المساعد الشخصي الرقمي

مشاهدة النسخة كاملة : حكاية شاب وبنت الجيران



hazem3
29-03-2008, 06:02 PM
الحكاية بتبدأ من حوالى سنتين....
العفش بينزل من على عربية النقل...
و انا واقف فى البلكونة.. وبسأل امى (اللى كانت واقفة تنشر الغسيل): هو فى حد هيسكن هنا ولا ايــه يامـا؟
قالتلى اه يا حبيبى دى الشقة اللى قصادنا
قلتلها ويا ترى عرسان جداد ولا عيلة وبتعزل؟
قالتلى والله يابنى مانا عارفة
قلتلها طيب.. يا خبر انهارده بفلوس.. بكرة يبقى بفلوس اكتر..

و بعد أسبوع......
أمى واقفة بتنشر الغسيل بردو.. وانا واقف جنبها بردو.. وبتقولى: مش السكان الجداد وصلوا خلاص
قلتلها يا شيـــــخة!
قالتلى: اه.. مرات الراجل عدت عليا انهارده وسلمت عليا وعرفتنى بيهم
قلتلها: ايــه بقى عرسان جداد؟؟
قالتلى لا دول أسرة.. عندهم ولدين وبنت
قلتلها خير.. خير.. (والشر بيبظ من عينيا)

و أثناء الحديث الشيق ده..
طلعت مامت الولاد م البلكونه.. ولما شافت أمى هزت راسها - بتسلم على امى يعنى -.. وطبعا أمى ردتلها الهزة - بترد السلام يعنى -
و بعدين طلع ولد صغير ابتسم لنا اول ما شافنا....
أصل البلكونة فى وش البلكونة , بس هم مركبين ستارة واحنا مش مركبين ستارة... بس باين عليهم ناس طيبين اوى...
المهم.. الأم ندهت لبنتها...
الحقيقة انا كنت أول مرة فى حياتى أسمع الاسم اللى هى ندهت به..
أول مرة أعرف ان فى بنت اسمها كده أصلا...
الام بتنده: يــــــا روفيدة (على وزن بثينة , بضم الراء يعنى)
اسم جامد مووووووت... عجبنى الاسم اوى... وبدعى ربنا تكون رُفيدة حلوة زى اسمها..
و طلعت روفيدة من ورا الستارة فـى حركة Slow Motion من بتاعة الافلام..
و انا متنح تتنيحة سوده... روفيدة طلعت احلى من اسمها.. جميلة جمال لا يوصف... ناصعة البياض..
مش قادر ارفع عينى من عليها.. مينفعش ارفع عينى من عليها اصلا...
فضلت متنح لحد ما شافتنا انا وامى..
لما شافت امى ابتسمت لها..
و لما شافتنى زى ما تكون شافت عفريت ودخلت على جوة جرى...


و تمر الأيام..
و مشكلتى ان البلكونة بتاعتنا تدخلها من اوضتى.. عشان كده فى الرايحة والجاية ابص اشوف روفيده واقفة ولا لأ..
ساعة ما الاقيها واقفة.. اطلع البلكونة..
مرة اعمل نفسى بتكلم فى التليفون.. او بشم الهوا مثلا - مع إن الدنيا تراب وعفرة -
او بلعب عشر ضغط.. اى تلكيكة والسلام
الغريب انها كانت فى الاول لما تشوفنى تروح داخلة جرى على جوة..
لكن بعد فترة لاحظت انها مكانتش بتدخل اول ما تشوفنى.. وكانت بتفضل واقفة هى كمان...
بقيت فى عز الشمس اقف.. لحد ما اعرق واجيب جاز.... فى عز البرد واقف بتكتك م البرد
واقف بالساعات مدام روفيدة واقفة... ارمى نظرة.. ابتسامة.. أشاور
و كانت هى بتكتفى بالابتسام وعلامات الخجل...

و ف يوم من ذوات الايام..
بشاورلها.. شاورتلى
بقيت هطير م الفرحة.. روفيده شاورتلى يا جدعان...
قعدت اطنطط ع السقف وأغنى وحياة قلبى وأفراحه..
و هبا إيـه هبا أاه.. إن شاء الله هنظبط
امتى بقى اتكلم معاها ونهظر سوا...

لحد ما جه اليوم...
انا راجع م الكلية.. وعلى اول الشارع شفت أمى واقفة مع مامت روفيده..
و المفاجاة: روفيده واقفة معاهم
لقيت نفسى بجرى زى شخصيات الكرتون.. نصى التحتانى بيجرى قبل نصى الفوقانى تشووووووووو...
لحد ما بقيت عندهم.. عرقان طبعا وبنهج وحالتى حالة...
نزلت عليهم زى الباراشوط..
ازيك ياما.. ازيك يا طنط عاملين ايه...
و بصيت لرٌفيدة.. كانت بصالى وبتضحك..
كانت زى القمر اليوم ده.. ولابسة تى شيرت حمالات - اصل الجو كان حر اوى اليوم ده -
قلتلها: ازيك يا روفيده؟!
و كان رد فعلها غير متوقع بالمررررة... كان صدمة حقيقية بالنسبة لى..
لقيتها بتمد ايديها وبتسلم عليا...
و بتقولى: الحمد لله.. ازيك انت؟؟!
رحت مسلم عليها....
و قلتلها: الله يسلم قلبك يا روح قلبى..
و رحت بايس ايديها....
و رحت شايلها...........
و قلتلها: انتى عندك كام سنة بقى؟؟






قالتلى عندى 3 سنين




رحت بايسها تانى وانا هطير م الفرحة وفضلنا نلعب ونضحك ونهزر... لحد ما مامتها شالتها وطلعوا البيت
و من يومها وانا وروفيده اصحاب... كل ما تطلع البلكونه نلعب ونهزر .
:good:

hazem3
29-03-2008, 06:04 PM
كان فى شلة شباب فى النادى المهم كان فى موبايل على الترابيزه

يرن ... يرن ...... يرن ........... يرن ...... يرن ........ يرن
صاحب الموبايل فتح السبيكر و رد
الرجل : ألو
زوجته : ألو يا عمرى...........انت فى النادى دلوقتى ؟
الرجل : اه
زوجته : حبيبى انا فى السوق وفى بالطو جلد حلو اوى......... وعاجبنى موووووووووووووووووووووووووووووووووووووووت ممكن اشتريه؟
الرجل : لو عجبك اوى كده اشتريه
زوجته : انا مريت على اجانس عربيات ولقيت عربية مرسيدس عجبانى جدااااااااااا
الرجل : كام تمنها؟
زوجته : 60000000 جنيه
الرجل : جميل اشتريها من غير فصال
زوجته : حلو طيب ....... اخر حاجة
فاكر البيت الى كنا عايزينه السنة الماضية لقيتها معروضة للبيع طالبين مليونين ونصف
الرجل : طيب اشتريها لو واقفو على مليونين و مائتان
زوجته : اوكى باى ............. حكلمك بعدين ............. بحبك
الرجل : باى وانا كمان بحبك
وساعة ماقفل الموبايل لقا كل الشباب ينظرون اليه فى استغراب ومنهذلين
قام وسأل الشباب بكل براءة

7

7

7

7

7

7

7

7

7


7


7



7




7



يا شباب حد يعرف بتاع مين الموبايل ده ؟

hazem3
29-03-2008, 06:06 PM
التالتة
مرة واحد كان معاه ربع جنيه
ففكريعمل بيه إيه
يشرب عصير قصب و لا يركب الأتوبيس فقال :
أنا لو ركبتالأتوبيس هيبقي في حل من إثنين
يإما هقف أو هقعد
لو وقفت مش هيبقي في أيمشكلة
لكن لو قعدت هيبقي في حل من إثنين
يإما هيقعد جنبي راجل أو تقعدجمبي ست
أنا لوقعدت بجانب راجل مفيش مشكلة
لكن لو قعدت بجانب ست هيبقي فيحلمن إثنين
لإما هنعجب ببعض يإما مش هنعجب ببعض
لو مأعجبناش ببعض مفيشمشكلة
لكن لو أعجبنا ببعض هيبقي في حل من إثنين
يإما هنتجوز يأما مشهنتجوز
لو مإتجوزناش مفيش مشكلة
لكن لو إتجوزنا هيبقي في حل من إثنين
يإما هنخلف يأما مش هنخلف
لو مخلفناش مفيش مشكلة
لكن لو خلفنا هيبقيفي حل من إثنين
يإما هنخلف ولد أو بنت
لو خلفنا بنت مفيش مشكلة
لكن لو خلفنا ولد هيبقي في حل من إثنين
يإما هيستقيم أو هينحرف
لوإستقام مفيش مشكلة
لكن لو إنحرف هيبقي في حل من إثنين
يإما يدمن أومش هيدمن
لو مأدمنش مفيش مشكلة
لكن لو أدمن هيبقي في حل منإثنين
يإما هيبقي معاه فلوس أو معهوش
لو كان معاه فلوس مفيش مشكلة
لكن لو كان عايز فلوس هيبقي في حل من إثنين
يإما هيسرقني أو هيقتلني
لو سرقني مفيش مشكلة لكن لو قتلني ..
.. يقتلني ؟؟!!!!!!!!!(
لا ياعم أناأشرب عصير قصب أحسن

hazem3
29-03-2008, 06:14 PM
الرابعة

تم افتتاح مركز تسوق للأزواج في دالاس حيث يمكن للسيدات الذهاب واختيار زوج من بين مجموعة كبيرة من الرجال ـ
المبنى مكون من خمسة أدوار كلما صعدت للدور الأعلى كان الرجال أفضل في الصفات والمميزات. ـ
القاعدة الوحيدة أنك لو فتحت باب أي دور من هذه الأدوار لابد أن تختار زوجا أو تصعد للدور للأعلى ولا يمكنك الرجوع مرة أخرى .. النزول يكون للخروج بلا عودة فقط. ـ
فذهبت صديقتين الى المركز لاختيار زوجين. ـ .... كلن على همه سرى


:الدور الأول عليه لافتة تقول
الرجال هنا لديهم وظائف محترمة و يحبون الأطفال
فقالت الفتاتان لبعض: حسنا هذا أفضل من الا يكون لهم وظيفة أو الا يحبوا الأطفال
ولكن لنر ماذا في الدور الأعلى. ـ


:الدور الثاني عليه لافتة تقول
الرجال هنا لديهم وظائف بمرتبات عالية. . يحبون الأطفال. . و في غاية الوسامة
قالت الفتاتان .. ممممم . . ولكن ماذا في الأعلى؟ :

الدور الثالث عليه لافتة تقول
الرجال هنا لديهم وظائف بمرتبات كبيرة . . يحبون الأطفال . . في غاية الوسامة و يساعدون في شغل البيت

قالت الفتاتان : وااو . . رائع .. ولكن ماذا قد يكون في الأعلى؟


:الدور الرابع عليه لافتة تقول
الرجال هنا لديهم وظائف بمرتبات كبيرة . . يحبون الأطفال . . في غاية الوسامة ويساعدون في شغل البيت. . و في غاية الرومانسية
!! قالت الفتاتان : يا الهي .. تخيلي ماذا يكون بانتظارنا في الدور الأعلى
فصعدتا الى

الدور الخامس فوجدتا لافتة تقول: ـ

لا رجال هنا. . وهذا الدور فاضي و موجود فقط لإثبات أنه من المستحيل إرضاء المرأة ..

the_chemist
29-03-2008, 09:20 PM
لالالالالالالالالالالالالالالا

كفاية عليا النهاردة روفيدة

بكرا آجى أكمل الباقيين

مش قادر أمسك نفسي

بايييييييييييييييييييييييي بقي

ديدي
29-03-2008, 11:41 PM
هههههههههههههه
حكايات طريفة جدااا يا حازم
تسلم ايدك

جاسرة مصرية
31-03-2008, 07:13 AM
لاجامده موت انا فضلت مع الاولى لحد ما صدقت انى فى فيلم

من بتوع حليم والحب لبنت الجيران بس مش تكملها ياحازم

المهم جميله قوى وامر مره تانيه غلى الباقى تحياتى اختك

جاسره مصريه

hazem3
31-03-2008, 03:19 PM
الله يخليكوا الحمد لله انهم عجبكوا بس هو انتوا وصلتوا

للرابعة
ولا لسة

عشان مش عايز حملات مناهضة
ولا تكتلات عليا

بنت شهريار
30-04-2008, 07:29 PM
للررررررررررررررررررررفع


Photo Gallery