المساعد الشخصي الرقمي

مشاهدة النسخة كاملة : كحك ... بسكويت ... غريبه ... بيتيفور ...قبل العيد



sea horse
01-10-2007, 08:49 AM
كل سنه وانتم طيبين
العيد بقى عالابواب وفاضل حوالى عشر ايام
وبدأنا نسمع والله لسه بدرى والله يا شهر الصيام
فدى وصفات الكحك واخواته للى عايز يعملها فى البيت
بس اهم حاجه انه يلاقى دقيق كويس .. يعنى يجيب اغلى دقيق
والسنه دى الدقيق الكويس لن يقل سعره عن 3.25 جنيه


الكحك
نص كيلو سميد و 1 كيلو دقيق و كوبايتين سمن نوع محترم
كوباية زيت ذرة و بيضتين و حوالى كوبايتين لبن دافى
و نحط معاهم 1 ملعقة كبيره خميرة عاديه و معلقة صغيره سكر (ولا تستعملى الخميرة السريعة )
و نضيف للدقيق معلقه كبيره ريحة المعمول او الكحك من عند العطار
نخلط السوائل كلها مع بعض ونسيب نص اللبن لضبط العجين
نضيف خلطة السوائل للدقيق و ريحة المعمول او الكحك مع معلقتين ماء زهر
ونعجن كويس ونضبط تخانة العجين بباقى اللبن
نسيب العجين متغطى بقماشه يخمر حوالى ساعه
ثم نقطع حتت صغيره ونحشيها باى شئ نحبه ( جوز / تمر / تين مجفف )
ونلم الاطراف ونرص فى صاج الفرن وممكن ننقشه لو نحب
ويدخل فرن حار حوالى 10-15 دقيقه ثم تحمير الوش
ويخرج يبرد ونرش على وشه سكر بودره ..ودى فايدة النقش لعدم انزلاق السكر

البتى فور
كوبايتين دقيق وكوباية سكر وتلاتربع زبده
كيس بيكنج باودر وبيضتين ومعلقتين كاكاو ومربه ومبشور فستق او لوز
هانضرب السكر والزبده لغاية مرحلة الكريمه ونضيف البيض ونكمل
ونخلط البيكنج باودر بالدقيق ونضيفه بالتدريج مع العجن لغاية تماسك العجينه
هانقسمها نصين ونضيف الكاكاو لنص منهم
هايبقى عندنا عجينه لونين نشكل ونخبز كل لون لوحده
طبعا باى اشكال تحبها ممكن كور صغيره او باستعمال القمع او بالقوالب
بعد ما تستوى نسيبها تبرد ونبدأ نلزق كل اتنين من لونين مع بعض بالمربه
ونزوق الاحرف بمبشور المكسرات او بدون

الغريبة
كيلو دقيق و 3 كوبايات زبده و كوباية سكر بودرة و بياض بيضتين
و فانيليا و لوز مقشر و فلقات للتزيين
هانضرب الزبده مع السكر لغاية الكريمه
هانضرب بياض البيض مع الفانيليا ونضيفه للى فات
بعد كده نحط الدقيق بالتدريج اثناء دوران العجانه و حتى تكون عجين لا يلتصق
نشكل العجينه وحدات صغيره مغروس فى قمتها نص لوزه
المهم نسيب مسافات بين الوحدات لمنع الالتصاق
و ندخلها فرن متوسط الحرارة لغاية السوى التمام
ونخرجها نبردها على طول

بسكويت النشادر
تلات كوبايات دقيق و كوباية نشا و كوباية سمن معتبر
بيضتين و كيس بيكنج باودر و فانيليا و شوية لبن لضبط العجين
نضرب السكر والسمن حتى النعومه و مرحلة الكريمه
نضرب البيض والفانيليا و نضيفه للى فات
نضيف الدقيق والنشا والبيكنج باودر بالتدريج حتى نصل لعجينه يمكن تشكيلها
ويمكن ضبطها باستعمال شوية لبن
بعد كده نشكل البسكويت سواء بالماكينه الخاصه او القمع او اى شئ
و ندخلها فرن متوسط برضه زى الغريبه.... لغاية اللون الذهبى
ونخرج البسكويت يتبرد على طول

بسكويت لانكشير
تلات كوبايات دقيق و كوباية مطحون رز ناعم اوى زى الدقيق
كيس بيكنج باودر و نص معلقة ص فانيليا و كوباية زبدة سايحه و زيها سكر و بيضتين
هانضرب الزبده مع السكر البودرة لغاية مرحلة الكريمه و نضيف البيض لغاية الامتزاج التام
نوقف الخلاط ونضيف باقى المقادير مع التقليب بخفه بمعلقة خشبية
المهم هانعجن بالايد لغاية ما تسيب الايد
هاناخد حتت صغيره من العجينه و نعملها كور و نرصها فى صاج الفرن
و بعد الخبيز نطلعها تبرد و ممكن نلزق كل قطعتين بمربه
وندحرجها بعد كده فى مبشور الفستق او جوز هند مبشور حسب الرغبه

وبالف هنا .... وموضوع الفطار شغال عادى
وكل سنه وانتم طيبين
صباح الفل

أنفـــــال
01-10-2007, 11:35 AM
صباح الفل ..
كل سنة وانت طيب ..
و جزاكم الله خيرا كثيرا ..
متشكرين على جهدك العظيم في القاعة .
:f2:

ديدي
01-10-2007, 11:37 AM
الله الله الله عليك يا سي هورس
الريحة تجنن ايه الحاجات الجميلة دى
تسلم ايدك
كل سنة وانت طيب وعيد سعيد علينا جميعا ان شاء الله

alaa pink
01-10-2007, 07:46 PM
أيه الحلاوة دى
الريحه جايبه أخر المنتدى
بارك الله لك سى هورس
و جعل كل وصفاتك الجميلة فى ميزان حسناتك
مستنيين مزيد من أبداعاتك المطبخية

aynad
01-10-2007, 09:32 PM
وااااااااااااااااااااااااااااااااااااااااااااااااا اااو
والله تسلم ايدك بجد
مجهوووووووووووود رااااااااائع يا سي هورس
موفق ان شاء الله
بارك الله فيك

sea horse
02-10-2007, 10:22 AM
العزيزه انفال
شكرا لمرورك وتشجيعك وبالتوفيق دايما يارب
كل سنه وانتى طيبه
:eat:
العزيزه ديدى
المهم التجربه والتنفيذ
وانشاء الله تطلعى كحك ماحصلش
كل سنه وانتى طيبه
:eat:
العزيز علاء
بجد وجودك يسعدنى دايما لذوقك وتشجيعك
المهم جرب وطمنى
وكل سنه وانت طيب
:eat:
العزيزه ايناد
ربنا يبارك لك
وطمنينا اول ما صاج الكحك يخرج من الفرن
وكل سنه وانتى طيبه
:eat:

مارلاى
05-10-2007, 10:59 PM
سى هورس
استنى بس ايه الكلام ده
فينك يا ست الحباب الله يرحمها
سى هورس بيض ولبن فى الكحك هازعل
اول مرة اسمع الحكايه دى
بجد اول مرة اسمع عنها
اللى اعرفه طول عمرى كيلو الد قيق وامامه نص كيلو سمنه بلدى من الزبده اللى نسيحها
وريحه الكحك والقرفه ....والخميرة اللى من الفرن
طيب قولى الكحك ده بيبقى ناعم كده ويشرق زى الكحك بتاع ست الحبايب ولا كحك خفيف؟...

sea horse
07-10-2007, 10:07 AM
العزيزه مارلاى
طبعا عندك حق ...والله يرحم ست الحبايب وعمايل ايديها
انتى ماخدتيش بالك من اول الوصفه انها مش دقيق بس ؟؟؟
وانها خلطة من الدقيق والسميذ بتاع البسبوسه ؟؟؟
الوصفه دى بجد عجبتنى اوى فى سوريه لتماسك الكحكة ونعومتها ومحافظتها عالحشو
لكن بالنسبة للكحك المصرى فالكميات اللى قولتيها مضبوطه تماما
بس نسيتى كبشة السمسم .....ههههههههه
وكل سنه وانتى طيبه ...وروح ست الحبايب معانا
صباح الفل
:eat:

أحلى كلمة
07-10-2007, 11:23 AM
يا سلام عليك يا سى هورس

تسلم ايدك على التشكيلة الحلوة دى

ان شاء الله هعمل الكحك والبتى فور والبسكوت والغريبة

وياريت تكون موجود فى الميتنج اللى يوم الجمعة بعد العيد

علشان تدوق صنع ايدايا أنا وشاعر الرومانسية

وكل عام وحضرتك بخير

sea horse
07-10-2007, 07:03 PM
العزيزه احلى كلمة
الف شكر لذوقك ومستنيين النتائج
بس ماعرفش الميتنج ده فين وامتى ؟؟
على العموم ياريت الظروف تسمح انشاء الله
مساء الفل
:eat:

sea horse
09-10-2007, 01:37 PM
مجرد تقريب الوصفات للاصدقاء
الكحك
كرغبة الاصدقاء عملت تعديل للكحك كالطريقة المصرية القديمة
1 كيلو دقيق و كوبايتين سمن نوع محترم وكبشة سمسم
و نحط معاهم 1 ملعقة كبيره خميرة عاديه مع نص كوباية ميه دافيه و معلقة صغيره سكر
و نضيف للدقيق معلقه كبيره ريحة الكحك من عند العطار
نقدح السمن اوى ونصبه عالدقيق المنخول + ذرة ملح
نقلب بمغرفه شويه لغاية الحرارة ما تهدأ ونقدر نعجن بالايد
ونعجن كويس ونضبط تخانة العجين بماء دافى بحيث لا نشعر بالسمن فى العجين على الايد
نسيب العجين متغطى بقماشه يخمر حوالى ساعه
ثم نقطع حتت صغيره ونحشيها باى شئ نحبه ملبن / مكسرات
ونلم الاطراف ونرص فى صاج الفرن وممكن ننقشه لو نحب
ويدخل فرن حار حوالى 10-15 دقيقه ثم تحمير الوش
ويخرج يبرد ونرش على وشه سكر بودره ..ودى فايدة النقش لعدم انزلاق السكر

البتى فور
كوبايتين دقيق وكوباية سكر وتلاتربع زبده
كيس بيكنج باودر وبيضتين ومعلقتين كاكاو ومربه ومبشور فستق او لوز
هانضرب السكر والزبده لغاية مرحلة الكريمه ونضيف البيض ونكمل
ونخلط البيكنج باودر بالدقيق ونضيفه بالتدريج مع العجن لغاية تماسك العجينه
هانقسمها نصين ونضيف الكاكاو لنص منهم
هايبقى عندنا عجينه لونين نشكل ونخبز كل لون لوحده
طبعا باى اشكال تحبها ممكن كور صغيره او باستعمال القمع او بالقوالب
بعد ما تستوى نسيبها تبرد ونبدأ نلزق كل اتنين من لونين مع بعض بالمربه
ونزوق الاحرف بمبشور المكسرات او بدون

الغريبة
كيلو دقيق و 3 كوبايات زبده و كوباية سكر بودرة و بياض بيضتين
و فانيليا و لوز مقشر و فلقات للتزيين
هانضرب الزبده مع السكر لغاية الكريمه
هانضرب بياض البيض مع الفانيليا ونضيفه للى فات
بعد كده نحط الدقيق بالتدريج اثناء دوران العجانه و حتى تكون عجين لا يلتصق
نشكل العجينه وحدات صغيره مغروس فى قمتها نص لوزه
المهم نسيب مسافات بين الوحدات لمنع الالتصاق
و ندخلها فرن متوسط الحرارة لغاية السوى التمام
ونخرجها نبردها على طول

بسكويت النشادر
تلات كوبايات دقيق و كوباية نشا و كوباية سمن معتبر
بيضتين و كيس بيكنج باودر و فانيليا و شوية لبن لضبط العجين
نضرب السكر والسمن حتى النعومه و مرحلة الكريمه
نضرب البيض والفانيليا و نضيفه للى فات
نضيف الدقيق والنشا والبيكنج باودر بالتدريج حتى نصل لعجينه يمكن تشكيلها
ويمكن ضبطها باستعمال شوية لبن
بعد كده نشكل البسكويت سواء بالماكينه الخاصه او القمع او اى شئ
و ندخلها فرن متوسط برضه زى الغريبه.... لغاية اللون الذهبى
ونخرج البسكويت يتبرد على طول

بسكويت لانكشير
تلات كوبايات دقيق و كوباية مطحون رز ناعم اوى زى الدقيق
كيس بيكنج باودر و نص معلقة ص فانيليا و كوباية زبدة سايحه و زيها سكر و بيضتين
هانضرب الزبده مع السكر البودرة لغاية مرحلة الكريمه و نضيف البيض لغاية الامتزاج التام
نوقف الخلاط ونضيف باقى المقادير مع التقليب بخفه بمعلقة خشبية
المهم هانعجن بالايد لغاية ما تسيب الايد
هاناخد حتت صغيره من العجينه و نعملها كور و نرصها فى صاج الفرن
و بعد الخبيز نطلعها تبرد و ممكن نلزق كل قطعتين بمربه
وندحرجها بعد كده فى مبشور الفستق او جوز هند مبشور حسب الرغبه

ومساء الفل يا عيد
:eat:

أم أحمد
11-10-2007, 01:51 AM
اخي العزيز سي هورس
تسلم ايدك علي الحاجات الحلوة دي
ريحة الكحك تجنن
كل سنة وانت بخير

نهر الحياة
11-10-2007, 10:10 PM
الاخ // سى هورس

مجهود رائع واللهى على فكرة البيض ودقيق السميد مع الدقيق دا برضة فى ليبيا مش سوريا بس

بس طبعا الكعك بتاعنا والمعمول مفيش فية كدا

جوزيت خيرا على مجهودك وكل سنة وانت بخيرواسرة المنتدى كلها بخير يارب

نانسي عمرو
11-10-2007, 10:40 PM
تسلمووون ع المرور

وع طلتكون الحلويه

وامووووووووووووووووووت فيكم

انته ايه مش كفايه عليك تجرحني خلاص لي يا حبيبي دموعي بتهون عليك

احبكم

مارلاى
22-01-2008, 01:19 PM
بسكويت اللانكشير طلع رائع
بس الارز رغم انى طحنته قوى كان برضه تحس ان فى حاجه بتقرش
مش وحشه بس ده طبيعى ولا استخدم نشادر أحسن..؟

اوركيدا
06-02-2008, 07:19 PM
مشكور اخي علي الافاده

نانسي عمرو
05-12-2008, 12:51 PM
تسلمووون ع المرور

وع طلتكون الحلويه

وامووووووووووووووووووت فيكم

انته ايه مش كفايه عليك تجرحني خلاص لي يا حبيبي دموعي بتهون عليك

احبكم