يمنع منعا باتا وضع روابط تحميل لأي موسيقى أو أغاني أو برامج أو أي ملفات أو مواد ذات حقوق ملكية فكرية
وأي مشاركة مخالفه لحقوق الملكية الفكرية والنسخ والتوزيع مهما كانت سيتم حذفها وإيقاف عضوية صاحبها فورا
برجاء مراجعة قوانين المنتدى

صفحة 2 من 33 الأولىالأولى 123412 ... الأخيرةالأخيرة
النتائج 11 إلى 20 من 330

الموضوع: جميع الاوبرتات والصور الغنائية المفقودة والنادرة

  1. #11

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    العزيز حسن علام

    اقتباس المشاركة الأصلية كتبت بواسطة حسن علام مشاهدة المشاركة
    كل عام وانتم بخير علي المجهود الطيب
    شكرا
    كل الشكر على مرورك وكل عام وانتم بخير

  2. #12

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    الاخ/ elbshary

    اقتباس المشاركة الأصلية كتبت بواسطة ELBSHARY مشاهدة المشاركة
    ممكن اطلب اوبريت الليله الكبيره

    وعايز "أجازة سعيدة " صورة غنائية من ألحان شوقى إسماعيل "
    أجازة سعيدة
    صورة غنائية
    من ألحان : شوقى إسماعيل
    تأليف : زين العابدين عبد الله
    إخراج : أحمد أبو زيد
    غناء : عبد اللطيف التلبانى – صفاء لطفى – فاتن فريد
    هندسة إذاعية : على حامد – عزت ابو المعالى
    مساعد المخرج : عايدة عبد الله
    =================

  3. #13

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    الليلة الكبيرة


    الليلة الكبيرة
    صلاح جاهين
    سيد مكاوى
    اخراج
    عباس أحمد
    اشترك في الأداء
    شفيق جلال
    عصمت عبدالعليم
    محمد رشدي
    شافية أحمد
    صلاح عبدالحميد
    محمد نصار
    محى الدين الخضري
    عبدالحليم فيروز
    جمال الدين محمد
    محمد سرور

    وأطفال حي الناصرية بالسيدة زينب


  4. #14

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    الليلة الكبيرة


    قبة سيدنا الولي دول نوّروها
    ما أحلى البيادر والناس بيزروها
    قبة سيدنا الولي .. والقهوة عالية
    ما احلى البيادر لما دوّروها
    بتاع الحمص يقول
    حمص حمص تل ما ينقص عالنار يرقص
    حمص حمص تل ما ينقص عالنار يرقص
    حمص حمص تل ما ينقص عالنار يرقص
    يرقص يرقص ويقول .. الي شاف حمّص ولا كلش
    حب وأتلوع ولا ولا طلشي

    تضحك الفتاة .. :
    وتقول
    يسترك هات حبة بقرش
    يضحك الشباب
    ها .. ها .. ها
    حمّص .. حمّص .. حمّص
    حمّص .. حمّص .. حمّص
    أسعى .. أسعى .. أسعى
    حمّص .. حمّص .. حمّص
    حمّص .. حمّص .. حمّص
    أسعى .. أسعى .. أسعى

    مصوّراتي يقول
    خدلك صورة ستة في تسعة
    أسعى .. أسعى .. أسعى
    خدلك صورة ستة في تسعة
    يا سي عجورة النار خسعة

    رجال وبائعين في المولد يقولون :
    الله .. الله .. الله
    عجمبية .. باللوز .
    الله .. الله .. الله
    طعمية .. أراجوز
    الله .. الله .. الله .. الله .. الله .. الله

    الاراجوز يقول ومعه الاطفال :
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    دول فلاحين ودول صاعدية
    دول من البلد ودول رشايدة

    حوار بين الاراجوز والعمدة
    العمدة : يا حضرة الاراجوز قولي
    الاراجوز : نعم يا عمدة عاوز ايه
    العمدة : منين يروحو المتولي
    الاراجوز : فتح يا اخينا وصلي عليه
    العمدة : صلى اللهم صلي عليه
    الاراجوز : تمشي كده على طول على طول لحد ما تلاقي عمارة
    العمدة : لحد ما الاقي عمارة
    الاراجوز : تكسر يمين تلقى بتاع فول دكانته على ناصية حارة
    العمدة : دكانته على ناصية حارة
    الاراجوز : تدخل يمينك وشمالك شارعين وفي التالت تكسر
    العمدة : شارعين وفي التالت أكسر
    الاراجوز : على اليمين واخد بالك .. وتمشي على طول تتمخطر
    العمدة : وأمشي على طول واتمخطر
    الاراجوز : تفضل كده تمشي وتلف .. وتخش من مطرح ما طلعت
    العمدة : وأخش من مطرح ما طلعت
    الاراجوز : ولما تلقى مقلة لب .. تعرف بأنك تهت وضعت
    العمدة : ااهاا دي وصفة سهلة ..
    الاراجوز : سهلة اوي
    العمدة : ودي وصفة هايلة
    الاراجوز : مع السلامة .. مع السلامة .. مع السلامة يا ابو عمة مايلة
    الاطفال : مع السلامة يا ابو عمة مايلة .. مع السلامة يا ابو عمة مايلة
    رجل يدعو الشباب للتصويب ببندقية في المولد يقول :
    فتّح عينك تاكل ملبن
    فينك فينك .. تاكل ملبن
    فتّح عينك تاكل ملبن
    فينك فينك .. تاكل ملبن
    أوعى لجيبك للعيب عيبك
    قرّب .. جرّب .. نشّن
    وسطن ايدك .. وسطن
    أضرب ..
    ضرب أحد الشباب بالبندقية .. واصاب الهدف .. فقال له صاحب البندقية :
    يحميك يا ابني تبقى غالبني
    قرّب خدلك حتة ملبن
    قرّب خدلك حتة ملبن
    قرّب خدلك حتة ملبن

    رجل يبيع العاب للأطفال يقول :
    فوريرة للعيل
    يا ابو العيال ميّل
    خدلك سبع فرارير
    زمّارة شخليلة
    عصفورة يا حليلة
    طراطير يا واد طراطير
    طراطير يا واد طراطير
    طراطير .. طراطير طراطير طراطير
    طراطير .. طراطير طراطير طراطير

    في السيرك رجل يقول :

    الليلة .. اللية السيرك تعالو دي فرجة تساوي جنيه قولو هيه ..
    هيه هيه هيه
    بمناسبة هذا المولد يا ولاد زورنا يا ولاد
    الليلة .. اللية السيرك تعالو دي فرجة تساوي جنيه قولو هيه ..
    هيه هيه هيه
    بمناسبة هذا المولد يا ولاد زورنا يا ولاد قولو هيه
    هيه .. هيه .. هيه
    في السيرك شجيع يهجم على السبع ويركب دغري عليه قولو هيه ..
    هيه هيه هيه
    وبنات قمرات زي الشربات حلوين مش عارف ليه قولو هيه
    هيه .. هيه .. هيه
    وكمان بلياتشو تعالو اسمعو ناتشو
    وشوفو حيعمل ايه قولو هيه
    هيه .. هيه .. هيه
    وكمان بلياتشو تعالو اسمعو ناتشو
    وشوفو حيعمل ايه قولو هيه
    هيه .. هيه .. هيه
    رجل يستعرض عضلاته في السيرك .. او ربما في ركن اخر على أرض المولد يقول :
    أنا شجيع السيما
    أبو شنب بريمة
    أنا شجيع السيما
    أبو شنب بريمة
    أول ما اقول علي هب
    واصرخ لي صرخة
    ها .. ها .. ها
    السبع يتكهرب ويبقى فرخة
    حالا بالا سأصارع أسد أنما ايه متوحش
    وحخلي وجهه شوارع
    تصقيفة يا ناس ميصحش
    حالا بالا سأصارع أسد أنما ايه متوحش
    وحخلي وجهه شوارع
    تصقيفة يا ناس ميصحش
    تصقيفة يا ناس ميصحش

    الاسد وصل .. ويقول الرجل :

    أهو جه أهو جه .. تصقيفة بقى
    أهو جه أهو جه .. تصقيفة بقى
    تصقيفة أومال .. تشجيعة أومال
    تصقيفة أومال .. تشجيعة أومال
    تعالى لالي اللاي اللالي يا حبيبي تعالى لالي
    تصقيفة أومال .. تشجيعة أومال
    تصقيفة أومال .. تشجيعة أومال
    تعالى لالي اللاي اللالي يا حبيبي تعالى لالي
    فرقة موسيقية عابرة .. يقول رجل فيها :
    دقي يا مزيكا

    واحد واقف بشوية أكل .. سمك .. منبار .. فشة في المولد يقول :
    السمك مقلي .. كل وبرقلي
    صنف زي الفل
    استخار واختار
    فشة أو منبار
    يلا يلا سمي وكل
    يلا يلا سمي وكل
    يلا يلا سمي وكل
    يلا يلا سمي وكل
    فتاة تغني وتدعو الأمهات ليباركن أولادهن وتقول :

    يا أم المتطهار رشي الملح سبع مرات
    يا أم المتطاهر رشي الملح سبع مرات
    في مقامه الطاهر خشي وقيدي سبع شمعات
    يا عريس يا صغير علقة تفوت ولا لحد يموت
    لابس ومغير وحتشرب مرقة كتكوت
    يا عريس يا صغير علقة تفوت ولا لحد يموت
    لابس ومغير وحتشرب مرقة كتكوت
    يا أم المتطهار رشي الملح سبع مرات
    يا أم المتطاهر رشي الملح سبع مرات
    في مقامه الطاهر خشي وقيدي سبع شمعات

    بالذمة ده سابع عيّل مزفوف من وقت قليل
    مولد شلاه يا معلم .. عقبال أولادك

    عالقهوة

    رجل القهوة يقول :

    واحد مظبوط واتنين مصري
    عالنار حاضر جايلك دغري

    فنان يغني على القهوة ويقول :

    مساء التماسي .. مساء التماسي
    يا ورد قاعد على الكراسي
    مسى التماسي .. مسى التماسي
    يا ورد قاعد على الكراسي

    رجل جالس على القهوة يقول :
    هات شاي يا دقدق ..

    دقدق رجل القهوة يقول :
    عيني وراسي
    سمعنا يا ريس حنتيرة
    للصبح معاك السهيرة

    الجالسون على القهوة يقولون :

    سمعنا .. سمعنا .. سمعنا .. سمعنا

    الريس حنتيرة يغني ويقول :

    يا غزال .. يا غزال العشق حلال دوبتني دوب خلتني خيال خيال
    يا غزال .. يا غزال العشق حلال دوبتني دوب خلتني خيال خيال
    يااااااه .. يا شفتك فص فراولة .. ولا لا قوة ولا حول
    دوبتني قلبي على لولاه .. يا غزال العشق حلال
    يـــــــــــــــــــــا ليل
    يــــــــــــــــــــــــا ليل
    يارب يا عالم بالحال .. تهدي حبيبي ويصبح عال
    يارب يا عالم بالحال .. تهدي حبيبي ويصبح عال
    واغني وارقع بالموال .. واقول يا غزال يا غزال
    يـــــــــــــــــا ليل

    صاحب القهوة يقول بغضب :
    وقّف يا ريس حنتيرة
    فيه ناس هنا قاعدة كتيرة
    ولا حد قال هات تعميرة ولا واحد شاي
    اه .. الي حيطلب راح يقعد ولا ما يطلبش يبعد
    رجل جالس على القهوة يخرج بسبب ما قاله صاحب القهوة ويقول :

    يلا بينا نخرج يا مسعد شارع التورماي

    يكمل الريس حنتيرة غنائه ويقول :
    يــــــــــــا ليل .. يـــــــــــــــــا ليل
    يا غزال يا غزال العشق حلال دوبتني دوب خلتني خيال خيال
    يا غزال يا غزال العشق حلال دوبتني دوب خلتني خيال خيال

    صاحب لعبة لأظهار القوة يقول :

    ورينا القوة .. يا ابني انت وهو
    مين عنده مروّه وعاملي فتوة
    يقدر بقادرة على زق الطارة .. ويفرقع بومة
    رجل وقع في القخ واعلن عن دخوله للعبة وقال :
    وسع .. وسع .. وسع
    أنا أزق الطارة وأضرب مية بومة
    ده أنا اللسطة عمارة من ضرب شاكما
    صيتي من القلعة للقلعة للسوق تلالة
    أنا واخد السمعة

    صاحب اللعبة يقول :
    طيب يلا تعالى

    الرجل :
    لا يا عم سعيدة
    دي البدلة جديدة

    صاحب اللعبة بتهكم :
    هأ هأ هأ سعيدة يا ابو بدلة جديدة
    الاطفال يقولون ايضا بتهكم :

    هأ هأ هأ سعيدة يا ابو بدلة جديدة

    الرجل الذي ترك القهوة السابقة فارا من كلام صالحبها يقول وقد وجد قهوة اخرى ومعه صديقه مسعد :

    إوعد يارب إوعد .. إوعد يارب إوعد .. إوعد يارب إوعد .. إوعد يارب إوعد ..
    أدي كمان قهوة .. يلا بينا يا مسعد .. ندخل على سهوة .. ايوة على سهوة

    ودخلو القهوة .. وكانت هناك من تغني وتقول :
    طار في الهوى شاشي وانت متدراشي
    يا جدع
    طار في الهوى شاشي وانت متدراشي
    يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    الرجال في القهوة يرددون :
    يا حلاوة .. يا حلاوة .. يا حلاوة
    هوى العصاري
    على سطح جاري
    هوى العصاري
    على سطح جاري
    خدني ورماني رماني عليك ولا انت داري
    طار في الهوى شاشي وانت متدراشي
    يا جدع
    طار في الهوى شاشي وانت متدراشي
    يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي
    آآه يا ناري .. يا ناري
    منك يا جاري
    آآه يا ناري .. يا ناري
    منك يا جاري
    خني ورماني .. رماني عليك هوى العصاري
    طار في الهوى شاشي وانت متدراشي
    يا جدع
    طار في الهوى شاشي وانت متدراشي
    يا جدع
    طرفه شاورلي شاورلي عليك .. حكم الهوى ماشي
    حكم الهوى ماشي

    صاحب القهوة الجديدة .. يؤكد على الموجودين .. ويقول كصاحب القهوة السابقة :
    ماشي .. ماشي .. ماشي كلامك آه
    الي حيطلب راح يقعد
    والي ميطلبش يبعد

    الرجل يقول لصاحبه مسعد :
    يلا بينا نخرج يا مسعد شارع التورماي
    اتنين في المولد اكتشفو وجود اقارب لهم من نفس بلدتهم يقول احدهم :
    ناس من بلدنا هناك اهم
    روح يا ابراهيم اندهلهم
    سلامات .. سلامات .. سلامات على البلدايات

    منشدين دينيين يقول واحد منهم :
    ليلتكم أنس وجلجلة .. جلجلة .. جلجلة ..
    أنشد ولعلع يا ولة .. يا ولة .. يا ولة
    شفت في منام صاحب المقام .. ده اوبه .. أوبه .. اوبه
    ويمامة حايمة عليه تسبح ربها ..
    يا نور النبي .. يا نور النبي .. يا نور النبي
    ميّلت فوق
    صحوني من النوم .. خدت بعضي وتني جدت
    وبعودة .. وبعودة

    أمراة تبحث عن طفلتها التي تاهت في المولد وتقول :

    يا أولاد الحلال .. بنتي تايهة طول كدة
    رجلها الشمال فيها خلال زي ده
    رجل يقول :
    زحمة يا ولداه .. كام عيّل تاه
    ونردد في النهاية ونقول أن المولد هو <<
    الليلة الكبيرة يا عمي والعالم كتيرة
    مالين الشوادر يابا من الريف والبنادر
    الليلة الكبيرة يا عمي والعالم كتيرة
    مالين الشوادر يابا من الريف والبنادر

    والنهاية آذان الفجر والصلاة ويقول المؤذن

    الله أكبر الله أكبر .. الله أكبر الله أكبر
    ________________________________________

    الصور المرفقة الصور المرفقة

  5. #15

    تاريخ التسجيل
    Sep 2008
    الدولة
    القاهرة
    العمر
    40
    المشاركات
    1
    مطلوب شهامة عربي وعذراء الربيع

  6. #16

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    الاخ العزيز / titos

    جارى الرفع وتحت امرك
    التعديل الأخير تم بواسطة swaha ; 22-09-2008 الساعة 01:47 AM

  7. #17

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    شهامة عربى

    ترجع إلى أحمد عبد المعطي حجازي ، وأن المعالجة الدرامية والأغاني من عمل الشاعر مصطفى عبد الرحمن ، وتبقى الإجادة للملحّن والمخرج ولشهرزاد وعلوان وصلاح منصور في المقام الأول .
    __________________


  8. #18

    تاريخ التسجيل
    Apr 2008
    الدولة
    القاهرة
    العمر
    55
    المشاركات
    1,578

    عزراء الربيع



    عذراء الربيع
    تأليف عبد الفتاح مصطفى
    موسيقي وألحان
    محمود الشريف

    غناء
    جيهان؟
    تمثيل
    سميحة سامى؟
    زوزو نبيل/عزيزة حلمى
    سوسن ندا/نوال الجمل
    شريفة فاضل
    عبد الرحيم الزرقانى/محمد الطوخى
    إخراج
    محمد محمود شعبان

  9. #19

    تاريخ التسجيل
    Oct 2007
    الدولة
    بورسعيد
    العمر
    57
    المشاركات
    4
    بصراحة هو
    دة الفن الاصلى اللى الناس كلها لازم تسمعة

    وشكرا جزيلا يا أخوانى

    ولكم منى كل التحية والتقدير على المجهود الرائع ونتمنى منك التوفيق والنجاح

  10. #20

    تاريخ التسجيل
    Sep 2007
    الدولة
    مصر
    المشاركات
    26
    متشكر جدا جدا يا اخي swaha علي المجهود الجبار ده انا مش عارف اعبرلك بايه بس فعلا انت جامد اوي والحاجه الوحيده الي مكنتش متوقعها انك تكتب كلمات اغاني الليله الكبيره
    انت فعلا اسعدتني
    والف الف الف شكر ياكبيييييييييييييييييييييييير

صفحة 2 من 33 الأولىالأولى 123412 ... الأخيرةالأخيرة

المواضيع المتشابهه

  1. الآن حمل جميع الأشكال التعبيرية للماسينجر والوينكز والصور المتحركه
    بواسطة ابن البلد في المنتدى قاعة الكمبيوتر والبرامج
    مشاركات: 22
    آخر مشاركة: 01-06-2012, 03:22 PM
  2. منيش ليها .. من الأشعار الغنائية
    بواسطة شاعر الرومانسية في المنتدى قاعة الشعر العامي
    مشاركات: 16
    آخر مشاركة: 30-12-2010, 12:07 PM
  3. [موبيل] جميع برامج الكاميرا والفيديو والصور للموبايلات الجيل الثالث
    بواسطة هفايفـ البحر في المنتدى قاعة الموبايل والستالايت
    مشاركات: 0
    آخر مشاركة: 05-03-2010, 03:45 PM
  4. (( فقط هنا كل الالبومات الغنائية الجديدة ... كلهاااااااااااا ))
    بواسطة saladino في المنتدى قاعة الألبومات الكاملة
    مشاركات: 31
    آخر مشاركة: 06-02-2009, 06:26 AM

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  
تابع صفحتنا على الفيس بوك