المساعد الشخصي الرقمي

مشاهدة النسخة كاملة : سندريلا 2008



taro2a1
13-04-2008, 05:32 AM
سنــدريــلا 2008

تدخل مرات الاب على سندريلا في الاوضه اللى فوق السطوح اللى بتنام فيها
مرات الاب : انتى يا بت يا سندريلا انتى يا بت يا مقصوفة الرقبه قومى فزى يا بت
سندريلا : اييييه يا مرات ابويا سيبينى انام خمسه حرام عليكى
مرات الاب: قومى يا بت حرمت عليكى عيشتك قومى قامت قيامتك
وصحيت سندريلا وهى بتأفأف وعنيها معمصه ومش شايفه ادامها
مرات الاب : يـاله قومى اكنسـى وامسحى على ما نيجى
سندريلا : وانتو رايحين فين ومتزوقين كده وكل واحده عامله نيو لوك
مرات الاب : رايحين حفله الامييير اللى حيختار واحده عشان يتجوزهـا
سندريلا : خدونى معاكو انا عاوزه اروح بليز بليييييييز
مرات الاب : ايه بليز دى كتك القرف وتروحى فين يا موكوسه بلبسك المهرول ده انا عايزه ارجع الاقى البيت بيبرق انضف من الصينى بعد غسيله
ومشيت مرات الاب وبناتهاالخمسة وقعدت سندريلا تعيـط وتئوأء
وفجــأه طلعتلها الســاحره من البوتاجاز
الساحره : مالك يا سندريلا
سندريلا : انتى مين ؟؟؟
الساحره : انا الساحره يا بت انتى انتى هتستعبطى
سندريلا : ساحره !!!
الساحره : اه طبعا ساحره مش شايفانى طالعالك من البوتجاز اهو ؟؟؟ ابقى ساحره ولا مش ساحره ، المهم يا بت قوليلى مالك بتعيطى ليه ؟؟؟
سندريلا : كان نفسى اروح معـاهم الحفله بتاعت عمرو دياب بس لبسى مقطع و موبايلى مفهوش كريدت ولابسه شبشب بصباع
الساحره : ولا يهمك
وطلعت الساحرة من جيبها الحته ال 6680 ام كاميرا وطلبت الاتليه بتاع مدام لولو يبعتو فستان وجزمه اخر موديـل
فرحت سندريلا ولبست وحطت الايشادو و الجليتور ورشت البرفان
بس الساحره قالتلها : ادامك للساعه 12 لازم ترجعى والوقت كالحبل ان لم تقطعيه ربطك ......
وخدى بالك انا ساحره صعيديه ومعنديش بنات تتاخر برا
و لو اتأخرتى حترجعى زى ما كنتى بلبسك القديم وسط الناس يامعفنة يا بيئه
سندريلا : حاضر حاضر اما ساحره زبالة وواطيه صحيح
سندريلا نزلت من البيت لقت الساحره مجهزة عربية هوندا 1600 سى سى ركبت سندريلا وراحت ع القصـر
ولفت جمــالها كل اللى موجودين و اول ما عين الامير وقعت عليها راح وطلب يرقص معاها و وافقــت
نظرات ... همسات .... صمــت ........ حــــب
ترررررررررن ترررررررررررن
سندريلا : ده الساحره بتدينى ميسد كول .. يا خبر الساعه 12
وقامت طالعه تجرى وقال ايه ... وهى بتجرى فرده الجزمه اتخلعت.. و خدها الامير المعجب و نده للوزير
الامير : يا وزيرهيثـــــم
الوزير : امرك مولاى
الامير : خد الجزمه دى اسحبلى صورتها اسكانر
و نزل صورتها فى كل الجرايد و ع الويب سايت بتاع بحبك وعلى قناة ميلودى افلام
واكتب الى صاحبة هذه الجزمه التوجهه للقصـر الملكــى فوراااااااااا
بنات كتير جدا راحو و يا سبحان الله الجزمه مجتش على مقاس حد فيهم (ال يعنى سندريلا مقاس رجليها رجل معزه )
المهم بالصدفه بعد كده سندريلا شافت الاعلان بتاع فردة الجزمه على ام بى سى تو
وقامت رايحه ع القصر واتجوزت الامير عرفى من ورا ابوه
وعاشو فى تبات ونبات و لسا مخلفوش لان كان شرط الامير ان مافيش خلفه قبل 3 سنين من الجواز

the_chemist
13-04-2008, 09:07 PM
طارق

روح منك للى كلت دراع جوزها

أنا كنت هأموت من الضحك

خصوصا أن رجلها قد رجل المعزة دى

و كمان خصوصا الجواز العرفي ده

طب الورقة معاها نسخة منها و لا ضحك عليها و قال لها خليها معايا فى أمان

ناصرالصديق
14-04-2008, 08:31 AM
بسم الله الرحمن الرحيم
ـــــــــــــــــــــــــــــــــــــــــ

يخرم جيبك يا طروقة

انت خليتنى خلصت الضحك بتاع السنى دى واحنا لسه فى اولها

مش عارف هاعمل ايه طول السنة

اضحك شكك على الدفتر

taro2a1
15-04-2008, 12:35 AM
طارق

روح منك للى كلت دراع جوزها

أنا كنت هأموت من الضحك

خصوصا أن رجلها قد رجل المعزة دى

و كمان خصوصا الجواز العرفي ده

طب الورقة معاها نسخة منها و لا ضحك عليها و قال لها خليها معايا فى أمان


كيميائي، أنا سعيد جدا بمرورك، بس اللي انا مستغربله انك ماقلتش قديمة، تحياتي.........

taro2a1
15-04-2008, 12:38 AM
بسم الله الرحمن الرحيم
ـــــــــــــــــــــــــــــــــــــــــ

يخرم جيبك يا طروقة

انت خليتنى خلصت الضحك بتاع السنى دى واحنا لسه فى اولها

مش عارف هاعمل ايه طول السنة

اضحك شكك على الدفتر


على فكرة الشكك ممنوع والزعل مرفوع بس علشان خطاط المنتدى سماح المرة دي.............

حنين مصر
15-04-2008, 10:16 AM
هههههههههههههههههه

يالهوى

بطنى
مش قادره
ههههههههههههههه

taro2a1
15-04-2008, 10:40 AM
هههههههههههههههههه

يالهوى

بطنى
مش قادره
ههههههههههههههه


منورة الموضوع يا حنين..............

أنفـــــال
20-04-2008, 10:44 AM
حلوة أوي .. *162*

بنت شهريار
20-04-2008, 01:04 PM
ههههههههههههههههههههههههههههههههههه
حصصصصصصصصصصصل
دا انا حتى شفت الاعلان على روتانا سينما
وكانوا بيبعتوا ماسج على الموبايل
وصورة الجزمة انتشرت بالبلوتوث
وكانت كاررررررررررررررررررررررثة
لانها لابسة الجزمة من غير شراب
ههههههههههههههههههههههههههههههههههههههههه

جامدة ياطروقة
تسلم ايدك

taro2a1
21-04-2008, 04:44 AM
حلوة أوي .. *162*


شكرا على مرورك العاطر يا انفال هانم...................

taro2a1
21-04-2008, 04:53 AM
ههههههههههههههههههههههههههههههههههه
حصصصصصصصصصصصل
دا انا حتى شفت الاعلان على روتانا سينما
وكانوا بيبعتوا ماسج على الموبايل
وصورة الجزمة انتشرت بالبلوتوث
وكانت كاررررررررررررررررررررررثة
لانها لابسة الجزمة من غير شراب
ههههههههههههههههههههههههههههههههههههههههه

جامدة ياطروقة
تسلم ايدك


روتانا سينيما مش هتقدر تغمض عينيك؟

بنت شهريار/ انتي تسلم ايدك على تعليقك الرائع، بقة لابسة الجزمة من غير شراب؟ :brawa:


Photo Gallery