المساعد الشخصي الرقمي

مشاهدة النسخة كاملة : نكت نكت يالهوووووووووووووى



SiR_cAsPeR
24-06-2003, 01:02 PM
مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي

-----------------------------------

صيدلي اتجوز صيدلانية... خلغوا تركبية...
بدل ما يهشتكوها.. كانوا بيرجوها

---------------------------------

واحد بلديتنا حب يعمل ارهابى.. خطف ابنه.. محدش سأل عليه قتله


---------------------------------

واحد أعمى فتّح ... من الفرحة اتشل

-------------------------------

مره واحد صعيدى حلم انه بيحفر فى بير غويييييط.. صحى لقى ايده فى مناخيره

-------------------------------

واحد صعيدي دخل الجيش ووقف حراسة على بوابة معسكر... عدى عليه الشاويش "محمد" وقاله:اللواء "فريد" جه؟ قاله : ماجاش يا شاويش "محمد"...

وبعد ساعة رجع له الشاويش محمد وسأله: اللواء "فريد" جه؟ قاله لسه ما جاش...

وبعد ساعة رجع له تانى وسأله اللواء "فريد" جه؟ قال له لسه ما جاش...

وبعد ساعة جه اللواء "فريد"... فقاله العسكرى : أنت فين من بدري الشاويش "محمد" حيخرب بيتك كككككككك

------------------------------

واحد محشش قاعد مع اصحابه و بيحكيلهم : انا مره طلعلى اسد و كان فى ايدى كباية ميه رميته بيها الاسد طلع يجرى... رد عليه واحد من اللى قاعدين قاله صح انا لما قابلت نفس الاسد ضربته بالقلم ايدى اتبلت

------------------------------

مره واحد بيقول لواحد صاحبه: اسكت مش انا حماتى ماتت امبارح... قاله لا حول الله يا رب... ماتت ازاى الست دى؟

قاله وانا واقف معاها فى البلكونه وقعت من الدور الخامس... قاله لا حول الله يا رب دى موته وحشه أوى...

قاله لأ.. ماهى ماوقعتش على الارض... قاله امال ماتت ازاى؟

قاله وقعت على سلك الكهرباء... قاله يا ساتر يارب دى موته وحشه أوى.. ماتت من الكهرباء طبعا...

قاله لأ يا عم.. ماهى الكهرباء كانت مقطوعه... قاله امال ماتت ازاى بس؟

قاله اصل السلك نطرها في حمام السباحه... قاله لا اله الا الله ماتت غرقانه...

قاله بس يا عم اعوذ بالله... ماهي اول ما نزلت فى الميه... الطشه رفعتها على منط الحمام وطلعت عندى فى البلكونه تانى... قاله امال انت بتقول ماتت ازاى؟

قاله ما انا لما ما لقيتش فايدة رحت خانقها بالإيشارب

----------------------------------

مرة واحد متجوز عنده دولاب قافله 20 سنة والمفتاح معاه هو بس... مراته هتتجنن وتعرف ايه اللي جوه الدولاب... وفي يوم راح الشغل ونسي المفتاح... مراته فتحت الدولاب لقت 20 الف جنيه.. وبيضتين!!!
لما رجع سألته ايه حكاية البيضتين دول؟ قالها بصراحه... كنت كل ما أخونك مرة أحط بيضاية في الدولاب...
الست قالت عشرين سنه جواز ومرتين بس... مش مهم... فسألته طب والعشرين الف جنيه؟ قالها كنت كل ما اجمع كرتونه بيض اروح ابيعها

----------------------------------

مرة واحد بيشتكي من الديدان اللي ف بطنه... داخ عند كل الدكاترة... محدش عرف يعالجه... اخر حاجة قالوله فيه شيخ بيشفي من كل الامراض... راحله واشتكي له حالته... قال له... مشكلتك بسيطة جدا... تروح عند محل بيبيع بطيخ... وتشتري بطيخة حمرة وكبيرة... تقطع راسها وتقعد عليها... بيقوم رئيس الديدان بينزل ويلحس منها شوية... ف هيلاقيها حلوة... هيقول للديدان... شباب انزلوا... قام رايح صاحبنا واشتري اكبر بطيخة حمرا وقعد عليها... نزل رئيس الديدان ولحس منها شوية ولقاها حلوة... قال لهم... شباب طلعوها


---------------------------------

مرة اتنين صعايدة ماشيين ف الصحرا... طلع عليهم اسد... راح واحد منهم رمي عليه طوبة وطلع يجرىىىىىى... وبص وراه لقي صاحبه واقف ما بيجريش... قال له مش بتجري ليه؟ قال له واجري ليه؟ هو انا اللي ضربته؟؟؟؟؟

--------------------------------

واحد بلدياتنا خلصت مدة رخصة عربيته قال لأبوه : رخصتى خلصت... قاله: من كتر لفك فى الشوارع

--------------------------------

جماعة صعايدة بينضفوا الحيطة بالمية... الكهرباء مسكت في واحد منهم قعدوا يشدوه و يضربوه عشان يبعد عن الحيطة.. وفي الاخر ودوه المستشفى وكانت نتيجة تقرير الطب الشرعى: سبب الوفاة.. ضرب أفضى الى موووووووت

--------------------------------

واحد بيسأل صاحبه هو ايه الفرق بين تجارة الحشيش وتجارة عين شمس ؟ قام صاحبه قاله تجارة عين شمس 4 سنين انما تجارة الحشيش أقلها 25 سنة

----------------------------------

ابو العربى قابل مذيعة قالت له انا سمعت كتير عن بطولاتك فى الحرب...
قالها طبعا ابو العربى يسد فى كل مكان فى 48 واليمن و56 و67 و73 والعراق... قالت المذيعه طب هأسألك كام سؤال...

- لو انت فى الحرب وطلع عليك دبابتين ومعاك قنبلتين هتعمل ايه؟
-قالها: هادخل عليهم وأفجرهم

-طيب لو خمسه؟؟؟؟؟؟
قالها: هادخل عليهم بالسلاح الأبيض

-طيب لو اربع دبابات... و عشر عساكر... وطيارتين؟

قالها جرى ايه يا وليه هو مفيش حد بيحارب غيرى وللا إيه؟؟؟

-----------------------------------

واحدة كل يوم تصحي من النوم تلاقي هدومها كلها ميه... خدت راي جارتها... قالتلها اعملي نفسك نايمة وشوفي الميه بتيجي منين... وهي نايمة لقت جوزها قاعد يتفرج علي قناة لبنان... وكل ما يشوف واحدة حلوة... يقول دي حلوة... ودي... اتفوووووو

----------------------------------

واحد سنانه كلها طايرة ما عدا الانياب... قدم علي وظيفة عينوه خرامة

----------------------------------

مرة صرصار كان ميت علي نفسه م الضحك .. ليه؟ علشان كان بيجري وراه واحد احول...

---------------------------------

صعيدي وقفت علي وشه دبانة... بيهشها... قالت له حتي انت يا معفن!!!!!

---------------------------------

واحد صعيدي نزل يتمشي.. جابوه من ع الحدود

---------------------------------

واحد اسود اتجوز واحدة سودة زيه.. جابوا ولد ابيض.. سموه مش ممكن

---------------------------------

فرخة اتجوزت فيل... جابوا تشيكن فيليه

---------------------------------

مرة واحد رخم ضرسه كان بيوجعه... راح للدكتور وقاله اخلعلي كل ضروسي وسيبه لوحده زي الكلب

--------------------------------

صعيدي اشتري كمبيوتر... شال ال mouse وحط جاموسة

--------------------------------

واحد عند دكتور العيون... فالدكتور بيسأله... تقدر تميز العلامات اللي في اللوحة دي؟؟؟ قاله طبعا.. بس هي فين اللوحة؟؟؟؟؟؟؟؟؟؟


--------------------------------

بلدياتنا عند دكتور العيون... بيقوله.. داكتور.. كل ما اشرب شاي عيني توجعني!!!

قاله متأكد انك بتطلع المعلقة من الكوباية بعد ما تقلب؟؟؟؟؟

--------------------------------

بخيل وهو بيموت قعد يسال علي عياله.. فين محمد؟؟ قال محمد نعم يابا.. وفين محمود؟ رد محمود وهو بيعيط انا هنا يابا.. الاب: ايه ده؟ انتم الاتنين هنا وسايبين نور الصالة قايد

--------------------------------

واحد عنده مزرعة فراخ.. دخل المزرعة لقي كل فرخة بايضة بيضة واحدة بس.. مسك فرخة من رجليها ونتف ريشها وقطعها.. وقال للفراخ اللي مش هتجيب بكرة خمس بيضات هقطعها زي الفرخة دي.. تاني يوم لقي كل الفراخ بايضة خمس بيضات ماعدا فرخة بايضة تلات بيضات بس.. فقاللها ايه ده؟؟ قالت له استر عليا ده انا ديييييييييييك

--------------------------------

كان فيه خمسة صعايدة سموا نفسهم الشجعان التلاتة

--------------------------------

واحد أحول بيتفرج علي فيلم عاطفي... (بدل ما يدمع ريل).......... (بعد ما ريل.. الريالة طلعت علي ودنه)

جنان الفردوس
25-06-2003, 05:45 AM
هههههههههههههههههه
يخرب عقلك كفاية كده
هاموت من ابضحك :D

NADEEN
25-06-2003, 07:11 AM
نكت ممازه جداً
يا مستر كاااسبر

SiR_cAsPeR
25-06-2003, 09:24 AM
انا عارف ان نكتى رخمه وانتوا اولناس تقولوا كلمة حق فيا بس يلا مفيش مشاكل المهم انا هازود فيها شوية وشكرا جدا على ذوقكم معايا

n3na3aah
28-06-2003, 01:19 PM
نكت جميييييييييييله يا كاسبر و الزات بتاعت البيض بجد حلوه قويييي

بس ليه محطشي نكتك في مسابقه النكت كنت كسبت علاطول

تحياتي لييك

أشرف المجاهد
28-06-2003, 02:12 PM
بسم الله الرحمن الرحيم

هههههههههه

حلوووووووووووووة

الله يسعد أيامك ويبارك لنا فيك

تحياتى لك

كابتن /على
01-07-2003, 08:32 PM
بسم الله الرحمن الرحيم
السلام عليكم ورحمة الله وبركاته
بجد نكت زى العسل وربنا يكرمك يامستر كاسبر
تحياتى لكم ولكل القائمين على الموقع
كابتن على عبد العزيز
مدرب دولى كاراتيه
مصر

lina
01-07-2003, 09:16 PM
هههههههههههههههههههه
تجنن يا كاسبر بجد بجد حلوة موووووووووووت
قووول تاني :D

تحياتي
لينا

بنت مصر
01-07-2003, 11:37 PM
بصراحة يا كاسبر نكت تموت من الضحك
وخصوصا بتاعة الرخصة اللي انتهت دي :D


واحد شكله وحش اوي راح يتقدم لواحدة
بيقول لباباها انا بلا فخر ياعمي عملت نفسي
بنفسي قاله وانا برضه بقول مستحيل تكون خلقة ربنا :D :D :D

Mrs. Virgo
02-07-2003, 11:14 AM
:D
:D
:D
:D
:)


ما عدا اخر نكته .. :rolleyes:

وادكول مش معقول
17-07-2003, 09:18 AM
زي العسل كمل علي بركة الله وفطس الناس من الضحك


Photo Gallery