عاوزين تتعلموا ازاي تعملوا خلفيات روشة زي بتاعتي؟؟ تعالوا اقول لكم [الأرشيف]

بنت مصر

06-08-2003, 10:32 PM

سلام عليكم اعضاء المنتدى الغاليين
ولو انه سر من اسرار المهنة ولكن
ما يغلاش عليكم ابدا انا سخية
وبقدم خدماتي فري :D

اللي عاوز يتعلم بقا يحط في صندوق النذور اللي برا
تبرع باسم بسنت على ان يكون المينيمام تشارج
خمسين لحلوح كل لحلوح ينطح اخوه :5: :5:

الخطــــــوات

1- 2 كوب سمن ههههههههههه
لالالالا اقصد تضغط اضافة رد وبعدين حتظهر فوق الاكواد بتاعة الخط
اضغط على الكود اللي متعلم عليه في الصورة

ويتبع ...................

بنت مصر

06-08-2003, 10:38 PM

الخطوة التانية بقا واللي عليها الرك

2- بعد الضغط على كود تنسيق النص
حيفتح لك صفحة صغيرة لونها بنفسجي

أهم شيء تعلم علامة صح على المربع اللي على اليمين جنب
كلمة الخلفيةثم تضغط على استعراض (موجود صورة توضيحية)

ويتبع ................

بنت النيـل

06-08-2003, 10:43 PM

فيها لااخفيها

خخخخخخخخخ

بالنص يابسبوسة

:75:

بنت مصرية

06-08-2003, 10:45 PM

شكرايا بسنت على الموضوع ده
:)

بنت مصر

06-08-2003, 10:45 PM

الخطوة التالتة

حيفتح شباك تاني موجود فيه الخلفيات اللي بتكتب عليها بالوان مختلفة
اكتر من 100 خلفية كل خلفية اجمل من التانية

دبل كليك (يعني اضغط مرتين) على اللون والشكل اللي يعجبك
وما تنساش تختار لون الخط اللي يناسبك وكمان من صفحة الابتسامات
اللي موجودة على اليمين باسم المزيد حتلاقي صور كتير تستخدمها
في تزيين الصفحة ............ ويلا بالهنا والشفا

اللي بقا لسة ما فهمش يسألني وانا اقول من تاني

تحياتي

بسنت

بنت مصر

06-08-2003, 10:47 PM

طيب بس جربي الاول يا بنت النيل حتطلع معاكي خلفية ولا ميدان شبرا :5:

وقولي لي عملتي ايه وانا منتظرة عشان اساعدك

بسنت

بنت مصر

06-08-2003, 10:59 PM

العفو بنت مصرية واي خدمة بس اؤمري :)

بسنت

بنت النيـل

06-08-2003, 11:04 PM

سالخير

على فكرة يابسبس انا عملت اللى فات ده كله قبل كده

ولما اضفت الرد طلع النص عادي بدون خلفيات

علشان كده بعت اسألك

بنت مصر

06-08-2003, 11:20 PM

اكيد يا بنت النيل ما علمتيش على المربع اللي على اليمين
اللي في الصورة بتاعة الخطوة التانية جربي تاني وقولي لي
لانها مش معضلة دي خطوات واحد اتنين تلاتة وبس يعني انا مش بعمل الاخطوات

بسنت

بنت مصر

06-08-2003, 11:23 PM

يعني في السريع اهو رد
بخلفية عملته في ثواني

ايه رأيك بقا

يلا اتجدعني شوية

بسنت

بنت النيـل

06-08-2003, 11:48 PM

حاضر
علم وجاري التنفيذ
بس خليها بكرة
احسن النت بطئ قوي قوي :(

بنت مصر

06-08-2003, 11:58 PM

طيب اعملي ريستارت وادخلي برقم زيرو تلت سبعات زيرو تلت سبعات

جنان الفردوس

07-08-2003, 01:19 AM

ياه .. أخيرا عملتها .. مش ممكن ..
مش مصدقة ..
ألف شكر يا بنت مصر ..
بجد بجد .. انت عبقرية ..
بس انا برضه خبرة.. ولا ايه ..:5:

جنان الفردوس

07-08-2003, 01:21 AM

لا باظت ..
مش عارفه اعملها ازاي..
الخلفية مطلعتش..
اعمل ايه دلوقتي..:(
:2: :2:

te3mah

07-08-2003, 05:36 AM

جزاكِ الله خيرا يا بسنت :)

بنت مصر

07-08-2003, 07:44 AM

عارفة ليه ما طلعتش يا جنان الفردوس
لانك لازم الكتابة اللي انتي كتبتيها
تعملي لها حاجة من اتنين ..
اما انك تظلليها الاول وبعدين تضغطي
على كود تنسيق تنسيق النص اللي في
الخطوة الاولي .. او انك بعد ما تضغطي
على الكود تكتبي جوا المربع المخصص للكتابة

زي ما انا موضحة دلوقتي في الصورة المرفقة
انتي بقا عملتي الكود بس للاسف ما كتبتيش
جواه كتبتي برا الكود يعني

شوفي الصور حتلاقي المكان اللي
المفروض كتابتك تكون جواه

بنت مصر

07-08-2003, 08:00 AM

طعمة حبيبة قلبي والله اني بتفاءل لما بشوفك
في مواضيعي كفاية دعوتك الحلوة دي عالصبح

جزاكي الله كل الخير يا غالية

بسنت

بنت النيـل

07-08-2003, 01:16 PM

انا كتبت جوة مستطيل الكتابة وبرضه الخلفية لم تظهر :(

اكيد ابن البلد متفق معاها

الخلفية يعني هاهاهاها

بنت مصر

07-08-2003, 01:30 PM

انا دخلت على ردك اللي بتباركي فيه لبحر يا بنت النيل
وعرفت انك نسيتي تحطي علامة صح في المربع
اللي جنب كلمة الخلفية فانتي طبعا اخترتي
اللون بس ما علمتيش جنبه فالامر مش
كامل يا بنت النيل

بسنت

بنت النيـل

07-08-2003, 01:43 PM

مممممممم

يخرب بيت النسيان وسنينه

مشاغل بقى هاهاهاها
خلاص ح اجرب في موضوع تاني
ومن دلوقتي ورايح ح اهريكم خلفيات :) :)

بنت النيـل

07-08-2003, 01:49 PM

هييييييييييه

نفعت :) :)

أشرف المجاهد

07-08-2003, 03:15 PM

بسم الله الرحمن الرحيم

رائع رائع كل ما تقدميه أختنا الغالية بنت مصر :):)

تحياتى وتقديرى لك :4::5::9:

وجزاك الله كل خير

بنت مصر

07-08-2003, 03:38 PM

طلعتي روحي يا بنت النيل على بال ما اتعلمتي الطريقة
لكن لو كنت بقا بعلمكم موضوع في اللغة العربية والا الثقافية
كان زمانك فريررررررررررررررررره بس برضه الف مبروووووووك:D

مبروك كوكب على التصميم الجميل
بصراحة ما شاء الله عليك صاروووخ
555555555 في وش العدوووووو :5:

اسكندرانى

07-08-2003, 03:48 PM

شكرا يابنت مصر يا أصيله

بحر الإسكندرية

07-08-2003, 03:57 PM

بسم الله الرحمن الرحيم

ان شاء الله تنجح التجربة

بنت مصر

07-08-2003, 04:03 PM

العفو يا اسكندراني يا متمكن
ماشاء الله عليك

يا بحر اسكندرية
غلطتك انك الكود في مكان والكتابة اتكتبت برا الكود
راجع التعليمات والخطوات وان شاء الله تظبط معاك
ولو عصلجت قول لي وانا اهو في الخدمة

بسنت

بحر الإسكندرية

07-08-2003, 04:13 PM

بسم الله الرحمن الرحيم

يا رب تنجح المحاولة دي

بحر الإسكندرية

07-08-2003, 04:18 PM

دي شكل الكتابة اللي بتظهر قبل إضافة الرد :

[ CELL="filter: glow(color=blue,strength=12);"] [ COLOR=royalblue] الكتابة هنا [/COLOR ] [/CELL]

ايه الغلط بقى ؟؟ :( :(

lina

07-08-2003, 05:34 PM

Shokran bent masr,,bas so2ali hal min al mmkin edafat 7'alfeyya lel kalam min el pc 3andi?? Or el mafrood asta3mel el backgrounds el mawgoodah?

Regards
Lina :)

بنت مصر

08-08-2003, 12:33 AM

الغلط يا بحر انك نقلت الكتابة بتاعتك من مكانها
انت اكتب في الخانة واضغط اعتمد
واي اكواد فوق او تحت سيبها مكانها
انت بقا بتحرك الكتابة وتنقلها من المكان
اللي نزلت فيه فدا بيعمل لخبطة للكود

يالينا للاسف ما ينفعش اضافة خلفيات من جهازك
لازم من اللي احنا محملينهم في المنتدى بس

بسنت

جنان الفردوس

08-08-2003, 01:52 AM

يا رب تنجح المرة دي..
لحسن انا هموت لو مانجحتش

جنان الفردوس

08-08-2003, 01:56 AM

هييييييه.. هيييييييه.. نجحت ..

عروسة النيل

08-08-2003, 01:59 AM

معلش يا اخت جنان الفردوس انا مش فاهم حاجة

ممكن توضيح اكتر

اخوك يا عروسة النيل

بنت مصر

08-08-2003, 09:52 AM

مبروك يا نجحت التجربة الف مبروك

n3na3aah

08-08-2003, 12:24 PM

يا رب اكون فالحه و اجيبها من اول مره لما اشوف

n3na3aah

08-08-2003, 12:30 PM

لييه بقه وااااااء:6:

بنت مصر

08-08-2003, 12:30 PM

نعناعة حبيبتي
امسحي كل الاكواد كلها كلها
وخلي الكتابة بس وبعدين اعملي عليها تظليل
وافتحي تنسيق الصفحة وبعدين اختاري من جديد

وانا مستنية اهو

بسنت

n3na3aah

08-08-2003, 12:33 PM

يا سلام اشمعنه المرادي يعني بس عمتن ميرسييييييييييييييييييييييييي و انا حبهدلكه تصاميم انشاء الله

بنت مصر

08-08-2003, 12:35 PM

برافو برافو برافو نعوعة :17:
مبروووووووووووووك :86:

بحر الإسكندرية

08-08-2003, 05:05 PM

يا مسهل يا رب

يا ريت تنفع المرادي

بحر الإسكندرية

08-08-2003, 05:18 PM

بسم الله الرحمن الرحيم

يا مسهل يا رب

n3na3aah

08-08-2003, 05:18 PM

انا مش بعرف اعمل بتاع الحركه ده ليه

n3na3aah

08-08-2003, 05:26 PM

يمكن المره ده

nilli

08-08-2003, 05:47 PM

شكرا يا أختي الغالية بنت مصر
على الموضوع الجميل
تسلم ايدك :)

الله يعطيك العافية و يوفقك

تحياتي لك
اختك نيللي

بنت مصر

08-08-2003, 06:14 PM

برافو عليكي نيللي الغالية
الف شكر على تشجيعك ودعائك
وانتي ما شاء الله عملتي الخلفية صاروخ
55555555555555 في وش العدو:D

بسنت