المساعد الشخصي الرقمي

مشاهدة النسخة كاملة : عندك عربية ... أو عندك حتى عجلة ... الموضوع ده لازم تدخله ... وتلقى عليه نظرة هههههه



أهلاوى شديد
29-02-2008, 04:40 PM
قواعد السواقة عندنا فى مصر ههههههههههههههه




القاعدة الأولى:

لو عربيتك كبيرة أو قديمة، أستخدم المبدأ القانوني: اللي خايف على عربيته يوسع!!

ملحوظة: ابعد عن سكة العربيات المخرشمة ، بيسوقوا بنظرية ضربوا الأعور على عينه!!






القاعده الثانيه:

البوز بيز Booze Base: اللي يدخل ببوز عربيته الأول للتقاطع هو صاحب أولوية المرور!

احرص على أن تكون صاحب أول بوز.

ملحوظة: لا تطبق الـ Booze Base مع أي لوري أو أتوبيس، حرصاً على بوزك لا مؤاخذة.







القاعدة الثالثة:

الإشارات تكشف نواياك للأعداء، أياك أن تستخدمها!






القاعدة الرابعة:

لا تترك مسافة للأمان بينك و بين السياة التي أمامك فهذا له عدة مخاطر:

1. عربية ثانية حتملا الفراغ في ثواني و برضوه ما يبقاش فيه مسافة بينك و بين الي قدامك، كل الي كسبته انك اتأخرت لورا شوية.

2. حتدي فرصة للعيال يعملوا غرز قدامك.

3. كل المشاة حيغمضوا عينيهم و يعدوا من الحته دي.

4. الي وراك حيقعد يزمر - لو كان مؤدب - أو تسمع شوية أسامي حيوانات لو كان سواق تاكس - مؤدب - ، أو حيخبطك من ورا لو كان سواق ميكروباص - و دول مفيش حد منهم مؤدب -.

الإشارات مش معمولة علشان تنظم المرور ، معمولة علشان شكل القاهرة يبقى متحضر بس!

اعتمد على العساكر ( مع تحملك كامل المسؤلية لو واحد منهم شاورلك تعدي و بلدياته الناحية الثانية فتح السكة للوري ) أو يفضل أن تستعمل البوز بيز ( راجع القاعدة الثانية ).








القاعدة الخامسة:

اذا كنت مش واقف في الصف الأول في الاشارة اعمل حسابك تزمر بشكل متواصل و هستيري أول ما الأشارة تفتح، لأن الناس الي قدام بيبقوا واقفين في الاشارة من زمان و جايز جداً يكونوا ناموا!!








القاعدة السادسة:

معظم الحوادث تحدث في التقاطعات أول الأشارة ما تحمر، كل ما عديت الإشارة الحمراء أسرع كل ما قلت فرصة انك تتخبط!








القاعدة السابعة:

الشارع مكان مقرف، سوق بأسرع ما يمكن حتى تتخلص من هذا الهم بسرعة،

الناس الي ماشيين بالراحة مرضى نفسيين بيستمتعوا بالعذاب ، يستاهلوا الي يجرى لهم.








القاعدة الثامنة:

من حقوقك الدستورية أن تركن أمام باب المحل الذي تريد أن تشتري منه،

اذا سبقك واحد ابن ستين في سبعين و ركن قدام الباب، فمن حقك أن تقفل عليه و تركن صف ثاني أو ثالث، و مش مهم لو الشارع اتقفل، ايه يعني أما الناس تتعطل عشر دقائق علشان تستمتع بحقوقك الدستورية؟ هيا يعني الدنيا طارت ولا كان وراهم الديوان؟







القاعدة التاسعة:

من حقك أيضاً أن تخرج من مكان انتظارك في أي لحظة تشاء، اكسر الدركسيون شمال و اطلع، أي حد ماشي في الشارع لازم يقف لك فوراً، راجع البند السابق.







القاعدة العاشرة:

إحترس من ثلاث أنواع من السائقيين بيسوقوا و كأنهم مش ممكن يموتوا:

1. العيال الروشين الي بيلعبوا Computer Games و فاكريين إن ممكن يكسبوا Life زيادة لو ساقوا أسرع.

2. موتوسيكلات توصيل الطلبات ( Home Delivery ).

3. سواقين الميكروباص.

ملحوظة: إوعى تحاول تثبت لحد منهم إن فكرته غلط. فاهمني!!!.










القاعدة الحادية عشر:

لما تشوف حادثة لازم تهدي و تتفرج - مش مهم تساعد - الحجات دي دمها أخف من الأخبار المملة بتاعة التلفيزيون، و بعدين لما الطريق وراك يقف تحمي المجتمع من حادثة تانية.









القاعدة الثانية عشر:

الكناسين لازم يحللوا اللقمة الي بياكلوها، حاول تنفعهم و ترمي أي حاجة من الشباك.










القاعدة الثالثة عشر:

لما تخلص سيجارة أوعى تحطها في الطفاية، ارميها من الشباك أول ما تشوف واحد بموتوسيكل معدي جنبك ( علشان يحرم يعمل غرز ).









القاعدة الرابعة عشر:

من حقك أن تعبر الشارع في أي وقت و من أي مكان.









القاعدة الخامسة عشر:

اذا كان هناك سيارة قادمة اعمل نفسك مش واخد بالك و عدي براحتك خالص،ما تخافش، هوا حيقف، هو اهبل يدوسك و يودي نفسه في داهية؟









القاعدة السادسة عشر:

اياك أن تنظر نحو السيارات القادمة، أعبر الطريق و ظهرك لها حتى لا يشك أحد قائدي السيارات أنك تراه و يحاول يخوفك علشان تقف انت.








القاعدة السابعة عشر:

حتى لو شفته أوعى تخاف - خصوصاً لو معاك مراتك - تبقى راجل ملو هدومك و تخاف من حته عربية؟

عرض قفاك و سيبه يتفلق.









القاعدة الثامنة عشر:

الرصيف ليس للمشاه، بل لركن السيارات و فرشات الباعة الجائليين و المحلات... الخ،

لذلك يحق للمشاة السير في وسط الشارع، لمزيد من الأمان، راجع القاعدة السابقة.









القاعدة التاسعة عشر:

إذا كان الماشي من فئة النقل الثقيل، فمن أبسط حقوقة إنه يمشي على أقل من مهله و يهتز براحته. واللي مش عاجبة الهز يدور على لوري يخبطة....




يلا كل واحد يقولى ايه رأيه فى القواعد ديه :uff:


ومنقول الموضوع من موقع دبليو دبليو دبليو رخامة دوت كوم ههههههههههه :no2:

سـيف الديـن
29-02-2008, 07:57 PM
موضوع جميل و يحاكي مساحة كبيرة من الواقع يا أهلاوي ياشديد :f:

لكن للأسف تم نشره في المنتدى من قبل بنفس القاعة بعنوان قانون المرور المصري "2006" (http://www.egyptsons.com/misr/showthread.php?t=49859)

:f2:

natalia
29-02-2008, 10:00 PM
هههههههههههههههههههههههههههههههههههههههههههههههههه ههه

ايه دي يا عم الحج دي قواعد تشل

يعني تخلي الواحد يكره السواقه

عموما انا لسه صغيره على السواقه
بس احب اهنيك اني بعد القواعد دي اتا نفيت نظر عن الموضوع ده
هههههههههههههههههههههههههه
بس ايه الغيبه دي كلها يا باشا في ايه حضرتك كنت مخاصمنا
واول ماتيجي تجيب القواعد العجيبه دي ههههههههههه
بس بجد تسلم ايدك والله

أهلاوى شديد
01-03-2008, 03:06 PM
موضوع جميل و يحاكي مساحة كبيرة من الواقع يا أهلاوي ياشديد :f:

لكن للأسف تم نشره في المنتدى من قبل بنفس القاعة بعنوان قانون المرور المصري "2006" (http://www.egyptsons.com/misr/showthread.php?t=49859)

:f2:

اهلا بالاخ سيف الدين وبمرورك الرائع ...

الف شكر على التنويه بتكرار الموضوع فى القاعة ..

وأهلا بيك فى الموضوع

وأتمنى من مشرفة القسم حذف الموضوع لتكراره ..

وشكرا

أهلاوى شديد
01-03-2008, 03:16 PM
أهلا بعسولة المنتدى نتاليا ... أهدى واحدة تشوفها فى حياتك ... متبعة أسلوب كلمتين وبس لفؤاد المهندس هههههههههه اول مرة تكسر القاعدة فى الرد هههههههههه يلا نشوف ردها ونرد عليها بقى :dribble:


هههههههههههههههههههههههههههههههههههههههههههههههههه ههه

ايه دي يا عم الحج دي قواعد تشل



مع إن كل اللى شافها عجبته وقال عليها قواعد زى العسل ههههههههههههههههه






يعني تخلي الواحد يكره السواقه


مش لما يبقى فيه حاجة اسمها كلمة سواقة اصلا هههههههههههههههههههههه عهد السواقة انقضى بوجود مرتضى هههههههههههههههههه :w00t1:










عموما انا لسه صغيره على السواقه



الصغير مسيره يكبر هههههههههههههه يعنى مصيرك هتشوفيه يعنى هتشوفيه ههههههه








بس احب اهنيك اني بعد القواعد دي انا نفيت نظر عن الموضوع ده
هههههههههههههههههههههههههه


مع إنها قواعد سهلة جدا ومش تتعب الواحد .. وقواعد رومانسية جدا وفيها جذب كده بين الناس ( جذب وضرب ههههههههههههه )

مش عارف ايه اللى مش عاجبك فيها القواعد ديه :shock2:




بس ايه الغيبه دي كلها يا باشا في ايه حضرتك كنت مخاصمنا

هو أنا اقدر برده ...

ديه مشاغل والله .. أصل اخوكى بعد ما اشتغل وخلص كلية وكل حاجة طلعت فى دماغه يعمل دراسات تانية ورجعت تانى للدراسة مرة أخرى :sad: مش عارف ايه اللى عملته فى نفسى ده :thumbdown:




واول ماتيجي تجيب القواعد العجيبه دي ههههههههههه


أه طبعا ماهو لازم اجيب فى ايدى اى حاجة وانا جاى ههههههههههههههه هو انتى فاكرة أخوكى بخيل ولا ايه :ranting2: لا دا انا الحمد لله كريم ومن كتر الكرم الناس عايزة تسمينى كريم أبو كرم إبن الحاج مكارم :good:



أهلا بيكى ياختى .. ونورتى الموضوع ..

وشكرا جدا على مرورك




بس بجد تسلم ايدك والله


Photo Gallery