المساعد الشخصي الرقمي

مشاهدة النسخة كاملة : ! Funny Hamsters



حنـــــان
24-03-2008, 03:21 PM
جبت لكم أربع فيديوهات مسلية جدا جدا للهامسترز !!
أنا الحقيقة عمري ما أفكر اني أقتني واحد كحيوان أليف في بيتي...
لكنهم أمامير جداااا برضو.
شوفوهم واضحكوا عليهم في الفيديوهات دي...






http://www.youtube.com/watch?v=http://www.youtube.com/watch?v=rfqNXADl3kU



http://www.youtube.com/watch?v=http://www.youtube.com/watch?v=kYMXRzOiVxI




http://www.youtube.com/watch?v=http://www.youtube.com/watch?v=r0E-0ntoNWo



http://www.youtube.com/watch?v=http://www.youtube.com/watch?v=brzM92_1Bio

زهــــراء
24-03-2008, 07:39 PM
حنـان ..ايه الحاجات العسولة دي :girl13:....
مع اني بأخاف من كل الحيوانات بالمطلق بس فيه منهم عسولين جدا .....
الهامسترز دول شكلهم ظريف هيك بس مو عارفة ليش يانونا بيتهيألي ساعات انهم ممكن ياكلوا صوابعك مثلا:girl27:...
جميلة الفيديوز ,,الثاني عجبني جداً فضلت اعيد فيه كثير,, المخلوق ده بياكل بسرعة شنيعة يا حنان :girl13: ...
تسلم الايادي ياقمر ..:f:

حنـــــان
25-03-2008, 04:43 AM
يا أهلا يا زهراااء...
طيب أنا معاكي لو بتخافي من حاجات كبيرة زي مثلا الكلاب... لكن الهامسترز دي نونو قوي قوي يا بنتي... انتي شايفه الراجل اللي في الفيديو ماسكه في ايده والهامستر أصغر من كفه ازاي؟ بس معرفش بقى ليهم في قرقضة الصوابع ولا لأ الحقيقة الموضوع محتاج خبرة من عندهم هامسترز!

أنا أكتر واحد عاجبني بقى الأولاني اللي فيه الهامستر محتاس في الفشاراية ومقلوب وحالته حالة :d
منورة الموضوع يا زهراء :f2:

osha
25-03-2008, 05:04 AM
عارفة ياحنان الهامستر دا حلم حياتي اني اجيبه من اكتر من 14 سنة مثلا
امور ولطييف ورقيق جدا
بس المشكلة طبعا في الاستعمار الدائم للقطط في حياتي وقلبي ومحل اقامتي
افتكر صعب شوية اني اقدر اجمع بينهم في مكان واحد :d

بس الفيديوهات امورة اوي اوي
وخاصة اول واحد مع خلفية اغنية الفيس بريسلي
تسلم ايديك

أهلاوى شديد
25-03-2008, 08:25 AM
فيديوهات جميلة جدا

تسلم ايدك

وانا خلاص خدت الهامستر اللى فى أول فيديو استعارة من الموضوع هنا وهبقى ارجعه الصيف الجاى :d

حنـــــان
25-03-2008, 02:51 PM
أوشا... بقى حد يقعد يحلم بهامستر 14 سنة ويفضل ساكت.
وبعدين مين قال انهم حيعادوا بعض؟ مش يمكن يتصاحبوا؟

أفتكر زمان لما كان عندي قطتي في الكويت وجبنا سلحفا (ماشترينهاش والله لاقيناها تايهة في الشارع صعبت علينا جبناها... كانت قد كف الايد بس مفترية!) المهم الأول الاتنين كانوا مش طايقين بعض... والسلحفا كانت كل ماتشوف القطة جاية تخبي راسها جوا بيتها وماتطلعهاش أبدااا الا بعد مالقطة تمشي بساعة ولا حاجة... بس بعد كده اتصاحبوا على بعض وعلى طول تلاقيهم قاعدين سوا والسلحفا مطلعة راسها عادي جدا.

أول فيديو ده مالوش حل عمالة كل شوية أتفرج عليه :d
تسلمي لي انتي يا أم محمد باشا... وريتي الولاد الفيديوهات صحيح؟

حنـــــان
25-03-2008, 02:56 PM
يا أهلا يا أهلاوي شديد :)
تسلم... بس رجع الهامستر من سكات في سبيل المحافظة على الأمن والأمان في المنتدى... وقد أعذر من أنذر :gun2:

زهــــراء
25-03-2008, 07:29 PM
طيب أنا معاكي لو بتخافي من حاجات كبيرة زي مثلا الكلاب... لكن الهامسترز دي نونو قوي قوي يا بنتي... انتي شايفه الراجل اللي في الفيديو ماسكه في ايده والهامستر أصغر من كفه ازاي؟
منورة الموضوع يا زهراء :f2:

ياخبر لاءة الكلاب دي عندي زي ماتكون أسد بجد مش عارفة الاقي حل أنا مع الحيوانات :3:
هو معاكِ حق انه نونو كده وشكله لذيذ جداً ياحنان بس عارفة؟ أنا سبت امتحان الثانوية العامة في مادة اللغة العربية علشان لقيت برص صغير واقف يبصلي جنب الـ Desk تبعي في قاعة الامتحان وكنت لسة مخلصتش اجابة!
تخيلي ده كان برص شفته سبت امتحاني ونزلت مجموعي لو لقيت هامستر بالشكل ده ونازل قرقضة حأسيب الدنيا بحالها باين :d

معلش ياقمر Sorry عالدوشة :girl26: والموضوع منور بيكِ ياقمر ..:f:

حنـــــان
25-03-2008, 11:24 PM
يا بنتي حرام عليكي... بقى معقول تشبهي بين البرص والهامستر أو الكلب؟
في كلاب صغيرة أمورة وعسولة كمان.
بس البرص ده... إزز قوي يا بنتي... أنا شخصيا لو شفته تقريبا حعمل زي ماعملتي بالظبط!
اللهم احفظنا!
بلاش السيرة دي والنبي! شيلي الكلمة دي من هنا وحطيها في موضوع حد بتكرهيه :d

ولا دوشة ولا حاجة يا زهراء انتي تنوري في أي وقت :f2:

أم أحمد
27-03-2008, 12:03 PM
الله يا نونتي
شكلهم حلو خالص
يختي عليهم وعلي طعامتهم
عارفة هنا كتير اوي بيتباعوا
واعتقد في ناس كتير بتربيهم
بس انا اتفرج من بعيد لبعيد
ماليش دعوة بيهم
اخاف يختي
:f2:

حنـــــان
27-03-2008, 05:54 PM
هم أمامير خالص يا أم أحمد فعلا.

أنا برضو أتفرج بس ماشتريش... بس مش عشان بخاف منهم...
مش عارفه ليه بحس انهم ممكن يشيلوا أمراض مش كويسة...
غير انه لو طلع من قفسه وأخد له لفه في البيت الواحد مش حيعرف يلاقيه نهائي بعد كده :d

منورة الموضوع يا أم أحمد :f2:

natalia
28-03-2008, 02:28 PM
زي العسل يا حنان
تسلمي يا سكر

حنين مصر
28-03-2008, 03:31 PM
انا باءه ماعرفتش اشوف مااشتغلوش معايا

بس اكيد حلوين الكل بيقول كدا
ههههههههههههه

حنـــــان
28-03-2008, 06:03 PM
نتاليا... أنا سعيدة جدا انهم عجبوكي... تسلمي لي يا رب.

حنين... لا أنا كده أتضايق... لازم نلاقي حل للمشكلة دي... طيب هل بيظهر عندك الفيديو مصغر على الناحية الشمال من الأساس ولا مش ظاهر خالص؟ زي صورة صغيرة كده ثابته... المفروض لما بتدوسي عليها بتتحرك للنص وبتكبر ولما تدوسي عليها تاني تبدأ تشتغل بس على حسب سرعة النت عندك ممكن تبقى بطيئة شوية...
جربي كده وقولي لي.

حنين مصر
29-03-2008, 09:05 PM
ايوه فى صوره صغنونه

انت كنت معايا
هههههههههههههه

حنـــــان
21-04-2008, 01:19 PM
حنين... يا رب تكوني قدرتي تشوفي الفيديوهات


لاقيت لكم واحد تاني فيه هامستر مفتري بيخزن الأكل في فمه يظهر عشان ياخده يخبيه في حتة بمعرفته
شوفوا خدوده بتكبر ازاي...

http://www.rofl.to/amazing-hamster-storing-food


Photo Gallery