المساعد الشخصي الرقمي

مشاهدة النسخة كاملة : ماذا تطلب المرأة من المارد اذا وجدت المصباح السحري؟؟؟



بنت مصر
19-07-2003, 08:23 PM
المارد: شبيك لبيك

المرأه: كم امنية لي؟

المارد: لك ثلاث أمنيات بشرط ان كل أمنيه تتحقق لك,سيكون لزوجك عشرة
اضعافها

المرأه: اريد ان اكون اجمل امرأه في العالم

المارد: لك هذا ولكن انتبهي سيكون زوجك اجمل رجل في العالم وتتهافت عليه
النساء

المرأه: غير مهم,طالما ساكون اجمل امرأه في العالم

المارد: والامنيه الثانيه
المرأه: ان اكون اغنى امرأه في العالم

المارد: لك هذا ولكن انتبهي سيكون زوجك اغنى رجل في العالم ومعه من المال
عشرة
اضعاف ماتملكين

المرأه: غير مهم

المارد: والامنيه الثالثه والأخيرة
المرأه: ان اذهب للمستشفى وهناك أصاب بأزمه قلبيه خفيفه......!

إسلام شمس الدين
19-07-2003, 10:18 PM
:D :D :D

الحلم الدائم لكل زوجة

تحياتي يابنت مصر على توضيح الحقيقة الكامنة بنفس كل زوجة
إسلام شمس الدين

بنت مصر
19-07-2003, 11:02 PM
يا سلام يا اسلام يعني هو مش حلم كل رجل برضه؟؟؟


طيب شوف الصورة دي

إسلام شمس الدين
19-07-2003, 11:44 PM
لا حظت الزوجه بعد شجار عنيف مع زوجها انه ساهم واجم
فسألته مسترضيه :
- فيم تفكر الآن .... قل الحقيقه ؟
فأجاب الزوج الغاضب :
- إنني افكر في عباره مناسبه اكتبها على شاهد قبرك
فأبتسمت الزوجه وقالت له :
- هذا امر سهل فلتكتب عليه . .
( هنا ترقد زوجه صاحب القبرالمجاور ) .

محيي ابراهيم
19-07-2003, 11:52 PM
شوفتي بقى ان الستات بتجر شكل الرجالة يابسنت .. دي امنية جبارة اللهي العفريت يبقى ياكلها ولايحققلهاش اللي في بالها
الامنية التالتة دي لاتصدر الا من امرأة حقيقية ( ياساتر يارب دي عايزة تموته ) وعشان تعذرونا لما نقول آه ولاتقولوش اننا رجالة مفترية
واللهي الرجالة مساكين
ياعيني ع الرجالة
غلابة غلب الضفادع
الغلبان : محيي

بنت مصر
20-07-2003, 12:03 AM
يا اسلام يعني لازم تجيب داغه بالضربة القاضية الاول
وعلى العموم الستات دايما هي اللي بتعمر :5:


يا محيي انت مش ممكن بجد موتني من الضحك
يقولوا لك ايه اكتر حاجة بتخاف منها اكيد حتقول المرأة
على العموم اللي بيخاف من العفريت بيطلع له وربنا يستر
وما تظهر لكش في كل خطوة امرأه :5: :D


بسنت

جنان الفردوس
20-07-2003, 12:48 AM
لا والله مش ممكن .. هموت من الضحك ..
لا وبجد استاذ محيي أجاد تمثيل دور الراجل الغلبان .. بس على ميييين .. :D
شكرا يا بنت مصر على الموضوع التحفة ده .. ولو انك كده بتشوهي صورة الجنس اللطيف وهتخلي الرجالة يشمتوا فينا .. :D

Mrs. Virgo
20-07-2003, 09:33 AM
:rolleyes:

Mrs. Virgo
20-07-2003, 09:40 AM
بسنت .. احيكي بشده ..
عن معرفتك لمكنون مشاعر المرأه :D :D



:o وانا بصفتي مدير عام جمعية مكافحة الأزواج .. :o
اقول ان الزوجه دي .. ناجحه بتقدير امتياز بالتأكيد :p :p

lina
20-07-2003, 01:03 PM
هههههههههههههههه

فزيعه :5: :5:

ان كيدهن عظيم,, عشان تعترفوا بس بذكاء المرأة احم احم
:19:

ههههههههههههههه

سلام
لينا

n3na3aah
20-07-2003, 01:55 PM
وللهي عندك حق يا لينا عشان تعرفه بس ان دماغ الست توزن بلد

موضووع جميييييييييييل جدا يا بسبوسه

اسلام شمس الديين جمييله قوي القصه بتاعت القبر ده وللهي انته كلكه زي السكر

سلام:)

بنت مصر
20-07-2003, 10:15 PM
ميس فيرجو ولينا ونعناعة
الف شكر على التعليق
وان شاء الله يتم القضاء
كل الرجال بالنوبات القلبية الحادة :5: :D


و .... و .... و .... و .... دمتم



بسنت

بنت النيـل
23-07-2003, 08:44 PM
جبارة هاهاهاها

حلو الموضوع قوي
وحلوة الردود
خخخخخخ

حلو قوي غلبانين غلب الضفادع هاهاهاهاها

كويس انهم مش غلبانين غلب حاجة تانية هاهاهاهاها

بس ولو يامحيي ماحدش ح يعتقك من الاتحاد النسائي هاهاهاهاها

بنت مصر
23-07-2003, 09:30 PM
اهلا يا بنت النيل ازيك
منورة يا بتاعة الاكياس السوداء
واللي خايف على نفسة يبعد :5:


بسنت

بنت النيـل
23-07-2003, 10:17 PM
لا لا لا

مساء الفل :8:

احنا ماشيين ع الموضة

والموضة اليومين دول الملون :3:

اكياس ملونة من كافة الاحجام والالوان

حاجة مبهجة يعني وتدخل السرور خخخخخخ :p

هل من متكيس هاهاهاهاها

هي دي بقى مرحلة التعبئة العامة اللى بيقولوا عليها هاهاهاها

:5::5::5:

بنت مصر
23-07-2003, 10:25 PM
ماهي الست في الصورة بتديله كيس اخضر اهو
عشان ينتحر وهو مبتهج برضه :5: :D:

بنت النيـل
23-07-2003, 10:30 PM
عجبتني قوي :5::5:

عملية جدا
بتديله الكيس يرميه في طريقه وهو نازل هاهاهاهاهاها

:p:p

وادكول مش معقول
24-07-2003, 08:20 AM
فرحانين وانتم قاعدين تعرفونا حقيقة الستات المرة .......... صحيح زي القطط تاكل وتنكر




انا اقولك ملخص لكل اللي بيعملوه الستات


في الاول تلاقيهم بيجروا ورا الراجل لحد ما يحاصروه وواحدة تتجوزه

( علي مبدأ ظل راجل )

وادكول مش معقول
24-07-2003, 08:24 AM
وتفضل حياتكم شوية لحد ما الراجل يفلس ويقول جااااااااااااااااااااااااااااااي

عسل .... وفي الفترة دي يدوق من الحياة ما لذ وطاب بس برضه سم في عسل

وادكول مش معقول
24-07-2003, 08:26 AM
واول ما الطلبات بتاعتكم تبتدي تزيد بغلاسة والراجل يعمل فيها


يا مطنش يا مش سامع ........ لضيق ذات اليد

وادكول مش معقول
24-07-2003, 08:27 AM
بس بقه تبتدي خططكم الجهنمية ........ اول ما تحسوا انكم بقيتم في قيد اسمه الزوجية

وادكول مش معقول
24-07-2003, 08:29 AM
وتبدا الخطة الاولي في التخلص من القيود ....


حبيبي .... انا جبت روج بطعم العسل تحب تدوقه

وادكول مش معقول
24-07-2003, 08:33 AM
وطبعا بعد شوية حيل ما تنفعش .....

تفكر موناليزا الجميلة وتسهر الليالي لوضع خطة محكمة لانهاء حياة .......... دافنشي

وادكول مش معقول
24-07-2003, 08:35 AM
وبعد تفكيرررررررررررررررررررررر عميق وسهر الليالي


تلاقي الحل ........



حياتي ... يا روحي ... انا حضرتلك الحمام يا عمري

وادكول مش معقول
24-07-2003, 08:38 AM
والمصيبة بعد كل ده ........


يا سبعي ... يا حبيبي .... يا اللي كنت شايلني شيل

واللي يسالك عملتي كده ليه ... تقولي ومن الحب ما قتل ...

انا ليا اسبابي

وادكول مش معقول
24-07-2003, 08:39 AM
اخيرا ............. تحسي بالحرية ,,,,,,,,,,,,,




وتنفك كل القيود .............. وتبدأ رحلة البحث عن رجل اخر

Mrs. Virgo
24-07-2003, 08:50 AM
حكايه حلوه .. بس


:7: طيب وبعدين . الراجل الثاني حصله ايه !! :7:


يعني لسه عايش !!! ولا بالسلامه هو كمان !!! :confused: :confused:

د\أسماء علي
24-07-2003, 08:28 PM
لعلمكم الرجالة العن ميت مرة من الستات بس هما اللي مسهوكين ومش بيبينوا اللي جواهم,يعني مكر مش اكتر..
يامأمنة للرجال يامأمنه للميه في الغربال؟؟

امه الله
24-07-2003, 08:49 PM
ليه التشائم ده كل واحد له دور في الحياه ولا يمكن استغناء الرجل عن المراه ولا المراه عن الرجل

بنت مصر
25-07-2003, 12:12 AM
الف شكر كول وفيرجو و asmolomo وأمة الله على المرور
والتعليق وخصوصا تعليق كول اللي كنت بحسبه موسى:79:

ويا منة الله اهلا بيكي وبانضمامك الينا وطبعا انا معاكي
وبأوافقك الرأي بس احنا دلوقتي مش بنتكلم بجد ولكن
بنتهزر لاننا لازم نناقر في بعض :24:

أشجان الليل
25-07-2003, 02:34 PM
:5:
:5:
:5:
:p أنا مش فاهمه إزاى العمده يسيب المنتدى فى وقت زي ده....

دي كانت فرصه وجياله من السما;)

:8:

ana3sola
25-07-2003, 04:23 PM
ياساتر يارب
واد ياكول انت ماصدقت
دة انت كان عندك كبت وانفجر
ايه الهجوم دة كله
طيب سيب شويه لبكرة
ياساتر يارب
حقود


http://www.angelfire.com/pro/ana3sola/IMAGE010.GIF

بنت مصر
26-07-2003, 11:57 AM
ربنا يرجعك يا عمدة بالسلامة يارب
والله عندك حق يا اشجان


بسنت

وادكول مش معقول
26-07-2003, 01:04 PM
انا حقود يا عسولة ....

لعلمك بقه ده السبب اللي دخلك السجن

سب علني وشوفي مين هيطلعك بقه انا قاعدلك

ana3sola
26-07-2003, 07:02 PM
انا عارفه انك طيب
ترلام لام
هاتجينى قريب
ترلاملام
ولا هاتندهلى واقولك طيب ياااا واد ياكول
:172:
انا عارفه انك هاتخرجنى من سجنى علشان انت طيب وحنين وعطوف وقلبك كبير :9:

ها قلت ايه :194:

Truth seeker
26-07-2003, 08:56 PM
التعليق على الصوره

بنت مصر
26-07-2003, 09:00 PM
:5: :5: :5:

أشجان الليل
27-07-2003, 02:48 AM
ههههههههههههههههههه


عسل والله

Truth seeker
27-07-2003, 03:21 AM
اعتقد ان دة اغرب طلب ممكن تطلبه المراة من المارد اذا وجدت مصباح علاء الدين:69:
ان يضيف لها ما يجذب الرجل لللكميوتر :23:
وطبعا هى فهما انه عطر:20:
اطيب تحياتى
:194:

وادكول مش معقول
27-07-2003, 10:01 AM
هههههههههه سا عتها هيقول عليها فيها فيروس ويقفله

ومش بعيد يعملها فورمات ...

ولو منفعش يعملها ابجراد ويغيرها بواحدة فيرجين جديد هههه

بنت مصر
27-07-2003, 10:32 AM
مش ممكن يا كول اللي بتعمله دا
شكلك بتنكش ان يتعملك ريموف من الدنيا
كان بدري عليك يا كول انت لسة صغير والميموري
بتاع عمرك لسة فيه على الاقل 50 جيجا بايت :5:



بسنت

Truth seeker
27-07-2003, 08:32 PM
تعرف يا كول انا شوفت من فتره فلم اسمه" الذكاء الاصطناعى" Artificial intelligence
ممكن نقترح عليهم يجمعونا زوجه بها كل المواصفات :172:
يعنى مش نكديه :24:
او رغايه :4:
وطبعا ده كله ها يبقى قابل للبرمجه يعنى تقدر تجدد وقت ما تحب و :21: و قت ما تحب
اه لو ادروا يعملوا حاجه ذى كده كانت الدنيا تبقى حلوا بشكل :23: :17:
تحياتى للجميع :194:

وادكول مش معقول
28-07-2003, 07:57 AM
بنت مصر ... يعملولي يا ستي ريموف مش مشكلة بس المهم ما يتعملش انستول خالص بس متخفيش اخوكي واعي وواخد كوبي ...... امال انا جيبت السي دي رايتر ليه هههههههه
وبعدين كمان 50 جيجا ايه اللي بتتكلمي عليهم .... ده نصهم باد سكتور خلاص ههههههه
وبعدين متقلقيش سسكان ديسك يضبط المسائل هههههههه
انا بافكر اقلبني لاب توب واخلص


بيني وبينك ........... يا Truth seeker هتبقي ست مملة جدا

طيب الواحد يفش غلبه في مين .... ويتخانق مع مين

لعلمك الخناق ساعات والنكد بيبقي ليه ميزة .....


ميزة الاستمتاع بحلاوة صلح ما بعد الخناق:22:

بنت مصر
28-07-2003, 09:11 AM
طيب يا واد كول حاسب على الكوبي بقا
أحسن تلاقي الديسك اتسرق منك واتعمل لك
كومبريشن (compression) ببرنامج الوينزيب ( WinZip)
وتنضغط وتبقا في عمر شودي زي مصباح علاء الدين :D


بسنت

Mrs. Virgo
28-07-2003, 09:11 AM
والله فكره حلوه ..
راجل حسب الطلب ..

انا عن نفسي هعمله .. shut down
24 ساعه في اليوم بس .. :D :D

أهه .. ظل كمبيوتر ولا ظل حيطه .. :D

Truth seeker
28-07-2003, 11:05 PM
كده يا "وادكول مش معقول" اديهم اهم عرفوا ازاى احنا بنفكر وبنرسم لايه
وMiss. Virgo عايزهم يصمموا راجل اخرس :60:
طبعا علشان ما حدش يتكلم الا هم :4:
يعنى وكاننا بقدر نتكلم ونرد عليهم :31:
شوفت يا عم
انا ها بطل اقول افكار لتيجى فوق دماغى فى الاخر :73: