المساعد الشخصي الرقمي

مشاهدة النسخة كاملة : ازاى تقدرى تعكننى على الرجل..من هنا نعلن الحرب عليكم ايها الرجال



الصفحات : [1] 2

سمسمة
09-09-2003, 04:51 PM
رد على الموضوع دة (http://www.egyptsons.com/misr/showthread.php?s=&threadid=9461)

بيتفرج على ماتش كورة..ياسلام..نفسى انضف التلفزيون من التراب عليه
*109*

عايز كوبية شاى ياحياتى..قولى له حاضر ياعيونى واعمليها ماسخة وناقصة سكر
*109*

قبل ماتنامى بالليل عايرى المنبه على ميعاد متأخر عن اللى عمله عشان يتأخر على الشغل
*109*

قالك اكوى الهودوم بتاعتى..اكوى القميص بس وقول له واحدة صاحبتى اتصلت وواقعة فى مشكلة ونسيت اكمل الباقى
*109*

لسة قابض المهية جديد..والنبى نفسى فى الطقم الازرق ومعاها شنطته وجزمته دة تحفة
*109*

قاعد على مكتبه وبيشوف حاجات شغله..حبيبى نفسى اتعشى بارة النهاردة وتصممى على كدة
*109*

وانتى بتسيىء الشقة ومش راضى يعمل معاكىوبيتفرج على نانسى عجرم..تعالى جنبه بجردل ميه مليان على اخره ووقعيه عليه
*109*

اذا قومك الصبح غصب عنك عشان تحضرى الفطار..قومى اعملى كوبية الشاى ورغيف عيش وسيبه وروحى نامى تانى
*109*

امسكى الشنطه بتاعته وهو رايح الصبح وشيلى منها الورق اللى فيها وبالمرة الفلوس من المحفظة
*109*

خليه فى الشغل وتعالى على الورق اللى فى مكتبه وارمى منها الورق اللى مايعجبكيش فى الزبالة..لو سألك قولى له ماكنش عاجبنى شكلها
*109*

وهو قاعد على الكمبيوتر خلى الموبايل يرن وقولى له صاحبك عايزك واقفلى كل حاجة كان فاتحها وافتحى لعبة وقوليه هاخلص اهوه..اللعب دى وبس..قربت اكسب اهوه
*109*

تعالى يوم الجمعة الصبح بدرى وشغلى قناة دريم على نانسى عجرم برضو بصوت عالى وامسكى منفضة وعلى الكراسى واديها
*109*



البروف سمسم..:112:

علي المصري ال
09-09-2003, 05:00 PM
ست سمسمة
ليه كده نظام العكننة علي الرجال باين عليكم تعلن الحرب علي الرجال
خلي بالك زي ما فيه وسائل عكننة علي الرجال في كمان وسائل عكننة علي عليكم من يفتح الباب يا رجال عليهم ويبتدي الاول ويعكنن عليهم
يلا يلا يلا يا رجال ما تكسفونا

سمسمة
09-09-2003, 05:04 PM
خخخخخخخخخخخخخخخخخخخخخ

ههههههههههههههههخخخخخههههههههه


ههعههعههعهعهعهههخخخخخخخ

فرحانة فيكم اوى

:D:D:D:D:D

البروف سمسم..:112:

سمسمة
09-09-2003, 11:52 PM
الالوان مش باينة ياجماعة بجد؟؟

بسمة أمل
10-09-2003, 12:42 AM
والله نصايح زى العسل يا سمسمة:5:
كنت هموت من الضحك:p
ايوة كدة لازم ننتقم:24:

جنان الفردوس
10-09-2003, 04:31 AM
:5: :5: :5:
يخرب عقلك يا سمسمة..
مش ممكن اللي انت بتعمليه ده..
جبارة ..
موضوع رهيب ..
ما شاء الله عليك..
بس انتي كده هتقومي علينا رجالة المنتدى كلهم..
ربنا يستر..

سمسمة
11-09-2003, 12:07 PM
بسوم ياحبيتى

ثانك يو فيرى ماتش

:):):):)

العمدة
11-09-2003, 12:13 PM
أمممممممممممم

طيب ياسمسمة أنتِ صنفتِ نفسك من أعداء الرجل :)

تحملِ تبعات ذلك :(


موضوع حلو :)

بسمة أمل
11-09-2003, 12:14 PM
يو ار ويلكم يا سمسمة يا روحى:)

بس برضة مش هسامحك على انك دخلتينى السجن:(

ابن البلد
11-09-2003, 12:39 PM
حكم

:rolleyes:

سمسمة
12-09-2003, 02:45 AM
جنان الفردوس

ثانك يو فيرى ماتش

نجيلك فى الافراح خخخخخخخخخخخ

سمسمة
12-09-2003, 05:55 PM
العمدة

ايوة ياعمدة وفيها حاجة

دة انا اكبر زعيمة عصابة فى البلد كلها تحارب

الصرصور الابيض اللى مش عايز يموت برشاش الناموس الجديد ريد الاحمر

خخخخخخخخخخخخخخخخ

البروف سمسم..:112:

ana3sola
13-09-2003, 06:42 PM
سمسه حبيبتى موضوع بيعقد
بس كمليه بقى
يعنى مرة يكون سايب الموبيل اعملى عليه ديفرت (تحويل ) الى رقمك انتى وكل ما حد يتصل قولى له الرقم غلط ما تتصلش مرة تانيه !!
ومن دة كتير
يستاهلوا والله اكتر من كدة
تسلمى سمسومتى على الموضوع

الأميرة الحره
13-09-2003, 07:20 PM
ايووووه ياسمسم كذا ..

سيري بتوفيق الله ونحن معااااااااااااك

خخخخخخخخخخخخخخخخ

خخخخخخخخخخخخخخخخخخخخخ

خخخخخخخخخخخخخخخخخخخخخخخخخخخخخ


:19: :19: :17: :45:


ماينفع مع الرجاله الا كدااااااااااا

المقاتله الشرسه :67:

والموت في سبيـــــــل تحقيق اهدافنا :39: :33: :31:


ننتظر المزيد من ابداعاتك :D:)

سمسمة
14-09-2003, 11:47 PM
بسمة حزن

حقك عليا المرة دى


المرة اللى جاية مش هادخلك




















بس اذا لاقيتك ردتيى قبلى هاسجنك خخخخخخخخخخخخ:D

البروف سمسم..:112:

سمسمة
14-09-2003, 11:49 PM
ابن البلد

مالك

زعلان من الموضوع ولا ايه


وهو المطلوب اثباته خخخخخخخخخخخخ:D

البروف سمسم..:112:

سمسمة
14-09-2003, 11:51 PM
عسولة

ههههههههههههههههههه

اوكيه..

هناخد نصايحنا من مين يعنى:D



ويلكم اجين :D

البروف سمسم..:112:

سمسمة
14-09-2003, 11:52 PM
الاميرة الحرة

يامرحبة يامرحبة

وانا ليا مين غيركم هيسندنى

لو لاكم انتم لاكنت رحت ولا جيت

ولا شفت ولا شفيت خخخخخخخخخخخ

:D

البروف سمسم..:112:

أشجان الليل
16-09-2003, 03:07 AM
كاتب الرسالة الأصلية : العمدة
أمممممممممممم

طيب ياسمسمة أنتِ صنفتِ نفسك من أعداء الرجل :)

تحملِ تبعات ذلك :(


موضوع حلو :)



ماهذا:1:

هل هذا الرد ... هو رد العمده...؟؟؟

مؤسس جمعيات...
يارجال العالم اتحدوا
المقهورون فى حكم النساء
وآه يانى يامّا تعايلي..........!!!!!!


لا
لا
لا
لا
لا وألف لا
العمده...
أطالبك والآن... أن تتخذ موقفا حاسما من المدعوه سمسمه
وإلا...
فعليك التنحى عن منصبك لمن هو جدير به...
مصراوى
أو محيي إبراهيم
أو شمس الدين بعد الجواز:p;)

amaso
16-09-2003, 08:25 AM
***بجد100/100
انا معجب جدآ بالى انا شايفه ده مع انه ضد الرجل :confused: بس بجد حلو قووووووووووووووووووووووووووووووووووووووووووووووووو وووووووووووووووووووووووووووووووووووووى:D

ابن البلد
16-09-2003, 08:54 AM
amaso ههههههههههههه
يا سلام
مع ؟انه ضد الرجل بس معجب بيه
انت أكيد دسيسه منهم ههههههههههههههه
تحياتي لك ولمشاركتك :) :141:

مصراوى
16-09-2003, 11:10 AM
أبا هند فلا تعجل علينا **** وانظرنا نخبرك اليقينا
بأنا نورد الرايات بيضا *** ونصدرهن حمرا قد روينا

هى الحرب إذا يا معشر نون النسوه
:18: :18: :18: :18:

وهل تحتجن _قطع الله خبركن _ الى نصائح هذه السمسمه أسال الله أن يرزقها بزوج يشفى غليلى منها
:5::5:
ان النكد متغلغل فى دماءكن وعظمكن ومخالط لذرات أجسادكن
كفانا الله شركن ووقانا عظيم كيدكن

:5::5::5::5::5:

amaso
16-09-2003, 06:16 PM
******** ما بنخيب ظنك *********
--------------------------

هنعرفهم معنى هذا الكلام وازاى هنرد عليه وبقولك والله ما بنخيب ظنك وين ما تريد نروح نحنا معاك:24: وانا بأيدك:)

بلاغة الصمت
16-09-2003, 09:40 PM
يا أيها الرجـــــــــال :o

لقد دقت ساعة الصفر

وأذن مؤذن المعركة :24:

أن حى على الجهاد

إنها ساعة الجهاد المقدس :64:

ها نحن نرى نساء المنتدى وبناته يرفعن أسلحة الحرب :24:

فالويل لنا إن سكتنا :98:

والويل لنا إن ضعفنا :102:

والويل لنا إن استسلمنا :104:

وأنا من موقعى هذا أنادى نساء المنتدى وبناته

بوقف الحرب الغاشمة على الرجال

والعودة إلى طاولة المفاوضات

والانسحاب إلى حدود ما قبل 9 سبتمبر 2003

وإلا ستشتعل موجة من العنف والعنف المضاد :52:

والتى تعرقل مسيرة السلام فى المنتدى

كما أطالب كل المنتديات الصديقة راعية السلام التدخل لوقف هذه الحرب :96:

والضغط على الجنس اللطيف للعودة إلى طاولة المفاوضات

سمسمة
17-09-2003, 01:20 AM
اشجان الليل

احنا ولا بيهمنا

اللى عايزنا عايزنا


واللى مش عايزنا عايزنه :5:

انا هاسيب لك الموضوع دة تتصرفى فيه على راحتك:7:

البروف سمسم..:112:

سمسمة
17-09-2003, 01:22 AM
amaso

يكون لنا شرف كبير بانضمامك لنا بالموافقة على هذا الموضوع

لا ماتحلفش

يااخى والله خلاص

لالالالا ماتحلفش خلاص خلاص

دة على حسابنا

هنعينك وكيل ادراة المكتب الرجالى:7:


البروف سمسم..:112:

سمسمة
17-09-2003, 01:25 AM
ابن البلد

لقد تعديت على حقوقنا كنساءات المنتدى خخخخخخخخخخ

نطالب الان بتعويضات باهظة جدا

لما قد تعرضنا اليه من كلام

لقد قال هذا العضو دسيسة بينهم

انها الحرب تشتعل مرة اخرى

لك يوم ياظالم:7:

البروف سمسم..:112:

سمسمة
17-09-2003, 01:31 AM
مصرواى

دة انا زى جدتك الصغيرة:5:

قصدى اختك الصغيرة

تدعى عليا

بقى كدة

بقى دى اخرة المعروف

:2::2:

انها الحرب مرة ثالثة

سوف لن تكون لا هوادة فيها

لن تكون<-------------ساقطة عربى خخخخخخخخخ

البروف سمسم..:112:

سمسمة
17-09-2003, 01:34 AM
amaso

سحبت كلامك

اخ منكم

بقى كدة

بارة

بااااااااارة

يالا روح لمصرواى

حد قالك ان احنا عايزنك معانا


لقد صدر القانون الاتى

لقد تم حظر المدعوamaso من الدخول الى حزب السيدات مرة اخرى

:7::7::7::7::7:

البروف سمسم..:112:

سمسمة
17-09-2003, 01:43 AM
بلاغة الصمت


اتعلن الحرب علينا؟http://www.handykult.de/plaudersmilies.de/rough/headshot.gif

أتجرؤ على اعلان الحرب عليناhttp://www.handykult.de/plaudersmilies.de/rough/fal.gif

سوف اعلنها عليك ايضا http://www.handykult.de/plaudersmilies.de/rough/2ar15smilie.gif

ولكن باستخدام اسلحة اخرىhttp://www.handykult.de/plaudersmilies.de/rough/comeandgetsome.gif


سوف لن انسى لك هذا الموقف السلبى تجاه عسافير:D المنتدىhttp://www.handykult.de/plaudersmilies.de/rough/sig.gif


سوف ارشك بالبنادقhttp://www.handykult.de/plaudersmilies.de/rough/ak472.gif

لن يكون هذا الرد سهلاhttp://www.handykult.de/plaudersmilies.de/rough/xyxgun.gif

ولن نعديه بسهولةhttp://www.handykult.de/plaudersmilies.de/rough/awm2.gif

انها النهايةhttp://www.handykult.de/plaudersmilies.de/rough/mgwhore2.gif

فى المرة القادمة سوف اتى بدبابة تحطم الباب الرئيسى لقاعة فك التكشيرة

البروف سمسم..:112:

latifa
17-09-2003, 05:01 PM
بس ممكن احد يخبرني كيف افعل العكس

ابن البلد
18-09-2003, 07:27 AM
هذي نصايح..
كيف تهبليييييين زوجك..


يعني,,,
مضمونة..
100 بالميه..

وراح تشوفين النتيجة الفتاااااكة فوووووورا..


كيف تهبلين زوجك؟؟






1-لما يرجع البيت ...طيري لعنده وضميه...بس انتبهي..لايغمى عليه..من المفاجأة....

2-أرمي عليه واحدة من الابتسامات الخطيرة اللي تدربت عليها ساعة أمام المرايا.. بس لاتتوقعى يرفع عينه ويشوفها..

3_ خلى عطرك يسبقك....ويتكلم بدالك... وعلى طول قولي له انه هو اللي جابه قبل ما يقول وش هالريحة..

4_ قولي كلمة حلوة...وارمى نظرة حنونة ولاتنتظرى النتيجة...لأنها بتطول اكثر من قضية فلسطين..

5_ قاومي نفسك وفضولك....فقط اسأليه عن نفسه... الحقي الكم كلمة الباقية عنده من المخزون قبل لايصفر..

6_ في حضوره اقفلي كل المواضيع إلا موضوع جاذبيته ونجاحه...والله رح تخليه يتجنن يمشي يكلم روحه..

7_ قولي احبك....تراها تزيد وسامته... بس مو كلهم ترى...

8_ لا تنسي تذكريه انه ملك جمال العالم ...كيف ماكان.. ولو كان أشعث اغبر...

9_ حضري له الجريدة والقهوة....وقبلة...ثم اتركيه ينعم بالهدوء... رح يستغرب..ويتعذب شوى وهذا المراد من رب العباد..

11_ عندما يقول...لا....قولي حاضر....ورددي ...حتى اللا من فمك عذبة ياحبيبي.... ثم استشهدي بقول الشعر... وحسن قول نعم من بعد لا.. رح يستسلم لانك ماقاومت...

12_ لاتثقلي عليه بالطلبات...فقط قصر منيف...وصيف في ماربيا... والبقية سهلة.. ( أصلا ثقيلة خفيفة مارح تجى..)

13_ عندما يعود من السفر....دعيه يتفاجا من التغيير... وان كان يحب شيء سوى عكسه حتى لما ترجعى للى يحبه يشوفه..

14_ اذا كان ينتظرك لتستعدى للخروج معه... ضعي أمامه الريموت..والشاى...وجريدة..وهاتف.. واستعدى براحتك... ولارح يسال فيك.

15_عندما يصمت لاتحاولى أن تخرجيه من هذا الصمت وإلا انقلب عليك... فقط..أعطيه الأمان والحنان.. وفي سرك قولي احسن..

17_ إذا أردت منه شيئا فاطلبيه مباشرة بلا لف أو دوران... لكن توقعى القبول...لانه ينتقل بالاشعاع الصادر منك... طبعا رح تجيك صدمة...من عودة الإشعاع إليك بقوة..

18_ اذا اساء معاملتك فهذا ليس لانك تستحقين...بل لانه لايفهمك...ولارح يفهمك فلا تحلمى بالمستحيل..

19_لاتستخدمى كلمة دائما الا ان كان قبلها كلمة احبك.... والله هالكلمة ترفع ضغط النساء والرجال.. انت دايما مهملة.. انت دايما مهمل.. فاذا يوم حبيت تقتليه وماحد دارى... امسكيها وقوليها عشر مرات كفاية...

20_ اذا مرض...فانه سيتعبك اكثر من الرضيع...لذلك اهتمى بالوقاية...وامطريه بعصير البرتقال... ولما يمرض احتسبي عند الله ورح تندمى لانك ماعصرت البرتقال اللي في البلد كله..

21_ اهتمى بالمفاجات...لايهم ان توجد مناسبة لهذا... اهم شي يكون استلم الراتب اليوم

22_ اذا جاءت سيرة اهله...ادعى لهم وامطريهم بالمديح...ثم اختمى يكفي انهم جابوك لهالدنيا... بس لايصير لك شي في سرك قولى اللى تبغيه..

23_اذا اردتيه ان يصلح لك شيئا...فقط كبري راسه...قولى...والله التلفزيون بعد ماصلحته صار احسن من الجديد... لكن احسن لك لايصلح شي والله البيت بيتحول لروبابيكيا...

24_ عندما يتكلم عن عمله...تحمليه...امنحيه نظرات محبة وهزة راس... بس اكيد بتدوخى...من كثر هز الراس...

25_ لما يكون مسافر ويكلمك ..تظاهرى انك تبكى من الم الفقد..والشوق والحرمان.. ( الامر مايحتاج تكونى فنانة بالتمثيل...بس في احتمال ينقطع الخط...)

26_ اذا اتصل وقال انه سيتاخر...قولى براحتك حبيبي...المهم تكون مبسوط... والله رح تقهريه...

27_ اذا قام بتصرف ..مزعج..وجاء وهو يعرف مسبقا انكما ستتاخصمان...فاجئيه انك لست غاضبة ابدا...واضحكى معه وامرحى... رح يفضل يسال نفسه وش هى مخططة...

28_ اذا قال لك انه مشغول...لاتتذمرى...املئي حياتك بالاشياء الجميلة... ترى والله الحياة مليانة اشياء حلوة...واخرها.. ( ال...)..اكيد فهمتوا..

29_ فاجئيه باطباق يعشقها...لكن لاتطبخى اطباق والدته... رح يفضل يقول لك بس امى تسويه بهالشكل...

30_ اتبعى مع النصائح السابقة...هذا الدعاء... اللهم اجعله لى سكنا واجعلنى له سكنا واجعل بينى وبينه مودة ورحمة... وستكون النتيجة...فتاااااااكة...فتااااكة...


ودعواتك

تحياتي لك لطيفة

ابن مصر
18-09-2003, 10:39 PM
بسم الله
ياسمسمة حرام عليكي الافتراء دة :6:
علي الناس الغلباء دول :6:
اللي هو احنا :5:
وانا من رايي :cool:
بانك تسمعوا كلام ابن البلد:rolleyes:
دة اللي فية الفائدة :)
طبعا مش هو ابن البلد:p
اقصد المشرف العام
يبقي لازام نسمع كلامة :5:
وهو عارف الصح من الغلط

ابن البلد
20-09-2003, 01:58 PM
قولهم ياابن مصر قولهم :>:>D

وادكول مش معقول
21-09-2003, 09:51 AM
لا يعم يقولهم ايه ...

متقولش يا ابن مصر ....

خليهم يهاتوا .... دي عالم فكهانية بق بس ...

يهيهبوا علي الفاضي .... وبهدية تقرطسهم

منهم اللي بشنطة وجزمة ترضي

ومنهم اللي بفرير تهدي

ومنهم اللي بحزمة جرجير تهلل وبرضه ترضي

د0 احمد فنديس
21-09-2003, 10:28 AM
وليه العكننة؟
يا خميرة العكننة
اليوم وياكم بيمر سنة
لا فيه هدوء ولا هنا

ثم إنكن ما تقدروش تعكننوا ع الرجل
هوفيلم أريد حلا
كان مين متلطم ف المحاكم
الراجل ولا الست
أحنا لوعاوزين نعكنن عليكن
سهلة قوي
ثم الرجل يقدر يتجوز
واحدة
اتنين
تلاته
أربعة
أويلعب بطريقة
4 2 4
نسيتوا الحاج
متولي ولا إيه
-----
لكل امرأة عكننت علي زوجها
وفرحت فيه
دوام الحال من المحال

واقروا قصيدتي
مخلوع
أهديها لكل رجل
قبل أن تعكنن عليه زوجته
------------
بالذمة تقدروا تعيشوا من غيرنا
والواحدة منكم وهي لسه في اللفة
بتحلم بالعريس
وتلعب عروسة وعريس
د0 فنديس

ميادة
21-09-2003, 10:41 AM
هههههههه

تجننى يا سمسمه .. تجنن يا ابن البلد ..
هو فيه ايه؟؟؟!!!!!!!!!

د. فنديس طيب نفس السؤال...بالذمة تقدروا تعيشوا من غيرنا؟؟!!!

وبعدين الحاج متولى مين
احنا عندنا امرأة وخمسة رجال..فيلم عمرى ما شفته ولا هشوفه
والمرأة الحديدية كمان
اه... والمرأة والساطور
والاكياس السودة والشبشب ابو ورده على رأى استاذ محيي...وعندنا ورده من غير الشبشب... بس من قدم السبت لقى الاتنين قدامه..معلش ما بحبش يوم الحد...ههههههه

يا رجال المنتدى ما تحاولوش (إن كيدهن عظيم)

ابن البلد
22-09-2003, 08:35 AM
د0 احمد
قلمك رائع وردودك بأسلوب متميز أسلوب مميز :)


جرح الزمان قلتي أيه معلش ؟ :)
أجنن هههههههههههه طيب

واد يا كول نهايتك علي أيدي بإذن الله ههههههههههههههه :D
ياما نفسي نفسيتي تطاوعني وأخنقك خنقه أطلع فيها حبابي عنيك ههههههههههههههههه علي رأي واحده صاحبتنا :D

د0 احمد فنديس
22-09-2003, 03:20 PM
أنا بقي هاوريكو (سأوريكن) إزاي
إن ما كنتن تغنين مع حليم

فوق الشوك مشاني زماني
قال لي تعالي نروح للحب
وتقولوا بعد ما أعلنتموها أنتن بأنفسكن

ازاى تقدرى تعكننى على الرجل..من هنا نعلن الحرب عليكم ايها الرجال

غلطة عمر خدتني لحبي
رحت وراحت راحة قلبى

طبعا نستطيع أن نعيش بدونكن0وقبل أن تقولين أن التى أنجبت الرجل امرأة0أقول أنا أن الذى وضع بذرته :رجل
ثم الرجل إذا لم يتزوج يظل محتفظا بقواه العقلية ووقاره ولا يمكن أن يصبغ شعره ـ إلا فيما ندر ـ ليبدو أصغر من عمره الحقيقي
كما أنه يستطيع أن يجد من يتزوجها حتى وإن بلغ الخمسين0 ما فيش راجل بيبقي (عانسة) يا آنسة
أما الواحدة منكن ـ لأنكن : ناقصات عقل ودين ـ فما أن تبلغ السادسة عشرة من عمرها الا ويركبها عفريت العريس00وتظل تزيد من وزنها وعمرها (وتفعص في وشها علشان يحمر) حتى يرتاح بالها وتتهد بعد ما تعرف ان (إبن الحلال) وصل فتغنى : يامه القمر ع الباب00ما عدش فيها كسوف (شوف البجاحة يا ابن البلد) يامه اعملي معروف (فزى قومى يا ست انتى الراجل ملطوع ع الباب) خبط وقال يا احباب000وبعدين
ما تزوقينى يا ماما قوام يا ماما0000
عريسي جه000أنا جايا أهه000
وآخرتها تجيب له أورطة عيال يخربوا بيته (اربطيه بالعيال)
إوعي تكونى نسيتى (سى السيد) أول CD ورا الستات شغلها مظبوط وكمان كان بيلعب بديله وهي متأرطسة زى الجردل
كما أرجو ألا تنسي : ضل راجل ولا ضل حيطة
وكتاب الله أي واحدة فيكن يبلغ عمرها 35 سنة دون أن يتقدم لها أحد تصاب بأمراض نفسية وعضوية لا حد لها والجدعة فيكن تقول غير كدا0أفكرك بفيلم آه من حواء000عملت إيه لبنى عبد العزيز في رشدى أباظه0طبعا مبسوطة انتى من اللي عملته فيه أولا00لكن عند الرجال00العبرة بالنهاية000أول ما شافت وزة بتبيض ـ لا حول الله ـ قالت : حسن وبعدين ركبت معاه العربية علي بيتها بعدما اعترفت أن الرجال قوامون علي النساء0المهم الراجل يكون حمش موش (كرومب) زي شاهد ما شافش حاجة
وبعدين إيه حكاية الأكياس والشباشب0دى أسلحة دى0يا ستى : الرجال قوامون علي النساء0وإذا واحدة اتلوحت كدا ولا كدا تجيلها ضرة ـ ست زيها برضة ـ شوفي بقى لما ضرتين يتخانقوا علي راجل واحد000
أذكرك بهارون الرشيد ونسائه000000أكتر م الهم ع القلب0وكفاية جدنا خرج من الجنة بسبب جدتنا0
كفاية ولا كمان؟؟؟؟؟؟؟؟؟؟؟؟؟؟؟؟؟؟؟؟
وابقي اكتبيها صح
(إن كيدكن عظيم) صدق الله العظيم

يا رجال الموقع ولا يهمكم
اعملوا زيي ووروهن العين الحمرا
د0 فنديس

ابن البلد
22-09-2003, 05:47 PM
بس عنينا مفقوعه يا دكتور نعمل أيه بقه هههههههههه

د0 احمد فنديس
22-09-2003, 09:10 PM
تسلم عيونك
إنشا لله (هن)
--------------------

سمسمة
23-09-2003, 11:01 PM
لطيفة

حبيبى ماتروحش بعيد

ياحبيى انا عايزة جنبى

قرب لى كمان

خخخخخخخخخخخخخخ

عايزة يعنى تدليله ولا ايه

ان كان كدة فاسفين

احنا بنحب العكننة بس

واهلا بيكى فى المنتدى ونتمنى دايما نشوف مشاركتك معانا

:155:
:165:

البروف سمسم..:112:

سمسمة
25-09-2003, 11:25 PM
ابن البلد

بجد بجد نصايح تهبل فعلا

بس عايزة ناس باردة اوى

على فكرة انا باردة:D

وساعات بجيب الضغط

البروف سمسم..:112:

سمسمة
25-09-2003, 11:28 PM
ابن مصر

اشمعنى دلوقتى بتلمونى

واستاذ محيى لما مسكنا يابتوع الشبشب ابو وردة

احنا دلوقتى اللى مفتريين

دة احنا ملايكة

دى لما بتحب تموته بتقطعه عشان خايفة عليه

شوفت احنا طيبين اد ايه

خخخخخخخخخخخخخخخخ

البروف سمسم..:112:

سمسمة
25-09-2003, 11:30 PM
ابن البلد

بس بس هو انتوا عارفين حاجة

دة انتوا ام النكد كله

حــــــــكـــــــــــــم

:D:D:D:D

البروف سمسم..:112:

سمسمة
25-09-2003, 11:35 PM
واد كول مش معقول

ههههههههههههههههههههههههههه

اسم الله اسم الله

وهى بكوبية شاى برضو

او بطبق مين اللى بتحبهم تقدر تاخد المحفظة كلها

خخخخخخخخخخخخخخخخخخخ

البروف سمسم..:112:

سمسمة
25-09-2003, 11:40 PM
د0 احمد فنديس


والنبىىىىىىىىىى

امال طول النهار مين اللى بيعاكس فى البنات

ومين اللى بيجرى ورا التانية

هو يفضل يجرى وراها قبل الجواز

وهى اللى تجرى وراه بالشبشب بعد الجواز خخخخخخخخخخخ

البروف سمسم..:112:

سمسمة
25-09-2003, 11:51 PM
جرح الزمان

انت بقى تنفعى النائب العام عن الحزب البناتى فى المنتدى

ودى تعبير لرضا رئيسة الحزب عنك

:141:

<تقولوش السفيرة عزيزة رضيت عنها>

خخخخخخخخخخخخخخخخخخخخخ:D

البروف سمسم..:112:

سمسمة
25-09-2003, 11:54 PM
كاتب الرسالة الأصلية : ابن البلد



واد يا كول نهايتك علي أيدي بإذن الله ههههههههههههههه :D
ياما نفسي نفسيتي تطاوعني وأخنقك خنقه أطلع فيها حبابي عنيك ههههههههههههههههه علي رأي واحده صاحبتنا :D

حلوة اوى الحتة دى ياابن البلد

جاية لى على الطباطاب اوى:D

ياسلام

لو كل مشاركة اوشوفها كدة خخخخخخخخخخخخ

البروف سمسم..:112:

سمسمة
26-09-2003, 12:01 AM
د0 احمد فنديس

هههههههههههههههههههههههه

اذا كانت بتصبغ شعرها

فهتعمل ايه لعينكم الزايغة اللى مايملاهاش الا التراب

وكمان دة بيقولوا فى الامثال

يامأمنة للرجال يامأمنة للميه فى الغربال

شوف لدرجة ايه خخخخخخخخخخخخخخخخ


وايه رأيك لو الدرتين هما اللى اتلموا على بعض وقلبوها على دماغه

زى فيلم محمود عبد العزيز كدة;)

البروف سمسم..:112:


Photo Gallery