المساعد الشخصي الرقمي

مشاهدة النسخة كاملة : الملوخيــة بالجمبــري



te3mah
09-08-2003, 05:49 PM
الملوخيــة بالجمبــري

طريقة التحضير:
1- يتم تجهيز الجمبري وتقشيره.

2- والملوخية أيضا يتم خرطها كالمعتاد فى الطبخ العادي.

3- يتم فرم بصلتين ووضعهم مع الجمبرى حتى يتم تشويحهم عن طريق شرب ماء الجمبرى وذلك دون اضافة ماء.

4- بعد ان تشرب البصل ماء الجمبرى يتم اضافة معلقة زيت من اى نوع مستحب حتى يتم تشويحهم.

5- يتم اضافة كوب من عصير الطماطم وذلك حتى يتم تسبيك الطماطم.

6- نضع ماء حسب كمية الملوخية +بعد غليان الماء يتم وضع فصين من الثوم والفلفل الاخضر بعد دقهم.

7- يتم بعد ذلك اضافة الملوخية الى الخليط.

8- يتم طش الملوخية بالثوم كالطبيخ العادى.


وبالهنا والشفا

ابن البلد
09-08-2003, 06:25 PM
ممكن أقول يععععععععععع واخرج تاني ههههههه
بس انا مجربتش بصراحه ملوخيه بالجمبري
بس شكلها يع :(
علي العموم تسلم أيدك يا طعمه بس برضك يععععععع ههههههه :D

te3mah
09-08-2003, 08:50 PM
ههههههههههههههههههههههه
واضح إنك مش عايش في مصر يا ابن البلد
لإن الملوخية بالجمبري أكلة مشهورة جدا عند السواحلية
(الاسكندرانية وبور سعيد والسويس وجميع المدن الساحلية)
ودي معلومة معروفة على مستوى مصر كلها
أنا ماجربتهاش بمنتهى الأمانة
بس نفسي فعلا أجربها
ومستنية لما الجمبري يرخص شوية :5: :5: :5: :5: :5: :5:
هههههههههههههههههه

بنت مصر
09-08-2003, 09:55 PM
طعمة حبيبتي احنا مش بنعملها كده خالص
احنا بنعملها دايما وانا بحبها جدااااااااااااا وهي فعلا رائعة

اسمعي الطريقة بتاعة الاسكندرانية طيب وماما اهي جنبي بتراجع عليا
بتشوفني فالحة والا لأ


1- كمية الشوربة اللي بتجهزيها للملوخية تستبدليها بالماء العادي
ويوضع على النار مع الملح المناسب والفلفل الاسود

2- بعد ان يتم الغليان تضاف بصلة واحدة مبشورة نية جوا الماء المغلي
ويترك ليغلي لمدة خمسة دقائق ثم يضاف اليه الجمبري المقشر
ويترط ليغلي لمدة 10 دقائق وهي كافية لنضج الجمبري مع اضافة
قليل من الثوم المفروم النيء والكزبرة الناشفة

3- يضاف اليهم نصف كوب طماطم مصفية ثم تضاف الملوخية اليهم

4- التقلية عبارة عن ثوم مفروم وكزبرة ناشفة وفنجان زيت او حسب
ما تتطلب الكمية ويحمر ثم يطش ثم تتخضي وانتي بتطشيها

وبالهنا والشفا


بسنت

te3mah
09-08-2003, 10:26 PM
كاتب الرسالة الأصلية : بنت مصر

ثم تتخضي وانتي بتطشيها
قصدك تشهقي :5: :5: :5: :5: :5:

بنت مصر
09-08-2003, 11:25 PM
هههههههههههههههههه:5:
هههههههههههههههه:5:
ههههههههههههه:5:

ايوة شهقة :D

بنت مصر
09-08-2003, 11:25 PM
هههههههههههههههههه:5:
هههههههههههههههه:5:
ههههههههههههه:5:

ايوة شهقة يا طعومة يا عسولة :D

ابن البلد
10-08-2003, 08:06 AM
سواحيله طيب يبقه مفيش غير بسنت وأسامه يس و بحر الإسكندريه والناس دي بقه اللي جربتها
علي العموم أنا خليني في الرز و الشيش طاوك احسن ههههههه

Mrs. Virgo
10-08-2003, 10:04 AM
سمعت عنها من زمان ..
وسمعت انها حلوه قوووي ..

ونفسي ادوقها ..

تسلم ايدك يا طعمه .. ويا بسنت ..

ما فيش واحد سواحلي جدع
يعزمنا على الأكله دي نجربها عنده!

مصراوى
10-08-2003, 02:20 PM
:1::1:
يا ميس فيرجو
:4:
ده مقلب معمول علشانك
إوعى تجربيها
يا سسسسسسسسسسسسسسسساتر
طعمها لا يطاق
مع الاعتذار لطعمة وبنت مصر وكل الأخوة السواحليه
:p:p

ميادة
10-08-2003, 02:58 PM
بسم الله

هروح اقولها لماما يمكن تلحق تعملهالى واحنا لسه فى اسكندريه
ههههههه
شكرا يا طعمه وسيبك من ابن البلد ومصراوى انا كل يوم عايزه اكله سواحلى
ماهو مش انا اللى بطبخ

بنت مصر
10-08-2003, 04:42 PM
طيب جربي طيريقتي انا بدل ما تخلي طعمة تجرب فيكي :5:

اصل طعمة ليها في الشعر وتوفيق الروس في الحلال
يبقى تسيب لي بقا الاكل انا :D

سلوىاحمد
02-06-2008, 06:38 PM
هى الملوخية لوحدها جميلة والجمبرى لوحده لذيذ اكيد مع بعض حاجة حلوة قوى