المساعد الشخصي الرقمي

مشاهدة النسخة كاملة : عشان إنت مصرى



heba_ic
02-05-2008, 09:11 PM
من كلمات أحمد فؤاد نجم



عشان إنت مصرى لازم تعانى
و تفقد كرامتك بكل المعانى
و تحرق فى دمك سنين مش ثوانى
و إوعى تصدق كلام الأغانى
بتاع الحضاره و كانى و مانى
ده كله هجايص ما يدخل ودانى

عشان إنت مصرى العذاب بيناديك
بتبدأ فى يومك حاجات بترازيك
فى نومك و قومك تعكنن عليك
تضايقك و لسه العماص فى عنيك
مافيش ميه تشطف صابونه فى ايديك
و جسمك ملزق و ريحتك عاديك
فتلبس و تنزل و فيك اللى فيك

و رايح لشغلك حتحتاج مواصله
آدى المترو واقف و كهربته فاصله
و فى الميكروباص خناقه و حاصله
اتوبيس فرامله عايزالها وصله
و توك توك ده تايه و محتاج لبوصله

بتوصل لشغلك بدم اتحرق
و فى كام مواطن عاملك قلق
بيشكى تقول له روح إندعق
و عركه و هوجه وشاى إندلق
و مخك خلاص من الصداع إتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص إستويت
عيالك بتطلب وهات كيت و كيت
تزعق تهاتى يا ناس إتهريت
و لا حد سامعك مهما هاتيت

عشان إنت مصرى و ده للأسف
فلازم تآسى تعيش تتقرف
و تنسى الكرامه و تنسى الشرف
و تسرق و تنصب أو تنحرف
و دمعك بيجرى و جرحك نزف
مش إنت اللى مصرى!!!!!جتك القرف

the_chemist
03-05-2008, 10:46 AM
لالالالالالالالالالالالالالالالا

لالالالالالالالالالالالالالالالالالالالالالالالالا لالالالالالالالا

لالالالالالالالالالالالالالالالالالالالالالالالالا لالالالالالالالالالالالالالالالالالالالالا

لالالالالالالالالالالالالالالالالالالالالالالالالا لالالالالالالالالالالالالالالالالالالالالالالالالا لالالالالالا


لا يا عم نجم

ليس بهذا الكم من اليأس

شكرا

heba_ic
03-05-2008, 05:18 PM
أهلا أهلا بالسيد العضو (كيميائى)
و كما عودتنا دائما بالمبادره فى المشاركة و المرور الكريم
تقبل تحياتى

سيمفونية كاتبه
03-05-2008, 05:40 PM
:f::f::f::f::f::f::f::f::f::f::f::f:

بتوصل لشغلك بدم اتحرق
و فى كام مواطن عاملك قلق
بيشكى تقول له روح إندعق
و عركه و هوجه وشاى إندلق
و مخك خلاص من الصداع إتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص إستويت
عيالك بتطلب وهات كيت و كيت
تزعق تهاتى يا ناس إتهريت
و لا حد سامعك مهما هاتيت


الله عليكى ياهبه وعلى طرحك لقصيده جميله

لــ سفير الفقراء

أحمد فؤاد نجم

والله انا بحب الراجل ده رغم ان سعات مفردات كلامه

غير لائقه بس


الراجل ده عارف يعنى ايه الطبقه الفقيره من الشعب

بيتكلم عن الطبقه دى ببراعه لانه منها وأتربا فيها

بجد مهما ان كان الصوره المصريه الى وصلها على العامل المصرى

بس فعلا دى الحقيقه

مزيد من النجاح ياهبه

تمنياتى بكل خير

مملكه الحب


:f::f::f::f::f::f::f::f::f::f::f::f:

the_chemist
03-05-2008, 08:06 PM
أهلا أهلا بالسيد العضو (كيميائى)
و كما عودتنا دائما بالمبادره فى المشاركة و المرور الكريم
تقبل تحياتى

السلام عليكم

شكرا على الترحيب يا هبة

بس حاسس أنك معترضة على رأيى

شوفى أنا مصري زي نجم

و من نفس الطبقة الغلبانة

عمرى ما كنت عايش مستريح لا في صغرى و لا و أنا بأشتغل و أكسب و لا و أنا ع المعاش

طول عمر العيشة المستريحة أمل كالسراب بالنسبة لى

و لكنى من طبعى أحب الأمل

و لا أحب كل هذا الكم من الظلام

شكرا

heba_ic
04-05-2008, 09:32 PM
:f::f::f::f::f::f::f::f::f::f::f::f:

بتوصل لشغلك بدم اتحرق
و فى كام مواطن عاملك قلق
بيشكى تقول له روح إندعق
و عركه و هوجه وشاى إندلق
و مخك خلاص من الصداع إتفلق

هترجع لبيتك ده لو كان فى بيت
هتوصل هتندم ياريتك ماجيت
مراتك بتصرخ خلاص إستويت
عيالك بتطلب وهات كيت و كيت
تزعق تهاتى يا ناس إتهريت
و لا حد سامعك مهما هاتيت


الله عليكى ياهبه وعلى طرحك لقصيده جميله

لــ سفير الفقراء

أحمد فؤاد نجم

والله انا بحب الراجل ده رغم ان سعات مفردات كلامه

غير لائقه بس


الراجل ده عارف يعنى ايه الطبقه الفقيره من الشعب

بيتكلم عن الطبقه دى ببراعه لانه منها وأتربا فيها

بجد مهما ان كان الصوره المصريه الى وصلها على العامل المصرى

بس فعلا دى الحقيقه

مزيد من النجاح ياهبه

تمنياتى بكل خير

مملكه الحب


:f::f::f::f::f::f::f::f::f::f::f::f:




اهلا بعزيزتى
مملكة الحب
منورانى حبيبتى
هو فعلا (نجم) شاعر الفقراء و الطبقات المغمورة اللى فى معظم الأوقات بتبقى مهملة :uff:
انا سعيدة جدا لتواجدك و مداخلتك الغالية
وشدى حيلك فى المذاكرة الإمتحانات على الأبواب (ربنا معاكى يارب)
تقبلى امنياتى بالنجاح و التوفيق

heba_ic
04-05-2008, 09:55 PM
السلام عليكم

شكرا على الترحيب يا هبة

بس حاسس أنك معترضة على رأيى

شوفى أنا مصري زي نجم

و من نفس الطبقة الغلبانة

عمرى ما كنت عايش مستريح لا في صغرى و لا و أنا بأشتغل و أكسب و لا و أنا ع المعاش

طول عمر العيشة المستريحة أمل كالسراب بالنسبة لى

و لكنى من طبعى أحب الأمل

و لا أحب كل هذا الكم من الظلام

شكرا


مرحبا بيك تانى يا حضرة عضو مملكة الحرافيش
(فاكر يا حضرة العضو؟)
من المؤكد انى فرحانة بوجودك و إهتمامك
و طبعا انا بحترم رأيك جدا و بستفيد منه
لانى بحب احتك بمن هم اكثر خبرة منى
صحيح ان كلام الاستاذ نجم بيحاكى واقع ناس كتير عايشاه يمكن مانكونش احنا و الحمد لله
و احنا اكيد عايشين ولو جزء منه
الا انى برضه مش من النوع المحبط
و أرفع شعار (بشروا ولا تنفروا)
و انا حقيقى بحترم رأيك و اقدره و ما قصدتش ابدا انى اعترض عليه
انت استاذ و احنا بنتعلم منك
تقبل فــــــــائق احترامى

the_chemist
07-05-2008, 01:40 PM
مرحبا بيك تانى يا حضرة عضو مملكة الحرافيش
(فاكر يا حضرة العضو؟)
من المؤكد انى فرحانة بوجودك و إهتمامك
و طبعا انا بحترم رأيك جدا و بستفيد منه
لانى بحب احتك بمن هم اكثر خبرة منى
صحيح ان كلام الاستاذ نجم بيحاكى واقع ناس كتير عايشاه يمكن مانكونش احنا و الحمد لله
و احنا اكيد عايشين ولو جزء منه
الا انى برضه مش من النوع المحبط
و أرفع شعار (بشروا ولا تنفروا)
و انا حقيقى بحترم رأيك و اقدره و ما قصدتش ابدا انى اعترض عليه
انت استاذ و احنا بنتعلم منك
تقبل فــــــــائق احترامى

شكرا يا هبة على تقديرك لشخصى الضعيف

الحكاية كلها أنى


وسط يأسي من الدنيا و مآسيها = وسط الهموم اللى كل يوم بنعانيها

و سط الضلمة اللى لابدة جوانا = وسط الخوف من الدنيا و غداريها

وسط الغدر اللى ضارب في قلوبنا = و بقوة مادد جدوره فى حواشيها

و بنبكى على حياتنا و الظلم فيها = مالى صباحنا و معتم علينا لياليها

بس لازم نبص دايما للأمل يمكن = تيجى لحظة الميلاد و ينور مبانيها

يخللى بلادنا منورة مهما كانت = المآسي اللى ملياها و بنعيش فيها

دايما في شمعة هنااااااااااااك = بعيد صحيح لكن مدي إيدك هاتيها

دارى عليها جوه في قلبك = و بحبك و شوقك لبكرة لازم تراعيها


http://www.swahl.com/photo/data/media/13/photo7-0091.JPG (http://www.SwahL.com/photo/)

heba_ic
10-05-2008, 08:14 PM
أهلا بيك اخى الكريم كيميائى من جديد
والله انت منور
متشكره على الكلام الجميل اللى اضفته
و خصوصا
بس لازم نبص دايما للأمـل يمكـن تيجى لحظة الميلاد و ينور مبانيهـا

يخللى بلادنا منـورة مهمـا كانـت المآسي اللى ملياها و بنعيـش فيهـا

دايمـا فـي شمعـة هنـاااااااااااا كبعيد صحيح لكن مدي إيدك هاتيهـا

دارى عليهـا جـوه فـي قلـبـك و بحبك و شوقك لبكرة لازم تراعيها

كلمات مفعمه بالأمل
تقـــبل خــــالص تحيـــاتى


Photo Gallery