المساعد الشخصي الرقمي

مشاهدة النسخة كاملة : دائرة الضوء والضيف بحر الاسكندريه



الصفحات : [1] 2

عبدالحكيم
10-07-2003, 11:20 AM
بسم الله الرحمن الرحيم
بعد ان امتعتنا اختنا العزيزه لينا باالحوار معها تستضيف دائرة الضوء انسان رائع بكل معنا الكلمه يحمل من المشاعر الانسانيه الكثير هو مثل البحر في العطاء وله حضور مميز وشفافيه لا حدود لها انه مشرف قاعة المطبخ والديكور
اخي وحبيب فلبي انه بحر الاسكندريه ارجو ان نرحب به

]

lina
10-07-2003, 11:48 AM
بيييب بيييب بيييب وسسسسع انتا وهوة ,, بحر الاسكندرية تحت الاضواء :eek:
ههههههههه والله وجالك يوم يا بحر :D

برحب بيك يا بحر اسكندرية في دائره الضوء اللي انشاء الله حتشع نور اكتر ما هيه منوره بوجودك معانا,, وخليك كول كده ودونت ووري اسئلتنا هتكون خفيفه على قلبك ان شاء الله:p

عبدالحكيم اشكرك يااستاذي الغالي على طرحك للموضوع وعلى الاستضافة انا اللي استمتعت بوجودي معاكم ,, فكره الموضوع في حد ذاتها جميله جدا ونا كان ليا الشرف بأن اكون معاكم دايما :)

تحياتي للجميع واتفضلوا شوية سنااكس عشان القعده تحلو :p

لينا

ابن البلد
10-07-2003, 02:55 PM
أهلا بحر
1- لو لم تكن مشرف لقاعة المطبخ والديكور أي القاعات تفضل أن تكون بها مشرف ؟؟؟

2- كيف وصلت إلي المنتدي ؟؟

3- ما هي طموحاتك وأحلامك ؟؟


http://www.egyptsons.com/misr/attachment.php?s=&postid=60523

ماما زوزو
10-07-2003, 03:43 PM
:22:


ههههههههههههههههه

يالا نعمل هيصة وهليله عشان معان اخونا بحر

بس اوعوا لاحسن نغرق


اهلا بك يابحر نورتنا

وشرفتنا وهاتانسنا كلنا

انا عايوة اعرف بطاقتك الشخصية

وكمان كل مايتعلق بشخصيتك


:106:


:164:

عبدالحكيم
10-07-2003, 06:10 PM
بسم الله الرحمن الرحيم
اخي بحر نورت دائرة الضوء اسمح لي ان ابد اسئلتي
1- ماهي بطاقتك الشخصيه لو سمحت
2- ماهي هواياتك المفضله
3- ولو سمحت ارجو ان تتكلم قليلاً عن مدينتك لو سمحت
وفي الختام اتمنى ان لااكون اثقلت عليك اخي الغالي ولك مني اطيب الامنيات
اخوك في الله عبدالحكيم

بحر الإسكندرية
10-07-2003, 06:57 PM
أحبائي الكرام أعضاء و مشرفين و كل حاجة في منتدى لؤلؤة المشرق العربي :)

ده شرف كبييييييييييييييييير أوي ليا اني أكون بينكم ضيف دائرة الضوء , الموضوع الأكثر من رائع , موضوع بجد ممتاز بيقربنا من بعد أكتر :)

أشكرك بشددددددددددة يا عبدالحكيم على الاستضافة الجميلة دي و ان شاء الله أكون عند حسن ظنكم فيا و أعرف أحل الأسئلة , بس يا ريت تكون سهلة ;)

بحر الإسكندرية
10-07-2003, 07:03 PM
شقية و عسولة المنتدى حبيبتنا كلنا لينا :)
أشكرك بشدة حرارة الشمس و قوة و صلابة الفولاذ و جمال و أناقة الأحجار الكريمة كلها على التحية الجميلة دي :):)
ده نوركم و الله اللي المنتدى منوّر بيه ;)
ان شاء الله أجاوب كويس على الأسئلة و ان شاء الله أكون عند حسن ظنكم فيا :);)

شكراً يا لينا :)

بنت مصر
10-07-2003, 07:20 PM
أهلا اهلا اهلا ببحر اسكندرية تحت دائرة الضوء


فعلا دائروة الضوء زاد نورها بوجودك تحتها

وانا مش حتقل عليك في الاسئلة

1- ازيك
2- اخبارك ايه
3- وازي الاسرة
:D:D:D

طيب نتكلم بجد بقا احسن عبد الحكيم يخنقنا


اولا : عندما تشعر بالضيق ما اول شيء تفعله لتخفيف حزنك؟
ثانيا: ايه رأيك في الصداقة عبر الانترنت هل ممكن تدوم وبصراحة؟
ثالثا: ما هي طموحاتك للمستقبل؟


ربنا معاك يا بحر واتمنى لك كل التوفيق في الاجابة على الاسئلة


بسنت
ثالثا:

بحر الإسكندرية
10-07-2003, 08:35 PM
ريّسنا ;) و حبيبنا كووووووووولنا ابن البلد صاحب أكبر قلب :)

بالنسبة للسؤال الأول , أنا بصراحة كنت داخل المنتدى و مش مقتنع اني ابقى في يوم من الأيام أكون مشرف , بس بصراحة لما جالي جواب التعيين بإني بقيت مشرف في قاعة المطبخ و الديكور حسيت بإني مأقدرش أضيع ثقتكم فيا في اني أكون مشرف لقاعة المطبخ و الديكور .
بالنسبة لو مكنتش مشرف لقاعة المطبخ و الديكور أي قاعة أفضل اني أكون فيها مشرف , بصراحة من وجهة نظري دي حاجة رجعه ليكم انتم لما تشوفوا هل أستطيع اني أكون مشرف في أي قاعة تانية و لا لأ .

وصلت للمنتدى بعد لف و دوران كتييييير في المنتديات العربية و كان من ضمن المنتديات منتدى لؤلؤة المشرق العربي و سبحان الله اشتركت باسم معقول غير اشتراكي في المنتديات التانية و أهو بقيت الحمد لله زي ما انت شايف عضو من أسرة جميلة فيها أفراد ممتازين في كل حاجة الحمد لله :)

طموحااااتي اني أكون مستريح في حياتي و مستور و أكون انسان ناجح و دي عايزة جهد مش سهل و ربنا يسهلها علينا كلنا و يرزقنا العمل و الحياة الشريفة و الكريمة :)

بحر الإسكندرية
10-07-2003, 08:43 PM
ده أنا اللي اتشرفت بدخولك الموضوع يا mahe128 ;)
يا مرحب يا مرحب :)

متخفيف لو هنغرق هنغرق كووووووولنا مع بعض في الحب الاخلاص و الوفاء و الحنان و هاجر و نجلاء و نرمين :p:p

يا ستيييي بطاقتي الشخصية هي :
الاسم / محمد منير أحمد
السن / 23 سنة
البلد / مصري و بحبها تكون أحسن بلد في الدنيا
المؤهل / خريج ادارة و حاسب آلي لسه طازة , السنادي :)
مدينتي / حبيبت قلبي بجد الاسكندرية
الحالة الاجتماعية / لسة قاعد لوحدي , و هآخد أجازة شوية علشان أشم نفسي من الدراسة و الامتحانات ;)
الاسرة / أنا أكبر واحد في اخواتي و عندي اختين بنات

في حاجة أنا نسيتها و لا ايه ؟

اسألي و أنا تحت أمرك :)

بحر الإسكندرية
10-07-2003, 08:59 PM
حبيب قلبي من جوّه أووووووووي عبد الحكيم :)
المنتدى منوّر بيك و بمواضيع الجميلة و ردودك الممتازة :)

بطاقتي الشخصية :
الاسم / محمد منير أحمد
السن / 23 سنة
البلد / مصري و بحبها تكون أحسن بلد في الدنيا
المؤهل / خريج ادارة و حاسب آلي لسه طازة , السنادي
مدينتي / حبيبت قلبي بجد الاسكندرية
الحالة الاجتماعية / لسة قاعد لوحدي , و هآخد أجازة شوية علشان أشم نفسي من الدراسة و الامتحانات
الاسرة / أنا أكبر واحد في اخواتي و عندي اختين بنات

هواياتي :
أنا مدمن حاجة للأسف اسمها انترنت , بحب المواقع العلمية و ساعات الطبية و بحب كمان المواقع الدينية .
من هواياتي كمان ركوب العجل , بحب العجل موووووووووووت , دي بالنسبالي زي العربية , بأقضي بيها معظم مشاويري .
بحب الهدوء و بحب البحر و صوت أمواجه اللي بتحسس الواحد بالراحة .
بحب القراءة بس للأسف مش علطول , بس لو فيه كتاب شدّني بجيبه علطوووول , بالذات لو كان عن الحاجات الغريبة زي مثلاً الأطباق الطائرة و الكائنات الغريبة و بحب أقرأ عن المواضيع الغريبة زي الناس اللي بيشتعلوا لوحدهم و زي الانسان المستأذب و كده يعني .


مدينتي هي الاسكندرية , بحبها أوي بس بصراحة لما كنت عايش في الامارات و كنت بآجي شهر واحد في السنة مكنتش حاسس بيها خالص و كمان بمصر , بس لما قعدت فيها دلوقتي بقالي 4 سنين حسيت اني لو سافرت أي حتة و جبت شوية بحس اني مخنوق و عايز أرجع بسرعة ليها .
بصراحة أنا لما جيت مصر و استقريت في الاسكندرية تعبت شوية في الأول من الجو العام , بس دلوقتي أخت عليها و اللي بيفرحني كمان الحاجات الجميلة اللي بتتعمل فيها من تجميل لشوارعها و تحسينها زي مثلا محطة الرمل و محطة مصر و البحر بطوووووله كله و كمان كبري استانلي الرائع و مكتبة الاسكندرية , و بأتمنى من ربنا انها تكون أحسن و أحسن من كده و تكون مش عروسة البحر الأبيض لأ , عايزها تكون ملكة البحر الأبيض المتوسط .

بحر الإسكندرية
10-07-2003, 09:14 PM
أختي العزيزة أووووووووووووووي و حبيبتنا كوووووووولنا بنت مصر ( بسنت ) .:):):)
دائرة الضوء منوّرة بيا , بس انت لما دخلتيها خلتيها مشعّة بالنور الجامد و الجميل :):)

ازيك انت ؟
عامله ايه ؟:)
أنا الحمد لله طول ما انتم كلكم كويسين :)

يا ستي أنا لما بأحس بالضيق بحب أقعد مع نفسي و أقعد أفكر كتيييييير و بعد كده أسمع قرآن أو بأسمع موسيقى هادية علشان أنسى الضيق اللي أنا بأكون فيه , بس الحمد لله ساعات مفيش حاجة بتنفع خالص , فبأفضل في الوضع اللي أنا فيه لغاية لما يروح مع نفسه.

بالنسبة للصداقة عبر الانترنت أنا بأفضلها ساعات , علشان بصراحة الواحد بيتعرف على ناس ممتازة و محترمة أووووووووووي , هو آه دلوقتي كل برامج الشات أغبلها ناس أي كلام بس برضة فيها ناس أخلاق و أدب بس قليل أوووووي على حسب ما أنا شفت يعني .
ممكن الصداقة تدوم لو كانت مبنية على الصراحة و الاحترام المتبادل و الاخلاص كمان .

طموحاااتي المستقبلية , أنا نفسي أتعلم برامج الجرافكس و أقطع فيها مجال كبير و نفسي أكون ناجح في حياتي و عملي و أسرتي اللي لسة مجتش :cool:
و أول حاجة في كل ده رضا ربنا عني و والدي و والدتي كمان :)

محيي ابراهيم
10-07-2003, 09:34 PM
اخونا العزيز بحر اسكندرية
كانت مقاجأة لي ان اعرف عمرك 23 سنة لاني ومن خلال متابعتي لكتاباتك ورجاحة عقلك واتزانك حسيت انك اكبر من كدة بكتير لكن مادمت بهذه السن الصغيرة وهذا العقل الراجح فلاشك ان بلدنا الحمد لله مازالت بخير كما ستكون دائما بفضل روعة ابناءها ممن هم على شاكلة محمد منير احمد " بحر اسكندرية "
انا عارف اني مقل كثيرا في مشاركاتي معك لكن هذا لايمنع من مدى اعجابي وفخري بك وبقلمك وبفكرك وانتهز الفرصة لاشكر عبد الحكيم على اتاحة هذه الفرصة لنا في استضافتك فقد كنت اتطلع لها منذ زمن
اخي عبد الحكيم
مادمت خريج حاسب آلي...
س 1 - كيف نستغل الكومبيوتر في مخاطبة الغرب واسقاط الضوء على ثقافتنا وحضارتنا بحيث يعرفوها بشكل محايد.
س 2- هل المعلوماتية على الانترنت اثرت بالسلب داخل الشارع العربي بسبب تناقل الاخبار المتناقضة ام انها اثرت الحياة الثقافية لدى الشباب العربي ؟
س 3 - لماذا اخترت الاشراف على قاعة المطبخ وايه احلى اكلة بتعرف تعملها وهتوكلها لمراتك انشاء الله لما تتجوز عشان تتقي شرها ؟
تحياتي يااخي العزيز
محيي

ميادة
10-07-2003, 11:50 PM
بسم الله الرحمن الرحيم

يادى النور يادى الهنا بحر اسكندرية هنا
هييييييييييه هيييييييييه

وشكرا جدا استاذنا عبد الحكيم على الاختيار الرائع دايما وعلى المجهود العظيم

انا مش هتأل عليك فى الاسئلة هم سؤالين نونو أوى:

1-ما الذى يعجبك فى بحر الاسكندرية(الذى نعرفه والذى لا نعرفه) وما الذى لا يعجبك؟

2-الاسكندربة اجمل واحلى بلد فى الكون ما الذى تتمناه لها وهى تزداد تألقا؟

ولك خالص تحياتى

مودو مشاكل
11-07-2003, 01:25 AM
بسم اللة الرحمن الرحيم

منور بحر الاسكندرية وانت تحت دائرة الضوء

مش حطول عليك

اولا الف مبروك النجاح :):):):)

ولي سؤال واحد فقط

واسمحلي اطبق عليك اسئلتي الصحفية
يعني نوع من التدريب :p:p:p

ماهي خطتك العملية بعد ان اتممت رحلتك التعليمية الشاقة ؟؟؟

وتحياتي
اسلام محمد

جنان الفردوس
11-07-2003, 02:17 AM
مش ممكن .......مش مصدقة عينيا ...:confused::eek:
بحر .. يا لهوي .. بحر هنا .. وانا نايمة على وداني ..:(
محدش يقولي .. صفحتين ردود .. وانا مش موجودة ..:2:
بس خلاص انا شوفتك يا حلو
..
هتروح مني فين ..:p
وراك وراك والزمن طوييييييييل ..

خمسة وارجعلك ..
احضر لك شوية اسئلة صعبين عشان تتعذب فيهم شوية ..
:cool:

جنان الفردوس
11-07-2003, 04:09 AM
معلش من المفاجأة نسيت أشكر أ / عبد الحكيم .. أ / محيي إبراهيم ..
على أحلى برنامج في أحلى منتدى.. وخصوصا دلوقت مع أحلى شخصية..:D
(( ههههههه .. بعاكسك ..))
يا لهوي على مخي التعبان ده ..
نسيت أقولك مبرووووووووووك يا بحر ..
..
شوف يا سيدي ..
أنا أسألتي كلها بسيطة ومحدش يقدر يقول غير كده ..
جايز اكون فضولية وبسأل كتير..
انما اسئلتي بسيطة ومتقلقش منها خالص ..:p

1- ما الذي يعجبك في محمد منير .. وما الذي يعجبك في بحر اسكندرية
وفي المقابل ما الذي تكرهه فيهما..

2- ما الذي تتمناه في فتاة أحلامك ..

3- ما الموقف الذي حدث لك ولا تزال تذكره بشدة ..

4- ما رأيك في الشخصيات الآتية: (( على فكرة السؤال ده سألته
للينا.. بس أنا واثقة فيك وفي أنك مش هتغش منها وزيادة للاطمئنان
غيرت الشخصيات شوية))
نعناعة .. طعمية .. بنت مصر.. هبة ..
ابن البلد .. مودو مشاكل .. وادكول مش معقول .. أ / عبد الحكيم
< وبكل صراحة .. بحر اسكندرية .. جنان الفردوس .. >

بس كفاية كده .. شوية وارجع لك .. افكر بس في شوية اسئلة تاني..

خالد بن الوليد
11-07-2003, 07:57 AM
يا هلا يا هلا بالغالي الجميل ( بحر اسكندرية ) :)

منور دائرة الضوء بجد :)

معلش انا متأخر كالعادة :( سماح بقى

ازيك عامل ايه ؟ و اسكندرية ؟ وحشتني قوى قوى :)

انت طلعت حاسب آلي زيي :) اللع يعينك بقى ;)

اخى محمد منير .. رأيك في فكرة الزواج من اجنبية ؟ و فكرة الهجرة ؟

إسلام شمس الدين
11-07-2003, 09:15 AM
أخي الحبيب بحر الإسكندرية . .

لم يكن من الممكن أن تكون أنت ضيف هذا الموضوع الرائع دون أن أشاركك . .
وددت فقط أن أعبر لك عن مدى تقديري و احترامي لشخصك الكريم . . و مدى سعادتي باستضافتك في ( تحت دائرة الضوء )

لك خالص محبتي . . و للأخين العزيزين محي و عبد الحكيم كل الشكر .

تحياتي و تقديري
إسلام شمس الدين

lina
11-07-2003, 10:38 AM
صباح الفل على اجمل بحر:)

ازيك ههههههههه:p

متتخضش من الاسئلة,, انتا لسه شفت حاجه ;)


ماخفى كان اعظم يا بحر :D


انتي يا جنان يا مفعوصة انتي خفي على الاستاذ شويه بعد اذنك يعني :D


يلا انا هسألك سؤال بسيط

يا ترى بتحب الحيوانات؟

اذا كانت الاجابة بنعم,,

اذكر اسم الحيوان اللي بتحبه ( ياريت يكون حيوان واحد)
هل بتربيه وللا لا

اذا كانت الاجابة بلا(يعني مبتحبش الحيوانات)

اذكر السبب



لو جتلك فرصة تروح لرحلة (لأحد) هذه الاماكن فأيها تختار وليه ;)

1- سطح القمر
2-ديزني لاند
3-هاواي
4-اليابان
5-تايلاند
6-القطب الشمالي:p



اظن كفاية كده
(بذمتك مش ارحم من جنان ؟!!:pهههههههههههه)

جود لك

باي باي
لينا:cool:

عـــــيون اسـود
11-07-2003, 01:54 PM
منور يابحر ونشالله تكون سعيد مع جميع الأعضاء........

ونشالله تكون الأسئله لزيزه على القلب.............


وماعندي أي سوئال أطرحه بصراحه حابه أرحب بيك وأقول لك نورت يابحر ..... كيد أهديك ورده......... لأيتقلبك كل ورود........ .........


وسمحلي......أختك::::: عـــــــــيون أســــــــــود

جنان الفردوس
12-07-2003, 02:14 AM
فينك يابحر ..
انت هربت ولا ايه ..:p
يا بني انا كنت داخلة اسئلك تاني..
الاقيك لسه مدخلتش..
يالا تعالى بسرعة ..
الاسئلة هتنط من لساني ..:D

بحر الإسكندرية
12-07-2003, 03:02 PM
معلش يا جماعة , أعذروني علشان كنت بأمر يومين مش ولا بد , علشان كنت تعبان شويتين

أنا هأرد على الأسئلة اللذيذة دي , بس إدوني فرصة أروح أتغدا و أرجع بسرعة :);)

بحر الإسكندرية
12-07-2003, 04:08 PM
أنا محرج و الله من كلامك الجميل ده اللي كبييييييير أوي عليا :o
ده الموضوع زاد جمال لما لقيت اسمك موجود فيه و الله ;):)
بالنسبة للأسئلة الجميلة بتاعتك :
1 - في الةقت الحالي بسيط أوي لما بأتكلم مع شخصية أجنبية , بس ساعات بتيجي الفرصة اني أتكلم مع شخصية أجنبية و بيسألوني عن مصر , فأكلمهم عن الأثار الجميلة اللي فيها و الحضارة القديمة اللي هما ساعات بيكون عندهم فكرة ضعيفة عنها و بأكمهم عن الاسكندرية , و الحمد لله في آخر الحديث بيتمنى أو بتتمنى اللي بأتكلم معاه أو معاها انه يجي مصر و يشوف اللي قلتله عليه .

2 - من وجهة نظري انها أثرت في الاتجاهين , الشارع العربي و الشباب العربي , في الشارع العربي أثرت فيه بنسبة سلبية للبعض اللي ساعات بيكون واثقين في مواقع اخبارية و مواقع تتحدث عن القضايا المعاصرة و لكن في أصل هذه المواقع يوجد أجانب مؤسسين لهذه المواقع أو مشاركين في ادارتها , حيث يثق البعض في المعلومات اللي بيقرأها منها و هو لا يعلم أنها معلومات ناقصة أو تحتوي على شيء غير صحيح , أما بالنسبة للشباب العربي فأرى أنها أثرت عليه بشكل كبير ملحوظ حيث أن البعض يتسابقون على دخول المواقع الاخبارية و السياسية و غيرها قبل عرضها مأكدة على التليفزيون أو في وسائل العرض المختلفة , و لكن بالنسبة للمواقع الاخبارية و غيرها يوجد مواقع أخرى موثوق فيها مثل مواقع الصحف المحلية و الأجنبية الموثوق فيها التي لها تاريخ حافل لكتابة المقالات الصحيحة .

3 - بالنسبة لإختياري لمشرف قاعة المطبخ و الديكور , ده مش اختياري أنا , ده ثقة منحتني بها الادارة في اني أكون مش فيها , علشان تعرف سبب اختياري للإشراف اسأل ابن البلد و بسنت و الادارة , أما بخصوص أحلى أكلة فأنا لسة بأتعلم الأكلات الكبيرة اللي الواحد يقول عليها أكلة مش زي البيض الأمليت و الحاجات الصغيرة دي ;)

تحياتي لك أخي العزيز محي ابراهيم

بحر الإسكندرية
12-07-2003, 04:16 PM
يادي الهنا و يادي النور ليا أنا لما أشوف في الموضوع الجميل ده جرح الزمان ;)
أنا معاكي برضة بأحيّ الكريم عبد الحكيم على الكوضوع الجميل ده اللي بيوصل القلوب لبعضها :)

بالنسبة لسؤالك الأول أنا مأعرفش أجاوب عليه علشان أنا شايف ان اللي يجاوب عليه الناس اللي معايا و اللي حواليا , علشان أساعدك انت ممكن تسألي مودو مشاكل أو نعناعة أو نادين :)

أنا بأتمنى للإسكندرية انها تكون أحلى و أجمل مدينة و بأتمنى كمان انها تفضل بجمالها الرائع ده و تستمر تألق و جمال و تزداد تطور كمان .
تحياتي لك جرح الزمان :)

بحر الإسكندرية
12-07-2003, 04:23 PM
حبيبي مودو مشاكل :)
الموضوع نوّر بدخولك الجميل , وألف ألف مبروك النجاح و عقبال السنة الجاية ان شاء الله :)

خطتي العملية إن ان شاء الله ربنا يوفقني و أكون شخصية ناحجة في المجال اللي بأحبة و هو مجال الكمبيوتر و الانترنت و بأتمنى من ربنا اني أقدر أعمل مشروع ناجح . بس :)

تحياتي حبيبي اسلام:)

بحر الإسكندرية
12-07-2003, 04:59 PM
الموضوع بقى عامل زي الشمس من كتر النور لما دخلتي يا جنان ,
يا مرحب يا مرحب :)

بصي يا ستي
أنا شايف ان محمد منير هو نفسة بحر الاسكندرية
اللي بيعجبني في محمد منير أو بحر الاسكندرية أنا برضة زي ما قلت قبل كده مأقدرش أقول ايه هو علشان أنا مأعرفش , اللي يعرف الناس اللي حواليا أو اللي جنبي علطول ;) ,
أما بالنسبة اللي بأكره فيه هو الكسل في بعض الوقت و برضة اسألي اللي معايا و هما يقولولك علشان أنا مش عارف ;)

بالنسبة لفتاة أحلامي أنا بأتمنى من ربنا انه يرزقني بنت الحلال اللي أقدر أعيش معاها عيشة جميلة هنيّة مفهاش مشاكل خالص غير المشاكل الزوجية البسيطة و بأتمنى انها تكون متعاونة و مخلصة و مش بتفشي أسرار بيتها برّة , و أهم من ده كله انها تكون متدينة و محترمة , علشان بصراحة اللي شايفة اليومين دول عكس كده خالص ( اعذروني ) , أنا بأقول اللي حاسس بيه و شايفة قدامي .
بس أنا عايز أسأل هو انت خاطبة و لا عندك عروووووساااااا ؟؟ :p:p:pههههههههههه

الموقف اللي حصل معايا و مازلت أذكره بس مش بشدة بس الحمد لله بدأت أنساه هو مشوار عاطفي ربنا رحمني منه و من اكتماله , بس للأسف الظروف اللي حواليا ساعات بتذكرني بيه , بس بأنساه .

سؤالك الأخير ده صعب بس ربنا يسهل و أعرف أجاوب عليه :

نعناعه : انسانة مخلصة و خلوقة و ظريفة أووووووووووووي , و الحوار معاها هادف و جميل .

طعمية : أنا بصراحة متعاملتش معاها , بس اللي أنا شايفة في مواضيعها انها مثقفة و دمها خفيف و مش عارف هي غايبة عننا ليه .

بنت مصر : أختي العزيزة أوي اللي مش بتبعد عن أي حد محتاج مساعدة و كمان عندها روح مرحة أوي و دمها زي العسل .

هبة : شخصية جميلة و مثقفة و مواضيعها جميلة و حساسة , و برضة أنا متعاملتش معاها علشان أعرفها أكتر .

ابن البلد : حبيبي و حبيب الكل , انسان خدوم و متعاون , بس بصراحة ساعات ردوده في المواضيع بتستفزني و بالذات الرد ده : :4::4::4::4: اللي نفس أعرف معناه ايه :) , بس لما بأشوفه في الردود و المواضيع الجد بأضوفه شخصية بتتحمل المسؤولية و أدها .

مودو مشاكل : ده حبيبي و أخي العزييييييييييييز أوي و صديقي العزيييييز , اللي بصراحة مأقدرش أبعد عنه لأنه شخصية محترمة و متعاونة و بتحب تخدم و حاجات كتيييير .:)

واد كول مش معقول : انسان دمه خفيف و زي العسل و مواضيعه جميلة و هادفة , و خدوم و صاحب مسؤولية و أعمال أنا عارف انه أدها من الحوارات اللي بتدور في المواضيع .

أ/عبد الحيكم : انسان محترم أووووووووي و كلامه رزين و صاحب قلم مثقف و كمان شخصية خدوووووومة أوي :)

بحر الاسكندرية أنا عايز انت اللي تقوليلي رأيك فيه بصراحة .

جنان الفردوس : انسانة روحها جميلة و مرحة و دمها زي العسل و مواضيعها هادفة و ردودها على المواضيع موزونة :)

هي
هي
هي
هي
تعب من كتر الاجابة
الحمد لله الأسئلة خصلت , اديني ريست و أجاوب عليكي تاني ;)

بحر الإسكندرية
12-07-2003, 05:17 PM
حبيبي أوووووووووووووووووي خالد بن الوليد ,
اشرقت الانوار في الموضوع بدخولك الكريم :)
تأخيرك ده في دخولك للموضوع و انت داخل زاد الموضوع جمال و زاده محبة :)
انت عامل ايه ؟ عازين نشوف اسكندرية منوّرة بيك , احنا في صيف و دي فرصة انك تاخد أجازة و أي حاجة و تيجي تشوف بحرها الجميل و جمال مناطقها الجميلة .

بص يا سيدي
بالنسبة للزواج من أجنبية أنا من وجهة نظري مش بأفضله علشان اختلاف العادات و التقاليد , و تعاملهم مع الحياة مختلف عننا خالص , بمعى أنا شايف ان بعضهم بيقولوا انهم عايشين علشان يستمتعوا بحياتهم و ينجحوا في أعمالهم و مش حاطين في دماغهم هل لما هيموتوا الاستمتاع اللي هما شايفينه ده هينفعهم في حياة الأخرة , و هل زي طريقة معيشتهم بينهم و بين بعض ربنا هيكون راضي عنهم و يدخلوا الجنة زي ما هم معتقدين .
علشان كده أنا شايف ان الأجنبية من ساعة ما هي اتولدت و هي في طرق المعيشة دي , بس برضه بيكون فيه فلتات منهم بيكون ممتازين , بس لو تلاحظ لما بيدخلوا في الاسلام , صح ؟

فكرة الهجرة بالنسبالي أنا رافضها , ده أنا اتغربت عن بلدي و أهلي مدة طويلة و لما رجعت تعبت أوي في التعامل مع الناس و المعيشة و غير كل ده أنا بأعتبروني في البلد وافد على البلد مع اني مصري , ليه مش عارف , بعد كل ده أفكر في حكاية الهجرة , حتى لو هاجرة مش مسيري أرجع تاني لأهلى و لحبايبي .

تحياتي لك خالد بن الوليد

بحر الإسكندرية
12-07-2003, 05:22 PM
ده شرف كبييييييير أوي ليا لما أشوف مشاركة منك هنا في الموضوع يا اسلام:) ,
و بأشكرك على الكلام الجميل ده و لك مني كل تحية و تقدير :)

بحر الإسكندرية
12-07-2003, 05:33 PM
مساء الفل و الياسمين على أحلى لينا في الدنيا :p:p:p
أسألت جنان زي العسل و مفيش مشكلة مش متقلة عليا و لا حاجة ;)

أنا بحب نوع بيعتبر من الحيوانات على ما أعتقد اللي هو العصافير , بأحب أسمع صوتها الصبح و الواحد لسه قايم من النوم بدل ما أسمع صوت الخبط على أنابيب البتوجاز , و بأحب كمان ألوانها اللي سبحان الله عليها بأحس انها مرسومة رسم , سبحان الله .

بالنسبة للسؤال التاني أنا بأختار أولا سطح القمر علشان بيعتبر رمز الحب و الجمال زي مثلاً شايفة القمر يا عبلة شوفي جميل ازاي , بس انت أحلى منه بكتيييييير , و مثلاً ايه الجمال ده , ده انت زي القمر النهاردة و علطول , هههههههه كده يعني .
و ثانيا بأختار هاواي علشان جمال الطبيعة الرباني زي البحر و الشواطئ هناك و الهدوء المتناهي , يعني على ما أظن انت و صوت البحر بس لا صوت كلكس عربية و لا بتاع الطماطم معدي من تحت البلكونة :D:D

تحياتي لك يا لينا :)

بنت النيـل
12-07-2003, 05:36 PM
جيت متأخرة كالعادة
معلش يابحر اصلي يادوب مخلصة شغل النهاردة وغسلت ايدي من النتيجة وجيت جري .
زمان الطلبة بيعيطوا ...

ح احضر لك كام سؤال وارجع جري ... ماتتخضش ... انا مش شاطرة في الموضوعات دي ومش باعرف اسأل وخصوصا ان الاسئلة اغلبها اتسال

ياللا اروح اطبخ لك سؤالين وأحمر لك كام سؤال ع الماشي وارجع

:) :) :)

بحر الإسكندرية
12-07-2003, 05:38 PM
ده المنتدى و الموضوع منوّر بيكي يا عـــــيون اسـود , و ان شاء الله تكوني مبسوطة مع اسرتك الجديدة اللي في النت :)

بس انا عايز أسألك المراد بدل ما أتسئل :
يعني ايه عيون أسود اللي هو اسمك ؟

تحياتي لكي و اتمنى لك قضاء وقت ممتع و مفيد وسطينا ان شاء الله :)

بحر الإسكندرية
12-07-2003, 05:42 PM
ايوة يا جنان أنا مستعد دلوقتي للأسئلتك , اسألي و أنا أجاوب عليكي و ربنا يستر :)

بحر الإسكندرية
12-07-2003, 05:48 PM
يا مرحبا يا مرحبا نورك غطى على الكهربا ,:)
ازيك يا بنت النيل , ده انت منورّة ,
ولا يهمك التأخير بس المهم انك تخفّي شوية على الطلبة في النتايج ;)

يا ستتتتتي أنا مستني الطبق اللذيذ اللي فيه الأسئلة الجميلة اللي انت محضراها و ان شاء الله أكون عند حسن ظنك في أكلها أقصد أجاوبها :D:D

أنا مستني أهو :1:

lina
13-07-2003, 01:57 PM
اجابات جميلة يا بحر برافو عليك وشكرا :)

تحياتي

اختك
لينا

ميادة
13-07-2003, 02:36 PM
ماشى يا بحر هفوتها علشان اسكندرية بس

امممممممم

طيب قولى وبكل صراحة ومن غير خوف انا هحميك
ايه رأيك فى:
مودو مشاكل
و
نعناعة
و
نادين

بحر الإسكندرية
13-07-2003, 02:38 PM
الله يخليكي يا لينا :)
ده كلام نابع و الله من القلب لأغلى و أحلى ناس :)

بحر الإسكندرية
13-07-2003, 02:48 PM
بس يا جرح :
مودو مشاكل أنا مش بأعتبره صديق و بس , ده زي أخويا و الله , انسان ممتاز ,أخلاق , أدب و محترم , بيحب يخدم بجد .:)

نعناعه دي أحلى شخصية قابلتها و الله , أحلى حاجة فيها انها شخصية تحسي من كلامها انها طيبة أوووووووي و مرحة و مثقفة و كل حاجة حلوة :)

نادين بقى أنا بأعتبرها زي أختي بالضبط و زميلتي و صديقتي , نادين انسانة صادقة بتتحلى بصفات الطفولة الجميلة و البريئة في التعامل ( ده مدح مش ذم ;) ) , مخلصة أوي :)

lina
13-07-2003, 02:57 PM
يا سلام يا بحر :confused:

طب ايه رأيك في لولو بقى :rolleyes:

وفي جرح الزمان بالمرة هههههههههه :D


وبصراحه ;)

سلام
لينا :)

ميادة
13-07-2003, 02:59 PM
عندك حق والله

مودو مشاكل مكسر الدنيا بموضوعه الجديد يللا روح شوفه
وواضح زى ما قلت انه :ممتاز ,أخلاق , أدب و محترم , بيحب يخدم بجد .
واى موضوع له بيكون محل تقدير واحترام....

نعناعة....لذيذة اوى وعسولة اوى ووجودها فى المنتدى بيديله طعم تانى

نادين....الرقيقة هى فين ؟؟؟وحشانا والله

يااااااااااه نسيت ده بحر الاسكندربة هو اللى تحت الضوء
سوووووورى

بحر الإسكندرية
13-07-2003, 03:11 PM
العزيزة أووووووي لينا :
ممكن أسأل مين لولو ؟:o

جرح الزمان دي حاجة تانية , دي حاجة فيها كمية طيبة قلب , كرم أخلاق , احترام كبيييييييير , حاجات كتير أوي من كترها بصراحة مش عارف أعددها :)

lina
13-07-2003, 03:27 PM
ههههههههههههه سوري قصدي لينا

باي
لينا

بحر الإسكندرية
13-07-2003, 03:40 PM
نادين يا جرح الزمان مسافرة اليومين دول و للأسف معندهاش كمبيوتر قريب منها , بس ساعات بتلاقي واحد كل فين و فين و بتدخل بس بسييييييط أوي .

انت كل الجوار ده مكنتيش تعرفي ان بحر الاسكندرية هو صيف دائرة الضوء ؟؟؟ :confused::confused:

بحر الإسكندرية
13-07-2003, 03:43 PM
لينا يا لينا دي حكااااااية تانية خالص .
شقاوة الدنيا فيها :p
خفة دم محصلتش ;)
مواضيع و ردود ممتازة ;)
حاجات كتيييييييييييييييييييييييييير جمييييييييييييلة :):)

lina
13-07-2003, 03:48 PM
ههههههههههههههههههه
ههههههههههههههههههههه

مين دي يا بحر


احم احم

انا كده حتغر في نفسي ;)

متشكره يا طيب:)

باي باي
لينا :cool:

ميادة
13-07-2003, 03:48 PM
شكرا على التوضيح يا بحر
وان شاء الله تعود لنا بالسلاااااامة

وشكرا على الكلام لرقيق ده: جرح الزمان دي حاجة تانية , دي حاجة فيها كمية طيبة قلب , كرم أخلاق , احترام كبيييييييير , حاجات كتير أوي من كترها بصراحة مش عارف أعددها

اخجلتم تواضعنا

اما انت عليك اسئلة محرجة يا لينا....ز بحر جالى يضربك اهه وانا مش هحوش عنك المرادى
اخر مره انكسرت وما جيتيش زرتينى فى المستشفى

بحر الإسكندرية
13-07-2003, 03:59 PM
يا لينا انت لسة مأخدتش حقك و الله في الكلام ده ,
ده حاجات بسيطة أوي;)

بحر الإسكندرية
13-07-2003, 04:01 PM
هي أي نعم أسألت لينا صعبة شوية , بس أسألة حلوة ,
بس ياريت مكنش مزعل حد :)

lina
13-07-2003, 04:04 PM
ههههههههههه يا مياده اتكسرتي امتى يختي وازاي متقوليلش :rolleyes:
كنت هاخد بحر معايا و نديكي حقك تمام هههههههههه :D
يا رب يكون الكسر اتلئم التأم هي بتتقال ازاي !! :rolleyes: يلا مش مهم :p

انتو تستاهلو كل خير شكرا على ردودكم يا مياده و يا بحر

باي باي
لينا :)

جنان الفردوس
13-07-2003, 06:08 PM
ايوة يا بحر ..
متقلقش ..
هسألك بس مش دلوقتي ..
لأن أنا قاعدة في الخباثة ولو اتقفشت هيبقى يومي اسود.. :D
لما افتح بالليل هبقى اسالك ..
سلام .. :cool: