المساعد الشخصي الرقمي

مشاهدة النسخة كاملة : وإحنا صغيريين ***ذكــــريـات وإفتكاســـات*** من زمن فــــات



الصفحات : [1] 2 3

aynad
17-09-2007, 10:55 PM
السلام عليكم و رحمة الله وبركاته :

خطر في بالي حااااجة لذيذة اوي تفكرنا بأيام الطفووووووولة وبلاوينا واحنا صغيرين
ايه رأيكم كل واحد يكتب كلمة او جملة كان بيقولها وهو صغير وكل ما يفتكر الجملة او الكلمة دي دلوقتي يمووووت علي نفسه من الضحك:girl12:

يعني مثلا انا افتكر وانا صغيرة كنت اسأل ماما واقولها

لو انا كنت نملة يا ماما كنتي موتيني :girl26:
فراحت رادة علية وقايلالي لا يا حبيبتي دا انتي بنتي حبيبتي اموووتك برضوا :girl12:
بتاخدني علي اد عقلي هههههههههههههه

يارب الفكرة دي تكون عجبتكوا
يلا عايزين نضحك شوية

emerald
17-09-2007, 11:41 PM
هههههههههههههههههههه

با قلبي عليكِ يا ايناد والله بريئة .. الله يسعدك ..

اللعبة تجننننن .. ان شاء الله افتكر لك كلمة .. واجي اسجلها .. شكرا يا ايناد ..:f:

Maruko
18-09-2007, 05:00 AM
يا افكارك يا اينااااااااد

انا مش فاكرة بصراحة كلمة معينة
لكن افتكر وانا 2 في ابتدائي
كنت في دولة خليجية وكان في واحد يعنى بينده على الاسامى بالميكرفون عشان نطلع من جوة يعنى واحنا مروحين
وكنت ابقة شايلة الشنطة والزمزية ودايما تلاقينى اتدب على بوزى من تقل الحاجة
هههههههههههههههههههههههههههههههههههههههههههههه
مش عارفة دا الافتكرته بصراحة ونظرات اخواتى ليا وهما جايين يشيلو الاتدلق ويدحكو
ههههههههههههههههههههههههههههههههههههه

aynad
18-09-2007, 02:25 PM
هههههههههههههههههههه

با قلبي عليكِ يا ايناد والله بريئة .. الله يسعدك ..

اللعبة تجننننن .. ان شاء الله افتكر لك كلمة .. واجي اسجلها .. شكرا يا ايناد ..
ميرسي يا اميرالد يا قلبي
يلا عايزين نشووووف مواهبك و انتي صغيرة
نورتيني يا عمري

aynad
18-09-2007, 02:29 PM
يا افكارك يا اينااااااااد

انا مش فاكرة بصراحة كلمة معينة
لكن افتكر وانا 2 في ابتدائي
كنت في دولة خليجية وكان في واحد يعنى بينده على الاسامى بالميكرفون عشان نطلع من جوة يعنى واحنا مروحين
وكنت ابقة شايلة الشنطة والزمزية ودايما تلاقينى اتدب على بوزى من تقل الحاجة
هههههههههههههههههههههههههههههههههههههههههههههه
مش عارفة دا الافتكرته بصراحة ونظرات اخواتى ليا وهما جايين يشيلو الاتدلق ويدحكو
ههههههههههههههههههههههههههههههههههههه
ههههههههههههههههههههه يا ختي عليكي يا موروكو هههههههههههههههه
وانتي بتقعي اكيد شكلك كان كوميديا
ميرسي ياا حبيبتي للتفاعل
يلا عايزين كمان

متيمة Egypt
18-09-2007, 02:41 PM
هـ ههههههههههههههههههههههههههههـ ـه..
تسلمي إيناد ع الفكرة الحلوة..
أنا صار لي موقف باااااااااااايخ..
مرة من المرات وأنا في أول إبتدائي كان فيه واحد يدق على بابا وكان بابا دايما يصرفه >> لأنه كان عايز ينشر حاجه لبابا وهو متحمس وبابا مش راضي..
المهم لما يدق ع تلفوووون البيت كان بابا يقول قولي نايم ولا مش موجوود..
وأنا بسم الله علي ذاك اليوم رديت فيه عليه وقالي : وين بابا ؟ ، قلت : هنا في المكتبه ، قال ممكن تنادينه ؟ ، قلت :
طيب!!..
ورحت لبابا وقلت له : فيه واحد ع التلفوووون يبيك قال : إسمه فلااااان ؟ ، قلت : إيه ، قال قولي له بابا مو موجوود..

وأنا ما شاء الله من فلاحتي وذكائي إلي ما فيه مثله مسكت سماعة التلفووون وقلت : ( بابا يقول أنا مو موجووووود )..

نشــــوى
18-09-2007, 02:42 PM
ازيك يا ايناد
فكرة لذيذة جداااااااااااااا
انا افتكر وانا صغيرة ان انا كنت بحب اغنية قديمة
بتاعت هانى شاكر اسمها عللي الضحكاية عللي
فكنت طول اليوم اغنيها ...وفى مرة
واقفه باغنى ومندمجة جدا طبعا ..
((وعللى الضحكاية على ...عللي الضحكاية عللي )) :d
وانا اعلى فى صوتى زيادة ..
قوم ايه .. وفجاة خير الله اما اجعله خير
لقيت حد مسكني من قفايا ..اتاري بابا نايم تحت الشباك
اللى انا عاملة الحفلة تحته ... :d

aynad
18-09-2007, 04:21 PM
هـ ههههههههههههههههههههههههههههـ ـه..
تسلمي إيناد ع الفكرة الحلوة..
أنا صار لي موقف باااااااااااايخ..
مرة من المرات وأنا في أول إبتدائي كان فيه واحد يدق على بابا وكان بابا دايما يصرفه >> لأنه كان عايز ينشر حاجه لبابا وهو متحمس وبابا مش راضي..
المهم لما يدق ع تلفوووون البيت كان بابا يقول قولي نايم ولا مش موجوود..
وأنا بسم الله علي ذاك اليوم رديت فيه عليه وقالي : وين بابا ؟ ، قلت : هنا في المكتبه ، قال ممكن تنادينه ؟ ، قلت :
طيب!!..
ورحت لبابا وقلت له : فيه واحد ع التلفوووون يبيك قال : إسمه فلااااان ؟ ، قلت : إيه ، قال قولي له بابا مو موجوود..

وأنا ما شاء الله من فلاحتي وذكائي إلي ما فيه مثله مسكت سماعة التلفووون وقلت : ( بابا يقول أنا مو موجووووود )..
هههههههههههههههههههههههههه
يا خبر ابيض
طلعتي باباكي شكله وحش اوي يا متيمة ههههههههههههههههههههههه
حلو اوي
ميرسي يا عمري علي تفاعلك

aynad
18-09-2007, 04:28 PM
ازيك يا ايناد
فكرة لذيذة جداااااااااااااا
انا افتكر وانا صغيرة ان انا كنت بحب اغنية قديمة
بتاعت هانى شاكر اسمها عللي الضحكاية عللي
فكنت طول اليوم اغنيها ...وفى مرة
واقفه باغنى ومندمجة جدا طبعا ..
((وعللى الضحكاية على ...عللي الضحكاية عللي ))
وانا اعلى فى صوتى زيادة ..
قوم ايه .. وفجاة خير الله اما اجعله خير
لقيت حد مسكني من قفايا ..اتاري بابا نايم تحت الشباك
اللى انا عاملة الحفلة تحته ...
هههههههههههههه
موتيني من الضحك يا ارتحاااااال
المفروووض انه يسقفلك مش يجيبك من قفااااكي هههههههههههههههههه
انا لو منه كنت عطيتك علقة من قلبي ههههههههههههههههه
الا ان حد يقرفني وانا نايمة هههههههه

حبك خيال
18-09-2007, 07:50 PM
هاهاهاهاهاهاهاهاهاهاهاهاها

مواقفكو كلها موتتني من الضحك

بس للأسف موش فاكره اي حاجه كنت بقولها وانا صغيره
هافتكر لكو واجي اذيييييييييع عالملأ

هاهاهاهاهاهاها

لا ثواني افتكرت
حاجه صغننه اوي

وانا صغيره كان عندي سنه تقريبا
كنت بحب الخروج اوي
واشبط في اي حد نازل عشان يشلني وانزل معاه
وطبعا كان لازم اني انزل لسبب مقنع جدا
اللي هو
لالالالا

اي نعم لالالالا

الزبادي كنت مسمياه لالالالا

استسهال

اول ما اشوف بابا او ماما نازلين
ارفع لهم ايدي لفوق يعني شيلوني

ليه يا حبيبتي رايحه فين؟؟

لالالالا

ميرسي يا ايناد على الفكره العسل دي

في امان الله

om elbanat
18-09-2007, 08:09 PM
السلام عليكم
الله الله على الافكار الجميله دى دا انا ضحكت جدا على تعليقات الاعضاء خاصه ارتحال اللى عامله مغنيه هههههههههههههههههههه
عارفه وانا صغيره اصل دا من زمان قوى بس الحمد لله الزهايمر عندى شغال على الجديد بس ههههههههههههه مش ايام الصبا
مره وانا فى اولى ابتدائى والدتى الله يخليها لى ويعطيها الصحه والعافيه لبستنى علشان انزل المدرسه وهي نزلت راحت مدرستها لانها كانت مدرسه قوم انا اعمل ايه قلعت هدومى تانى وجت زوجه عمى تاخذنى معها لانها فى مدرستى قلت لها لا ماما قالت لى اليوم اجازة متروحيش
بعد العصر كدا طلبت ماما تقول لها انتى مش وديتى بنتك ليه النهارده انا سمعت كدا اخيرا خفت ورحت استخبيت فى درفه البوفيه ويدوروا على فين وفين لما اكتشفوا مكانى
الباقى بقى اكيد انتم كلكم عارفين ايه اللى كان حصل فيه ههههههههههههههههههههههه علقه سخنه
الكلمه الى كنت اقولها على الباثاطا الباثاطا ياعينى ع الباثاطا
وهى المفروض ع الباساطا الباساطا ياعينى ع الباساطا
ياااااااااه انتى فكرتينى بايام جميله قوى ياايناد ميرسى ياقمر على افكارك
والى لقاء

emerald
18-09-2007, 08:44 PM
السلام عليكم ..

هههههههههههههههههههههه ماشاء الله مواقف زي العسل ..:girl13:

ماني لاقية كلمة يا ايناد .. بس لو ينفع اشارك بموقف .. بمناسبة رمضان ..

كنت صغيرة مع التحفظ على العمر ..:girl26:
وكنت افطر في رمضان بالدس .. ولما يسألوني اقووول صاااااااااااااااااااااايمة ..

مرة كنت بأشرب عصير التوت بالدس خلف التلاجة .. والعصير بيطبع لون احمر على الشفايف .. ودخلو 2 من اخواتي .. ويطلو عليا بإستغراب واستنكار ..
وعلى طوووووووووووول استغل الحلفان .. والأيمان .. والاقسام اني صايمة والعصير دا للشجرة .. ورايحة اسقيها .. والمشلكة العصر في ايدي .. والفم احمر .. :beer: كل الادلة ضدي .
والله يسامحهم .. يسألو عن الشنب الأحمر الي طلع من العصير .. وجلست ابكي وازعق .. والله صايمة ..والله صايمة والعصير للشجرة .. :good:

استغفر الله والله يا ايناد .. كل ما افتكر الايام دي .. هههههههههههه كفر بعيد عنك . :d

شفتي زي الحلاوة دي يا ايناد :1:

summar
18-09-2007, 09:40 PM
انا كنت بقول الاتى

تمتم تاحى تمتم نامى تمتم نامى تاحى
يعنى
سمسم صاحى سمسم نايم سمسم نايم وصاحى

سمسم بقي ده المعزة بتاعة الجيران
كنت بروحلهم كل شوية اسألهم عليها سمسم صاحية ولا لا علشان العب معاها
طبعا كانو بيقولولى نايمة علشان يفلفصو منى

aynad
18-09-2007, 10:16 PM
ههههههههههههههههههههههههه
انا قاعدة دلوقتي وميتة علي نفسي من الضحك عليكوا
حبك خيااال : ايه اللي جااب الزبادي لللالالالا ههههههههههههههه والله انتي سكرة

ام البنااات : مت علي نفسي من الضحك عليكي اصلك طلعاالي مكنتش بحب الدراااسة هههههههه وكنت بعمل حاجات من دي كتير

اميرالد : والله انتي مشكلة كبيرة ضحكت لما اكتفيت منك ههههههههههههههه اااال البت كريمة قوي بتسقي الشجرة عصير ههههههههه

يسرا : يا متمتمة انتي كنتي لدغة ذينا واحنا ثغيرين ؟ وكنتي بتقولي اسمك ازاااي تسرا هههههههههه

نورتووووني وسعيدة بوجودكم جدا

ميمو المصرى
19-09-2007, 07:19 AM
مساء الخير يا أم دودى
الفكره عاجبانى موووووووت ويارب تعجب كل الناس

انا الموقف اللى فاكره حاليا ..
مره بابا الله يرحمه كان خارج هوه وماما وكانوا رايحين مسرحيه
كانت ايامها بتتعمل فى اسكندريه هنا
كان اسمها ..العسكرى الأخضر ... بتاعت سيد زيان
وقعدت اعيط كتير اوى علشان اروح معاهم
بابا قالى حديك عشرين جنيه ومتجيش معانا
قولتله موافق هات العشرين جنيه
ههههههههههههههههه
وفعلا خدتها ونمت ولما صحيت من النوم اكتشفت ان بابا قبل ما ينزل الشغل اخدها منى وانا نايم
أيووووووه ده كان يوم بهدله خالص
ولما رجع من الشغل قولتله هات العشرين جنيه انتا ضحكت عليا وخدتها منى
قالى طيب النهارده حنروح المسرحيه تانى علشان عجبتنا
تيجى معانا بقى ولا تاخد العشرين جنيه هيا هيا وتسكت
قولتله لا اخد العشرين جنيه
وفعلا اخدتها ولحد ما بابا نزل هوه وماما واخواتى ولما ركبوا العربيه لقونى قاعد فى الدواسه بتاعت العربيه
وبعيط واقول خدونى معاكم
ههههههههههههههههههههههه

لو افتكرت حاجه حرجع
ميرسى يا إيناد
:f: :f:

hiline
19-09-2007, 04:26 PM
انا بقي ليا مواقف كتييييييييييير
زمان كنت فاهمه ان الواحد مش بيموت لا بيفضل يكبر ويصغر ازاي بقي مش عارفه
فكان لما حد كبير يتكلم قدامي عن اي حاجه تلاقيني احط رجل علي رجل بقي واقول
"ايوه ايوه انا زماااااااااان لما كنت كبيره زيك كده حصلتلي الحكايه دي قبل كده"

tota_9
20-09-2007, 01:38 PM
ههههههههههههههههههههههههههههههههههههه
ايه الموضوع العسل ده ........شكرا يا ايناد بجد موضوع سكر
وكل المواقف تفطس من الضحك.......ههههه :)
ايه يا ميمو ده .......:d عايز تروح معاهم وبرضه عينك في العشرين جنية يا طماع ....ههههه
hiline ....ههههههه طب ازاى بيكبر ويصغر افهما دى بقى :girl12:ده انتى كنتي مشكلة كبيييييرة
حبك خيال وايمى وام البنات وماروكو ........ههههههههههههههه بطنى وجعتني من الضحك مواقف جميلة جدا
رجعتونى لأيام التشرد الرسمي بتاعي:girl12:
انا بقى يا جماعة كنت شقييييية جدا ومبهدلة العالم كله معايا
يعنى افتكر مثلا انى كنت اخصائية بلع وكانوا مسميني بلاعة .. :)
في يوم من الايام كنا بنشتري عطور من محل كبير اوى فكانوا بيدولنا عينات كدا صغيرة
زى الازازة فيها كولونيا ..المهم بقى طبعا انا عجبتني اوى الازازة الصغيرة دى وكبرت في دماغى احط فيها ميه واشربها..وعلى هذا رحت مفضياها وحطيت فيها ميه
آجى اشفط بقى هي شفطة واحدة وحياتكم وما لاقيتش الازازة ....رااااااحت فين
:girl26: بلعتها ...عععععععععععععععععععععععااااااااااااااااع:girl9:
طبعا رحت قلت لماما بكل هدوء ولا كأن في حاجة وقلتلها ماما ..انا بلعت ازازة .....هههههههههههه
وما اقولكوش بقى على اللى حصل ......يا نهار اسود بلعتيها ازاى:girl26: ....ههههههه
يلا على المستشفى .......والحمد لله خلصت من الازازة على خير بعد اسبوع من العذاب
ولكن تقولوا لميييييين
هو اسبوع كمان بعدها وكنا في المدرسة فطلعلي صفارة هدية مع المصاصة
وانا بقى عايزة اعمل اختلاف واصفر بيها بالعكس..............هههههههههههههههه
وطبعا نفس المشهد.........زووووووووت
بلعت الصفارة ............هههههههههههههههههههههه:girl12:
وعلى المستشفى يا جدع ..........هههههههههههههههههه
لأ والأنتكة بتاعتي ماما طبعا بتجرى علشان توديني وانا راسي والف سيف ما انزلش حافية من البيت ولابسة البيجاما............ههههههههههههههههههه :d
بس الحمد لله طلعوا منى الصفارة كان زماني بصفر لغاية دلوقتي زى اسماعيل ياسين ........ههههههههههه
تووووووووووووووت شكرا .توووووت يا ايناد .توووت ....ههههههههه :d

اختك توتا صفارة..ههههه:f2:

وهبقى اجيبلكم مواقف تاني ليا ..ده لسه في بلاوي....هههه

aynad
20-09-2007, 03:15 PM
مساء الخير يا أم دودى
الفكره عاجبانى موووووووت ويارب تعجب كل الناس

انا الموقف اللى فاكره حاليا ..
مره بابا الله يرحمه كان خارج هوه وماما وكانوا رايحين مسرحيه
كانت ايامها بتتعمل فى اسكندريه هنا
كان اسمها ..العسكرى الأخضر ... بتاعت سيد زيان
وقعدت اعيط كتير اوى علشان اروح معاهم
بابا قالى حديك عشرين جنيه ومتجيش معانا
قولتله موافق هات العشرين جنيه
ههههههههههههههههه
وفعلا خدتها ونمت ولما صحيت من النوم اكتشفت ان بابا قبل ما ينزل الشغل اخدها منى وانا نايم
أيووووووه ده كان يوم بهدله خالص
ولما رجع من الشغل قولتله هات العشرين جنيه انتا ضحكت عليا وخدتها منى
قالى طيب النهارده حنروح المسرحيه تانى علشان عجبتنا
تيجى معانا بقى ولا تاخد العشرين جنيه هيا هيا وتسكت
قولتله لا اخد العشرين جنيه
وفعلا اخدتها ولحد ما بابا نزل هوه وماما واخواتى ولما ركبوا العربيه لقونى قاعد فى الدواسه بتاعت العربيه
وبعيط واقول خدونى معاكم
ههههههههههههههههههههههه

لو افتكرت حاجه حرجع
ميرسى يا إيناد

بس قولي باباك رحمه الله اخد منك العشرين جنيه ولا سبهاااالك ههههههههههه
موقف تحفة والله هههههههههههههههه يا ميمو
وميرسي جدا لتعديل العنووووان يا ميمو كدة احسن كتيير
الحمد لله ان الموضوووع عجبك

aynad
20-09-2007, 03:20 PM
انا بقي ليا مواقف كتييييييييييير
زمان كنت فاهمه ان الواحد مش بيموت لا بيفضل يكبر ويصغر ازاي بقي مش عارفه
فكان لما حد كبير يتكلم قدامي عن اي حاجه تلاقيني احط رجل علي رجل بقي واقول
"ايوه ايوه انا زماااااااااان لما كنت كبيره زيك كده حصلتلي الحكايه دي قبل كده"
هههههههههههههههههههههههه
سكرة والله يا هيلين
وانا كمان وانا زممااان وانا كبيرة حصلي بردو نفس الموقف هههههههههههه

aynad
20-09-2007, 03:25 PM
ههههههههههههههههههههههههههههههههههههه
ايه الموضوع العسل ده ........شكرا يا ايناد بجد موضوع سكر
وكل المواقف تفطس من الضحك.......ههههه
ايه يا ميمو ده ....... عايز تروح معاهم وبرضه عينك في العشرين جنية يا طماع ....ههههه
hiline ....ههههههه طب ازاى بيكبر ويصغر افهما دى بقى ده انتى كنتي مشكلة كبيييييرة
حبك خيال وايمى وام البنات وماروكو ........ههههههههههههههه بطنى وجعتني من الضحك مواقف جميلة جدا
رجعتونى لأيام التشرد الرسمي بتاعي
انا بقى يا جماعة كنت شقييييية جدا ومبهدلة العالم كله معايا
يعنى افتكر مثلا انى كنت اخصائية بلع وكانوا مسميني بلاعة ..
في يوم من الايام كنا بنشتري عطور من محل كبير اوى فكانوا بيدولنا عينات كدا صغيرة
زى الازازة فيها كولونيا ..المهم بقى طبعا انا عجبتني اوى الازازة الصغيرة دى وكبرت في دماغى احط فيها ميه واشربها..وعلى هذا رحت مفضياها وحطيت فيها ميه
آجى اشفط بقى هي شفطة واحدة وحياتكم وما لاقيتش الازازة ....رااااااحت فين
بلعتها ...عععععععععععععععععععععععااااااااااااااااع
طبعا رحت قلت لماما بكل هدوء ولا كأن في حاجة وقلتلها ماما ..انا بلعت ازازة .....هههههههههههه
وما اقولكوش بقى على اللى حصل ......يا نهار اسود بلعتيها ازاى ....ههههههه
يلا على المستشفى .......والحمد لله خلصت من الازازة على خير بعد اسبوع من العذاب
ولكن تقولوا لميييييين
هو اسبوع كمان بعدها وكنا في المدرسة فطلعلي صفارة هدية مع المصاصة
وانا بقى عايزة اعمل اختلاف واصفر بيها بالعكس..............هههههههههههههههه
وطبعا نفس المشهد.........زووووووووت
بلعت الصفارة ............هههههههههههههههههههههه
وعلى المستشفى يا جدع ..........هههههههههههههههههه
لأ والأنتكة بتاعتي ماما طبعا بتجرى علشان توديني وانا راسي والف سيف ما انزلش حافية من البيت ولابسة البيجاما............ههههههههههههههههههه
بس الحمد لله طلعوا منى الصفارة كان زماني بصفر لغاية دلوقتي زى اسماعيل ياسين ........ههههههههههه
تووووووووووووووت شكرا .توووووت يا ايناد .توووت ....ههههههههه

اختك توتا صفارة..ههههه

وهبقى اجيبلكم مواقف تاني ليا ..ده لسه في بلاوي....هههه

ياااا خبر ابيض ومنيل بنيلة يا توتا
والله لايق عليكي توتا بلاعة هههههههههههههههههههه
ربنا يستر ومتبلعينااااش ههههههههههههه
ميرسي يا توتا صفارة علي اشتراكك معانا
تووووووووووووووووووووووووووووووووووووووت

aynad
20-09-2007, 03:32 PM
افتكر وانا صغيرة كنت بفتكر ان اللي بنسمعهم في الراديو بيشوفونا وبيسمعوووونا
فكنت بفتح الراديو ولما الاقي المذيعة او مغني بيتكلموا في الراديو
كنت اجيب فوووطة واحطها علي وشي علشان محدش من اللي في الراديو يشوفني هههههههه وافضل الغوش عليهم او اغني معاهم بصوووت وحش اوي هههههههههههههههه
جاتها نيلة اللي عايزة خلف هههههههههه

alias
20-09-2007, 11:50 PM
موضوع تحفة جميل جدا
لية موقفمع عمي كان إسموا علي فكان كل ميجي البيت لازم اتريق عليه لإنو كان تخيين جدا وقبل منسافر بيوم أو يومين
قلتلو : علي يا علي يا بتاع الزيت بزمتك إنت خسيت ههههههههههههههههههههههه
وكمان موقف تاني حلو مرة وانا صغيرة خالص يعني قولي كده 4أو5 سنوات ماما ورتني صورته هيه وبابا وكانت في الصورة عمتي وخلتي وكانت عمتي موجوده معانه قلتلي إده إنت فين قلتلها معرفش بعدين قلتلها اه إفتكرت اناكنت مستنياكو في البيت علشان إنتو نسيتو تجيبولي فستان الفرح ههههههههههههههههههههههههه

حبك خيال
21-09-2007, 08:13 PM
هاهاهاهاهاهاهاهاهاهاهاهاهاها

مواقفكو كلها زي العسل
بجد انا ضحكت جدا

بما اننا في رمضان
فا طبعا صيام الاطفال الحلوين بيكون غير شكل

وانا صغيره في كي جي وكده فهموني ان صيام الاطفال بيبتدي بعد الساعه سته وونص صباحا قبل ما باص المدرسه يجي
لما تكون ماما فطرتني .. او بالاحرى بقى لما بتسحر يعني

واروح اتباهى ادام الفصل كله اني لسه متسحره وجايلهم صايمه

واللطيف بقى
ان الفصل كله نفس الشيء كلنا اتسحرنا وطرنا على المدرسه
واللي شرب كوب لبن وبس
واللي شربت شويه ميه بس عشان الصيام يكون اصح
واللي ما اتسحرش خالص رغم ان السحور كان جميل ويفتح النفس
واللي اكل بسكويت وبس عشان يكون خفيف على المعده
وطبعا موش محتاجه اقول لكم ان الصيام بتاعي كان بينتهي الساعه 1 ظهرا
وقت رجوعي من المدرسه

ولما كان يجي ميعاد الافطار الطبيعي بقى وقت المغرب
وماما تحط الاكل
ويفضلو يا عيني هيا وبابا مستنيين المغرب يأذن اقول في سري ايه التذنيبه دي
ما تاكلو الاكل شكله حلو وريحته جنان هما مستنيين ايه
ما انا صمت وفطرت من بدري
كانت ايام جميله كلها براءه
هاهاهاهاهاهاهاهاهاهاهاهاها

hiline
22-09-2007, 01:47 AM
هههههههه انا برده كان زمان صيامي كده بس انا كنت بتسحر وقت ما اجوع وبعد كده اكمل صيام للمغرب

بنت شهريار
22-09-2007, 06:42 PM
هههههههههههههههههههههههههههههههههه
ياريتك كنتى نملة يا ام العيال
قولى لماما ترتاح وتخلى الشبشب عليا انااااااااااااااااا
هههههههههههههههههههههههههههههههههه

تسجيل حضور ولى عودة
شكرا يا نملة هانم

aynad
22-09-2007, 10:03 PM
ههههههههههههههههههههههه
ماشي يا ست عبير انتي عليكي الشبشب وانا علية الشووز هههههههههههههههه
وايه اللي دخلك هنا ؟؟ الموضوع دة للاطفال بس ههههههههههههههههه

بنت شهريار
22-09-2007, 11:17 PM
افتكر وانا صغيرة كنت بفتكر ان اللي بنسمعهم في الراديو بيشوفونا وبيسمعوووونا
فكنت بفتح الراديو ولما الاقي المذيعة او مغني بيتكلموا في الراديو
كنت اجيب فوووطة واحطها علي وشي علشان محدش من اللي في الراديو يشوفني هههههههه وافضل الغوش عليهم او اغني معاهم بصوووت وحش اوي هههههههههههههههه
جاتها نيلة اللي عايزة خلف هههههههههه


اه والنبى تتها ستين نييييييييييييييييلة اللى عاوزة خلف
ههههههههههههههههههههههههههههههههههههههههه
خبى وشك يابت المذيعين كلهم هنا



وكمان موقف تاني حلو مرة وانا صغيرة خالص يعني قولي كده 4أو5 سنوات ماما ورتني صورته هيه وبابا وكانت في الصورة عمتي وخلتي وكانت عمتي موجوده معانه قلتلي إده إنت فين قلتلها معرفش بعدين قلتلها اه إفتكرت اناكنت مستنياكو في البيت علشان إنتو نسيتو تجيبولي فستان الفرح ههههههههههههههههههههههههه هههههههههههههههههههههههههههههه
الله الله كماااااااااااااااااااااااان
هههههههههههههههههههههههههههههههههه
حلوة اووووووووووووووووى بس عمتك هى اللى غلطانة بصراحه
هههههههههههههههههههههههههههههههههههههههه


وايه اللي دخلك هنا ؟؟ الموضوع دة للاطفال بس ههههههههههههههههه
وانتى مالك انتى انا جاية العب مع العيال
ههههههههههههههههههههههههههههه

بجد مواقف تجنننننننننننننننننننننننننننننننن
ياسلام بقى على شوية بمب وصواريخ
احنا فى العيلة عصابة بردو
كنا 4 بنات وييجى 6 صبيان
كنا غاويين اووووووووى البمب والصواريخ فى رمضان
كنا لازم نتجمع اول يوم فى بيت تيتة
وننزل ضرب ضرب ضرب لغاية ماجدو يزعق
ندخل نستخبى فى الاوضه ونقفل الباب ونضرب بردو
وفى مرة ضربنا صاروخ نزل على السجارة
طبعا اتحرقت واكان منظرها واضح جدا
خولنا نداريها ابدااااااااااااا
طيب نخبيها لا يمكن
قلنا لازم ندبس المصيبه دى فى حد
روحنا جبنا عمنا الصغيركان وقتها عمرة ييجى 25 سنة
ودارينا السجدة واتفقنا معاه يضرب الصاروخ
وهوب درووووووووووووووب قلنا الصاروخ نزل على السجادة وعمو هو اللى حرقها
وربنا مايوريكم الكلام اللى اخدة
ههههههههههههههههههههههههههههه
يالا ربنا حليم ستار وانا هستر على عمى بلاش اقولكم اتقاله ايه

كل سنة وانتم طيبين
ورمضان كريم

amak_77
23-09-2007, 12:14 AM
هههههههههههههههههههههههههههههههههها
لا بجد موضوع تحفة
رائع مووووووت
انا بقي بابا كان مسافر السعودية لما اتولدت
و مرة كان جي من السفر وانا اول مرة اشوفه بقي هو يعيني راح ينام يريح من السفر
وانا بقي رحت عشان اصحيه
اصحيه اقوله ايه بقي
اقوله
يا عمو قوم يا عمو نام في بيتكم
قوم يا عمو
بس تقريبا عمو مرحش بيتهم لغاية دلوقت


انا عندي اخت اكبر مني فهي قدوتي بقي
فبحب اقلدها دايما
فرحت لماما اقولها ماما انا أأزة أألأ
يعني انا عايزة حلق بلغتي الاطفالي البناتي

كانت لينا مواقف تحفة
شكرا يا ايناد عل الافكار الجميلة

شعاع من نور
23-09-2007, 12:29 AM
و عليكم السلام ورحمة الله و بركاته

اينااااد...ازيييييك و ازي دودي و بودي؟؟؟؟.....كل سنة و انتي طيبه يا قمر...

المووضوع بتاعك من ساعة ما نزل و انا عمالة أدخل أضحك و أخرج....بجد مواقف الطفولة دي فظيعه....هلااااااااااااااك ضحك...
و بالذات ايمي.....كلك ذوق و الله من يومك....عاوزة تسقي الشجرة توت..هههههههههههههههههه..لأ و إلا التوت...التوت غيييييييير....التوت بيخلي الشجرة تكبر..ههههههههههههههههههههه..
ولا ارتحال و أم البنات و ميمو...بجد هلكت من الضحك..

انا عندي نوادر كتير لي و انا صغيرة...أفتكر دلوقتي منهم واحد ماما دايماً تحكيه عني..انه بابا بيحب البساره جداً...و بنت عمتي كنا كل ما نروح بيتها لازم تعمل طبق كبييييير عشان خاطر هي عارفة انه بابا بيحبها و قتها كان عندي 5 سنين...

هي جت تقول البساره يا خالي و انا اتفتحت في العياط..و ماما بتقولي بقيتي تقولي اعملي بشادي أو اعملي بلؤي...متعمليش ب "ساره"...http://www.egyptsons.com/misr/images/smilies/080402cool_prv.gif
شادي و لؤي اخواتي الكبار...

هيعملوني و ياكلونيhttp://www.egyptsons.com/misr/images/smilies/080402cool_prv.gif

انا عشان كده و لا بحب البساره و لا عاوزة أتعلمها أساساً...طار قديم...

تسلمي يا قمر على الموضوع الجميل...و لو افتكرت حاجة هجيلك جرييييييييي...

مودتي....

نشــــوى
23-09-2007, 06:30 PM
هههههههههههههههههههههههههه
شعاع موتيني من الضحك يا سارة
هههههههههههههههههههه
انا داخلة بس اعلق على على ردك ..لسة مش افتكرت موقف جديد

بنت شهريار
23-09-2007, 08:51 PM
هي جت تقول البساره يا خالي و انا اتفتحت في العياط..و ماما بتقولي بقيتي تقولي اعملي بشادي أو اعملي بلؤي...متعمليش ب "ساره"...
شادي و لؤي اخواتي الكبار...
البساررررررررررة ياساررررررررررررررررة
هههههههههههههههههههههههههههههه
انا فطست من الضحك
هههههههههههههههههههههههههههههههه
اعتقد انى كل ما هاشوف البسارة هفتكر سارة
كل سنة وانتم طيبين

aynad
23-09-2007, 10:01 PM
كلكوا موتووووني من الضحك
والله كلكوا كنتوا في منتهي البراءة
يلا عايزين تااااني

ميمو المصرى
24-09-2007, 01:05 PM
مواقفكم جميله اوى يا بنات
هلكتنى من الضحك والله
ههههههههههههههههههههه
محدش افتكر حاجه تانى يجى يقولها ؟

aynad
26-09-2007, 02:34 AM
فين تاني
يلا عايزين كمان
وانا لما افتكر حاجة حرجع اقووول

زهــــراء
26-09-2007, 02:51 AM
:d:d:d:d:d:d:d:d:d:d:d:d:d:d:d:d
ياربي عليكم مواقف فظيييييييييييعة ايمي موتيني ضحك يام قلب رهيف خايفة عالشجرة يخرب عقلك هههههههههههههههه
سااااااااااااااارة فظيعة حكاية البسارة دي والله مش عارفة اسكت انا كنت نعسانة والنومة طارت بسببكم هههههههههههههههههههه
ولا بيرو افتراااااااااا وميمو عامل ناصح :d والنملة ام العيال ههههههههههههه
بجد تسلم ايدك يا انودة ومواقف لذيذة جدا لما افتكر مصيبة هاجي اقولها ههههههههههه

aynad
26-09-2007, 02:54 AM
ههههههههههههههههههههههههههههههه
اكيد اكيد مصايبك كتير يا زوزو انا متأكدة هههههههههههههههههههههه
روحي افتكري ومستنيينك

aynad
26-09-2007, 02:57 AM
دودي ابني لما بيلعب كتير قلبه بيدق جااااااامد زي اي حد
فهو كل فكره ان اللي جوة صدره دي قطة وبتطبطب عليه هههههههههههههههههههههه
طالع لامه هههههههههههه

ميمو المصرى
26-09-2007, 05:26 AM
هههههههههههههههههههههههههههه
قطه بتطبطب عليه
هههههههههههههههههههه
ربنا يخليله أمه يارب

ميمة اسلام
26-09-2007, 02:46 PM
ههههههههههههههههههه
يعيني علي القطه اللي جوة
موضوع تحفة يا ايناد وبجد عسل اوي كل المواقف الجميل اللي قولته
انا بقي وانا صغيرة ومدرستي لغات والعربي منتهي فية
وكنت عايزة اعمل فية فهمه وبقراء كل حاجة ومفيش اعلان في الشارع ولا يقتت محل تفتني
ومع الاسف اخواتي مبينسوش وغوين تريقة فكان كل الكلام بقراء غلط
مكتب بريد يبقي مكتب يريد
الرابطة الاسرية تبقي الرابطة الاثرية
يقول بدري اقوالهم بدرا
وغيرة وغيرة من الكلام اللي لحد دلوقتي وصمة عار في تاريخي
موضوع عسل تسلم ايدكم كلكم

aynad
26-09-2007, 02:58 PM
هههههههههههههههههههههههههههه
قطه بتطبطب عليه
هههههههههههههههههههه
ربنا يخليله أمه يارب

اه والله يا ميمو
شوفت الخيبة الكبيرة ههههههههههههههههههههه

aynad
26-09-2007, 03:00 PM
ههههههههههههههههههه
يعيني علي القطه اللي جوة
موضوع تحفة يا ايناد وبجد عسل اوي كل المواقف الجميل اللي قولته
انا بقي وانا صغيرة ومدرستي لغات والعربي منتهي فية
وكنت عايزة اعمل فية فهمه وبقراء كل حاجة ومفيش اعلان في الشارع ولا يقتت محل تفتني
ومع الاسف اخواتي مبينسوش وغوين تريقة فكان كل الكلام بقراء غلط
مكتب بريد يبقي مكتب يريد
الرابطة الاسرية تبقي الرابطة الاثرية
يقول بدري اقوالهم بدرا
وغيرة وغيرة من الكلام اللي لحد دلوقتي وصمة عار في تاريخي
موضوع عسل تسلم ايدكم كلكم
ههههههههههههههههههههه سكر يا ميمة
اهو دة العاار ولا بلاش ههههههههههههههههههه
ميرسي يا قمر لوجودك معانا

ميمو المصرى
26-09-2007, 03:29 PM
http://www.egyptsons.com/misr/image.php?u=2496&dateline=1187292338 (http://www.egyptsons.com/misr/member.php?u=2496)

ايه الصورة الجامده دى يا ام دودى
ونعم الاختيارررررررررررررررر
ههههههههههههههههههههههههههههههه
أول مره اخد بالى منها والله
ههههههههههههههههههههههههههههههههه
انتى مشكله يا ايناد
جايباها منين دى
دى موقف لوحدها
ههههههههههههههههههههههههههههه

Emad.
26-09-2007, 04:04 PM
السلام عليكم
تشكري اختي الكريمه علي الفكره وعلي الموضوع الرائع
واهي فرصه نشوف الحقيقه علي وضعها الطبيعي:girl1:
ياسلام ارتحال عملا فيها السيده ام كلثوم احسن خدت علقه محترمه:girl12:
ولا ماركو شيلي علي قدك لازم تعملي فيها يعني هيرو
ولا يسرا والمعزايه معلش شكلك كنتي هاديه خالص يايسرا
ولا شعاع كانو هيكلوكي معلش وربنا كنت زعلت ده كلام
لا ولاميمو دنت خطير والله فلوس وكمان مسرحيه ياعزول:girl9:
ولا سامح رائع كنت طلبت له الشرطه:girl12:
لا ام البنات بقي اخر نصاحه جدعه
ولا ابن حضرتك لسه حتي لان بيطبطب علي القطه ولا مشيت خلاص؟
انا شفت التلت صفحات وهلكت م الضحك ربنا يجمعكم دائما علي الخير يارب
وشكرا ام بودي علي موضوعك الاكثر من رائع
رمضان كريم

aynad
29-09-2007, 08:30 PM
ايه الصورة الجامده دى يا ام دودى
ونعم الاختيارررررررررررررررر
ههههههههههههههههههههههههههههههه
أول مره اخد بالى منها والله
ههههههههههههههههههههههههههههههههه
انتى مشكله يا ايناد
جايباها منين دى
دى موقف لوحدها
ههههههههههههههههههههههههههههه
ههههههههههههههههههههههه الله يكرمك يا رب يا ميمو
بس ايه رأيك مش امووورة ؟؟ البنوتة دي ؟؟ ههههههههههههههههههههههههه

aynad
29-09-2007, 08:34 PM
السلام عليكم
تشكري اختي الكريمه علي الفكره وعلي الموضوع الرائع
واهي فرصه نشوف الحقيقه علي وضعها الطبيعي
ياسلام ارتحال عملا فيها السيده ام كلثوم احسن خدت علقه محترمه
ولا ماركو شيلي علي قدك لازم تعملي فيها يعني هيرو
ولا يسرا والمعزايه معلش شكلك كنتي هاديه خالص يايسرا
ولا شعاع كانو هيكلوكي معلش وربنا كنت زعلت ده كلام
لا ولاميمو دنت خطير والله فلوس وكمان مسرحيه ياعزول
ولا سامح رائع كنت طلبت له الشرطه
لا ام البنات بقي اخر نصاحه جدعه
ولا ابن حضرتك لسه حتي لان بيطبطب علي القطه ولا مشيت خلاص؟
انا شفت التلت صفحات وهلكت م الضحك ربنا يجمعكم دائما علي الخير يارب
وشكرا ام بودي علي موضوعك الاكثر من رائع
رمضان كريم
عماااد منورالموضووووع
بس مقلتش ليه علي موقف من مواقفك
انشاله حتي لو جملة او كلمة كنت بتقولها في صغرك ؟؟
مستنيينك تاااني

ميمو المصرى
01-10-2007, 03:24 PM
دى امورة اوى يا إيناد
جميله بشكل
حلوة حلاوة مقرفه يعنى
هههههههههههههههههههه

aynad
01-10-2007, 10:01 PM
افتكر برضه من الحاجات العبيطة اللي كنت بعملها
وانا عندي حوالي 5 او 6 سنين
كنت احب اغسل وشي بالصابونة لوحدي
فكل مرة اغسل فيها وشي الصابووون يدخل في عيني وطبعا اختكوا ايناد تصوت بأعلي صوتها
فبقيت اعمل ايه
اول ما امسك الصابونة اكلمها الاول هههههههههههههه واقولها هو انا عملتلك حاجة دة انا بحبك اوي ليه بتحرقيلي عينية ولازم اطبطب عليها وابوسها قبل ما اغسل وشي هههههههههههههههه
ومبقتش تحرقلي عينية هههههههههههه توقعت انها حبتني ههههههههههههههه

aynad
10-10-2007, 03:16 AM
في ايه يا جماعة روحتوا فين

ريـم
11-10-2007, 05:30 PM
أنا جييييييييييييييت ...

و أنا صغيرة بأه كانت كل حركاتي في الكلام إللي أنا بأقوله و الحاجات إللي كنت بأفتكرها ..
يعني مثلاً .. مثلاً ..
يعني مرة بعد ما اتفرجت على فيلم كرتون حكاية لعبة "توي ستوري" .. مسكت العروسة بتاعتي و مرحمتهاش ..
"اتكلمي .. أنا على فكرة عارفة إنك بتتكلمي .. والله مش هأعملك حاجة .. مش ضروري تستني يعني لحد ما أنام و تتكلمي و تلعبي.. ممكن نلعب سوا .. أنا عارفة إنك بتتكلمي .. والنبي .. و النبي يلا بأه .. أنا هأنبسط أوي على فكرة .. "
و هكذا و العروسة طبعاً لا اتكلمت ولا يحزنون بس فضلت تسمع محاضرات و تحايلات و في الآخر جاني أنا احباط .. !!!

aynad
11-10-2007, 08:05 PM
أنا جييييييييييييييت ...

و أنا صغيرة بأه كانت كل حركاتي في الكلام إللي أنا بأقوله و الحاجات إللي كنت بأفتكرها ..
يعني مثلاً .. مثلاً ..
يعني مرة بعد ما اتفرجت على فيلم كرتون حكاية لعبة "توي ستوري" .. مسكت العروسة بتاعتي و مرحمتهاش ..
"اتكلمي .. أنا على فكرة عارفة إنك بتتكلمي .. والله مش هأعملك حاجة .. مش ضروري تستني يعني لحد ما أنام و تتكلمي و تلعبي.. ممكن نلعب سوا .. أنا عارفة إنك بتتكلمي .. والنبي .. و النبي يلا بأه .. أنا هأنبسط أوي على فكرة .. "
و هكذا و العروسة طبعاً لا اتكلمت ولا يحزنون بس فضلت تسمع محاضرات و تحايلات و في الآخر جاني أنا احباط ..
هههههههههههههههههههههههههههههه
انتي سكرة يا ريم والله
قوليلي مش يمكن اكلتي العروسة سد الحنك علشان كدة مكانتش عايزة تتكلم ههههههههههههههه
نورتيني يا قمر
مستنياكي تاني بذكرة جديدة