المساعد الشخصي الرقمي

مشاهدة النسخة كاملة : للبنات فقط منعا للمشاكل مع الشباب ههههههههههههههه



فهد مصر
26-05-2008, 12:26 PM
السلام عليكم


نتيجه لترك صحابى ليه فى معركتى مع البنات :bounce:

قررت افضحهم كلهم هههههههههههه:w00t1:

انا باة حقولكم يا بنوتات الشباب بيقوللكم ايه وبيتصرفو معاكم ازاى:poster_oops:

















جمله 95%من الشباب بيقولوها للبنات

1-حبيبتى انتى عارفه انا مش بحب حركات الشباب الطايش انا اصلا مبكلمش بنات
(وتلاقيه يعرف طوب الارض )

2-يااااه ياحبيبتى انا حاسس انى اعرفك من زمان
(وهوا تلاقيه متلخبط بينها وبين بنت كان يعرفها قبل كده)

3- حاسس ان فيكى حاجه غريبه غير كل البنات
(اكنها مثلا بتمشى على ايديها ورجليها )

4-انا حاسس ان فى شبه كبير بين افكارى و افكارك احنا اكيد
مخلوقين لبعض
(اكيد دى البنت رقم 100 اللى بيقولها كده
وكأًن كل بنات الدنيا مخلوقين عشانه)

5- حبيبتى انتى اول حب فى حياتى وانا حاسس انى اتولدت يوم ماقبلتك
(على أساس ان والدته كانت حامل فيه 20 سنه وولدته قبل مايقابلها بيومين )

6-يااه يا حبيبتى انتى تؤمرى وانا انفذ اللى انتى عايزاه اجبهولك
(فى المشمش)

7-حبيبتى الطقم اللى انتى لبساه ده تحفه بس متلبسهوش تانى عشان بتبقى حلوه وانا بغيييييير بغيييييييييير
(طبعا فاهمين الحركات دى تلاقيه مش عاجبه اساسا)

8-هكلم باباكى اول ماكًون نفسى
(موووووووووووت يا حمااااااااااار)

9-عايز اشوفك كل يوم كل ساع ه كل ثانيه
(عشان اصحابه يتأكدو انها حلوه)

10 حبيبتى افتكرى دايما انى لما بحب بحب بجد وانا حبيتك بجد من اول ماشوفتك وكنت بدور عليكى من زمااااااان (بففففففففف الاسطوانه المشروخه)

11-انا علاقتى بيكى محدش يعرفها غيرى و غيرك و ربنا لانك بقيتى كل خصوصياتى
(يعنى يا دوب اللى يعرفو اخواته و اصحابه و جرانه وقاريبه وصحاب صحابه.....الخخخخ)

12-معلش ياحبيبتى مش هقدر اعدى عليكى بالعربيه النهارده علشان هيا فى التوكيل
(طبعا عارفين شويه الفشخرة دول وهوا اساسا ماعندوش عربيه و اكيد ماعرفش يزوغ بعربيه باباه )

13- ياحبيبتى انتى بتتكلمى فى أيه انا كل عطورى من فرنسا
( ايوه زغلل عنيها ياواد)

14-ياه لما بشوف رقمك على الموبيل قلبى بيتنفض (طبعا من الخضه انها تكون فأسته)

15-فلان قالى اديله رقمك بس انا قلتله اقتلنى قبل ماتاخد رقها منى
(ياااااه على التضحيه وهى ياعينى رقمها مع مخاليق ربنا كلهم)

16-حبيبتى عايز صورتك عشان قبل مانام اشاهد فى جمالك واحطها تحت المخده
(لا وهو الصادق عشان لما يتخانقو يهددها بيها)

17-اسف يا حبيبتى امبارح مقدرتش اكلمك كنت مشغوووول فى المذاكره
(قصده معهوش فل وس او مشغول مع واحده تانيه)

18-اسف يا حبيبتى انى مقدرتش اجى فى المعاد امبارح كان عندى ظروف صعبه
(معزور الولد افتكر معاد البنت التانيه اللى بقاله 3 اسابيع مأجله)

19-عارفه يا حبيبتى انا طول الليل منمتش قاعد بفكر فيكى
(بس على ميين ترد عليه تقوله اومال مين اللى كان نايم و مبيردش على التليفون؟ بس كالعاده الرد جاهز............ياااه انتى تقصدى الخمس دقايق اللى نمتهم دوول؟دول من كتر التفكير فيكى جالى غيبوبه)

20-عارفه يا حبيبتى انا اصلا مش بفتح الماسنجر الا لما بتكونى موجوده اصلاالنت من غيرك ما يسواش
(يقصد مش بيفتح البلوك عنها الا اما تكون هيا بس الى اون لين عنده)
21- حبيبتى انا ماستهلكيش
(هيييه وهوا ده حال الدنيا , الولد بيضحى علشان الدكتور قالوه هاتموت الاسبوع الى جاى فامش لازم يعذبها معاه )

22- انا بعمل كده علشانك انتى
( ايوه ماحنا عارفين باباها قالو لو ماسبتهاش هاحرمها من الميراث )

23- انا هاسيبك علشان مش عاوز اى حد يتكلم عليكى نص كلمه
( ياراجل وانت لسه فاكر دلوقتى مالبنت اتشحورت والحمد لله بسببك وخلاص الى حصل حصل)

24- انا مش عاوزك تزعلى مينى
(يارااااجل وانت لما تسبها هاتعمل فرح وتدبح عجلين يعنى ؟!لا والنبى هاتزغرد لولولولى الواد سابنى انا فرحانه )

25- انا هاهاجر ومش عارف هارجع امتى
(طب ماتخدها معاك يامعلم ولا هيا حجج وخلاص)

26- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )

27- انتى احسن حد عرفته فى حياتى بس مش هاينفع نكمل
( ترد هيا بقى وهيا بتعيط ئهئ ئهئ ئهئ ليه ليه ليه .. يقولها علشان خطرى انا ماستحمل ش دموعك ... وبرده مايقولهاش)

28- انتى اكتر حد حبيته فى حي اتى بس برده زى ماقولتلك مش هاينفع نكمل
(لا تعليق)

29- حبيبتى انا اكتشفت ان مافيش مابينا حاجه متشابهه
(لأ بجد....بألو سنتين ماشى معاها وبعدين لسه مكتشف ده , الظاهر عليه كان بيكتشف مقبرة جديده فى اسوان ولا حاجه)

30- والله ياحببتى انا مش وحش وبلعب بمشاعر البنات زى مانتى فاكرة بس هوا ده نصيبنا


طبعا انا مش منهم انا من 5% اللى باقيين:w00t1:

هههههههههههههههههههههههههههههههههههههههههه

the_chemist
26-05-2008, 12:55 PM
هههههههههههههههههه

الجرى نص الجدعنة يا شبااااااااااااااااب

أنت جيت هنا لوحدك

طب و حياتك شكلك كده من الـ 99.999999% اللى أنت بتبص لهم في اللقمة

يا إما عاوز تبقي زيهم و مش عارف

هههههههههههههههههههههههههههههههههههه

هى دى أصول الجدعنة

يخخخخخخخخخخخخخخخخخخخخخخخخخي

بنت مصر(سمسم)
26-05-2008, 01:32 PM
ما دمت عايز مصلحة البنات اختصرها:
للبنات:
1-لو مشيت بنت مع الولاد عمرها ما هتتجوز الا بمعجزة
للولاد:
1-لو كان عندك اخت ترضى انها تمشي مع ولاد ؟ طب ليه تخلي غيرك يكون في المأساه دي و بصراحة المفروض اننا مسلمين ونحافظ على نفسنا وعلى غيرنا بالعمل بالقرأن واتباع الرسول المفروض اننا مسلمين
متى يستيقظ شباب أمتي ؟؟؟؟؟؟؟؟

فهد مصر
26-05-2008, 10:17 PM
هههههههههههههههههه

الجرى نص الجدعنة يا شبااااااااااااااااب

أنت جيت هنا لوحدك

طب و حياتك شكلك كده من الـ 99.999999% اللى أنت بتبص لهم في اللقمة

يا إما عاوز تبقي زيهم و مش عارف

هههههههههههههههههههههههههههههههههههه

هى دى أصول الجدعنة

يخخخخخخخخخخخخخخخخخخخخخخخخخي

ههههههههههههههههههههههههههه

لا والله

انا زيهم فى حجات كتيرة مكتوبه عملتها ودة مش 95% دة كل الشباب كدة مفيش واحد صحبى اللى وبيعمل كدة

ومينفعش غير كدة اساسا

ههههههههههههههههههههههه


ما دمت عايز مصلحة البنات اختصرها:
للبنات:
1-لو مشيت بنت مع الولاد عمرها ما هتتجوز الا بمعجزة

اهلا بكى معنا فى المنتدى

كلامك صحيح مئه بالمئه لانى مش مستعد اتجوز واحدة خرجت معاها او مشيت معاها بمنتهى الصراحه والا انا والا صحابى



للولاد:
1-لو كان عندك اخت ترضى انها تمشي مع ولاد ؟ طب ليه تخلي غيرك يكون في المأساه دي و بصراحة المفروض اننا مسلمين ونحافظ على نفسنا وعلى غيرنا بالعمل بالقرأن واتباع الرسول المفروض اننا مسلمين
متى يستيقظ شباب أمتي ؟؟؟؟؟؟؟؟

اختى الفاضله طبعا مرداش ان اختى تمشى مع ولاد

عشان هى محترمه ولبسها محترم

لكن فى بنات مش محترمه وهى عايزة كدة ودة مش ذنبنا

ويارب ربنا يهدينا ويصلح حالنا جميعا

ادعى لنا

سلامى للجميع

the_chemist
27-05-2008, 02:22 PM
اختى الفاضله طبعا مرداش ان اختى تمشى مع ولاد

عشان هى محترمه ولبسها محترم

لكن فى بنات مش محترمه وهى عايزة كدة ودة مش ذنبنا

ويارب ربنا يهدينا ويصلح حالنا جميعا

ادعى لنا

سلامى للجميع



السلام عليكم

رديت عليك في النكتة

لكن دلوقتى جد

مش عاجبنى كلامك و ردك المكتوب ده

لأن أنت في هذه الحالة بتساعدها في الفجور و زيادة إنحلالها

و بالتالى تذكر أنك ستتزوج و يكون لك بنت أو بنات

أقولها لكل شاب ناصحاً و لنفسي آمراً:

عندما تحاول خداع فتاة أو حتى لو كانت هى الداعية لك بملبسها و حركاتها

تذكر تذكر تذكر

أنك كما تدين تُدان و الديان لا يموت "هو الله"

تذكر أن لك أماً و أختاً و يوماً ما ستتزوج و يكون لك زوجة و منها بنتاً أو بنات

تذكر أن ذلك ممكن و بالتأكيد سيتم رده لك في إحداهن

هل ترغب في ذلك

شكراً للجميع

بنت مصر(سمسم)
27-05-2008, 05:26 PM
انا مش عارفه اقول من بعدك ايه يا كيميائي انت 100في ال100صح (كما تدين تدان[حتى لو في اقرب الناس اليك ولو مش في الدنيا يبقى في الاخرة يعني ما تنساش يا اخويا(فهد مصر) ان فيه اخره هنتحاسب فيها و على فكرة انا من قعدتي في السعوديه عرفت ان مفيش احسن من مصر
:good:وعلى فكرة شباب مصر كويسين (بنات او ولاد) وانشاء الله يتصلح حالهم في كل حاجة وربنا يهدي شباب المسلمين جميعا ويصحو من الحرب الفكريه علينا دي ربنا ينصرنا على الظالمين و يجعل راية الاسلام هي العليا والكافرين السفلى
وشكرا على ردكم....:biggrin:

مصراويةجدا
27-05-2008, 05:42 PM
26- أنا مانفعش ارتبط بواحده مشيت معاها
(ياراجل ان شاء الله ربنا هايكرمك وترتبط بوحده مشيت مع نص شباب شبرا ومصر القديمه كمان )



والله الموضوع دمه خفيف وضحكني جدا بس كنوع من انواع الفكاهة

بس كلامك يا فهد مصر من غير زعل ضايقني

لان المفروض انك بتعامل ربنا مش بتعامل البشر ولا بتتعامل مع الواحدة لابسة وحش ولا اخلاقها عاملة ازاي

المبدأ واحد ومبيتغيرش بتغير الزمان ولا المكان ولا الناس

واعتقد ان الكلام المقتبس فوق ده حقيقة وبيحصل

فافعل ما شئت فكما تدين تدان

وياريت متكونش اتضايقت بس اتمني انك تغير طريقة تفكيرك بسرعة

وشكرا

بنت مصر(سمسم)
27-05-2008, 05:53 PM
كلا مك صح يا مصراويه المفروض فعلا انه بيعامل ربنا مش البشر واصلا الكلام دا مفهوش زعل لان كل الولاد عارفين ان اللي احنا بنقوله صح دا حتى الكلام اللي انا قلته في الاول نصه اخويا قلهولي لما كنت في مصر بيعدو الولاد يوعظو اخواتهم لكن هما ما بيتعظوش !!!!

بنت مصر(سمسم)
28-05-2008, 03:45 PM
وانا بقول الحاجات دي عشان هي حقيقة ولازم تتقال ومحدش يزعل مني عشان انا هامتحن بعد اسبوعين امتحان اخر السنة فادعولي وباشكركم مرة تانيه على ردكم

فهد مصر
29-05-2008, 11:03 PM
السلام عليكم

رديت عليك في النكتة

لكن دلوقتى جد

مش عاجبنى كلامك و ردك المكتوب ده

لأن أنت في هذه الحالة بتساعدها في الفجور و زيادة إنحلالها

و بالتالى تذكر أنك ستتزوج و يكون لك بنت أو بنات

أقولها لكل شاب ناصحاً و لنفسي آمراً:

عندما تحاول خداع فتاة أو حتى لو كانت هى الداعية لك بملبسها و حركاتها

تذكر تذكر تذكر

أنك كما تدين تُدان و الديان لا يموت "هو الله"

تذكر أن لك أماً و أختاً و يوماً ما ستتزوج و يكون لك زوجة و منها بنتاً أو بنات

تذكر أن ذلك ممكن و بالتأكيد سيتم رده لك في إحداهن

هل ترغب في ذلك

شكراً للجميع

استاذى الفاضل

انت تعلم جيدا كم اكن لك من احترام وتقدير لسيادتك

وكلام سيادتك صراحا

اثر بى وبشدة رغم انى سمعته كثيرا

فعلا احنا بنلعب بالحب وبنرسم اوهام وكذب فى كل كلمه بنقولها تقريبا

وكيف لى انا اساعدها ع الفجور؟

ولكن استاذى الفاضل

حتى لا تظلم الشباب

توجد بنات هكذة هى ايضا

ويا اخى الفاضل انتم وضعتم اللوم علينا وكلامكم صحيح مئه بالمئه

ولكن لماذا لاتتحدثون عن الفتاة

عن لبسها مثلا

عن حبها لاعجاب الشاب بها

عن حبها لمعاكستها

عن حبها لالتفاف الشباب حولها

..................

اخى الفاضل

لو فتاة محترمه

صدقنى يا اخى لن يقرب منها احد لاننا نعلم انها فتاة محترمه

فالوم كلو يقع ع الفتاة لانه شاب وهى الفتنه بالنسبه لهو فاذا انصلح حالها

سينصلح حالنا

وشكرا لك استاذى الفاضل

ع كلماتك التى تدل ع مدى اهتمامك بى وبشباب مصر


انا مش عارفه اقول من بعدك ايه يا كيميائي انت 100في ال100صح (كما تدين تدان[حتى لو في اقرب الناس اليك ولو مش في الدنيا يبقى في الاخرة يعني ما تنساش يا اخويا(فهد مصر) ان فيه اخره هنتحاسب فيها و على فكرة انا من قعدتي في السعوديه عرفت ان مفيش احسن من مصر
وعلى فكرة شباب مصر كويسين (بنات او ولاد) وانشاء الله يتصلح حالهم في كل حاجة وربنا يهدي شباب المسلمين جميعا ويصحو من الحرب الفكريه علينا دي ربنا ينصرنا على الظالمين و يجعل راية الاسلام هي العليا والكافرين السفلى
وشكرا على ردكم....

شكرا لك يا سمسم ع كلامتك

وفعلا مفيش احسن من مصر والا شباب مصر والا طيبه وكرم شعب مصر كل شى فى مصر جميل ربنا يحفظها لينا بايدينا

ومرة اخرة الحرب الفكرية هذة بسبب الحكوووووووووووووووووومه

شكرا ع مرورك اختى الفاضله


والله الموضوع دمه خفيف وضحكني جدا بس كنوع من انواع الفكاهة

بس كلامك يا فهد مصر من غير زعل ضايقني

لان المفروض انك بتعامل ربنا مش بتعامل البشر ولا بتتعامل مع الواحدة لابسة وحش ولا اخلاقها عاملة ازاي

المبدأ واحد ومبيتغيرش بتغير الزمان ولا المكان ولا الناس

واعتقد ان الكلام المقتبس فوق ده حقيقة وبيحصل

فافعل ما شئت فكما تدين تدان

وياريت متكونش اتضايقت بس اتمني انك تغير طريقة تفكيرك بسرعة

وشكرا

اختى الفاضله

قبل اى شى

احب ان انبهى سيادتك لشى

انا لا اضايق او ازعل او اى شى من هذا القبيل لان احد قام بانتقادى او راء بى شى سىء

ع العكس تماما وقتها ساعلم انه خاف على ويريد توجيهى للطريق الصحيح


وشكرا لكم جميا ع اهتمامكم

سلامى للجميع


Photo Gallery