المساعد الشخصي الرقمي

مشاهدة النسخة كاملة : طريقة عمل الجبن القاريش فى المنزل



نهر الحياة
08-04-2008, 01:10 PM
طريقة عمل الجبن القاريش فى المنزل
http://biology.clc.uc.edu/fankhauser/Cheese/Neufchatel/10_unwrapped_curd_Pc142494.jpg
الجبن القاريش من اجمل انواع الجبن خفيفة وصحية

والتى يحبها المصريين

عندما تؤكل مع قليل من الفلفل الاسود وزيت الزيتون

او

مع الفلفل الاخضر والطماطم المقطعة

او مع الكسبرة والبقدونس المقطعة ومع قليل من زيت الزيتون

كلها اكلات محببة جدا وخفيفة وصحية

الطريقة :- احصلى على لبن طازج اى كمية ترغبين

ضعيها فى اناء يكفى الكمية سواء كان الاناء استيل او من البلاستك

دون غلى اللبن ضعية فى مكان دافى او مغلق

اتركية حتى يروب اى يصبح قطعة واحدة

انزعى القشطة من فوق اللبن الرائب

واستعمليها كما تشائين اما تؤكل طازجة مع العسل الابيض او المربى او تصنعى منها المعملر اللذيذ او

تجمعيها على بعضها بوضعها فى الفريزر لعمل السمن البلدى والمرته منها او كما يحلو لك

اللبن الرائب ان كان متماسك اى جامد بعض الشئ ضعية فى قطعة قماش شاش فى طبق بلاستيك مستطيل

من اللاطباق المخرمة التى تشبة المصفاة

ثم ضمية فى القماشة وضعية وساوى القماشة فوقة واتركية لمدة ثلاث ساعات او يذيد حتى تصفى كل المياة

الموجودة بة وقد سمعت ان هذة المياة الناتجة عنة تذيب الكروسترول اذا شربت وهى ذات طعم حلو

ومستساغ

قطعيها واستعمليها

اما اذا وجدتى اللبن الرائب بة سيولة يعنى مش ماسك نفسة قومى بتسخين فرن الغاز وضعى اللبن الرائب

فى صنية فى الفرن وقلبية والمسى اللبن بيدك لما يكون دافىء بسيط كدا شلية من الفرن وحطية فى القماشة

كدا تحصلى على جبنه عملاة بايدك وواثقة من نظافتها

بالهنا والشفا

شاعر الرومانسية
08-04-2008, 01:44 PM
أختنا الكريمة ... نهر الحياة

تسلم ايدك على الطريقة البسيطة والسهلة دى
وكمان على الوصفات الضمنية التى احتوتها طريقتك


وأعتقد ان بعض الناس بتضيف ملح للبن او بترشة على الجبنة بعد عمايلها
لاعطائة الطعم المستصاغ



خالص مودتى ... واطيب تحياتى،،،:f2:

نهر الحياة
12-04-2008, 11:38 AM
الاخ الكريم // شاعر الرومانسية

اشكر لك مرورك الكريم وتعليقك

انا فعلا نسيت اقول على رش الملح ويمكن لانى لما بعملها بعمل كمية صغيرة وبحط ملح خفيف لزوم الحالة الصحية

اشكر لك الاضافة وعلى فكرة كمان لما تحب تحط الجبن القاريش فى المش بتحط عليها كمية ملح كتير وتتركها لحد ما

تنشف خالص وتبقى جامدة جدا قبل حطها فى المش وبتكون جميلة بس الجبن القاريش بتكون جميلة لو اللبن مش مغشوش

ومعلهوش اى اضافات

جوزيت خيرا على مشاركتك لى

شاعر الرومانسية
13-04-2008, 10:50 AM
الاخ الكريم // شاعر الرومانسية

اشكر لك مرورك الكريم وتعليقك

انا فعلا نسيت اقول على رش الملح ويمكن لانى لما بعملها بعمل كمية صغيرة وبحط ملح خفيف لزوم الحالة الصحية

اشكر لك الاضافة وعلى فكرة كمان لما تحب تحط الجبن القاريش فى المش بتحط عليها كمية ملح كتير وتتركها لحد ما

تنشف خالص وتبقى جامدة جدا قبل حطها فى المش وبتكون جميلة بس الجبن القاريش بتكون جميلة لو اللبن مش مغشوش

ومعلهوش اى اضافات

جوزيت خيرا على مشاركتك لى



اهلا مرة اخرى .. يا نهر الحياة

فعلا كلامك بخصوص الجبن القديم ( الجبن القريش بالمش )
وبخصوص اضافات المش ... بصراحة انا بحط حاجات كتير برضة

ممكن احط زبادى او لو اللبن قطع وهو بيتغلى .. بضيفة على المش برضة
وكمان قرون الفلفل وقشر اليوسفى .. واللارينج
واحيانا جبن رومى

من الاخر ..

اى حاجة بتتفضل من الجبن ومشتقاتها بحطها على المش:roll2:

واحلى اكلة بقى اليومين دول ..


طبق المش بالطماطم والزيت والخيار .. وخصوصا وجنبه بطيخ او كنتالوب مثلج:4:


الف هنا وشفا..

وخالص تحياتى،،،:f2:

aynad
15-04-2008, 12:39 AM
طريقة سهلة جدا يا نهر الحياة
والله تسلم ايدك
انا بموووت في الجبنة القريش

نهر الحياة
29-04-2008, 12:09 PM
الاخ الكريم // شاعر الرومانسية

اشكر لك متابعتك واضافاتك الجميلة

اكثر ما يسعدنى ان اجد اهتمام بالمطبخ من الرجال

ممكن احط زبادى او لو اللبن قطع وهو بيتغلى .. بضيفة على المش برضة
وكمان قرون الفلفل وقشر اليوسفى .. واللارينج
واحيانا جبن رومى

فعلا لو قطع اللبن اثناء الغليان يمكن اضيفة للمش بس بعد ضربة فى الخلاط حتى يتجانس قوامة

وقرون الفلفل الاخضر والاحمر وقشر اليوسفى بس مش عارفة بينى وبين الارنج سواء قشور او مربى سوء تفاهم معدش

فى وقت لاصلاحة

اما اضافة الجبن الرومى والزبادى والاشياء الاخرى فدى ممكن اضفها لو باكل المش الان لكن مش اضافة للتخزين يعنى

محطهاش قبل غلق برطمان المش

عاجزة عن شكر حضرتك على مدخلتك القيمة

شرفت بك صفحتى

جوزيت خيرا اخى الكريم

نهر الحياة
29-04-2008, 12:12 PM
العزيزة ** ام دودى وبودى


بارك الله لك فى اولادك وجعلهم من الصالحين

جوزيتى خيرا على مرورك الطيب وتعليقك الكريم

عاشقة الهند25
02-06-2008, 03:12 PM
اختى الغاليه انا اسوى نفس الطريقه بس تطلع لبنه تركيه


حاولى تفدينى بليز

نهر الحياة
13-06-2008, 01:14 AM
العزيزة *** عاشقة البحر


اشكر لك مرورك ومداخلتك


انتى جايز مش بتسبيها تصفى كل السائل اللى فيها وبعدين الملح مش تحطية الا بعد تقطيع الجبنة وكمان شيلة القشدة من

على وجهة اللبن الرائب كويس علشان متطلعش دسمة اوى وسايبة

اتمنى اكون افدتك ولو ياريت تقولى لى طريقتك فى عمل الجبنة دى

جوزيتى خيرا وبارك الله فيك عزيزتى

eman55
19-06-2008, 11:21 PM
السلام عليكم ورحمة الله وبركاته . اشكرك على الوصفة السهلة ولإنى من عشاق الجبنه القريش ح أجرب فورا اعملها . وشكرا مرة ثانية