المساعد الشخصي الرقمي

مشاهدة النسخة كاملة : يا عم عطية ... بطلت أتجوز !



العمدة
27-08-2003, 08:51 PM
يا عم عطية ... بطلت أتجوز !

شوفت ياعم عطية .. بطلت اتجوز

وكرهت السيرة .. وكرهت اتصور

عايز شبكة وعايز شقة وعايز مهر

وانا غلبان واخويا مغلوب في الكفر

وكمان والدي , مستني ونفد الصبر

بنتك عندك خليها أو خللها ياابوالبدر

بكره تنادي علي وتندم .... يا فقر !!

قلت انساعد بعض رميت الحمل بحاله

وقلت هريدي يدبر حاله طاب من فين ؟

يوم ما سألتك يلا نجيب العفشه من العياط

قلت لي أبداً عايزها عموله , ومن دمياط

وانت عارف البير وغطاه ياخال .. الهم !!

يا ألف خسارة يا عم عطية .. عندك دم ؟

خالد المصرى
27-08-2003, 09:15 PM
عم عطية الحاكم بالامر
يقولك لا
بنتى تتاقل بالدهب قناطير
العرسان زاحفين وراها بالملايين
هو انت فاكرها بنت غفير
دى من عيلة ومركز وتعليم عالى
وجدها الكبير شغلته امير
يا عم عطية الله يكرمك
شوف الراجل شاريك
جوزه بنتك الله يخليك
يقولك لا
شوف انت بتكلم مين
انا من عيلة الوالى الكبير
والمهر كان بيشال لبناتنا على حناطير
وفى اخر الامر مرزوق احتاس
وحكى حكايته وسط الناس
ضحكوا وقالوا الراجل اتجن
ليه زعلان
بطل جنان
ربنا نجالك من فشره
عطيه الى بيقولك جده امير
شغلته الصبح بتاع طعمية:)



تحياتى يا عمدة ولك تحياتى على جمال فكرتك وكلماتك

حلا
27-08-2003, 09:23 PM
مسكين هريدي:(
بطلت تتجوز؟
أحسن:p

قصة جميلة جداً ياعمدتنا الغالي:) قصدي بتقطع القلب وأكثر موقف ومقطع عجبني فيها:

يوم ما سألتك يلا نجيب العفشه من العياط

قلت لي أبداً عايزها عموله , ومن دمياط

خالد المصري: الرد كان ظريفاً جداً، بس صحيح عطية طلع ببيع الصبح طعمية؟
وبيتشرط كمان؟؟؟؟؟ والله دنيا عجب!!!!!!!!!!!!!!

العمدة
27-08-2003, 09:49 PM
عم عطية بياع فول وطعمية

وجده الوالي ياما باع ملوخية

هو الخسران ...... هو البخلان

أيوووووووه .. صحيح تعبان

فيها إيه لما تشارك في الجهاز

مش بنتك ولا عايزها فــــ برواز

صحصح ياعم عطية يابياع الجاز

دامفيش أحسن من سترة البنات

تحياتي يا خالد :)

العمدة
27-08-2003, 09:50 PM
تحياتي حلا ..

مشكورة على مرورك أيتها الغالية .

دمتِ رائعة :)

مصراوى
28-08-2003, 08:05 AM
طيب خلى حد غيرك يقول الكلام ده
دا إنت مدوبهم 8 :p:p
لا بجد جميلة وعميقة ووراها كلام وكلام
:9::9:

Mrs. Virgo
28-08-2003, 08:37 AM
ده هريدي إلي كاتب الكلام ده يا عمده !!!

بيني وبينك احسن ..
هو احنا ناقصين يجبلنا هراريد صغيره :)

العمدة
28-08-2003, 09:16 AM
فاهمني :)


ولسه التاسعة قريب قوي ;)


أشكر تشريفك أخي المبدع :)

العمدة
28-08-2003, 09:19 AM
أنه مطلب قومي يا ميس :)


الخطة القومية القادمة .. إعلامياً .. رفع ومغالاة في المهر


مفيش راجل يساعد في مهر بنته :(


وبكده تنجح الخطة .. ومفيش جواز .. ويخف الشعب شويه :(


بلا هم :)

تحياتي لمرور عطر .. ميس فيرجو :)

محمد البنيان
28-08-2003, 09:36 AM
سلام لاجدع هريدي
هو هريدي
معناها ايه

شوف ياعمنا العمده
ان كرهت التصور دا خلاص وكرهت السيرة
اصلا
و
عايز شبكة وعايز شقة وعايز مهر
وهام شي المهرة فين ؟

وتم مرور الكرام من مصرواي


وليسمح لي معد الطرح
ان استغل هذا الطرح
واحب ان اوجه التحية اللي الاستاذ العزيز
خالد المصري
واقول له وحشتنا موووووت

وكذلك الفاضلة ميس فيرجو
الاستاذة لميس
لها خالص التحية والتقدير



من محب لك

العمدة
28-08-2003, 10:10 AM
مرحباً أخي الغالي محمد البنيان :)


أنتم عندكم المهر ببلاش :(

مش قل من خمسة كيلو دهب :( حاجة رخيصة كده :)


نسمح لك ونص :)


الموضوع موضوعك :)

بنت مصر
28-08-2003, 10:52 AM
موضوع لذيذ جدا يا عمدة
بصراحة كل مواضيعك فرفشة
ظريفة جدا جدا .. بس بقا خليني
ارد عليك كأني بقا بنت عطية

وياريتنا كلنا نرد على بعض بنفس الطريقة



يا عطية يا بويا حرام عليك
جوزني هريدي الله يخليك
هو رايدني وانا رايداه

مالك انت ودخلك ايه
عمال تتشرط وكأنك بيه

احنا عارفين البير وغطاه
لافي عرسان مترصصين
ولا حيلتك اطيان ولا فدادين
ولا الجدعان في بنتك دايبين
لايمها يا بويا وخليها على الله


:5: :5:

العمدة
28-08-2003, 10:57 AM
من فين أجيب فلوس ياعبير

وأخوكي اللي لسه صغير

وبكره هايكبر الواد سمير

ولا النيله اللى اسمه منير

أصل هريدي يابنتي فقير

وانا من الأول مش عايز اديه

قلت أهو فرصة أغالي عليه

ولا أنتِ رأيك .............. إيه ؟



رووووووووووووعة يا بنت مصر :)

بنت مصر
30-08-2003, 10:11 AM
يا بويا فقير والا غفير
انا شايفاه في عنيا امير

وربك ما بيبصش للناس بفلوسهم
المهم عنده قلوبهم ونفوسهم

اقبل بيه وما تكسرش بخاطره
دا الرزق بامر ربنا مش بامره

يمكن في لحظة الحظ يآتيه
وبدل ماهو شحات يصبح بيه
ها يا ابويا رأيك في كلامي ايه؟

جنان الفردوس
30-08-2003, 07:09 PM
لذيذ قوي الموضوع ده يا عمدة..
ماشاء الله عليك مواضيعك تحفه..
انا هحاول اشارك بس يارب اعرف اقول حاجة..


لا يا بنتي الزمن غدار..
وبعدين تندمي وما تلاقي لك دار..

وازاي يتحول هريدي الصلعوك..
ويدخل حواري وقصور الملوك..

اسمعي نصيحة ابوك يا بدور..
بكره العرسان حوليكي تدور..

ومتضيعيش حظك مع الموكوس..
ده لا هيأكلك عيش ولا يديك فلوس..


ها ايه رأيكم..

العمدة
30-08-2003, 07:21 PM
زي العسل :)

وكمان بنت مصر قبلك شهد مكرر :)


فلوس .. فلوس .. والله يابوي المتعوس... متعوس

كل ما ييجي عريس يتقدم .. تقول لي ده مهووس

فاكر يابا الواد حسونه .....ولا مخيمر واد مرزوق

أهو خد شلبيه قلت لي إيه .......قال بكره تروق

وانا عمري بيجري يابويا ..ولا أنت كده مبسوط

فكر يابا في بنتك ياما,مش كل حاجه يابا فلوس

heba
30-08-2003, 07:33 PM
بسم الله الرحمن الرحيم
عمدتنا الغالى
انا داخله اقول كلمتين لقيت ماشاء الله الكل بيقول شعر ربنا يزيد
و تسلم ايدك يا عمدتنا بس انا كنت سمعت ان هريدى داخل على الجوازه العاشره صح (بضمه على الص ) ولا اشاعات مصراوى بيطلعها0
تحياتى

جنان الفردوس
30-08-2003, 07:38 PM
لا خلاص معدش في نقاش..
انا قلت هريدي مرضاش..
سيبك بقى منه وخديه طناش..

بكره يجيلك سيد سيده وتقولي ابويا قال..
خدي الكلام مني فال..
واسمعي كلامي وبطلي شغل عيال..


بس خلاص..
انا تعبت..
:5:

العمدة
30-08-2003, 07:48 PM
ياخبر ياهبه العاشرة :)

ده خبر قديم كده :)

الجديد أنها الخامسة عشر :) بس اللي على زمتي أربعة وبس :)


طيب فين شعر هبه ؟

شكراً لمرورك العطر :)

العمدة
30-08-2003, 07:49 PM
شكراً للمشاركة الفعاله والجميله جنان :)

نكمل بكره :)

تحيات بطعم التفاح :)

العمدة
01-09-2003, 10:25 AM
سيد سيده ..... إزاي ومنيين يابوي :rolleyes:

إياك مفكر بنتك ست الحسن يابوي :8:

مش زين إن هريدي وافق يتجوزني :o

ورضي يشتري العفشه , من العياط :4:

وباع المعزه ورهن هدومه حدا الخياط :6:

حن عليه يابوي ووافق مت من العِياط :(

ده هريدي يابوي بينام على ... البلاط :4:

إسلام شمس الدين
02-09-2003, 11:47 AM
أخي الحبيب العمدة . .

أشعر دوماً وكأن حروفك تتراقص ضاحكة فوق السطر دون ابتذال أو إسفاف
و لا يسعنا إلا شكرك على ماتمنحنا من المتعة الراقية و الابتسامة الهادفة
و الشكر لكل من شارك بالموضوع

حفظك الله و حفظ لك قلمك من كل سوء
و دمت لنا مبدعاً و أخاً حبيباً
و لي عودة أخرى إن شاء الله للمشاركة

لك محبتي و تقديري
إسلام شمس الدين

العمدة
02-09-2003, 06:31 PM
شكراً أخي إسلام :)

كلام كبير .. بس أحنا عايزين بئى مشاركة منك

للتكمله .. وماتخافش هاتتجوز :)

شكراً يا أخي شمس على لطفك وكلك زوق :)


Photo Gallery