المساعد الشخصي الرقمي

مشاهدة النسخة كاملة : شات على الكنبة ha3 ha3 ha3




أهلاوى شديد
21-10-2007, 09:48 AM
الحوار على الكنبة


حديقة الحيوان - صباحا
شاب وفتاة يجلسان على كنبة اسفل شجرة بالحديقة

hiالشاب :
hiالفتاة :
asl?الشاب :
الفتاة : بنت ... 22 ... حديقة الحيوان .. وانت ؟
الشاب : ولد ... 25 .. حديقة الحيوان .
الفتاة : يااااااااه ! انت كمان فى حديقة الحيوان ؟ صدفة غريبة !
الشاب : فعلا .. انا سعيد جدا اننا فى نفس المكان
how r u ?الفتاة :
and u ? الشاب : ...
الفتاة : كويسة .. تحب تتكلم فى اى موضوع ؟
الشاب : اى حاجة .
الفتاة : ابدأ انت .
الشاب : طيب ... انتى بتعملى ايه دلوقت ؟
الفتاة : باتكلم معاك .
الشاب : وانا كمان مش باعمل حاجة تانى .
الفتاة : كمشغخ .... ون .
الشاب : بتقولى ايه ؟
الفتاة : اسفة اتلخبطت , معهلش اصلى بطيئة فى العربى ... بالاقى الحروف بالعافية .

شاب اخر يجلس على نفس الكنبة .

hiالشاب(2) :
الشاب والفتاة يتجاهلان الشاب رقم (2)
الشاب : كنا بنتكلم فى ايه ؟
شاب (2) : حد يرد على .
الفتاة : مش فاكرة
شاب (2) : ماحدش بيرد عليا ليه ياجدعان؟!
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
hiالشاب(2) :
الفتاة : فيه واحد غلس دخل الكنبة .
الشاب : احنا بنتكلم محادثة خاصة .
شاب(2) : بس انتم قاعدين على كنبة عامة.
الشاب : ياللا بينا نروح كنبة خاصة .

الشاب والفتاة يقومان وينتقلان الى كنبة بعيدة اصغر واضيق.

الشاب : هنا ما حدش هيضايقنا
الفتاة : انت اتخرجت ولا لسة ؟
الشاب : لسة .. بقالى سبع سنين فى الكلية .
الفتاة : يااه .. ليه كده ؟!
الشاب : اصلى بقضى معظم وقتى فى المحادثة , وباجى اخر السنة ما ألاقيش وقت اذاكر .
الفتاة : انا كمان باقضى وقت كبير فى المحادثة , بس باخد بالى انها ما تأثرشى على مذاكرتى , وبأذاكر كويس اخر السنة علشان كده بقالى فى الكليه ست سنين بس !
الشاب : وناوية تعملى ايه لما تتخرجى ؟
الفتاة : مش عارفة .. عملت محادثات كتير فى الموضوع ده مع ناس كتير , واتفقنا اننا لازم نقلل شوية من المحادثات لما نتخرج علشان نلاقى وقت نعمل اى حاجة تانية !
الشاب : حاجة زى ايه ؟
الفتاة : نشتغل مثلا !
الشاب : نشتغل ايه ؟
الفتاة : انا فى كلية الحقوق , يعنى المفروض أشتغل محامية .. وانت فى كلية ايه ؟!
الشاب : تجارة
الفتاة : مش عارفة ممكن تشتغل ايه ؟
الشاب : المفروض الحكومة توفر لنا وظائف .
الفتاة : هى الحكومة هاتعمل ايه ولا ايه ؟
الشاب : نسبة البطالة عالية جدا , سمكن زماننا هى اللى مضبوط زمن ابن *** .
الفتاة : بتقول ايه ؟
الشاب : زمن ابن *** .
الفتاة : مش سامعة .
الشاب : الظاهر فيه رقابة .
الفتاة : والعمل ؟!
الشاب : اقولها لك بحروف مفرطة ؟!
الفتاة : مافيش داعى .
تسقط ورقة شجر امام الشاب والفتاة .
الفتاة : شايف الورقة نازلة ببطء ازاى ؟
الشاب : لازم السيرفر واقع .
الفتاة : يمكن سرعة الهواء بطيئة علشان فيه ناس كتير فى الحديقة .
الشاب : احسن وقت تخشى فيه بالليل , مافيش ناس كتير والسرعة بتبقى عالية .
الفتاة : بس انا ما اقدرش اخرج من غير اذن ,لأن المفتاح مع اهلى .
الشاب : تحبى أديكى المفتاح بتاعى ؟
الفتاة : بس انت هتقدر تخرج ازاى لو انا باستعمل نفس المفتاح ؟
الشاب : ما انا معايا مفتاح تانى غيره , بس مش دايما يبقى شغال .
الفتاة : مفتاح بتاع شركة ايه ؟!!!
الشاب : شركة فايف ستارز .
الفتاة : كانت زمان كويسة قبل ماتعمل مفاتيح كتير , دلوقتى شركة زيكونت احسن .

تمطر السماء فجاءة ويتغير الجو .

الفتاة : ..............................
الشاب : ..............................؟!
الفتاة : ...............................
الشاب : رحتى فين ؟
الفتاة : باد . كو ... نى .. كشن ..
الشاب : السرعة ضاعت خالص .
الفتاة : ................................
الشاب : ادينى رقمك علشان ألاقيكى تانى بعد كده .
الفتاة : بكره ... ن .. فس .. الو ... قت ... ن .. فس...الكن..نبة .
TT 4 now الشاب(2) :
see ya soon الفتاة :


الشاب والفتاة يقومان ويتركان الكنبة ويسير كل منهما فى طريق .

م.محمد ذهني
21-10-2007, 09:45 PM
جامدة و جديدة
ههههههههههههههههههه
و فكرة حلوة بتاعت الكنبة دي!

أهلاوى شديد
22-10-2007, 12:36 AM
جامدة و جديدة
ههههههههههههههههههه
و فكرة حلوة بتاعت الكنبة دي!

الحمد لله انها نالت اعجابك استاذ محمد

وعلى فكرة ديه حصريا على منتدى ابناء مصر فقط مش هتلاقيها فى اى منتدى تانى وكلها يومين انا عارف هلاقيها منشورة فى كل منتديات امريكا الوسطى لحد سلوفاكيا العليا :girl12:

بس يكفينا روح المبادرة :girl20:

والف شكر ليك ياغالى تشريفك للموضوع

وربنا ما يحرمنا من تواجدك ابدا

natalia
05-11-2007, 02:36 PM
هههههههههههههههههههههههههههههه
لذيذه اوي يا اهلاوي

أهلاوى شديد
25-11-2007, 11:49 PM
اى خدمة بس يا نتاليا

ابقى فوتى كل يوم بس هههههههههههههه

هتلاقى جديد ان شاء الله :d

وشكرا لمرورك الجميل ده اللى بسعد بيه جدا

لمسه
15-01-2008, 09:36 PM
ههههههههههههههههههههه

حلوه ولذيذه وطعمه كمان ههههههههههههه

تسلملنا ياعسل

بنت شهريار
16-01-2008, 12:18 PM
وعلى فكرة ديه حصريا على منتدى ابناء مصر فقط مش هتلاقيها فى اى منتدى تانى وكلها يومين انا عارف هلاقيها منشورة فى كل منتديات امريكا الوسطى لحد سلوفاكيا العليا

بس يكفينا روح المبادرة
هههههههههههههههههههههههههههههههههههه
حلوة اوووووووووووووووووووى
بس مكررررررررررررررررررررررررة ياباشا
ودى كانت اول ضربة من عصابة حمادة وتوتو للعدو اللدوووووووووووود اهلاوى شديد
نياهاهاهااااااااااااااااااااااااااااااااااااا
تحيااااااااااااااااااااااااتى

the_chemist
17-01-2008, 09:43 PM
أهلااااااااااااااااااااااااااااااااااااااااااااااا اااااااااااااااااااااوى
فينك يا مرزووووووووووق
سبتنا و رحت فين يا مرزووووووق
يا ترى عامل إيه دلوقتى

في بحر الظلمات يا ساتر يارب
هما عصابة حمادة و توتو خطفوك زي لما خطفوا أيمن خطاب

يا سابل الستر يارب

أجيبلك سلاح كيماوى

أهلاوى شديد
18-01-2008, 03:09 AM
انا موجود ياباشا اهو خخخخخخ بس ضغط شغل شوية تقفيل ميزانية بقى ههههههه

وانتى يا خالة شهريار والله يابنتى الموضوع ده انا كاتبه بايدى ولو عندك رابط الموضوع هاتيه وانا هاثبتلك انى اول واحد منزله فى النت

كتكم ........... ولا بلاش احسن تفهمنى صح ههههههههههههه




























كتكم الخير يعنى خخخخخخ


شكرا على مروركم ولى عودة ان شاء الله للرد على الجميع

سلام مؤقت

مها جمال
27-03-2008, 01:36 PM
والله موضوع يجنن والتشبيه حلو اوي

فراس الغامدي
28-03-2008, 08:22 PM
ههههههههههههههههههههه حلوه بس والله مش فاهم حاجه بس اي حاجه منك حلوه ممكن لانك دخلت اللغه الانجليزيه اصلي مقاطع اللغه الانجليزيه تائيد للغه العربيه وايه حكايه انا كتبتها بيدي امال المواضيع التنيه مش انتا الي كتبتها اهلاوي عاوزين نشوف جديد في جديد وكلام كله مفيد بلا تعقيد وانجليز وبلاش مواضيع في حنين البنت غلبانه ويدوب بتقول انا مين .



وفي الختام انا اشكرا الاخ اهلاوي على مواضيعه الخفيفه والجميله في نفس الوقت ومازال للمجد بقيه

عراقية وافتخر
28-03-2008, 11:20 PM
موضوع جميل وجديد فعلا انا حلطشا واترجمها للعراقي علشان اعقد الدنيا ههههههههههه
اهلاوي طب قولي هما يعني كانوا قاعدين على كنبة في كافتريا ولا في قهوة ولا يعني فين بالضبط
اوعى يكون كنبة الوزير احسن تعمللنا مشاكل خخخخخخخخخخخخخخخ
جميل ياهلاوي ننتظر منك المزيد والجديد انتظروا جديد اهلاوي في الحلقات المقبلة
ههههههههههههههههههههههههه

حنين مصر
28-03-2008, 11:26 PM
هههههههههههههه
يخربيت دماغك
حتى حديقه الحيوان

the_chemist
29-03-2008, 09:58 AM
موضوع جميل وجديد فعلا انا حلطشا واترجمها للعراقي علشان اعقد الدنيا ههههههههههه
اهلاوي طب قولي هما يعني كانوا قاعدين على كنبة في كافتريا ولا في قهوة ولا يعني فين بالضبط
اوعى يكون كنبة الوزير احسن تعمللنا مشاكل خخخخخخخخخخخخخخخ
جميل ياهلاوي ننتظر منك المزيد والجديد انتظروا جديد اهلاوي في الحلقات المقبلة
ههههههههههههههههههههههههه

معلهش يا هيام

هأرد عليكى أحسن الواد أهلاوى يتوهك

أصل هو ده أهلاوى و كان ماشي مع الجو بتاعه و ملقيوش أحسن من جبلاية القرود يحسوا فيها بأحاسيس مشتعلة و بتتنطط و تقول كلام زى ده

هههههههههههههههههههههههههههههههه

بس إسمك الجديد جميل بس الالزهايمر جه دلوقتى و نسيته

هههههههههههههههههههههههههههههههههههههههههههههههههه ههههههههههههههههههههه