المساعد الشخصي الرقمي

مشاهدة النسخة كاملة : fashel



taro2a1
31-05-2008, 04:19 AM
ضرب البلطجى باب المقهى برجلة فوقف جميع رواد المقهى
خوفا من البلطجى الا شاب كان يجلس وهو شارد الذهن ينظر
الى كوب الشاى الذى امامة فاتجه البلطجى واخذ الكوب من امامه وشربة
مرة واحده ثم القى الكوب فارغا وقال للشاب ادفع انت بقى ثمن الشاى
فبكى الشاب بكاء مريرا
البلطجى:بتعيط علشان خمسين قرش وعاملى راجل
الشاب:انا بعيط علشان مليش بخت فى الدنيا دى كل ما اروح شغلانة افشل
فيها ويطردنى صاحب الشغل
اشتغلت قهوجى وقعت الشاى على الزباين اشتغلت مكوجى حرقت الهدوم
سافرت السعوديه طلع العقد مضروب ورجعت بصراحة انا انسان فاشل
فى كل حاجة
البلطجى:ياه دا انت فاشل خالص
الشاب:امال لو عرفت اللى حصلى الشهر اللى فات كنت رايح شغلانة جديدة
فصحيت متاخر فنزلت بسرعة واخدت عربيه جارنا اللى حاططها قدام البيت
ورحت الشغل برضة متاخر فطردنى صاحب الشغل لاستهتارى بمواعيد العمل
فخرجت من الشركه فاكتشفت سرقة العربيه فاتهمنى جارنا بسرقة العربيه
واتسجنت 6شهورولسه خارج النهاردة حتى الانتحار فشلت فيه
البلطجى:ازاى؟
الشاب:رحت للبقال واشترين منه اقوى سم قاتل وجيت القهوة وحطيت
السم فى الشاى علشان اشربه واموت واخلص من حياتى
فجيت انته وشربت الشاى بتاعى اللى فيه السم

the_chemist
31-05-2008, 11:30 AM
ههههههههههههههههههه

يخرب عقلك يا طارق
قتلت الراجل و قاعد هادى كده

منك للى كلت دراع جوزها يا مفترى

عموماً حمدا لله على سلامة العودة

كنا ناويين ننشر نداء في "عضو تايه يا ولاد الحلال"

بس ربنا ستر و مش هندفع لهم حاجة

هههههههههههههههههههههههههههههههههههههههه

taro2a1
31-05-2008, 05:28 PM
ردي الوحيد لك هو "أبو أمنية وبس".
شكرا على مرورك الجميل،
والحمد لله انكم ماغرمتوش حاجة، فين الحلاوة بقة؟؟؟؟؟؟

the_chemist
31-05-2008, 06:38 PM
ردي الوحيد لك هو "أبو أمنية وبس".
شكرا على مرورك الجميل،
والحمد لله انكم ماغرمتوش حاجة، فين الحلاوة بقة؟؟؟؟؟؟

الحلاوة أنك رجعت لنا بالسلامة

و وحشتنا


Photo Gallery