المساعد الشخصي الرقمي

مشاهدة النسخة كاملة : إلحق بيتكم بيتهد!!



بنت مصر
19-08-2003, 10:58 PM
هههههههههههه ما تتخضوش اوي كده بس انا حاسألكم سؤال

لو بيتكم في خلال دقايق حيبقى كوم تراب

وبتجري بسرعة انت وكل اللي في البيت عشان تلحقوا قبل ما يقع عليكم


بس عندك فرصة تلحق تاخد حاجة واحدة بس معاك وانت نازل جري


تفتكر ايه الحاجة اللي غالية عليك اوي كده وحتفكرها وانت نازل؟؟



فكروا كويس وفي انتظار ردودكم

سمسمة
19-08-2003, 11:40 PM
اعوذ بالله

اعوووووووووذ بالله

بعد الشر يابسنت

دة مكتوب باسمى خخخخخخخخخخخخخخخ

بصى ياستى

انا هاخد معايا الكمبيوتر:D

هو الحاجة اللى بحبها اوى

اى حاجة تانية بقى سيبك منها

بس ايه يابسنت المواضيع الجبارة دى:p

البروف سمسم..:112:

بنت مصر
19-08-2003, 11:45 PM
يعني مش حتاخدي القرشين اللي تحت البلاطة يا سمسم؟ :D



بسنت

teefa7
20-08-2003, 12:02 AM
سؤال محير فعلا ... انا عندي اشياء كتيره عاوز اخدها ...

بس لازم اختار حاجه وحده بس ........

اممممممممممممم >>>>>>>>> يفكر بعمق

اوكي ...

بصراحه راح آخذ الشنطه اللي فيها كل مستنداتي الخاصه وشهاداتي واوراقي والذي منه .....

ها وش رايك .... تمام

بنت مصرية
20-08-2003, 12:03 AM
يا ساتر يارب ليه كده بس يا بسنت:5:

أعتقدك انى لو كنت مخطوبة هتخد الهدية اللى خطيبى جابهالى
هههههههههههههههه:5:

بنت مصر
20-08-2003, 12:32 AM
اهلا اخي العزيز teefa7
فعلا الاوراق دي مهمة جدا
بس انا شايفة يا تيفة انك تاخد
حاجة مهمة اوي معاك برضه
ولازم تاخدها اول حاجة عارف ايه
هي الصررررررررررررصار :D



بنت مصرية يا رب يا ستي يرزقك بابن الحلال اللي يستتك في بيت العدل :D

بسنت

te3mah
20-08-2003, 02:10 AM
إيييييييييييييه يا بسنت
فكرتيني بزلزال 12/أكتوبر
كنت راجعة من المدرسة ودخلت أنام
وأختي رجعت من الكلية وقاعدة تتغدا مع ماما
وفجأة صحيت على صوت طيارة معدية وإزاز الشباك بيترج جامد
قولت لما الطيارة تعدي الإزاز هيسكت
لقيت الطيارة عديت والإزاز عمال يزيد رجرجة
قمت قعدت على السرير علشان احاول أستوعب إيه اللي بيحصل
لقيت أختي وماما بيندهوا عليه من بره : يا إيمان قومي ... البيت بيقع
طبعا أنا ماكدبتش خبر وطلعت جري على باب الشقة عِدل
والمضحك في الموضوع إني مريت من قُدام أختي وماما وهما واقفين بيندهوا عليه
بمعنى أصح فكرت في نفسي وبس :D يا روح ما بعدك روح
بس جينا عند الباب وماما رجلها ماشاليتهاش وراحت قاعدة على الكرسي اللي جنب الباب
وأنا وأختي وقفنا على باسطة السلم عمالين نبصلها ومش عاوزين ننزل من غيرها
والحمد لله ساعتها كان الزلزال وقف
بس طبعا أعصبانا تلفت وفضلنا أسبوع مش جايلنا نوم من كتر الخوف
بس أجمل حاجة في الموضوع ده إننا أخدنا أسبوعين أجازة من المدارس والكليات علشان عمليات الترميم وفحص المباني :5: :5: :5:

أما بقى لو ده اتكرر تاني - لا قدر الله - فأنا أول حاجة هافكر آخدها معايا هي : الإسدال (وهو عبارة عن عباية بتغطي الجسم كله من الراس للرجلين بنستخدمها في الصلاة)

وجزاكِ الله كل خير يا بسنت :)

أشجان الليل
20-08-2003, 02:58 AM
آخد إيه يا ربي...؟

أخد إيه ياربي...؟؟

آخد إيه ياربي.....؟؟؟


آآآآآآآآآآآآآآآآآآآآآآآآآآآآآآآآآآآآآي


البيت وقع فوق راسي قبل ما أقرر هاخد إيه...!!!!!

العمدة
20-08-2003, 08:17 AM
هاخد أولادي


أحمد على كتف

ومصر على الكتف الأخر .


فهما أعز وأفضل من كنوز الدنيا :)


موضوع شيق .. أحسنتِ بنت مصر :)

بنت مصر
20-08-2003, 09:59 AM
ههههههه يا ايمان
نازلة جري تنفدي بعمرك
موتيني من الضحك بصراحة

اختيارك جميل يا طعطوعة ويدل على التزامك
بس انا عارفة ان ايام الزلزال حصلت مهازل
والستات المتحجبين جريت على الشارع
بشعرهم ومصايب :D


طيب يا اشجان خليكي تحت لحد ما نشوف لك
حد يرضى يطلعك من تحت الانقاض :5:



ربنا يخلي لك احمد ومصر وأم احمد يا عمدة ويجعلهم لك قرع عين يارب:)


بسنت

Mrs. Virgo
20-08-2003, 11:23 AM
سبحان الله يا بنت مصر ..
كأنك قرأتي افكاري والله ..
لسه كنت بفكر في الموضوع ده امبارح ..

وبعدين جيه على بالي ايام الغزو العراقي للكويت ..
انفجرت سياره ملغمه جنب البيت ..
طبعا احنا عرفنا سبب اصوات الانفجارات بعدين ..
بس المهم وقتها كنا فكرين انه ضرب عشوائي
أو اي حاجه تخوف ... وكنا عارفين ساعتها
ان اي حاجه كده تحصل لازم ننزل على الملجأ
(سرداب العماره)
وكانت الحاجه الوحيده إلي فكرت فيها ساعتها ..
احمد وجاسم اخواتي الصغيرين ..
لأن الكبار كلهم هيعرفوا يتصرفوا .. بس الصغيرين دول
هيروحوا في الرجلين :(

المهم انا واختي الكبيره (طعميه)
كل واحد فينا شال واحد منهم زي الشنطه ونزلنا..

ولما فكرت في الموضوع ثاني امبارح ..
لقيت انه بصراحه ما فيش ولا حاجه تستاهل
في الدنيا اني اخدها معايا .. غير اي حد (انسان)
مش عارفه ... لأن اي حاجه ماديه ثاني .. ممكن تعويضها..
انما الروح .. مستحيل ..
وكمان لقيت اني اهم حاجه ممكن اخدها في ايدي حاجه واحده ..
زي ماطعميه قالت بالظبط .. لبس الصلاة بتاعي ..
علشان هو إلي هقدر البسه بسرعه حتى وانا بجري ..
لأنه فضفاض .. ومحتاج بس ادخله في راسي ..
.. وهو إلي هيغطيني .. من شعر راسي لغاية رجلي تحت ..
:( بعد ما كل هدومي تروح مع البيت .. :(

موضوع جميل قوي يا بسنت .. للمناقشه ..
بس فعلا يا رب حد ما يحتاج يسيب بيته فجأه بشكل مأساوي كده ..
ولا حتى يسيب دنيته إلا وربنا راضي عنه .. اللهم آمين ..

تحياتي ليكي ..
ولكل مواضيعك المميزه ..
ما شاء الله عليكي .. :)

مصراوى
20-08-2003, 11:51 AM
طبعا أولادى وزوجتى
لكن لو المقصود شئ مادى
اكيد الشنطه النبيتى
دى شنطه فيها كل أوراقنا المهمة
البنى أدم مايسواش فى الزمن ده من غير ورق
:(:(
تحياتى

وادكول مش معقول
20-08-2003, 12:01 PM
انا بالنسبة ليا بقه ...

لو لوحدي .................؟


هاخد .....؟



هاخد......؟



هاخد ديلي في سناني واقول يا فكيك ..........ههههههههه



ولو شهد وامها بقه معايا .......؟

هاخد .....؟

هاخد......؟


شهوده و.....................


اخلي امها تاخد ديلي في سنانها وتقول يا فكيك ....هههههههههه

فــيــروز
20-08-2003, 01:17 PM
انا كمان اعتقد ان اهم شئ هييجى على بالى انى انزل الشارع حشمه .. مش قادره اتخيل اصلا انى ممكن انزل من غير الحجاب .. :rolleyes:

بالاضافه الى هذا هاخد بطانيه عشان نعملها خيمة ايواء ناوأ فيها لغاية ما يلاقوا لنا حل :p:cool:

te3mah
20-08-2003, 06:33 PM
كاتب الرسالة الأصلية : بنت مصر

بس انا عارفة ان ايام الزلزال حصلت مهازل
والستات المتحجبين جريت على الشارع
بشعرهم ومصايب :D

ماهو علشان كده أنا فكرت في الإسدال على طول
لإن في اليوم ده اكتشفت أنا وأختي إننا هننزل الشارع بهدوم البيت ومن غير حجاب :rolleyes:

بنت مصر
20-08-2003, 11:07 PM
اختي الحبيبة لميس الغالية
والله انا حاسة بيكي وبالفترة الصعبة
اللي مريتوا بيها ربنا لا يعيدها يارب
وفعلا يا لميس مفيش اي حاجة بيكون
لها اهمية لما الانسان بيتحط في الموقف دا :(


ربنا يخلي لك زوجتك واولادك اخي مصراوي وما تشوفوش حاجة وحشة ابدا



ههههههههه واد كول طيب مش احسن تاخد نفس عميق :5:



ههههه فيروز فكرتيني بفيلم كراكون في الشارع


طعطوعة ربنا يستر ويحفظ كل بنات المسلمين يارب


و كمان ما يحرمنيش من مروركم ابدا :)

بسنت

سمسمة
21-08-2003, 01:08 AM
بس يا بسنت

هاخد الكمبيوتر بس

هو دة الحاجة الوحدية اللى بحبها:D

بلا فلوس بلا بتاع:p

البروف سمسم..:112:

n3na3aah
22-08-2003, 10:07 PM
هههههههههههههههه وللهي فكرتيني يا بسنت بيوم جمييل قوي

هوه احنا اساسا ساكنسسن فس الدور التامن و هوه اخر دور ز مفييش اسانسيير طبعا و حته لو فيه مينفعشي نستخدمه و علابال مننزل بقه حتكوون العماره وفعت و الونش جه و كل حاجهه

كان يوم بقه حصل فيه برده زلزال جامد كنت انا و ماما و بابا و اخويا في البيت اول حاجه اول ما الزلزال ابتدي ماما لقيتها علي السلم و بابا كمل فرجه علي التلفزيون و اخويا بقه فكر ياخد مفاتييح العربيات عشان واقفيين تحت العماره و هوه نازل جري يمشيهم اما انا بقه اعت اتعارك مع ماما عشان تطلع فوق السطح متنزلشي لانه اضمن من النزوول طبعا

و بعد ما الموضووع عدا اعت افكر اخد ايه معايا و الحمد لله بخيالي نقلت البيت كله فوق السطح عشان لما العماره تقع الحاجات الي فوق تبقه سليمه:D:D اصل انا خيالي واسع قويي

لكن بجد ولله لو فكرت يوم اخد ايه فنا حاخد اي مصحف قدامي و انزل تحت الطربيزه عشان لو ممتش يبقه ربنا حماني و لو مت يبقه مت و معايا احسن شي في الدنيا ده بس برده حعد اتعارك مع ماما:5::5::5:

ديدي
11-11-2005, 12:08 AM
الموضوع دا لفت نظرى
ووقفت قدامه اسأل نفسى نفس سؤالك يا بسنت
اكيد هافكر فى الناس اللى عايشين معايه انى اخدهم معايه واطمن على سلامتهم
مفيش فى الدنيا اغلى منهم

بنت مصر
11-11-2005, 12:27 AM
يااااااااه يا ديدي
والله فكرتيني بايام جميلة
شكرا لرفع الموضوع
وما قلتيش بقا هتختاري ايه من البيت تاخديه معاكي؟


بسنت

ديدي
11-11-2005, 01:08 AM
من البيت حاجة مادية يعنى
اكيد صورة والدتى الله يرحمها
اوى اى تذكار منها اللى هالحق اخده بقى

وعلشان مش نقلب الموضوع غم
ممكن اخد معايه تحويشة العمر بقى
ماهو مش موت وخراب ديار

محمد فاروق
11-11-2005, 02:06 PM
اكيد الجرشنات يابسنت

اما هاخد ايه معايا... الغسالة !!!!؟؟؟؟

وربنا يتولانا برحمته بقى..ههههههه

ابن البلد
11-11-2005, 02:43 PM
أنا متأكد وما زلت متذكر أني رديت علي الموضوع ده من قبل
وقلت أني هاخد شنطة أصحابي اللي فيها هدايا وذكريات

راح فين ردي بقه :(

بنت مصر
11-11-2005, 05:36 PM
ديدي حبيبة قلبي الغالية
تعيشي وتفتكري ماما وتكوني
سبب في رفع درجاتها في الجنه بدعائك لها ان شاء الله
وبعدين ممكن تقولي لي ومش هاقول لحد ابدا هي تحويشة العمر حاطاها فين بالظبط؟*11*


ههههههههههههه محمد فاروق الجيرشينات بتوعك بقا هم الغسالة ؟؟:d
ليا مدة طويلة ما اتقابلتش معاك في رد في اي موضوع
ربنا يكرمك يارب



انا كمان يا احمد فاكرة ردك كويس والله باين فيه ايد خفية مسحت الرد
انا من زمان بقول على المنتدى مسكون ومحدش مصدقني *5*


شكرا على مروركم اخوتي الغاليين


بسنت

أحمد المليجي
11-11-2005, 05:58 PM
http://www.geocities.com/fancy7000/pic25.gif
انا هاخد بعضي و اجري
http://www.geocities.com/fancy7000/pic26.gif
رغم اني من زمان اوي مادخلتش القاعة هنا بس الموضوع يلفت النظر

ضابط شرطة
12-11-2005, 11:34 AM
ايه الفال الحلو ده يا بنت مصر ؟؟:d :d

دي فكره ما تجيش في دماغ اي حد غير لما يكون مفتري:d :d

المهم انا هاخد بقى
*4* ...........
...............*16* ..................
................. *19* ................

:notme:
هاخد المحفظة علشان اروح اقعد في النت كافيه:d *119*

بس ده هيبقى حالي :mazika3:

تعيشي وتألفي مواضيع جباره من دي

Hesham Nassar
12-11-2005, 12:44 PM
أنا أساساً مش هنزل من البيت ..http://smilies.sofrayt.com/^/aiw/secret.gif

هعمل زي شمشون و أقول عليا و على أعدائي ..http://www.egyptsons.com/misr/images/smilies/old/flex.gif
http://smilies.sofrayt.com/^/aiw/biggrin.gif
سلام دلوقتي بقى ..http://montadayatna.freesuperhost.com/vb/images/smilies/Moto.gif
http://www.egyptsons.com/misr/images/smilies/smile.gif

مصراويةجدا
12-11-2005, 01:18 PM
*3* طبعا اول حاجة هاخدها هاتكون المصحف

بنت مصر
12-11-2005, 02:34 PM
احمد المليجي..

رغم اني من زمان اوي مادخلتش القاعة هنا بس الموضوع يلفت النظر
ازيك وايه أخبارك؟ يارب تكون بخير
انا مبسوطة اني عرفت اجيبك لقاعة فك التكشيرة
بصراحة فيها حاجات كتير جميلة
شكرا لمرورك اخي الغالي

ضابط شرطة

ايه الفال الحلو ده يا بنت مصر ؟؟
تعيشي وتألفي مواضيع جباره من دي
هههههههههههه وتعيش وتفضل دايما متفائل
وعلى فكرة مبروك الالف مشاركة الف مبروك
عقبال ما يبقوا مليون يارب يارب



هشام نصار ازيك وايه أخبارك
لينا مدة طويلة ما رديناش ولا رد على بعض في المنتدى

هعمل زي شمشون و أقول عليا و على أعدائي ..
أنا حاسة بقا ان السبب مش عليا وعلى اعدائي وانما
هروب من التواجد في المنطقة العسكرية :d

مصراوية جدا
أهلا بيكي معانا في المنتدى
وشكرا ليكي على مشاركتك

طبعا اول حاجة هاخدها هاتكون المصحف
والله هو دا ربيع قلوبنا وانيس قبورنا وشفاء صدورنا
بارك الله فيك


بسنت