المساعد الشخصي الرقمي

مشاهدة النسخة كاملة : رؤساء العرب



hazem3
29-03-2008, 06:25 PM
الحكاية الاولي

الرئيس لقـى فانـوس سحـري قام دعكـه فطلعلـه منـه ابليـس

قاله : شبيـك لبيـك تطلـب ايه؟

قاله الرئيس: بـص بقـى يا عـم ابليـس انا عمـلت فى الشعـب بتاعـي كل حاجـة..قوللي بقى علـى حاجـة جديـدة اعملـها

ابليس قاله: بس كـده..بسيطـة..هـات ودنـك..وش وش وش وش وش

قام الرئيس قاله: ايه ياعـم لعـب العيـال ده..ده كـلام برضـه ؟

قام ابليس قاله: بـلاش دي..هـات ودنـك...وش وش وش وش وش

قام الرئيس قاله: إيه يا عـم ده ...انـت شكـلك ابليـس نص كـمّ ولاّ ايه ؟

ابليس قاله : معقـول الفكـرة دي مـش عاجبـاك؟!..طـب خـد دي بقى..وش وش وش وش

قام الرئيس قاله : ياعم انت شكـلك كـده لا ليـك في العفـرته ولا حاجة..هات ودنـك بقـى أقـولك أنا باعمـل إيه في الشعـب بتاعي....وش وش وش وش وش

قام ابليس وشه إصفرّ و قاله : يا راجـل اتّـقي الله

hazem3
29-03-2008, 06:26 PM
الحكاية التانية


الدعاء الرسمي لحكام العرب ...


اللهم ثبتنا على كراسينا

وبارك لنا فيها!

واجعلها الوارث منا!

واجعل ثأرنا على شعبنا!

وانصرنا على من عارضنا!

ولا تجعل مصيبتنا في حُكمنا!

ولا تجعل راحة الشعب أكبر همنا ولا مبلغ عِلمنا

ولا الانقلاب العسكري مصيرنا

واجعل القصر الرئاسي هو دارنا ومستقرنا !

اللهم إنا نسألك فترة ممتدة!

وهجمة مُرتدة!

والصبر على المعارضة!

والنصر على الشعب!

ونسألك الحُسن لكن لا نسألك الخاتمة أبدا ً!

اللهم ارزقنا معونة لا نسرق بعدها أبدا!

اللهم لا تفتح أبواب خزائننا لغيرنا!


لحسابات الحكام السابقين لنا في بنوك سويسرا اللهم أعطنا كلمة السر



اللهم وفق أمريكا لما فيه خيرنا!

اللهم اغفر لـ (جورج بوش) فإنه لا يعلم أننا لا نعلم!

اللهم وفقه لما فيه 99% من أصوات الناخبين!

اللهم نجهِ من أي إعصار أو كارثة طبيعية لأننا سنحار مع شعوبنا بدونه



اللهم عليك بشعبي، أما أعدائي فأنا سأتفاوض معهم!

اللهم ارزقنا حب أمريكا!

وحب من يُحب أمريكا


وحب ما يُقربنا إلى حب أمريكا!

اللهم أمركني ولا تأفغنني!

اللهم برطني ولا تصوملني!



اللهم فرنسني ولا تسودنني


اللهم ألمنّي ولا تؤلبنّي!

>>اللهم أني أبرأ إليك من الاستعانة في حكم شعبي بأحد!

>>ولا حتى بصديق، ولا برأي الجمهور



>>اللهم أني أعوذ بك من كرسي يُخلع!

>>ومن شعب لا يُقمع



ومن صحيفة لا تُمنع!

ومن خطاب لا يُسمع



ومن مواطن لا يُخدع


وأعوذ بك من أن أجلس على الكرسي ثم أقوم أو أ ُقام عنه!

اللهم ثبتني على الكرسي تثبيتا!

>>و شتت المعارضة تشتيتا!

ولا تبق منهم شيطاناً ولا عفريتا !


اللهم يسّر لنا القضاء على اليساريين تيسيرا



وسلّم لنا رقاب الإسلاميين تسليما



واقصم وسط أحزاب الوسط



وشيّع جنازة الشيوعيين



وطيّن عيشة الوطنيين

hazem3
29-03-2008, 06:27 PM
الحكاية التالتة




بعد سقوط بغداد اراد بوش ان يثبت للعالم انه من محبى السلام

فدعا كل رؤساء العالم لمباراة كرة قدم على ضفاف نهر دجله واثناء المباراة سقطت الكرة فى الماء

فنادى (بوش)على احد رجال المارينز * ليحضر الكرة من الماء فرفض وقال لبوش انا عندى اولاد

وزوجه وعايز اربيهم والنهر مليان بالتماسيح

فنادى بلير على احد جنود فئران الصحراء فقال له اقفز واحضر الكرة فقال له لا انا عندى زوجه واولاد

وعايز اربيهم والنهر مليان بالتماسيح


فنادى مبارك على احد جنودة ليحضر الكرة فنط على الفور وصارع التماسيح واحضر الكرة وخرج

سريعا من مياه النهر واعطى الكرة للريس

وعند خروجه جرى خلفة كل الصحفيين لسؤاله عن سر شجاعته وهذه الجراه رغم وجود التماسيح

فرد وقال )انا كمان عندى زوجه واطفال وعايز اربيهم

hazem3
29-03-2008, 06:29 PM
الحكاية الرابعة

مش عن العرب
بس عن الرؤساء


ءأثناء زيارته
لبريطانيا - جورج دبليو بوش قابل الملكة

البريطانية وسألها :

جلالة الملكة كيف تقودين حكومة ناجحة من
حولك هل عندك نصائح معينة
أستطيع الاستفادة منها ؟
حسنا, أجابت الملكة وأردفت قائلة: أهم
شيء هو أن تحيط نفسك بأشخاص أذكياء من
حولك * * *


و على الفور رد جورج دبليو بوش ولكن كيف
أستطيع أن أحدد أن من حولي هم من
الأذكياء ؟
تناولت الملكة كوبا من الشاي ثم قالت أن
هذا سهل للغاية فقط أسألهم لغزا ذكيا .
الملكة ضغطت على زر الأنترفون وقالت:

رجاء أرسلوا لي توني بلير هنا .
دخل توني بلير إلى القاعة وقال نعم صاحبة
الجلالة .
قالت الملكة أجب عن هذا اللغز: أبوك و أمك
عندهم طفلا ليس هو أخوك
و لا هو أختك فمن هذا الطفل ؟
بدون تفكير أجاب توني بلير لابد أنه أنا


قالت الملكة: نعم نعم جيد .
عاد جورج دبليو بوش الى البيت الأبيض في
واشنطن
سأل الرئيس بوش دك تشيني قائلا أجب عن
هذا السؤال: أمك و أبوك
عندهم طفل ليس هو أخوك و لا هو أختك فمن
هذا الطفل ؟؟؟؟
لست مـتأكدا أجاب دك تشيني اسمح لي يا


سيادة الرئيس بالرجوع إليك ثانية لإجابة

هذا السؤال

دك تشيني سأل كل المسؤولين و لكن أحدا لم
يعطه إجابة

أخيرا انتهى إلى غرفة الرجال و سأل كولن
باول صارخا بوجهه كولن :

أمك و أبوك عندهم طفل ليس هو بأخيك و لا
هو بأختك فمن هذا الطفل ؟

كولن باول قال: سهل إنه أنا .
ابتسم دك تشيني وقال: شكرا لك .
رجع تشيني إلى مكتب الرئيس بوش وقال
سيادة الرئيس لقد قمت ببعض البحوث و
أستطيع أن أجيب عن اللغز: إنه كولن باول .


وقف الرئيس بوش من مكانه و صرخ في وجه
تشيني بقوة و قال :
لا لا لا,

إنه توني بلير يا غبي

the_chemist
30-03-2008, 12:21 PM
حلوة يا حازم

غيبتك غيبتك و هليت بضحكتك

بيقول لك كان في رئيس عربي إسمه عبد الله السلال رئيس اليمن

و فى إجتماع قمة عربي و الكل منهمك و بيفكروا في حل لقضية فلسطين

و كان كل الرؤساء موجودين

صاحبنا سرح قوى و قعد يفكر بعمق

فعبد الناصر قال للرؤساء الأخ السلال بيفكر بعمق بقاله مدة أكيد وصل لحل

يا أخ سلال تقدر تقول لنا كنت بتفكر في ايه؟

السلال رد بكل براءة: أنا كنت بأفكر ازاى الترابيزة الكبيييييييييييييييييييييرة دى دخلت من الباب الصغير قوى ده

صباحو فل

جاسرة مصرية
31-03-2008, 07:30 AM
ياحكاياتك ياحازم صباح الفل بجد

شديده ولذيذه لاء ضحكه حلوه على الصبح

تحياتى أختك جاسره مصريه

hazem3
31-03-2008, 03:25 PM
الحمد لله الي البد لله سبب في بهجتكوا

هههههههه

حلوة اوي يا استاذ كيميائي

والله يخليكي يا جاسرة

والسلام عليكم

الامورة المصريه
28-09-2008, 10:31 PM
ههههههههههههههههههههه
جامده جدا
شكرا ليك

hazem3
29-09-2008, 10:50 AM
اهلا بيكي يا هايدي

يا رب تكوني بصحة كويسة

احسن حاجة عجباني فيكي انك بتجيبي اوائل مواضيعي الي انا نفسي نسيتها

شكرا لمرورك والحمدلله انها عجبتك

الامورة المصريه
29-09-2008, 08:44 PM
ايه الرغي ده
كفايه كلمه واحده
شكرا لمرورك

hazem3
01-10-2008, 08:29 AM
ههههههههههههههههههههههههه

ماشي هعمل ايه

اعمل ايه
متجبرش بخاطر حد منهم بعد كده


هما كفاية علينا هنوءة وناريمان واميرة

هما الي بيجبروا بخاطرنا

يلا سايتوبايسي

مصراويةجدا
01-10-2008, 09:00 AM
انت لسة عايش يا حازم انا بس بتطمن عليك والله

ياريت بقي لو لسة عايش تحكيلنا ازاي قضيت يومك في امن الدولة بعد الموضوع الجااااااااااامد ده

سامحوووووووووووووووووووووه يا اسيادي ده ميعلمش

اشتاتاً اشتوووووت حييييييييييييييييييييييييييييييييييييييييي

الامورة المصريه
01-10-2008, 09:13 AM
خلاص انا عن نفسي دلوقتي بقيت بحب الرغي
مش عارفه المرض اتنقلي بسرعه كده
يا بركاتك يا سيدى
هي ديه بقت عدوة في البلد
طيب نبلغ حد
كفايه رغي كده عليه

hazem3
01-10-2008, 09:32 AM
نت لسة عايش يا حازم انا بس بتطمن عليك والله

ياريت بقي لو لسة عايش تحكيلنا ازاي قضيت يومك في امن الدولة بعد الموضوع الجااااااااااامد ده

سامحوووووووووووووووووووووه يا اسيادي ده ميعلمش

اشتاتاً اشتوووووت حييييييييييييييييييييييييييييييييييييي

هههههههههههههههههههههههههه


ده الموضوع بقاله ست شهور اهو ولسة عايشين قولي يا رب نكمل ونعرف نربي العيال

hazem3
01-10-2008, 09:34 AM
خلاص انا عن نفسي دلوقتي بقيت بحب الرغي
مش عارفه المرض اتنقلي بسرعه كده
يا بركاتك يا سيدى
هي ديه بقت عدوة في البلد
طيب نبلغ حد
كفايه رغي كده عليه
رد مع اقتباس

بصي يا هايدي انتي عندك انا واهلاوي كبار رغايي المنتدي

اهلاوي شديد مش بيخش دلوقتي وانا مش هخش كتير الايام الجية

فلما يخش لو انا مش موجود قوليلوه انك هتمسكي معاه الرغي في المثلث الارضي عقبال ما ارجع من 265

قارة بتوع المربع الارضي

دكتور مهندس جمال الشربينى
01-10-2008, 06:36 PM
فى تعليقات كثيره ملهاش لازمة تنم عن عقد نفسيه دفينه ومتوارثه سببها معروف للجميع وأكرر واقول:


اللى يخاف ميكتبشى
واللى يكتب مايخافشى


:hey:
:brawa:
100% حكاياتك
يا حازم3
إذا كانت تأليفك

لكن إذا كانت منقوله
فيجب التنويه عن ذلك
أليس كذلك؟!

hazem3
02-10-2008, 12:32 AM
اولا شكرا لمرورك دكتور جمال

ثانيا انا بعد اظن حضرتك مش شايف اي تعليقات ملهاش لزمة لان كلنا بنكتب ومبنخفش لاننا مش في حرب

ده ملتقي لينا بعد عناء يوم طويل بنروح فيه عن نفسنا او نناقش قضايا تهمنا

ثانيا مقدرش اقول لحضرتك انها منقولة لاني جمعتها من اكتر من موقع وده من 8 شهور لو حضرتك لاحظت

النقل بيتكتب لما اعمل كوبي باست لموضوع والحكاية دي بطلتها لانها فعلا تنم عن محدودية في التفكير والابداع لكن لو حبينا نسميه باسم يبقي مجموع


اسف متجمع

اسعدتني بمرورك

الامورة المصريه
02-10-2008, 11:36 PM
بصي يا هايدي انتي عندك انا واهلاوي كبار رغايي المنتدي

اهلاوي شديد مش بيخش دلوقتي وانا مش هخش كتير الايام الجية

فلما يخش لو انا مش موجود قوليلوه انك هتمسكي معاه الرغي في المثلث الارضي عقبال ما ارجع من 265

قارة بتوع المربع الارضي

ههههههههههههههههههههههه
ان شاء الله
مانا عرفته
لما اشتركت في مجموعه كده ليته
وقالى ارغي ومن ساعتها وانا رغايه
وارفه عائلتي في البيت

أهلاوى شديد
07-10-2008, 01:00 AM
هههههههههههههههههههههههههههههههههههههههههههههههههه ههههههههههههههههه

ايه ياعم حازم :d

أنا ما قرتش حاجة ما سمعتش حاجة ما شوفتش حاجة :d

لأن ببساطة الموضوع مكتوب بالحبر السرى باين :p :p

ايه ياعم هو إنت مش بتاكل كرانششششششى ولا ايه :d :d

تسلم يا غالى على الموضوع الجامد ده :3:

والضحكة الجميلة اللى رسمتها لينا :4:

وبالنسبة للرغى مش هنا .. أنا عامله مجموعة لوحده :p :p عشان الوباء ده مش ينتشر فى البلد هههههههههههههههههههههه كفاية الأمورة أولى ضحايانا :4:

شكراً ياغالى على مشاركتك الجميلة ديه

أخوك أهلاوى

:f2:

أهلاوى شديد
07-10-2008, 01:01 AM
ههههههههههههههههههههههه
ان شاء الله
مانا عرفته
لما اشتركت في مجموعه كده ليته
وقالى ارغي ومن ساعتها وانا رغايه
وارفه عائلتي في البيت

طب دارى على شمعتك تأيد (تقيد ) :d

اى حاجة بقى :p

oo7
02-04-2009, 02:52 PM
بجد حلوة اوى

توتة صغنتوتة
06-04-2009, 06:07 PM
ههههههههههههههههههههههههه

ههههههههههههههههههههههههههههههههههه

هههههههههههههههههههههههههههههههههههههههههههههههههه

خخخخخخخخخخخخخخخخخخخخخخخخخخخخخخخخخخخخخخخخ

والله حكايات روعة وخاصة بتاعة الفانوس السحرى

هههههههههههههههههههههههههه

مشكور على الحكايات

taro2a1
09-04-2009, 01:33 PM
فى تعليقات كثيره ملهاش لازمة تنم عن عقد نفسيه دفينه ومتوارثه سببها معروف للجميع وأكرر واقول:


اللى يخاف ميكتبشى
واللى يكتب مايخافشى


:hey:
:brawa:
100% حكاياتك
يا حازم3
إذا كانت تأليفك

لكن إذا كانت منقوله
فيجب التنويه عن ذلك
أليس كذلك؟!


فعلا الكلام الكثير والفلسقة في وضع الحروف بجانب بعضها لتكوين جملة أي كلام مالهاش أي لازمة، وكمان المعارضة من أجل المعارضة كي لا يختفي صوتنا مل ده مالوش أي لازمة أو ممكن نكتبها (لزمة).

تحياااااااااااتي وسلامي إلى التورمااااااااااااااااااااي

طارق ابو رضوان
22-04-2009, 01:50 AM
هههههههههههههههههههههههههههههه

موضوع جميل اخى حازم

ربنا يوفقك ويبعد عنك زوار الفجر

قول آمين

مع خالص تحياتى

محمدرجب مهدية
27-04-2009, 09:01 AM
الدعاء الرسمي لحكام العرب ..
واجعل ثأرنا على شعبنا!


ولا تجعل مصيبتنا في حُكمنا!

ولا تجعل راحة الشعب أكبر همنا ولا مبلغ عِلمنا

واجعل القصر الرئاسي هو دارنا ومستقرنا !

اللهم إنا نسألك فترة ممتدة!

وهجمة مُرتدة!

والنصر على الشعب!

لحسابات الحكام السابقين لنا في بنوك سويسرا اللهم أعطنا كلمة السر


اللهم اغفر لـ (جورج بوش) فإنه لا يعلم أننا لا نعلم!

اللهم ارزقنا حب أمريكا!

وحب من يُحب أمريكا


وحب ما يُقربنا إلى حب أمريكا!

اللهم أمركني ولا تأفغنني!

اللهم برطني ولا تصوملني!

اللهم فرنسني ولا تسودنني

اللهم ألمنّي ولا تؤلبنّي!


اخي الحبيب موضوعك فيه من البسمة ما يكفي
فلا اظن الدعاء معرض للسخرية او الضحك
أخي تأدب مع الله
واعذرني ولكن دعاءك مستحيل يكون نكته لانه دعاء مع رب العباد وليس مع عبد مثلك
وللمرة الثانية اسف لان اول تعارف بينا تصادم

the diver
30-04-2009, 01:05 PM
جد حلوه بس سمعت اخر نكته بيقول الرئيس جه سنة 2050 وكان ابنه مات فقال " ارتحتوا فضلتوا تنقوا على الوله اهو مات ارشح مين دلوقتى "


Photo Gallery