المساعد الشخصي الرقمي

مشاهدة النسخة كاملة : الوجه الآخر للأعضاء والمشرفين(لازم الكل يشارك)



الصفحات : [1] 2

lina
22-06-2003, 12:45 PM
دائما نسعى لمعرفة الوجه الآخر لكل عضو أو مشرف .......
وأعضاء ومشرفين منتدى لؤلؤة المشرق العربي دون إستثناء لهم كل التقدير
أيضاً نطمع لأن نصل إلى قلوبهم ونصل إلى مستوى تفكيرهم
كي نشعر بأهمية الأسرة الواحدة
لهذا أضع هذه الأسئلة التي أتمنى الإجابة عليها بكل صدق
مع كل الشكر مقدماً على تفاعلكم وإهتمامكم المتوقع :1:




"الـبـيـت"


- كم رقم ترتيبك في الأسرة؟
- من هو الأقرب لك من أعضاء أسرتك؟
- حدد أهم الأمور التي تقوم فيها وأنت في البيت؟
- أكله تحبها كثيراً..؟
- مشروب يستهويك دائماً؟
- ماهو الطلب الملح الذي تطمع به من أسرتك ولم يتحقق حتى الآن؟
- عندما تشاهد التلفاز : ماهو أبرز مايستدعي إنتباهك وتحرص على متابعته؟
- حين تكون في غرفتك : تكره أن يفعله الآخرون في غرفتك؟
- ماهي أوقات النوم المفضلة لك؟:4:


========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه )) :p

- حدد مستواك الدراسي ( ممتاز - متوسط - مقبول - ضعيف ) ؟
- مدرس أو مدرسه لازال في ذاكرتك .. ولماذا؟
- مواد دراسية تحبها بقوة ؟
- مواد دراسية تكرها كثيرا؟
- حدد بالضبط موقع جلوسك في الفصل؟ يعني قدام ورا في النص يمين شمال كده :p
- ماهي أبرز إهتماماتك في رحاب المدرسة؟
- ماهي أحب المراحل الدراسية إلى نفسك..؟
- ماهو أبرز عقاب مر عليك طوال فترة الدراسة؟
- هل حصلت على شهادات تميز خاصة وفي أي سنة؟
- سنة دراسية تعد هي الأجمل في حياتك؟ :)


========================

"الـحــيــاه"


- حكمة تؤمن بها كثيرا ؟
- أحب الألوان إلى نفسك؟
- دولة تتمنى أن تسافر إليها ؟
- ماهي الوظيفة التي تتمناها لنفسك؟
- أمنيه تود أن تتحقق خلال أسبوع ؟
- حدد اسم اليوم الذي تتفائل به كثيرا؟
- ظاهره تود أن تخلص المجتمع منه ؟
- شخصية تتمنى اللقاء بها مع ذكر السبب؟
- شخصية تود الخلاص منها؟
- مكان يعجبك كثيراً وتتردد عليه دائما؟ :3:


========================

"الـمـنـتـدى"


- عضو تعلمت منه الكثير ؟
- عضو نفسك تعلمه ؟
- عضو لاتتمنى أن يغيب أبداً ؟
- عضو مشاغب ؟
- عضو يعتبر الأكثر تميز في نفسك ؟
- عضو يثير اهتمامك ؟
- عضو أكتشفت مؤخراً أنك لم تعامله بإهتمام ؟
- عضو ترى أن لديه إمكانيات كبيرة ولم يقدمها حتى الآن ؟
- عضو تتمنى اللقاء به ؟
- عضو تتمنى أن تنصحه ؟
- عضو تريد أن تقول له شكرا ؟
- عضو يستحق الأسف ؟
- قاعة في المنتدى ترى أنها تحتاج للتفاعل بشكل كبير ؟
- قاعة تعد الاكثر تميزا على الاطلاق ؟
- قاعة "ملهاش لزمة" ؟ :o
- قاعة ترى أنها تحتاج للتحسينات ؟
- قاعة تتمنى تواجدها ؟ :confused:

=============================

أتمنى من الجميع المشاركه "بليز"


تحياتي للجميع
لينا :)

مصراوى
22-06-2003, 01:27 PM
- كم رقم ترتيبك في الأسرة؟
رقم واحد طبعا :cool:
- من هو الأقرب لك من أعضاء أسرتك؟
كلهم قريبين جدا لقلبى
- حدد أهم الأمور التي تقوم فيها وأنت في البيت؟
نصف ساعة نقضيها لقراءة حديث نبوى وشرحه
- أكله تحبها كثيراً..؟
عندكم وقت ومساحه على السيرفر :D عموما البط والمحشى و .. و ... و
- مشروب يستهويك دائماً؟
عصير البرتقال
- ماهو الطلب الملح الذي تطمع به من أسرتك ولم يتحقق حتى الآن؟
يناموا قبل الساعه 2
- عندما تشاهد التلفاز : ماهو أبرز مايستدعي إنتباهك وتحرص على متابعته؟
نشرات الاخبار والبرامج الحوارية
- حين تكون في غرفتك : تكره أن يفعله الآخرون في غرفتك؟
مش فاهم
- ماهي أوقات النوم المفضلة لك؟
ساعه عصرا ومن 12 الى 6 صباحا ( يتخللها صلاة الفجر )

- حكمة تؤمن بها كثيرا ؟
ابيات شعر كتبتها قبل كده هنا اشوفها واديكم اللنك
- أحب الألوان إلى نفسك؟
الازرق
- دولة تتمنى أن تسافر إليها ؟
التشيك
- ماهي الوظيفة التي تتمناها لنفسك؟
نفس وظيفتى
- أمنيه تود أن تتحقق خلال أسبوع ؟
دمار إسرائيل
- حدد اسم اليوم الذي تتفائل به كثيرا؟
انا متفائل دائما
- ظاهره تود أن تخلص المجتمع منه ؟
انقياد بعض الشباب وراء الاغانى والموضه وكل الحاجات التافهة
- شخصية تتمنى اللقاء بها مع ذكر السبب؟
أحمد زويل لأنه أثبت إن لسه فى أمل
- شخصية تود الخلاص منها؟
بوش وبلير وشارون و ..... دول كتير جدا
- مكان يعجبك كثيراً وتتردد عليه دائما؟
الغردقة

- عضو تعلمت منه الكثير ؟
أنا تعلمت من جميع الاعضاء فكل عضو شخصية متفردة بهاجوانب إيجابية أحاول إضافتها لى وجوانب سلبية أحاول أن اتلافاهاولكن إذا كان هناك شخصية محددة فهو الاديب والشاعر جمال حمدان
- عضو نفسك تعلمه ؟
بنت النيل علشان ارد لها الجميل عن محاضراتها القيمة عن اللغة العربية
- عضو لاتتمنى أن يغيب أبداً ؟
هبه
- عضو مشاغب ؟
العمده هو وهريدى بتاعه :D
- عضو يعتبر الأكثر تميز في نفسك ؟
العمده، محمد البنيان
- عضو يثير اهتمامك ؟
deaa
- عضو أكتشفت مؤخراً أنك لم تعامله بإهتمام ؟
مفيش
- عضو ترى أن لديه إمكانيات كبيرة ولم يقدمها حتى الآن ؟
محيى إبراهيم
- عضو تتمنى اللقاء به ؟
العمده
- عضو تتمنى أن تنصحه ؟
ابن البلد أنصحه يسيب المنتدى خالص :D
- عضو تريد أن تقول له شكرا ؟
بنت مصر
- عضو يستحق الأسف ؟
براود مسلمه فغيلبها يضايقنى جدا
- قاعة في المنتدى ترى أنها تحتاج للتفاعل بشكل كبير ؟
قاعة القضايا العربية
- قاعة تعد الاكثر تميزا على الاطلاق ؟
كلام فى الممنوع
- قاعة "ملهاش لزمة" ؟
الصالون الأدبى
- قاعة ترى أنها تحتاج للتحسينات ؟
الخواطر
- قاعة تتمنى تواجدها ؟
لا يوجد

وشكرا لهذه الجوله الممتعه
تحياتى

heba
22-06-2003, 01:29 PM
بسم الله الرحمن الرحيم
حبيتى لينا الشقيه
موضوع جميل زيك بس ادينا فرصه نجاوب على الأسئله و انا بس جايه اقولك مجهودك رائع و افكارك رائعه تسلم ايدك ولى عوده ان شاء الله0
تحياتى

lina
22-06-2003, 09:00 PM
السلام عليكم مره تانيه

اشكرك اخي مصراوي على مشاركتك ,, انتا عارف,, صحيح محدش فينا يعرف التاني كويس ولا بيفكر ازاي ولا اهتماماته ايه بس بالاسئله دي تقريبا بتخلي الواحد يخد فكرة او انطباع عن الشخص ,,يعني انا تقريبا كونت فكره مش بطاله عن حضرتك هههههههه ;)

السؤال اللي مكنتش فاهمه :

- حين تكون في غرفتك :مالذي تكره أن يفعله الآخرون في غرفتك؟
يعني مثلا مش بتحب حد يلعب في حاجتك ,, اممم ياخد جزمتك ,, يبص في ورقك يعني حاجات كده

حضرتك قلت الوظيفه اللي بتتمناها لنفسك,, نفس وظيفتك ! الا هي ايه وظيفتك :1: هههههههههه حشريه بقى :p

ذكرت اسم الاخت ضياء من ضمن كلامك ,, وافتكرت اني مش بشوف مشاركاتها في المنتدي من فتره ,, اتمنى اللي عنده فكره عن غيابها يطمننا عليها :)


اختي حبيبة قلب الجماهير الغاليه هبه
شكرا ليكي على التشجيع ونا افكاري متجيش حاجه جمب اللي بتعمليه يا هبهوبه ,, جزاكي الله كل خير وفي انتظار عودتك ;)

يلا وكمان في انتظار بقية الاعضاء ,, لو سمحتوا شاركوا معانا :)

تحياتي للجميع
لينا

n3na3aah
22-06-2003, 09:25 PM
lina estny lma asl7 elghaz we b3deen 7arod aleky m3lesh wlahy ana th2t mn elcomputer dh

lina
22-06-2003, 09:31 PM
ولا يهمك يا نعانيعو ,, انا في انتظارك يا قمر :)
ربنا يشفي جهازك بسرعه :2: وااااء

اختك
لينا :)

heba
22-06-2003, 10:16 PM
بسم الله الرحمن الرحيم
بصى يا ستى

البيت
ما رقم ترتيبك فى الأسره؟
رقم 2 طبعا

من هو الأقرب لك فى الأسره ؟
لأ كلهم مقدرش اقول حد و حد لأ كلهم بحبهم ولو حد غاب بيوحشنى ولو حد تعب باتضايق جدا و بنفس القدر لكل واحد0

الأعمال التى تقوم بها فى البيت
تقريبا كل حاجه يا لينا

اكله احبها جدا
الملوخيه

مشروب احبه
النسكافيه و القهوه

- ماهو الطلب الملح الذي تطمع به من أسرتك ولم يتحقق حتى الآن؟
لأ مفيش يا لينا الحمد لله

ما اشاهد فى التلفاز
البرامج السياسيه و الحواريه

ما اكره ان يفعله احد فى غرفتى

الأكل فى حجرة النومو على الفراش هذا يقلقنى جدا

افضل اوقات النوم لدى
انا عادة انام بدرى و منتظمه فى النوم الحمد لله يعنى اقصى حاجه للسهر الساعه 12 لأنى استيقظ بدرى0

بالنسبه للدراسه

انا خلصت من زماااااااااااااان يا لينا

مستواى الدراسى
معقول يا لينا مكنتش عبقريه بس كنت شاطره شويه

مدرس او مدرسه
ايوه ناظرة المدرسه الأعدايه و كانت تدرس لنا اللغ الأنجليزيه و كانت سيده راقيه جدا و حنونه جدا ولا تبخل على اى تلميذه بالمساعده و كانت تهتم بكل البنات و كانت لها علاقات مع معظم اسرنا ولم تنقطع الصله بها الا بوفاتها رحمها الله0

ماده دراسيه احبها
هههههههه لأ عمرى ما ارتبط بماده معينه و لكنى كنت اميل للمواد الفلسفيه شويه

ماده اكرهها
الرياضيات و من قلبى

مكان جلوسى فى الفصل
فى الوسط فى بعض السنوات و فى الجانب بعض السنوات

اهتماماتى فى رحاب المدرسه
الرياضه و الكورال المدرسى

احب المراحل
الثانويه

شهادات التميز
بصى يالينا انا الحمد لله كنت دائما محبوبه من مدرسنى بالأجماع وطول سنوات الدراسه الثانويه منت رئيسة اتحاد الطالبات و شهادة التميز او التقدير انى احتفظت برئاسة اتحاد الطالبات 3 سنوات علىالتوالى0

سنه دراسيه الأجمل

هى الثانويه العمه علشان كنت عارفه انى حادخل الجامعه و حاكبر

الحباه

حكمه اومن بها
اذا كان الكلام من فضه فالسكوت من ذهب

احب الألوان
الأسود

دوله احب السفر لها دائما
السعوديه

الوظيفه
كنت اتمنى ان اكون صحفيه

امنيه اتمنى تحقيقها فى اسبوع

اسافر عمره

يوم اتفائل به
الخميس

ظاهره اتمنى خلاص المجتمع منها
شرب البنات للشيشه فى الأماكن العامه

شخصيه اتمنى ان اقبلها
فى الحقيقه يا لينا
فى شخصيات كثيره محببه لنفسى
ولكن من اود مقابلته فعلا النائب العمالى جورج جالاوى لماذا لأنه يقف مع قضايانا و كأنه دمه عربى وباخلاص

شخصيه اود الخلاص منها

هو فى حد غيرهم
22 شخصيه عربيه و معاهم شارون و بوش و شارون

مكان يعجبنى
المدينه المنوره

المنتدى

عضو تعلمت منه الكثير

بصى بقى يا لينا انا جاوبتك على كل الأسئله انما اسئلتك علن المنتدى ستسبب حرج
لأنى لو قلت لك فرد واحد يبقى ظلمت الباقى
ولكن اقولك ان كل واحد منكم له معزه عندى و باشعر انه يوجد صداقه خاصه بينى و بين كل واحد فيكم بمعنى ادق كلكم احبائى و اصدقائى
بس ساحاول اجاوبك
عضو تعلمت منه الكثير
ابن مصر
عضو لا تتمنى ان يغيب ابدا
كلكم
عضو مشاغب
كتير للينا و سمسه
عضو يعتبر الأكثر تميز فى نفسك
بنت مصر
عضو يثير اهتمامك
شمس الدين بثقافته و روعة ردوده انا ساعات اقف امام كلامه اقول بيجيب الكلام ده منين0 و محى ابراهيمبكتاباته المميزه

عضو لديه امكانيات لم يقدمها حتى الآن
مصراوى

عضو اتمنى اللقاء به
كلكم
عضو اكتشفت انى لم اكن اعامله باهتمام
لأ والله انا باحاول على اد ما اقدر اهتم بالجميع ولو قصرت بيقى من غير قصد ي

عضو اريد ان اقول له شكرا
ابن البلد و بنت مصر و ابن مصر
عضو يستحق الأسف
براود علشان ترجع
و بالنسبه للقاعات
انا نفسى يا لينا فى قاعه للأغانى والأناشيد الوطنيه
كفايه كده يالينا تعبتينى

اظن كفايه كده
و يارب ما حد يزعل منى

بنت النيـل
22-06-2003, 10:51 PM
"الـبـيـت"

- كم رقم ترتيبك في الأسرة؟
أنا الكبيرة للاسف ... ولي أخ واحد فقط ... كان نفسي يكون عندي اخوات كتير اتوه وسط زحمتهم ... بس لي اخوة واخوات كتير الحمد لله من النت ومن المحيطين بي في كل مكان

- من هو الأقرب لك من أعضاء أسرتك؟
كلهم ... وخصوصا والدي رحمه الله لاننا كنا اصدقاء جدا ... وامي الآن لاننا ايضا صديقات

- حدد أهم الأمور التي تقوم فيها وأنت في البيت؟
كتييييييير
طول ماانا موجودة في البيت باعمل أي حاجة ... يعني باطبخ وانضف البيت وبامارس هواياتي زي الخياطة مثلا وطبعا النت

- أكله تحبها كثيراً..؟
انا باكل أي حاجة ... بس باحب السمك بكل اشكاله

- مشروب يستهويك دائماً؟
باحب النسكافية والقهوة ( عادة سيئة بس أعمل ايه طعمهم بيعجبني )

- ماهو الطلب الملح الذي تطمع به من أسرتك ولم يتحقق حتى الآن؟
مايتضايقوش من قعدتي الطويلة امام الكمبيوتر :2:

- عندما تشاهد التلفاز : ماهو أبرز مايستدعي إنتباهك وتحرص على متابعته؟
البرامج السياسية والحوارية الهادفة وبرامج الموسيقى ( كالموسيقى العربية مثلا )

- حين تكون في غرفتك : تكره أن يفعله الآخرون في غرفتك؟
لااحب ان يعبث أي شخص مهما كان بمحتويات غرفتي سواء كتب او غيره ... ولا احب ان ينقل احد شيئ من مكانه :eek:

- ماهي أوقات النوم المفضلة لك؟
انا كائن ليلي النشاط استيقظ اغلب الليل ونومي قليل وخصوصا في الصيف ;)

المدرسة
خلاص خلصتها من زمان ومعايا دكتوراة ... مش عارفة ينفع اجاوب بخصوص المدرسة ولا لأ :(


"الـحــيــاه"

- حكمة تؤمن بها كثيرا ؟
كتير
قل لمن نام وهو يطلب مجداً
فاتك المجدُ ياحليف الوسائد

إن أعدل الناس من انتصف من نفسه
وأظلم الناس من ظلم غيره لسواه

الحق كالموت ... منبوذ لكن حتمي
وهناك الكثير

- أحب الألوان إلى نفسك؟
احب الازرق بجميع درجاته
واحب جميع الالوان الفاتحة

- دولة تتمنى أن تسافر إليها ؟
نفسي اروح السعودية احج انا ووالدتي
نفسي الف العالم كله ... صحيح شفت كام بلد ... بس نفسي في رحلة حول العالم

- ماهي الوظيفة التي تتمناها لنفسك؟
كنت اتمنى العمل بمجال الاعلام كمذيعة نشرة اخبار مثلا أو صحفية ... ولكني احب مهنتي الحالية ... وأعتقد اني ناجحة فيها وهي التدريس بالجامعة .

- أمنيه تود أن تتحقق خلال أسبوع ؟
نفسي امريكا واسرائيل يختفوا من خريطة العالم ونفسي العرب يفوقوا .

- حدد اسم اليوم الذي تتفائل به كثيرا؟
كل ايام الله جميلة

- ظاهره تود أن تخلص المجتمع منه ؟

ليست واحدة فقط
اتمنى ان يستيقظ ضمير الناس
اتمنى ان يتخلص الناس من سلبيتهم المفرطة ... وان يكفوا عن انانيتهم ومطالبة الغير بما لايفعلوه هم انفسهم ... اتمنى ان ينتمي الناس للبلد ويعطوها اكثر من الحادث الآن .
النظافة ياعالم ياهووووووو

– شخصية تتمنى اللقاء بها مع ذكر السبب؟
مجدي يعقوب ... لاني احب الاطباء لما يمتازون به من قدرة غير عادية على العطاء

- شخصية تود الخلاص منها؟
اكره الناس الانانية واريد ان ينتهوا من العالم

- مكان يعجبك كثيراً وتتردد عليه دائما؟
احب النيل جدا ... واحب ان اتأمل منظر الشمس وقت الغروب وهي تغطس في النيل


"الـمـنـتـدى"

المشكلة اني اعرف منتديات كثيرة جدا وساظلم الكثيرين لان الاسئلة محددة زيادة عن اللزوم


- عضو تعلمت منه الكثير ؟
كثيرين
منذ ان عرفت النت وهناك دائما من تعلمت منه شيئاً

- عضو نفسك تعلمه ؟
الجميع كويسين وحاشاي ان أظن أن باستطاعتي تعليم احد الاعضاء .

- عضو لاتتمنى أن يغيب أبداً ؟
اتمنى الا يغيب أي عضو ... ولو انه طلب صعب ولكن غياب الناس او اختفاؤهم يقلقني ويضايقني

- عضو مشاغب ؟
المشاغبين كثيرين ... وكثروا قوي اليومين دول ... يظهر في نقص في الاكياس في المنتدى
إحم إحم
حتى الاعضاء الغير مشاغبين اتعلموا المشاغبة من ورانا ( سامعني يامحيي )

- عضو يعتبر الأكثر تميز في نفسك ؟
الحقيقة المتميزين كثيرين ولكن الأكثر تميزاً
محيي ابراهيم وشمس الدين

- عضو يثير اهتمامك ؟
كثيرين
محيي مقالاته رائعة وصعب التعليق عليها ... وشمس الدين يعجبني اسلوبه جدا
بسنت مجتهدة ... هبة رائعة ... وغيرهم الكثير الصراحة

- عضو أكتشفت مؤخراً أنك لم تعامله بإهتمام ؟
احاول معاملة الجميع بما يرضى الله

- عضو ترى أن لديه إمكانيات كبيرة ولم يقدمها حتى الآن ؟
محيي .. مقل رغم موهبته الكبيرة

- عضو تتمنى اللقاء به ؟
اتمنى ان ارى الجميع

- عضو تتمنى أن تنصحه ؟
ابن البلد ... يبطل يغلس علينا نحن الاعضاء الغلابة

- عضو تريد أن تقول له شكرا ؟
الحقيقة كتير ... كل من وقف بجانبي في أي ظروف صعبة مرت بي الفترة السابقة ... الحقيقة اغلب الاعضاء اشكرهم من كل قلبي

- عضو يستحق الأسف ؟
صديقتي برديس ... اعتذر لها لاني لم اقدم لها ماتستحق مني كصديقة ... وهي تعرف مقدار حبي الشديد لها ... ولكني كنت اود ان افعل اكثر من ذلك

- قاعة في المنتدى ترى أنها تحتاج للتفاعل بشكل كبير ؟
قاعة القضايا العربية لاتحظى بالأهتمام المفروض

- قاعة تعد الاكثر تميزا على الاطلاق ؟
قاعة كلام في الممنوع من اكثر القاعات المحببة لقلبي ولو اني مقصرة في حقها هذه الايام

- قاعة "ملهاش لازمة" ؟
بلاش السؤال ده :D

- قاعة ترى أنها تحتاج للتحسينات ؟
قاعتي الفن والخواطر

- قاعة تتمنى تواجدها ؟
لاأعتقد ان المنتدى ينقصه قاعات جديدة .


أرجو الا اكون قد اثقلت عليكم بكلامي هذا :)

جنان الفردوس
23-06-2003, 06:36 AM
أستني يا لينا شوية وهرجعلك
أجاوب على الأسئلة
أصل هما كتير قوي

بعدين أنا مش قولتلك متدخليش على النت وأنت عندك امتحانات
مبتسمعيش الكلام ليه

أشجان الليل
25-06-2003, 04:53 AM
أختي العزيزة لينا..
جزاك الله خيرا على طرحك المتميز..
دائما ما تتحفينا بمواضيعك المتميزة..
إليك ردودي..
وأرجو أن أوفق في الرد عليك

"الـبـيـت"


- كم رقم ترتيبك في الأسرة؟
رقم اثنين ((2))

- من هو الأقرب لك من أعضاء أسرتك؟
بالطبع كلهم أحبائي..
ولكن فى الغالب أفضل البوح لأختى الصغرى أو والدتى بكل ما يشغلني.

- حدد أهم الأمور التي تقوم فيها وأنت في البيت؟
أنام....فقط أنام...
أنا لا أتواجد بالبيت إلا فيما ندر

- أكله تحبها كثيراً..؟
الملوخية..ثم الملوخية...
ثم الملوخية..

- مشروب يستهويك دائماً؟
عصير القصب..

- ماهو الطلب الملح الذي تطمع به من أسرتك ولم يتحقق حتى الآن؟
ماحدش يسألنى عملتي إيه فى الكلية..
حرام إن كل واحده تدخل عليا تسألنى السؤال ده..
وكلهم ورا بعض..
ولو قلتلهم حرام كده..كلهم يبطلوا يكلموني مرة واحده..!!! :(

- عندما تشاهد التلفاز : ماهو أبرز مايستدعي إنتباهك وتحرص على متابعته؟
الحقيقة أنا بطلت أتابع أي شئ من فترة
اللهم برنامج خلف الأسوار..
فأنا أتوقع ظهوري به قريبا...:D

- حين تكون في غرفتك : تكره أن يفعله الآخرون في غرفتك؟
أنا أصلا لا أسمح بدخول أي شخص كان لغرفتي..
فماذا يضمن لي عدم عبث أي منهم بأوراقي (( المنظمة جداً))
أو لوحاتى((القيمة جداً))

- ماهي أوقات النوم المفضلة لك؟
مممممممم
صعب جدا السؤال ده..
فأنا بمجرد أن تتاح لي فرصة النوم لا يستطيع جيش من التتار أن يوقظني..
أي كان الوقت... :D
فهذه فرصة لا يمكن تعويضها



========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟
في المدرسة؟؟
الحمد لله ممتاز جداجداجداجداً
أما في الكلية..
أحم أحم...
فأنا الحمد لله..
ترتيبى العام السابق 57 على الدفعه..
والعام الذي يسبقه..28 ...
))قمة التفوق والنبوغ))
ربنا يستر السنه دى بس وما طلعش ال 210 على الدفعه..!!
(بالمناسبه..الدفعه بتاعتنا 210 طالب)

- مدرس أو مدرسه لازال في ذاكرتك .. ولماذا؟
مدرس اللغة العربيه..الصف الخامس الابتدائي...((كان يطلق على عبقرية النحو ...مصلحه يعنى (( والحقيقة هو أول من جعلنى أهتم بتعلم الخط العربي..
مدرس اللغة العربية أيضا ...الثانوية العامة... كان شخصية متميزة للغاية..زاد حبي للغة العربية على يديه..
معيد الرياضيات في إعدادي هندسة...كان إنسان محترم جدا..يستقطع جزء من وقت السكشن لمناقشة بعض المسائل الدينية..وكان من أكثر المعيدين المتعاونين مع الطلبة..

- مواد دراسية تحبها بقوة ؟
أيام المدرسة..الهندسة بكل أشكالها..
تحليلية..فراغية..سطحية..
في الجامعة...
إحم إحم...
كلها بالطبع....لا أحبها

- مواد دراسية تكرها كثيرا؟
في المدرسة..التربية القوميه..!!!
في الكلية..أي ماده تعتمد في تقييمها على الرأي الشخصي للدكتور..
وعلى الأذواق..
((يظهر إن أنا اللى ماعنديش ذوق!!))

- حدد بالضبط موقع جلوسك في الفصل؟ يعني قدام ورا في النص يمين شمال كده
أول بنش..فى المنتصف أو الجانب لا يهم..
المهم أن أجلس على حافة الكرسي..((لأني استخدم يدي اليسرى في الكتابة))

- ماهي أبرز إهتماماتك في رحاب المدرسة؟
الإذاعة.. المكتبة..إلقاء الشعر..الصحافة.

- ماهي أحب المراحل الدراسية إلى نفسك..؟
مرحلة الثانوي

- ماهو أبرز عقاب مر عليك طوال فترة الدراسة؟
جلوسي وسط الأولاد...((الصف الثالث الابتدائي))

- هل حصلت على شهادات تميز خاصة وفي أي سنة؟
الثالث الإعدادي....في مجال الصحافة المدرسية.
الثاني والثالث الثانوي...في مجال الإذاعة المدرسية.

- سنة دراسية تعد هي الأجمل في حياتك؟
أولى عمارة..((كنت لسه عبيطه!!))



========================

"الـحــيــاه"


- حكمة تؤمن بها كثيرا ؟
افعل ما شئت فإنك ميت..
وأحبب من شئت فإنك مفارقه

القناعة كنز لا يفنى..


- أحب الألوان إلى نفسك؟
الأزرق بكل أشكاله وأنواعه ودرجاته وتشكيلاته..وكل ما يمت للأزرق بصله... :)

- دولة تتمنى أن تسافر إليها ؟
إيطاليا....أتمنى الذهاب للبندقية..
فرنسا...
اليابان

- ماهي الوظيفة التي تتمناها لنفسك؟
ربة بيت.. :D
أم و زوجه

- أمنيه تود أن تتحقق خلال أسبوع ؟
يقولوا انهم خلو هندسة أربع سنين بس,,وآخد شهادة التخرج.. :D

- حدد اسم اليوم الذي تتفائل به كثيرا؟
كل الأيام تدعو للتفاؤل..فكلها خليقة الله عز وجل..
على كل حال أحب الإثنين والخميس والجمعه..
(( والسبت والأحد والثلاثاء))

- ظاهره تود أن تخلص المجتمع منه ؟
الاتكالية..والسلبية..
عقدة الخواجه..
(( النظافة الشديده فى الشوارع.. وأكوام الزهور المتناثرة هنا وهناك..)):rolleyes:
منظر واحد ماشي فى الشارع.. ومرة واحدة ألاقي......
خخخخخخخ أتفوووووووووووووووووو
يععععععععععععععع الله يقرفهم... :(
أقصد.. الله يهديهم..
(معلش قرفتكم معايا.. يعنى اتقرف أنا لوحدي واللا إيه؟؟))

- شخصية تتمنى اللقاء بها مع ذكر السبب؟
نفسي جدا أقابل الرسول..
لو مش في الجنه.. يبقى في المنام حتى..
إدعولي....
آآآآآآآآآمين

- شخصية تود الخلاص منها؟
كل ظالم ومفتري..
وكل راع لم يتق الله في رعيته

- مكان يعجبك كثيراً وتتردد عليه دائما؟
الحقيقة لا يوجد مكان واحد أحبه واستطيعا ن أتردد عليه باستمرار..
أنا مقيمة بالكلية..وأتردد أحيانا على المنزل..
(( أكيد بحب التردد عليه علشان أعرف أناااااااااام))



========================

"الـمـنـتـدى"


- عضو تعلمت منه الكثير ؟
كل عضو تعلمت منه شئ جميل..
بسنت أحاول أن أتعلم منها.. حب الجميع..
التسامح والغفران..
هبه الحبيبة أتعلم منها الذوق الرفيع..
أ / شمس الدين..الدفاع عن الحق.. وعدم السكوت على الخطأ..
ابن مصر...العطاء..
ابن البلد..غني عن التعريف .. تعلمت منه المشاكسه.... :D


- عضو نفسك تعلمه ؟
أشجان الليل..
نفسي أعلمها حاجات كتير..بس هي مخها ناشف شويه

- عضو لاتتمنى أن يغيب أبداً ؟غياب أي عضو عن المنتدى يسبب فراغ من نوع خاص..
فكل عضو له روحه الجميلة التى يعطيها للمنتدى والتى اتمنى ألا تغيب أبدا..
((ربنا ما يحرمش المنتدى من أي حد من أبناءه))

- عضو مشاغب ؟احم احم..
لو قلت ابن البلد هايتعقد..
مش كفايه موضوع املا اسم العضو كلكم قلتم عليه حشري..
عقدتوه على الآخر..
مشاغب سمسمه..
(( على فكرة سمسمه هى أول عضو رد على أول موضوع ليا فى المنتدى علشان كده ليها معزه خاصه عندي))
- عضو يعتبر الأكثر تميز في نفسك ؟
الحقيقة..هم كل الأعضاء متميزين .. وكل له وجه تميزه..
إلا أن الأعضاء الذين لا استطيع ترك موضوع لهم دون قراءة..حتى لو لم أضع ردا على الموضوع..
العمده
إسلام شمس الدين
محيي ابراهيم

- عضو يثير اهتمامك ؟
العمده

- عضو أكتشفت مؤخراً أنك لم تعامله بإهتمام ؟
انا عارفه إنى مقصرة في حق كل الأعضاء..
علشان كده أتمنى انهم كلهم بسامحوني

- عضو ترى أن لديه إمكانيات كبيرة ولم يقدمها حتى الآن ؟
محيي ابراهيم
العمده
مصراوي
- عضو تتمنى اللقاء به ؟
اتمنى وبشده مقابلة كل من..
الأستاذه هبه..
حبيبة قلبي بسنت

- عضو تتمنى أن تنصحه ؟أشجان الليل..ربنا يهديكي ويصلح حالك وتعقلي شويه

- عضو تريد أن تقول له شكرا ؟
شكرا لكل الأعضاء إنكم مسجلين معانا في المنتدى ومنورين المكان

- عضو يستحق الأسف ؟كل عضو لم تأخذ موضوعاته المتميزه حقها فى عدد القراءات..

- قاعة في المنتدى ترى أنها تحتاج للتفاعل بشكل كبير ؟ القضايا العربيه..
لقاءات في حب الله..
أعتبرهما من أهم القاعات في المنتدى..

- قاعة تعد الاكثر تميزا على الاطلاق ؟كلام في الممنوع..
وقاعة الخواطر


- قاعة "ملهاش لزمة" ؟اممممم
اممممممم
بلاش..
لأن لو في قاعه مالهاش لزوم من وجهة نظرى..
ممكن تكون هي أهم قاعة من وجهة نظر حد تانى

- قاعة ترى أنها تحتاج للتحسينات ؟كنت محتاجه أرمم قاعة الخواطر..
وأنكس قاعة الشعر
وأزيل قاعة الصالون
وأعمل حبة ديكورات في قاعة المقال..
:D

- قاعة تتمنى تواجدها ؟
قاعة للمعماريين..
أظن إحنا بقينا كتير قوي فى المنتدى ولازم نعمل مظاهره ونستولي على الحكم
...
:D

جنان الفردوس
25-06-2003, 05:00 AM
أديني رجعت أهو خلاص
ياريت ماكنش اتأخرت عليكي


"الـبـيـت"


- كم رقم ترتيبك في الأسرة؟
- أنا الرابعة

- من هو الأقرب لك من أعضاء أسرتك؟
كلهم قريبين من قلبي وكلهم بحبهم قوي

- حدد أهم الأمور التي تقوم فيها وأنت في البيت؟
أمور كثيرة جدا يعني مثلا :
هم يكنسوا وأنا أرفع رجليا من فوق الأرض
هم يطبخوا وأنا أكل
هم يغسلوا وأنا أوسخ
هم ينضفوا وأنا أزروط
D: D: D:

- أكله تحبها كثيراً..؟
قلت لك قبل كده أني بحب الفراخ

- مشروب يستهويك دائماً؟
مش عارفة ليه بعشق عصير القصب

- ماهو الطلب الملح الذي تطمع به من أسرتك ولم يتحقق حتى الآن؟
نفسي يبطلوا يقولولي كلمة(( أدخلي ذاكري)) كل لما أخرج من الغرفة في الدراسة

- عندما تشاهد التلفاز : ماهو أبرز مايستدعي إنتباهك وتحرص على متابعته؟
بصراحة.. بصراحة.... الأفلام الأجنبية

- حين تكون في غرفتك : تكره أن يفعله الآخرون في غرفتك؟
أنهم يلعبوا في حاجتي بطريقة فضولية
- ماهي أوقات النوم المفضلة لك؟
كل الأوقات معنديش مانع أني أنام 24 ساعة متواصلD:

========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟
أنا ولله الحمد مستواي وبلا فخر......
ممتاز

- مدرس أو مدرسه لازال في ذاكرتك .. ولماذا؟
مفيش حد بيقعد في ذاكرتي أول ما تعدي السنة
كله بيتمسح D:

- مواد دراسية تحبها بقوة ؟
................. مافيش

- مواد دراسية تكرها كثيرا؟
................. كل المواد
- حدد بالضبط موقع جلوسك في الفصل؟ يعني قدام ورا في النص يمين شمال كده
- ماهي أبرز إهتماماتك في رحاب المدرسة؟
بصراحة أنا ماليش مكان محدد وبتنقل براحتي معنديش مانع

- ماهي أحب المراحل الدراسية إلى نفسك..؟
مرحلة kg 1,2
مرحلة الروضة عندكم ...

- ماهو أبرز عقاب مر عليك طوال فترة الدراسة؟
الضرب طبعا
-
هل حصلت على شهادات تميز خاصة وفي أي سنة؟
ايه ده انت بتشتميني ولا ايه مافيش تميز طبعا
بس أنا كل سنة بكون من الخمسة الأوائل والحمد لله
- سنة دراسية تعد هي الأجمل في حياتك؟
مافيش .........



========================

"الـحــيــاه"


- حكمة تؤمن بها كثيرا ؟
من جد وجد ومن زرع حصد
بؤمن بيها لكن أكيد مبعملش بيها

- أحب الألوان إلى نفسك؟
الروز

- دولة تتمنى أن تسافر إليها ؟
السعودية لأن هي وحشتني قوي
دي أول سنة تعدي علي من غير ما أسافر السعودية :(

- ماهي الوظيفة التي تتمناها لنفسك؟
لما ييجي وقت الشغل يحلها ربنا

- أمنيه تود أن تتحقق خلال أسبوع ؟
أشجان الليل تتجوز وتفك أسري بأه D:

- حدد اسم اليوم الذي تتفائل به كثيرا؟
يوم الخميس يوم الأجازة الحبيب

- ظاهره تود أن تخلص المجتمع منه ؟
الأنانية وحب الذات

- شخصية تتمنى اللقاء بها مع ذكر السبب؟
وزير التعليم عشان أقتله D:

- شخصية تود الخلاص منها؟
وزير التعليم برضه D:

- مكان يعجبك كثيراً وتتردد عليه دائما؟
المدرسة
ههههههههههههههه D:
لا أحبها ولكن بتردد عليها بالاكراه



========================

"الـمـنـتـدى"


- عضو تعلمت منه الكثير ؟
كل الأعضاء أستفدت منهم

- عضو نفسك تعلمه ؟
حاشا لله ..أعلم نفسي الأول

- عضو لاتتمنى أن يغيب أبداً ؟
لينا...... وكل الأعضاء طبعا

- عضو مشاغب ؟
ابن البلد..

- عضو يعتبر الأكثر تميز في نفسك ؟
احم احم ........
ليه السؤال المحرج ده ..
بجد بجد ..
أ/ محيي الدين .. أ/ شمس الدين

- عضو أكتشفت مؤخراً أنك لم تعامله بإهتمام ؟
لا أحد... ولله الحمد

- عضو ترى أن لديه إمكانيات كبيرة ولم يقدمها حتى الآن ؟
أ /محيي الدين إبراهيم

- عضو تتمنى اللقاء به ؟
كل الأعضاء طبعا ... هو أنا أطول

- عضو تتمنى أن تنصحه ؟
لينا .. كفاية نت وخليك في مذاكرتك
-
عضو تريد أن تقول له شكرا ؟
ابن البلد .. شكرا على المنتدى الرائع الذي قدمته لنا

- عضو يستحق الأسف ؟
ابن البلد برضه لأنه زعلان مني وأنا لسه مصالحتهوش

- قاعة في المنتدى ترى أنها تحتاج للتفاعل بشكل كبير ؟
قاعة القضايا العربية

- قاعة تعد الاكثر تميزا على الاطلاق ؟
كل القاغات جميلة جدا .. تسلم ايدك يابن البلد

قاعة "ملهاش لزمة" ؟
مفيش ولو في مش هقول
انتي عايزة توقعيني في الغلط ولا ايه D:

- قاعة ترى أنها تحتاج للتحسينات ؟
معرفش بصراحة المشرفين أدرى مني

- قاعة تتمنى تواجدها ؟
القاعت الموجودة كتير والحمد لله
ولو كان في حاجة ناقصة هبقى ارجع
وأقولك .......

يالا بقى كفاية أنا تعبت أسئلتك فضولية
تنم عن فضول غير عادي D:

محيي اسماعيل
25-06-2003, 06:07 AM
الاسم محيي الدين ابراهيم اسماعيل
المهنة هجاوب على اسئلة لينا
على فكرة بقى يالينا
الفكرة عبقرية جدا وتسلم دماغك بجد
ثانيا يالينا عايز اسالك سؤال انتي لينا واللا علينا الاسئلة كتير قوي لكن ايماني بعظمة الفكرة هيخليني اشارك وربنا يجعل كلامنا خفيف قولي آمين
"الـبـيـت"
- كم رقم ترتيبك في الأسرة؟
البكري الاخ الاكبر يعني
- من هو الأقرب لك من أعضاء أسرتك؟
جدي لأمي رحمة الله عليه
- حدد أهم الأمور التي تقوم فيها وأنت في البيت؟
غسل المواعين
- أكله تحبها كثيراً..؟
ام على عشان اغيظ ( على ) فقط ليس الا
- مشروب يستهويك دائماً؟
المغات
- ماهو الطلب الملح الذي تطمع به من أسرتك ولم يتحقق حتى الآن؟
اننا ناكل لحمة
- عندما تشاهد التلفاز : ماهو أبرز مايستدعي إنتباهك وتحرص على متابعته؟
النشرة عشان انكد على نفسي شوية
- حين تكون في غرفتك : تكره أن يفعله الآخرون في غرفتك؟
ده لو ليا غرفة من اصله يالينا
- ماهي أوقات النوم المفضلة لك؟
عموما انا بنام يوميا من 2 بالليل لحد 6 الصبح ومابعرفش انام تاني
========================
"الـمـدرسـه"
(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟
ضعيف جدا
- مدرس أو مدرسه لازال في ذاكرتك .. ولماذا؟
ابلة فردوس بتاع سنة تالتة ابتدائي لاني كنت بروح اقطف لها الملوخية في البيت انا والتلامذة على اساس اننا بناخد درس خصوصي
- مواد دراسية تحبها بقوة ؟
بحكم اني خريج كلية الهندسة قسم تاريخ فعلم النفس هو احب مادة لقلبي رغم ان دكتور الفيزيا ماكنش بيشرحها كويس
- مواد دراسية تكرها كثيرا؟
الادب والنقد
- حدد بالضبط موقع جلوسك في الفصل؟ يعني قدام ورا في النص يمين شمال كده ؟
تقدري تقولي كدة اخر طالب في الفصل لاني من عشاق المثل اللي بيقول ضل الحيطة يخفف عنك بلاوي السقعة
- ماهي أبرز إهتماماتك في رحاب المدرسة؟
كل حاجة الا التعليم
- ماهي أحب المراحل الدراسية إلى نفسك..؟
الحضانة لان الشنطة بتاعتي ماكانش بيبقى فيها غير ساندويتشات
- ماهو أبرز عقاب مر عليك طوال فترة الدراسة؟
الفصل التعسفي لمدة اسبوع في سنة خامسة ابتدائي لاني عاكست بنت الناظرة من غير مااعرف انها بنت الناظرة وكلت علقة من الوالد الله يرحمه مازلت فاكرها للنهاردة عقدتني من الستات لحد سنة سادسة بس لاني في اولى اعدادي عاكست بنت مدير المدرسة وبرضه من غير مااعرف انها بنت المدير وحكم عليا اتذنب لمدة اسبوع طول مدة الطابورالصباحي كل يوم او يقول للوالد وكان صاحبه جداً فوجدت ان التذنيب اهون بكتير من عذاب الوالد لكن المدهش ان بعد السنة ماخلصت عرفت من الوالد انه عارف الحكاية كلها وكلت علقة بأثر رجعي
- هل حصلت على شهادات تميز خاصة وفي أي سنة؟
من سنة تالتة اعدادي وانا بحصل على شهادات تميز سافرت بسببها لدول كتير فيما يسمى التبادل الثقافي واستفدت كتير لكن كل الشهادات دي لم تكن لتفوق علمي ولك تقدري تقولي كدة تميز في كل حاجة غير العلم يعني موسيقى قصة خطابة تمثيل شعر رسم لكن رياضة واسبورتنج ماحصليش الشرف
- سنة دراسية تعد هي الأجمل في حياتك؟
تالتة كلية هندسة لان عرفت فيها مراتي وحبيتها وخطبتها بعد اسبوع من معرفتي بيها ( خيبة بعيد عنك )
========================
"الـحــيــاه"
- حكمة تؤمن بها كثيرا ؟
لو قامت الساعة وفي يد احدكم فسيلة فليزرعها
- أحب الألوان إلى نفسك؟
السكلاماه الفاتح
- دولة تتمنى أن تسافر إليها ؟
مصر
- ماهي الوظيفة التي تتمناها لنفسك؟
عازف ربابة
- أمنيه تود أن تتحقق خلال أسبوع ؟
ان الاقي حد يتبناني انا والاسرة
- حدد اسم اليوم الذي تتفائل به كثيرا؟
الجمعة ورقم 13 بتفاءل بيهم جدا بجد
- ظاهره تود أن تخلص المجتمع منه ؟
الفقر والجهل والتشاؤم
- شخصية تتمنى اللقاء بها مع ذكر السبب؟
عم سليم بتاع الكرشة على سور مدبح مصر في السيدة رغم انه مايعرفش يقرا ويكتب لكن ممكن تألفي عن لسانه كتب في الحب والاخلاق والعطاء الانساني
- شخصية تود الخلاص منها؟
انا الشريرة
- مكان يعجبك كثيراً وتتردد عليه دائما؟
قلوب اصدقائي
========================
"الـمـنـتـدى"
- عضو تعلمت منه الكثير ؟
انا بتعلم من الصغير والكبير وحياتي كلها بعتبرها كيان بيتتلمذ في مدرسة الناس
- عضو نفسك تعلمه ؟
محيي ابراهيم
- عضو لاتتمنى أن يغيب أبداً ؟
ممكن هبة وممكن بسنت لكن فيه اصدقاء كثيرين لكن يمكن دول عشرة عمر من بدايات المنتدى
- عضو مشاغب ؟
كتير بس شغب لذيذ لكن على رأسهم يمكن سمسمة
- عضو يعتبر الأكثر تميز في نفسك ؟
برضه كتير ويمكن اللي على بالي دلوقتي احمد صلاح لانه اجتهد واخلص وعمل منتدى ناجح
- عضو يثير اهتمامك ؟
انا تقريبا مافيش حد بيثير اهتمامي بشكل خاص لان الكل عندى واحد لكن ممكن نقول شمس الدين وابن مصر ومصراوي وواد كول
- عضو أكتشفت مؤخراً أنك لم تعامله بإهتمام ؟
بحر اسكندرية وبنت النيل وخالد ابن الوليد
- عضو ترى أن لديه إمكانيات كبيرة ولم يقدمها حتى الآن ؟
رشا وبنت النيل وواد كول ويمكن مصراوي لانه بدأ يقلل من ابدعاته الساخرة
- عضو تتمنى اللقاء به ؟
العمدة
- عضو تتمنى أن تنصحه ؟
محيي ابراهيم
- عضو تريد أن تقول له شكرا ؟
طعمة ( ايمان الحسيني )
- عضو يستحق الأسف ؟
مافيش ولو ان براود مسلمة محتاجين انها تعدل عن قرارها وترجع المنتدى
- قاعة في المنتدى ترى أنها تحتاج للتفاعل بشكل كبير ؟
كلام في الممنوع
- قاعة تعد الاكثر تميزا على الاطلاق ؟
الرقابة
- قاعة "ملهاش لزمة" ؟
مافيش
- قاعة ترى أنها تحتاج للتحسينات ؟
المقال الصحفي
- قاعة تتمنى تواجدها ؟
قاعة جذور مصرية تحكي عن تاريخ مصر وشخصياته

ahmedab216
25-06-2003, 11:01 AM
:) انا عضو جديد
اسمي احمد
46سنة
مهندس

ارجو ان يوفقني الله في المشاركة الجيدة
فكما بدا لي من الوهلة الاولي ان هذا المنتدي علي مستوي عال من الثقافة و الاحترام المتبادل بين الاعضاء.:)

و لكني للاسف و لضيق الوقت لم اتمكن بعد من الاطلاع علي الكثير من الموضوعات

ارجو قبولي كعضو جديد بينكم

مع خالص تحياتي:)

deaa
25-06-2003, 02:43 PM
السلام عليكم ورحمة الله وبركاته ....

اذيك يا ليينا ...عامله ايه ...

جزاك الله خيرا ...على الموضوع الجميل ده ...

بس ليه الوجه الأخر للأعضاء ...اصل العنوان حسسنى انها معلومات سريه محدش يعرفها ...وعامة انا مبحبش اكشف كتيير عنى ...بس لاقيتها فرصه كويسه الكل يقرب من بعضه ....

بصى بقى يا ستى ..........



"الـبـيـت"


- كم رقم ترتيبك في الأسرة؟
الثانيه ...بعد الأول ...على خمسه ....فاهمه حاجه ...

- من هو الأقرب لك من أعضاء أسرتك؟
الأقرب الى قلبى ...اخى ...حيدر ...والأقرب الى عقلى ...بابا

- حدد أهم الأمور التي تقوم فيها وأنت في البيت؟
بذاكر طبعا .....

- أكله تحبها كثيراً..؟صينية البطاطس ....

- مشروب يستهويك دائماً؟
عصير القصب ....

- ماهو الطلب الملح الذي تطمع به من أسرتك ولم يتحقق حتى الآن؟ان محدش يدخل الغرفة بتاعتى فى غيابى ويلعب فى أدواتى وأوراقى ....

- عندما تشاهد التلفاز : ماهو أبرز مايستدعي إنتباهك وتحرص على متابعته؟البرامج التى تتحدث عن قضايانا الإسلاميه

- حين تكون في غرفتك : تكره أن يفعله الآخرون في غرفتك؟ما أنا قلت ..ان حد يقلب فى حاجاتى ....

- ماهي أوقات النوم المفضلة لك؟لما يكون عندى تسليم فى الكليه ...:4:





"الكليه"
(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟ممتاز

- مدرس أو مدرسه لازال في ذاكرتك .. ولماذا؟استاذ اسامه ...مدرس الرياضيات ...لماذا بقى ...لأنى الصراحه كنت عبقريه فى الرياضيات ..وكان كل المدرسين بيحبونى وأكثرهم طبعا استاذ اسامه فكان بمثابة الأخ الكبير لى فى المدرسه والحياه العاديه ايضا ..وكان دائما ما يقول لوالدتى انا نفسى اجيب بنت وتكون ذى ............(اسمى يعنى )

- مواد دراسية تحبها بقوة ؟ الرياضيات والعلوم ....والدين ...حاليا ...الأعمال التنفيذيه ..وتاريخ العماره

- مواد دراسية تكرها كثيرا؟العربى .....

- حدد بالضبط موقع جلوسك في الفصل؟ يعني قدام ورا في النص يمين شمال كده
فى كل كان ...فى الكليه طبعا ....بس زمان ايام المدرسه لازم كنت اجلس فى أخر صف ...عشان انا مبحبش الزحمه ولا انى اجرى واحجز مكان ذى العيال ما كانت بتعمل ...فكنت استنى الناس كلها تدخل ...وانا ادخل فى الأخر ...اقعد فى أخر صف ...على التختخ المكسوره

- ماهي أبرز إهتماماتك في رحاب المدرسة؟ فى الكليه طبعا ....الأسره ...اسرة الضياء ...

- ماهي أحب المراحل الدراسية إلى نفسك..؟كلها حلوه ....بس احبها الى نفسى ..(والنفس امارة بالسوء ) أعدادى

- ماهو أبرز عقاب مر عليك طوال فترة الدراسة؟انى فضلت واقفه عند باب الوكيله يوم كامل من الصبح لنهاية الدوام

- هل حصلت على شهادات تميز خاصة وفي أي سنة؟فى أعدادى ..حصلت على شهادة تفوق ...والطالبة المثاليه سنتين ...وشهادات اخرى فى ابتدائى فى الموسيقى والرسم ...وحصلت على ميداليتان فضيتان فى العاب القوى (الجرى ) وكرة اليد ...

- سنة دراسية تعد هي الأجمل في حياتك؟ أولى عماره








"الـحــيــاه"

- حكمة تؤمن بها كثيرا ؟
من جد وجد ومن زرع حصد

- أحب الألوان إلى نفسك؟
الأصفر

- دولة تتمنى أن تسافر إليها ؟
العراق ـــــ إيران

- ماهي الوظيفة التي تتمناها لنفسك؟
مصمم عالمى مثل ...حسن فتحى ..وأحمد ميتو ..ههههههههه

- أمنيه تود أن تتحقق خلال أسبوع ؟
ان أذهب الى المقرأه لمواصلة حفظ القرأن الذى انقطعت عنه بسبب ظروف الدراسه

- حدد اسم اليوم الذي تتفائل به كثيرا؟
الأثنين والخميس ....

- ظاهره تود أن تخلص المجتمع منه ؟السلبيه ....وعدم تحديد الهدف ...

- شخصية تتمنى اللقاء بها مع ذكر السبب؟كنت اتمنى ان التقى مع الشيخ الراحل ...محمد الغزالى ..
السبب انه الوحيد الذى عندما أقرأ له اشعر بأنى من يحدث نفسى ....وان كتابه العبقرى ...جدد حياتك ...كان له الفضل بعد الله طبعا فى تجديد حياتى ..

- شخصية تود الخلاص منها؟
اشجان الليل ......هههههههههههههههههههههههههههه:D:D

- مكان يعجبك كثيراً وتتردد عليه دائما؟القاهرة الفاطميه













"الـمـنـتـدى"

- عضو تعلمت منه الكثير ؟استاذى العبقرى ...جمال حمدان ...:)

- عضو نفسك تعلمه ؟
من غير زعل يعنى .......شمس الدين ...............:).

- عضو لاتتمنى أن يغيب أبداً ؟
ابن مصر

- عضو مشاغب ؟
ابن البلد................:p

- عضو يعتبر الأكثر تميز في نفسك ؟مصراوى .........

- عضو يثير اهتمامك ؟
العمده

- عضو أكتشفت مؤخراً أنك لم تعامله بإهتمام ؟الصراحه وللأسف يعنى كتيير

- عضو ترى أن لديه إمكانيات كبيرة ولم يقدمها حتى الآن ؟مصراوى......

- عضو تتمنى اللقاء به ؟
كلكم طبعا ...بس بالأخص أستاذ جمال حمدان ــــ بنت مصر ــــ هبه

- عضو تتمنى أن تنصحه ؟
كل عضو بحبه (كلكم يعنى ) لأن النصيحة بالنسبة لى مش ان الواحد يقع فى خطأ لأ ( الدين النصيحة )

- عضو تريد أن تقول له شكرا ؟
اشجان ...لأنها التى عرفتنى على المنتدى

- عضو يستحق الأسف ؟
مستر اف هيل ....

- قاعة في المنتدى ترى أنها تحتاج للتفاعل بشكل كبير ؟لقاءات فى حب الله

- قاعة تعد الاكثر تميزا على الاطلاق ؟
كلام فى الممنوع

- قاعة "ملهاش لزمة" ؟
الصالون الأدبى ....الصراحه اسمها بيحسسنى بالخنقه

- قاعة ترى أنها تحتاج للتحسينات ؟
مش عارفه:o

- قاعة تتمنى تواجدها ؟
قاعة الأخوه فى الله .....تجمع كل المسلمين لا تفرقه بين ارض ولا طين ولا لون ولا جنس ولا عرب ولا امريكان .....تجمعهم كلمة واحده ...اننا مسلمين ...وتعلمهم المبدأ ده ...



وكده ...كفايه .....

يلا .................

سلام عليكو

بحر الإسكندرية
25-06-2003, 04:21 PM
بصراحة يا لينا موضوع جمييييييييييييل جدااااااااااااااا
أحييكي عليه بشدة :)

موضوع بجد نابع من القلب للقلب :)

أنا ان شاء الله هشارك في الموضوع بس اديني فرصة أجاوب على الأسئلة , أنا نسختها عندي في الجهاز .

جنان الفردوس
26-06-2003, 05:33 AM
فينك يالينا
ايه اخبارك
روحتي فين
ولا هو اللي بالي بالك
هيخدك مننا يعني ولا ايه..:D
ارجعي يا لينا ماتتأخريش

lina
28-06-2003, 02:23 AM
اووووووبس !! :eek:

السلام عليكم

ماشاء الله كل دي ردود

معلش يا جماعه مش هلحق اقراهم دلوقتي ,, هرجع تاني بكره بس حبيت اقولكم اني رجعت ومتأسفه لأني كنت غايبه تلات ايام بأمر من سي السيد هههههههه :p

تحياتي لكل من شارك ولي عوده في الغد ان شاء الله

تصبحوا على خير
لينا :)

ميادة
28-06-2003, 02:57 PM
بسم الله لرحمن الرحيم
كنت فيت يا لينا..وحشتينا..ونا قررت انى مش هشارك ف موضوعك إلا لما ترجعى.......
بصراحه حاسة انى ف محكمة
اسمك
وسنك
وعنوانك

دأنا غلبااااااااااااااان

يللا ربنا يستر


"الـبـيـت"


- كم رقم ترتيبك في الأسرة؟
البكرية......الكبيرة العاقلة يعنى
- من هو الأقرب لك من أعضاء أسرتك؟
كلهم ....بس أوضة اخويا آآآآآخر الطرقة محتاجة تاكسى والباقى دقيقتين مشى
- حدد أهم الأمور التي تقوم فيها وأنت في البيت؟
غسيل الصحون ومش ببلاش ده الثمن اللى بدفعه عشان ادخل المنتدى ..... شفتى التضحية
- أكله تحبها كثيراً..؟
ماهو باين م الاجابات الفول المدمس........
ولو عندك وقت المحشى والمكرونة الباشاميل والحمام و....(اللى بتكلمك دى 5 جرام)
- مشروب يستهويك دائماً؟
الشاى خصوصا بعد الفول
- ماهو الطلب الملح الذي تطمع به من أسرتك ولم يتحقق حتى الآن؟
ما حدش يقولى ارحمى عنيكى
- عندما تشاهد التلفاز : ماهو أبرز مايستدعي إنتباهك وتحرص على متابعته؟
كنت بحب ونلقى الأحبة ورئيس التحرير عشان كدة بطلوا يجوا
- حين تكون في غرفتك : تكره أن يفعله الآخرون في غرفتك؟
انا ديمقراطية واللى عايز حاجة يعملها......المهم يجوا الاوضة اصلا
- ماهي أوقات النوم المفضلة لك؟
مش واخدة بالى ببقى نايمة ساعتها......بس ايام الامتحانات النوم بيحلو اوىىىىى


========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟
ف المدرسة كاااااان ممتاز الحمد لله .. دلوقتى مش لاقية ولا خيار مناسب ولا فقوس كمان
- مدرس أو مدرسه لازال في ذاكرتك .. ولماذا؟
كتير .. بصراحة كلهم لسة علاقتهم بدفعتنا كلها كويسة بس بالذات الله يرحمه أستاذ العربى و5 ابتدائى
ومدرسا العربى والرسم ف اعداى
بس الحمد لله من ساعة ما دخلت ثانوية عاملة ايه بطلت كتابة ورسم
- مواد دراسية تحبها بقوة ؟
زمان كان اللغة العربية......وف الجامعة مفيييييش
- مواد دراسية تكرها كثيرا؟
كنت بكره حصة الالعاب علشان ماكنوش بيخلونا نلعب....
- حدد بالضبط موقع جلوسك في الفصل؟ يعني قدام ورا في النص يمين شمال كده
كل الأماكن
- ماهي أبرز إهتماماتك في رحاب المدرسة؟
معارض الفنون اللى ما كانتش بتتعمل اصلا
- ماهي أحب المراحل الدراسية إلى نفسك..؟
k g
- ماهو أبرز عقاب مر عليك طوال فترة الدراسة؟
فترة الدراسة
- هل حصلت على شهادات تميز خاصة وفي أي سنة؟
3أو 4 مرات.... أحلى حاجة كان معاهم شهادات استثمار
- سنة دراسية تعد هي الأجمل في حياتك؟
السنة دى.....اتعرفت فيها عليكم


========================

"الـحــيــاه"


- حكمة تؤمن بها كثيرا ؟
كن مع الله يكن معك

كلما أدبنى الدهر.. أرانى ضعف عقلى
واذا ما ازددت علما..زادنى علما بجهلى

و يا بخت من زار وخفف
- أحب الألوان إلى نفسك؟
الأبيض اللى هو 7 ألوان منهم 3 رئيسيه لو خلطناهم يدونا 3 فرعية ولو خلطناهم يدونا 3 ثانوية ولو ضفنالهم ابيض يبقى عندنا كل الالوان
ههههههههه
- دولة تتمنى أن تسافر إليها ؟
اى دولة عربية كان لها حضارة
نفسى اشوف حضارة بابل واشور وسبأ.......
- ماهي الوظيفة التي تتمناها لنفسك؟
باش تمرجى..زى اللى بيتخرجوا من كليتنا
- أمنيه تود أن تتحقق خلال أسبوع ؟
كتيير......كل أمانى الناس الطيبة تتحقق
- حدد اسم اليوم الذي تتفائل به كثيرا؟
كلهم وبالذات الخميس
- ظاهره تود أن تخلص المجتمع منه ؟الفهم الخاطئ للحرية
- شخصية تتمنى اللقاء بها مع ذكر السبب؟
صلاح الدين الايوبى ... والسبب واضح
- شخصية تود الخلاص منها؟
شارون واللى هيجو بعده
- مكان يعجبك كثيراً وتتردد عليه دائما؟
اممممممم
بحر اسكندرية و حضن اصحابى وورقهم



========================

"الـمـنـتـدى"
حرااااااام عليك ايه ده

- عضو تعلمت منه الكثير ؟
الكل طبعا
- عضو نفسك تعلمه ؟
جرح الزمان..... ادعولى ربنا يهدينى
- عضو لاتتمنى أن يغيب أبداً ؟
برضه كل الاعضاء لان لكل واحد لون وبصمة وكل واحد بضيف حاجة جديدة
- عضو مشاغب ؟
لينا........
- عضو يعتبر الأكثر تميز في نفسك ؟
بغض النظر عن اصحابى .. بنت مصر واسلام لانهم اول من رحب بى وهبة الغالية حبيبة قلبى
- عضو يثير اهتمامك ؟
كتيير عندك مثلا:
محى ابراهيم
براود مسلمة
طعمة
وبالذات إسلام شمس الدين
- عضو أكتشفت مؤخراً أنك لم تعامله بإهتمام ؟
انا لسة جديدة فبلاش تخبيط ف الحلل
- عضو ترى أن لديه إمكانيات كبيرة ولم يقدمها حتى الآن ؟
مصراوى.....وناس كتير تانى
- عضو تتمنى اللقاء به ؟
هبة وبنت النيل وبراود مسلمة .علشان اتعلم منهم
وبسنت علشان اشكرها
ولينا علشان اضربها على اللى عملاه فيا دلوقتى
- عضو تتمنى أن تنصحه ؟
انا عايزة اللى ينصحنى
- عضو تريد أن تقول له شكرا ؟
نفس اللى لهم مكانة خاصة عندى ولنفس الاسباب
- عضو يستحق الأسف ؟
كل عضو غاب عن المنتدى:
تامر
ماستر اف هيل
ومن مدة مش شايفة العمدة ومحمد البنيان
ولينا لو مشيت تانى
- قاعة في المنتدى ترى أنها تحتاج للتفاعل بشكل كبير ؟
لقاءات فى حب الله والكلام ف الممنوع
- قاعة تعد الاكثر تميزا على الاطلاق ؟
المناقشات
- قاعة "ملهاش لزمة" ؟
مفيش
- قاعة ترى أنها تحتاج للتحسينات ؟
اممممم
فى كام قاعة بابهم بيزيأ
الصالون الادبى مثلا
- قاعة تتمنى تواجدها ؟
قاعة تعليمية ...... يتبنى فيها عضو قديم أى عضو جديدشايف عنده قدرة خاصة او موهبة انه يكون داعية وا كاتب مثلا

ايه ده خلاص مش ممكن
شكرا يا لينا جدا

lina
29-06-2003, 02:44 AM
عزيزتي وروح قلبي هبهوبه

شكرا على ردودك وواضح جدا انها من القلب للقلب و حاجه في منتهى الروعه :)
معلش مش هعلق على كل كلمه قلتيها بس قلتي ان نفسك تيجي السعوديه ,, يا حبيبتي انتي تنوريني في اي وقت انا انزل مصر مخصوص واجيبك هههههههههههه:D

لونك المفضل هو الاسود ؟!! :confused:غريبه انا افتكرتك بتحبي الابيض عشان قلبك ابيض زي اللبن يا طيووبه انتي :)

كلامك جميل يا ستي ومحدش ممكن يزعل بالعكس اللي هيزعل من هبه يخبط راسه في الحيط ههههههههههه!! ( هروح في خبر كان لو طبت عليا سمسمه دلوقتي) :p

سلاماتي و قبلاتي
امواااااه :)
لينا

lina
29-06-2003, 02:48 AM
بنت النيييييييييييييل :1:,,, هاللللووو يا حبيبتي انتي كنتي فيييييييييين مش باينه يعني !

على العموم حمدلله على السلامه و متأخذنيش بسبب تقصيري
وبعدين ايه ده زعلانه عشان انتي الكبيره!! :confused:
اما حاجه عجيبه غريبه بصحيييح
يا بنتي انا كنت اتمنىىىىىىىىىىىى :p
اسألي اخر العناقيد اللي زيي وهم يقولولك وااااااااااء :2::2:

معاكي دكتوراه!! بسم الله ما شاء الله ,, دكتوراه في العربي وللا في حاجه تانيه !! :p

بس طبعا ما يمنعش ممكن كمان تجاوبي على اسئلة المدرسه من باب الفضول زي ما حضرتك عارفه ههههههههههههه :D

الله انتي كمان نفسك تيجي السعوديه !
طب دي حاجه عظيمه خلاص انتي و هبهوبه حتبقو ضيوفي :)

في جميع الاحوال كل الردود جميله يا بنت النيل وشكرا اوي اوي اوي على المشاركه

تحياتي
لينا :)

lina
29-06-2003, 02:53 AM
اشجان الليل

الله يخليكي ليا يا رب ,, الحمدلله ان الموضوع نال استحسان معظمكم ودي حاجه جميله
بس كان نفسي كل عضو بجد يشارك ,, بحس ان ده حيقربنا من بعض كتير:)

المهم عاوزة اقوللك ان ردودك حلوة وخفيفه عل قلب ههههههههههههه
انا مش عارفه ليه معظمنا بيموت في الملوخيه ,, حتى انا بمووت فييها ههههههههههههه:D

ميرسي على مشاركتك يا بشمهندسه اشجان
وهانت يا بنتي يا بختك خلاص انتي في اخر السكه :pعقبال الماسترز والدكتوراه ,, مش زيي لسه حخش الجامعه وااااء :2::2:

سلام
لينا
:cool: بييييب بييييب

lina
29-06-2003, 02:55 AM
جناااااااااااااااااااااااان

اختي الصغيره هههههههههههههههههههههههه:D

من النهارده هقوللك يا صغيره عشان افرح شويه:p
انتي نمره اربعه في اسرتك وعلى فكره ان كمان نمره اربعه وكمان اصغر اخواتي
هبقى اشارك معاكو واحكيلك بالتفصيل بس لما اخلص الردوود اللي عندي;)

خخخخخخخخخخ جنان انتي بتجهدي نفسك في البيت بصراحه!! معقوله ترفعي رجلك عشان يكنسو تحتك ومن الكلام ده!!
يااااه دنتي متطلعتييييش سهله خالص يا شقيه انتي
انا حكلم البروف سمسم زعيمة العصابه ونشوف امكانية انضمامك للشله معانا هههههههههههههههه:D:D

يلا باي باي
لينا :1:

lina
29-06-2003, 02:58 AM
:1:

اللللله الاستااذ محي الدين ابراهيم اسماعيل بشحمه ولحمه بيشااارك معانا
انا اتشرفت واللهي

الحمدلله ان الفكره عجبتك,, اهم حاجه انك تكون راضي و مبسوط( دبلوماسيه مش كده خخخخخخخ ):p

على فكره انا مش ليكم ولا عليكم انا مع الحق يا باشا ههههههههههه;)

واللهي سعدت جدا جدا بمشاركتك ميرسي اوي اوي:)
بالمناسبه ايه اللي حصل لاسمك انتا غيرته وللا ايه ؟!!:confused:

فكرة قاعة جذور مصريه فكره هايله بجد اتمنى عرض هذه القاعه على المشرفين او يا ريت تحط اقتراح في قاعة الاقتراحات بالموضوع ده:4:

كل اجاباتك من غير مجامله لذيذه و دمها خفيف يا استاذ محي ,, على فكره انا اكتشفت مؤخرا حبك للنكته ,, للاسف مكنتش بقرالك كتير قبل كده:(

تقبل مني وافر التقدير والتحيات
لينا:)

lina
29-06-2003, 03:00 AM
الباشموهندس احمد

اهلا بيك معانا وشرفتنا واللهي ومتشكرين اوي على كلامك الجميل ونتمنى دايما نكون عند حسن ظنك :)

ويا ريت ترجعلنا تاني و نتشرف بمشاركتك طبعا بعد ماتجاوب على التحقيق المدون اعلاه هههههههههههههههه:D

تحياتي
لينا :o

جنان الفردوس
29-06-2003, 03:01 AM
لينااااااااا أختي الكبيرة
يا أهلا يا أهلا
أخيرا رجعتي
يا بنتي الواحد بيفتقدك متغيبيش كتير
شوفتي المجهودات الي أنا بأقوم بيها في البيت
ادعيلي ربنا يساعدني


شكرا لطلبك بانضمامي للشلة
شرف أعتز بيه

lina
29-06-2003, 03:01 AM
اختي ضياء

الحمدلله انا بخير وكله تمام ,, بس ظروفي متلخبطه الايام دي و مش لاقيه وقت اقعد على النت كتير :(

خلينا في المهم ,, اولا كويس ان الموضوع عجبك ثانيا مش المقصود منه الاطلاع على حاجات سريه او كلام من ده بالعكس الغرض الاساسي اننا نعرف بعض اكتر ونقرب من بعض اكتر عشان احنا خلاص بقينا اسره واحده بانضمامنا للمنتدى ده:)

ارى انك موفقه في كل ردودك يا ضياء ويا رب موفقه في حياتك يا رب واشكرك على المشاركه الجميله يا ضياء :p

اختك
لينا;)

lina
29-06-2003, 03:06 AM
بحر الاسكندريه

شكرا جزيلاعلى التشجيع المستمر يا اخي العزيز وفي انتظار مشاركتك على احر من الجمر ههههههههههههه :D

سلاماتي
لينا:)

lina
29-06-2003, 03:08 AM
[جرح الزماااااااااااان
ازيك يا مياده اخبارك ايه واحشااانىىىىىىىىى:p

مشاركه تجنن كفايه انها منك
بس ما بلاش من حكاية مشاغبة دي كلهم متفقين ان المشاغبه تخصص سمسمه وابن البلد طلعوني منها انا:D

قوليلي يا عسوله يا لذيذه يا كميله يا طعمه يامموو دم خفييييف خخخخخخخخخخخخخ:D

( يااااااااه يا سمسمه دااء الشخير مش عارفه اتعالج منه بسببك ) ههههههههههههه:p

عجبتني اوي فكره القاعة التعليميه يا ريت حد يتبناها عشان نطور المنتدى دايما :)

اتمنى مكنش نسيت حد سهوا ,, اصلكم كتير اوي هههههههههه:p

يلا تصبحوا على خير ولي عوده ان شاء الله
سلامو عليكو
لينا

lina
29-06-2003, 03:16 AM
هههههههههههه يا جنان يا اختي الصغيره
انتي لسه صاحيه لحد دلوقتي !! :eek:

ايه اللي مصحيكي يا بت امشي انجري على المخده عدل يلا احنا بقينا الفجر هههههههههههه :p

معلش عايزه افرد عضلاتي عليكي :D

بكره بقى نشوف سمسم هتقول ايه بخصوص انضمامك
اصل احنا شغلنا ما يمشيش من غير مؤتمرات و اجتماعات زي اللي بتشوفيها في التلفزيون و متستغربيش لو لقيتيني جتلكو وايدي مقطوعه وللا من غير راس اصلا,, اصل الزعيمه شرسه جدا ( بس متقوليش لحد ده كلام بيني و بينك ) هههههههههههه:D

بهزر طبعا

يلا باي باي
لينا :)

خالد بن الوليد
29-06-2003, 10:03 AM
بسم الله الرحمن الرحيم :)

السلام عليكم كلكم .. :)
ما شاء الله يا لينا .. فكرة جميلة جداً و طويلة قوى :D

ازيك عاملة ايه .. معلش على التأخير .. و هرد على الاسئلة قريب ان شاء الله :)
بس حبيت اقولك انها فكرة رائعة ..
و كمان كل اللى شاركوا الف شكر .. و ردودهم جميلة خالص :)

خصوصاً استاذ محيي كالعادة بيموتنى من الضحك :3:

:cool: سي يو :)
سلام عليكم

وليد-1
29-06-2003, 12:15 PM
الأخت الغالية لينا موضوع جميل والهدف منه أجمل لذلك اسمحى لى ان اشارك

"الـبـيـت"


- كم رقم ترتيبك في الأسرة؟

الثالث بين سبعة

- من هو الأقرب لك من أعضاء أسرتك؟

احنا اسرة جميلة جدا ومترابطة جدا جدا والجميع مستغرب من علاقتنا ببعض كأسرة والحمد لله انا محبوب جدا من الجميع حتى انى فى اخر اجازة كنت فى القاهرة زوجت اخى قالت لى ان ابنها وهو فى الصف الثالث الاعدادى بيقول لها كان نفسى عمو... كان اخويا انا والحمد لله ولكن علاقتى الشديدة جدا مع والدتى اكرمها الله فعلا الجميع بيحسدونى عليها حتى اخواتى انفسهم لانى مستحوذ على 99% من دعائها وهى فعلا امى واختى وصديقتى وحبيبتى وكل دنيتى (طبعا بدون الجور على حقوق مامت عمر وعمر)

- حدد أهم الأمور التي تقوم فيها وأنت في البيت؟
اناكف فى الجميع وادلع عليهم

- أكله تحبها كثيراً..؟
الكنادولى والكوبيبة

- مشروب يستهويك دائماً؟
الحليب

- ماهو الطلب الملح الذي تطمع به من أسرتك ولم يتحقق حتى الآن؟
يريحوا ماما لانها حاملة هم الجميع

- عندما تشاهد التلفاز : ماهو أبرز مايستدعي إنتباهك وتحرص على متابعته؟
حتى سقوط بغداد كانت الاخبار والبرامج الاخبارية
وبعد ذلك اكتفيت ببعض البرامج على قناه أقرأ

- حين تكون في غرفتك : تكره أن يفعله الآخرون في غرفتك؟
كنا كتير اوى ماشاء الله فلم يكن لى غرفة مستقلة وحتى بعد ماتزوجت لم استطع الحصول على غرفة مستقلة

- ماهي أوقات النوم المفضلة لك؟

عندما اكون مرهق جدا بنام بجد لو الدنيا انهدت لااقوم (ماليش دعوة)
========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه ))

حاضر أنا ماشى .....
========================

"الـحــيــاه"


- حكمة تؤمن بها كثيرا ؟
من لم يكن لنفسه واعظ لم تنفعه المواعظ



- أحب الألوان إلى نفسك؟
السماوى

- دولة تتمنى أن تسافر إليها ؟
أسلام ستان

- ماهي الوظيفة التي تتمناها لنفسك؟
حافظ لكتاب الله ومعلم قرأن

- أمنيه تود أن تتحقق خلال أسبوع ؟
أسأل الله العظيم رب ا لعرش العظيم الحى القيوم الواحد الاحد الصمد الذى لم يلد ولم يولد ولم يكن له كفوا أحد والذى اذا اراد شيئا قال له كن فيكون أن لايمر هذا الاسبوع الا وقد قتل شارون قتله تكون عبرة لمن خلفه وان يكون بدايه نصر للاسلام والمسلمين

- حدد اسم اليوم الذي تتفائل به كثيرا؟
اليوم الذى اصلى فيه الفجر فى جماعة اكون متفائلا وسعيدا فى هذا اليوم

- ظاهره تود أن تخلص المجتمع منه ؟
الكذب

- شخصية تتمنى اللقاء بها مع ذكر السبب؟
أسأل الله العظيم رب ا لعرش العظيم الحى القيوم الواحد الاحد الصمد الذى لم يلد ولم يولد ولم يكن له كفوا أحد والذى اذا اراد شيئا قال له كن فيكون أن يرنى الرسول صلى الله عليه وسلم فى المنام

- شخصية تود الخلاص منها؟
كل معتدى أثيم

- مكان يعجبك كثيراً وتتردد عليه دائما؟
مكة المكرمة والمدينة المنورة
فقد أكرمنى الله سبحانه وتعالى بزيارتهم مرات ومرات وأدعوا الله ان لايحرمنى ماحييت العودة اليهم ولله الحمد والمنه ورزقكم الله جميعا زيارتهم


========================

"الـمـنـتـدى"

طبعا انا عضوا جديد فى المنتدى وقد تعرفت عليه بطريق الصدفة عندما كنت ابحث عن كلمة منتدى وعندما دخلته شعرت فعلا انى بين اهلى واخوتى

وأدعوا الله ان يؤلف بين قلوبنا جميعا على محبته وطاعته وأن نتعاون جميعا على ان نجعل هذا المكان مكانا يجمع بيننا على الحب والمودة والصداقة والاخوة الصادقة وان يكون بمثابة البيت الكبير لنا نتقابل فيه ونتثامر فيه ونتناقش فيه بحرية ولكن حتى نحافظ على هذا الكيان وهذه العلاقة يجب علينا جميعا ان نسموا بأنفسنا ومشاعرنا وأخلاقنا وتصرفتنا وأن يحترم كلا منا رأى الاخر ومشاعره عندما نختلف فى الرأى وعند الحوار وخاصة عندما تختلف وجهات النظر وان يجد كلا منا للاخر 70 عذرا فإن لم يجد ففى نفسه هذا ماقاله الحبيب وان يظهر كلا منا أجمل مافيه وأن يجبر كلا منا نقص الاخر فكما قيل انما العلم بالتعلم والحلم بالتحلم وهذا الكلام ماقلته الاحبا لكم وتذكرة لنفسى وماأبرىء نفسى إن النفس لامارة بالسوء

عبدالحكيم
29-06-2003, 07:47 PM
الـبـيـت

{- كم رقم ترتيبك في الأسرة؟} الاول
{-حدد أهم الأمور التي تقوم فيها وأنت في البيت؟} اقراء بعض الوقت واشاهد التلفزيون
{- أكله تحبها كثيراً..؟} للحمه الخاروف مشوي
{ مشروب يستهويك دائماً؟} الشاي
{ ماهو الطلب الملح الذي تطمع به من أسرتك ولم يتحقق حتى الآن؟} لا يوجد
{ عندما تشاهد التلفاز : ماهو أبرز مايستدعي إنتباهك وتحرص على متابعته؟} استمع الى اخبار وخاصة مدار الاخبار واحب الافلام العربيه القديمه حصراً
{حين تكون في غرفتك : تكره أن يفعله الآخرون في غرفتك؟} يعبثو بها
{ - ماهي أوقات النوم المفضلة لك} اليل
الـحــيــاه

{ حكمة تؤمن بها كثيرا ؟} اعمل لدنيك كائنك تعيش ابدا واعمل لاخراك كائنك تموت غدا

{ أحب الألوان إلى نفسك؟} الابيض
{ دولة تتمنى أن تسافر إليها ؟} مصر
{ ماهي الوظيفة التي تتمناها لنفسك؟} لايوجد
{ أمنيه تود أن تتحقق خلال أسبوع ؟} امنيه مستحيله هي واحدة العرب ولكني اعشق المستحيل
{ حدد اسم اليوم الذي تتفائل به كثيرا؟} اني احب يوم الجمعه
{ ظاهره تود أن تخلص المجتمع منه ؟} الكذب
{ شخصية تود الخلاص منها؟ } بوش
{ مكان يعجبك كثيراً وتتردد عليه دائما } مكان في حمص يسمى حمص الجديده اذهب اليه كل وهو مكان مرتفع قليلاً ويوجد فيه هواء عليل
"الـمـنـتـدى"
{عضو تعلمت منه الكثير} لا يوجد
{ عضو نفسك تعلمه ؟} لايوجد { عضو لاتتمنى أن يغيب أبداً ؟} كل اعضاء النتدى
{- عضو مشاغب ؟} لااعرف ولكني احب بعض انواع الشغب
{- عضو يعتبر الأكثر تميز في نفسك ؟} بنت مصر
{- عضو يثير اهتمامك } محمد البنيان
{ عضو أكتشفت مؤخراً أنك لم تعامله بإهتمام ؟} اكشفت ان اب البلد الاكثر عطاء ولذلك هو من اتمنى ان اعمله باهتمام اكثر
{ عضو ترى أن لديه إمكانيات كبيرة ولم يقدمها حتى الآن ؟} اخي اسلام شمس الدين
{ عضو تتمنى اللقاء به } كل الاعضاء وخاصة اخي ابن مصر اتمنى ان اطير اليه في اوقات كثيره
{ عضو تتمنى أن تنصحه ؟} معذره ارجو اعفائي
{ عضو تريد أن تقول له شكرا ؟} ابن البلد وبنت مصر
{ عضو يستحق الأسف ؟} لم افهم القصد من السوال
{- قاعة في المنتدى ترى أنها تحتاج للتفاعل بشكل كبير} المقال الصحفي
{ قاعة تعد الاكثر تميزا على الاطلاق ؟} الدخول في الممنوع وفك التكشيره
{ قاعة "ملهاش لزمة" ؟} 00000000000000
{ قاعة ترى أنها تحتاج للتحسينات ؟} 00000000000000
{ - قاعة تتمنى تواجدها ؟} 00000000000000

إسلام شمس الدين
29-06-2003, 08:59 PM
كاتب الرسالة الأصلية : deaa


- عضو نفسك تعلمه ؟
من غير زعل يعنى .......شمس الدين ...............:).





ده شرف ليا يا ضياء اني اتعلم منك . . و من غير زعل إن شاء الله ، لأنه لا وجه للزعل في أن نتعلم من الآخرين ، فلا يوجد من هو أكبر من التعلم . و ستجدينني إن شاء الله تلميذ مطيع ولديه القابلية للتعلم .


أختي العزيزة لينا . .
موضوعك أكثر من رائعك و امتداد لسلسة موضوعاتك التفاعلية الجميلة التي تزيد التقارب بين إخوانك في المنتدى .

شكراً لكِ على هذا الموضوع الرائع . . وشكراً لمجهودك الجميل بالمنتدى
و لي عودة إن شاء الله للتواصل معكم في هذا الموضوع .

تحياتي للجميع
إسلام شمس الدين

lina
30-06-2003, 02:32 AM
خالد بن الوليد

وعليكم السلام ورحمة الله وبركاته يا عصام

متشكره اوي على سؤالك انا الحمدلله تمام ,, وعلى فكره انا مش بشوفك كتير متغبش انتا كمان اصل هقولك كلمه سر في ودنك ( محبش خالد بن الوليد يغيب عن المنتدى خالص هتقوللي ليه هقوللك لأن ابني بعد عمر طويل هسميه بالاسم ده) هههههههههه :p

يلا يا عصام طالما الفكره عجبتك انا هستنى مشاركتك في الموضوع مش تعمل زي موضوع املأ الفراغ بالعضو وتقول الفكره حلوة يا لينا و بعد كده تنفد بجلدك ههههههههههههه :D

تحياتي
لينا :)

lina
30-06-2003, 02:34 AM
اخونا العزيز وليد ( بالمناسبة اسمك عزيز عليا اوي اوي واللهي):p

اولا بحب اشكرك على اطراءك الجميل ودي شهاده اعتز بيها يا اخي :)
ثانيا احب اقوللك ان نشاطك في المنتدى ملحوظ جدا ومشاركاتك سعدنا بها جدا وحضرتك فعلا مكسب حقيقي لينا كلنا;)

ردودك حلوة وعجبني اوي شعورك ناحية والدتك واتمنى من كل الابناء يهتموا بآباءهم زي حضرتك
اسأل الله ان يوفقك لحفظ كتاب الله وتعليم القرآن حتى لو مكنتش وظيفه ربنا يقدرك و يقدرنا وييسر لنا حفظ القران:)

امممم بس كده بصراحه كل كلامك جميل و صعب اني اعلق على كل حاجه ,, بخصوص اسئلة المنتدى انا عارفه انك عضو جديد معانا بس بسبب نشاطك انا بعتبرك معانا من زمان ,, عموما لما تكون فكرة عن اسئلة المنتدى اتمنى ترجع تاني معانا وتشارك مره تانيه ,, هكون سعيده جدا:1:

ولك مني خالص التحيه والتقدير يا وليد
لينا:)

lina
30-06-2003, 02:36 AM
اخي عبدالحكيم

منور الموضوع بمشاركتك الجميله و احب اهنيك على حسن اشرافك في المنتدى ونا معجبه بشخصك الكريم و بوجودك معانا :)

اعمل لدنياك كأنك تعيش ابدا و اعمل لاخرتك كأنك تموت غدا,, حكمه جميله جزاك الله كل خير انا عن نفسي اتمنى اني اعمل بيها:p

اما بالنسبة عن السؤال اللي مش فاهمه
عضو يستحق الاسف: المقصود يعني يستحق الزعل علشانه اما بسبب انه غادر مثل او غايب ا او حاجات من دي وممكن تفسرها من ناحيه عضو عايز تقوله سوري ههههههههههه:D

تحياتي ليك يا عبدالحكيم و موفق على طول ان شاء الله
اختك
لينا :cool:

lina
30-06-2003, 02:38 AM
اوووووووووووووووووووووووووه :1:

مش معقووووووووووول:eek:

اسلام شمس الدييييييييييييييييييين ,, ايه اليوم الجميل ده :p

معقوووله اسلام مشرف موضوعي ,, متشكره اوي يا اسلام على حاجات كتيره اوي منها تشريفك ليا وتفضلك بالمشاركه في الموضوع معانا انا سعيده جدا,, والحمدلله ان الموضوع عجبك احنا بنتعلم منك يا اسلام وان شاء الله عن نفسي يا رب ابقى زيك كده:)

سوري مش عارفه اجمع الكلام واكتبه ههههههههههههههههه:p

على كل حال مشتاقه اقرا مشاركتك معانا يا شمس

يا شمس اوعى تغيييب هااا انا مستنياااك;)

باي باي
لينا:4:

عبدالحكيم
30-06-2003, 08:05 PM
شكراً اخت لينا على الكلام الجميل الذي اعتبره تشجيع لي وانا بحاجه له
اما بالنسبه بالنسبة عن السؤال اللي مش فاهمه
الان فهمته وشكراً مره ثانيه على توضيحك له
اني اسف لغياب اخي المايسترو وجمال حمدان ورمضان
وفي النهايه اود ان اشكرك على الموضوع الرائع
اخوكي في الله عبدالحكيم

خالد بن الوليد
01-07-2003, 09:59 AM
لينا .. انا جيت اهو :) ;)


"الـبـيـت"


- كم رقم ترتيبك في الأسرة؟
رقم اثنين (2) من 6 :)

- من هو الأقرب لك من أعضاء أسرتك؟

طبعاً كلهم .. بس انا عايش لوحدى من سن 15 سنة :(

- حدد أهم الأمور التي تقوم فيها وأنت في البيت؟
أمنا بقولك لوحدى .، فا مش بروح البيت كتير

- أكله تحبها كثيراً..؟
مكرونة بالبشامل - البطيخ :)

- مشروب يستهويك دائماً؟
عصير البرتقال

- ماهو الطلب الملح الذي تطمع به من أسرتك ولم يتحقق حتى الآن؟
لوحدي يا ناس عايش :(

- عندما تشاهد التلفاز : ماهو أبرز مايستدعي إنتباهك وتحرص على متابعته؟
مش بتفرج عليه :rolleyes:

- حين تكون في غرفتك : تكره أن يفعله الآخرون في غرفتك؟
طبعاً التدخين .. ممكن اقتل حد لو ولع سجاير في حدود 5 كيلو جنب الغرفة

- ماهي أوقات النوم المفضلة لك؟
انا قليل النوم جداً .. لكن افضل اوقات كنت بنام في لجنة الامتحان .. هههه


========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟
في المدرسة؟؟
الحمد لله ممتاز
في الكلية.. الحمد لله من اوائل الدفعة
السادس في الترتيب العام - التاني على الدفعة في سنة تانية


- مدرس أو مدرسه لازال في ذاكرتك .. ولماذا؟
كل اللى علموني فاكرهم كلهم من اول ابتدائى .. و كل واحد ليه حدودتة


- مواد دراسية تحبها بقوة ؟
العلوم الطبيعية

- مواد دراسية تكرها كثيرا؟
مواد الحفظ

- حدد بالضبط موقع جلوسك في الفصل؟ يعني قدام ورا في النص يمين شمال كده
أقدام


- ماهي أبرز إهتماماتك في رحاب المدرسة؟
الإذاعة.. الكمبيوتر .. نشاط رياضي

- ماهي أحب المراحل الدراسية إلى نفسك..؟
مرحلة الثانوية

- ماهو أبرز عقاب مر عليك طوال فترة الدراسة؟
بصراحة مش فاكر انى اتعاقبت في المدرسة :)


- هل حصلت على شهادات تميز خاصة وفي أي سنة؟
في الكلية - اعفاء من المصاريف سنة للتفوق ( كلية خاصة )
تالتة كليه شهادة الطالب المثالي
المركز الاول في تنس الطاولة
أول محافظة الجيزة في السيف ( كونج فو )
احترس نفسك :)


- سنة دراسية تعد هي الأجمل في حياتك؟
تانية ثانوي ..

خالد بن الوليد
01-07-2003, 10:02 AM
========================

"الـحــيــاه"


- حكمة تؤمن بها كثيرا ؟
ارسل حكيماً ولا توصه ..


- أحب الألوان إلى نفسك؟
الأزرق و الاخصر .. و في اللبس الاسمر


- دولة تتمنى أن تسافر إليها ؟
مصر

- ماهي الوظيفة التي تتمناها لنفسك؟
كان نفسي ابقى طيار

- أمنيه تود أن تتحقق خلال أسبوع ؟
الشغل يقوللي خلاص روح الاجازة بتاعتك و شوف خطيبتك :o


- حدد اسم اليوم الذي تتفائل به كثيرا؟
كل الأيام جميلة انا متفائل بطبعي الحمد لله

- ظاهره تود أن تخلص المجتمع منه ؟
الاتكالية و الانقيادية ..
لو واحد طلع يجري في الشارع تلاقي الناس بتجري معاه .. و محدش فاهم هو بيجري ليه اصلاً :D

- شخصية تتمنى اللقاء بها مع ذكر السبب؟
عمرو خالد :) علشان احكيلو الاحلام اللى بشوفو فيها و يقولي ده معناه ايه


- شخصية تود الخلاص منها؟
كل ظالم ومفتري..
وكل راع لم يتق الله في رعيته ( مقتبس من اشجان :))

- مكان يعجبك كثيراً وتتردد عليه دائما؟
كورنيش النيل و كورنيش اسكندرية ..


========================

"الـمـنـتـدى"


- عضو تعلمت منه الكثير ؟
كلهم اتعلمت منهم بصراحة :)

- عضو نفسك تعلمه ؟
حاشا و كلا :)

- عضو لاتتمنى أن يغيب أبداً ؟
خالد بن الوليد .. لأنى فعلاً بكون سعيد هنا

- عضو مشاغب ؟
هه ؟ ايه ؟؟

- عضو يعتبر الأكثر تميز في نفسك ؟

- عضو يثير اهتمامك ؟

عضو أكتشفت مؤخراً أنك لم تعامله بإهتمام ؟
بلاش احراج امال :)


- عضو تتمنى اللقاء به ؟
كللللللللللل الاعضاء :)
و ان شاء الله هعملوكم دعوة خاصة ( على الفرح بتاعي ) ان شاء الله و الكل اللى في مصر و برة مصر كمان لازم يحضر ;)


- قاعة في المنتدى ترى أنها تحتاج للتفاعل بشكل كبير ؟
لقاءات في حب الله..

قاعة تعد الاكثر تميزا على الاطلاق ؟
الرقابة :)

الالسئلة الباقية مش عارف بقى .. علشان بقاالي مدة بغيب :) :3:

( ملحوظة التنسيق كله اقتباس من مشاركة اشجان :) معلش بقى :)

وادكول مش معقول
01-07-2003, 11:49 AM
"الـبـيـت"


- كم رقم ترتيبك في الأسرة؟
الاول هههههههه انا البكري;)

- من هو الأقرب لك من أعضاء أسرتك؟
الحمد لله كلنا اسرة مترابطة واخي الوحيد هو نفسه صديقي الانتيم ( بس الانتيم دي مش نافعة في وسط اللغة العربية اللي باتكلم بيها مش كده ؟؟؟ عدوها بقه:p )

- حدد أهم الأمور التي تقوم فيها وأنت في البيت؟
النوم هههههههه ثم النوم ههههههه ثم التلفزيون والكمبيوتر

- أكله تحبها كثيراً..؟
اسهل اكله في الدنيا علشان كده امي ومراتي معجبين بيا وبيقولولي اني مش متعب في الاكل ....
مكرونة + هامبرجر او فراخ + سلطة + بطاطس محمرة + بيبسي

- مشروب يستهويك دائماً؟
بيبسي او مريندا

- ماهو الطلب الملح الذي تطمع به من أسرتك ولم يتحقق حتى الآن؟
ان نتجمع في وطن واحد وهو مصر

- عندما تشاهد التلفاز : ماهو أبرز مايستدعي إنتباهك وتحرص على متابعته؟
اي حاجة كوميدي لاني مش باحب الغم

- حين تكون في غرفتك : تكره أن يفعله الآخرون في غرفتك؟
انهم يرتبوها من غير ما يقولولي حطوا الورق بتاعي فين واقعد ادوخ عليه

- ماهي أوقات النوم المفضلة لك؟
انا ممكن انام في اي وقت بس الوقت المفضل ليا نفسيا مش زمنيا .... بمعني لو متضايق افضل انام بدل ما اعكنن علي نفسي يمكن احلم بحاجة تنسيني ............... ولعلمكم كتير بقوم ناسي الزعل او واصل لحل للمشكلة اللي مضايقاني


========================

"الـمـدرسـه"

(( واذا كنت لااااااااااااا تدرس...أمشي وعدي اسألة المدرسه ))

- حدد مستواك الدراسي ( ممتاز - متوسط - مقبول - ضعيف ) ؟
- مدرس أو مدرسه لازال في ذاكرتك .. ولماذا؟
- مواد دراسية تحبها بقوة ؟
- مواد دراسية تكرها كثيرا؟
- حدد بالضبط موقع جلوسك في الفصل؟ يعني قدام ورا في النص يمين شمال كده
- ماهي أبرز إهتماماتك في رحاب المدرسة؟
- ماهي أحب المراحل الدراسية إلى نفسك..؟
- ماهو أبرز عقاب مر عليك طوال فترة الدراسة؟
- هل حصلت على شهادات تميز خاصة وفي أي سنة؟
- سنة دراسية تعد هي الأجمل في حياتك؟


========================

"الـحــيــاه"


- حكمة تؤمن بها كثيرا ؟
اتق شر من احسنت اليه بس بعد ما تعمل الخير وترميه في البحر

- أحب الألوان إلى نفسك؟
الازرق درجة زرقة البحر

- دولة تتمنى أن تسافر إليها ؟
للزيارة لبنان وللاقامة مصر

- ماهي الوظيفة التي تتمناها لنفسك؟
اي وظيفة اتمكن فيها من الابداع

- أمنيه تود أن تتحقق خلال أسبوع ؟
اشوف شهد ........... وياريت لو خلال دقايق

- حدد اسم اليوم الذي تتفائل به كثيرا؟
لا اصدق باي تميمة او اربط بين شئ وما يكتبه لي الله ولكني احب يوم الخميس من ايام المدرسة

- ظاهره تود أن تخلص المجتمع منه ؟
الواسطة ثم الواسطة ثو الكوسا

- شخصية تتمنى اللقاء بها مع ذكر السبب؟
الداعية عمرو خالد لاني اجد راحة نفسية في سماعه

- شخصية تود الخلاص منها؟
لكل انسان قرين وسواس ......... اود اتخلص من رامي الوسواس

- مكان يعجبك كثيراً وتتردد عليه دائما؟
الاسكندرية في الشتاء .............. ولكن بقالي فترة محروم من شتاء مصر عامة:rolleyes:


========================

"الـمـنـتـدى"


- عضو تعلمت منه الكثير ؟
لا توجد صفة الكمال لاحد ولكن لكل شخص صفة رائعة انعم الله بها عليه ..... فكل اعضاء المنتدي لديهم العديد من الصفات الرائعة والمواقف الجميلة التي افادتني وكأنها درس مقرر بمنهج تعليمي

- عضو نفسك تعلمه ؟
لا تعليق

- عضو لاتتمنى أن يغيب أبداً ؟
كل الاعضاء وخصوصا ابن البلد

- عضو مشاغب ؟
برضه ابن البلد + مصراوي ===== بس مشاغبين لذاذ زي بهجت الاباصيري ومرسي الزناتي

- عضو يعتبر الأكثر تميز في نفسك ؟
كل عضو متميز في شئ انا معنديش خيار وفقوس:p

- عضو يثير اهتمامك ؟
ابن البلد / فيرجو / بنت مصر / مصراوي

- عضو أكتشفت مؤخراً أنك لم تعامله بإهتمام ؟
محي ابراهيم

- عضو ترى أن لديه إمكانيات كبيرة ولم يقدمها حتى الآن ؟
خالد بن الوليد

- عضو تتمنى اللقاء به ؟
ابن البلد ( علشان اخلص تاري اطفي ناري من اللي فيا هههههههههه :p)

- عضو تتمنى أن تنصحه ؟
الدكتورة حورية ( من تواضع لله رفعه )

- عضو تريد أن تقول له شكرا ؟
فيرجو ............... عرفتني بيكم

- عضو يستحق الأسف ؟
......:rolleyes:.......:rolleyes:..... لانه ضيع صحبة رائعة زيكم

- قاعة في المنتدى ترى أنها تحتاج للتفاعل بشكل كبير ؟
قاعة الفن

- قاعة تعد الاكثر تميزا على الاطلاق ؟
كلام في الممنوع

- قاعة "ملهاش لزمة" ؟
لو فيه قاعة ملهاش لازمة مكنش حد من الغيورين علي المنتدي ( كلكم طبعا ) سكت ;)

- قاعة ترى أنها تحتاج للتحسينات ؟
قاعة اجتماعات جامعة الدول العربية :p

- قاعة تتمنى تواجدها ؟
قاعة الامم المتحدة ..............................:2: العربية

=============================

سمسمة
03-07-2003, 04:54 PM
"الـبـيـت"

- كم رقم ترتيبك في الأسرة؟
التانية وبلافخر(فى اخواتى يعنى)

- من هو الأقرب لك من أعضاء أسرتك؟
اختى اللى اصغر منى

- حدد أهم الأمور التي تقوم فيها وأنت في البيت؟
اهم الكمبيوتر:D

- أكله تحبها كثيراً..؟
البشمل

- مشروب يستهويك دائماً؟
بيبسى

- ماهو الطلب الملح الذي تطمع به من أسرتك ولم يتحقق حتى الآن؟

اقعد ع النت االكمبيوتر 4 ساعات خخخخخخخخ

- عندما تشاهد التلفاز : ماهو أبرز مايستدعي إنتباهك وتحرص على متابعته؟

بجد بجد وبدون تريقة (الافلام الهندية)
- حين تكون في غرفتك : تكره أن يفعله الآخرون في غرفتك؟
ادخل الاقى حاجتى مش فى مكانه او ان الشباك يتفتح
مابحبش اشوف حد خخخخخخخخخخ

- ماهي أوقات النوم المفضلة لك؟

بالليل طبعا

"الـمـدرسـه"

- حدد مستواك الدراسي ( ممتاز - متوسط - مقبول - ضعيف ) ؟
متوسط

- مدرس أو مدرسه لازال في ذاكرتك .. ولماذا؟
مدرس الفيزياء

- مواد دراسية تحبها بقوة ؟

الاقتصاد(مش المنزلى خخخخخخخخخ)
- مواد دراسية تكرها كثيرا؟

القانون الدولى

- حدد بالضبط موقع جلوسك في الفصل؟ يعني قدام ورا في النص يمين شمال كده

فى الكلية فى الجموعة الاولى من الاخر خخخخخخخخخخخ

- ماهي أبرز إهتماماتك في رحاب المدرسة؟

فى رحاب ايه يقدمه لكم...........

بحب الايس كريم خخخخخخخخخخ


- ماهي أحب المراحل الدراسية إلى نفسك..؟

الثانوية

- ماهو أبرز عقاب مر عليك طوال فترة الدراسة؟
اتأيدت غياب وانا حاضرة
- هل حصلت على شهادات تميز خاصة وفي أي سنة؟
لا ياخيبتى ..ليه الفضايح دى بس

- سنة دراسية تعد هي الأجمل في حياتك؟
ثالثة ثانوى

"الـحــيــاه"


- حكمة تؤمن بها كثيرا ؟

دوام الحال من المحال

- أحب الألوان إلى نفسك؟

الازرق
- دولة تتمنى أن تسافر إليها ؟

الهند خخخخخخخخخخخخخ
- ماهي الوظيفة التي تتمناها لنفسك؟

وكيلة نيابة يارب
- أمنيه تود أن تتحقق خلال أسبوع ؟

اغير الدهب بتاعى

- حدد اسم اليوم الذي تتفائل به كثيرا؟

الخميس
- ظاهره تود أن تخلص المجتمع منه ؟

تزمير العربيات فى الشارع


- شخصية تتمنى اللقاء بها مع ذكر السبب؟

مش عايزة اشوف حد خخخخخخخخخخ
- شخصية تود الخلاص منها؟

اختى عشان اخد هودمها خخخخخخخخخخخخخخ

لا بهزر
- مكان يعجبك كثيراً وتتردد عليه دائما؟
السطح ههههههههه

معشلى يالينا جيت متاخرة عشان انتى عارفة المسئوليات فى المنتدى بقى
وكمان انا اللى علمتك خخخخخخخ ماشى ماشى
انا ماعنتش ضحكاها
بس قوليلى وش حالك خخخخخخخخخخخخخخخخخ

وبالنسبة لجنان تدفع ضرايب ورسوم ورشوة ليا طبعا وبعدين اقرر

البروف سمسم..:140:

lina
03-07-2003, 04:54 PM
عبدالحكيم بشكرك على تواصلك ومشاركتك تاني في السؤال اللي مكنتش جاوبته:)

بالنسبة للاعضاء اللي ذكرتهم للأسف محصليش الشرف اني اعرفهم بس اتمنى من كل قلبي انهم يرجعو تاني:o

اما بالنسبه للتشجيع اللي عجبك متقلقش من الناحيه دي خالص ,, هبقى اديك جرعات تشجيع بين فتره والتانيه :p
كلنا محتاجين لتشجيع يا عبدالحكيم امال هنشتغل ازاي بس:rolleyes: هههههههههه الله يكرمك يا رب

تحياتي
لينا:cool:

lina
03-07-2003, 04:59 PM
اخويا العزيز خالد بن الوليد

مشاركه جميله .. و دايما احساسي بيقوللي ان عندك مواهب و قدرات وامكانيات ولسه المنتدى ماكتشفهاش هههههههههه:p
ما شاء الله عليك كل دي عقليه فذه وجوايز وحاجات ايه ,, الله ينفعك بعلمك ويسخرك لعمل الخير دايما:)
حقيقي بتمنى ان امنيتك تحقق مش في خلال اسبوع لا ,, اتمنى تفح عينك و تغمضها تلاقي نفسك عند خطيبتك
الللللللللللله احساس جميل جدا ,, حاسه بيك بقى ههههههههههه;)
يلا الف مبروك وعقبال الفرح يا رب:)

بشكرك على المشاركه يا عصام
لينا

lina
03-07-2003, 05:04 PM
ابو شهد ,, رامي ,, الشهير ب الواد الكول ,, اللي بتعيشنا في جو كوول على طوول,,كل اجاباتك بتديني انطباع انك كول وروش وعايش بمبدأ هاكونا ماتاتا ومبدأ طنش تعش تنتعش هههههههههههه :D
اشكرك على ردك ومشاركتك و الله يجمعك مع شهوده في القريب العاجل ان شاء الله,, :)
عجبتني اوي لما قلت : لكل انسان قرين وسواس ......... اود اتخلص من رامي الوسواس
ونا بتمنى اتخلص من لينا الوسواسه هههههههههه ( مش لايقه كلمة وسواسه عليا مش كده !! );)

تحياتي لك ولشهوده القمر
لينا:)

lina
03-07-2003, 05:13 PM
اهلا اهلا اهلا
اللورد سمسم هنا ههههههههه قصدي البروف
ماقلتليش ليه عشان افرشلك الارض ورد :) ههههههههه (بهزر طبعا انتي ما صدقتي :p )


كلام جميل يا سماسم كفايه انه من شقية المنتدى ههههههههه (تدبيسه يا سمسم )

حرام عليكي جنان بنت طيبه و مش وش رشاوي و ضرايب والكلام الكبير ده ,, وللا انتي عشان محاميه هتشتغلينا يعني :mad:

ملكيش دعوة بجنان دي تبعى وعلى ضمانتي انا ;) خخخخخخخخخخخ
مش عارفه امتى ربنا حيتوب عليا من داء الشخير بتاعك ده ربنا يهد القوي على رأي ابن البلد :p

سلملم
لينا :)

سمسمة
07-07-2003, 12:13 AM
ربنا يهد القوى!!

انتى مطردوة يابت

والا عايزة تعويض ؟؟

البروف سمسم..:140:

n3na3aah
07-07-2003, 12:45 PM
بما ان الجهاز اتصلح بقه جييت اشارك
يا مسهل

"الـبـيـت"
- كم رقم ترتيبك في الأسرة؟
انا التانيه ليه اخ واحد اكبر مني بتلت سنيين

- من هو الأقرب لك من أعضاء أسرتك؟
كلهم قريبيين بس الاكتر هيه امي و ربنا يخلهوملي كلهم

- حدد أهم الأمور التي تقوم فيها وأنت في البيت؟
حاجات كتيير منهم اني بحب ارسم قوي و انا في البيت و اساعد امي و النت طبعاا

- أكله تحبها كثيراً..؟
بحب الجنبري جداااااااا

- مشروب يستهويك دائماً؟
النعناع طبعا و النسكافيه

- ماهو الطلب الملح الذي تطمع به من أسرتك ولم يتحقق حتى الآن؟
الحمد لله لا شي مش بيخلوني عايزه حاجه

- عندما تشاهد التلفاز : ماهو أبرز مايستدعي إنتباهك وتحرص على متابعته؟
الافلام الاجنبي و بالزات الاكشن

- حين تكون في غرفتك : تكره أن يفعله الآخرون في غرفتك؟
يولعو النوور و انا نايمه بتغاظ قوي لا واييه دول بيولعولي التلفزيون كمان

- ماهي أوقات النوم المفضلة لك؟
انا بنام 6 سعات في اليوم و بحب انهم يكونو بلييل بس في الامتحانات بتر انام الصبح و مش بعرف انام اساسا

"الـمـدرسـه"
انا بدرس بس في جامعه

- حدد مستواك الدراسي ( ممتاز - متوسط - مقبول - ضعيف ) ؟
مقبوولو سعات متوسط و جيد انا و ظروفي

- مدرس أو مدرسه لازال في ذاكرتك .. ولماذا؟
مدرس كان بيديني في اعدادي كنت بمووت في شرحه هوه مدرس انجلش و كان بيحكلنا القصص و البويتري بطريقه تجنن

- مواد دراسية تحبها بقوة ؟
الرياضه و الكيمياء و الاحياء و اكترهم رياضه

- مواد دراسية تكرها كثيرا؟
التارييخ و الفلسفه

-حدد بالضبط موقع جلوسك في الفصل؟ يعني قدام ورا في النص يمين شمال كده
يميين

- ماهي أبرز إهتماماتك في رحاب المدرسة؟
مفييش عشان انا بكره المدرسه اساسا

- ماهي أحب المراحل الدراسية إلى نفسك..؟
اعداديو جامعه

- ماهو أبرز عقاب مر عليك طوال فترة الدراسة؟
متعاقبتش غير مره واحده في حياتي كنت بعمل جمعيه في الفصل:rolleyes:

- هل حصلت على شهادات تميز خاصة وفي أي سنة؟
زمان طلعت التالته علي المدرسه و متكررتشي

- سنة دراسية تعد هي الأجمل في حياتك؟
تالته اعدادي

"الـحــيــاه"
- حكمة تؤمن بها كثيرا ؟
لا تؤجل عمل اليوم الي الغد و عمري منفزتها



- أحب الألوان إلى نفسك؟
هوه درجه من درجات الازرق معرفش اسماها ايه بس بحب اللون ده قوي



- دولة تتمنى أن تسافر إليها ؟
كل البلاد


- ماهي الوظيفة التي تتمناها لنفسك؟
كان نفسي ابقه مهندسه بس للاسف دخلت تجاره انجليزي

- أمنيه تود أن تتحقق خلال أسبوع ؟
كل الناس تحب بعضاها و تنتهي الحرب و السلام يقووم و العولمه تبدا

-حدد اسم اليوم الذي تتفائل به كثيرا؟
كل الايام حلوه و اخلاهم الجمعه و شهر رمضان

- ظاهره تود أن تخلص المجتمع منه ؟
النفاق و الكدب و البعد عن الله

- شخصية تتمنى اللقاء بها مع ذكر السبب؟
الرسوول صلي الله عليه و سلم عشان نفسي اشووف احسن انسان و حبييب الله


- شخصية تود الخلاص منها؟
كل الناس الي مبوظه الدنيا ومخليها علي الي هيه فيه ده

- مكان يعجبك كثيراً وتتردد عليه دائما؟
كل الاماكن عجباني و فيه اماكن نفسي اشوفها و نفسي الف العالم كله بس معندييش مكان بتردد عليه كتيير بس اكتر المناظر اللي احب اشوفها السماء بالليل و البحر وقت الغرووب

"الـمـنـتـدى"
- عضو تعلمت منه الكثير ؟
بحر اسكندريه و بن البلد و لينا و المهاندس و كل الاعضااء

- عضو نفسك تعلمه ؟
لما انا اتعلم الاول ابقه اعلم

- عضو لاتتمنى أن يغيب أبداً ؟
كل العضاء احب دايما انهم بكونو موجوديين

- عضو مشاغب ؟
ابن البلد

- عضو يعتبر الأكثر تميز في نفسك ؟
كلهم متميزيين عندي و كلهم بيعتبرو نفسهم اعضاء عاديين و منهم ابن البلد بجد متواضع جداا


- عضو يثير اهتمامك ؟
لينا لازم ادخل وراها في كل حته و بحر اسكندريه

- عضو أكتشفت مؤخراً أنك لم تعامله بإهتمام ؟
بحاول اني اعامل كل الاعضاء زي بعض

- عضو ترى أن لديه إمكانيات كبيرة ولم يقدمها حتى الآن ؟
كل الاعضاء عندهم الاحسن عشان يقدمووه

- عضو تتمنى اللقاء به ؟
جمييع الاعضااء بس لينا بالزاات

- عضو تتمنى أن تنصحه ؟
انا

- عضو تريد أن تقول له شكرا ؟
بحر اسكندريهو بنت مصر حبيبه قلبي و ابن البلد

- عضو يستحق الأسف ؟
اي عضو انا قصرت في حقه او زعلته في حاجه

- قاعة في المنتدى ترى أنها تحتاج للتفاعل بشكل كبير ؟
قاعه كلام في الممنوع

- قاعة تعد الاكثر تميزا على الاطلاق ؟
قاعه فك التكشيره و المناقشات

- قاعة "ملهاش لزمة" ؟
مفييش

- قاعة ترى أنها تحتاج للتحسينات ؟
مفييش

- قاعة تتمنى تواجدها ؟
قاعه لغاات


ايه ده خلاص لولولولولولولليييييييي انا اتهرييت يا مفتريه

ياله تحياتي للجمييع

lina
19-07-2003, 02:06 AM
نعانيييعووو سورىىى بجد انا لسه شايفه الرد بتاعك دلوقتي

عموما شكرا يا قمر على المشاركه اللذيذه ,, وعلى فكره يا نعناعه انا شايفه اننا بنتوافق مع بعض في حاجات كتير ودي حاجه بتبسطني اوي :)

باي باي يا قمر
لينا :)

lina
19-07-2003, 02:09 AM
سمسمة الزعيمة

مطرودة مين يا ستي!!

انتي متقدريش تستغني عني ,, بطلي مقاوحه بقى ههههههههههه

خلاص حقك عليا يا عسل انتي كده زي السكر واحنا حنحبك اكتر اممموااااه :)

لينا