعر اسألك

    وافرش على الارض الكتب والكرسات
    واقعد قبالك وافهمك
    اصلك يا شاعر زى اجدعها طبيب
    ولو ف يوم شمسك تغيب
    بيغيب معاها حجات كتير
    بيعز على قلبى ساعات
    لما يتوه منا الضمير
    والقانا برضك مهزومين
    ما بين آلاف الاسئله
    وما بين وبيبن
    لسانا يا شاعر بننسى اننا
    فى الاصل طين
    محنا بشر
    وهو فيه اجمل من الطين لما يطرح سنبله
    ويمد ايده للخلايق بالشجر
    ضلايه تجمع تحتها مليون حبيب
    ولاّ يضم ف حضنه بذرايه عشان..
    تطرح ف يوم ..
    لما الغمام فوق السحاب يبعت لها حبة مطر
    آآآآآآآآآآآآه يا بشر


    ايه السؤال اللى دايما بيسأله محمد سعيد لنفسه ومش لاقى أجابته ؟؟؟؟؟؟



    وتحت جميزة بلدنا يحلو الكلام
    انتظروا باقى الحديث مع صفحات العمر






  2. #2

    تاريخ التسجيل
    Jul 2007
    الدولة
    فوق الشجرة
    المشاركات
    2,710

    بورتريه مع ..... المايسترو الفنان صفحات العمر


    حبك للبلد مصرنا الحبيبه هيه مظلومه والا ظالمه
    والا هيه اللى اتغدر بيها وفارقها الحبيب وصبحت وحيده ؟؟؟؟

    تحت جميزة بلدنا

    تحلى الفضفضه والكلام الحلو

    من غير زحام ولا خضخضه

    والنسمه جايه زعلانه

    نفسها مره تبقى فرحانه

    ايه هتقولها بكلمتين حلوين تصبرها على اللى بلاها ؟؟؟


    استاذى
    محمد سعيد
    بيقول كان لازم


    كان لازم
    قبل ما تاخد خطوه تقيس
    وتحط حدود
    وتّربس حبة ترابيس
    كان لازم
    قبل ما تضحك ضحكه تشوف
    الضحكة هتوصل ولاااا
    هيصفر قلب مداها ..
    تراب الخوف
    كان لازم
    قبل ما تنطق أيها حرف
    تاخد بالك من التشكيل
    وتحاذر
    من كسرة حرف الجر
    ف ضمة عِز الليل
    كان لازم
    تعمل لخريطة أيامك
    تضاريس ومضيق
    السهل ف كل شوارع عمرك
    صعب التصديق
    كان لازم
    تحسب الف حساب وحساب
    من قبل ما تفتح قلبك
    وتنـــــام
    من غير ما تسد الباب
    كان لازم
    كان لازم



    أستاذى ما هى مساحة التلقائيه بشعر محمد سعيد ؟

    وهل فعلا لازم نحسب ونحبس خطاوينا قبل ما نخطيها ؟؟

    يعنى نلغى الإنطلاق من مشاويرنا ؟؟


    هل فعلا الشاعر بحالة حب متواصله من أجل الإبداع ام ممكن يكتب
    من اجل التواجد ويستدعى الحاله الشعوريه المختزنه بالذاكره ؟؟؟؟؟؟؟




    وبيسأل شاعرنا محمد سعيد

    ويا صبيه خبرينى


    محتاج هِنا
    أنا أسألِك
    وأركن على ضعفك دموعى
    وإن كنت أنا
    لا امتلك
    تلصيم شروخك
    او صدوعى
    تفتكرى فيه لسه كدة ؟
    أنا حاسُـه حلم !
    تفتكرى ممكن يتوجد فارس يقول
    لو كان بجد تمنها دم
    !
    !
    الكدب شاع
    والصدق موصوم بالتهم
    والمتهم
    عمّال يزوق ف القناع
    لمّا العمّا
    ف قلوبنا عم
    ولا عدنا من قيد ضعفنا
    نوصل رحم
    مين يا صبيه اللى خطف لوّنك
    وفوّر ..
    ف الحروف الدم؟

    انا شخصيا من أكتر المعجبات بهذا النص
    والصور الجماليه اللى فيه
    زى واركن على ضعفك دموعى
    حقيقى تصوير رائع وجميل



    أستاذى محمد سعيد على مين ممكن يركن دموعه ويشتكى ويبوح بكل اللى جواه ؟؟؟


    أستاذى ايه شعورك لما تحس ان كل صدق الناس مجرد
    وهم وكلام فوق سطور
    وان الحروف ممكن تجور
    ومش مسموح لقلبك
    لاى شط أمان العبور
    الرد هيكون بكلام موزون للمايسترو ؟؟؟؟




    شاعرنا المايسترو صاحب الحرف الصادق والحس النابض

    ايه رايك بالغربه لما تحسها وانت وسط ناسك وهل الغربه غربة فراق ومكان ؟؟؟؟



    وكتب مبدعنا ندعة دفا
    والاحساس بالوفا



    لما دى يا دوب يا دوب
    ندعة دفا
    يبقى يا بحر الحنان
    يا ابتسامات الصفا
    شكله إيه مكنون كنوزك
    قلبى سِكنك ..
    وأكتفى
    أصله حس آمان آمانه
    حس خالص بالشِفا
    من يادوب يا دوب يا دوب
    نِـدعة دفا




    الحب / الأمل / الغدر/الوفاء / الحياة/ الألم

    كلمات لأى شاعر لها معنى ومغزى لو طلبت من حضرتك لكل كلمه

    توجه لها رساله بشعر محمد سعيد هتقولهم ايه ؟؟؟؟




    انتظروا باقى الحديث مع صفحات العمر



    التعديل الأخير تم بواسطة الشحرورة ; 01-11-2008 الساعة 10:13 AM


  3. #3

    تاريخ التسجيل
    Jul 2007
    الدولة
    فوق الشجرة
    المشاركات
    2,710

    بورتريه مع ..... المايسترو الفنان صفحات العمر




    أشعارك كلها بها نظرة فلسفيه خاصه فقط بمحمد سعيد مفهومها الحب بشكل عام

    الحبيبه عنده مش بمفهومنا دايما القريب

    مره البلد مره الأم مره الألم مره القيم

    صح والا انا غلط ياريت تكلمنا عنها أكتر

    مين ..... الحبيبه بأشعار محمد سعيد ؟؟؟؟؟؟؟؟؟؟؟





    بما ان حضرتك شاعر وعندك خبره تتيح لك فرصه

    لمساعدة الغير دورك ايه بالنسبه للمواهب الصاعده ؟؟؟؟

    وهل كل من كتب وكلامه كان مقفى وموزون بقى شاعر ؟؟؟






    أستاذى ايه رايك بمن يسرقون إبداعات غيرهم وينسبوها لنفسهم

    هل تنصح شعراء النت بتجميع أعمالهم بداووين موثقه ؟؟

    ديوانك صفحات العمر اول ديوان لحضرتك

    ممكن تلقى عليه بنبض ضوء حرفك كتعريف له؟؟

    وديوانك التانى اخباره ايه ؟؟




    أستاذى تعبناك معلشى استحملنا الحوار معاك ممتع

    اتصالات منتدانا منحتك 6 رسائل لشخصيات بمنتدانا الحبيب

    من اى قاعه ممكن تختارهم مين وهتقولهم ايه ؟؟؟



    الشعراء الموجودين يقاعات الإبداع التالى اسمائهم

    الشاعريحيى زكريا/الشاعر عصام علم الدين/الشاعر شاعر الرومانسيه

    الشاعر الشربينى خطاب / الشاعر رضا لابى

    كمان توجه رساله لكل منهم ؟؟؟؟



    ورساله توجهها لمحمد سعيد ياترى هتقوله ايه انا سامعه ؟؟؟؟؟؟



    واخيرا ويارب ما يكون اخيرا

    رساله لموضوع بورتريه بالسلبيات اللى فيه

    واللى ممكن نتلاشاها باللقاء القادم هتكون ايه ؟؟؟



    حوار شيق مع فنان مبدع

    بإنتظار التشريف والحضور

    ومنتظرين كمان الجمهور .....

    لكم ودى واحترامى










  4. #4

    تاريخ التسجيل
    Mar 2005
    الدولة
    فيصل - الجيزة
    العمر
    46
    المشاركات
    4,078
    [frame="7 70"]

    صاحب قلم ..
    بالحرف علّم


    تحت جميزة بلدنا..
    الورد غنّا
    واترسم فوق الجبين..
    ياسمين وحنّه
    والندى فى الفجر
    صبّح على الوشوش..
    الطيبين من غير رتوش
    والجو متعطر..
    بريحة الفل
    على الخد يطبع..
    وردة بيضا
    لما يميل عليه ويطل
    وانا وانتم هنا ..
    يجمعنا حب وشوق
    ياخدنا..

    تحت جميزة بلدنا..





    تحت جميزة بلدنا..

    فتى ..بالحرف يتكّلم
    كلمته صادقة..
    فى القلب ترشق وبتعّلم
    شايل سلاحه
    بين اديه .. قلمه
    ومنهجه أساسه
    و طول عمره
    يفرش قلبه..
    لصحبه ويضُمّه
    يهَوّن عليه..
    كتير أزمات
    يوصل بيه ولِيه..
    كتير بسمات
    ويطرح حب ..
    من حواليه
    عشقه لكلمته..
    جوّة منه ماليه
    اسمه .. زى رسمه
    وواخد مالعمر
    أجمل الصفحات


    [/frame]

    تسلم أيدك يا
    شحرورة


    صفحات جميلة .. من صفحات العمر

    الاخ الجميل .. والشاعر الرقيق
    محمد سعيد


    ننتظر .. كي نبحر معك
    وقلمك راقي الحرف

    خالص وأرق تحياتي،،،
    التعديل الأخير تم بواسطة شاعر الرومانسية ; 01-11-2008 الساعة 09:01 AM

  5. #5

    تاريخ التسجيل
    Jul 2008
    الدولة
    إسكنـ عاشق ــدرية
    العمر
    51
    المشاركات
    5,605
    حلو الحروف
    مالى الكفوف
    من نبع صافى
    لكل الظروف

    يحكى الحكاية ببصمته
    والكلمة عنده بلسمة
    تدخل فى عماميق الفؤاد وتلجمه
    بحروف قوية مبلسمة متحكمة
    برفايع الكلمة العجيبة إنما
    تخرج من الخلواية
    والمتعة جم حكاية
    وسؤال بفرحة منغمة
    يلقى الردود لِيه مغرمة

    حرفه الجميل أنا باتمناه
    خطو الصبايا عاشقة هواه
    عطر النقط فى كلامه شذاه
    لو كان مروره وده شئ غالى
    يكفى نظرة عينه وضياه

    الأخت الفاضلة
    الشحرورة


    دوماً تقدمين لنا أفكاراً رائعة
    ونقضى معك وضيوفك أحلى الأوقات
    سلمت إختياراتك

    وكم كان إختيارك موفقاُ
    فى ان تبدأى موضوعك بهذه الشخصية
    المحترمة الرائعة المحبوبة
    حبيبنا
    صفحات العمر
    الشاعر الكبير
    محمد سعيد

    لك خالص التحية والتنقدير
    التعديل الأخير تم بواسطة reda laby ; 01-11-2008 الساعة 10:26 AM
    قل اللهم اغفر للمؤمنين والمؤمنات الأحياء منهم والاموات

  6. #6

    تاريخ التسجيل
    Sep 2004
    الدولة
    حلوان
    العمر
    54
    المشاركات
    4,983
    عشقت لون المحبه سكْــنته فى دمى
    وسمعت وصف الأحبه للغربه زاد همى
    فرشت توب الوصال فى ضل جميزة
    وناديت بعلو الصوت
    قرب هنا يا حلمى
    تحت جميزة بلدنا
    الحصيره تساع آلاف
    تلقى ضحكة قلب صافيه
    لو بناكل لـقمه حاف
    تلقى ناسنا الطيبين
    متلاقيش أى اختلاف
    أصل طبع الأرض طيب
    واحنا أولاد بطنها
    طينه واحده
    دم واحد
    من شمالها لشرقها


    مساء المعنى وجمالة
    يا راسمة بالحروف صورة
    مساء الشعر لما يكون
    ف غنيوة لشحرورة
    مسائك ورد نيل أبيض
    وقمراية
    وفنجان شاى
    وحق الخالق الأعظم
    منا عارف يا ست الكل
    أعبر عن شعورى إزاى

    أختى الغالية / الشحرورة
    هنا تتضائل كلمات الشكر
    ولا أجد الا مزيد من الخجل
    أمام كل جميل صنعة حرفك هنا
    أسعدك الله أيتها الرائعة
    ودمتِ لى أختاً بمعنى الكلمة
    لى عودة بإذن الله للإجابة على كل الأسئلة
    تقديرى وأحترامى لكِ بلا حدود

    أبناء مصر حب وإنتمـــاء

    سبحانك اللهم وبحمدك أشهد أن لا إله إلا أنت استغفرك وأتوب إليك

  7. #7

    تاريخ التسجيل
    Feb 2008
    الدولة
    MCV MerCeDieS
    العمر
    31
    المشاركات
    7,096
    السلام عليكم ورحمة الله وبركاته

    استاذى الجميل

    محمد سعيد

    لو تسمح لى ان اسالك

    هل قال لك احدهم يوما انك تملك قلبا ماسيا يحب بلا حدود ويرحم بلا قيود وينير الدنيا بلا سدود

    استاذى الجميل ننتظر اجابتكم التى اثق باذن الله انها ستكون كم عودتنا ميزان لصفاء وعلو الكلمة داخلكم


    استاذى الفاضل تقبل تحياتى

    ودعواتى وتمنياتى اليك بقضاء صفحات عمرك فى طاعة الله وحب رسول الله صلى الله عليه وسلم
    IIIIII am back



  8. #8

    تاريخ التسجيل
    Apr 2005
    الدولة
    القاهرة
    العمر
    57
    المشاركات
    441
    أنا جاي تاني
    حبيت أسجل حضوري للموضوع
    وراجع بما يجب
    أحمد ابراهيم

  9. #9

    تاريخ التسجيل
    Jul 2006
    الدولة
    القاهره
    المشاركات
    766
    محتاج يا صاحبى أسألك

    لما الوداد بينا سلك

    عشنا الوفا عمر السنين

    حتى الأنين

    لو جه لواحد مننا

    معرفش ليه شيلناه سوا

    راح الانين منا وهلك

    محتاج يا خلِّى أسألك

    كفك لدمعى ياما شال

    عديت معاك أيام محال

    ما حبنا يوم اتقهر

    يا حب فى الدنيا ظهر

    يملا قلوب الطيبين

    يمسح دموع التعبانين

    نفسى أقول لك من سنين

    إنسان أنا وانت مَلَكْ


    حبيبى محمد سعيد

    رغم اننا كنا سوا من يومين انما برضو واحشنى يا عمنا ...

    سؤال بقى ..

    ايه احلام محمد سعيد الشاعر فقط ..



















    التعديل الأخير تم بواسطة صفحات العمر ; 04-11-2008 الساعة 10:13 PM
    قوم يا مصرى مصر دايما بتناديك....خد بنصرى نصرى دين واجب عليك..
    yehia_poem@hotmail.com

  10. #10

    تاريخ التسجيل
    Feb 2007
    الدولة
    Gأ®za, Al Jizah, Egypt, Egypt
    العمر
    34
    المشاركات
    14,105

    مبتسم



    شمس المنتدى وقمره / الشحروره


    لا يوجد أروع من أفكارك ولا تميزك فى الحوار

    أخترتي لنا ضيف هو عنوان الاسرار

    فى بحور فكره نغم وفى لحن حياته أنوار

    عازف على نبض الكلمه فـ حقاً حوارك مختار

    أشكرك يا شحروره على الفكره والاداء والضيف والتميز

    المايسترو/ صفحات العمر


    تميزت أستاذى فيما جئت لنا من كلمات

    فأنت دائماً شاعر الشجن والحروف والعبرات

    فهنيئاً لك على هذا الحوار الشيق

    وتمنياتى بالنجاح ياعندليب الرباعيات

    تحياتى

    مملكة الحب
    وقعت في خلق شيكا بيكا

    يشوفو الصح دايماً عيب

    لا يمكن أبقى أنتيكا !!!

    وأبيع أفكاري في الكراكيب .

    هايدى دياب



صفحة 1 من 9 123 ... الأخيرةالأخيرة

المواضيع المتشابهه

  1. الفنان حمزه نمره يعزف دموع المايسترو محمد سعيد
    بواسطة عصام علم الدين في المنتدى قاعة الشعر العامي
    مشاركات: 30
    آخر مشاركة: 13-04-2012, 12:23 PM
  2. ألف مبروك شاعرنا الجميل صفحات العمر لصدور ديوانه الجديد (صفحات العمر )
    بواسطة amal3 في المنتدى قاعة التعارف والمناسبات
    مشاركات: 42
    آخر مشاركة: 28-01-2007, 02:34 PM
  3. استجواب مشرف- المايسترو/ صفحات العمر
    بواسطة سابرينا في المنتدى تحت دائرة الضوء
    مشاركات: 32
    آخر مشاركة: 22-01-2007, 06:33 PM
  4. من صفحات العمر
    بواسطة شيماء علي في المنتدى قاعة الخواطر والقصة القصيرة
    مشاركات: 8
    آخر مشاركة: 05-01-2007, 11:02 AM
  5. القبض علي المايسترو صفحات العمر في مطبخ ابناء مصر
    بواسطة أم أحمد في المنتدى المطبخ
    مشاركات: 47
    آخر مشاركة: 21-12-2006, 10:16 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك