المساعد الشخصي الرقمي

مشاهدة النسخة كاملة : غراميات طبيب شاعر



بنت مصر
13-07-2003, 08:10 PM
http://egyptsons.jeeran.com/docline6.gif

اعدينى بفيروس حنيه
دا كلامك وحدات علاجيه
علشانك شرحت هدومى
أمواجك فوق الصوتيه
***
http://egyptsons.jeeran.com/doc3.gif
دى حبوبك فى القلب شريط
دياسيرمك خلانى أشيط
وفصيلة دمك جلوكوز
وجمالك أمبول تنشيط
***
http://egyptsons.jeeran.com/docline2.gif
محجوز لك فى القلب سرير
وسرنجة صبرى بمسامير
ورواندك هوا الإنعاش
وكوماتك تحتاج تفسير
***
http://egyptsons.jeeran.com/doc14.gif
دا هواكى مكتوب له دخول
والعند فى قلبك ح يزول
وهدوءك بالنفس مريض
لو مكرومك ح يطول
***
http://egyptsons.jeeran.com/doc21.gif
وسبرتو عليكى أعوام
حقناتك جايبالى زكام
ازيلينك لو جابلى سعال
نقاله وبكره الأيام
***
http://egyptsons.jeeran.com/nurse2.gif
بالبالطو الأبيض يا ملاك
متبنج قلبك بشباك
بالفاليام دايماً فى شرود
والجرح يسبتك بجفاك
***
http://egyptsons.jeeran.com/doc24.gif
ودواكى فى جسمى الفيتامين
فى الباطنه مكانك حاجزين
باترجى دواكى المركون
يا تحطيه فى المبتسرين
***
http://egyptsons.jeeran.com/xray3.gif
ليه حبك متغطى بشاش
والقطن ومرهم ببلاش
لو قلبك مصبوغ باليود
فى العنبر ح يموت لو عاش
***
http://egyptsons.jeeran.com/firstaid3.gif
تنقيطك مستوصف مين
أخرتهم فى تروللى أمين
لو زايده فى لسان الناس
ح استأصل مهما يكون مين
***
http://egyptsons.jeeran.com/doc2.gif
لو تاجى أو حتى تامور
دا أورطة قلبى المغمور
تألمهم شكة دبوس
أفديكى بمصارينى العور
***
http://egyptsons.jeeran.com/prof9.gif
حبينى من غير تعقيم
كونسولتو وأنا قلبى سليم
وحامشرط أنك تكونى لى
ليليه أربعه وعشرين
***
http://egyptsons.jeeran.com/sscope.gif
علاتى فى قلبى المسكين
وأنيميا كراتى البروتين
لو جيتى ووياكى زياره
راح أرش الأرض بأسكين

http://egyptsons.jeeran.com/docline6.gif

كتبها لكم الشاعر عبد العزيز عطية

ونقلتها لكم بسنت

ويارب تعجبكم

مودو مشاكل
13-07-2003, 11:25 PM
هههههههههههههههههههههههههههه

روشة و اللة حاجة تهلك من الضحك

جزاك اللة كل خير بنت مصر

تحياتي
اسلام

ميادة
14-07-2003, 12:12 AM
بسم الله

يالهووووووووووى

انا اخرتى هتبقى كدة؟؟؟؟؟؟
والدكاترة ورايا ورايا

بس سكرة كالعادة يا بسنت ..فكرتنى بحاجات كتيييير فى مجلات الكليه عندنا لو لقيتها هنقلها بأذن الله

ربنا يخليك لنا وتمتعينا دايماً

عاشق لاخر قطرة
14-07-2003, 12:30 AM
بسم الله الرحمن الرحيم
وحياتك يا بنت مصر تشوفي لنا حاجة كده تمشي مع بتوع الكهربا
ههههههههههههههههههههه

بنت مصر
14-07-2003, 08:14 AM
اخي العزيز مودوم مشاكل
الف شكر على المرور والحمد لله انها عجبتك



اختي الغالية جرح الزمان
الف شكر على قراءتك وانا حستنا اشوف
الحاجات اللي عندك في مجلات الكلية
وربنا ما يحرمنيش من تشجيعك


أخي العزيز عاشق لاخر قطرة
انا حدور لك على شعر عن الكهربا بس اللي
عاوز يقراه لازم يقراه لازم يبقى واقف على خشب احسن يطوله الماس :D


بسنت

Mrs. Virgo
14-07-2003, 02:06 PM
بسنت .. انا عماله اعيط من كثر الضحك .. :)

ربنا يخليكي لينا يا رب .. :)


عجبتني قوي دي ..

ليه حبك متغطى بشاش
والقطن ومرهم ببلاش

رهيبه .. :)

بنت مصر
14-07-2003, 05:32 PM
ربنا يخليكي يا ميس فيرجو يارب
ربنا ما يحرمنيش منك والحمد لله انها عجبتك


بسنت

ابن البلد
14-07-2003, 05:37 PM
:rolleyes:

طيب
:) :D

خالد المصرى
14-07-2003, 07:47 PM
:p:p:p:p:p:p


تحياتى لكلية طب ولكل الدكاترة


دكتور بيطرى بيحب دكتورة بيطريه


هو :يا حبيبتى انا بـــــهـــــيــــم فى حبك

هى : وانا حبيبى مقدرش ارفــــــســـــلـك طلب



متيجى يا دكتور

بدل ما نلف وندور

لو بيعلموكوا من الاول

ازاى التشيك اب

مكنتش تحتاس

على حساب الناس

وتسيب الفوطة

وتعملك زيطة
.
وطول وانا مالى

الاصل حريف

ومفيش اجهزه

مستشفى مفلسة

والراجل يا ولداه

راح منك فطيس

ده شئ يغيظ




وتحياتى :1::1:

بنت مصر
14-07-2003, 08:58 PM
مش ممكن يا ابن البلد على الرد الرائع دا
روح يا شيخ يجيك ويحط عليك :D


وشكرا جدا يا خالد على النكت اللذيذة جدااااااا




بسنت

أشجان الليل
14-07-2003, 09:55 PM
:17:

:17:

:D
:D

ههههه
والله جميله جدا..

تسلم إيدك يا بنت مصر..

بنت مصر
15-07-2003, 12:52 AM
الله يسلمك يا اشجان
الف شكر على مرورك وتشجيعك لي

بسنت

ابن البلد
15-07-2003, 07:01 AM
هو خالد قال نكته
طيب وهي أشجان بتسقف ليه ههههههه


طيب يا بسنت أيه اللي مزعلك من الرد لو مش قد المقام نغيره ههههههههههه

في واحد تاني بس يالهوي مش هقول بقه :)

وادكول مش معقول
15-07-2003, 08:11 AM
بنت مصر ..........................

فظيعة ............... وافظع من الفظاعة بفظاعتين ونص كمان

تفطس من الضحك ... بس بجد احسنت الاخيتار ....

لو زايده فى لسان الناس
ح استأصل مهما يكون مين


ياريت بقه بدل ما تقولي لابن البلد يجيلك ويحط عليك تتطبقي عليه الكلمتين اللي فاتوا دول ههههههه

mr_who
15-07-2003, 11:37 AM
بنت مصر

بصراحة حلوة قوى بس براحتك على الدكاتلرة دول ناس غلابةوالله:2:


وانا قدامك مثلا الناس كلها بتصيف

وانا لسه بامتحن

ومحتاجك للدعـــــــــــــاء

على فكرة

وانا عنى واحدة حلوة زيها هنزلها على المنتدى قريب


أحمد

بنت مصر
15-07-2003, 01:30 PM
ابن البلد دا اسمه جر شكل صح :55:


واد كول لو سمحت حوش عني حمى بنتك
وانصحك بلاش من الجوازة دي انتوا لسة عالبر :45:



مستر هو ربنا معاك يارب وتنجح وتطلع الاول على الدفعة يارب :63:




تحياتي للجميع



بسنت

خالد المصرى
15-07-2003, 02:03 PM
وشكرا جدا يا خالد على النكت اللذيذة جدااااااا






:eek: نكت :(:(:(:(:(

بنت مصر
15-07-2003, 04:47 PM
لالا يا خالد لالا :11:
يظهر ان مش ابن البلد اللي محتاج ميكروسكوب بس

انا رحبت عليك من بدري حتى ارجع للخلف كده وشوف :25:



بسنت

بنت مصر
15-07-2003, 04:47 PM
لالا يا خالد لالا :11:
يظهر ان مش ابن البلد اللي محتاج ميكروسكوب بس

انا رحبت عليك من بدري حتى ارجع للخلف كده وشوف :25:



بسنت

وادكول مش معقول
16-07-2003, 10:07 AM
احوش عنك مين يا بنتي ؟؟؟

ابن البلد ؟؟؟ ده مفيش منه خوف اساسا ؟؟؟ مش قلنا فكهاني بق هههههههه

علي العموم خليه بس يقرب منك ولا يمس شعره واحدة وكمان مش من شعرك انتي .... لا

خليه بس يفكر يمس شعره واحدة من شعرة القطة بتاعة صاحبة جارة واحدة مرة عدت من قدام بيتكم حتي وهو هيعرف اللي هيجراله .......


انا مش هاعمله حاجة لعلمك .....
انا هاخلي بس شهد تطلع علي يوسف القديم والجديد .... والحق والمستحق ... لحد ما الواد يقول ربنا يسامحك يا بابا انت اللي جنيت عليا هههههههههههههه

بنت مصر
18-07-2003, 03:46 PM
الف الف الف شكر يا واد كول يا ناصفني وكايد العزال :5:

ويارب بقا يكون ابن البلد فهم القصة وخاف على مستقبل ابنه

اللي حتشردهوله الاستاذة شهد بنت كول :D


:74: :74: :74:

lina
18-07-2003, 07:44 PM
تجننننننننن يا بسنت

رهيييبة اوي:17:

واد يا كول ,, ايوة كده اديلو عشان يعرف ان معانا رجاله مش اي كلام ههههههههههه
واديني بشجعك اهو :17: يعيش كول بييب بييب


باي باي
لينا :146:

بنت مصر
18-07-2003, 09:06 PM
أهلا لينا حبيبتي
الحمد لله انها عجبتك
وشكرا على التعليق


بسنت


Photo Gallery