المساعد الشخصي الرقمي

مشاهدة النسخة كاملة : فطائر من الجلاش حلو ومملح



نهر الحياة
31-08-2007, 02:20 PM
فطائر من الجلاش ***حلو ***ومملح

http://www.chefosama.com/images/posted/cont_4_358_1.jpg

اولا :- الحلو

المكونات :- ورقة جلاش ...نصف كيلو

5 ملاعق كبيرة سمن بلدى +3ملاعق زيت ذرة

مقدار من السكر المطحون (سكر بودره )

2كوب شوب لبن حليب + مقدار من النشا

+سكر حسب الرغبة تذاب النشا فى ربع كوب لبن

يوضع اللبن فى اناء على النار ويحلى بالسكر وقبل غليانة

تضاف النشا وتترك لتغلى مع التقليب المستمر وتكون غليظة

القوام نوعا ما عن المهلبية التى تصب فى اطباق

بشر جوز هند + زبيب ومكسرات حسب الرغبة

مقدار من الشراب :- 2كوب سكر +1كوب ماء +فانيليا + 1ملعقة صغيرة

عصير ليمون يوضع على النار وعند ذوبان السكر يضاف عصير الليمون

والفانيليا ويترك على النار دقيقة بعد الغليان ثم يضاف الية ملعقة سمن بلدى

قبل استعماله . يستعمل وهو دافئ

الطريقة :- اولا اتمنى ان احسن الوصف

قومى بتسيح السمن البلدى واضيفى الية زيت الذرة

نحتاج للفطيرة الواحدة الى ورقتان جلاش ونصف ورقة

ضعى الورقتين على بعض امامك حرف المستطيل الكبير امامك والصغير

على جانبى اليدين قومى بغمس فرشاه لدهن الصوانى فى السمن وضعى منها كمية بسيطة وزعيها على الورقة
قومى بثنى النصف ورقة الاخرى وضعيها فى منتصف الورقتين
ضعى عليها بعض السمن
ضعى ملعقة كبير ((ملعقة طقم السرفيس ) من المهلبية وافرديها على النصف ورقة
ضعى فوق المهلبية بشر جوز الهند + المكسرات والزبيب ويمكن الاستغناء عنهم حسب رغبتك
قومى بطوى الطرف الذى امامك على منتصف الحشو وضعى مسحة من السمن
ثم اطوى الطرف الذى يليكى على الطرف الاول وضعى مسحة من السمن
ثم الطرف الذى على ناحية يدك اليمنى ضعية على منتصف الفطيره
ثم الطرف الذى على الشمال ضعية على اول الفطيرة من الجهة اليمين
وضعى مسحة من السمن على الفطيرة من الخارج يعطيكى شكل المستطيل المطبق
اكملى المقدار بهذة الطريقة
ضعية فى الفرن فى صنية مدهونة بالزيت
الى ان يحمر من تحت وفوق
اخرجية وقومى بعمل قطعان فى الفطيرة بسكين البسبوسة
واسقى الفطيرة بالشراب
ثم رشيها بسكر البودرة ويمكنك الاستغناء عن رشة بالسكر حسب رغبتك
قدمية بالهناء



الفطائر المملحة

المكونات :- نصف كيلو جلاش

كمية من العصاج (بصل +لحم مفروم + ملح وبهارات )

تسوى على النار

2 بيضة + ملح + فلفل + بهارات

طرنشات لانشون مقطعه قطع صغيرة

فلفل اخضر مقطع

جبنة بيضاء قديمة او جديدة او جبن ثلاجة

طماطم مقطعة مكعبات صغيرة

جبنه نستو او جبنة رومى او جبنة شيدر مقطعة

قليل من الزعتر حسب رغبتك

الطريقة :-

اهرسى الجبنة البيضاء مع الجبنة النستو ان استعملتيها

قلبى باقى المحتويات على الجبنة

حضرى ورق الجلاش بالطريقة السابق توضيحها (كما فى الفطائر الحلوة )

السابقة وبملعقة السرفيس الكبيرة ضعى فى منتصف الفطيرة ملء الملعقة

من هذا الحشو واغلقى الفطيرة كالسابق ادهنيها بقليل من السمن والزيت

فى صنية مدهونة زيت ضعيها فى الفرن حتى تنضج ويحمر وجهها

قدميها بالهناء


طريقة اخرى
حضرى طرنشات من الجبن الرومى والفلفل الاخضر والانشون والطماطم

ضعيها بالتبادل فى منتصف الفطيرة ثم قومى بكسر البيضة فوقها ووضع

بعض الملح والفلفل الاسود والبهارات على البيضة

اغلقى الفطيرة بالطريقة السبقة وسويها بنفس الطريقة

اتمنى ان تعجبكم

emerald
31-08-2007, 05:15 PM
السلام عليكم..

اولا مبروك عليكِ الإسم الجديد .. :f:
وصفة جديدة وحلوة .. واكيد ان شاء الله لو ربنا كتب لي يعني .. حأعملها قريب .:eat:
تسلم ايدك على الوصفات الحلوة .
بارك الله فيكِ.

نهر الحياة
01-09-2007, 09:57 AM
عزيزتى **اميرالد

بارك الله فيكى يارب اعتقد نهر الحياة احلى من نهاية الحياة وان كانت نهاية الحياة هى الحقيقة الوحيدة الثابتة فى الحياة

الفطائر دى جميلة جدا لو جربتيها هتعجبك جدا

وياريت لما تجربيها تقولى ليا

جوزيتى خيرا على مرورك والتعليق الطيب الذى اسعدنى

دمتى بخير

أنفـــــال
01-09-2007, 04:03 PM
الغالية حياة :)
سلمت يداكِ حبيبتي ..
اشكرك كثيرا كثيرا .. و جزيتِ كل الخير على وصفاتك الحلوة .
و كل سنة و انتي طيبة .
:f2:

sea horse
02-09-2007, 11:45 AM
العزيزه نهر الحياه
مبروك الاسم الجديد
والوصفه تفصيلية وجميله
بس وضحى للاصدقاء ان اضافة النشا تكون فى شوية لبن او ميه عادية
منعا لكلكعة النشا لو اضيف على سائل ساخن
تسلم ايدك ووصفاتك دايما مميزه كالعادة
صباح الفل
:eat:

نهر الحياة
02-09-2007, 08:45 PM
عزيزتى ** انفال

يسعدنى مرورك دائما

جزاك الله كل خير على المرور والتعليق

وكل عام وانتى بخير

نهر الحياة

نهر الحياة
02-09-2007, 08:49 PM
اخى الكريم/sea horse

بارك الله لك يااخى

ممكن اكون نسيت اقول ان النشا تدوب فى اللبن بس بصراحة انا لو نسيت حاجة زى دى

عارفة ان مفيش مشكلة لان كل الى فى المنتدى هنا اساتذة فى المطبخ

وانا لما بكتب بكتبة بوصفتى مش بنقل من اى مصدر

فارجو المعذرة وشكرا للاضافة

اسعدنى مرورك كثيرا

جوزيت خيرا

sea horse
03-09-2007, 09:26 AM
العزيزه نهر الحياه
ماهو جمال الوصفات فى تلقائيتها وعدم النقل
وياما نسييت برضه حاجات بسيطه والاصدقاء قالولى عليها
تحيه لروحك الطيبه ودايما يارب منوره اجمل مطبخ
وياريت تشاركينا فى موضوع فطار رمضان بوصفاتك الشهيه
صباح الفل
:eat:

بنت بلاد
23-10-2007, 10:49 AM
جوعتينى يمى يمى

نهر الحياة
18-02-2008, 05:44 PM
العزيزة **بنت بلاد

اشكر لك مرورك اختى العزيزة

كل التحية والمودة والحب لاهل ليبيا الكرام وخاصة مدينة بنى غازى بشوارعها الجميلة واهلها الكرام

دمتى ودامت ربوعكم بخير

aynad
20-02-2008, 02:53 PM
والله فتحتي نفسي اوي يا نهر الحياة
وفتحتي نفسي اكتر للفطيرة المملحة لاني بحب المالح اكتر من الحلو
انا عندي الجلاش حجرب اعملها وربنا يستر واعرف اعملها
تسلم ايدك يا عمري

نهر الحياة
21-02-2008, 06:02 PM
عزيزتى **ام دودى وبودى


سلمتى من كل شر وسوء اتمنى ان تستمتعى بعملها ومذاقها

جوزيتى خيرا على مشاركتك لى

محمد غباشى
03-03-2008, 05:08 PM
شكرا على الوصفة الجميلة والبسيطة دى وربنا يخليكى يا نهر الحياة واللة اسم جميل اوى

نهر الحياة
20-05-2008, 11:14 AM
الابن الكريم // محمد غباشى

جوزيت خيرا على مرورك الكريم وتعليقك الطيب

سلوىاحمد
03-06-2008, 08:16 AM
تسلم ايديكى
حاجة تفتح النفس
وممكن مع الجبن نحط حلقات من الزيتون الاسود والاخضر اللعب بالالوان بيشهى

نهر الحياة
06-06-2008, 05:08 PM
عزيزتى ** سلوى


اشكر لك مرورك العطر واضافتك الجميلة


جوزيتى خيرا وبورك لك