المساعد الشخصي الرقمي

مشاهدة النسخة كاملة : يلا نفتكر اعلانات زماااان



aynad
15-05-2008, 06:50 PM
السلام عليكم ورحمة الله وبركاته :

ايه رأيكم نرجع بذاكراتنا لوراااااااا ونفتكر اعلانات زمان
كانت ايام جميلة اوي
يلا نبتدي
فاكرين اعلان
بهرش في ايدي اه يانا .. بهرش في رجلي اه يانا
هو الناموس هنا ويانا .. نقولوا هش مبيهشش
نقولوا بس مبيبسش
دة ناموس غالوس بسنان وضرووس
امشي يا ناموسة يا مفعوصة متقرصنيش
كيتو اهو جالك هيفشفيشك فش فيش
قرص واحد مني والناموس يروح ميجيش
عندنا كيتو حطينا القرص .. عندنا كيتو معندناش قرص

انا عندي اعلانات كتيرة اوي فاكراها
يلا اللي فاكر اعلان يحطه
يارب الفكرة تعجبكوا

aynad
15-05-2008, 06:54 PM
وفي الاعلان دة كمان
طبعا كلكوا فاكرينه

حيجوزونى ... الله طب ما تتجوز يااخي
بقولك حيجوزونى .. وفيها ايه يعنى
كده بردو ..حتجوز . .. انا مش شايف بروبلم
واجيب جهازى منين ... ما عندك جهاز للعروسين
عبد الرحيم عمرو ..طبعا عبد الرحيم عمرو

حتجوز ..احتكم الأمر .. من عبد الرحيم عمرو ..احتكم الأمر يا جماعة

و حتجوز حتجوز

the_chemist
16-05-2008, 08:42 AM
يا خببببببببببببببببر

دا أنت طلعت في سننا كدا يا أم دودى و بودى


ههههههههههههههههههههههههههه


طب فاكرة إعلان

ياكلوا حلاوة يا كلوا جاتوه ياكلوا كل اللى يحبوه

و التسويس و التسويس

كملى بقي لأنى مش فاكر اسم المعجون

هو كان آرتف برضوا و لا ايه

بصراحة كانت إعلانات فيها إحترام للمشاهد

aynad
17-05-2008, 03:22 PM
السلام عليكم يا كميااائي
منرونا كالعادة
انا مش فاكرة الاعلان دة خالص بتاع المعجوون
ممكن تكتب تلحين الاعلان يمكن افتكره ههههههههههههههههه

aynad
17-05-2008, 03:25 PM
كان في اعلان
بيقوول

الصلاة ع الزين الصلاة ع الزين
يا ورد مفتح ع الخدين

جبتى الجمال دا يا حلوة منين
البركة فريري يا ضى العين البركة فريري ريري
اجرى بسرعة يا واد يا حسين
تقب و تغطس فدقيقتين شوفلنا ريري بيتباع فين هاتلنا منه باكو واتنين
انا جيت اهوا بشكل جديد و معايا فيتامين كله حديد من رضعة واحدة ابنك هيزيد غير مشيه بدرى دا بالتاكيد
ريري جه هل هلاله و الكل هيصله و قالوا
جانا ريري جانا
سقفوا و قولوا معانا
يا مشبعنا يا مقوينا
يا مكبرنا و مغذينا
جانا ؤريري
جانا البركة فريريييي



هففف خلاااص كان اعلان لطيف و مشوفتش اعلان اطول منه لحد دلوقت

دكتور مهندس جمال الشربينى
17-05-2008, 07:00 PM
مشاركتى معاكم تجدونها فى:
http://www.egyptsons.com/misr/images/misc/subscribed.gif تخلص من حمامك القديم ..وصديقك القديم ايضاً (http://www.egyptsons.com/misr/thread97432.html)
دكتور مهندس جمال الشربينى
:eat::plane::eat::plane::eat::plane:

aynad
17-05-2008, 07:41 PM
والله دايما منورنا يا دكتور جمال
انا افتكر الاعلان دة طشااااش خالص
بس افتكر الجملة دي
تخلص من حمامك القديم
ميرسي جدا لمرورك الكريم وتسلم ايدك دايما

aynad
17-05-2008, 07:45 PM
كان في اعلان برضه بتاع سيلا

عبااد الشمس سيلا .. صافي طازة في الازازة
عبااد الشمس سيلا .. زيت صحي في كل بيت

الصبح الفول بالكموون .. فص توم وعصير اللمون
الضهر بتطبخي مسقعة .. بطاطس سمكاية مدلعة
بابا غنوج سلطة خضرة وطحينة
اكلنا متعنا هنينا .. ونطشطش البيض المقلي
طعامته بتندهلي
ومش فاكرة الباقي
دة برضه كان اعلاان طوييل جدا
بس كنت بحبه اوي الاعلان دة

حفتكر تاني واجي

الشيمـــاء
19-05-2008, 05:28 PM
يا روقاااااااااااااااانك يا ايناد
اكيد بودي و دودي نايمين
و الله موضوعك جميل و فكرني بايام جميله , انا كان في دماغي اعلان ريري دة مش ة اللي كانو بيقولو فيه هتلنا ريري هتلنا ريري هتلنا منو باكو و اتنين الصلا عالزين الصلاة عالزين. الاعلان دة لحنة علي بالي و خصوصا بعد مشوفت فيلم الحاسة السابعة لانهم عاملين اعلان علي النغمة دي.
احكيلك موقف مضحك بخصوص اعلان سيلا ايامها كنت في ثانوية عامة و كنا بناخد درس كمياء و كنت البنت الوحيدة في المجموعة و قاعدة منكمشة جنب الاستاذ المهم الاستاذ بيشرح حاجة في الكمياء و بيقول " ورقة عباد الشمس" واحد من الطلبة قال في سرة سيلا .. انا سمعته و مقدرتش امسك نفسي من الضحك كان منظري مهبب هههههههههههههههههه
انا ححاول افتكر اعلان و اجي اكتبه.
شكرا يا ايناد علي موضوعك الحلو دة.

الشيمـــاء
19-05-2008, 05:29 PM
بمناسبة اعلان عبد الرحيم عمرو .. الاعلان دة كان مستفز اوي كان بيجيلي العصبي لما بشوفة , انا عاوزة افهم طالما هو عارف عبد الرحيم عمرو من الاول واجع دماغنا ليه مكان راحله علي طول.

aynad
19-05-2008, 06:11 PM
اهلا بأم الشهيد القمر
شوفتي الروقان اللي انا فيه هههههههههههههههه
ماهو الواحد مش لاقي حاجة يعملها
يلا افتكري اعلان وتعالي قوليه
منورة يا قمر

الشيمـــاء
19-05-2008, 07:20 PM
ايوة يا ايناد افتكرت كان في اعلان زمان بتاع فليت العسكري
بس مش فاكرة كان بقول ايه لو حد يفتكر يقول

كمان الاعلان اللي اتعرفت بيه الفنانة نرمين الفيقي بتاع سولا سلولا بنوبوناية في القهواية , شوفتي كان شكلها عامل ازاي زمان.
و لا اعلان سيراميكا الجوهرة بتاع يسرا اللي بتقول في اخرة " زيك كدة يا عمر الشريف"
بحاول افتكر
خالص ودي

الشيمـــاء
25-05-2008, 03:46 PM
ايناد
افتكرت اعلان و جت اقوله قوام
فاكرة الاعلان بتاع
------------------------
اتجوزنا بعض عن حب
طلب رز .. عملتله رز
طلب مكرونة .. عملته مكرونة
بصلي من فوق لتحت و ساب البيت
الدكتور : سمنك في الاكل كتير
لاء
و لا قليل
لاء
روحي جربي النخلتين جوزك حيرجع في اكلتين
و مجاتش تاني تقريبا جوزها طلقها
ههههههههههههههههههههههههههههههههه
بس هي غلطانة قاللها اعملي رز كانت عملت مسقعة
خالص ودي

the_chemist
25-05-2008, 07:15 PM
ايناد
افتكرت اعلان و جت اقوله قوام
فاكرة الاعلان بتاع
------------------------
اتجوزنا بعض عن حب
طلب رز .. عملتله رز
طلب مكرونة .. عملته مكرونة
بصلي من فوق لتحت و ساب البيت
الدكتور : سمنك في الاكل كتير
لاء
و لا قليل
لاء
روحي جربي النخلتين جوزك حيرجع في اكلتين
و مجاتش تاني تقريبا جوزها طلقها
ههههههههههههههههههههههههههههههههه
بس هي غلطانة قاللها اعملي رز كانت عملت مسقعة
خالص ودي

هههههههههههههههههه

جوزها طلقها

جميلة الملاحظة دى

تسلمى يا أم الشهيد

الشيمـــاء
25-05-2008, 07:25 PM
هههههههههههههههههه

جوزها طلقها

جميلة الملاحظة دى

تسلمى يا أم الشهيد

هههههههههههههههههههههههه
شوفت يا استاذ كميائي
رجااالة ملهاش امااااان
عشان بس تعرف ان موضوع
جوزك علي ما تعوديه مجاش من فراغ
دة له حيثية حتمية و طبيعية و ملوخية بالتقلية
هههههههههههههههههههههههههه

ابن الجنوب
26-05-2008, 04:14 AM
فكرة جميلة يا إناد وعلى فكرة زمان كنت باحب إعلان الناموس دا وحافظة لغاية دلوقتي ... وهنا بعض الإعلانات (لأن كنت من محبي الإعلانات زمان) ياريت تفتكروها معايا :
إعلان لمبيد حشري (تقريباً ريد) الذي يقتل وينتشر ويتسرب ويستمر ويستمر ويستمر ويستمر ..... ولوفاضين نقول ويستمر لغاية بكره ... هههههههههههههه
وإعلان (بمناسبة زفافي عن قريب إن شاء الله) .... عن كوفرتينا وقال بيقول كوفرتينا للعروسة أمممووووووووه ...... كوفرتينا للعريس أممممممممممممموووووووووه (وطبعا عايزين جوز شفايف مطاطة )...هههههههههههههه
وإعلان نايتي : نايتي حبيبي .. نايتي حياتي .. أكله أنا ف كل أوقاتي .. طعمه يغذي ...طعمه يقوي ...وهكذا لنهاية النشيد الوطني لنايتي
وإعلان جيرسي : بستك بستك ناااااااااااااو شكولاتة جيرسي واكلة الجااااااااااو ...والحشو جوة بجوز الهند ....
-------------------------------
طبعا أنا اكسب يا إناد

دكتور مهندس جمال الشربينى
26-05-2008, 01:45 PM
ايوة يا ايناد افتكرت كان في اعلان زمان بتاع فليت العسكري
بس مش فاكرة كان بقول ايه لو حد يفتكر يقول

كمان الاعلان اللي اتعرفت بيه الفنانة نرمين الفيقي بتاع سولا سلولا بنوبوناية في القهواية , شوفتي كان شكلها عامل ازاي زمان.
و لا اعلان سيراميكا الجوهرة بتاع يسرا اللي بتقول في اخرة " زيك كدة يا عمر الشريف"
بحاول افتكر
خالص ودي


:f2:عزيزتى أم الشهيد
أهديك مجموعة كاملة أصيلة من فليت العسكرى مضمونه 100%

http://www.thecolektr.com/Image19a.jpg

دكتور مهندس جمال الشربينى
26-05-2008, 01:53 PM
-------------------------------
طبعا أنا اكسب يا إناد

http://www.islamonline.net/Arabic/In_Depth/mohamed/support/images/pic07.gif

عزيزى ابن الجنوب
مصمم التوقيع أعلاه جانبه الصواب كثيرا فى تصميمه هذا
الأفضل تثبيت التصميم بدون دورانه هكذا حول محوره كبندول الساعة وذلك إحتراما وإجلالا لمحمد رسول الله صلى الله عليه وسلم


Photo Gallery