المساعد الشخصي الرقمي

مشاهدة النسخة كاملة : آخر خبر: تسرب إمتحان اللغة العربية لشهادة الثانوية العامة لهذا العام 2008



دكتور مهندس جمال الشربينى
16-05-2008, 06:03 PM
إمتحان اللغة العربية لشهادة الثانوية العامة لعام 2008

السؤال الأول: التعبير
اكتب ما لايقل عن 650 سطر فى أحد الموضوعات التالية:

لم يجد الطفل غير الشارع ملجأ نظرا لحالة البلد الهباب..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة


شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

بعد انتشار ظاهرة أكل لحم الكلاب والحمير..من وجهة نظرك كحمار تكلم عن هذه الظاهرة ومن المتسبب فيها بدون غلط..الورق متراقب
ــــــــــــــــــــــــــــــــــــــــــــــــــ ـــــــ
السؤال الثانى: القصة
من قصة " وعهد الله ما انت داخل الانتخابات" .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات يامعفن؟؟ دانت عايز معجزة..مش كفاية بتاكلوا لحمة ومستورين.. عايزين إيه تانى؟


ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية – عشان العصاية شغالة بس مش فى الضرب.. افهم انت بقى اختر

حلل بمزيد من التفصيل جملة ضربه بالجزمة ومدى توافقها مع جملة مصر بتتقدم بينا
ــــــــــــــــــــــــــــــــــــــــــــــــــ ــــــــــ
السؤال الثالث: القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسيا الخبر حقيقى كما أنه يرحب بالتوريث ومقتنع بكل سياسات الحكومة


فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

ذكرنا فى الدرس أن عادل إمام سيتقاضى فى فيلمه القادم 12 مليون جنيه.. فى رأيك ياعم المحروم تبقى البوسة بكام فى الفيلم؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟
أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ــــــــــــــــــــــــــــــــــــــــــــــــــ ــــــــــــ
السؤال الرابع: النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟
المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه من بُقـُّه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية .. كلف يا سيدى
ــــــــــــــــــــــــــــــــــــــــــــــــــ ـــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

فى نصى ويجا وخيانة مشروعة وضح خالد يوسف الهستيريا فى الطبقات الغنية.. وفى نص حين ميسرة وضح خالد يوسف الهستيريا فى الطبقات الفقيرة..عشان خطرى.. اذكر مع كامل البيانات أماكن هذه الهستيريا فى المعادى

سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النص اختر
ــــــــــــــــــــــــــــــــــــــــــــــــــ ـــــــــ
السؤال الخامس: النحو
أعرب ما تحته خط.. لو مالقيتش القطعة أصلا ..اتصرف
ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب
كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده
فُرِضت الضرائب علينا ببشاعة ..أعرب الجملة .. وارفع الضرائب أبوس إيدك

ـــــــــــــــــــــــــــــــــــــــــــــ ـ

[B]ملحوظة عامة:
الأمتحان وجدته فى رسالة وصلتنى من قطر

سيمفونية كاتبه
16-05-2008, 06:11 PM
ههههههههههههههههههههههههههههههههه

لا تعليق

هههههههههههههههههههههههههه

شكرا استاذى الفاضل على العرض المميز

تقبل تحياتى

مملكه الحب

مصراويةجدا
17-05-2008, 12:17 AM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههه

بس خلاص

دكتور مهندس جمال الشربينى
17-05-2008, 08:15 AM
:shit:
نداء هام
:banned2:
نرجو كل الطلبة و الطالبات المقدمين على إمتحان الثانوية العامة لعام 2008 أن يتكتموا تماما على خبر تسرب إمتحان اللغة العربية
لأننا فى حالة طوارئ مستمرة منذ 27 عاما
وتسرب مثل هذا الخبر قد يهز أركان العزبة الخاصة المسماة بالخطأ "مصر" و اللى كانت زمان أمى وأصبحت الآن مرات أبويا القاسية اللى بتاكل وتعتقل عيال جوزها الغير شرعى!
:banned2:

العسل المر
17-05-2008, 09:24 AM
هههههههههههههههههههههه - فعلا شر البلية ما يضحك - تـسلم ايدك

والله المستعان

دكتور مهندس جمال الشربينى
17-05-2008, 05:43 PM
جائنا التصحيح التالى من الجهة التى سربت الإمتحان
:f2::f2::f2::f2:
السؤال الأول: التعبير
اكتب ما لايقل عن 650 سطر فى أحد الموضوعات التالية:

......
.......

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن :GANJA::GANJA::GANJA::GANJA:الصحيح أن سعر الطن 7500 جنيه حسب أسعار اليوم:GANJA::GANJA::GANJA::GANJA:.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز


http://i45.photobucket.com/albums/f96/gmsherbini/8eb03c49.jpg?t=1211042162 (javascript:void(0);)

العسل المر
19-05-2008, 07:22 AM
انا بشتغل ف حديد عز - ههههههههههههههه - ربنا يجعل كلامنا خفيف عليهم - اشتاتا اشتوت !!!!

الشيمـــاء
19-05-2008, 05:49 PM
هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههههههههههههههههههههههههههههههههه هههههههههههههههههههه
و الله تسلم ايده اللي حط الامتحان السهل دة و تسلم ايد حضرتك يا دكتور جمال علي النقل؟؟
انا ممكن احل بس يا تري امن الدولة اللي حيراقب علينا و لا اللي حيصحح و لا اللي حيطلع النتيجة ؟
و يا تري سجن القناطر بياخد من مجموع كااام عشان اعمل حسابي؟ هههههههههههههههه

زهــــراء
03-06-2008, 01:08 PM
للرفع..
دكتور جمال...موضوع دمه خفيف تسلم إيدك على نقله ..
:f::f:...

دكتور مهندس جمال الشربينى
03-06-2008, 05:39 PM
للرفع..
دكتور جمال...موضوع دمه خفيف تسلم إيدك على نقله ..
:f::f:...

:f2:عزيزتى زهراء

أخيرا فهمت حكاية الرفع ...اللهم أرفعنا كمان وكمان

وشكرا على الرفع


Photo Gallery