المساعد الشخصي الرقمي

مشاهدة النسخة كاملة : هروب الحضرى لسويسرا



محمود زايد
21-02-2008, 03:01 PM
الان على جميع المواقع الرياضيه وعلى اذاعه الشباب والرياضه خبر هروب عصام الحضرى حارس مرمى الاهلى ومصر الى سويسر للتعاقد مع فريق سيون السويسرى بدون علم الاهلى

الاهلى عقد اجتماع عاجل برئاسه الخطيب وجوزيه والبدرى لبحث تطورات هروب الحضرى وتقديم شكوى غدا للاتحاد الدولى صد الحارس والنادى السويسرى اذا ثبت فعلا انه تم التعاقد بينهم لان الحضرى مرتبط مع الاهلى بعقد لمدة 3 سنوات

لحد الان انباء مؤكده عن هروبه لكن سيتم التاكد ايضا عند بدء تمرين الاهلى اليوم مساء واذا لم يحضر اللاعب سيثبت صحه الكلام

نشــــوى
21-02-2008, 03:21 PM
ايه ده الخبر ده حقيقي يا محمود!!! :(
ده يبقى ندل اوي لو عملها .. ويستاهل اللى الاسماعلوية بيقولوه عليه :d

محمود زايد
21-02-2008, 07:03 PM
للاسف يانشوى الخبر صحيح والحضرى سافر اليوم مع زوجته واولاده الى سويسرا لاتمام التعاقد
والنادى السويسرى طلب البطاقه الدوليه للحضرى من الاهلى
حقيقى تصرف سئ من الحضرى بدون داعى
الاهلى لم يرفض اى عرض احتراف للحضرى الا لاعلاء شأنه
النادى السويسرى يحتل المركز الثامن فى الدورى السويسرى اللى مكون من 10 فرق
يعنى لادورى ولا بلد حد يسمع عنها فى كرة القدم الا نادرا
على العموم اتمنى ان يكون موقف الاهلى سليم من الناحيه القانونيه ويقدر يرد على الحضرى والنادى السويسرى
بس ليه التنكر لنادى رفع من شان الحضرى

حسام عمر
21-02-2008, 07:33 PM
تصرف غريب اوووووووووووووي

مي مؤمن
21-02-2008, 07:36 PM
غريبة اول مره اسمع الخبر دة
بس انا شوفت كزا مره الحضري انه بيقول رفضه لاحترافه في الخارج او لاي نادي تاني غير الاهلي بسبب كبر سنه
وانه عايز يقضي اخر سنين احترافه مع الاهلي
مش عارفه الله اعلم كله هيبان في العموم
مرسي يا محمود على الخبر
تحياتي لك

محمود زايد
21-02-2008, 09:24 PM
شكرا لمرورك ياحسام وهو تصرف غريب من حارس كبير بدون سبب

اهلا مى

الحقيقه ان الحضرى سافر وتعاقد مع النادى السويسرى بدون موافقه الاهلى يعنى القصه انتهت
الاهلى لم يقصر مع الحضرى على الاطلاق

شكرا لمرورك يامى

jemmy
21-02-2008, 11:18 PM
الاخ الفاضل

محمود زايد
الحضري بهذا التصرف يكون قد بدأ فى كسر او جزء من عرشه

الذي تربع عليه منذ فتره طويله كافضل حارس في افريقيا

وسوف يندم كثيرا

خالص تحياتى

ايهاب احمد75
22-02-2008, 01:12 AM
مفاجاه من العيار الثقيل للاسف مستوى الذكاء لم يكن بحجم الموهبه

أنفـــــال
22-02-2008, 01:16 PM
اعتقد و الله اعلم يعني ..
كان في اشاعة بتقول ان الحضري طلب شارة الكابتن من جوزيه و هو مارضيش
فعمل كدة نكاية في الاهلي ..
معرفش الكلام دة صح و لا لأ .. بس الدنيا اتملت احتمالات .

عصام كابو
22-02-2008, 02:45 PM
بجد انا مصدوم

اغبى تصرف شوفته فى حياتى من ساعة ما بدأت اتابع كورة

محمود زايد
22-02-2008, 05:58 PM
الاخ الفاضل

محمود زايد
الحضري بهذا التصرف يكون قد بدأ فى كسر او جزء من عرشه

الذي تربع عليه منذ فتره طويله كافضل حارس في افريقيا

وسوف يندم كثيرا

خالص تحياتى

اهلا جيمى
للاسف تصرف سئ من الحضرى
ولايبرره اى كلام
على العموم ننتظر رد الفيفا على الاهلى وان شاء الله يكون فى صالح الاهلى

محمود زايد
22-02-2008, 06:01 PM
مفاجاه من العيار الثقيل للاسف مستوى الذكاء لم يكن بحجم الموهبه

فعلا مفاجاة وصدمه وتصرف غير طبيعى من الحضرى

لكن الاهلى فوق الجميع وزى ماالاهلى عمل الحضرى هيعمل غيره

محمود زايد
22-02-2008, 06:06 PM
اعتقد و الله اعلم يعني ..
كان في اشاعة بتقول ان الحضري طلب شارة الكابتن من جوزيه و هو مارضيش
فعمل كدة نكاية في الاهلي ..
معرفش الكلام دة صح و لا لأ .. بس الدنيا اتملت احتمالات .


دى حجه من الحضرى
موضوع الشارة بقاله 3 سنين اشمعنى الحضرى هرب الان
مبلغ التعاقد مع الفريق السويسرى هيوصل 10 مليون جنيه وده مبلغ كبير رغم ان الفريق ضعيف جدا ومالوش اى اسم فى كرة القدم

على فكرة الحضرى بياخد من الاهلى 6 مليون جنيه سنويا نظير العقد والمكأفات والاعلانات يعنى
6 مليون مع الاهلى ببطولاته وانجازاته افضل مليون مرة من نادى مافيش حد يسمع عنه

محمود زايد
22-02-2008, 06:08 PM
بجد انا مصدوم

اغبى تصرف شوفته فى حياتى من ساعة ما بدأت اتابع كورة



هنقول ايه بس يادكتور

مالوش اى حجه او مبرر

حنين مصر
22-02-2008, 06:14 PM
للاسف امبارح فعلا فى حفله تكريم المنتخب مكنش موجود وافتكرته تعبان
معقول ياحضرى دا جماهير الاهلى كانت دايما بتشيلك وتقدرك
كدا ياوحش تهرب من المملكه؟
معقول كدا ياحضرى دا ابوتريكه الكبير مافكرش يسيب النادى ويعمل كدا رغم انه لو حب يتعاقد هايروح فى نادى كبير؟
حضــــــــــــــــــــــــــــــــــــــــــــــــ ــــــــــــــــــــــــــــــرى
ارجوك ياريت يكون كدب ونرجع تانى نقولك
ارقص ياحضرى
اصل كدا بجد يباءه نزلت من قدرك وسيبت نادى عالمى وروحت لنادى محدش يعرف عنه حاجه عشان الفلوس ؟ تتدفن نفسك فى اخر ايامك؟
وعموما اميــــــــــــــــــــــــــــــــــــــــــــر موجود وان شاء الله يثبت انه اد المسئوليه
وزى ماكان شوبير الوحـــــــــــــــــــــــــــــش وجه الحضرى
لو الحضرى الوحش هرب من القلعه الحمرا
امير هايكون الوحـــــــــــــــــــــــــــــــــــش الجديد


وداعا ياحضرى
ياحبيب الاهلويه والزملكاويه والاسمعلويه وكل الجماهير العربيه
بس دا مش تصرف يليق بالكبيــــــــــــــــــــــــــــــــــــــر

ابن البلد
22-02-2008, 07:04 PM
تصرف غريب فعلا

وربنا يهدي النفوس ويسترها

a_leader
22-02-2008, 09:17 PM
السلام عليكم اخى العزيز محمود

انا شخصيا ما حسيتش بأى مفاجأة و الخبر لما عرفته النهاردة من الجرايد كان عادى جدا بالنسبة لى

الحضرى بيدور على مصلحته و ده امر طبيعى و اوروبا هى المال و ح ياخد اكتر من اللى الاهلى بيديهوله

و لو كان الاهلى عمل للحضرى اسم فالحضرى لم يقصر مع الاهلى مطلقا و عطى له كتير

الاهلى ح يجيب حارس مرمى تانى بكل سهولة

و كان ح يعملها ان عاجلا او اجلا لان الحضرى سنه كبير خلاص

الحضرى لازم يشوف نفسه قبل الاهلى ما يرميه و الفرصة جت خلاص و مش ح تيجى تانى

ده رأى بصراحة ,,,

سـيف الديـن
22-02-2008, 10:49 PM
و لو كان الاهلى عمل للحضرى اسم فالحضرى لم يقصر مع الاهلى مطلقا و عطى له كتير

الاهلى ح يجيب حارس مرمى تانى بكل سهولة

و كان ح يعملها ان عاجلا او اجلا لان الحضرى سنه كبير خلاص

الحضرى لازم يشوف نفسه قبل الاهلى ما يرميه و الفرصة جت خلاص و مش ح تيجى تانى

ده رأى بصراحة
كلام منطقي :y:

اسكندرانى
23-02-2008, 03:24 AM
ياجمااااااااااعة

الموضوع مش كده خالص

كل مافى الامر

ان الشيك اللى اخده فى الصندوق بتاع الامارات

راح يودعه فى البنك فى سويسرا

بس ادى كل الحكاية

WIDTH=400 HEIGHT=350

محمود زايد
23-02-2008, 11:53 AM
للاسف امبارح فعلا فى حفله تكريم المنتخب مكنش موجود وافتكرته تعبان
معقول ياحضرى دا جماهير الاهلى كانت دايما بتشيلك وتقدرك
كدا ياوحش تهرب من المملكه؟
معقول كدا ياحضرى دا ابوتريكه الكبير مافكرش يسيب النادى ويعمل كدا رغم انه لو حب يتعاقد هايروح فى نادى كبير؟
حضــــــــــــــــــــــــــــــــــــــــــــــــ ــــــــــــــــــــــــــــــرى
ارجوك ياريت يكون كدب ونرجع تانى نقولك
ارقص ياحضرى
اصل كدا بجد يباءه نزلت من قدرك وسيبت نادى عالمى وروحت لنادى محدش يعرف عنه حاجه عشان الفلوس ؟ تتدفن نفسك فى اخر ايامك؟
وعموما اميــــــــــــــــــــــــــــــــــــــــــــر موجود وان شاء الله يثبت انه اد المسئوليه
وزى ماكان شوبير الوحـــــــــــــــــــــــــــــش وجه الحضرى
لو الحضرى الوحش هرب من القلعه الحمرا
امير هايكون الوحـــــــــــــــــــــــــــــــــــش الجديد


وداعا ياحضرى
ياحبيب الاهلويه والزملكاويه والاسمعلويه وكل الجماهير العربيه
بس دا مش تصرف يليق بالكبيــــــــــــــــــــــــــــــــــــــر


خلاص ياحنين الموضوع انتهى حتى لو الاهلى له حق فى الحضرى
التصرف ذات نفسه من الحضرى كان مفاجأة وصدمه لجمهور الاهلى
واللى بيبرر للحضرى تصرفه دول مشجعين لاعبين وليسوا مشجعين كيان ونادى
وعلى العموم اللى عاوز يمشى بالسلامه لان الاهلى فوق الجميع مهما كان اسم اى لاعب

محمود زايد
23-02-2008, 11:58 AM
تصرف غريب فعلا

وربنا يهدي النفوس ويسترها


امين يارب

محمود زايد
23-02-2008, 12:01 PM
السلام عليكم اخى العزيز محمود

انا شخصيا ما حسيتش بأى مفاجأة و الخبر لما عرفته النهاردة من الجرايد كان عادى جدا بالنسبة لى

الحضرى بيدور على مصلحته و ده امر طبيعى و اوروبا هى المال و ح ياخد اكتر من اللى الاهلى بيديهوله

و لو كان الاهلى عمل للحضرى اسم فالحضرى لم يقصر مع الاهلى مطلقا و عطى له كتير

الاهلى ح يجيب حارس مرمى تانى بكل سهولة

و كان ح يعملها ان عاجلا او اجلا لان الحضرى سنه كبير خلاص

الحضرى لازم يشوف نفسه قبل الاهلى ما يرميه و الفرصة جت خلاص و مش ح تيجى تانى

ده رأى بصراحة ,,,

وعليكم السلام ورحمه الله

اهلا محمد باشا

طبعا دى وجهه نظرك ورايك وانا بحترمه رغم اختلافى معاك فيه
تصرف الحضرى مرفوض مهما كانت الاسباب

محمود زايد
23-02-2008, 12:02 PM
كلام منطقي :y:


شكرا للمشاركه اخى سيف

محمود زايد
23-02-2008, 12:04 PM
ياجمااااااااااعة

الموضوع مش كده خالص

كل مافى الامر

ان الشيك اللى اخده فى الصندوق بتاع الامارات

راح يودعه فى البنك فى سويسرا

بس ادى كل الحكاية

WIDTH=400 HEIGHT=350

هههههههههه صح وكمان بيقولوا ان فى ساعه فى العلبه اكيد راح يبيعها هناك

الف شكر على المشاركه اللذيذه يانادر باشا :biggrin:

الشيمـــاء
24-02-2008, 10:06 PM
السلام عليكم اخى العزيز محمود

انا شخصيا ما حسيتش بأى مفاجأة و الخبر لما عرفته النهاردة من الجرايد كان عادى جدا بالنسبة لى

الحضرى بيدور على مصلحته و ده امر طبيعى و اوروبا هى المال و ح ياخد اكتر من اللى الاهلى بيديهوله

و لو كان الاهلى عمل للحضرى اسم فالحضرى لم يقصر مع الاهلى مطلقا و عطى له كتير

الاهلى ح يجيب حارس مرمى تانى بكل سهولة

و كان ح يعملها ان عاجلا او اجلا لان الحضرى سنه كبير خلاص

الحضرى لازم يشوف نفسه قبل الاهلى ما يرميه و الفرصة جت خلاص و مش ح تيجى تانى

ده رأى بصراحة ,,,


السلام عليكم
اخي الفاضل
هل اصبح المقياس كام و بكام ؟؟ الم يعد للقيم و الانتماء و احترام النادي الذي صنعه و احترام جماهيرة و احترام وطنه قبل كل ذلك اي قيمة مقابل كام مليون جنيه زيادة؟
انا استغرب علي الحضري الذي تقاضي الملاين مؤخرا عقب البطولة الافريقية و يتحدث عن تأمين مستقبله.. اذن فماذا يفعل موظفي و اطباء و علماء هذا الوطن؟ اذن فلا نلوم الموظف اذا ارتشي بضعة الاف من الجنيهات لتأمين مستقبله اذا كان اصحاب الملايين يريدون تأمين مستقبلهم.
اننا في زمن ضاعت فيه كل القيم و المعاني النبيلة امام المال.
خالص ودي

EGYPTIAN RAZOR
25-02-2008, 02:58 AM
انا عن نفسى لم اجد اى مفاجأة عندما قرأت الخبر

فقط ما يحزننى ان ينهى لاعب بقدر الحضرى تاريخه الحافل بالانجازات مع فريق (لم نسمع عنه حتى فى طبق اليوم )

انا نظرت للموضوع من زاوية تانية وهى ان امير حارس ممتاز لازم ياخد فرصته وقد حدث (بقصد او غير قصد)

وبعدين كل واحد بيشوف مصلحته لكن اعتقد انها عدت على الحضرى ان له اسم كبير لازم يراعيه زى ما فى نادى عظيم منتمى له كان ينبغى ان يتفاهم مع اعضاءه ورؤسائه

لكن اعتقد ان الحضرى توقع ان محاولاته بترك النادى لن تنجح وان المسؤلين فى النادى لن يفرطوا فيه سهلا

وهذا منطقى جدا

سـيف الديـن
26-02-2008, 03:43 AM
شكرا للمشاركه اخى سيف
أشـكرك أخي العزيز محمود واعذرني على ردي السريع السابق بالموضوع على مشاركة الأخ الفاضل ليدر بدون ترك رسالة شكر لك على فتحك باب المناقشة في الموضوع
تقبل تحيتي وتقديرى :f:

:f2:


السلام عليكم
اخي الفاضل
هل اصبح المقياس كام و بكام ؟؟ الم يعد للقيم و الانتماء و احترام النادي الذي صنعه و احترام جماهيرة و احترام وطنه قبل كل ذلك اي قيمة مقابل كام مليون جنيه زيادة؟
انا استغرب علي الحضري الذي تقاضي الملاين مؤخرا عقب البطولة الافريقية و يتحدث عن تأمين مستقبله.. اذن فماذا يفعل موظفي و اطباء و علماء هذا الوطن؟ اذن فلا نلوم الموظف اذا ارتشي بضعة الاف من الجنيهات لتأمين مستقبله اذا كان اصحاب الملايين يريدون تأمين مستقبلهم.
اننا في زمن ضاعت فيه كل القيم و المعاني النبيلة امام المال.
خالص ودي
أختنا الفاضلة أم الشهيد إسمحي لي بالتعليق على مشاركتك وليأذن لي الأخ العزيز محمود بذلك :f:
الموضوع له جوانب مختلفة ولايستحق أن ننصب لنجم مصر والنادي الأهلي عصام الحضري المشانق و لنكن منصفين له و لنعذره فهو اللاعب الوحيد من المنتخب الذي حصل على عقد إحتراف جيد في منظوره بعد إنتهاء البطولة و تاريخه يشهد و يشفع له بأنه كان مثالاً يُحتذى به كحارس مرمي من الطراز الممتاز ولم يتأخر عن خدمة فريقه أو الفريق القومي وأدى ماتم تكليفه به على أكمل وجه حتى نهاية بطولة كأس الأمم الإفريقية وحصول المنتخب القومي على الكأس .
عقد الإحتراف لايُسمى رشوة ! أما الأمثلة عن المهندسين والأطباء فنحن نعلم أن كثير منهم يقف في الطوابير منتظراً أمام مكاتب السفريات بإنتظار عقود عمل بالخارج ، وفيما مضى كان المعلم ينتظر دوره في الإعارة واليوم يلهث الخريج المتقاعد وراء عقد مؤقت بالداخل أو أي عقد من أي نوع للعمل بالخارج .
إن كان عصام الحضري نجم مصر الآن يهتف له الملايين فهذا لن يطول لبضع سنين قادمة وسيهتف الملايين عاجلاً أو آجلاً لمن سيأتي من بعده وقد أقتربت نهايته كحارس مرمى ولن يهتف له فيما بعد سوى ما ادخره .
وعن القيم والمثل أستطيع القول بأن عصام الحضري لم يخرج عن ماهو مألوف الآن من قيم و مثل .
أما عن النادي الذي صنعه فلم يكن ليجعله حارس مرماه لولا أنه الأصلح لهذا وقد كان أحد عناصره في تحقيق بطولاته .
عصام الحضري أساء التصرف و لكن ليس إلى حد رجمه أو محاكمته والأحرى بإدارة النادي الأهلي أن تفتح له الأبواب على مصراعيها لعودته وإحتوائه وعدم تصعيد المشكلة لجعلها مشكلة قومية .
آسف للإطالة في الحديث ولكنها وجهة نظر مقابلة وفي النهاية هي مسألة لاتعدو عن كونها كروية .
تحيتي وتقديري
:f2:

الشيمـــاء
26-02-2008, 08:30 AM
أشـكرك أخي العزيز محمود واعذرني على ردي السريع السابق بالموضوع على مشاركة الأخ الفاضل ليدر بدون ترك رسالة شكر لك على فتحك باب المناقشة في الموضوع
تقبل تحيتي وتقديرى :f:

:f2:


أختنا الفاضلة أم الشهيد إسمحي لي بالتعليق على مشاركتك وليأذن لي الأخ العزيز محمود بذلك :f:
الموضوع له جوانب مختلفة ولايستحق أن ننصب لنجم مصر والنادي الأهلي عصام الحضري المشانق و لنكن منصفين له و لنعذره فهو اللاعب الوحيد من المنتخب الذي حصل على عقد إحتراف جيد في منظوره بعد إنتهاء البطولة و تاريخه يشهد و يشفع له بأنه كان مثالاً يُحتذى به كحارس مرمي من الطراز الممتاز ولم يتأخر عن خدمة فريقه أو الفريق القومي وأدى ماتم تكليفه به على أكمل وجه حتى نهاية بطولة كأس الأمم الإفريقية وحصول المنتخب القومي على الكأس .
عقد الإحتراف لايُسمى رشوة ! أما الأمثلة عن المهندسين والأطباء فنحن نعلم أن كثير منهم يقف في الطوابير منتظراً أمام مكاتب السفريات بإنتظار عقود عمل بالخارج ، وفيما مضى كان المعلم ينتظر دوره في الإعارة واليوم يلهث الخريج المتقاعد وراء عقد مؤقت بالداخل أو أي عقد من أي نوع للعمل بالخارج .
إن كان عصام الحضري نجم مصر الآن يهتف له الملايين فهذا لن يطول لبضع سنين قادمة وسيهتف الملايين عاجلاً أو آجلاً لمن سيأتي من بعده وقد أقتربت نهايته كحارس مرمى ولن يهتف له فيما بعد سوى ما ادخره .
وعن القيم والمثل أستطيع القول بأن عصام الحضري لم يخرج عن ماهو مألوف الآن من قيم و مثل .
أما عن النادي الذي صنعه فلم يكن ليجعله حارس مرماه لولا أنه الأصلح لهذا وقد كان أحد عناصره في تحقيق بطولاته .
عصام الحضري أساء التصرف و لكن ليس إلى حد رجمه أو محاكمته والأحرى بإدارة النادي الأهلي أن تفتح له الأبواب على مصراعيها لعودته وإحتوائه وعدم تصعيد المشكلة لجعلها مشكلة قومية .
آسف للإطالة في الحديث ولكنها وجهة نظر مقابلة وفي النهاية هي مسألة لاتعدو عن كونها كروية .
تحيتي وتقديري
:f2:

الاخ الفاضل / سيف الدين
اولا : اشكرك علي ردك علي مشاركتي.
ثانيا : اود ان اوضح عدة نقاط.
1. انا لا اعترض اطلا قا علي احتراف الحضري اذن المشكلة ليست في الاحتراف في حد ذاته.
2. المشكلة في الطريقة التي هرب بها الحضري و ترك النادي الاهلي و التي لا تكون لائقة اذا قام بها بائع في محل سجائر و قرر فجأة ان يترك صاحب المحل و يرحل دون ان يعطيه فرصة لان يرتب اوراقه و حاله, انها طريقة همجية جدا و لا ترتقي لمكانة اللاعب و لا تنم عن اي احترام لناديه و لا جماهيرة و لا تاريخه و لا حتي لبلده التي كان يمثلها , فتخيل اخي الفاضل عندما يتم تناول الموضوع في الصحف الغير مصرية و تتناول الفاظ مثل " هرب " , " بدون استئذان او سابق ترتيب " و غيرها.
اما النقطة التانية التي اود ان اشير اليها ما هو سقفنا في نظرتنا لتأمين المستقبل اذا كان اصحاب الملايين لا يكفيهم و يريدون تأمين مستقبلهم فما بال مواطني البلد الغلابة الذين يتقاضون اقل من 500 جنيه شهريا يعيشون به الشهر كله , كيف يؤمن هؤلاء مستقبلهم؟؟ و من سيؤمن لهم مستقبلهم؟؟
اخي الفاضل لقد كنت من اشد المعجبين بالحضري و انا اشجع النادي الاهلي و لكني الان تعلمت ان الحضري و امثاله ليس لديهم قيم و مبادئ تحكمهم و ان معاييرهم ترتبط في المقام الاول بالمادة و الفلوس لا بالقيم و الاخلاقيات.
و اعتقد علينا ان ندق ناقوس الخطر في ان قيم مثل الانتماء و الوطنية و الالتزام كلها في مهب الريح و هذا بلا شك يستوجب الدراسة و البحث.
خالص ودي

ابن البلد
29-02-2008, 03:22 AM
أنا سمعت يا جماعة أن الحضري راجع يوم الجمعة اللي هو النهارده للنادي الأهلي
وأعترف بغلطه
وده رابط الموضوع
http://www.egyptsons.com/misr/showthread.php?t=92182
اللي فيه الخبر من BBC

محمود زايد
29-02-2008, 09:52 AM
ايوة يااحمد قال كده امبارح فى مودرن

بس راجع لانه لقى ان الاهلى هو الصح وموقفه قانونى

ولو قدم شكوى للفيفا كان زمانه اتوقف هو والنادى السويسرى الحرامى

غير كده والله استحاله كان يرجع تانى

اتمنى من الاهلى اتخاذ موقف شديد تجاه الهارب

وبيعه فى اخر الموسم

ويبقى الاهلى فوق الجميع وفوق اى لاعب مهما كان