المساعد الشخصي الرقمي

مشاهدة النسخة كاملة : اضحك كركر



حسام عمر
19-03-2008, 08:12 PM
مرة واحد مسطول مروح البيت وبقالو ساعة مش عارف يفتح الباب مراتة من البلكونة بتقولو ارميلك المفتاح قالها لا المفتاح معاية ارميلى خرم الباب

اتنين مساطيل ركبوا اتوبيس بدورين اللي فوق سأل اللي تحت انتوا ماشيين بسرعة كام؟ قاله 80 و انتوا؟ قاله لا إحنا السواق لسة ماجاش.

مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه اتنيل انت اللي كل يوم بتخش الثلاجة

كان فيه واحد مابيحبش مراته ابدا ولما سافر خدها معاه ليه ؟؟؟
عشان لما يرجع مايسلمش عليها

واحد غبى مراته ولدت تؤأم فقالها الاول منى و التانى من مين؟؟

مرة واحد امريكانىو واحد فرنساوى وواحد صينى كانوا عايزين يجربوا صدى صوتهم عند الشلالات فالامريكانى قال هالووو فرد الصدى هاللللللووووووووووو و الفرنساوى قال بونجورررررر فرد الصدى بونججووووووووووورررررررررر والصينى قال شنق شونق كلمبونق فرد الصدى هاه !!

واحد دبح ابوه ليه ؟؟ عشان المدرسة مطلعة رحلة للايتام . ونفس الولد
دبح ابو جيرانهم ليه ؟؟؟ عشان ياخد صاحبه معاه

واحد صعيدى اتجوز واحدة مدرسة انجليزى فصحيت الصبح قالت له صباح الخير يا زوجى العزيز فقالها يقطع الانجليزى على اللى بيتعلموه

واحد ذكى حب يشرب اللبن فوجد ان صلاحيته انتهت يعمل ايه ؟؟ راح مغير التاريخ و شربه

ليه الحمار بينهق و هو مغمض ؟ عشان حافظها غيبا

محششين مسكوا واحد قالوا له انت معانا ولا مع التانيين قاللهم معاكم فقالوا له احنا التانيين

ناس بيتهم مسكون بالاشباح فسألوا الشيخ قاللهم عزلوا فلما جم يلموا حاجتهم الشبح قال هيه هانروح بيت جديد

واحد صعيدى بيقول لمراته نكتة قالت له هاها بايخة قاللها هاها انت طالق

حرامى دخل البيت لقى واحدة و جوزها فقاللها اسمك ايه قالت له عائشة فقاللها مش هاقتلك عشان امى اسمها على اسمك و قال للرجل اسمك ايه فقال له سيد و بيقولوا لى يا عائشة

ميكانيكى اشترى سرير و نام تحته

واحد محشش دخل البيت لقى امه محروقة و النار مولعة فيها فقاللها منورة يا حجة

غبى واقف مع دودة فى الشمس فقالوا له ليه فقاللهم الدكتور قاللى اقف فى الشمس دقائق معـ دودة

غبى دخل محل نظارات و قال للراجل عايز نظارة فقال له للشمس فقال له لا ليا انا

واحد بيقول لصاحبه الدنيا مافيهاش امان تصور امبارح رحت اسرق محفظة ابويا لقيت محفظتى فى جيبه

واحد صعيدى اتصل بابوه من امريكا و قال له انا اتجوزت و جالى ايدز فابوة قال له و ليه ماسميتهوش على اسمى قناوى

واحد صعيدى عنده مرض فى رجله و الدكاترة قالوا له لازم تتقطع و هو مكانش عايز يعمل عملية فجاب ساطور و قطع رجله بدون مخدر فالدكاترة صفقوا له فقام قاطع رجله التانية

المعلم : ما معنى كلمة سبيل
التلميذ : طريق
المعلم : برافو و ما معنى سلسبيل
التلميذ : طرطريق

اتنين صعايدة كانوا ماشيين فى الصحراء فطلع عليهم اسد فواحد رماه بطوبة و طلع يجرى و قال لصاحبة ما بتجريش لية فرد عليه و قال له هو انا اللى ضربته

حلاق محشش قاعد بيحلق لواحد و لما وصل لودنه قال له عايزها فقال له لا(بيحسب دقنه ) فقطعها و رماها و لما وصل لودنه التانية فقال له عايزها قال له اه طبعا فقطعها و عطاها له

واحد صعيدى اتلم عليه اربع شياطين ليه ؟؟؟ واحد يوسوسله و تلاتة يفهموه

أتنين مسلمين محمد و إبراهيم تايهين فى الصحرا وجعانين
فجاه لقو كنيسه
إبراهيم قال لمحمد أنا هأقول لهم إني اسمي جرجس
ومحمد قال له لا يا عم .. أنا هاقول اسمي محمد
فسألهم القسيس عن الاسم
فقال إبراهيم اسمي جرجس ومحمد قال اسمي محمد
فقال القسيس احضرو الطعام لمحمد
و قولو لجرجس نحنو اليوم صائمون

واحد أخنف حظه وحش قوي
وقع في حفره
و فضل مستني لغاية ما واحد جه
و علىحظه كان أخنف برضه
الأخنف اللي فوق قال ... استنى شوية .. حاطنّنعكدنوأتي
قاله نببنا يخننيك بسنعة .. قال له
و كمان بتتنيأ ؟؟؟
طب شوف مينحيطننعكّ

مرة اثنين عندهم كلاب صيد
صاحب الكلب الأول أول ما يضربطلقة من البندقية
يجرى الكلب ويروح يجيب الفريسة
و الثاني أول ما يضرب الطلقةكلبه يكّش
فنصحه صاحبة انه يروح أفراح في الأرياف، فالكلب هيتعود على صوتالرصاص
راح الأرياف وفضل يحضر في أفراح لمدة 6 شهور
وبعدين رجع يصطاد، راح ضارب طلقة من البندقية
راح الكلب وقف على رجله وقعد يزغرد

واحد سكران كان بيعاكس وحدة وحشة اوي بالليل
فكان بيقول لها يا وحشة ياوحشة
راحت ملتفتة ليه وقالت له يا سكران
راح قايل لها طب أنا سكران حفوق بكرة .. وانتي ؟؟؟؟؟

واحد كسلان أتحكم عليه بالإعدام بدفنه في حفره
فقالوا له نفسك في أيه قبل الموت
قال نفسي أشرب قالوا له قوم أشرب
قال لسه حقوم اردم يا جدع


اثنين أغبياء فى طياره معديه الأول قال إنها طياره الرئيس
فقال الثاني إنهامش طياره الرئيس
الأول والله دى طياره الرئيس
الثاني لا مش طيارهالرئيس
فاتفقو أي حد معدى يسالوه فعدى واحد فسألوه دي طياره الرئيس
فقالهم يااغبياء طياره الرئيس بيمشي وراها موتوسكلات

وحده تقول لزوجها ادبح خروفين بمناسبة مرور 25 سنه على زواجنا
قال زوجها طيبو إيه ذنب الخروفين في غلطه أنا ارتكبتها من 25 سنه

واحد محشش بيقول لصاحبه هو يوم الاربعاء يوافق يوم عشرة فقال له ماعرفش يمكن لو ضغطنا عليه يوافق

سودانية جابت اربع توائم تلاتة سود وواحد ابيض عشان الحبر خلص

واحد صعيدى حب يزور فلوس اتقفش من اول مرة ليه ؟؟؟ عشان زور ورقة بسته جنية
مره واحد عنده مزرعه فراخ وكانت فشله جدا راح لمهندس زراعى قاله : انا مش عارف ازرع الفراخ .. قاله ليه ؟ .. قاله زرعتها من رجليها مطرحتش زرعتها من جناحها مطرحتش زرعتها من دماغها مطرحتش .. المهندس قاله : مممم .. هاتلي عينه من الارض


واحده وحشه قوى بتقول لجوزها : يا رااااجل مش تصلح شباك الحمام علشان وانا بستحمه الجيران مايشوفونيش .. قالها:خليهم يشوفوكى علشان يصلحوه على حسابهم


سألو واحد بخيل جداً: تعمل ايه لو الدنيا برد؟ .. قال: أروح جنب الدفاية
قالو: ولو الدنيا بردت أكتر؟ .. قال:أقرب من الدفاية.
قالو: ولو بردت أكتر و أكتر؟ ... قال: ألزق في الدفاية.
قالو: طب ولو بردت أكتر وأكتر وأكتر ونزلت تلج ؟ ... قال: أشغل الدفاية بقى وأمري لله.


صعيدي مسطول قابل واحد صاحبه متغاظ من امريكا .. المسطول حب يهدي صاحبه .. قاله : شوف امريكا من غضب ربنا عليها خلاها هناااااااااك فى آخر الدنيا .. لكن مصر يادوبك ساعتين بالبيجو


مره واحد غنى جاب عربيه فور باى فور جديده وركنها تحت البيت وكل يوم بليل يعدى من تحت البيت واحد مسطول يلاقى مكتوب ع العربيه 4x4 يروح كاتب له (= 16 ) ينزل الراجل صاحب العربيه الصبح يضايق ويوديها الميكانيكى يروح يصلح الصاج وكذا مره تتكرر الحكايه دى فالميكانيكى اقترح على صاحب العربيه فكره انه يكتب هو ( = 16 ) بدل ما الراجل السكران يكحت الصاج فرح الراجل وعمل كده قام الراجل السكران رجع بليل لقى مكتوب ع العربيه 4×4 = 16 راح جاب حجره وعمل علامة : (صح)


صعيدي سألوه ماهو السيفون ؟
قال:صندوق بحبل لما تشده يا تلحق تشرب .. يا متلحقش


واحد عصبي يقول لمراته: عاوز اقولك على حاجة غريبه حصلت معايا النهاردة بس من كتر ماهي غريبه مش هتصدقيها .. وهتقولى عليا كذاب .. بس انا مش كذاب .. انتي اللى كذابة واهلك كذابين .. يابنت الكلب دانتى قليلة الحيا ومعندكيش دم روحى وانتى طالق.

اتنين صعايده موجودين فوق الجبل الدنيا كانت برد اوى فواحد بيقول التانى : انزل تحت هتلاقى اسفلت طريق سريع هاتلنا من اى عربيه كبريت عشان نقيد النار وندفى
التانى بيقوله حاضر نزل وقف العربيه وقال السواق : معاك كبريت ؟ السواق قاله : معايا ولاعه
الراجل قاله : لا امشى . وقف عربيه تانيه وقاله : معاك كبريت ؟ السواق قاله : معايا ولاعه
الراجل قاله : لا امشى وهكذا . طلع للراجل فوق وقاله : ياعم كلهم معاهم ولاعات محدش معاه كبريت
الراجل قاله : انا عارف انك غبى انزل هاتلنا ولاعه وخلاص
نزل تانى الراجل وقف العربيه وبيسال السواق :معاك ولاعه ؟ السواق قاله : معايا كبريت
الراجل قاله : لا امشى . وهكذا .... طلع للراجل اللى فوق وقاله : كله معاه كبريت محدش معاه ولاعات
الراجل قاله : انا عارف انك غبى اطفى الشمعه اللى جنبك ونام
-------------------------
مضيفة طيارة بتسأل راكب ... تحب انزل لك عشاء كامل ؟؟؟؟ رد عليها : ليه هو كامل
مش حيتعشى!!!
------------------------
مره واحد غبي بيقول لصاحبه ايه رأيك انت تاخد شهر اجازه من الشغل وانا اخد شهر
اجازه ونسافر شهريين فرنسا
-----------------------
واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب
الاتوبيس ونوفر النص جنيه .... فرد وقال له طب منجرى جنب تاكسى ونوفّر خمسة
جنيه
---------------------
صعيدي لغي موعده مع الدكتور لأنة مريض
--------------------
واحد طورشجى (بياع طرشى) راح يجوز فسأله أبوالعروسة بتشتغل ايه؟ قال له العريس تاجر قطع خيار

بنت شهريار
19-03-2008, 08:39 PM
هههههههههههههههههههههههههههههههههههههه
مش ممكن ياحسام
موسووووووووووووووووعه
وكلها اكثر من ممتازة
بقالى نص ساعه فطسانة من الضحك
ربنا يجازيك خير يارب
ضحكة من القلب
تحياتى وتقديرى
:f2:

حنين مصر
19-03-2008, 10:14 PM
حسااااااااااام

ايه دا بجد رغم انى اهلاويه

بس تحيااااااااااا الزمالك
الزمالك جابت جووووووووووووووووووون
هههههههههههه

حسام عمر
24-03-2008, 01:07 AM
الف شكر لردودكم الرائعه

حسام عمر
24-03-2008, 01:08 AM
واحد ومراته



مره واحد كان ماشي علي الطريق بسرعة ومعاه مراته و فجأه شاف في المرايه



شرطي عمال يشاور له عشان يوقف العربيه



وجه الشرطي وقاله : انت سايق فوق 180 كيلو في الساعه والطريق سرعته 80 كيلو في الساعه

علشان كده هاعملك مخالفه



الراجل : ... معلش انا كنت فوق 80 بشويه مش كتير



الزوجه : ...... لا انت كنت ماشي علي 180 كيلوالزوج : .... نظرة حقد وغل لمراته



الشرطي : .... وكمان مخالفه علشان الكشاف الخلفي مكسور



الراجل : .... مكسور ازاي انا ما اعرفش انه مكسور



الزوجه : .... ايوه انت عارف ان الكشاف مكسور من كم اسبوع



الزوج : ..... نظرة حقد وغل لمراته



الشرطي : .... ومخالفه كمان لانك مش رابط حزام الامان



الراجل : ....... ده انا لسه فاكك الحزام دلوقتي لما وقفت



الزوجه : .... لا لا لا ده انت عمرك ما ربطت الحزام



الزوج في غيظ صرخ : .... انتي مابتعرفيش تسكتي ابدا



الشرطي يقول للزوجه : .... هو دايما بيزعقلك كده



الزوجه : .... لا بس لما بيكون سكران



الشرطي : .... سكران ؟



!!
الراجل : .... لا ما تصدقهاش



الزوجه : ... صدقني احنا لسه لاقيين قزازة خمره في العربية لما سرقناها



الشرطي : .... يعني العربية مسروقه ..؟



!!!
الراجل : ... سيبك منها الله يهديك وانتي اسكتي ولا عليا الطلاق اطلقك



الشرطي : .... هو دايما كده يهددك بالطلاق .. ؟؟؟

الزوجة : .... مش لما يتجوزني الأول وبعدين يحلف بالطلاق

زهــــراء
24-03-2008, 08:37 PM
ههههههههههههههههههه
حلوة النكت ياأ.حسام كل واحدة احلى من الثانية

واحد محشش بيقول لصاحبه هو يوم الاربعاء يوافق يوم عشرة فقال له ماعرفش يمكن لو ضغطنا عليه يوافق
ههههههههههههههه
فكرة بردو :d
تسلم الايادي استاذ حسام ..
خالص التحايا ..:girl25:

حنين مصر
27-03-2008, 10:09 AM
هههههههههههههه
جميله اوى

مصراويةجدا
30-03-2008, 10:16 AM
ههههههههههههههههههههههههههههههه
انا اول مرة اضحك علي نكت كدة

no2no2
01-04-2008, 03:53 PM
ههههههههههههههههههههههههههههه
بجد النكت تحفه أنا فطسانه علي روحي من الضحك
وبجد دمك خفيف جدا
وكمان تحفه
هههههههههههههههههههههههههههههههه

حسام عمر
03-04-2008, 07:08 AM
الف شكر لردودكم الرائعه

natalia
05-04-2008, 06:05 AM
ايه ده انا اول مره اعرف ان الزملكاويه دمهم زي العسسل كده

بسانا دلوقتبي فرحانه

بس بقولك بالراحه شويه
علينا

hazem3
05-04-2008, 11:30 AM
تسلم ايدك ويا رب يزيدك

والله وطلع الزمالكوية دمهم خفيف
ده انا كنت قربت انسي انهم من

مصر اساسا بس يلا هي الدنيا كده مع الاهلي تلاتين سنة ليك ويوم عليك

مع حبايبنا مفيش ليك خالص كله عليك

هههههههههههههههههههههههههههه

حسام عمر
07-04-2008, 04:07 AM
الف شكر لردودكم الرائعه

حسام عمر
31-08-2010, 04:05 PM
الف شكر لردودكم الرائعه

محمد حسيـــن
05-09-2010, 04:04 PM
واحد صعيدى بيقول لمراته نكتة قالت له هاها بايخة قاللها هاها انت طالق

:d:d:d


جامده دي جدا ياحسام باشا

تسلم ايدك ونكت كلها جميله

:36_4_10:

حسام عمر
04-10-2010, 03:57 AM
تسلم يا محمد باشا


Photo Gallery