المساعد الشخصي الرقمي

مشاهدة النسخة كاملة : حوار بين الجد وحفيدته سنة 2090م



taro2a1
10-03-2008, 04:26 PM
المكان .. أي حتة ف مصر
الزمان يوم من أيام عام 2060م

الحفيدة :

جدو تامر إزيك .. حلو البدي اللي انت لابسه ده .. بس ده موضة قديمة قوي يا جدو

الجد : يا بنتي أنا راجل دقة قديمة وبالبس زي ما جيلنا اتعود وحسب التقاليد القديمة بتاعتنا

الحفيدة :أيوه بس مش حاسس إنك مخنوق وانت لابسه؟

الجد : أبداً ده هو ده اللبس المحتشم اللي مفروض الكل يلبسه ويحافظ عليه .. فين أيام زمان لما كنا نلبس البدي اللي مبين البطن والظهر مع البنطلون السترتش الجلد والجوانتي الجلد كانت حاجة آخر روشنة
الحفيدة : ياه يا جدو .. ده انتوا كان ليكم تقاليد غريبة خالص
الجد : وهو انتي فاكرة إن أيامكم دي أيام؟ يا بنتي أيامكو دي ما يعلم بيها إلا ربنا .. فين أيام سنة 2000 م، هو الواحد فينا كان يستجري يشرب سيجارة البانجو ولا يسحب له سطر بودرة قدام أبوه؟ طب ده الدنيا كانت تتقلب ساعتها وما تتعدلش .. أمال إيه .. كان فيه حاجة اسمها أخلاق

الحفيدة : معقول يا جدو؟ للدرجة دي!!؟؟

الجد : أمال انتي فاكرة إيه .. وبعدين كانت الست من دول ما تلبسش اللبس الخليع بتاع اليومين دول .. يعني الجيبة كان لا يقل طولهاعن شبر ونص .. وكانوا الستات يلبسوا فوقيها بلوزة باستمرار مش زي دلوقتي

الحفيدة : يا خبر .. وإيه كمان ياجدو

الجد: ح أقول لك إيه ولا إيه .. يعني خدي عندك مثلاً .. زمان كنا نسمع الطرب الأصيل لمطربين حقيقيين زي مصطفى قمر ، وعمرو دياب ، وكانت الأغنية مدتها أكثر من دقيقتين متواصلين من الطرب الأصيل والموسيقى الهادية الراسية اللي تعمر النافوخ بصحيح كانوا مطربين روشين وآخر طحن
الحفيدة : وبعدين

الجد : وبعدين كنا نسمع على حاجة اسمها اسطوانات ليزر ، ودي صحيح تعتبر متأخرة دلوقتي بس كان ليها طعم عن دلوقتي ، يا سلام لما كنا نحطها في الووكمان ونعلقه في حزام البنطلون ونمشي في الشارع كده ،، كانت أيام جميلة

الحفيدة : حكاويك ممتعة قوييا جدو .. ثانية واحدة بس لما أصحي سوسو صاحبي لأنه بايت معايا في الأودة من امبارح .. (بعد عدة دقائق) هيه يا جدو .. وبعدين

الجد : أحلى أيام بقى كانت أيام الدراسة ، الفصل كان على أيامنا رايق وعدد التلاميذ فيه ما يزيدش عن ستين سبعين تلميذ ، وكنا ساعتها بنعرف نفهم الدرس كويس مش زي دلوقتي ، وكانت الشوارع أيامها فاضية لأن مصر كلها كان تعدادها 70 مليون مش أكثر ، تخيلي بقى الروقان اللي كنا فيه؟

الحفيدة : 70 مليون بس؟

الجد : أمال إيه .. علشان كده كانت كل حاجة رخيصة ، يعني مثلاً كيلو اللحمة يوم ما يضربه الدم كان يبقى بخمسة وعشرين جنيه أو بتلاتين جنيه ، وكان أتخن جوز جزمة ب 250 جنيه ، وكان الواحد يقدر يشتري شقة تمليك بـ 150 الف جنيه بس .. وكان الدولار بخمسة جنيه بس تخيلي بقى؟

الحفيدة : ما هوعلشان كده كان الجواز على أيامكم كان سهل خالص

الجد : أمال .. ده احنا الواحد مننا كان بمجرد ما يوصل سن 35 سنة يبتدي يفكر في الجواز على طول ، وما كانش عندناالأفكار الغريبة اللي بتعملوها دلوقتي زيك انتي وسوسو صاحبك ، أنا شخصياً شايف إن ده وضع مش لطيف ، ده احنا يا بنتي على أيامنا كان لا يمكن البنت تتأخر بره البيت عن الساعة أربعة صباحاً ، طب ده باباها كان ممكن ساعتها يخاصمها

الحفيدة : ده انتوا كنتوا متزمتين خالص ياجدو

الجد : يا بنتي إحنا اتربيناعلى الأخلاق والفضيلة والعادات والتقاليد .. يعني كان الواحد مننا زمان لما يدخل الأسانسير ويلاقي جاره في الأسانسير يروح مصبح عليه ، ومش بعيد كان يسأله عن أحواله .. وكانوا أهل الفن محتشمين جداً ، والمذيعات كانوا يقعدوا جنب الضيف مش على ركبته زي .. هيـ يـ يـ يـ ـه الله يرحم دي أيام

الحفيدة : رايح فين يا جدو

الجد : أصلي كنت موصي الجزار على اتنين كيلو لحمة وأعطيته ثلاثة آلاف جنيه عربون وعايز أروح أطمن إذا كانت اللحمة وصلت ولا لأ .. تشاو .. سي يو

زوزو عادل
10-03-2008, 08:39 PM
هههههههههههههههههه
موضوع جميل جدااااااااا يا استاذ طارق
موتنى من الضحك

ربنا مايجبش الايام دى علينا
2كيلو لحمه بى 3 الاف جنيه سورى دا دول عربون
ربنا على الظالم وولاد الحرام
اللهم اعفينا من هذه الايام
موضووووووووووووع راااااااااااااااااااااااائع جدااااااااا
جزاك الله خيرا

أهلاوى شديد
10-03-2008, 11:50 PM
هههههههههههههههههههههههههههههههههههههههههههههههههه هههههههههههههههههههه

هههههههههههههههههههههههههههههههههههههههههههههههههه هههههههههههههههههههه

هههههههههههههههههههههههههههههههههههههههههههههههههه ههههههههههههههههههه

تسلم ايدك يا استاذ طارق على الموضوع التحفة ده ..

وأهو ادينى بضحك على سطر وبسيب سطر عشان مش تتكرر عملة الموضوع اللى فاتت :4:

بجد موضوع ضحكنى جامد جداً .. وعلى فكرة كيلو اللحمة مش بـ3 آلاف !!


ده بس عربون عشان يروح يدفع الباقى وياخدها .. ده لو ماكنش فيها دهن من الاصل :d

ربنا يرحمنا من الايام ديه <<<< ديه الناس لابسة من غير هدوم ولا ايه ههههههههههههه ال كان على ايامنا شبر ونص هههههه اومال على ايامهم نص بس ولا ايه هههههههههههههههههه


تشكر يا غالى على الضحكة الجميلة اللى رسمتها على وجوهنا

وننتظر المزيد

taro2a1
11-03-2008, 04:36 AM
هههههههههههههههههه
موضوع جميل جدااااااااا يا استاذ طارق
موتنى من الضحك

ربنا مايجبش الايام دى علينا
2كيلو لحمه بى 3 الاف جنيه سورى دا دول عربون
ربنا على الظالم وولاد الحرام
اللهم اعفينا من هذه الايام
موضووووووووووووع راااااااااااااااااااااااائع جدااااااااا
جزاك الله خيرا



هي الاعمار بيد الله لكن ماتخافيش يا زوزو لان سنة 2090م لما تيجي متهيالي إن إحنا مش هنكون موجودين، والحدق يفهم،،،،،،،،،،

taro2a1
11-03-2008, 04:41 AM
هههههههههههههههههههههههههههههههههههههههههههههههههه هههههههههههههههههههه

هههههههههههههههههههههههههههههههههههههههههههههههههه هههههههههههههههههههه

هههههههههههههههههههههههههههههههههههههههههههههههههه ههههههههههههههههههه

تسلم ايدك يا استاذ طارق على الموضوع التحفة ده ..

وأهو ادينى بضحك على سطر وبسيب سطر عشان مش تتكرر عملة الموضوع اللى فاتت :4:

بجد موضوع ضحكنى جامد جداً .. وعلى فكرة كيلو اللحمة مش بـ3 آلاف !!


ده بس عربون عشان يروح يدفع الباقى وياخدها .. ده لو ماكنش فيها دهن من الاصل :d

ربنا يرحمنا من الايام ديه <<<< ديه الناس لابسة من غير هدوم ولا ايه ههههههههههههه ال كان على ايامنا شبر ونص هههههه اومال على ايامهم نص بس ولا ايه هههههههههههههههههه


تشكر يا غالى على الضحكة الجميلة اللى رسمتها على وجوهنا

وننتظر المزيد


ايوة كدة ضحكتك معقولة يا اهلاوي، واعتقد ان على أيامهم النص كمان هيبقى كتير هو ممكن تلت او ربع بس من غير شبر، واياميها بقة اقدر اقول بالفم المليان "اللي عنده أمل يعمل للحمة عمل".

زوزو عادل
11-03-2008, 11:08 AM
هي الاعمار بيد الله لكن ماتخافيش يا زوزو لان سنة 2090م لما تيجي متهيالي إن إحنا مش هنكون موجودين، والحدق يفهم،،،،،،،،،،


فعلا الاعمار بيد الله عز وجل
وربنا يدينا جميعا طولة العمر اللهم امين
طيب ماكنت تقربها شويه يا استاذ طارق بلاش 2090 دى
خليها 2050 ولا حاجه قريبه شويه والواحد يكون عنده امل ان السنه دى هتيجى عليه
يالا كله بايد ربنا


بس الموضووووووووووووووع جمييييييييييييل جداااااااااااااااااا
ههههههههههههههههههههههههههههههههه

taro2a1
11-03-2008, 11:56 AM
فعلا الاعمار بيد الله عز وجل
وربنا يدينا جميعا طولة العمر اللهم امين
طيب ماكنت تقربها شويه يا استاذ طارق بلاش 2090 دى
خليها 2050 ولا حاجه قريبه شويه والواحد يكون عنده امل ان السنه دى هتيجى عليه
يالا كله بايد ربنا


بس الموضووووووووووووووع جمييييييييييييل جداااااااااااااااااا
ههههههههههههههههههههههههههههههههه


زوزو
ماحبتش اخلي التاريخ قريب علشان لو جه التاريخ واحنا عايشين وماحصلش حاجة من المكتوية دي يعني على سبيل المثال لا الحصر عريون اللحمة كان بـ 2000 جنيه مش 3000 جنيه، ممكن ساعتها ترفعي عليا قضية وهاتكسبيها لان معاكي مستند من منتدى أبناء مصر، علشان كدة قلت اخلي التاريخ بعيد علشان لو رفعتي عليا قضية وكسبتيها ابقي دوري عليا ساعتها في ترب الغفير علشان تاخدي حقك!!!!

بنت شهريار
11-03-2008, 12:56 PM
هههههههههههههههههههههههههههههههههه
دا ايه جدو ابو موضة قديمة دى
ال شبر ونص وبادى فوق الجيب
لالالالالالالالالالالالالالالالالالالالالالال الالا
دول عصر سى السيد ولا ايه
هههههههههههههههههههههههههههههههههههه


يالهووووووووووووووووووووووووى على ايامنا السودة اللى جاية
ربنا يتولانا ويتولى اللى بعدنا برحمتة
طرووووووووووووووووقة
متنساش تحاسب على الخروف اللى انا اشتريتة من الجزار دا
ونتحاسب بعدين بقى
بس ياتفتكر يبقى بكام ؟؟
هههههههههههههههههههههههههههههههههههه

تسلم ايدك
:f2:

فيلادلفيا
12-03-2008, 01:12 AM
هههههههههههههههه


ههههههههههههههههههههه

والله كنت بفكر بعد كم سنه ايه حيعملو الشباب اليوم..

ربنا يديك العافية ياطارق..

استمتعت جداً بقرأته..

تحياتي لك..

taro2a1
12-03-2008, 04:56 AM
هههههههههههههههههههههههههههههههههه
دا ايه جدو ابو موضة قديمة دى
ال شبر ونص وبادى فوق الجيب
لالالالالالالالالالالالالالالالالالالالالالالالالا
دول عصر سى السيد ولا ايه
هههههههههههههههههههههههههههههههههههه


يالهووووووووووووووووووووووووى على ايامنا السودة اللى جاية
ربنا يتولانا ويتولى اللى بعدنا برحمتة
طرووووووووووووووووقة
متنساش تحاسب على الخروف اللى انا اشتريتة من الجزار دا
ونتحاسب بعدين بقى
بس ياتفتكر يبقى بكام ؟؟
هههههههههههههههههههههههههههههههههههه

تسلم ايدك
:f2:


مرورك أسعدني يابنت شهريار، لا وكمان ايه أثلج صدري ياالله ان شاء الله ماعن حد حوش، بالنسبة للخروف اشتريته بس عايز اكبره واسمنه واغذيه وعموما ده رخيص اوي جايبه بعشرين الف حنيه، فياريت تبعتي الحساب بسرعة، محتاجين فلوس نغذي بيه الخروف الغلباااااااااااااان.


تحياتي،،،،،،،،،،،،،،

taro2a1
12-03-2008, 05:01 AM
هههههههههههههههه


ههههههههههههههههههههه

والله كنت بفكر بعد كم سنه ايه حيعملو الشباب اليوم..

ربنا يديك العافية ياطارق..

استمتعت جداً بقرأته..

تحياتي لك..


هلا وغلا باهل فيلا الشرق، مرورك الكريم اسعدني، واحمد الله اني قدرت ارسم ابتسامة على وجوهكم جميعا.
تحياتي............

the_chemist
12-03-2008, 02:50 PM
ايه الحلاوة دى يا طارق

لما أشوفك هناك بقي

تشاو

سي يو هناك 2090

taro2a1
14-03-2008, 08:07 AM
ايه الحلاوة دى يا طارق

لما أشوفك هناك بقي

تشاو

سي يو هناك 2090

لا
ياعم انا مش عايز اعيش لحد ماييجي البنت ومعاها صاحبها يبات معاها في الاوضة ومايكونش فيه اي اعتراض او تعليق من جدها، على الرغم من ان الايام اللي احنا عايشينها لونها رمادي مش عايز اعيش لحد مايبقى لونها اسود، لا يا عم انا اموت احسن،،،،،،،،،،

أم أحمد
04-06-2009, 10:27 AM
:f:

للرفع

*شهد*
07-06-2009, 01:14 PM
ههههههههه
جدو تامر ده شكله مرفه أوى

بس موضوع جميل بجد
مرسييه


Photo Gallery