المساعد الشخصي الرقمي

مشاهدة النسخة كاملة : مستثمر " هندي " يعرض شراء طوابير العيش في مصر



sefadino
30-05-2008, 07:23 AM
مستثمر " هندي " يعرض شراء طوابير العيش في مصر


http://www.almasry-alyoum.com/photo.aspx?ID=21460&ImageWidth=300


ومازالت المعركة مستمرة لتحرير طوابير العيش بالعبور نحو «الماجور»
وننتظر بفارغ الصبر الانتهاء من هذه المعركة لنواصل بعدها مرحلة الغموس لبناء معدة المواطن
فليس بالخبز وحده يحيا الإنسان لابد من غموس ومعاه حتة لحمة.

دار هذا الحوار بين وزير البيع (قصدي وزير المالية) وبين رئيس الوزراء ...

وزير البيع لرئيس الوزراء: صباح الخير يافندم .. الله أكبر .. وجه حضرتك «صابح» وصحة سيادتك «ردة» عن الأسبوع اللي فات.

رئيس الوزراء! : هات يا محمود من الآخر وخليك «دقيق» في كلامك

وزير البيع: إحنا يافندم اتعلمنا من سيادتك إن الباب اللي يجيلك منه الريح سده واستريح.

رئيس الوزراء: بلاش «لت وعجن»، يا محمود وهات من الآخر..

وزير البيع: بصراحة يافندم أصبحت طوابير العيش «خميرة» عكننة علي الحكومة كلها.. فيه يافندم مستثمر هندي عاوز يشتري طوابير العيش اللي في المحروسة كلها وهيدفع مبلغ محترم.

رئيس الوزراء: اسمه إيه المستثمر ده يا محمود وإيه نظامه؟!

وزير البيع: مستثمر يافندم اسمه الثلاثي «عيش كمارا مقمر» وناوي يافندم يطور الطوابير هيعمل مظلة مكيفة وتحتها كراسي بالأرقام وهيركب دش لكل مظلة علشان المواطن مايشعرش بالملل..

رئيس الوزراء: عظيم يا محمود.. طيب وإيه المشكلة؟

وزير البيع: المشكلة يافندم إن المستثمر الهندي عامل رسم دخول ٥ جنيهات لكل فرد وجنيه لكل «قفص» وناوي يبيع كل رغيف بداخله صباع كفتة.

رئيس الوزراء: والرغيف بكام يا محمود ؟

وزير البيع: في متناول الجميع يافندم بجنيهين فقط

رئيس الوزراء: عظيم يا محمود بس أنا خايف جمهور الطوابير يعملوا مظاهرات والبلد مش ناقصة.

وزير البيع: يافندم الشعب بتاعنا شعب طيب ومسالم وزي «العجينة» بنشكله في إيدينا يعني زي ماحنا عايزين .. مثلاً سيادتك لما خلينا كيلو العدس بعشرة جنيه حد اتكلم ؟!.

وزير البيع : نبيع يافندم ؟

رئيس الوزراء : بيع يا محمود!.



مش عارف حد يأكد لنا الخبر .. هو محمود باع ولا لسه ؟!!!!





http://www.cheesebuerger.de/images/midi/set/a015.gifhttp://www.cheesebuerger.de/images/midi/set/a014.gifhttp://www.cheesebuerger.de/images/midi/set/a009.gifhttp://www.cheesebuerger.de/images/midi/set/a004.gifhttp://www.cheesebuerger.de/images/midi/set/a001.gifhttp://www.cheesebuerger.de/images/midi/set/a006.gifhttp://www.cheesebuerger.de/images/midi/set/a005.gifhttp://www.cheesebuerger.de/images/midi/set/a019.gif

rady82
30-05-2008, 09:01 AM
كويس انها جات على كد كدا

انا خايف لا فى يوم تعملها الحكومه

وتعمل زى دوله الهلامايا تبعلك رغفين عيش وطبق كوسا

بس اكيد مش هنسكت وهنطلب انهم يقدمو مع الكوسا عضمايه وسلطه

لما قرأت موضوعك مصدقتش عينى اتصلت على محمد صاحبى ودا اكبر اخواته

هاجر لدوله ايطاليا من زمان ...سألته عن الوضع هناك فى ايطاليا

رد عليا وقال اسكت يا صاحبى كل حاجه هنا تمام التمام بس ما فيها مبوظه الدنيا

قلتله اسمها المافيا يا غبى

قال وانا مالى بيهم يا راضى مافيا ولا مافيها دا ناس مفتريه يا عم ورئيسهم مجرم بس مش حرامى

قلتله اسكت اسكت ولا مش حراميه بل تقصد وحراميه

طيب ايه اخبار البلد وشوارعها .. واخبار الرغيف

رد عليا وقال الحكومه مشغله عمال تنظيف مسمينها هناك حكومه التنظيف

تلاقى الواحد فى لبسه نظيف وماشى بالمقشه ولا اكبر رئيس

الزاى يا اهبل يبقى اكبر رئيس ويمسك فى يده مقشه

طيب ليه الغلط دا .. عموما المقشه دا عشان شغل التنظيف وكل حاجه تبقى نظيف فى نظيف

يدخلو على اكبر صندوق قمامه وتبص عليه ولا اجمل منه مفيش

بس المشكله ان الحراميه حتى صناديق القمامه ما بتخليش

الله هوا حتى الحراميه بتسرق صندوق القمامه الـ نظيف

مش بقولك يا عم ان الصندوق دا شغل نظيف فى نظيف ولا كأنه مغسول ببرسيل

يا عم انا ومالى ومال التنظيف انا بسألك على الرغيف

الأمن هنا مستتب وكل حاجه تمام وميه الميه ودولتنا هنا مفهاش حراميه

لا يا شيخ .. انت هتنخ ولا ايه

يا عم سبنى أكل عيش .. وفيها ايه لما طابور العيش يبقى فيه الف ولا الفين

دا حتى فى الاتحاد قوه... وناسه يا عم وناسه

وفيها ايه لما نقف بالاربع ساعات فى طابور العيش
وعلى ما نوصل للشباك يقولك خلص العيش

مش مشكله استفدنا بالصحبه الحلوه ديا . دا حتى معرفة الناس كنوذ واهو احسن من قعدة البيت

وفيها ايه لما الناس تقتل بعضها على رغيف العيش
وفى الاخر يطلع الرغيف فيه موس حلاقه

دا حتى مصارين البطن بتتخانق يعنى مفهاش حاجه ..
ودا جزاة المعروف يعنى ان الراجل بيوفرلنا ثمن موس حلاقه

اما ناس ما تستهلش بجد

سيبك من الحوار دا وقولى

ايه حكايه المثتثمر الهندى دى
بيقولك فيه مثتثمر هندى هيشترى طابور العيش
لا يا شيخ

ايـــه هوا انت مش عايش فى الدنيا

الظاهر كدا يا صاحبى .. طيب سلام دلوقتى

رايح فين يا راضى

رايح اخد درس هندى

جاتنا نيله فى حظنا المطينه بطينه

نخرج من العجينه ندخل فى الخميره

كل دا من السيما وشغل السيما

فتحو عيون الهنادوا علينا

مالنا احنا بيشكامرا ولا بشيكابرااللى جابتنا المراراا

طيب طيب بيع يا محمود بيع

ولو مبعتش .. انا هبيع

مين يشترى نصيبى فى الطابور بربع رغيف

ابن البلد
30-05-2008, 02:35 PM
اعتقد الموضوع مكانه الأمثل
فك التكشيرة
:n:

دكتور مهندس جمال الشربينى
30-05-2008, 07:40 PM
مستثمر " هندي " يعرض شراء طوابير العيش في مصر



http://www.almasry-alyoum.com/photo.aspx?ID=21460&ImageWidth=300





دار هذا الحوار بين وزير البيع (قصدي وزير المالية) وبين رئيس الوزراء ...


وزير البيع لرئيس الوزراء: صباح الخير يافندم .. الله أكبر .. وجه حضرتك «صابح» وصحة سيادتك «ردة» عن الأسبوع اللي فات.


رئيس الوزراء! : هات يا محمود من الآخر وخليك «دقيق» في كلامك


وزير البيع: إحنا يافندم اتعلمنا من سيادتك إن الباب اللي يجيلك منه الريح سده واستريح.


رئيس الوزراء: بلاش «لت وعجن»، يا محمود وهات من الآخر..



وزير البيع : نبيع يافندم ؟


رئيس الوزراء : بيع يا محمود!.



مش عارف حد يأكد لنا الخبر .. هو محمود باع ولا لسه ؟!!!!






http://www.cheesebuerger.de/images/midi/set/a015.gifhttp://www.cheesebuerger.de/images/midi/set/a014.gifhttp://www.cheesebuerger.de/images/midi/set/a009.gifhttp://www.cheesebuerger.de/images/midi/set/a004.gifhttp://www.cheesebuerger.de/images/midi/set/a001.gifhttp://www.cheesebuerger.de/images/midi/set/a006.gifhttp://www.cheesebuerger.de/images/midi/set/a005.gifhttp://www.cheesebuerger.de/images/midi/set/a019.gif


الخبر عابه إنعدام الشفافية و المصداقية و المعلوماتيه
أهو وزير البيع ؟أم هو وزير المالية؟
وزير المالية أسمه يوسف بطرس غالى
أما وزير البيع فقد يكون أسمه محمود و الله أعلم قد يكون محمود محيى الدين قريب كل من خالد و زكريا محيى الدين
أما المستثمر الهندى فأسمه غلط
وأسمه الحقيقى هو
مستر "شباتى داندورى"
وكان زميلى فى المعهد الهندى للتكنولوجيا
وكنت أنا وقتها فى عام 1975 أدرس هندسة برومة الحديد بينما
كان هو يدرس هندسة الطوابير فى الشعوب المتخلفة وشوفوا الأمله هو فين وأنا فين ويا ريتنى كنت درست معاه هندسة الطوابير فى الشعوب المتخلفة!


Photo Gallery