المساعد الشخصي الرقمي

مشاهدة النسخة كاملة : دائرة الضوء والنجمه لينا



الصفحات : 1 [2]

جنان الفردوس
07-07-2003, 01:17 AM
هاه يا لينا روحتي فين ..
انت لسة ماجتيش..
ده انا كنت جاية اسأل..
طيب هستنى لما ترجعي..
متتأخريش عشان الاسئلة واقفة في زوري ..:D

lina
07-07-2003, 05:19 PM
جنان الفردوس

حمدلله على السلامة يا جنان وسامحيني على التأخير كان عندي مشكلة في الدخول للمنتدى والحمدلله اديني رجعت تاني
يلا خليني اجاوب على اسئلتك الاول لسه ورايا شغل متلتل هههههههههه:p




1-لماذا تحزن لينا ..؟

افهم من السؤال امتى بزعل,, بصي يا آية بداية احب اقوللك انا بتأثر جامد من أي حاجه سواء حزن او فرح او غضب او غيره من الانفعالات والاحساسات :(
بالنسبة للحزن انا بزعل لما بيحصل مكروه لا سمح الله لاي حد عزيز عليا,, مش بس زعل ممكن توصل لانهيار يؤدي بعد فتره لتبلد:(
بزعل لما حد بفتكر فيا حاجة وحشة او ميفهمنيش صح خصوصا لما بهرج كتير:2:



2-لماذا تغضب ..؟

امممم انا بغضب كتييييييييير وساعات كتير ميكونش في سبب مقنع هههههههه يعني تقدري تقولي هبل كده:D
يعني لما حد يطنشني لما استنى رد من حد ومايردش لما حد ينرفزني لما يكونو متفقين على حاجه ونا اخر من يعلم هههههههههههههه بصراحه هوة ده اللي جه في دماغي ,, بس اكيد في حاجات تانية بغضب منها :p



3-لماذا تفرح ..؟

بفرح عشان احس اني لسه عايشه:1: ,, اما بقى عن اللي بيفرحني ,, أي حاجه ولو بسيطه بفرح بيها و خصوصا لما اشوف اللي حواليا راضيين عني:o,, لما اساعد حد واشوف ابتسامته هي دي اكتر حاجه بتفرحني,, لما اكون مشتاقة لحد والاقيه قدامي بفرح جدا:),, بحب اعمل مفاجآت للناس اللي حواليا و انبسط لما تلاقي قبول منهم,, والعكس غير صحيح مش بحب اتفاجئ كتير يعني في حدود المعقول ممكن;)


تابع الاجابه,,

lina
07-07-2003, 05:24 PM
4-ما الشئ الذي تكرهه لينا بشدة ..؟

اسمع كتير لما بيتسئلو السؤال ده وخصوصا من البنات الاجابه عادة بتكون الكدب
انا مش هقول العكس ,, معنديش مانع منه انما بحدود,, على اساس ميكونش فيه استغلال لطيبتي او اعتباري مغفلة;) لانه مش هيكون حاسبها صح خخخخخخخخخخ واثقة من نفسي اوي:D,, وكمان بكره العنف والزعيق بدرجة كبيرة :p


5-ما الموقف الذي ندمت عليه كثيرا ..؟

خناقة بسيطة الحمدلله مع بابا وماما في لحظة طيش حكمت فيها عواطفي وركنت عقلي تماما والنتيجة كانت عكسية:p

وموقف تاني كان في الثانوي ( الكلام ده بيني وبينك ) وللا اقوللك بلاش ربنا حليم ستاار ههههههههه:p
يعني اختصاره كانت محاولة غش في امتحان مكنتش انا الراس المدبره في الموضوع بس اتحملت نتيجته لاني دايما في وش المدفع,:2:, وندمت على الموقف ده كتيير ,,ده الى جانب العقاب من البيت والمدرسة وعقاب الضمير:(



6-ما اللحظة التي مرت بك وتمنيت ان تعيشيها مرة أخرى ..؟

يوم الاربع 25 يونيو 2003 ,, خلصت امتحانات و كتبت كتابي في يوم واحد  كان احساس جميل جدااااااااااا:D
احساس اخر يوم مدرسة ,, اخر امتحان ثانوية عامة بعد ماتخلصي حل الامتحان وتحطي القلم وتسلمي ورقتك اللللللللللللللللله
يااااااااااااااااااااااه عايزه احكيلك انا عملت ايه بالتفصيل بس مش حخلص هههههههههه:p

اه ولحظة لما عرفت نتيجتي يا سلاااااااااااااااااااااام لحظات لا تنسى بجد:)

يلا باي باي
في انتظار اسئلتك اللي واقفة في زورك :p
لينا

lina
07-07-2003, 05:25 PM
ميس فيرجو العفو يا روح قلبي اسئلي زي منتي عايزه:p

سؤالك التاني كنتي قاصداه !! :mad:


آآآآآآآآه منك يا عفريته;) هههههههههه

شكرا على نصيحتك يا حبيبتي:)

باي باي
لينا

lina
07-07-2003, 05:27 PM
وعليكم السلام ورحمة الله وبركاته اخونا طيب الذكر

ليا الشرف واللهي تنور موضوعي بمشاركاتك الحلوة ونتا تستاهل كل الخير:)

على فكرة انا ابعد مما اكون عن كلية الطب و لا فكرت اصلا اني التحق بيها انا كان قصدي الكمبيوتر بس كنت بستعبط في الاول ههههههههههه:p

بالنسبة للامتحانات انتا كده خلاص خلصت مش حيكون ليك عذر الان,, في انتظار مشاركاتك الطيبة يا طيب;)

واشكرك جزيل الشكر على تهنئتي بالنجاح عقبالكم كلكم:)

اخي طيب الذكر
ارجو ان تتقبل مني اجمل التحيات
لينا

lina
07-07-2003, 05:28 PM
ميادة ههههههههههه واللهي عندك حق في اللي بتقوليه منا عارفه ان اخرتها فول وفلافل عشان كده مش عايزة اتسجن في الدراسة كتيير خخخخخخخخخخخ:D
كله محسوب من عمري يا مياده ;)

على العموم ربنا يسهل هصلي استخارة واشوف كمبيوتر او اقتصاد منزلي:)

تحياتي يا عسولة
لينا

محمد البنيان
07-07-2003, 05:58 PM
انستي
لينا
حلوه
كلمه

( غفوة )


مازال البحث جاري

من محب لك

lina
08-07-2003, 12:36 AM
اخي محمد البنيان ,, اشكرك :p

سلام
لينا:)

جنان الفردوس
08-07-2003, 04:48 AM
رجعت خلاص..
شوفي يا ستي ..
سؤالين على الخفيف كده احسن تزهقي ولا حاجة لا سمح الله ..
1- لونك المفضل ..
2- الوجبة الفضلة ..
3- العصير المفضل ..
4- اربع اسماء للأولاد وأربعة للبنات انتي بتحبيهم ..
يالا امشي بأه وابقى ارجع تاني

lina
08-07-2003, 09:29 AM
هاللو يا جنان,, الاجابات اهي :)

1- لونك المفضل

انا قلت قبل كده بحب الاخضر والازرق والاصفر التلاته مجتمعين
وخصوصا الاخضر اصلي بحب الطبيعة
انما في الهدوم بحب البس الازرق وخصوصا الجينز :cool:
..
2- الوجبة الفضلة ..

حاجات كتييييييييييير
منها الملوخية والباشميل والفراخ المشوية وبحب البسبوسة :D

3- العصير المفضل

انا كنت بحب المشمش
دلوقتي بمووووت في المنجااااا هههههههههههههههه
بس بشرب مية كتيير (ينفع تعتبريه عصير!! ههههههههههه );)

..
4- اربع اسماء للأولاد وأربعة للبنات انتي بتحبيهم

اسماء اولاد

خالد و محمد ويوسف ولؤي

اسماء بنات

مريم وليان ودانة وتمارا

سلام
لينا

سمسمة
02-10-2003, 07:07 PM
بسم الله .. حلال الله اكبر

بقولك ايه انا قريت الموضوع من اسبوع تقريبا فمش فاكرة الاسئلة

1-احب الايام اليك.. ولماذا؟؟

2-جبتى كام فى الثانوية العامة وبالدرجات فى كل المواد؟؟

3-بتقعدى على النت كام ساعة فى اليوم؟؟

4-مين احب الاعضاء ليكى؟؟

5-مين الاعضاء اللى مابطقيهمش:D ؟؟؟;)

<-----------------امتناع من قبل ماتردى:5:

6-متى تصلين الى اليأس؟؟

7-اوصفى اليوم بتاعك وصف ع السريع كدة ؟؟

8-ايه الاكلات اللى بتعرفى تطبيخها؟

9-اكتر القاعات اللى بتحبيها؟؟

10-اكتر القاعات اللى نص نص(بلاش التانية) ؟؟

اسئلتى قليلة..لو خطر ببالى اسئلة تانية هاجى لك تانى:5:

البروف سمسم..:112:

سمسمة
02-10-2003, 07:22 PM
الا قولى ياعبد الحكيم

اشمعنى كاتب للينا تحت دائرة الضوء والنجمة لينا

وانا تحت دائرة الضوء والضيف حتى بدون التاء (سمسمة)

:mad::mad::mad::mad::mad:

:confused:

:rolleyes:

:(


































































:p:p

البروف سمسم..:112:

lina
03-10-2003, 01:24 AM
هاللو يا سمسمة,, بقه انتي زعلانه عشان انا بقيت نجمه ونتي حتة ضيف!! يعني حته مش ضيفه خخخخخخخخخخخ :D
يالهوي على الغيره والحقد :61:

على فكره انا عملت رد بس اضطريت ان اعيده من اول وجديد مش عارفه طار فين

المهم
نرجع لاسئلتك
1-احب الايام اليك.. ولماذا؟؟
الاربع عشان بعده عندي اجازه خميس وجمعه

2-جبتى كام فى الثانوية العامة وبالدرجات فى كل المواد؟؟
92 % ,, الدرجات بتاعت المواد هقولهالك بيني وبينك على جنب :rolleyes:
عموما انا بجيب كويس في المواد العلميه والانجليزي وازفت الدرجات بتكون في العربي للاسف :(



3-بتقعدى على النت كام ساعة فى اليوم؟؟
واللهي على حسب يا سمسمة يعني كل اما الاقي عندي فرصة بقعد
اوقات بقعد ساعتين تلاته اربعه ويمكن خمسه وايام ملاقيش فرصة ان اقعد ولا ثانيه ,, حاليا بتسخدم النت بمعدل ساعتين تقريبا

4-مين احب الاعضاء ليكى؟؟
كتير يا سمسمة اصل السؤال ده صعب اوي على فكره
كل الاعضاء حبايبي واللهي
بس انا حقولك بجد بجد اللي هم اكتر ناس بتواصل معاهم مؤخرا
طبعا سمسمة من غير كلام انتي اول وحده
موودى حبيبت القلب
نعانيعو
ابن البلد
جنان الفردوس
شودي
ابن مصر
خالد المصري
ملاك الحب

امممم انا متأكده اني ناسيه حد معلش عدوووها :5:


5-مين الاعضاء اللى مابطقيهمش ؟؟؟

اللي على راسه بطحه ,, ايييه ؟؟!!



























يحسس عليها :D

6-متى تصلين الى اليأس؟؟
مش هسميه يأس يا سمسمة ,, بس اوقات الواحد بيحس بخنقه احباط اكتئاب حاجات زي كده ,, بتاخد وقتها وتعدي بس ان شاء الله مفيش يأس عشان زي ما بيقولو لا يأس مع الحياة ولا حياة مع اليأس :)

7-اوصفى اليوم بتاعك وصف ع السريع كدة ؟؟
كلية ,, نت وكمبيوتر,, تلفونات مع الحبايب,, سناكس و تي في ,, مشي لمدة ساعه (ده الروتين اليومي )
بعد كده كل يوم و ليه ظروفه اكيد مش كل الايام زي بعض

8-ايه الاكلات اللى بتعرفى تطبيخها؟
ههههههههه بصي يا سمسمة من الاخر يعني انتي تقوليلي يا شيف لولو


























اوكي يا بروف سمسم ;)

لا بجد بعرف اعمل رز و مكرونه و فوتوتشيني وملوخية وتبولة و فتوش و بيتزا و كرواسون و كوكيز و براونيز و كيكات و بتيفور وميلفوي و الحلويات عموما بحب الحاجات السويتي sweety وغيرها كتير يا سمسمة هبقى ابعتلك نسخه من كتاب الطبخ بتاعي

9-اكتر القاعات اللى بتحبيها؟؟
التعارف و فك التكشيره و الكمبيوتر ورأيك يهمني و نفسي في قاعه لتعلم او التواصل بلغات غير العربي

10-اكتر القاعات اللى نص نص(بلاش التانية) ؟؟
المناقشات والحواديت القصيره ولقاءات في حب الله

بس كده وكل سنة ونتي طيبه

تصبحي على خير :)

سلام
لينا

سمسمة
03-10-2003, 07:05 AM
تستاهلى:D

جالك يوم ياظالم:7:

بتغاظ اوى لما ببقى اكتب رد وخصوصا اما يكون طويل زى كدة وبعدها يروح وعشان كدة عنت بعمل سلكيت اول قبل اما اضيف اى رد;)


ولا الاكلات دة انت طباخة يابنتى ماتعملينا شوية:p

يالا لما ابقى الاقى اسئلة تانية ابقى اجى

دة انا جمعت دول بالعافية;)

البروف سمسم..:112:

د. سلطان
03-10-2003, 07:43 AM
العزيزة المتألقة دائما لينا :
لا أدري كم من الوقت مضى على جلوسك على كرسي الاعتراف فقد عدت بعد غياب كبير عن المنتدى ، ولكنني سعيد بعودتي ، وسعيد بك فقد أسعدتني إجاباتك التي تنم عن حب كبير ، وقلب يحتوي الجميع .. وأبارك لك انتهاؤك من الثانوية ، وأرجو أن تجدي في الجامعة ما تطمحين إليه ، ولكن أرجو ألا تسجلي في الجامعة التي أدرس فيها !!!!لا لشيء فقط لكي لا تري صورتي الحقيقية !!
لن أسأل فقد سبقني الأعزاء إلى كل ما يخطر بالبال .. هو سؤال واحد فقط لا أدري إن كنت قد سبقت إليه أم لا ؟
ما الفرع الذي ترغبين في الدراسة فيه ؟
دمت مبدعة ومتألقة دائما ..:)

lina
10-11-2003, 11:30 PM
بتغاظ اوى لما ببقى اكتب رد وخصوصا اما يكون طويل زى كدة وبعدها يروح وعشان كدة عنت بعمل سلكيت اول قبل اما اضيف اى رد

خلاص اتعملت منك ,, متفرحيش اوي كده :D



ولا الاكلات دة انت طباخة يابنتى ماتعملينا شوية
مش هعلمك







































اهي غلاسه وخلاص :p



























بس كده :p

سلام يا سمسم
لينا :)

طيب الذكر
15-11-2003, 01:26 PM
بسم الله الرحمن الرحيم
السلام عليكم ورحمة الله وبركاته .............كل عام وجيع أعضاء النتدى بألف خير
هلاااااا والله بالغالية الأخت لينا .......... كل رمضان يعود عليك وأنتي في أحسن حال وأهنأ بال
كيفك مع رمضان ومع أكلاته .........العهد بك إنك بتدخلين كلية الطب ... مدري الى وين وصلتي في الطب .............الله يعينك يالينا على هذي الأسئلة اللي جايتك من كل حدب وصوب وبأشكال والوان ... ولكن هذا واضح لمكانتك الرفيعه عند الكل ...تستاهلي الطيب وكل الطيب ياالطيبه .
على كل ...... كل عام وأنتي بخير .... ومن العايدين مقدما ........


أخووووووووك / طيب الذكــــــــــــر

lina
15-11-2003, 05:21 PM
دكتور سلطاااااااااااااان اعذرنى على تأخري في الرد ,, اهلا بعودتك وحقيقة كنت غائبة عن الموضوع ده لفتره وفاتني الرد على سؤالك ,,

اولا احب اشكرك على موضوعاتك القيمة ومشاركاتك الهادفة :27:

ثانيا نتمنى الا تغيب ابدا :11:

اما عن سؤالك ,, اعتقد اني اتسألته قبل كده بس عموما ,,,


ما الفرع الذي ترغبين في الدراسة فيه ؟


مجال الكمبيوتر يا دكتور :23:

ولو ان فاضلي شويه وهعمل منه كفته :21: دششششششش

تفضل بقبول خالص تحياتي
لينا :)

lina
15-11-2003, 05:32 PM
السلام عليكم ورحمة الله وبركاته .............كل عام وجيع أعضاء النتدى بألف خير


وعليكم السلام ورحمة الله وبركاته ,, وانتا بألف خير يا رب ينعاد علينا وعليكم بالخير والصحه والعافية :59:


هلاااااا والله بالغالية الأخت لينا

اهلاااااااااا بأخونا طيب الذكر ,, ايه الغيبة الطويلة دي,, لالالا احنا اتفاقنا كان غير كده ,, شخصية مهذبة زي حضرتك نتمنى تفاعلها المستمر :19:


كيفك مع رمضان ومع أكلاته

تمام التمام :81:


مدري الى وين وصلتي في الطب

طب!! :eek:

حاشا و كلا :mad:

بعد الشر عليا وعلى اللي حواليا ههههههههه

عمري مفكرت التحق بكلية الطب ,,ولا حفكر :5:

عندي عقدة من الطب والاطباء عموما :Dههههههههههه

شكرا على مرورك يا طيب ولا يهمك انت تسأل براحتك والحمدلله على محبة الاعضاء الواحد مش حيطلب اكتر من كده وكل سنة وانتا طيب :)

تحياتي
لينا :141:

elite_warrior
15-11-2003, 06:26 PM
يبأى هندسة
:5: