المساعد الشخصي الرقمي

مشاهدة النسخة كاملة : البيتزا بالصور .. من مطبخ أنفـــال



أنفـــــال
12-05-2008, 10:13 PM
بسم الله الرحمن الرحيم ..
أحبائي زبائن قاعة المطبخ ..
قامت الغالية أم أحمد قبل ذلك بطرح فكرة الطبخ بالخطوات و الصور ..
و هذه محاولة مني لتطبيق البيتزا بالسوسيس .. من مطبخي بالصور ..
إليكم المقادير :

العجينة :
3 كوب دقيق و ربع
ربع كوب زيت نباتي ( قمت باستعمال زيت الذرة )
4 ملاعق كبيرة حليب بودرة
ملعقة صغيرة و نصف خميرة جافة نشطة
ملعقة صغيرة ملح
ملعقة كبيرة سكر
حوالي كوب و ربع ماء دافيء للعجن ( ماء دافيء حوالي 45 درجة )

الطريقة :
تذاب الخميرة مع السكر في ربع كوب ماء دافي مع التغطية بورق الفويل لمدة عشر دقائق
ثم تخلط المكونات الجافة و تضاف الخميرة و الزيت و الماء تدريجياً حسب حاجة العجينة ..
نقوم بالعجن لمدة عشرة دقائق تقريباً ثم توضع العجينة في قدر مدهون بالزيت و تغطى بإحكام ثم توضع في مكان دافيء لتختمر لمدة ساعة واحدة فقط لازيادة و لا نقصان حتى لا يظهر طعم الخميرة في البيتزا .
هذه صورة العجينة بعد تضاعف حجمها

http://up.haridy.org/storage/Pizza01.jpg (http://up.haridy.org)

في خلال الساعة اللي بتخمر فيها العجينة .. نعمل الصلصة .. :smart:
مقادير الصلصة :
ملعقة زيت
علبة صلصة
2 ملعقة كبيرة خل
ملعقة كبيرة سكر
2 ملعقة كاتشاب
ربع ملعقة صغيرة فلفل احمر ( شطة )
نصف ملعقة ملح صغيرة
ملعقة صغيرة اوريجانو ( زعتر أخضر مجفف )
نصف ملعقة صغيرة صلصة صويا

توضع المقادير كلها على النار و تقلب مع التخفيف بالماء .. و بس آدي الصلصة :good:

http://up.haridy.org/storage/Pizza02.jpg (http://up.haridy.org)

و في خلال الساعة برضه نكون جهزنا التوبنج بتاع البيتزا .. و هو كالتالي :
مشروم ( فطر مقطع ) - بصل مقطع قطع صغيرة - فلفل أخضر مقطع - زيتون مقطع - سوسيس مطهي مسبقاً - جبنة موتزاريلا - طماطم
و دي صورة جماعية للأخوة اللي فوق :lol2:

http://up.haridy.org/storage/Pizza03.jpg (http://up.haridy.org)


بعد ما الساعة تخلص ..
نعجن العجينة بايدينا كدة و نقسمها لعدد الصواني اللي هنعمل عليها البيتزا .. العجينة دي هتكفي صينيتين كبار و صينية متوسطة ..
نفرد العجينة على سطح مرشوش بالدقيق و نضبط السمك بتاعها .. انا مش باحب العجينة تبقى سميكة عموماً ..
و بعدين هنا .. قطعتها عشان تيجي مقاس الصينية و ظبطت السمك بتاعها حوالي 3 مل ..

http://up.haridy.org/storage/Pizza04.jpg (http://up.haridy.org)

و هنا ..دهنت الصينية زيت .. حطيت العجينة .. و حطيت الصلصة و التوبنج .. و دة كان شكلها قبل ماتدخل الفرن ..
http://up.haridy.org/storage/Pizza05.jpg (http://up.haridy.org)

الفرن يكون متسخن قبلها بحوالي عشر دقايق على درجة حرارة عالية شوية .. 220 ..
بتاخد تقريبا ثلث ساعة ف يالفرن .. و بتتحمر من فوق لمدة 5 دقايق ..
و دة شكلها بعد ماطلعت و اتقطعت .. و بالهنا يا حبايب قلبي :h:

http://up.haridy.org/storage/Pizza06.jpg (http://up.haridy.org)

:f2:

شعاع من نور
12-05-2008, 10:23 PM
الله الله الله عليكِ يا أنفال..

بجد تجنني :h:

الصور و الطريقة كله على بعضه موضوع محصلش بجد بجد...

أنا بحب البيتزا جداً جداً و بحب أعملها قوي...و أفتكس فيها بردو :closedeyes:
عارفة كمان لو عاوزاها تطلع عالية كده و تملى الصينية...كمية زيت زيتون صغيرة تفي بالغرض...أو تخلي الزيت اللي بتستعمليه كله زيت زيتون نقي بجد بيفرق قوي...أنا جربت القصة دي...

أنفااااال تسلم ايدك حقيقي يا قمر...:h::h:

إحترامي و تقديري...
:f2::f2::f2:

أنفـــــال
13-05-2008, 05:20 PM
أهلا أهلا أهلا شعاع من نور الحبيبة :)
منورة جداً .. :)
أنا بحب أعمل البيتزا أيوة .. بس ساعات مش باكلها ..
و في حاجات كتير ممكن أعملها و ابقى مش باكلها او ماليش تقل عليها يعني ..
زيت الزيتون عمري ماجربته في عجن البيتزا .. مع ان واحدة قالت لي قبل كدة ..
بس خفت اجازف ..
عموما مادام كدة انا هجرب اعملها بزيت الزيتون ان شاء الله المرة الجاية ..
بس مش فاهمة ..
ايه علاقة زيت الزيتون بحجم العجينة ؟؟؟
يعني لو عجنت بزيت زيتون العجينة هتبقى سميكة عن كدة ؟؟ و لا هيفرق في الطعم ؟؟
اصلا البيتزا في رأيي المتواضع مش المفروض انها تكون سميكة .. و عشان كدة باحاول ارققها جدا ..
ياريت بس تفسري لي زيت الزيتون عشان لما اجرب ابقى فاهمة هيحصل ايه *162*
حبي و احترامي و تقديري ..
:f2:

الشيمـــاء
13-05-2008, 06:11 PM
أنفال الجميلة .. ازيك يا قمر؟؟
انا عزماكي النهاردة علي بيتزا عندكم :p .
اصل البيتزا طالعة تجنن
شوفي يا ستي البيتزا من الحاجات المحببة اوي بالنسبة ليا و اتعودت اعملها لان اخواتي بيحبوها بس طريقتي مختلفة عن طريقتك شوية يعني باستخدم لبن سايب بدل اللبن البودرة و المية و بضطر استخدم جبنة رومي لان الموتزاريلا مش متوفرة اوي هنا و كمان بحط للعجينة بيضة او 2 , و مش بستخدم صلصة لان الصلصة متعبة و علي قد ما بقدر بتجنب استخدامها كمان يا سلام لو الفلفل حراق بتبقي تجنن. و فعلا زي مقولتي كل ما البيتزا كانت رقيقة كل مكان افضل بكتير.
و بعدين بقي جريتو ريقي ..
اشكرك علي البيتزا و الصور و الموضوع كله علي بعضه.
خالص ودي
:f2:

سيمفونية كاتبه
13-05-2008, 06:16 PM
:f2::f2::f2::f2:

أنفال

لالالالا

لازم تعزمينى عندك انا ضعيفه جدا ادام البيتزا

دى اكلتى المفضله

لازم اجى عندك وتأكلهالى زى دى مليش دعوه:uff:


هنام طول اليل احلم بيها ذنبى فى رقبتك

:ouch::ouch:

انا عايزه اقلك انى انا كمان بعملها بنفس الطريقه


وبتطلع خطيره جدا

بس بعد الصوره الى شفتها

اكتشفت انى الى كنت بعملها دى مش بيتزا

ممكن تسميها (سد الحنك) دى اكله فى مصر بس مش عارفه عباره عن ايه

بس سمعتها كده

المهم والخلاصه

لازم تعزمينى عليه

لانى هتجنن على الصوره وممكن اعملك سوبر مان وطير من الشاشه

هههههههههههههههههه

الف هنا وشفا حبيبتى وبجد عرض جميل

تقبلى تحياتى

مملكه الحب

:f2::f2::f2::f2:

زهره
13-05-2008, 08:47 PM
حررررررررررررررررررررام علكي جوعتيني جدااااااااااااااااااااااااااااا
تسلم ايدك وصورك
بس انا عايزها في بوق
هههههههههههههههههههههه
شكرا بالف هنا

نووونا
13-05-2008, 11:57 PM
لأ إنتي هايلة بجد ياأنفال
جميـــــــــــــــــــــــــلة جدا ..تسلـم إيدك
وياريت لو في طرق تانية غير بالسويس تقوليلنا عليها برده

nariman
14-05-2008, 01:25 AM
الغاليه انفال
ايه الحاجات الحلوه دى

تسلم الأيادى

ابوي عزي بالدني
14-05-2008, 03:14 AM
واااااااااااااااااااااااااااااااااااو


مرسي الله يعطيك العافيه حبيبتي وتسلم ايدينك والله لايحرمنا منا جديد

أنفـــــال
14-05-2008, 08:12 AM
أنفال الجميلة .. ازيك يا قمر؟؟
انا عزماكي النهاردة علي بيتزا عندكم :p .
اصل البيتزا طالعة تجنن
شوفي يا ستي البيتزا من الحاجات المحببة اوي بالنسبة ليا و اتعودت اعملها لان اخواتي بيحبوها بس طريقتي مختلفة عن طريقتك شوية يعني باستخدم لبن سايب بدل اللبن البودرة و المية و بضطر استخدم جبنة رومي لان الموتزاريلا مش متوفرة اوي هنا و كمان بحط للعجينة بيضة او 2 , و مش بستخدم صلصة لان الصلصة متعبة و علي قد ما بقدر بتجنب استخدامها كمان يا سلام لو الفلفل حراق بتبقي تجنن. و فعلا زي مقولتي كل ما البيتزا كانت رقيقة كل مكان افضل بكتير.
و بعدين بقي جريتو ريقي ..
اشكرك علي البيتزا و الصور و الموضوع كله علي بعضه.
خالص ودي
:f2:
أم الشهيد الغالية .. *162*
طبعاً تشرفي و تنوري و معزومة و تؤمريني و الله :h:
يتزا من غير صلصة .. عمري ما جربت أعملها كدة ..
و فعلا البيتزا الرقيقة بتبقى ألذ و أطعم ..
نورتيني بجد ..
:f2:





:f2::f2::f2::f2:

أنفال

لالالالا

لازم تعزمينى عندك انا ضعيفه جدا ادام البيتزا

دى اكلتى المفضله

لازم اجى عندك وتأكلهالى زى دى مليش دعوه:uff:


هنام طول اليل احلم بيها ذنبى فى رقبتك

:ouch::ouch:

انا عايزه اقلك انى انا كمان بعملها بنفس الطريقه


وبتطلع خطيره جدا

بس بعد الصوره الى شفتها

اكتشفت انى الى كنت بعملها دى مش بيتزا

ممكن تسميها (سد الحنك) دى اكله فى مصر بس مش عارفه عباره عن ايه

بس سمعتها كده

المهم والخلاصه

لازم تعزمينى عليه

لانى هتجنن على الصوره وممكن اعملك سوبر مان وطير من الشاشه

هههههههههههههههههه

الف هنا وشفا حبيبتى وبجد عرض جميل

تقبلى تحياتى

مملكه الحب

:f2::f2::f2::f2:

تعالي بس و اعملك أحلى منها ..
البيتزا عشان تطلع بيتزا على فكرة بتبقى محتاجة وقت و تجارب :)
فأكيد أكيد مادام بتعرفي تعمليها هتوصلي لمرحلة الاحتراف قريباً .. :)
بس بلاش تطيري من الشاشة عشان اشاشة بفلوس ..
نورتي يا حبيبتي ..
:f2:


حررررررررررررررررررررام علكي جوعتيني جدااااااااااااااااااااااااااااا
تسلم ايدك وصورك
بس انا عايزها في بوق
هههههههههههههههههههههه
شكرا بالف هنا
الله يخليكي يا زهره ..
شكراً يا ستي على الرد اللذيذ دة ..
تعالي خدي حتة :)
:f2:



لأ إنتي هايلة بجد ياأنفال
جميـــــــــــــــــــــــــلة جدا ..تسلـم إيدك
وياريت لو في طرق تانية غير بالسويس تقوليلنا عليها برده
نووونا ..
البيتزا مشكلتها في العجينة بس :)
لكن التوبنج بقى ممكن تنوعي فيه ..
يعني ممكن مرة سوسيس .. ممكن مرة لحمة مفرومة و خضار مشكل ..
ممكن تحطي سلامي و جبنة تشيدر و انواع جبن تانية ..
ممكن تعملي شاورما فراخ بدل السوسيس ..
ممكن أنشوجة .. و تونة .. بس عندنا في البيت محدش بيرضى ياكلها كدة ..
ممكن جمبري .. تسويه الأول جوة الصلصة بتاعت البيتزا ..و بعدين تحطيه و تحطي الجبنة و البصل و كدة ..
يعني أفكارها كتير ..
نورتي يا حبيبتي ..
:f2:


الغاليه انفال
ايه الحاجات الحلوه دى

تسلم الأيادى
ناريمان :)
بجب اسمك جدا جدا .. *162*
مانتي بتيجي المطبخ أهو ..
شكرا على الزيارة .. و ربنا يخليكي يا رب
و تسلم ايديكي انتي كمان ..
:f2:



واااااااااااااااااااااااااااااااااااو


مرسي الله يعطيك العافيه حبيبتي وتسلم ايدينك والله لايحرمنا منا جديد
مرحباً بك يا حبيبتي ..
و شكرا على ردك الحلو جدا دة ..
مرحبا بك في المنتدى ..
و باذن الله سأضع لكم صور طبخات أخرى كلما سنحت الفرصة ..
:f2:

أم أحمد
14-05-2008, 09:36 AM
يا صباح البيتزا اللي تفتح النفس
ما شاء الله عليكي يا حبيبتي
انتي فهمتي الموضوع صح
ده اللي كنت اقصده فعلا
خطوات عمل الطبق وتنزل بالصور
في موضوع مستقل
تسلم ايدك بجد يا احلي انفال
صباحك عاطر بذكر الله
:f2:

أنفـــــال
14-05-2008, 10:42 AM
يا صباح البيتزا اللي تفتح النفس

ما شاء الله عليكي يا حبيبتي
انتي فهمتي الموضوع صح
ده اللي كنت اقصده فعلا
خطوات عمل الطبق وتنزل بالصور
في موضوع مستقل
تسلم ايدك بجد يا احلي انفال
صباحك عاطر بذكر الله

:f2:


صباح الورد :f:
انا مشكلتي بس إني باكسل أصور ..
كمان تصغير الصور كحجم و مقاس ..
و الكتابة عليها بووتر مارك watermark
كنت باكسل اوي :)
بس اتشجعت لما لقيتك عملتي الموضوع بتاع الطبخ بالصور ..
و جميل جاد انها عجبتك ..
و هي فكرتك في الاول و الآخر يا غاليتي ..
:f2:

Amira
14-05-2008, 11:56 AM
سيدي سيدي علي البيتزا :y1:

ايه يا انفال البيتزا الجامدة دي ...

تسلم إيدك بجد علي العمايل و التصوير ... ألف هنا يا حبيبتي :f:

بس فين البييس بتاعتي :d ومعاها كانز بيبسي و صلحه :d

جميل يا قمر :f:

أنفـــــال
15-05-2008, 01:24 PM
سيدي سيدي علي البيتزا :y1:

ايه يا انفال البيتزا الجامدة دي ...

تسلم إيدك بجد علي العمايل و التصوير ... ألف هنا يا حبيبتي :f:

بس فين البييس بتاعتي :d ومعاها كانز بيبسي و صلحه :d

جميل يا قمر :f:


أهلا أميرة :)
للأسف نحن لا نقدم البيبسي يا فندم .. لأنه ضار بالصحة ..
بس دايما ًعندنا عصير :)
برتقال .. تفاح .. كدة يعني
نوريتيني يا أميرة ووحشتيني و الله ..
:f2:

vérité
16-05-2008, 03:39 PM
أعجبتني كثيراً
:)

بصحتك ألحبيبة

أنفـــــال
16-05-2008, 07:21 PM
أعجبتني كثيراً
:)

بصحتك ألحبيبة
الغالية verite

سعدت بمرورك و مرحباً بك :)

:f2:

شعاع من نور
16-05-2008, 07:38 PM
انا جيت تاني :l2:


ايه علاقة زيت الزيتون بحجم العجينة ؟؟؟
يعني لو عجنت بزيت زيتون العجينة هتبقى سميكة عن كدة ؟؟ و لا هيفرق في الطعم ؟؟

أيوا يا أنفال تمام بتبقى سميكة و عالية يعني مش هتلاقيها مهبطة كده في قلب الصينية و يادوبك واخدة سطحها و بس...

لأ هتلاقيها عالية و القطعة بتبقى كبيرة كده و واخدة وضعها :d

و على فكرة بيفرق كمان في الطعم :2:

هو أنا بحط معلقة أو معلقتين كبار من الزيت لأني بحب البيتزا عموماً تبقى خفيفة قد ما أقدر..

بجد يا أنفال الموضوع ده لذييييييييييذ موووووت و ياريت لو تكررلينا التجربة في أكلات تانية يا أنفال...ياااريت..:hug2:

تسلم ايدك مرة تانية يا حبيبة قلبي...

إحترامي و تقديري..
:f2::f2::f2:

أنفـــــال
16-05-2008, 07:53 PM
انا جيت تاني :l2:



أيوا يا أنفال تمام بتبقى سميكة و عالية يعني مش هتلاقيها مهبطة كده في قلب الصينية و يادوبك واخدة سطحها و بس...

لأ هتلاقيها عالية و القطعة بتبقى كبيرة كده و واخدة وضعها :d

و على فكرة بيفرق كمان في الطعم :2:

هو أنا بحط معلقة أو معلقتين كبار من الزيت لأني بحب البيتزا عموماً تبقى خفيفة قد ما أقدر..

بجد يا أنفال الموضوع ده لذييييييييييذ موووووت و ياريت لو تكررلينا التجربة في أكلات تانية يا أنفال...ياااريت..:hug2:

تسلم ايدك مرة تانية يا حبيبة قلبي...

إحترامي و تقديري..
:f2::f2::f2:


مهبطة ؟؟
ايه مهبطة دي !!
غريبة اوي الكلمة دي ..!
no comment!!
أصلا برضه .. البيتزا الصح برضه هي الرقيقة .. مش التخينة اللي شبه العيش .
و على فكرة سمك العجينة هو اللي بيحدد ارتفاع البيتزا .. مش الزيت ..!!
و ياريت تورينا يا شعاع بتعملي البيتزا ازاي .. و هاستنى موضوع منك بالصور ..
شكراً .

شعاع من نور
16-05-2008, 08:29 PM
مهبطة ؟؟
ايه مهبطة دي !!
غريبة اوي الكلمة دي ..!
no comment!!

مهبطة...من هبط...هبوط...عكس العلو يا فندم..
:2:

عموماً عمايل البيتزا بتختلف من حد للتاني...
أنا بس كنت بعلق على تعقيبك على ردي...

أتمنى يبقى الكلام مش غريب دلوقتي(!)...

مع التحية.

أنفـــــال
16-05-2008, 11:48 PM
مهبطة...من هبط...هبوط...عكس العلو يا فندم..
:2:

عموماً عمايل البيتزا بتختلف من حد للتاني...
أنا بس كنت بعلق على تعقيبك على ردي...

أتمنى يبقى الكلام مش غريب دلوقتي(!)...

مع التحية.


طيب ..
خالص التحايا ..
:f2:

سلوىاحمد
22-05-2008, 02:54 PM
يا ستى الف شكر وتسلم ايديكى
نتمى نشوف اصناف تانية

hanoaa
23-05-2008, 12:32 AM
السلام عليكم
بجد موضوع رائع و جميل
حاجة تفتح النفس صحيح و كمان تبوظ الريجيم
بس مش مشكله
انا اصلى بموت فى البيتزا
و بعد موضوعك ده ممكن اجازف و ادخل المطبخ اعملها بس ربنا يستر
انا اصلى بينى و بين المطبخ تار بايت
مافيش بينا عمار يعنى
بس بجد بعد الموضوع ده نفسى اتفتحت يعنى ممكن اخد الخطوة الجريئه دى و ادخل المطبخ مين عارف مش يمكن نبقى اصحاب
على العموم ميرسى على الموضوع الهايل ده و عايزين تانى

zizoYAzizo
23-05-2008, 11:07 AM
تسلم ايدك يا انفال على البيتزا انا جيت وجايب معايا البيبسى :good:
http://www.zhra.net/data/media/8/pepsi.jpg
لك كل التحيه والتقدير :f:

أنفـــــال
24-05-2008, 10:46 AM
يا ستى الف شكر وتسلم ايديكى
نتمى نشوف اصناف تانية

أهلا يا سلوى ..
ان شاء الله هتشوفي النهاردة صنف جديد .. و يا رب يعجبك .
:f2:


السلام عليكم
بجد موضوع رائع و جميل
حاجة تفتح النفس صحيح و كمان تبوظ الريجيم
بس مش مشكله
انا اصلى بموت فى البيتزا
و بعد موضوعك ده ممكن اجازف و ادخل المطبخ اعملها بس ربنا يستر
انا اصلى بينى و بين المطبخ تار بايت
مافيش بينا عمار يعنى
بس بجد بعد الموضوع ده نفسى اتفتحت يعنى ممكن اخد الخطوة الجريئه دى و ادخل المطبخ مين عارف مش يمكن نبقى اصحاب
على العموم ميرسى على الموضوع الهايل ده و عايزين تانى
أهلا يا هناء :) متهيألي اسمك هناء ؟؟
صدقيني لو حبيتي المطبخ هو تلقائياً هيحبك ..
شكراً يا هناء ..
:f2:




تسلم ايدك يا انفال على البيتزا انا جيت وجايب معايا البيبسى :good:

http://www.zhra.net/data/media/8/pepsi.jpg

لك كل التحيه والتقدير :f:


شكراً على التقييم يا زيزو .. دي أولاً *162*
و شكراً على البيبسي .. دايماً مكلف نفسك كدة بس ..
طيب ماجبتش معاك اتنين كيلو بطاطس نحمرهم ؟؟:biggrin:
:f2:

نشــــوى
30-05-2008, 09:37 AM
السلام عليكم
ممتاز يا أنفال ماشاء الله
بصي انا بعملها بطريقة شبه اللى انتي عملتيها
وبردو بتطلع رقيقة ومظبوطة كده .. بس هقولك على حاجة وابقي جربيها
مش تحطي الموتزريلا في الاول مع الاضافات بتاعتك .. خليها قرب ما تستوي البيتزا
يعني حطي كل الاضافات ماعدا الموتزريلا ودخليها الفرن .. وتابعي لحد ماتحسي ان البيتزا قربت تستوي
بعدين حطي الموتزريلا وسيبيها قولى 5 دقايق لحد ما تسيح من الحرارة ..
ولما تطلعى البيتزا هتلاقي الموتزريلا سايحة اكتر ومش هتنشف حتى لو البيتزا بردت ..
عن تجربة :)
بجد شكرا ليكي على المجهود ده .. ان انتى تصوري وانتي بتعملى الله يكون فى عونك
انا ببقى وانا بعمل اى حاجة واقفة ملخومة ومش ملاحقة اعمل اى حاجة تانية هههههههههه

مرة تانية شكرا ليكي يا نوفا :h:

أنفـــــال
02-06-2008, 01:34 AM
أهلا أهلا يا نشوى في قاعة المطبخ .. نورتينا و الله ..
:f2:

سلوىاحمد
02-06-2008, 06:29 PM
تسلم ايديكى جريتى ريقنا

أنفـــــال
06-06-2008, 06:38 PM
اهلا يا سلوى يا حبيبتي ..
نورتي الموضوع .
:f2:

محمد احمد سعيد
03-07-2008, 08:56 PM
شكرا على هذة الطريقة ان شاء الله لازم اجربها

كاميليا
04-07-2008, 06:14 PM
http://www.pusup.com/up/get-7-2008-f6uqsefz.gif (http://www.pusup.com/up)

aynad
13-07-2008, 02:41 PM
ممكن استأذنك في نص الصينية من فضلك هههههههههههه
تسلم ايدك يا انفولتي

hanoaa
13-07-2008, 07:01 PM
أهلا يا هناء :) متهيألي اسمك هناء ؟؟
صدقيني لو حبيتي المطبخ هو تلقائياً هيحبك ..
شكراً يا هناء ..
:
:f2:الشكر ليكى انتى و انشاء الله حاعمل زى ماقولتى لى حاحب المطبخ علشان يحبنى و ده فعلا اسمى