المساعد الشخصي الرقمي

مشاهدة النسخة كاملة : ابتسموا فأنتم هنود مصر



ابن رشد المصري
22-03-2008, 12:58 AM
عرضت بعض الصحف والبرامج في مصر قصة العجوز التي خرجت الي الشارع تشكو أنها لم تذق طعم اللحم منذ 3 أشهر .. ما السبب برأيك؟
أ- معدلات النمو التي بلغت 7% لم تأخذ في حسبانها العجوز وظروفها.
ب- تكنيز الحكومة لاحتياطات نقدية بلغت 32 مليار دولار في البنك المركزي لزوم الشو أمام الصحافة والاعلام.
ج- ارتفاع سعر الجنيه السوداني أمام الجنيه المصري.
د- تفرد قطط الشوارع بأرجل الدجاج دون الشريحة المجتمعية التي اعتادت طبخها.



ارتفع سعر زجاجة الزيت خلال ستة شهور بنسبة تزيد علي 100% وبنفس النسبة تقريباً ارتفع سعر السمن .. لماذا؟
أ- لأن السمن طول عمره عشري وبيحب الزيت
ب- لأن الزيت سباق بطبعه
ج- لأن اللي سبق أكل النبق
د- لأن اللي ملوش خير في الزيت يبقي ملهوش خير في السمن



وقف أبو سيد في طابور العيش المدعوم لمدة ساعتين لكنه عندما وصل للشباك أغلق صاحب الفرن الفرن .. تري ما الذي فكر فيه أبو سيد لحظتها؟
أ- أن يقتل صاحب الفرن.
ب- أن يقضي باقي الشهر عند حماته
ج- أن يدعو علي الحكومة دعوة ولية في ساعة عصرية.
د- أن يشجع نادي الزمالك.



ما السبب في صغر ساندويتشات الفول والطعمية وزيادة سعرها؟
أ- غبار سياسي نتاج لحرب الهند وباكستان
ب- تأثر الفول بسعر صرف الدولار
ج- الجراد أكل الفول كله في أخر رحلاته



ارتفع سعر سندوتش الفول في حي شبرا الخيمة من 50 قرش الي 75 قرش وفي حي الهرم من 75 قرش الي جنيه فكم بلغت الزيادة في سندوتش الفول في الساحل الشمالي؟
أ- ما قيمته أربع ساندويتشات طعمية
ب- ما قيمته شورت من غير فانلة ولا كاب
ج- ما قيمته علبة سجاير مستوردة
د- ما قيمته سيجارتين بانجو



ارتفع سعر الأرز والمكرونة فارتفع سعر الكشري .. ما هو موقف العدس أبو جبة من ذلك؟
أ- العدس أبو جبة لا يهمه الأرز ولا المكرونة.
ب- العدس أبو جبة أعرب عن قلقه مما حدث.
ج- علاقة العدس أبو جبة بالأرز والمكرونة تحددها علاقاته بالصلصة والتقلية.
د- العدس أبو جبة أحد مؤسسي حركة الحياد وعدم الانحياز.



اصدر المفتي فتواه الخاصة بأن أمواتنا من عابري البحور لأوربا ليسوا بشهداء .. انتحر رجل بسبب عدم قدرته علي اطعام أولاده فما هو مصيره؟
أ- يروح الجنة
ب- يروح النار
ج- يروح مارينا



قفز سعر طن الحديد خلال عام واحد من ثلاثة آلاف جنيه الي خمسة آلاف جنيه فمن المسئول؟
أ- صغار المستثمرين (دون عز)
ب- صغار الفلاحين (دون عز)
ج- صغار المضاربين (دون عز)
د- دودة الحديد أكلت المخزون الاستراتيجي من الحديد



كل صباح تنشب خناقة بين أم سيد وزوجها أبو سيد بسبب المصروف وغلاء المعيشة .. تري ما هو الحل الأمثل لهذه المشكلة؟
أ- يقوم أبو سيد بتطليق أم سيد.
ب- تقوم أم سيد بخلع أبو سيد.
ج- يطلق الزوجان البخور ضد العين التي تفلق الحجر.
د- يبحث أبو سيد وأم سيد عمن يتبناهما لحين حصول سيد علي عقد كلاعب كرة في الأهلي أو الزمالك وتمرس أخت سيد الرقص لمعالجة أهاليها علي نفقة الدولة.



هرب أربعة مجانين من مستشفي الأمراض العقلية لكن ثلاثة منهم عادوا للمستشفي بعد أن شاهدوا غلاء الأسعار فلماذا لم يعد الرابع؟
أ- لأنه مجنون طبعاً.
ب- لأنه يفضل الموت علي أكل طعام المستشفي.
ج- لأنه يحقد علي مدير المستشفي.
د- لأنه من كبار رجال الأعمال في العباسية.



اشتري رجل فرخة بخمسين قرش وكان يطمع في أن يتناولها مع زوجته وأولاده الثلاثة علي مدار ثلاثة ايام لكن الأولاد هبشوا الفرخة .. والسؤال هو ما اسم هذه الفرخة؟
أ- الفرخة المفقودة.
ب- الفرخة الضائعة.
ج- خيرها في غيرها.
د- كوكو واوا.



أعلنت الحكومة بلسان وزير البترول سامح فهمي أن سعر تصدير الغاز المصري لاسرائيل الذي هو أقل من خمسة دولارات لكل مليون وحدة حرارية ممنوع اعلان قيمته وأن اجمالي الانتاج المصري المصدر الي اسرائيل لا يزيد علي 2.5% .. فما تأثير التوضيح علي المواطنين برأيك؟
أ- تنفس الناس الصعداء بعد تطمينات حكومتها الرشيدة.
ب- بكي الناس من فرحتها.
ج- انشغل الناس بأزمة الحضري.



حدثني صديقي الصياد أنه اصطاد سمكة وأحضرها يوماً الي زوجته .. قالها اقليها قالتله الزيت غلي، قالها اشويها قالتله الرده غليت، قالها اعمليها بالصلصة قالتله كيلو الطماطم بـ 5 جنيه .. رمي الصياد السمكة في البحر .. نطت من البحر وقالتله "تحيا جمهورية مصر العربية"
أ- تصدق الصياد.
ب- لا تصدق الصياد.





اذا أردت أن تعرف مقدار ذكائك فما عليك الا أن تضع لنفسك 4 نقاط اذا أجبت الاجابة (أ)، 3 درجات للاجابة (ب)، درجتين للاجابة (ج)، درجة للاجابة (د) ثم احسب المجموع الكلي لتعرف مقدار ذكائك.
اذا زاد مجموع درجاتك علي 35 نقطة فأنت تستحق بالفعل لقب "هندي أحمر بشرطة" واذا تراوح مجموع درجاتك بين 35-30 درجة فأنت "هندي أحمر من غير شرطة" واذا تراوحت درجاتك بين 20-30 درجة فأنت "هندي فقط لا أحمر ولا بشرطة" أما اذا قلت درجاتك عن 20 فأنت "أحمر من الهندي الأحمر".
:4::p:4:
زمان الناس كانت بتقلب ترومايات وبتحرق أتوبيسات لما الأسعار بتزيد قرش .. يا تري ايه اللي جرالكم يا مصريين؟
((لا تنسوا أن تضعوا الاسم عند النقل "ابن رشد المصري"))

زهــــراء
22-03-2008, 08:54 AM
:d هم يضحك وهم يبكي ياإبن رشد
اختبار هندي بحت :y:
تسلم الايادي يارامي الواحد اتطمن على مستوى ذكاءه :d

the_chemist
23-03-2008, 01:51 PM
و الله يا رامى الواحد مش عارف

مرة طلعت هندى أحمر

و مرة هندى بشرطة

و مرة من غير

و الرابعة أحمر منهم كلهم

تعتقد ليه يا رامى

دا غباء منى ولا من مين بالظبط

ابن رشد المصري
23-03-2008, 08:38 PM
:d هم يضحك وهم يبكي ياإبن رشد
اختبار هندي بحت :y:
تسلم الايادي يارامي الواحد اتطمن على مستوى ذكاءه :d

ههههههه
نورتي يا زوزو
شوفتي حالنا ازاي يصعب علي الكافر؟ :)

ابن رشد المصري
23-03-2008, 08:45 PM
و الله يا رامى الواحد مش عارف

مرة طلعت هندى أحمر

و مرة هندى بشرطة

و مرة من غير

و الرابعة أحمر منهم كلهم

تعتقد ليه يا رامى

دا غباء منى ولا من مين بالظبط

ههههههههه
لأ غباء من صاحب الموضوع :1:
معقول انت جربت تعد النقاط بجد؟
أنا كاتبها علي سبيل الدعابة ومن غير ترتيب محدد
علي العموم مش فارقة كتير .. بشرطة ولا من غير شرطة .. أهو كلنا هنود في الأول والأخر :no2:
هما بس بيقولو اللي بشرطة بيبقي من وجهاء القبيلة واللي بريشة بيبقي ريسهم :y:
:f:

the_chemist
23-03-2008, 09:07 PM
ههههههههه
لأ غباء من صاحب الموضوع :1:
معقول انت جربت تعد النقاط بجد؟
أنا كاتبها علي سبيل الدعابة ومن غير ترتيب محدد
علي العموم مش فارقة كتير .. بشرطة ولا من غير شرطة .. أهو كلنا هنود في الأول والأخر :no2:
هما بس بيقولو اللي بشرطة بيبقي من وجهاء القبيلة واللي بريشة بيبقي ريسهم :y:
:f:

و الله يا رامى

الموضوع كله لا يخص الممتحن أو الممحون اللى هو أنا

بس أصلي إتعاملت مع هنود ملهمش لون

ههههههههههههههههههههههههه

تسلم

ريـم
24-03-2008, 08:08 PM
هههههههههههههه
ايه ده بجد من غير نقط ؟
ده انا طلعت على نياتي الظاهر .. :$
اصلي طلعت هندية من غير شرطة ..
موضوع جميل يا رامي ..
و فعلاً غلاء الأسعار محدش عارف هيعمل فينا ايه بعد كده ..
حقيقي يعني، الواحد بينزل مصر يتصدم و يرجع ..
تحياتي ..

Ayman Roshdy
26-03-2008, 07:22 AM
الأخ الفاضل / ابن رشد

والله تعوزني الكلمات لأصف مدى سعادتي وانبهاري بعملك الجميل.

أردت وصف المصداقية، وإصابة الحقيقة، والفكاهة الممتعة.... وغيرها كثير...

فلم أجد لكل منها أكثر من تقييم 100%.

وأنت تستحق أكثر عن جدارة.

بارك الله لنا فيك وجزاك خيرا.

ابن رشد المصري
12-10-2008, 12:42 AM
لا أعلم لم مررت على موضوعي هذا وضحكت من جديد عليه وعلى الردود فيه :)
أنا حتى كنت نسيت اللي كتبته وقتها ومفتكرتش من العنوان ودخلت.
شكري لريم ولك أستاذي الحبيب أيمن على الردود التي لم أشكركم عليها وقتها.

طائر الشرق
12-10-2008, 01:04 AM
ههههههههههههه

موضوع جميل والله

الحمد لله ما عدتش

hazem3
12-10-2008, 04:03 PM
هههههههههههههههههههههههههههه

انا معدتش بس مش عشان حاجة لاني متعود علي المواضيع الجميلة دي

وهعد عشان اطلع يا هندي يا احمر منه

ههههههههههههههههه

بلد شهادات بصحيح

في منهم علي بوستاج ؟؟؟؟؟

ههههههه تسلم ايدك استاذ رامي


وانا بقي ناوي انقله من غير ما اكتب ابن رشد المصري

















هكتب استاذ رامي (ابن رشد المصري )


تقبل مروري

اسكندرانية 100%
13-10-2008, 06:26 PM
يسلمو الايادي ابن رشد المصري
بجد ابدعت

بس الشعب المصري هتلاقي كل الفئات
احمر وبشرطة ومن غير واحمر من الهندي وهتلاقي منه موف على برتقالي من اللى بيشوفوه وبيحصل فيهم
الناس مافيهاش حيل تقلب ترماي ولا عربيات ولا فيهم هيل يعترضوا
عندهم سوء تغذية بعيد عن السامعين

دكتور مهندس جمال الشربينى
14-10-2008, 07:22 PM
يسلمو الايادي ابن رشد المصري
بجد ابدعت

بس الشعب المصري هتلاقي كل الفئات
احمر وبشرطة ومن غير واحمر من الهندي وهتلاقي منه موف على برتقالي من اللى بيشوفوه وبيحصل فيهم
الناس مافيهاش حيل تقلب ترماي ولا عربيات ولا فيهم هيل يعترضوا
عندهم سوء تغذية بعيد عن السامعين


صحيح ناس بتاكل وتنسى
بسرعه نسيتوا
:f2:
أهل المحله الكبرى
و6 إبريل 2008

http://hamedp4.jeeran.com/files/130877.jpg

http://productnews.link.net/reuters/OLMETOPNEWS_iptc/27-09-2007/2007-09-25T145946Z_01_NOOTR_RTRIDSP_2_OEGTP-EGY-STRIKE-MZ4.jpg

http://farm3.static.flickr.com/2052/2400733475_8f2eb022d0_o.jpg

http://www.meethabib.com/up/uploads/mahalla.bmp

http://farm3.static.flickr.com/2185/2393907042_70f78af757_o.jpg

http://farm3.static.flickr.com/2196/2408644281_e4237c7473.jpg

:mad:

عرفتوا مين بقى
الهنود الحمر
يا هنود
منتدى أبناء مصر

وريث من خبر رع
16-10-2008, 03:18 PM
:ganja:أه عرفت
ليه بق ؟؟؟ هاه
ليه؟؟؟؟:hop:

نــوران
17-10-2008, 03:42 AM
انا يا عم رامي طلعت


بلا فخر

و منتهى الاعتزاز



/

/


/




/





/









/








/










/


زهقت !!!




انا





سيدي




طلعت










"أحمر من الهندي الأحمر".

ابن رشد المصري
19-10-2008, 11:46 PM
ههههههههههههه

موضوع جميل والله

الحمد لله ما عدتش

الموضوع جميل بمرورك عزيزي هيثم.

ابن رشد المصري
20-10-2008, 12:53 AM
هههههههههههههههههههههههههههه

انا معدتش بس مش عشان حاجة لاني متعود علي المواضيع الجميلة دي

وهعد عشان اطلع يا هندي يا احمر منه

ههههههههههههههههه

بلد شهادات بصحيح

في منهم علي بوستاج ؟؟؟؟؟

ههههههه تسلم ايدك استاذ رامي


وانا بقي ناوي انقله من غير ما اكتب ابن رشد المصري

















هكتب استاذ رامي (ابن رشد المصري )


تقبل مروري

حازم انت لو عملت منه قراطيس ترمس مش هزعل منك. :1:
تسلم لي على المرور.
وبعدين الهنود مش وحشين برضو. :smart:

noogy
22-10-2008, 02:30 AM
ههههههههههههه
موضوع جميل جدا
الحمد لله ما عدتش انا كمان
لانى لو كنت عديت اكيد اكيد اكيد يعنى كنت هطلع
7

7
7
7
7
7
7
7
7
7
7
احمر من الهندى الاحمر :l2:
تسلم ايدك بجد


Photo Gallery