المساعد الشخصي الرقمي

مشاهدة النسخة كاملة : امثله لانظمة العالم



الصفحات : [1] 2

زوزو عادل
09-02-2008, 01:59 PM
من امثلة الانظمه الموجوده بالعالم وبعض المفاهيم


الاشتراكيه
أن تكون لديك بقرتان تعطي واحدة لجارك

الشيوعيه
أن تكون لديك بقرتان فتأخذ الحكومة
الاثنتين وتمنحك بعض اللبن


الفاشيه
أن تكون لديك بقرتان فتأخذ الحكومة
الاثنتين وتبيع لك بعض اللبن


النازيه
أن تكون لديك بقرتان فتأخذ الحكومة
الاثنتين وتعدمك


البيروقراطيه
أن تكون لديك بقرتان فتأخذ الحكومة
الاثنتين وتقتل واحدة
وتحلب الأخرى وتلقي باللبن بعيدًا


الرأسماليه
أن تكون لديك بقرتان فتبيع واحدة وتبتاع
ثورًا، من ثم ينمو
القطيع فتبيعه وتتقاعد معتمدًا على
الدخل



شركه امريكيه
أن تكون لديك بقرتان فتبيع واحدة وترغم
الأخرى على أن
تعطيك لبن أربع بقرات ثم تستأجر خبيرًا
استشاريًا لفهم لماذا ماتت البقرة



شركه فرنسيه
أن تكون لديك بقرتان فتعلن الإضراب لأنك
تطالب بثالثة


شركه ايطاليه
أن تكون لديك بقرتان لكنك لا تعرف أين
هما ثم تكف عن
البحث لأن ساعة الغداء حانت



شركه روسيه
أن تكون لديك بقرتان تعدهما فتجد أن لديك
خمس بقرات. تعد
من جديد فتجد أن العدد 42 تعد من جديد فتجد
أنهما بقرتان تتوقف لتفتح زجاجة فودكا
أخرى



شركه سويسريه
أن تكون لديك 5000 بقرة لا تملك واحدة منها.
لكنك تتقاضى
من الآخرين ثمن الاحتفاظ بها



شركه صينيه
أن تكون لديك بقرتان ولديك 300 واحد
لحلبهما. تنشر أخبارًا
عن انعدام البطالة وتقدمُ صناعة الألبان
وتعتقل الصحفي الذي نشر الأرقام
الحقيقية




شركه هنديه
أن تكون لديك بقرتان وأنت تعبدهما



شركه بريطانيه
أن تكون لديك بقرتان مجنونتان



شركه خليجيه
أن تكون هناك بقرتان ويكون لهما مدير
هندي وحارس مصري وراعي
سوداني وتدرج في البورصة



شركه فليبنيه
أن يكون هناك بقرتان ثم يرسلونهما إلى
الخليج للعمل .

:mazika3:

Ayman Roshdy
09-02-2008, 02:13 PM
جميل جدا، تسلم الأيادي

اسمحي لي بإضافة: الطريقة المصرية...

عندك بقرتان... تعين الحكومه إحداهما وزيرا، وتذهب الأخرى لتبايع الوريث الجديد... ثم تطالبك الحكومة بسداد ما سرقوا جميعا بفوائده لأمريكا.

mohamed salama
09-02-2008, 08:30 PM
الكلام ده كبييييير مينفعش فى قاعه فك التكشيره

the_chemist
09-02-2008, 10:20 PM
حلوة يا زوزو

و الطريقة المصرية جميلة يا عم أيمن

و بلاش تشغل غتوت علي البنية خد بالك
دى من المنصورة

يعنى ملهمش في اللون

ماشي

زوزو عادل
10-02-2008, 08:21 AM
جميل جدا، تسلم الأيادي

اسمحي لي بإضافة: الطريقة المصرية...

عندك بقرتان... تعين الحكومه إحداهما وزيرا، وتذهب الأخرى لتبايع الوريث الجديد... ثم تطالبك الحكومة بسداد ما سرقوا جميعا بفوائده لأمريكا.


شكرا يا استاذ ايمن على اضافتك
واشكرك على المرور الجميل

زوزو عادل
10-02-2008, 08:23 AM
الكلام ده كبييييير مينفعش فى قاعه فك التكشيره
المشكله يامحمد ان ماليش فى السياسه خالص

بس بحب اضحك على السياسه وبس

شكرا على مرورك

زوزو عادل
10-02-2008, 08:27 AM
حلوة يا زوزو

و الطريقة المصرية جميلة يا عم أيمن

و بلاش تشغل غتوت علي البنية خد بالك
دى من المنصورة

يعنى ملهمش في اللون

ماشي
اهلا باستاذى الجميل

اه امال ايه يا استاذ ايمن انا من المنصوره

واللى ليه ضهر مايضربش على بطنه
هههههههههه
شكرا يا استاذ ابو امنيه على المرور

Ayman Roshdy
10-02-2008, 09:18 AM
عمي الكيماوي
منصورة... معمورة... نعم للوحدة الوطنية... وغتوت ما بيفرقش....

أختنا زوزو
شكرا لذوقك... لكن غتوت لا يخشى أحدا... إلا إذا كان بيضرب جامد... ألا هو انتي إيدك تقيلة قوي؟

the_chemist
10-02-2008, 02:02 PM
كل بتوع المنصورة ايدهم طرشة يا غتوت الأفخم

خد لك ساتر و قول
يارب يا ساتر

Ayman Roshdy
11-02-2008, 09:56 AM
هاه يا ست زوزو

إيدك خفيفة... ولا زي الكيماوي ما بيقول، وابعت لك أيمن افندي رشدي أهه مكحكح وتقدروا عليه؟

وجع في حكوماتكوا؟
غتوت الأفخم

زوزو عادل
11-02-2008, 10:42 AM
كل بتوع المنصورة ايدهم طرشة يا غتوت الأفخم

خد لك ساتر و قول
يارب يا ساتر



لالالا مش كلهم يا استاذ ابو امنيه
دا انا اعرف ان المنصوره كلها طيبه

ماتخوفش الراجل مننا
وكمان هتخليه ماينزلش المنصوره خاااالص

زوزو عادل
11-02-2008, 10:47 AM
هاه يا ست زوزو

إيدك خفيفة... ولا زي الكيماوي ما بيقول، وابعت لك أيمن افندي رشدي أهه مكحكح وتقدروا عليه؟

وجع في حكوماتكوا؟
غتوت الأفخم


لا يا استاذ ايمن
ماحدش بيضرب عندنا فى المنصوره خالص

بس هو مين غتوت الافخم ده؟؟؟؟؟؟؟؟؟؟

the_chemist
11-02-2008, 10:56 AM
ياااااااااااااااااه

روحى "ماتقرونيش" في نفس الآعة فك التكشيرة

بس يعنى خدى معاك كل معدات الوقاية من الغبار
ماشي
هتلاقينى هناك بأحاول أتعلم

Ayman Roshdy
11-02-2008, 10:58 AM
ياخبر...

ما تعرفيهوش...؟؟!!

غتوت الأفخم يا ستي تلاقي نبذة عنه في حارة (ماتقرونيش) في نفس القاعة... (فك التكشيرة)...

وهو كثير التردد على ديوان صوت الحرافيش ومصلحة دفتر حضور الأعضاء... وجايز تلاقيه في زقاق نشيد المنتدى... وعموما هو بيرمي رخامته في أي مكان تظهر فيه أي لمحة ظرف أو خفة دم.

لو حتزوريه، خدي حبايتين مهدئ الأول. الله معك.

the_chemist
11-02-2008, 11:12 AM
لالالا مش كلهم يا استاذ ابو امنيه
دا انا اعرف ان المنصوره كلها طيبه

ماتخوفش الراجل مننا
وكمان هتخليه ماينزلش المنصوره خاااالص

يا بنتى أنا بأطفشه

مش هتستحملى غلوة يا بنتى و هتتعصبى

دا غتوت
غتووووووووووووووووووووووووووووووت

Ayman Roshdy
11-02-2008, 11:28 AM
لازم أقول لكوا بقى ع اللي لازم تعرفوه، ولازم اللي لازم تعرفوه دا يلزم إنكوا تلزموه...

من زمان يا ولاد وانا ممتنع عن الذهاب إلى المنصورة...

مش علشان حكاية الضرب دي... رغم انهم كرمونا فيها آآآآآآخخخر كرم...

لو جت على الضرب تهون...

المشكلة أعقد بكثير...

مش واخدين بالكوا؟

طب بصوا حواليكوا كدا؟

شايفين كام نكتة وكام تعليق ظريف وكام موضوع لطيف قالوهم المنصورجية...

أهل المنصورة -وربنا يعافي عن الجميع- متفشي بينهم وباء خفة الدم...

أروح فين في وسطهم أنا؟

وجع في نكتكوا،
غتوت الأفخم

زوزو عادل
11-02-2008, 11:37 AM
شكرا يا استاذى مردوضالك فى الافراح ان شاء الله
انا هبقى اطفش اى حد انت عاوزه بردو ههههه

بس ايه يعنى غتوت
غتوت على نفسه مش على المنصوره
وانا بحب الغتاته
بس مش زى غتوت الافخم
الاعتراف بالحق ههههههههه

Ayman Roshdy
11-02-2008, 11:51 AM
قيل في الحكم والأمثال:

اتق شر الحليم إذا غضب، والغتوت إذا طلب...

روحي يا بنتي ربي لك جوز عصافير تعيطي عليهم لما الحدادي تخطفهم، ولا جوز أرانب يفلّوا بعضهم في الشمس.

وجع في جلاليبكوا،
غتوت الأفخم جدا قوي خالص

زوزو عادل
11-02-2008, 11:58 AM
لالالالالالالالالا
الغتوت ده على نفسه
بس ماحدش يقوله
والله الاستاذ ابو امنيه حذرنى من غتوت الافخم بس انا ماسمعتش الكلام
انا اللى غلطانه
بس بردو احنا مش بيهمنا
دا احنا بالصلاه على النبى حلوين اووى اوووى مع بعض
لكن ساعة الغلط نطراع زلط
لحمنا مر مانتكلش
احنا طبعا ولاد المنصوره

الحقنى يا استاذ ابو امنيه
غتوت مسكنى
هههههههههههههه

Ayman Roshdy
11-02-2008, 12:11 PM
جرى إيه يا بتوع المنصورة
ياللي الرخامة فيكوا غير منظورة
حتى التفاهة عندكوا محظورة

جرى إيه يا بتوع الدقهلية
يا محافظة من العبط معفية
وما فهاش واحد تنح ولا واحدة غبية

وشوباااااش

غتوت الأفخمممممممممممممممممممممممممممممممممم

زوزو عادل
11-02-2008, 12:27 PM
والله مش عارفه انت ياغتوت مش عجبك حد ليه
دا الا بتوع المنصوره والدقهليه كلهم

احلى واجدع ناس طبعا

مش كفايه مش بتعرف تقرا كمان
وبعدين بتنذر مين دا احنا اهل الشغب كله

تحياتى لك غتوت الافخم
وبعدين الدخول هنا بفلوس هات اللى عليك
ادفع وبعدين اتكلم

Ayman Roshdy
11-02-2008, 01:14 PM
والنبي انتي طيبة وعلى نياتك.

بقى اللي حايدفع له حق يتكلم... طب بالذمة تبقى غتاتة ازاي؟

عموما اي مستحقات ليكي إحنا جبنا قوي وندفع بمجرد التهديد...

روحي الدكانة وهم حيعملوا اللازم.

وجع في تهديداتكوا،
غتوت الأفخم الـ Very أفخم

زوزو عادل
11-02-2008, 01:25 PM
بص يا غتوت هتدفع هتدفع

ماتحولش
احنا عندنا كده اللى بيتكلم بيدفع

ادفع احسنلك
وبعدين دكانة ايه اللى اروحها
هى فين دى
منوووووووووووووووووور ياغتوووووووووووووووووت

Ayman Roshdy
11-02-2008, 01:33 PM
تدخلي شارع القاعات، يمين في فك التكشيرة... كملي لآخرها ... تمشي دوغري...

بعد ما تزهقي بتلت ساعة حتلاقي دحديرة مرمي جنبها صفيحة سمنة مصدية محفور عليها بمسمار تلم كلمة (ما تقرونيش)...

تقري المعوذتين وتدخلي... حتلاقي كل حاجة مستنياكي..

ياللا قوام قبل ما يروحوا يتفرجوا على ماتش امبارح.

وجع في توهانكوا،
غتوت الأفخم

زوزو عادل
11-02-2008, 01:41 PM
اوك يا غتووت هنتقابل هناك وهنشوف مين اللى هيدفع

بس انا رحت هناك ومالقتش حد خاااالص ولا حتى ابو امنيه

على العموم يا غتوووووووووووت
هجووووووووووووووووووووووووووووووم

Ayman Roshdy
11-02-2008, 01:55 PM
هو كدا...

تروحي هناك... آجي انا هنا...

واللي يحصلني...

يجيب ربع جنيه... للست اللي مش عاتقاني دي...

يا خلق هوووووووووووه....
وجع في مناوراتكوا،
غتوت الأفخم (يا حلاوته)

زوزو عادل
11-02-2008, 02:14 PM
هههههههههههههههههه
ايوه كده اعترف
اكيد انت بتتكلم لسه ياغتوت وانت
تحت الكنبه

ماحدش هيحوشك من ايدى ياغتوت
عشان تبطل غتاته على خلق الله وتغير اسمك خااااااااااالص

Ayman Roshdy
11-02-2008, 02:33 PM
مرسل إلى: الست زوزو

الراسل: غتوت الأفخم

المحتويات: سلطانية مسقعة.

إجراءات النقل: تحفظ في درجة حرارة -40 مئوية، ثم تبرد أكثر وتسلم.

شروط الاستلام: موجودة في تلغراف بالدكانة.

مصاريف الشحن والتأمين: على المستلم طبعا، سواء استلم أم دش السلطانية على نافوخ ساعي البريد.

ختم الشاحن: صورة واحد بيطلع لكوا لسانه.

مرفقات: بصلة ريحتها طالعة وطبق كوارع مجلدة.

وجع في مراسيلكوا،
غتوت الأفخم

سوما
11-02-2008, 02:53 PM
اختى العزيزة\ زوزو....
هههههه..عسل أوى تعريفاتك الجديدة دى لأنظمة العالم....خلى بالك بقى من نفسك كويس......:f:

زوزو عادل
11-02-2008, 03:03 PM
ههههههههههههههه
هو غتوت عاد بيبعت مارسيل يادى الحوسه

دا ماسبش حاجه الا وبيعرفها

وكمان بتعرف فى الكوره ولا لاء

شكلك مابتعرفش وهاتقول عتس

انت عملى فيها ابو العريف والناس كلها ولاد..............

ماعلينا

يابخت من قدر وعفى

وانا عفوت عنك يااااااغتوووووووووت

خليك بقى تحت الكنبه

عشان تحط صورة واحد بيطلع لسانه وكمان لينا

مين الواحد ده

غتووت ههههههههههههه

نفسى اشوفه

Ayman Roshdy
11-02-2008, 03:45 PM
أقول لك كما قلت للكيماوي العزيز أبو أمنية.

كنت لاحظت بورتريه رقيق يمثلني في لوحة الشرف، فعلقت كالآتي:

ملحوظة: إيه دا؟ مش تقولوا إن عندكوا صورتي وانا صغير :evil2:) لما كنت مسمسم وبريء

فرد الكيماوي متساءلا:
يا خبر مالوش ملامح

هى دى صورتك و انت صغير و مسمسم
أمل لما كبرت صورتك فييييييييييييييييين

فأفحمته قائلا:

بالنحوي :



لما انت تسألني صورتك فين =يبقى الزمان عن كل علمٍ عفا
يا سيدي بص ف أيها جرانين =حتما حتلقى فيها... صورة قفا

باقي الحوار في (صوت الحرافيش)... إوعي تروحي... والنيي... والنبي...

وجع في مشاويركوا،
غتوت الأفخم

زوزو عادل
12-02-2008, 08:06 AM
اختى العزيزة\ زوزو....
هههههه..عسل أوى تعريفاتك الجديدة دى لأنظمة العالم....خلى بالك بقى من نفسك كويس......:f:

اشكرك ياسوما على زوئك
ربنا يستر بقا لو جرالى حاجه يبقى من غتووووت

معلشى احنا سبنا الموضوع الاساسى وبنشوف اخرتها مع غتوت ايه

مرسى ياجميله على مرورك

Ayman Roshdy
12-02-2008, 09:03 AM
إيه يا ست زوزو؟

إنتي حتجيبيها فيّ انا؟

أنا حُشتك؟ ما تكملي في موضوعك... أهه، أنا حازود من عندي:

عيش غتوت... تعيش مبسوط...
عيش متسنكح.... تبقى مبحبح...
لو مالكش في البجاحة... عيش أقله بالتناحة...
اللي بيحب الرخامة... يقول لعمه (امبو) يا ماما...
واللي بيحب الغلاسه... في البلد دي زعيم سياسة.

وجع في سطوركوا،
غتوت الأفخم

زوزو عادل
12-02-2008, 10:06 AM
تشكر ياغتوت باشا وخليك فى كوزك لما نعوزك قصدى فى بيتك

زوزو عادل
12-02-2008, 10:09 AM
النظام العالمي الجديد : ويندوز اكس بي .

صندوق النقد : ما يفرقش كتير عن صندوق الزبالة .

الخصخصة : تحدث في الحدائق يوم شم النسيم مع أكل الفسيخ .

رأي المرأة : ستات مصر قالوا كلمتهم ؛ السمنتين نخلتهم .

العمل السياسي : يمارسه كل من يعمل سايس في جراج .

السياسي المحنك : رجل يتسم بسعة الصدر عند المناقشة ، وسعة الكرش فيما عدا
ذلك .

اليساري : شخص طيب يقود سيارته على الجانب الأيسر من الطريق ويشتم كل
السواقين اللي جايين في وشه لأنهم عملاء الإمبريالية ويسيرون ضد الحتمية
التاريخية .

الحرب الأهلية : حرب البنت مع أهلها عشان تتجوز الواد اللي هي عايزاه .

حرب الشوارع : قيادة سيارة في شوارع القاهرة .

عملية السلام : زي عملية اللوز بالضبط ، تنتهي برمي اللوز في الزبالة .

الشريط الحدودي : الشريط الجاي لعمرو دياب .

اليهود : شعب يعيش على الأساطير ، يألفها في الأول ويصدقها بعد كده . يعني
بالعربي أسهل شعب ممكن يضحك عليه .
الله يرحم اللي ضحك عليهم مرتين .

إعلان العرب للحرب : يا زعماء اذهبوا أنتم وشعبوبكم فقاتلا، إنا هاهنا
قاعدون

the_chemist
12-02-2008, 11:04 AM
ايه يا زوزو

دا الغتوت جاله اكتئاب يا بنتى

بس يالله يستاهل

أنا حذرته بس مسمعشي الكلام

Ayman Roshdy
12-02-2008, 11:37 AM
يا سيد كيماوي...

إسأل أي خبير... حيقول لك إن غتوت مايجيلوش اكتئاب...

الاكتئاب هو اللي ييجي له غتوت....

إفهموها بقى.... دا احنا يادوب بنسخن ع الخط...

اسمع الست زوزو دي مش معتقة في الرخامة، ونَفَسها حايخلص ومش حاتنفعك...

روح شوف مصالحك بلاش أحطك في دماغي... أنا أساسا مخي ضيق وحتبقى مزنوق.

وجع في خطوطكوا،
غتوت الأفخم

the_chemist
12-02-2008, 11:42 AM
أنا عارف أنها ملهاش في الرخامة

بس ابعد عنها و إلا
هوديك حمام التلات تستحمى ماشى

Ayman Roshdy
12-02-2008, 11:51 AM
تعالى لي الدكانة يا كيماوي خللي الست زوزو تشوف مصالحها.

وجع في دكاكينكوا،
غتوت الأفخم

the_chemist
12-02-2008, 11:53 AM
ماشي يا ريس

زوزو عادل
12-02-2008, 12:59 PM
أنا عارف أنها ملهاش في الرخامة

بس ابعد عنها و إلا
هوديك حمام التلات تستحمى ماشى
اه والله يا ابو امنيه ماليش اووى
بس الايام يامااااااااااااا بتعلم
والطيب ماينفعش فى الدنيا ديت
دى حاجه انا اتعلمتها فى حياتى
بس بعد فوات الاوان
بس بضحك مع غتوت بشوف نفسه اد ايه

وربنا يخليك لولاد بلدك ومايحرمنيش منك

the_chemist
12-02-2008, 01:03 PM
تسلمى و يارب يفك عنك

و تكونى في أحسن حال

صدقينى بأكون في غاية السعادة لما بأجدك تضحكين

بس بأزعل لما ألاقي وراء الضحكة دمعة تتسلل

ربنا يهدي لك الأيام يا إبنتى الغالية

Ayman Roshdy
12-02-2008, 01:20 PM
حتى غتوت...

لا يقدر... على الدموع...

أراح الله بالكما، وأنالكما رحمته ورضاه...

وجع في.. لأ... راحة الراضين في قلوبكوأ
غتوت سابقا... كتكوت غلبان قصاد الدموع حاليا (بس مش حيطوّل ما تاخدوش على كدا)

the_chemist
12-02-2008, 02:32 PM
لالالالالالالالالالالالالالا
دا مش معقول

غتوت بقي رقيق و طيب
يارب استر

زوزو عادل
12-02-2008, 04:11 PM
تسلمى و يارب يفك عنك

و تكونى في أحسن حال

صدقينى بأكون في غاية السعادة لما بأجدك تضحكين

بس بأزعل لما ألاقي وراء الضحكة دمعة تتسلل

ربنا يهدي لك الأيام يا إبنتى الغالية
اللهم امين اللهم فك كربى وهمى يارب العالمين
ربنا يخليك استاذى الكريم دا شرف ليا انك تقولى كده
ربنا يبارك فيك
ولكن ماذا افعل لابد فى كل ضحكه ان تنزل دمعه
وها هى الحياه ضحكات ودموع والحمد لله على كل حال
ولكنى زعلت جدااااااااا من الدكتور جمال لو حضرتك تتذكر الموقف
وانت قولتله انت زعلان من بتوع المنصوره ليه
بدون مااغلط فى حد او ازعل حد منى
هذا الموقف ابكانى جدااااااااا وانا لم ارد عليه لانه مثل والدى
واخذتها بصدر رحب
ولكنه عايرنى بصورتى العين التى تبكى بجوار اسمى
لو يعلم ماسبب هذه الدموع ماتحدث معى كذلك
هذه دموع عمرى كله ومستقبلى الضائع
الحمد لله اللهم لا اعتراض


انا مش عارفه اشكرك ازاى
والله انى احبك فى الله
ربنا يخليلك امنيه يارب ويبارك فيك

زوزو عادل
12-02-2008, 04:43 PM
حتى غتوت...

لا يقدر... على الدموع...

أراح الله بالكما، وأنالكما رحمته ورضاه...

وجع في.. لأ... راحة الراضين في قلوبكوأ
غتوت سابقا... كتكوت غلبان قصاد الدموع حاليا (بس مش حيطوّل ما تاخدوش على كدا)

يااااااااااه ياغتوت
وانا اللى كنت فاكراك.......... وطلعت...........
ههههههههه

مش عارفه اقولك ايه ياغتوت والله
بس انت ثبتلى انك طيب جدااااااااااااااا
وقلبك كبيييييييييير اد البحر هههههه شفت بقا

اللهم امين اللهم استجب دعائك اشكرك كثيرا

Ayman Roshdy
13-02-2008, 03:51 AM
لااااااااااااااااا


ما تاخدينيش في دوكة....


دي كانت حالة طارئة، وحادث فردي زي الحكومة ما بتقول على الستين تلاف حرامي اللي بيسرقوا الشعب واللي كلهم (بالمصادفة) من رجالتها...

إحنا غتتين قوي وساقعين كووول...

أنا سامعكوا عاملين هيصة في الدكانة... جايلكوا.

وجع في حراميتكوا،
غتوت الأفخم

the_chemist
13-02-2008, 12:16 PM
برافو يا زوزو

طفشتيه

آدى ولاد المنصورة يا غتوت

و بناتها حلوين آه بس مجدع

زوزو عادل
13-02-2008, 02:03 PM
اسكت يا ابو امنيه
طفشته ايه
يبقى انت ماروحتش هناك
روح هناك كده وانت هتلاقيه اعد مكانه
ماطلعناش جدعان ولا حاجه
بس وراه وراه

the_chemist
13-02-2008, 09:24 PM
هيتوووووووووووووووووب هيتوب

مفيش حل تانى
ربنا يهدى النفوس