المساعد الشخصي الرقمي

مشاهدة النسخة كاملة : وقالت والدتي



مصراويةجدا
10-05-2008, 06:02 PM
بداية العنوان مستوحي من نفس عنوان الموضوع الرائع ( وقالت جدتي )

للكاتب العظيم الاستاذ الدكتور / أبو امنية

بس الفكرة تختلف تماما

اكيد كل واحد فينا وهوة صغير مامته كانت بتقوله حاجات او حصل ما بينه وبين مامته

مواقف كل لما يفتكرها يقعد يضحك عليها واحيانا اهالينا بالعربي كده كانوا بيفشروا علينا لتنفيذ غرض ما في انفسهم ولا نجد له تفسير

ممكن بقي كل واحد فينا يحكيلنا بعض المواقف دي وياريت ومن غير كسوف نعرف

من سيادتكم اول علقة خدتوها من مامتكم ايه ولو في علقة مسببالكم عقدة بردو قولولنا عليها واحنا مش هانتوصي وهانضحك عليكوا ( مصائب قوم عند قوم فوائد ):stpd:

أبدا انا :2:

ماما كانت دايما تقولي كلي صفار البيض عشان يبقي شعرك اصفر هههههههههههه

وطبعا بالتالي تبقي اول علقة اخذتها كانت بسبب الاكل _ ما كنتش باكل _

ولما كبرت بقيت اضحك واقولها كويس يا ماما انك ما كنتيش بتقولي كلي قشر البطيخ عشان عينك تبقي خضرا هههههههههههههههههههههههههه

the_chemist
10-05-2008, 06:39 PM
هههههههههههههههههههههههههههه

و الله شربات يا مصراوية

بس أنا لا أستاذ و لا دكتور

و الفكرة حلوة

و العُلق كانت كتير

شقاوة بقي نعمل ايه

هأفتكر و أرجع لك

بنت شهريار
10-05-2008, 06:44 PM
هههههههههههههههههههههههههههههه
الله عليكى يامصراوووووووووية
لا ياختى انا مكنتش بتضرب
بس كنت بخلى العيال يتضربوا
ههههههههههههههههههههههههههههه
كانوا بيقولوا عليا رئيسة عصابة
اقول الفكرة وماليش دعوة
ههههههههههههههههههه

موضوع جميل اوى
تسلم ايدك

مصراويةجدا
12-05-2008, 01:59 AM
شكرا علي المرور يا أبا أمنية _ ايه لسة مفتكرتش _

حصلنا الرعب يا بنت شهريار ههههههههههههههههههههههههههههه

وبعدين هوة ماحدش رد ليه

واضح ان ماكانش في حد غيري بينضرب من امه ولا ايه

مصراويةجدا
12-05-2008, 02:03 AM
طب بصوا بقي
مامتي كانت بتقنعني اني لما شرب اللبن باطول كل يوم سنتي
وانا كنت كل يوم زي الهبلة اقوم من النوم فرحانة واقولها بصي يا ماما طولت قد ايه
وهية تقولي براقو وتقوم مبلعاني الكوباية التانية بالضرب برده
مش عارفة ايه القهر ده

the_chemist
14-06-2008, 08:21 PM
هو الكل مكسوف يكتب عن العُلق اللى كان بياخدها و لا ايه

يا ناس مش تخافوا مش هنقول لماما


Photo Gallery