صفحة 1 من 6 123 ... الأخيرةالأخيرة
النتائج 1 إلى 10 من 56

الموضوع: بعدت عنكم في زحام مصر القديمة ....احاول اقابل ناس تانين؟؟

  1. #1

    تاريخ التسجيل
    Sep 2002
    الدولة
    مصري بالكويت
    العمر
    49
    المشاركات
    3,446

    تعجب بعدت عنكم في زحام مصر القديمة ....احاول اقابل ناس تانين؟؟

    في زحام مصر القديمة وشوارع عدت عليها السنين
    عملت فيها حاوي وسط ألوف وملايين
    ونزلت دروب القهاوي آحاكي ناس متنطورين
    اللي منهم بالخير لسه عمرانين
    ومنهم ناس بالحقد قلوبهم مليانين
    ومن زحام روس البني آدمين
    وفي وسط بتوع ذره علي بياعين
    علي ناس في الدنيا متقمعين
    شفت من العينة اللي جايين

    أصحاب وعلي الحب متجمعين
    واللي من بلدنا بينادي ياهو سامعين
    إبن بلد والمجدعة طبع الطيبين
    والتاني من وطنا في بلاد الغربة من المتغربين
    عارف إزاي يكون جنب المحتاجين
    والاتنين مشكلتهم خلتهم من الحيرانين
    لا عارفين يجيبوا حق المظلومين
    ولا علي الحياد من الواقفين
    بس لجل الحق دول من المحترمين
    اللي وقت الشدة تلاقيهم من الصامدين

    علي ناس بقه من بلاد الغربة موجوين
    من بلاد الشام قهاوينا زايرين
    وجوه نفوسهم لبلادنا كل حنين
    رقة وعذوبة جرسها بيدي رنين

    علي بنت حلوة شقية حستها من التايهين
    فاكرة الطبخة غية أتاريها من الساذجين
    الدنيا فيها كتير من الناس خاينين
    يرموا الكلمة عليهم ويعملوا فيها غلبانين
    بس مش قضيةلانهم مش عارفين انهم هما الخسرانين
    والشقية اخرتها بخفة دمها هتبقي من الكسبانين

    واللي من دمها اللي فاكره اهل الارض لسه خيرين
    طيبتها وفكرها انها تفضل في طور المطنشين
    هتخليها عرضه لطمع الطماعين
    وتبقي دبيحة لكل من هب من الجزارين
    لازم تفوق وعلي حقها تخاف ولا تبقي من الوهمانين
    ولا تفضل علي طول كده من الناس الصبرانين

    اما الباقي بقه حبة عيال لبش مجانين
    علي القهاوي وفي الزحمة متلقحين

    علي بتاع دين لسانه بيتمتم ياسين
    في حاله وكان في القهوة من الواعظين

    وشوية منهم في السياسة متكلمين
    لسه بيفكروا في دير ياسين

    وتلاقي شاعر علي اديبة بالأدب متمسكين
    علي غيرهم يا خويا ...متعالين متكبرين
    وهمه شوية أفاقين
    أخرهم نصابين محتالين
    بيقولوا كلام فشر كلام البياعين
    تفتكره ساعات نداء السماكين
    أو حتي رغي هواية الحلاقين
    ينده بشعره يكلم ناس عاقلين
    عاملينلي فيه آل إيه مثقفين
    ومن جواهم عالم صراصير تافهين
    مع ان الكلام لغة الزجالين
    مش لعبة في ايد الدجالين

    بس منكرش ان لقيت فيهم موهوبين
    وللأدب والفن لسه محبين
    مش لازم بالشعر يكونوا رغاين
    بس من اوتار القلب عازفين
    وبكلام الغير طلعوا من الحاسين

    ياتري من كلامي بقيتوا من الزهقانين؟
    ولا انتم مش فاهمانين؟
    ولا لسه للشرح محتاجين؟
    ولا يمكن فاكرني من الزنانين؟
    او لاسمح الله أقصد ناس معينين؟
    أو بأرمي علي اللي بمناخرهم محشورين؟
    ولا حتي زانق نفس وسط الفنانين؟
    وفي الادب يمكن من المتمحكين؟
    بس أوعي منكم يقول بيستهبل وكبيره من الزبالين
    انا بس بأرسم صورة لبشر بني آدمين
    أو حتي اعتبروني علي القهوة ضمن ناس معدين
    بس مستغربين
    لا تخرجوني من القهوة ضلوعي مكسرين
    ولو مش عاجبكم قولوا حتي بيجرب كلام في اخره ....ين؟؟؟؟
    التعديل الأخير تم بواسطة وادكول مش معقول ; 02-10-2002 الساعة 10:41 AM

  2. #2

    تاريخ التسجيل
    Apr 2002
    الدولة
    القاهرة
    العمر
    41
    المشاركات
    25,573
    كلامك رائع
    واد كول مش معقول

    ههههههه

    و ربنا يستر علي الجميع
    يا اصيل

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

  3. #3

    تاريخ التسجيل
    Sep 2002
    الدولة
    lebanon
    العمر
    40
    المشاركات
    1,134
    كلامك فيه الكثير من الحقيقه !!!!!

    وعلى رأي ابن البلد ربنا يستر على الجميع !!
    اللهم انا نسالك حبك وحب من يحبك وحب عمل يقربنا الى حبك ... اللهم انا نسالك ان تجعل حبك هو احب الاشياء الى قلوبنا... اللهم امين
    link to my Gallery

  4. #4

    تاريخ التسجيل
    Jul 2002
    الدولة
    كندا
    المشاركات
    5,993
    يا اخي لك واحشة
    واد كول مش معقول
    غاية من الروائعة والتنثيق
    جميل--جميل --مجهود تشكر علية
    تسلم ايدك --وواحشتني
    متغبش علينا --مكان محفوظ

    مشرفنا العزيز -- منتظرينك بفرغ الصبر
    المنتدي من غير --ناقصك --يا عزيزي
    منتظر رد --ابو دم خفيف !!!!!!!!!!!
    اخوك --عماد --او ابن مصر

  5. #5

    تاريخ التسجيل
    Sep 2002
    الدولة
    مصريه مقيمه بالكويت..
    العمر
    42
    المشاركات
    2,395

    حمدلله على السلامه .........

    إنت جيت منين ؟؟؟

    وحشتني قوي ............

    :confused:

    :confused:

    طيب ما هما نفس الناس ........ تانين وتالتين مين بس ؟؟؟

    :D

  6. #6

    تاريخ التسجيل
    Sep 2002
    الدولة
    القاهرة-الاسكندرية
    العمر
    49
    المشاركات
    8

    تعجب

    لا ادري ماذا اقول لك ؟
    ولكن ما يسعني قوله انك ترغمني علي احترامك اكثر فاكثر علي الرغم من انك تزيدني انبهارا بقدرتك العجيبة علي التحول من الفكاهة الي الحزن ومن ثم الي ............فن راقي من فنون الزجل وصياغة الكلمات العامية التي تختلف نهائيا مع ما قدمته من خواطر لك .... وسؤالي هنا ؟؟ هل انت من قارئ هذا النوع من الفن ؟؟ والذي نبغ فيه راحلنا الكبير صلاح جاهين ومازال يتحفنا به احمد فؤاد نجم ؟؟؟

    وكذلك اود ان اسالك سؤال ردا علي سؤال لك في الزجل السابق ؟؟الا وهو :
    او لاسمح الله أقصد ناس معينين؟
    أو بأرمي علي اللي بمناخرهم محشورين؟
    لاني احسست فعلا انك توصف ناس تعرفهم بالفعل ..... وقد اتي لي الاحساس هذا من كلمات لا ادري هل تقصدني بها ام لا ؟ مع اني ادعوا الله ان اكون المقصود ....
    بس من اوتار القلب عازفين
    وبكلام الغير طلعوا من الحاسين

    واخيرا ....
    هل انت من المتسامحين ؟
    لكل دمعة ميعـــــاد:130: ولكل ألم فـؤاد
    تخوض النفس بجواد ....... حائرا بين البلاد
    تطلب عفو العباد
    ********************محمود*****************

  7. #7

    تاريخ التسجيل
    Sep 2002
    الدولة
    مصريه مقيمه بالكويت..
    العمر
    42
    المشاركات
    2,395

    إبتسامة عريضة متخفش أوتار .............

    مش عارفه أناديك أوتار ولا قلب ........ أصلهم هما الإثنين حساسين......
    إدخل إتفضل ...... ومتستأذنش .......... ده أهل البيت كلهم بيك مرحبين...
    ده إنت ضفنا ...... لأ بقيت واحد منينا ......... وبكده تبقى زينا من الحاسين...
    بس قبل ما تقعد ............ قولي .......

    أنغام أوتار القلب جابتك ............. ولا هو أنغام أوتار الحنين ؟؟؟



    :D

  8. #8

    تاريخ التسجيل
    Sep 2002
    الدولة
    مصري بالكويت
    العمر
    49
    المشاركات
    3,446
    [gl]ابن البلد[/gl]
    ماشي يا اللي من بلدنا .... ربنا يستر

    [gl]ميلي[/gl]
    ربنا يستر ... ربنا يستر .... ليه هو انا عامل مصيبة ...؟
    وبعدين انا كنت فاكر ان اللي من بلاد الشام قهوينا زايرين ما بيخافوش كده ؟؟
    خلي قلبك جامد ....؟ علشان لو حصل حاجة تجيبيلي عيش وتبولة في السجن

    [gl]ابن مصر[/gl]
    ايه ياعم وحشك ليه هو انا كنت مسافر ؟ ده انا يدوبك نزلت اتمشي في شوارعنا القديمة .... وبالامارة قابلتك ؟؟ مش انت برضه من المتغربين ؟؟؟؟

    [gl]فيرجووو[/gl]
    ايه يا ستي هو اللي نعيده نزيده ؟؟ ما قولنا كنت علي القهوة ؟
    صحيح طيبة ومن الطيبين بس لو تبطلي طور المطنشين

    وبعدين سيبيلي من اوتار القلب ده بقه انا ليا معاه قعدة ؟؟

  9. #9

    تاريخ التسجيل
    Sep 2002
    الدولة
    مصري بالكويت
    العمر
    49
    المشاركات
    3,446
    عزيزي من اوتار القلب ...

    اسمحلي ارد عليك بكلام مزوق
    بس بجد ساعات في القلب بيحوق
    وللاعصاب برضه ممكن يروق
    ---------------------------------------------------------------------------------
    البسمة بتبقي علي الشفايف مرسومين
    والضحك علي الخد يخلي الخدود مفرودين
    بس ممكن وقتها يبقي الفكر والقلب معصورين
    ونصحتي ليك اوعي تبقي من المكشرين
    ده الهم والحزن كانوا ل جاهين ملازمين
    وحتي نجم كمان كان دايما من المعتقلين
    هو كده معناه انهم مكنوش من الفرحانين
    وانت فعلا بكلامي من الحاسين
    ياوتر من اوتاري العازفين
    بكده اظن فهمت انك من المقصودين
    اما عن ان كنت انا من المتسامحين
    انا زي زي كل المصريين
    التسامح طبعنا حتي لو كنا من المظلومين
    والديانة عندنا مش كلمة علي بطاقة منقوشين
    دي معاني في قلوب البشر محفورين
    المهم اننا نكون لبعضنا مصدقين
    ونكون لربنا من العابدين
    وده اللي يخلي نفوس البشر صافيين
    وفي حياتنا كده نبقي مبسوطين
    الا شوية مننا للنصحية محتاجيين
    هما مننا بس علي قلوبهم شوية حجر علي طين
    بس لازم في يوم يرجعوا حتي لو مرت السنيين
    وحتي لوكانوا من البشر اللي علي تعليمنا عامليين
    لكن اخرهم ايه بشر بني آدميين
    وبرضه لنا ولطبعنا هيكونوا راجعيين
    وبطبعنا برضه هنبقي من المتسامحيين
    التعديل الأخير تم بواسطة وادكول مش معقول ; 28-09-2002 الساعة 12:06 PM

  10. #10

    تاريخ التسجيل
    Apr 2002
    الدولة
    القاهرة
    العمر
    41
    المشاركات
    25,573
    واد كول مش معقول





























    يوه نسيت

    واد كول مش معقول مشكور

    يا اقرب مني ليا... يا كل الدنيا ديا... يا اجمل حاجة فيا ونور عينيا وحشتني!
    ليالي تغيب عليا ولسه فاكرك يا حبيبي... يا غايب عن عينيا ولسه شايفك ياحبيبي
    بحبك وانت عارف اد ايه انا روحي فيك... ومين في الدنيا بعدك يوم ياغالي يحس بيا




    LolosMail.blogspot.com
    الحمدلله

صفحة 1 من 6 123 ... الأخيرةالأخيرة

المواضيع المتشابهه

  1. مذكرات بانجو ورَوْشَنَة .. الحلقة الثانية
    بواسطة الصعيدي في المنتدى قاعة فك التكشيرة
    مشاركات: 26
    آخر مشاركة: 30-03-2007, 11:34 PM
  2. يا ويلكم يا حكام العرب سيضحون بكم صبيحة العيد فما صدام عنكم ببعيد
    بواسطة قلب مصر في المنتدى قاعة القضايا السياسية
    مشاركات: 38
    آخر مشاركة: 04-01-2007, 07:55 PM
  3. انا احاول الانتحار كثيرا
    بواسطة mervata في المنتدى قاعة الصحة
    مشاركات: 4
    آخر مشاركة: 22-11-2005, 04:47 AM
  4. ترقبوووووووووووا .. مذكرات بانجو .. وأنتيمه رَوْشَنَة
    بواسطة الصعيدي في المنتدى قاعة فك التكشيرة
    مشاركات: 10
    آخر مشاركة: 08-09-2004, 07:35 AM

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيسبوك