المساعد الشخصي الرقمي

مشاهدة النسخة كاملة : عجة البيض و الخضار .. عشاء أو إفطار بالصور



أنفـــــال
14-05-2008, 09:07 AM
بسم الله الرحمن الرحيم
أحبائي ..
السلام عليكم و رحمة الله و بركاته ..
إليكم من مطبخ منزلنا العامر ..العشاء أو الافطار الخفيف .. العجة ..
انا للأسف ماصورتش اول المراحل ..
لأني افتكرت اصورها و احطهالكم بعد ما دخلت الفرن .. منتهى الذكاء :smart:
و هي سهلة جداً .. مش محتاجة صور كتير ..
المهم ..

المقادير ..
لكل بيضة بنحط معلقة دقيق كبيرة
يعني انا عملت صينية صغيرة .. للعشاء يا دوبك استعملت 5 بيضات فقط ..
حطيت عليهم 5 ملاعق كبيرة دقيق
نصف ملعقة صغيرة بيكربونات صودا
نصف ملعقة صغيرة باكينج باودر
3 قطع جبنة مثلثات .. أو معلقتين كبار جبنة كريم ( يمكن الاستغناء عنها طبعاً )
بصل مقطع و فلفل أخضر مقطع و طماطم مقطعة و زيتون ان احببتم
بقدونس مفروم .. معلقتين كبار تقريباً
الخضراوات لام تكون مقطعة صغير جدا جدا .. بس ماتكونش مفرومة
ربع كوب حليب سائل
ملح
فلفل أسود
بهارات مشكلة

الطريقة :
نخلط الدقيق و الباكينج باودر و بيكربونات الصودا مع بعض .. و نسيبهم على جنب .
نخفق البيض في الأول .. و نضيف له الملح و الفلفل و البهارات
نضيف الجبنة .. و نخفق الخليط ..
نضيف له الخضراروات و نقلبها فيه ..
نضيف الحليب ..
نضيف الدقيق و نقلب كويس جدا .. هيبقى قوام الخليط زي قوام الكيك ..
نضيف الدقيق شوية شوية ..
ندهن صينية الفرن زبدة ..
ندخلها الفرن تلت ساعة .. و يكون شغال قبلها بعشر دقايق ..
و بعدين نحمرها من فوق ..
و دة شكلها و هي طالعة من الفرن ..

http://up.haridy.org/storage/Eggs01.jpg (http://up.haridy.org)

و دة شكلها بعد ما اتقطعت و اتحطت على العشاء ..

http://up.haridy.org/storage/Eggs02.jpg (http://up.haridy.org)

و بألف هنا و الله
:f2:

الشيمـــاء
14-05-2008, 10:28 AM
تجنن يا انفال .. انتي مركزة اوي علي الاكلات الي بحبها.
لازم ان شاء الله اجربها في اقرب فرصة.
بس عاوزة اقولك حاجة جديدة في العجة اللي بالطريقة العادية (اللي بيتحمرلها البصل) تخيلوا اننا ممكن نستغني عن الدقيق و نستخدم بداله بطاطس مبشورة و ممكن معاها معلقة دقيق واحدة و بتطلع جميلة جدا و علي فكرة انا بعشق البطاطس و بركز عليها اوي في الاكل لانها صحيا افضل من الدقيق و اقل في السعرات الحرارية عشان كدة بيركزوا عليها في اوروبا في الاكل.
انفال الجميلة ارحميني من اكلاتك اللي تجنن او اعزميني و خلاص.
خالص ودي..

أنفـــــال
14-05-2008, 10:35 AM
أم الشهيد الغالية :)
على فكرة العجة اللي بيتحمر لها البصل دي .. مشكلتها عندنا انها بتسبب حموضة لبابا :)
ووالدي معدته حساسة .. خصوصاً بالليل لازم يبقى العشا خفيف ..
العجة دي انا بحبها لأنها خفيفة و بابا بيحبها .. و مش بيتعب منها .. *162*
نفسي اجرب البطاطس المبشورة .. هحاول ادمجها .. عشان نفسي اجربها ..
هاحاول اجربها .. ان شاء الله .. و هبقى احط لكم اصور هنا برضه ..
:f2:

نهر الحياة
24-05-2008, 04:50 PM
العزيزة **انفال

وصفة جميلة جدا ماشاء الله عليك بارك الله فيك اختى الغالية

أنفـــــال
24-05-2008, 06:32 PM
الغالية نهر الحياة .
شكرا لك ..
و شكرا لمرورك الطيب يا حبيبتي .
:f2: