المساعد الشخصي الرقمي

مشاهدة النسخة كاملة : عتريس وفؤاده :)



الصفحات : [1] 2 3

العمدة
16-08-2003, 01:55 PM
شوفوا بئى .. هانبدأ موضوع عبارة عن سيناريو بين زوج وزوجته

نتخيل من بداية الأيام الحلوة ومروراً بأيام الزفاف .. وشهر العسل

والأيام اللي بعد كده .. واللي ما يعلم بيها إلا ربنا .

ما عليك أو عليكِ إلا أن تضيف جملة للزوج .. وللزوجة .

ويستمر للحوار .. وهانشوف مين أصحاب الخيال الواسع

والتصور للأحداث ..

الزوج .. عتريس :p

الزوجة .. فؤاده :)

نبدأ من غير تضييع وقت ..

عتريس .. مسبل عينيه فؤاده ياحياتي ..أنا أسعد واحد في العالم

فؤاده .. جهزت الشقة يا عترو ...

مين بعدي ؟

عتريس ....

فؤاده ......

بنت مصر
16-08-2003, 05:41 PM
عتريس: بجهز فيها يا فؤفؤة بس نتجوز الاول في شقة باباكي
لحد ما تخلص شقتنا يا حياتي ويبقى يقابلنا بقا

أشجان الليل
16-08-2003, 07:58 PM
فؤاده: (بذهول) شقة بابايا...
((هو خلفك ونسيك؟؟ مش كفايه صرف عليا دم قلبه بقاله 25 سنه آهو!!))
طبعا طبعا يا حياتي..
أنت تؤمر يا عترو...
ده ماما هاتطير من الفرح..
((ربنا يستر وتعدي على خير))
وهاتعاملك كأنك ابنها بالضبط..
((دي هاتسن فى السكاكاين من دلوقت))

المهم.. هاتيجي تحدد ميعاد الفرح مع بابا إمتى..؟

العمدة
16-08-2003, 10:01 PM
عترو .. يا حياتي نشرب حاجة وبعدين نلاقي ألف حل وحل

فؤفؤ .. بص زهقت من الليمون وزهقت من كلامك المعسول .. أأأأأوف

فــيــروز
16-08-2003, 11:12 PM
عترو (بيكلم نفسه) دى ورطة ايه دى بقى؟ :eek:احنا آخر الشهر وماعييش اعزمها على مكان عدل :rolleyes:

يبتسم ابتسامه مصطنعه و يقول لفؤفؤ : طيب ايه رايك يا حياتى عشان نجدد النهارده نتمشى على النيل !!:p بقالنا كتير ماعملناهاش من ساعة ما اتخرجنا من الكليه :D

بنت مصرية
16-08-2003, 11:39 PM
(ياد النيلة نيل ايه وبتاع ايه الى هتمشى فيه...أصحابى يقولوا عليا ايه دلوقتى) يلا معلش اهو قدرى وما حدش لاقى عرسان الأيام دى)

ماشى يا حبيبى وماله .. اللى تؤمر بيه يمشى بس المرة الجايه نقعد فى مطعم حلو يا حبيبى
:5:
:)

العمدة
16-08-2003, 11:56 PM
عتريس .. يابني من قالك عايز فل .. :( حد يابني مصلطك علي

فؤاده ... مستخسر في عنقود فل .. والنبي ما انا ماشية معاك

تاكسي ..

بنت مصر
17-08-2003, 12:31 AM
عترو .. استني بس يا فؤفؤ على ايه التاكسي مهو الاتوبيس كويس

فؤفؤ .. يالهوتي .. كمان اتوبيس يا ايحة!!


الناس.. انتي بتزعقي ليه يا انسة تعرفي الواد دا والا بيعاكسك ؟؟

فؤفؤ 00 معرفهوش خالص ولا عمري شفته دا قارفني من نص ساعة

تررررررراخ تررررررررررررريخ ترووووووووووووخ

حلا
17-08-2003, 12:54 AM
ياعسكري ياعسكري تعال شوف شغلك واستلم الشاب الصايع ده :eek:

فؤفؤ فؤفؤ إلحقيني إلحقيني

أنا تركبني اتوبيس ياعتريس؟؟؟؟؟؟؟؟؟؟:mad:

روح خليهم يأدبوك شويه:p

جنان الفردوس
17-08-2003, 01:10 AM
(( يا لهوي دول هيمسكوه بجد... اعمل ايه بس يا ربي .. بس انا لازم اسيبه عشان يعرف ان الله حق ويبطل يبقى بخيل وايحه.. ايوة لازم اسيبه..))

-يا فؤفؤة الحقيني انا كده هتسجن.. قوليلهم اني خطيبك..

- ابعد عني انا معرفكش.. قال خطيبي قال..

م. بسمة
17-08-2003, 02:03 AM
دخل عتريس قسم الشرطه وخرج لفؤفؤ مفأفأ من كرم الضيافه.......
واول اما خرج راحلها البيت وجايب معاه قفصين علشان مايدخلش بايده فاضيه.........

فرحت فؤفؤ وقالت في سرها ((الحمد لله اهو اتعلم وبحبح ايده وداخل بقفصين فاكهه)).........فجريت علشان تسلم عليه وتتاسف له وبتقوله عنك انت بس ده انت شكلك تعبان......

فقالها لا لا ولا يهمك اصلهم مش تقال..

فاخدت منه القفصين وقالتله ايه ده انت جايب فيهم ايه؟؟................!!

فقالها ايوه يا حبيبتي دول فاضيين علشان تلمي فيهم كتب الكليه ونبيعهم لبتاع الروبابيكيا انتي عارفه دول يجيبوا كام........

وبعديييييييييييييييييين..

فــيــروز
17-08-2003, 08:35 AM
وقبل ان تمد فؤفؤ يدها الى القفصين وعلامات الامتعاض باديه على وجهها :44:

تمتد يدان ملظلظتان الى القفصين .. اوبا .. دى الست ام فؤفؤ :52:

ويتبل عتريس و يصبح عرقه مرقه :2: !! وهو يرى حماته تبتسم ابتسامه صفراء وتهز الاقفاص الفاضيه فى يديها باستهزاء وتقول : ياما جاب الغراب !! :45:

العمدة
17-08-2003, 08:50 AM
عتريس .. ياعمي عايزين ربنا يتمم على خير .. وده رابع ميعاد ونأجله

فؤاده .. يابابا ده لجهز الشقة .. ولا عزمني في يوم في مكان كويس

Mrs. Virgo
17-08-2003, 10:21 AM
عتريس: ما تخفيش يا حبيبتي .. الشقه هتجز في يومين ..
والخروجات لما نتجوز هتبقى كثيره قوووي ..
ده انا كل يوم هخرجك ولففك الدنيا ..

فؤاده: صحيح يا عتريس .. بجد يا عتره هتلففني الدنيا كلها .. :8:


ام فؤاده: بعد ما لوت ايد بنتها ورزعتها جنبها على الكنبه علشان تهمد شويه ..
ووالمهر والشبكه .. امتى ان شاء الله هنتكلم فيهم ..
والقايمه يا روح الست الوالده .. هتكتبها انت ولا هنكتبها احنا ..

عتريس: .. :rolleyes: :rolleyes:

العمدة
17-08-2003, 10:32 AM
عترسوو .. ياحماتي أنا علي أبصم .. واكتبوا قايمة ونايمة براحتكم

أنا شاري يا حماتي :(

أم فؤفؤ .. ياما جاب ال....

فؤفؤ ... خلاص ياماما .. عترو هايمضي .. قصدي هايبصم .. مش كده

ياعترووو

عترو :)

ابن البلد
17-08-2003, 10:34 AM
:o

وادكول مش معقول
17-08-2003, 10:41 AM
امضي ...؟؟
( انا هامضي لحال سبيلي احسن:( )
طبعا يا حماتي انتي تؤمري .:rolleyes:... بس متنسيش تزودي في القايمة القفصين دول :1:...


فؤفؤ .:1::1:... ( انا مش عارفة ايه اللي مصبرني ع :rolleyes:الايحة ده )
ههههههه ها ها ها :(:5::(ده بيهزر يا ماما حاكم عترو كده ابن نكته ودمه خفيف

مش كده يا عترو ....


عترو : اه طبعا طبعا
وميل :4:علي فؤفؤ ونزل النظارة علي نص مناخيره وقالها ....
انتم اتغديتم ولا لسه ؟؟

فؤفؤ : من هول الدهشة ...... اه اه طبعا ... دي ماما عاملة النهارده حمام محشي بالفريك

عترو : يا خسارة :3:ده انا كنت ميت من الجوع وكنت ناوي اعزمك بره بس مرة تانية بقه ...

وراح مميل عليها :4:تاني وقال : طيب فيه حاجة علينا يعني ولا الحمام طااااااااااار

العمدة
17-08-2003, 10:58 AM
فؤفؤ .. ياعترو ياحياتي في حبة ملوخية .. بس من غير حمام ياحياتي

عترو .. أنتِ عارفه ياحياتي ماليش في الحمام .. وكمان نوفر عشوه

أبو فؤفؤ .. الساعة واحدة ياعتريس .. واحنا يابني متعودين نطفي النور

الساعة 1

عترو .. وماله ياعمي ده حتى توفير ... وأنا بحب القعدة في الضلمة :)

وادكول مش معقول
17-08-2003, 11:10 AM
عترو ::5:
(جتلي ع الطبطاب علشان بعد كده حسها عينها تقولي هاسهر اتفرج علي التلفزيون يعني كبيرها الساعة واحدة وتدلق تنام )

طيب اي خدمات مني انا بقه ....؟؟ تصبحوا علي خير
بقولك يا فؤفؤ ملقيش معاكي ربع جنيه فكره للاوتوبيس ... لان الوقت متأخر ومش هلاقي حد يفكلي دلوقت

فؤفؤ : ( هو مش هيبطل العادة المنيلة دي )
اه .. :rolleyes: طبعا يا عترو استني ثانية


عترو : طيب خليهم خمسين قرش بقه علشان الصبح بقه لما انزل بدري اكيد مش هلاقي فكه :5:

بنت مصر
17-08-2003, 11:20 AM
فؤفؤ
اتفضل يا عترو ادي النص جنيه اهو
بس والنبي ما تنساش تجيب معاك وانت
جاي الغويشة الدهب بتاعت الشبكة اللي
اخدتها منى عشان تركب لها قفل جامد
انا عارفة انك حريص وبتخاف على حاجتى موت
ياريت بس ما تنساش عشان البسها بعد بكرة وانا
رايحة عزومة مامتك ليا على الغدا
ها :1:

حاضر حاضر

العمدة
17-08-2003, 11:32 AM
عترو .. وأجيب لها الغويشة منيين دي بس ياربي :o

فؤفؤ ... بتقول حاجة ياروحي :)

عترو .. إيه .. ؟ لا أبداً بقول تصبحي على خير :rolleyes:

حلا
17-08-2003, 11:42 AM
الغويشه .....العسكري...فؤفؤ..فؤفؤ :o:o:o:o:o

إيه يامسجون ، إصحى إنت فاكر نفسك فين:confused::confused:


هو أنا لسه في السجن:eek::eek:

حرام عليك يافؤاده، ثلاثة أيام يافؤادة تسيبيني في السجن علشان كنت حركبك الاتوبيس.

هو انت مالكش حد يكفلك يامسجون؟؟؟؟؟؟؟؟؟؟؟؟؟؟؟:p:p

فــيــروز
17-08-2003, 01:08 PM
لا ليا :eek: عتريس فى نفسه : امرى لله :( اكلم الواد فؤاد اخو فؤاده ييجى يكفلنى ولو انه عاوز جنازه ويشبع فيها لطم :rolleyes: ايه الغرامه اللى لا كانت لا عالبال ولا عالنيه دى :confused: خصوصا ده واد عينه فارغه ومايعرفش ابوه و اكيد هيطالب برشوه عشان مايقولش لابوه و امه انى شرفت فى التخشيبه :4: يا شويش :eek:

وادكول مش معقول
17-08-2003, 01:23 PM
الشويش : عاوز ايه يا متهم يا زميل البورش يا وارد اداب
عترو : معلش يا شاويشنا انا بس كنت عاوز اتصل بالتليفون بحد ييجي يضمني

الشويش : يضمنك ؟ ومين يضمن ارباب السوابق خريجين ابو زعبل الا اذا كان منهم وعليهم
عترو : يا شويش ده بس فيه سوء تفاهم انا مش منهم ده انا راجل محترم وابن ناس

الشويش : كلهم بيقولوا كده في الاول وبيطلعوا دواهي وعاملين سواهي


عترو : يا شويشنا انا مش وش ذلك
الشويش : اخرس ده انت ذلك وش كمان

Mrs. Virgo
17-08-2003, 02:03 PM
فؤاد اخو فؤاده: يا شاويش .. بسسس .. بسسس .. شويش .. هو اخينا إلي جوه ده .. هبب ايه !!

الشاويش: وانت تبقى مين علشان تسألني يا وليه ..

فؤاد اخو فؤاده: انا إلي هضمنه يا شاويش .. بس الأول عايز اعرف مش يمكن ما يستهلش ..

الشاويش: اههههه هو انت بقى الزومل .. !!

فؤاد اخو فؤاده: زومل ايه !! انا عمري ما دخلت مكان زي ده ..
قولي بس .. هو متهم بإيه !!! يعني تأبيده ولا أعدام !!

العمدة
17-08-2003, 02:11 PM
الشاويش .. يعني هاتضمنه ونستريح من وشه العكر

أخو فؤه ... أمري لله .. لولا فؤه اللي موتت نفسها من البكا والله

ماأنا سائل عليه ..

الشاويش .. فوت قدامي ياعتريس الزفت أنت ..

يضمنه أخو فؤه .. ويخرجا سوياً ..

عترو .. إعزمني على حاجة سائعه يافؤاد يانسيبي

وياريت لو سندوتشين تلاته أربعه .. وعلبة سجاير وحياة فؤه

فؤاد .. روح ياشيخ منك لله .. دي كانت معرفة مهببة بستين هباب

وادكول مش معقول
17-08-2003, 02:13 PM
الشاويش : مدخلتش مكان زي ده ؟؟؟؟؟؟؟؟؟
ليه ..... انت داخل ماخور يا وله ... ولا مدخلتوش تعمل بطاقة قبل كده ...؟؟
مش باقولك زوووومل .... والله لا الففك كعب داير

فؤاد اخو فؤاده : يا شويش انا ما اقصدش وادي بطاقتي اهي ؟
انا اقصد اني مدخلتش لسبب زي ده قبل كده

الشاويش : اه قول كده ؟ ووضحلي حاكم انا احب النقط تبقي متلغمطة بالحروف

فؤاد اخو فؤاده : طيب قولي بقه يا شاويش عمل ايه المتهم

الشاويش : عمل عمل اسود علي سنينه ... فعل فاضح في الطريق العام
المتهم حاول مسك ايد انسة تدعي ..... تدعي ....
فين اسمها كان لسه قدامي هنا ..... ايوه المحضر اهو ..

اسمها يا محترم ....؟؟؟؟؟

يا سنة سوخة يا ولاد ... ده نفس اسم الاب ... والجد كمان ...

دي المجني عليها تبقي اختك يا محترم ..



فؤاد ... وضحكة صفراء مع امالة بسيطة ووشوشة في اذن عتريس ..
ها ... قلت ايه يا عترو ... عملية زي دي ما اخدش فيها اقل من 100 لحلوح ...

ولا اقول للشاويش اتخذ اللازم .........



عترو : امري لله ( بس انا وانتي يا فؤاده والزمن طويل ... اما خصمتهم من المهر مبقاش انا عترو )
خد يا عم فؤاد بس خلصني بسرعة ...

ابن البلد
17-08-2003, 02:17 PM
:o

العمدة
17-08-2003, 02:24 PM
أجتمع شمل العائلة في منزل العروس

فؤه .. معلهش ياعترو

عترو .. حصل خير يافؤه

أم فؤه .. وهاييجي منيين الخير :mad:

فؤه .. أكيد جعان يا عترو ;)

عترو .. :4: بالهمس .. وعلى لحم بطني

فؤاد ... :eek:

ابن البلد
17-08-2003, 02:30 PM
:rolleyes:

وادكول مش معقول
17-08-2003, 02:39 PM
فؤه : طيب ثواتي يا عترو وانا اعملك حاجة خفيفة
عترو : وثواني وحاجة خفيفة ليه ؟؟؟ انا مستعد استني يا ستي وتقلي الخفيف


عترو في باله : هو يبقي حبس وغرامة 100 جنيه وحاجة خفيفة اخرتها



فؤه بعد 15 دقيقة : اتفضل يا عترو حاجة علي ما قسم
عترو : (وليه علي ما قسم بس ما تلاقيه ده كبيركم .... وريني جابت ايه )
يا نهار اخبر وزي الطين ..... بيض بالبسطرمة ..... وكمان البسطرمة قليلة ....

العمدة
17-08-2003, 02:56 PM
أم فؤه .. هو ده إيه أصله .. مش عاجبك الأكل .. سيبك منه

قال من كتر الشيل وهو داخل ... بلا هم :mad:

عترو .. ياحماتي أنا من شهرين داخل ومعاي كيس جوافه قد كده :(

بسرعة تنسوا ..

فؤه .. بص بئى أنا اتحملت اللي ماحدش اتحمله :eek:

يا تاكل يا مع ألف سلامة ... أه :1:

حلا
17-08-2003, 06:30 PM
لالالالالالالالالا آكل طبعاً، بس ماتنسيش ياحماتي بكرة أنا وفؤفؤ هنروح نشوف الشقة.

فؤاده والأم: الشقة:9: وأخيراً

أيوه يحماتي أيوة الشقة :p

ومين قال أنا أسمح لفؤفؤ تروح تشوف معاك الشقة لوحدها ، أنا لازم أروح معاكم.;)

العمدة
17-08-2003, 10:16 PM
عترو ... ياحماتي هاتروحي فين ده المشوار بعيد وانتِ عندك الضغط

والحاجات الحلوة كلها

أم فؤه ... بئى اسمع ياعتريس النحس انت .. يا فيها ياخفيها أنت فاهم

جنان الفردوس
18-08-2003, 02:19 AM
(( اعوذ بالله من اولها كده امال بعد الجواز هتعمل ايه ..!!!))
- طبعا يا حماتي انت تنورينا.. انا بس خايف عليك احسن تتعبي..
- لا متخافش مش هتعب ولا حاجة..
- طيب يا حماتي..
(( يا رب تقع في بلاعة واحنا ماشيين ولا تتكعبل في نملة ولا اي حاجة تاخدها وتريحني منها..))
فؤفؤة: عترو حبيبي انت سرحت في ايه..
عترو: هه ..!! لا ابدا ولا حاجة..
- يالا بينا..

بنت مصر
18-08-2003, 06:46 AM
عترو: طيب بس لحظة يا حياتي اتصل بماما أصلي متعود
ما اخطيش خطوة الا لما اقول لها عليها ربنا يخليها لي

فأفوءة بتأفف: هيهيهي قول لها يا حبيبي قول

- الو ازيك يا ماما وحشتيني اوي .. انا بس حبيت استأذنك اني
اخرج انا فوءة وحماتي سوا

- ليه انشاء .. وبسلامتها حماتك رايحة معاكوا تهبب ايه وفين ؟

- رايحين نقابل المقاول حيفرجنا على شقة

- آه يا ميلة بختك يا أم عترو بدل ما ياخد أمه رايح يا خد حماته
شوف بقا يا عترو يارجلي على رجليكوا يا اما لا انت ابني ولا اعرفك

- بس كده يا ماما دا انتي تنورينا

- حنعدي عليكي حالا البسي واجهزي يالا

(ويل يا ويل الحماوات الفاتنات حيتقابلوا)

وادكول مش معقول
18-08-2003, 08:51 AM
وبعد خناقة دامية بين عترو ... وفؤفؤ و امها .... حول ... تاكسي ولا اتوبيس ؟؟

كانت الغلبة للحماه بركوب التاكسي وتدبيس المدعو عترو في 20 جنيه بونديره .. وطبعا بعد ما طلع من السيدة علي شبرا يجيب امه

وكان عترو ثائر البركان نتيجة شظايا البونديره وحمم غمز ولمز الحموات الفاتنات ...

ماما ... حماتي .... اتفضلوا ... اهي العمارة ...

ام فؤفؤ : عمارة ؟؟
بسم الله الرحمن الرحيم .... فين يا ابني ؟؟ دي حته صحراء ... في وسطها بيت مهجور

عترو : لا متقلقيش .. المنطقة هتتعمر بسرعة ... ما هو وضع ايديه علي كل الارض بتاعت المنطقة وضربلها ورق

فؤفؤ :: ( مصدومة من هول المنظر ؟؟؟ :eek::eek::eek:)

ام فؤفؤ : لا يا اوووووووووحي انا بنتي مش رمية ولا بايرة علشان ارميها الرمية السوداء دي

دي اخر الدنيا ... انا خايفة الف ورا البيت اقع من ع الكرة الارضية


ام عترو : ليه يا حبيبتي ... وهو انا اللي ابني لقيه ورمية .. ده ست ستها تتمناه بس هو يشاور


فؤفؤ :: ( مازالت متننحة ومصدومة من هول المنظر ؟؟؟ :eek::eek::eek:)



بينما عترو قاعد علي قالب طوب ويديه علي خديه وعيناه زائغة بين امه وحماته يستمع الي وصلة من ..


اجمل وارق وصلات الردح الحمواتي ....

العمدة
18-08-2003, 08:35 PM
أم عترو .. بصي ياحبيبتي :8: أنا سألت واطأست وعرفت اللي فيها

بنتك كل مايروحلها عريس شهر شهرين ويطفش :D أه

أم فؤه .. نعم نعم يادا العادي :eek:

أقعدي معووج واتكلمي عدل .. بألك إيه :4:

عترو .. ياماما مش كده :( الناس ياحبيبتي

فؤه .. ياماما مش كده كل مرة تتقابلوا تعملوا الحكاية دي والوصلة دي :mad:

Mrs. Virgo
19-08-2003, 08:08 AM
ام عترو .. قصدك ايه !! اني انا السبب ... ده بدل ما تقف جنبي في وشهم!!

ام فؤفؤ.. يلى بينا يا فؤاده .. بكره يجيليك إلي احسن منه ..
يهننك ويستتك .. ويفرشلك الأرض ورد ... مش الكحيان البخيل ده ..

ام عترو .. كحيان في عينيك .. ده انا ابني يشتري اجدعها
بنت .. ..

ام فؤفؤ .. ده انا بنتي ست الستات .. كان طالب ايدها راغب علامه
بس ابوها قال ولا يمكن ابدا بنتي تتغرب وتبعد عني ..

العمدة
19-08-2003, 08:14 AM
أم عترو .. راغب مين يا حبيبتي .. يكونش راغب بتاع القوطة

أم فؤفؤ .. لآ ياحبيبتي .. بتاع القوطة والبطاطا تعرفوه أنتو

أحنا مستوانا فوء ..... ( فوق )

أم عترو .. فوق فين ياحبيبتي .. على السطوح :)

مين هايشعللها :)

وادكول مش معقول
19-08-2003, 11:18 AM
وسمع اخر الكلام فؤاد اخو فؤاده اللي جه بناء علي مسج من فؤاده
( بما ان الرصيد بح بقه واوفر من المكالمة)..... وكان مضمون الرسالة ....
( امك وحماتي ناويين يعنسوني ده انا ما صدقت .... الحقني وانا هاديك الخمسين جنيه اللي طلبتهم )


فؤاد اخو فؤاده : (عامل فيه عم الخفيف و بتهريج رخم زيه ) علي يدي ....

راغب كان قاعد هنا ..... وامه طنط علامة كانت واقفه هنا ....

وفؤفؤ علي صرخة واحده مخدوش ياماما مخدوش .... ههههههه اصله وقع اتخدش ههههه




مالكم يا جماعة بس ايه الموضوع ....
( مع وشوشة بسيطة جنب فؤفؤ .... لاغيني بدل ما اشعللها واهرشي وعكميني ال 50 جنيه )

العمدة
19-08-2003, 11:47 AM
فؤفؤ .. خد الخمسين ملطوش .. :( والحق الموضوع هايتفركش :4:

فؤاد .. يهمس لمامته :4: ياماما ماصدقنا نلاقي واحد زي عترو :o

أم فؤفؤ .. أسكت ياواد أنت أصلك مش عارف حاجة :rolleyes:

الناس دي ماتجيش غير بالعين الخضرا :8:

عترو .. يلا ياما هدي نفسك .. علشان خاطري .. وحماتي هاتعزمنا عـ الغدا

:1::1::mad::mad:

وادكول مش معقول
19-08-2003, 11:55 AM
عترو :
( في باله : يادي الغرامة عزومة ايه اللي بيقول عليها السنكوح ده ما انا عارف امي وعمايلها هتبعتني تقولي هات وهات وهات وبعدين احاسبك ...... والحساب يجمع .... وساعة الغدا نلاقي طبق البصارة المتين وتقول انا قولت اغيرلكم تلاقيكم زهقتم من اللحمة والفراخ ..... والتلاجة تتملي علي قفايا )


اه وماله دي حته ماما طبخها جناااااااااااااااااااااااااان ..


فؤفؤ : اه انت هتقولي دي طباخة هايله
( في بالها : بأمارة البصارة والكشري والعدس والكشك وفي العيد ..... فسيخ من اللي يوجع البطن)

العمدة
19-08-2003, 10:08 PM
بفضل فؤاد المرتشي :( ورغبة فؤفؤ في نهاية موقف ظنت أنه ليس

في صالحها :)

وعترو اللي بدأ يقترب من فؤفؤ لآنها اقتربت منه لأول مرة

ووقفت ضد مامتها :eek:

وفي جلسة عائلية .. :7: تقارب الجمع واتفقوا في الرأي :4:

وتم موعد الزفاف للم شمل عترو فؤفؤ :8:

وبدأ الحديث عن أعداد المعزومين لكلا الطرفين :cool:

وفي إي نادي :rolleyes: ووضع اللمسات الأخيرة :5:

وادكول مش معقول
20-08-2003, 11:57 AM
وكانت هنا الطامة الكبري

فؤفؤ : اقولك علي حاجة يا عترو يا حياتي ؟؟ بس توعدني متفهمش غلط ومتزعلش ؟

عترو : قولي يا حياتي ( قولي قالت ايامتك ما انا عارف كلامك دبش )

فؤفؤ : انا مش عاوزه قرايبينك بتوع الفلاحين ييجوا .... مش منظر الجلاليب والعمم يعني

عترو : ( اه ... ابتدت تدوس في الحلل وتلغمطها ) ... لا ازاي يا فؤفؤ مينفعش ..
ازاي يعني اقول لاهلي وعمامي متجوش علشان الست هانم مش عاوزه تشوف جلاليب
ولا تحبي نكتب عالدعوة ممنوع اصطحاب الاطفال والجلاليب ...؟؟


فؤفؤ : مليش دعوة اتصرف ؟؟؟ منظري ايه يبقي
قدام صحباتي ....؟
وقدام قرايبي .....؟


عترو : قرايبك ؟؟؟؟؟؟؟؟؟؟؟؟؟؟؟؟؟؟؟؟؟؟

شلاه يا قرايبك ..... مين عم حامد المنجد ولا فاروق السروجي ...

ولا لا تكوني خايفة .... لا عمتك فوقية الخاطبة لا تقول حاجة

العمدة
20-08-2003, 12:18 PM
فؤفؤ ... بقولك إيه :mad: المنجد ده أحسن مليون مرة من بتاع

الفسيخ :eek:

عترو .. يا بنتي بتاع الفسيخ ده يشتري الشارع بتاعكم :(

فؤفؤ ... عترو .. أنا قلتها كلمة قرايبك وبالجلاليب :o إسمح لي

عترو .. غصب عن جدك بتاع البطاطا هايكونوا أول ناس ... آه :rolleyes:

Mrs. Virgo
20-08-2003, 01:25 PM
أم فؤفؤ: .. وقد تدخلت علشان مش عايزه بنتها تقعد في بوزها بقيت عمرها وتعنس .. .. طيب يا عتريس يا ابني ما انت ممكن تطلب منهم
يجوا الحفله ببدل رسميه ..

عتريس: .. طيب وهما هيعرفوا يعني ايه بدل رسميه يا حماتي ..
عموما احاول .. اجرب اسألهم وارد عليكم ..

فؤفؤ: .. عتريس .. بذمتك .. ترضى فرحنا إلي هيكون في فندق 5 نجوم
ويغني فيه 5 مطربين مشهورين .. وترقص قدمنا في الزفه 5 رقصات .
يحضروا قرايبك بالجلابيات .. ياااااي .. يا مامي .. مش قدره اتخيل المنظر ..

عتريس: :1: 5 ايه يا اختي !! ايه موضوع ال3 خمسات دول !!
مين اتفق على كده ان شاء الله !!!!!!!! :1:

فؤفؤ: :o انا عايزه فرحي يكون كده .. كله خمسه وخميسه ..

ام عتريس: ليه ان شاء الله .. خايفه من الحسد يا اختي !!

فؤفؤ .. يا طنط مش موضوع حسد .. بس انا عايزاه كده ..

عتريس .. بت يا فؤاده .. انت ادلعتي قوووي ..

فؤفؤ: خلاص مش عايزه اتجوز .. هو ايه القرف ده ..

ام فؤفؤ: عيب يا فؤاده ما تزعليش عريسك .. :rolleyes: (هيرب يا مضروبه - واحنا ما صدقنا) :rolleyes:

العمدة
20-08-2003, 08:42 PM
فؤفؤ .. أصل دي حاجة تجنن ياما :mad:

لا شبكة عليها القيمة :eek: ولا فندق تسع نجوم :( ولا فستان زي

اللي شفته على كامبي :o

عترو .. بصي ياحياتي أنا نفسي أجيبلك القمر :4:

لكن أعمل إيه .. العين والأيد والرجل .. كحيتي :1:

فؤفؤ .. لا ياعترو ياحبيبي كله كوم والأوتيل حاجة تانيه خالص

عترو :6::6:

وادكول مش معقول
22-08-2003, 03:15 PM
عترو : اوتيل ؟؟؟ انتي اتجننتي ولا ايه ؟؟
ماله السطح ده سطح امي يساع من الحبايب الف ....

فؤفؤ : سطح ايه اقولك مش عاوزه جلاليب ... تخليهم سطح وجلاليب كمان

عترو : قولي الحمد لله يا فؤفؤ ده انا هاجيبلك مع الحاجة الساقعة كمان سنتدوتشات رومي

فؤفؤ : رومي ؟؟ حاجة ساقعة ؟؟ ليه هو مفيش اوبن بوفيه كمان ..
ناقص تقولي ان مفيش دي جي كمان ؟؟

عترو : اوبن ايه يا اختي ؟؟ هيا ميغة ولا ايه ؟؟ هو مال سايب
ودي جي ايه اللي بتقولي عليه ده ...

ده انا عاملك مفاجأه حلوة ...

اتفقتلك مع الاسطي شعبان عبد الرحيم بعد ما يقيفلي بدلة الفرح ويكويها يسك المحل ويطلع الفرح يفقعلنا كام ... وإإإإإإإإيه ...

حلا
22-08-2003, 03:41 PM
[فؤفؤ:(، عترو أنا خلاص بطلت أتجوز، لاهتجوزك ولاهتجوز غيرك، أنا قررت إني أعنس أحسن.

عترو: :(ليه ياحبيبتي هو أنا عملتلك إيه.

فؤفؤ: عملتلي، ما هي دي المصيبة عملتلي إيه، وهتعملي إيه، أنا خلاص مش عاوزه حاجه منك:(

عترو: فؤفؤ حبيبتي

فؤفؤ: هو اللي بحب بيعمل كده في حبيبته:(

عترو: فؤاده:)

فؤفؤ: خلاص خلاص ياعترو أحنا مش لبعض

عترو: لايافؤفؤ أنا اللي خلاص هعملك كل اللي انت عايزاه، هو أنا كم فؤفؤ عندي;):8:

فؤفؤ: أنت متأكد

عتروا : أيوه متأكد

فؤفؤ: كلو خمسة في خمسة
عترو: خمسة في خمسة:eek:، آه آه آه

فؤفؤ: مالك ياحبيبي:)

عترو: لمافيش ياحبيبتي، بقولك، ايوه أيوه كلو خمسه في خمسه المهم نتجوز وخلاص:rolleyes:

فؤفؤ: ربنا يخليك ليا ياحبيبي، يارافع راسي ، يا أحلى عترو في الدنيا:8:

عترو:ويخليك ياحبيبتي:8:


(محدش ينكد عليهم خلاص، هما عاوزين يتجوزو، سهلوها ربنا يسهل لكم)