المساعد الشخصي الرقمي

مشاهدة النسخة كاملة : مواقف ..



جنان الفردوس
27-07-2003, 01:47 AM
في حاجة كده فكرت فيها ..
ايه رايكم لو نعمل لعبة مواقف .. بحيث ان كل واحد يقول عن موقف مضحك حصل معاه .. وكل 20 موقف .. نختار واحد ليفوز ..:o

وبما أن انا اللي هقدم الهدايا للفايزين .. فأنا بقول نخليها هدايا بسيطة;)..يعني مثلا ..( موبايل لعبة .. كيس شبسي .. مصاصا .. شهادة استثمار بربع جنيه..كده يعني ..):p

وكمان ممكن نخلي فيه مراكز .. يعني مركز اول وتاني وتالت..
أنا بقترح ولو اللعبة عجبتكم ..
انا في اتم الاستعداد ..:)

Mrs. Virgo
27-07-2003, 09:29 AM
:) بحيكي بشده ..

جنان فكره روووووعه ..
وياريت انتي تبدأي .. :)

جنان الفردوس
28-07-2003, 12:31 AM
لا انا مش هبدا غير لما انتوا تبدأوا ..
انتوا بس قولوا وانا وراكم على طول ..:)

وادكول مش معقول
28-07-2003, 07:35 AM
يا بنتي ابتدي ..........

يلا ابتدي .... ان شاء الله ميكونش في المسابقة غيرك انتي وفيرجو وانا

حتي الواحد يضمن مركز من الثلاث مراكز ويضمن علي الاقل كيس الشيبسي


بس المصيبة لا واحد فينا احنا التلاثة ياخد مركز رابع

Mrs. Virgo
28-07-2003, 08:04 AM
:confused: جنان .. مش انت صاحبة الموضوع .. :confused:

انت لازم تبدأي .. تشجيعا للأخرين .. :D
يعني بعد ما نضحك عليكي ..
يبتدي كل واحد يطلع إلي عنده .. ;)

خالد المصرى
28-07-2003, 08:12 AM
شكراً يا جنان على فكرتك :)

عموماص مرة كنت فى الاسكندريه وفى سوبر

دخلت سيدة بس كانت جميلة شويه المهم معاها بنت صغنونه عسل

خالص جدا ً .......شويه والبنت بكل براءة

ماما يا ماما ;) ماما يا ماما

عايزين نشترى لسان عصفور عشان ناكل رز بلبن :rolleyes:

انا لحد دلوقتى مش قادر امسك نفسى من الضحك :p

Mrs. Virgo
28-07-2003, 09:08 AM
:confused: لأ يا خالد ..
انت هتضحك علينا ولا إيه ..

احنا عايزين موقف حصل معاك انت ..
علشان نضحك عليك انت .. :D :D

يلى بقى .. الموقف ده ما يتحسبش .. :p

خالد المصرى
28-07-2003, 09:43 AM
احنا عايزين موقف حصل معاك انت ..
علشان نضحك عليك انت


:rolleyes::rolleyes:

جنان الفردوس
29-07-2003, 01:35 AM
هههههههههههههههههه الواضح ان لاميس عندها حق ..
احنا عايزين موقف حصل معاك انت يا خالد مش مع بنت الست الجميلة..؛)
هو انا هبعزق فلوسي على الفاضي ولا ايه ..:p

المهم .. مادام الآراء أجتمعت على اني ابدا الأول .. أمري لله ..
هو الموقف مش مضحك قوي .. بس هو ده اللي انا فكراه دلوقتي..

امبارح نمت قبل الفجر بنص ساعة .. وقلت لأخويا يصحيني بأي طريقة عشان أصلي الفجر ..
أول ما أذن الفجر .. أحمد عمل كل الحاجات اللي ممكن تتعمل ..
فتح النور.. وضربني.. وعضني ..ووقعني من على السرير.. و كب على وشي مايه .. وعمل كل حاجة ممكن تتخيلوها أو ما تتخيلوهاش ..
المشكلة أني لما صحيت مكنتش فاهمه هو عايز مني ايه ..
فقعدت أبكي وأقوله أنت عايز مني ايه ..؟
يقولي قومي صلي الفجر بطلي استهبال ..
اقوله يعني ايه أصلي الفجر .. مين الفجر ..؟
يقولي انت غبية ولا بتستغبي ..؟
والله مش عارفه انت عايز ايه ..؟
وقعدت أبكي على السرير لحد ما الواد زهق وراح طفى النور وقالي اتخمدي خمدة الآخرة .. عنك ماصحيتي..

المصيبة أني لما صحيت الصبح قعدت أتخانق معاه واقوله ..
مصحتنيش ليه أصلي الفجر .. أنا مش قولتلك تصحيني ..؟!!!!!!!!!

بس خلاص ... ايه رأيكم ..

Truth seeker
29-07-2003, 01:48 AM
راينا فى ايه بالضبط :36:
معلش انا ذكى اكتر من اللازم

جنان الفردوس
29-07-2003, 02:01 AM
هههههههههههههه

جنان الفردوس
29-07-2003, 02:03 AM
هههههههههههههه
بأه كده ..
ماشي ..
شكرا يا اسمك ايه انت .. :p
وعاملي فيها مخبر ..
قال تروث قال ..:D

Truth seeker
29-07-2003, 02:10 AM
بس ما تزعليش بس عموما ياستى ها جملك وهاضحك
هههههههههههههههههههههههههههههههههههههههههههههه :5:

جنان الفردوس
29-07-2003, 02:17 AM
هاتجملني ..
no coment..
:2:

Truth seeker
29-07-2003, 03:40 AM
طيب اعمل ايه بس يا ربى علشان جنان ما تزعلش
لا كده عاجب ولا كده عاجب

Mrs. Virgo
29-07-2003, 07:59 AM
:eek:

بجد يا جنان انت نومك ثقيييل قوي كده !!!

ربنا يستر :D :D :D

يلى بقى .. إلي بعده .. :)

محمد البنيان
29-07-2003, 09:38 AM
معدة الطرح
لي عودة قريبة للطرح
لاعداد الموقف


وخلي باالك
يا ..مشرفتنا
العزيزة فيرجو
زملينا ... المشار اليها
ثقلية في كل شي...
الا ... الدم

والعيب اظن .. والله اعلم ..
في احمد
حفظة الله

وصحيح
ربنا يستر




من محب لك

جنان الفردوس
30-07-2003, 12:40 AM
لا يا لميس انا نومي مش تقيل ولا حاجة ..
الحكاية وما فيها اني نمت قبل الفجر بنص ساعة ..
ابقى جربيها وقوليلي النتائج لو صحيتي بسرعة .. انا هعترف ان نومي تقيل .. :5:

جنان الفردوس
30-07-2003, 12:45 AM
كاتب الرسالة الأصلية : محمد البنيان

معدة الطرح
لي عودة قريبة للطرح
لاعداد الموقف


وخلي باالك
يا ..مشرفتنا
العزيزة فيرجو
زملينا ... المشار اليها
ثقلية في كل شي...
الا ... الدم

والعيب اظن .. والله اعلم ..
في احمد
حفظة الله

وصحيح
ربنا يستر




من محب لك

أخي العزيز محمد ..
ربنا يكرمك يا رب.. اهو ده الكلام ولا بلاش ..(العيب من أحمد طبعا ..:5:)
وأنا مستنية موقف حضرتك ..
شكرا ليك ..

محمد البنيان
31-07-2003, 12:43 AM
تعاد مع الشكر
الي معدة الطرح والمشاركين

الحقيقة هي عدت مواقف .. ولقد تطرقت بها سابقا
وهي من المواقف المضحكة فعلا
لي وعني
بس الجائزة لو سمحتي

الموقف الاول
كنت مع أختي سما هر
في جامعة الدول
وكانت .. ورآنا وحدة بنت تشحت
وقلت لها والله مامعايا فكة، أخذت سما هر على جنب وقالت باست
( جو زك دا شفته من وحدة امبارح هنا والله العظيم وكانوا يبسوا بعض )
طبعا سما هر
أعطت البنت 2 جنية عشان المعلومة
ورحت أنا ضحيت ظلم بنت



الموقف الاخر

قلة فهم
كنا بطريق الإسكندرية مع شباب وكنا 5 سيارات على الأقل
ومعنا ابن شخصية مصرية رحلة تقريبا 25 نفر
وفي الطريق دهمنا الجوع
ودخلنا استراحة وأنا ومدحت وصلنا الأول
وطلبنا 15 كليو كباب 8 كليو كفته و30رغيف مع الرز والسلطة
المهم استغرب صاحب المحل
وقال: انتم منين مدحت من مصر
وأنا قلت من السعودية الأخ فهم غلط
وقال: الله هو مافيش لحمة عندكم هناك والا ية ب
صراحة أنا ضحكت كثير
ومدحت شتمه الله بهدية وما كسب الرجل البيعة ووصلنا إلي الإسكندرية

والله اعتقد ان الجائزة لي وحدي



من محب لك

جنان الفردوس
31-07-2003, 12:54 AM
هههههههههههه
تحفة يا محمد والله ..
الموقف التاني ده رهيييييب ..
وان شاء الله انت الفايز مادام الاعضاء كسلانين ومش عايزين يشاركوا معانا ..:D

Mrs. Virgo
02-08-2003, 02:04 PM
:D حلوه يا محمد ..

حلوه قوي .. :D

:confused: بس سماهر اديتها فلوس ليه !!!
علشان تخلص منها :confused:



يلى إلي بعده .. :9:

nilli
02-08-2003, 04:28 PM
هذه نصيحه لاخوك يا جنان
إذا بدك تصحي واحد من النوم:o لا تسوي ولا شي من الي سبق ذكره أنما بهدوء حط ايدك على الراديو وشغل محطة خربانة

وعلي الصوت على الأخر وسكر الباب :p
الطريقة هي مفعوووووولها سريع واحد من الأثنين ( الأنهيار أو الصرع ):D:D:D

جنان الفردوس
03-08-2003, 03:50 AM
ههههههههههههههههه
فعلا يا نيللي...
هبقى اجربها واقولك على النتيجة ..
شكرا لمرورك ..
ومستنية منك موقف يمكن تفوزي معانا..





وبعدين يا لميس انتي اشترطي اني انزل موقف الأول وآديني نزلت فين موقفك يا حلوة ولا انتي كنت بتخديني على قد عقلي ..

محمد البنيان
22-08-2003, 01:47 PM
ميس فيرجو
ليش الاحراج دا
دا كلام
بس ودي اعرف السبب زيك كأن عندي فضول
ونيست
بس ترجع سماهر من دراستها من الخارج
واسالها ..كرما لكي

معده الطرح
اين الجائزة
ا عتقد انا الفايز
وحسب الوعد .. وعلى المراه ان يفي بوعده وعهدة
صح


الانسة نيلي
وحشتينا موووت
اين مواضيعك الجذابة
والمميزة مثلك


من محب لك

أشجان الليل
22-08-2003, 09:31 PM
أحكي موقف حصل لماما من كام يوم.....


نزلت هي وبابا علشان يتمشوا شويه...
وفجأة بابا ساب إيد ماما علشان يشتري حاجه..

ماما مش آخده بالها..
أول راجل عدى من جنبها راحت مسكت دراعه وفاكراه بابا... :D
ههههه
مسكته من غير ما تبص...
بس طبعا اتخضت بعد كده..!!!
المهم إن ماما لابسه خمار أصلا.. الراجل اتخض وافتكر نفسه هو اللى خبط فيها من غير قصد.. وقعد يعتذر كتير كتير..
وماما طبعا كانت هاتموت من الخجل...
بصت لقت بابا واقف بيشترى فاكهه ورا...:eek:

(شفتم الأزواج بيعملوا إيه في زوجاتهم..؟؟))

Mrs. Virgo
23-08-2003, 08:42 AM
:5: حلوه يا اشجان .. رهيبه .. :5:

جنان الفردوس
25-08-2003, 08:03 PM
هههههههه..
تحفه يا أشجان..
موقف فظيع بصراحة..
:5:

العاشق
29-08-2003, 12:52 PM
هاى عليكم
انا المواقف كلها عجبتنى والله :)
بالنسبة للموقف بتاعى :
من سنتين كان مرة فى المدرسة عاملين مسابقة أحسن موضوع عن التلوث :)
فالمهم انا اشتركت وقلت أجرب :) وكانت الموضوع هينعرض على الأعضاء المهمين فى اسكندرية
المهم انا دخلت وعملت موضوع تحفة وعلى حسب كلام صحابى كانوا بيقولولى
ان هو موضوع جميل :)
لما جه ميعاد اعلان الجوائز كنت قلقان قوى :o وخايف أوى
فقالوا اللى فاز بالمركز الثالث : تقريبا كان اسمه محمد
ولما قالوا المركز التانى قالوا : كريم محمد وانا اسمى كدة والمهم طلعت عشان أستلم الجايزة قالولى انه مش انا وأخدها واحد تانى :(
ونزلت على خيبة أمل
ولما جه المركز الأول قالوا اسم : كريم محمد بردو فرحت انا وفصلى أوى أوى
وكسرنا المدرسة من الفرحة وفضلوا يشيلونى على اكتافهم وهم بيشيلونى لقينا كلنا مفاجأة ان واحد تانى بيستلم الجايزة :eek:
وبعد ما شالونى صحابى نزلونى ولقيت أمة لا أله ألا الله نازلة فية ضرب تقولوش مسكوا حرامى
الله أعلم وبعد كدة روحت البيت متشحور :)
ومن ساعتهابطلت أكتب مواضيع تانى :)

جنان الفردوس
30-08-2003, 06:26 PM
هههههههههههههههههههه..
حلو قوي الموقف ده..
وأحلى مافيه انك روحت متشحور.. :p

بسمة أمل
01-09-2003, 10:26 AM
ماشاء الله كل المواضيع عسل لانكم كلكم دمك عسل جدا

وخصوصا الموقف اللى حكته الاخت اشجان والاخ العاشق

وشكرا

جنان الفردوس
01-09-2003, 07:03 PM
لا والله يا بسمة انتي اللي زي العسل..
شكرا على مشاركتك الرقيقة دي..
:)

سمسمة
06-09-2003, 12:21 AM
انا ناسية دلوقتى

اما ابقى افتكر هابقى ارجع تانى:D

البروف سمسم..:112:

ابن مصر
06-09-2003, 12:46 AM
بسم الله
موضوع جميل جدااا
بس للااسف
معنديش اي حاجة اقولها
لاني نساي جداااا
بنسي حتي اسمي :5::5:
تحياتي وشكري

جنان الفردوس
08-09-2003, 04:41 AM
سمسمة الحبيبة .. ابن مصر الغالي..
سعيدة جدا بمروركم..
..
يا سلام كلكم بتنسوا..
طيب على العموم انا مستنياكم بعد التفكير والمخمخة..
بس ما تتأخروش..
:)

سمسمة
09-09-2003, 10:30 PM
بصى ياستى

عيد ميلاد صاحبة اختى كان الاسبوع اللى فات

اختى جابت لها هدية

وقلت لاختى انا كمان هاجيب لها هدية

قالت لى هتجيبى ايه

قلت لها كيسين ملح خخخخخخخخخ

ولفيتهم حتة لفة باللازاق

قعدت تفتح فيها ساعة قدام ماما وخالو واخواتها

وفى الاخر قعدوا يضحكوا عليها ضحك

حطيت معاها ورقة وقلت لها بالهنا والشفا

خخخخخخخخخخخخخخخخخخ

البروف سمسم..:112:

جنان الفردوس
10-09-2003, 04:47 AM
بس ده مقلب أنت عملتيه..
مش مقلب أتعمل فيك يا شاطرة..
أنا منكرش أنك موتيني من الضحك..
لكن أنا عايزة موقف يحصل معاك ..
ماليش دعوة دي شروط المسابقة..

سمسمة
12-09-2003, 01:23 AM
طيب ياستى بصى:D

وانا قاعدة كل يوم اختى تقول ايه اعملك شاى..اقولها ماشى

تروح وتعمل وتجيبه من غير سكر وتعمل فيا المقلب دة يوميا

يااما يتعمل فيايااما لا

المهم كل يو تشككنى فى الشاى

وبعدين..قولت اول امبارح ايه اما اعمل لنا شاى

كانت هىلسة قايمة من النوم

وبعد ماخلصت وعملته من غير سكر

قالت لى مش شاربة دلوقتى انا عايزة انام

وقفت متسمرة فى مكانى ومش عارفة اعمل ايه:2:

بس لازم هاعمله فيها قريب

خخخخخخخخخخخخخخخخخخ

حلو كدة ياستى..لازم تشمتى فيا يعنى ههههههههههههه

البروف سمسم..:112:

جنان الفردوس
13-09-2003, 05:34 AM
هههههههههه..
شوفتي .. عشان انتي نيتك كانت وحشة..
اديك ادبستي في الشاي اللي من غير سكر..
الحل انك تبطلي تطلبي منها تعملك شاي..
:5:
خخخخخخخخخخخخخ :p