المساعد الشخصي الرقمي

مشاهدة النسخة كاملة : حفل زواج عضو و عضوة من المنتدي .. كلكم مدعوين.



الشيمـــاء
18-08-2007, 10:26 AM
السلام عليكم و رحمة الله و بركاتة
الاخوة و الاخوات الاحباء ..

النهاردة جاية اعزمكم علي حفل زواج عضو و عضوة من المنتدي .. هما مين مش مشكلة احنا اصلا مش حنقترح اسماء لسببين :-
1. ثلاث جدهن جد و منهم الزواج طبعا.
2. ان كل الاعضاء المعروفين في المنتدي من المعازيم يعني اعتبروا العروسة و العريس أعضاء غير معروفين.

عاوزين نتوقع ايه اللي حيحصل في حفل الزفاف و ازاي حنسعي للتعارف علي بعض مع الاخذ في الاعتبار الاشياء التالية :-
1. حفل الزفاف كل اللي حاضرينه اعضاء المنتدي فقط يعني مفيش اي حد من برة حتي اهل العريس و العروسة مشيناهم .. ههههههههههه ..
2. مفيش اي حد من الاعضاء حيجيب حد مش عضو معاه و بالتالي كل اللي موجودين في قاعة الفرح من اعضاء المنتدي حتي الدي جي .. (و مافيش جارسونات لتقديم الجاتوه يعني الفرح حيكون بنظام اخدم نفسك بنفسك).
3. حنعتبر ان مفيش اي اعضاء يعرفوا بعض خارج المنتدي اطلاقا الا القرايب طبعا غير كدة لا حد شاف حد قبل كدة و لا كلمة علي الماسنجر و لا التليفون و لا في اي اتفاقات بخصوص الحضور للفرح.

----- حاسة اني حتضرب دلوقتي ...

قاعة الفرح فيها ناس عزاز جدا علينا بنشاركهم المعلومة و الفكرة و الضحكة و المشاعر الطيبة و الحب ..
البعض منهم بنعتبرة قدوة و مثل اعلي و البعض الاخر بنعتبره اصدقاء و ناس تانية شايفينهم زي نجوم السماء و ناس تانية متغاظين منهم عشان بيحذفوا مشاركاتنا ( سامع يا ابن البلد .. ههههه ) لكن طبعا في النهاية بتجمعنا كل مشاعر الود و الحب و الاخوة و الطيبة ... بنقضي معاهم وقت كبير من وقتنا في بيتنا الجميل المنتدي رغم اننا مشفناهمش و منعرفهمش و اهي جات الفرصة للتعارف خارج عالم الاسلاك و الكابلات .
يا تري كل واحد فينا حيتصرف ازاي لما يدخل الفرح و ازاي حيتوقع الناس الموجودة .. مين اول حد متخيل انك تدور عليه .. و مين اللي حتعرفه علي طول من تصرفاته و لو كنت بتدور علي حد معين ازاي حتحاول تتعرف عليه .. يا تري متخيل انك تخرج من الفرح و انت متعرف علي كل الاعضاء و لا يهمك ناس معينة . و لو كان في عضو معين حصل معاه تاتش حتتعامل معاه ازاي.

يالله يا منتدي عاوزين نشوف المواهب بتاعتنا لما نقابل بعض ...
مستنية تفاعلكم ..
تحياتي يا حلوين و يا حلوات.

الشيمـــاء
18-08-2007, 10:44 AM
يالله نبدأ علي بركة الله ...
انا بقي حروح الفرح متاخرة زي عادتي اللي ما يعلم بيها الا ربنا .. حدخل الفرح لواحدي لاني مليش قرايب في المنتدي و زي محنا متفقين مسبقا مفيش اي اتفاقات علي حضور الفرح الا بين القرايب .. حدخل بهدوء شديد جدا ححاول مكونش ملحوظة و ححاول اخد ركن بعيد و هادي في الفرح .. طبعا اول حاجة حعملها حلقي نظرة علي العريس و العروسة و حشوف هل فعلا شكلهم زي متوقعت علي اعتبار ان هما الوحيدين اللي بسهولة ممكن اعرفهم ..
طبعا انا جاية و نفسي اتعرف علي الجميع لكن اول ناس احب اتعرف عليهم هما أم يوسف و أم البنات عشان نكمل ثلاثية الامهات ( بس انا ام فالصو طبعا ) .. ححاول ادور بعيني في الفرح علي ترابيزة معينة متوقعة ان حيكون عليها ( قلب مصر , ام البنات , اوشا , ام احمد و ليلة عشق) .. يا تري حتنجح توقعتي و الاقي الترابيزة دي ربنا يسهل , و لما الاقيها ححاول اتاكد و اروح عليها ..
طبعا ان شايفة ابن البلد رايح جاي في الحفل بيراقب المدعوين و عينه رايحة جاية عليهم .. نفسه و مني عينه يلغي مشاركة .. ههههه ..
طبعا حمادوو كعادتة جعان جدا و قاعد في الاوفيس و لامم الجاتوه و البيبسي حواليه و هتتك بتتك .. اضرب يا عم حمادو اضرب ماشية معاك بس ياريت تبقي تخليلنا اي حاجة .. اكيد حتحاول تخلص بسرعة عشان تطلع تشوف الدي جي ..

شوية و حلاقي شلة كبيرة جدا فيها سارة و العصابة و بوكي و د. نسيبة و مي و مصراوية و ارتحال و كل الحبايب واخدين 7 ترابيزات ضاكمهم علي بعض و قاعدين ود ود ود ود .. جايلكم يا حلوين جايالكم ..

اما بقي الترابيزة الهادية اللي هناك دي قاعد عليها ناس انا عرفتهم من اول وهلة .. العقل و الرزانة كلها اساتذتي ( عاطف هلال و سيد جعيتم و ابن طيبة و عم شندي و احمد المليجي ) يا سلام يا سلام لو العرب فيهم 10 من المجموعة الرائعة دي كان حالنا اتغير..

يالله كفاية كدة دلوقتي و حرجعلكم تاني باذن الله ..

زهــــراء
18-08-2007, 03:45 PM
ههههههههههههههههههههههه
والله فكرة مجنونة هي بس ظريفة قوي
هو انا ممكن اجي اخطف العصابة ونروح نهيص مع بعض بلا فرح بلا بتاع هههههههههههههههه
تسلم افكارك ياشيمووووووووووووو انا جيت اسلم ولما احب اجي الفرح هرنلك هههههههههههههههه
خالص تحياااااااااااااااااااتي

الشيمـــاء
18-08-2007, 05:04 PM
ههههههههههههههههههههههه
والله فكرة مجنونة هي بس ظريفة قوي
هو انا ممكن اجي اخطف العصابة ونروح نهيص مع بعض بلا فرح بلا بتاع هههههههههههههههه
تسلم افكارك ياشيمووووووووووووو انا جيت اسلم ولما احب اجي الفرح هرنلك هههههههههههههههه
خالص تحياااااااااااااااااااتي

اية يا زوزو يا قمر
مش بمزاجك يا حلو حتيجي يعني حتيجي و من غير رنات و لا موبايلات.
اقري الانستراكشنز ههههههههههههههههههه .
و لعلمك بقي انتي و العصابة مخطوفين و ابقوا وروني حتفكوا ازاي.
يالله يا زوزو قومي غيري هدومك و تعالي بالتي هي احسن بدل مجيبك
بالتي هي اوحش . هههههههههههههههههه
مستنياكي يا قمر
تحياتي

حمادو
18-08-2007, 05:21 PM
هههههههههههههههههههههههه
جعاااااااااااااااااااان
فين المطبخ يا جدعاااااااان
هههههههههههههه
موضوع حلو قوى يا شيماء...
انا اول ما هادخل هاعمل هيصه, وهاقول للناس كلهم تعااااااااااااالوا انا معايا بطاطا...
واقعد بأه قعدة مطابخ وحبك خيال تقول لى اعمل البطاطا كده, لا قلب مصر تقول لي اعملها كده, وتيجي اوشا تمسك كيس البطاطا وترميه في جنب وتقول لي احنا هنا فرح مش في شادر خضار...
شوية واشوفك قاعدة مع ام احمد على الترابيزة اجرى عليكم خوفا من اوشا, وتقوم ام احمد تديني قصيدة في شوى يغمى عليا علطول ههههههههههههههههه
وتيجي انتى بأه تبصى لى كده زي القاتل اللى بيبص للضحية بتاعته, وتقولى لي احمد؟؟؟؟هل انت رياضى؟؟ طبعا اخاف واجرى .....على ميييييييين؟
على زيزو حبيب قلبى طبعا...ادور انا وهو على زنقل اللى مش لاقينه لغاية دلوقتى, وفي الطريق نقابل العصابة واقفين فاتحين بقهم ودعاء ثابت واقفة على كرسى وعماله تقول للبنات يا بنات لازم نحافظ على نعومة البشرة, خدوا سلك المواعين دا ادعكوا بيه وشكم 7 مرات على الصبح...
ومن بعييييييييييييييييد شعاع من نور واقفه وبتبص للكل, وابن البلد يشوفها واقفه بعيد يروح يديها جاتوه تقول له حقيقي حقيقي يا ابن البلد merci على زوقك, حقيقي حقيقي انت لمست انى بحب الجاتوه...
عماد بأه جاى لنا من النرويج محمل بكل الحاجات الحلوة, وحنان واقفة على الترابيزات بتقول لنا يا جماعة قاعة المناقشات, اقصد قاعة الافراح لها قواعد في التعامل معاها, نختلف مع بعض في الرأي بس مافيش حد يضرب التانى...
اتجنن واجرى بعيد عنكم كلكم الاقى استاذ سيد جعيتم بأه قاعد كده مع رحمه وقلب مصر وليلة عشق بيكلمهم عن عشق مصر, اسمع له شوية وبعد كده الاقي هيصه جامده..
مين يا جدعان اللى عامل الهيصه دي؟ حسام عمر يا ستى جاى وجايب معاه كورة ومصمم انه يعملنا فرق...
في وسط اللمة دى كلها بأه سانزيو واقف بيصور ويودى الصور لفاضل, وفاضل نازل فينا تقييمات سلبية وقاعد بيفكر في موضوع جامد يحطه في قاعة المناقشات عن الاسلوب الامثل لحضور الافراح والدعوات...
طبعا دا كله ونسينا اصلا اننا رايحين فرح...
ههههههههههههههههه
هاكمل ليكي بعدين لان القاعة فيها كتييييييييير قوى لسه هانتكلم عنهم كلهم...
ههههههههههههههههه

موضوع حلو قوى يا شيماء, وعلى اد ما هو فك تكشيرة الا انه بيوضح لنا كل واحد متخيل الاعضاء ازاي ولو حتى بشكل فكاهى...
تسلم افكارك

Emad.
19-08-2007, 12:07 PM
االسلام عليكم
موضوع رائع وجميل تسلم ايدك يام الشيهد
انا والله بحبك ياحمادو وبحب تعليقاتك المرحه الجميله تسلم وتعيش
انا عن نفسي هكون او واحد يحضر علشان مفتكرش حضرت افراح كتير في مصر غير يمكن تلت او اربعه وحتي اخواتي محضرتش المهم هجري علي افضل مكان في الفرح وهقف من بعيد وامارس هوايتي اللي بحبها التصوير وهجيب معي كامرة الفديو والصور وامارس بقي هوايتي وياسلام شويه صور في الخباثه للعريس والعروسه والف بقي اسرق شويه صور للمعازيم وياسلام وانا قافش حمادو وهو مكوش علي الجاتوه لوحده ودور بقي علي العصابه واصور احلا صور وعلي امن الدول عدل
واطلع علي الركن الهادي مدام اوشا هي ومدام ام البنات وقلب مصر وحديث الهوانم ودور بعدها بقي علي دعاء وهي عمال تدي خطط وتقسيم وتنظيم المطبخ وازاي ناكل وايه نشرب المفيد
وبعدها هدور علي حبيبي زملكاوي حسام عمر وهو عاوز يلاعب حمادو كوره وحمادو يقوله مش فاضيلك البطاطه والجاتوه هيخلصو
بعدها اصور الخطبه الجميله من دكتور نسيبه ونصائحها للعروسه وزاي تكون زي الامهات الصالحين وظبط بقي ام الشهيد وهي دخله تتسحب كده وخدلها كام صوره وهي بتحاول تزوغ من المعازيم ودور علي ابراهيم بندق واشوفه جبلي جاتوه ولالسه
اما بقي الدكتوره حنان هسلط عليها الكاميرا لشوفها بقي هتنظم بالعدل ولا هيكون فيه تفرقه عنصريه الطربيزات اما بقي القائد الهمام ابن مصر ده لوحده هخليله شريط بحاله معلش بقي هو البج بص واللي دافع تمن الحفله ههههه
بس اوعدكم هقف ساكت ومش هفتح بقي بكلمه هكتفي بس بتصوريكم واعملكم احلا كليبات وفلاشات للصور وياسلام لما اركب الصور ومااحلا الصوره الخطف واخطف بقي كام صوره لنور عروسة البحور وهي بتثور وتقول ان اليوم هو ليوم مشهود ويجب علينا جميعا ان نتصدي لكل محاولات الخوف من الزواج وترفع بقي الشعارات وتخلي اليله تبقي مظاهرات وتلحق العصابه علي امن الدوله واخطف كده صوره لماركو وهي قعده سكته هاديه كده وطيبه وبنت شهرايار بقي وهي بحاول تفرض بقي مهي بقيت مشرفه ولازم توري العين الحمره من اولها بورسعيديه بقي تقول كل وحد قطعه جاتوه فقط واذا كانت كبيره يقسمها مع اللي جمبه وتخش بقي زهراء وتقول لا حرام دنا لسه خارجه من كرسي الاعتراف ومحتاجه تغذيه اعوض اللي ضاع من العصر في الاسئله انا عوزه قطعتين جاتوه شعاع تخش بقي طيبه تقولها خدي الحته بتعتي وظبط بقي بالكاميره الاستاذ مظلوم وهو بيبص لحماده وفي عقل باله بيقول كده برضه تخلص علي الجاتوه لوحدك مفيش حته لاخوك وطب ارتحال عليه وتقوله خد قطعه اهي شيالهالك مهي ارتحال طيبه متحبش حد يزعل
وبعد كده اجي علي الموقع وتعرفوني ازاي انزل الافلام هههههههه وتتفرجو بقي علي اجمل واحلا لحظات بين الاخوات
ياه ياريت والله يام الشهيد دي تبقي اجمل ليله ايه ده دنا مكلتش حاجه الفرح خلص ومحدش سئل فيا بحاجه

زهــــراء
21-08-2007, 11:59 AM
اية يا زوزو يا قمر
مش بمزاجك يا حلو حتيجي يعني حتيجي و من غير رنات و لا موبايلات.
اقري الانستراكشنز ههههههههههههههههههه .
و لعلمك بقي انتي و العصابة مخطوفين و ابقوا وروني حتفكوا ازاي.
يالله يا زوزو قومي غيري هدومك و تعالي بالتي هي احسن بدل مجيبك
بالتي هي اوحش . هههههههههههههههههه
هههههههههههههههههههههههههههه انستراكشنز على مين ياماما :girl16:ارحمي بقى مش جاااااااااااااااااية :girl9:ههههههههههههههه ولو ان عماد جايبني بالعافية مش كفاك الكرسي ياعمااااااااااااااااااد مش عايزة جاتوه ولا يحزنون ابعدوني عن الفرح ويكون كتر الف خيركم ههههههههههههههههههه
مش جاية ياشيمو لا باحسن ولا باوحش انا هاخطفك انتي والعصابة وسارة وايمي وسمر ونروح نعيش بقى وسلمي عالعريس والعروسة:girl26: هههههههههههههههه

حمادو وعماد تعليقاتكم فظيعة بجد موتوني ضحك ولاحكاية سلك المواعين دي مصيبة هههههههههههههههههههههههه

يلا فاصل ومش هنواصل ههههههههههههههه:girl25:

عراقية وافتخر
21-08-2007, 05:03 PM
انا بالنسبة ليا حروح جري على الة التسجيل او المطرب واطلب منو انو يغني كوردي واخلي الموجودين يدبكوا وحتكون مشاركة جماعية بالفرح وانا حكون طبعا على راس الدبكة علشان بحبها قوي بس اللى محيرني حيكون لبس المعازيم ايه كوردي ولا افرنجي ولا مصري بدوي ............حيرة .فكرة جميلة جدا واهنيكي عليها بجد تحياتي

بنت شهريار
21-08-2007, 08:20 PM
الله الله الله
عصابتنا بتتخطف على اخر الززززززززززززززززززززززمن
اوباااااااااااااااااااااااا
لالالالالالالالالالالالالالالالالالالالالالالالالا لا
كدا لازم نتهور والناس دى كلها شكلها هاتتعور
ماعلينااااااااااااااااا خليهم على جنب دلوقتى لغاية ماندخل القاعه
ومعايا طبعا ديدى
بنت خالى بقى ومفيش رنات ولا اتفاقات اهوووووووووو يا ام الشهيد
وطبعا بما اننا عصابة واحدة لازم هنكون سوا
ومع انغام الموسيقى الصاخبة يهلوا بطلعتهم البهية عصابة حمادة وتوتوووووو
مع اضواء الليزر والدخان
http://up.haridy.org/storage/5ed4f932a4b8d36359adcf8a0e55161c.gif (http://up.haridy.org) http://up.haridy.org/storage/5ed4f932a4b8d36359adcf8a0e55161c.gif (http://up.haridy.org) http://up.haridy.org/storage/5ed4f932a4b8d36359adcf8a0e55161c.gif (http://up.haridy.org)
وهنبص كدا وكدا نلاقى بوكى بوكى وام احمد واوشا ونور وميرا ودعاء ثابت قاعدين منورين على اول تربيزة على ناحية العروسة
طبعا هننضم لباقى فريق النميمة العالمى
:girl28::girl28::girl28:
وفجاه تلاقى التربيزة بقت 15 لان انضم ليهم شيرى وفلورنسيا وحبك خيال ومصراوية وشعاع من نور ويسراااااااااا
فجأه نلاقى جروب من الشباب حضر
وطبعا هنبص نلاقى واحد طووووووووووووووووووويل وبيبص على المطبخ اكيد دا مظلووووووووووم
ومعاه واحد قصير وماسك فى ايدك ميداليه على شكل عربيه جيب دا طبعا زيزوووووووووووووووووو
بعدها يدخل واحد معاه بنوته ، والبنوته ماسكة فى رجل البنطلون اتارررررررررررررررررية ابن البلد
شوية ونلاقى اوشا بتزززززززززعق ايه داااااااااا ..بس هوس ايه الدوشة دى...
ار ار ار عيب كدا صدددددعت
:girl9::girl9::girl9:
نبص نلاقى بوكى ولا كئنها سامعه وبردو ماسكة ام احمد وديدى ونازليين ار ار ار
هم مش بيسكتوا اساسا لما بيتجمعوا
:girl12::girl12::girl12:
ال يعنى انا اللى ساكته .. دا انا واخدة اميرة هانم ونازله انا وهى نميمة على نفررررررررر نفرررررر فى الفرح
مش عاتقيين بصراحه ههههههههههههههههههههههههههه
شوية ونلاقى قلب مصر داخله وملبوخه على الاخر مع الولاد (( ادى اخرة اللى عاوزة عياااااااااااااال ))
شوية وابن البلد ماشى بكل الاااااااااااطه ومش معبر حد فى الموجودين
وعمال يبص على التربيزات وماسك ورقه وقلم
تربيزة واحد تقييم سالب ..
تربيزة اتنين حذف طبقين جاتوة..
ترابيزة تلاته طرد من الفرح..
:girl9::girl9::girl9:
لغاية ما تيجى نادو بنت شاعر الرومانسية واحلى كلمة وتقوله حرام عليك يا اوووووووووووووونكل
احنا فىالفرح ههههههههههههههههههههههههههه
ربنا يخليكى لينا يانادو يا مشبعانا
(( ياريت بقى تورينا ماما وبابا جايبين ايه وهم جايين .. وطبعا ما ادراكم باكلات شاعرنا الغالى ))
اضرب بيعنى شمال الاقى حمادو ماسك تلات اطباق من الجحم العائلى تورته وجاتوة وساليزون
ونازل حتتك بتتك ومش عاااااااااااااااتق
ومظلوم ياعينى واقف جنبة بيتشحتف وعمال يقول يارب يزور يارب يزور
:girl20::girl20:
ودعاء ثابت ماسكة زيزو ونازله ار والواد ياعينى خلاص هيطق
اصلها معانا 5000 جنيه وعاوزة تشترى عربيه اخر موديل وبتحاول توصل لنظام تقسيط اظاهر مع زيزو
بعدها بشوية يدخل شاب اسمرانى ومعاه اخوة الاصغر مين مين .. دا امااااااااااك والكترووووووووون ياهلا ياهلا .. ونلاقى عربية شبة بتوع الملوك كدا بس على متطور
ونازل منها سمو البرررررررررنس وائل..
شوية ونلاقى عربيه ملاكى اسكندرية نازل منها ليدر واسكندرانى وميمو المصرى ومعاه بيدوووووووووووو وكان لسه واصل من ليبيا مبقالوش ساعتين وجايب بيدو ومريومة معاه
الله الله دا الحبايب كلهم اتجمعوااااااااااااا
:girl18::girl18:
ياااااااااااااااااه والله الواحد تعب من كتر اللف
:girl26::girl26::girl26:
اروح اشوف بقى اللى بيجيبوا سيرة العصااااااااااااابة
ام الشهيــــــــــــــــــــــــــــــــــــد
اركنى ياقمر على جنب لحسن حتت جاتوة تيجى فى الفستان الشيك دا
خلينى اعرف احاسب الاستاذ اللى لابسلى بادلة سموكن من ارمانى وبيقول

وفي الطريق نقابل العصابة واقفين فاتحين بقهم ودعاء ثابت واقفة على كرسى وعماله تقول للبنات يا بنات لازم نحافظ على نعومة البشرة, خدوا سلك المواعين دا ادعكوا بيه وشكم 7 مرات على الصبح...
وبايدك يازوزو وراميه عاليه لفوووووووووووووووووووووووووق وتيجى اول قطعه جاتوة بالشيكولاته فى اتجاة حمادووووووووو
بس كعادته كمحترف مطبخ يلحقها وتدخل مرة واحدة الى المعدة (( ماهو دايما جعااااااااااااااان ))
وبرمية خلفية ثلاثيه من بنت شهريار الى الانسه افتكاسة المعروفة بمى مؤمن الى ندى هانم كعب الغزال موجهه الى عمااااااااااااااااااااااااد

وبنت شهرايار بقي وهي بحاول تفرض بقي مهي بقيت مشرفه ولازم توري العين الحمره من اولها بورسعيديه بقي تقول كل وحد قطعه جاتوه فقط واذا كانت كبيره يقسمها مع اللي جمبه
ماهى مشرفة بقى وهتعطية قطعه جاتوة ساااااااااااااااااااااااااالب مع اتنين ساليزون وواحد بيبسى ههههههههههههههههههههههههههههه

يالا جت سليمة المرة دى
هرتاح شوية يا بنات واكمل لف تااااااااااااااااااااااااااانى


ام الشهيد بجد بجد حفله راااااااااااااااااااااائعه
وفكرة لذيذة جداااااااااااااااااااا
تسلم ايدك حبيبتى
ارق تحياتى وتقديرى ومودتى

somaaaaa
21-08-2007, 08:52 PM
حلو اوي الموضوع داه ........اوي اوي
هو انا اكيد لما انوي اروح في ناس معينه هدور عليهم في بالي هما 2 عشان اشوف شكلهم ويمكن ادعبس في المنتدى عشان اشوف كام اسم كده بس اللي اكيد اني مش هعمل اي حاجه في الفرح عشان اعرفهم وهسيب الصدفه والظروف توريني هما مين ........عشان اخاف من الاحراج بالذات اني عضوه مش نشطه في المنتدى وناس كتير متعرفنيش
اكيد هحاول البس اللي ع الحبل وادخل.وطبعا هدوخ لحد مالاقي مكان الفرح لاني معرفش اماكن هنا كتير .....وهدخل على اد ماقددر في هدؤ .......وهكون في ابعد ترابيزه ممكنه ...اكيد طبعا هسلم ع العروسين .....وهحسدهم داه اكيد ......وهتفرج ع الهيصه لاني بحب الفرحه اللي بتكون من القلب كده وهيصه الافراح
وممكن لو معرفتش ال2 اللي كنت عايزه اشوفهم بس اشوف حد لوحده زيي........زي ام الشهيد كده اما هتقعد لوحدها وهروح اعرفها ع نفسي والزق فيها واتكلم معاها بس يارب مكنش تقيله عليها .....
وبس...وامشي لما الوقت يقرب يتاخر وبس
ومبرك

Maruko
22-08-2007, 06:43 AM
السلام عليكم ورحمة الله وبركاااااته

الله يا ام لشهيييييييييد حلو اوىىىى

انا اول ما ادخل


هتلاقو واحدة تايهة اصلا لانى بطبيعة الحال تايهة يعنى

وعمالة اتلفت

اول حاجة هبص عليها هدوووووووور عالحزب بتاااااااعى

البنت حبك خيال وفلورنساااااا

هدور على بنتييييييين عمالين يدحكو ويهزروووووووو

واول ما اشوفهم الجدع بقة اليقومنىىىىىىىىىىىىىىى


يااااااااااااااه اخير نتجمع احنا ال 3 ونرغي للصبحححححححح






وبعدييييييييييين هقوم هلاقي واحدة هادية وراكزةةةةةةةة

وارووووووووح جرييييييي اسلم عليها وامسك فيها واقولها الله يا شعاع

بجد نفسي اشوفك من زمااااان ياقمر ربنا يكرمك ويخليكي ليا

وهلاقيها واقفة مع الدكتورة نسيبة وعمالة تدينا نصااائح وتدينا في كروووووووووت للعيادة

ههههههههههههههههههههههههههههههههههه

هلاقي واحدة دمها شربات واقفة معاهم

ايمىىىىىىىىىىىىىىىىىى


وامسك فيها وارغي معاها للفجر



وبعدين هلاقي 4 قاعدين على ترابيزة وفي حواليها متفجرات وحواراات وتخطيطااااااااااااات

هرووووووح اجري عليها هيحسبونى عدوو وتقريبا هيقذفونى بصاروخ قبل ما اوصلهم

هههههههههههههههههههههههههههههه
بس هكافح واوصلهم برضه


اول واحدة هتشعبط في رقبة البت زوزووووووووووووووو

وهلاقيها عمالة تصححلي في كلاماتي واملائاتى

اقوم اقولها الله يا زوزو

بجد نفسي اشوفك من زمان :girl6:



وجريييي هاقولها فين ماما يا قطةةةةةةة

واروح امسك بيرووووووووو واجي اسلم عليها

هلاقي طراخ قفا نازل عليا وبتقولى ميييييييييييين هنااااااااااااك

هههههههههههههههههههههههههههه

وبعد كدا هتعرفنى وبرضه هتديني قفا تانى

ههههههههههههههههههههههههههههههه

وبعدين هلاقي 2 عمالين خلاص اكلو ودان بعض

على طول هاقوم مدا ايدي وتقريبا هلاقيها في بق مى

وهلاقي ندى الايام بتبصلي من تحت لتحت وتدحك

هلاقي معاهم واحدة هادية

هخمن انها احلى كلمة واروح اجري اسلم عليها

وهلاقي واحدة هادية

وامورة .......وفي حالها

اجري واقوول سونىىىىىىىىىىىىىىىىى عاااااااااااع

وحشانى واعد اسح .........هههههههههههههههههههههههههههههه

وهلاقي البنت ريم جهاد واقفة معاها وعمالين يتناقشو في قضايا الشرق الاوسط

والشرق الي على جمب

هههههههههههههههههههههههههههههههههههههههههه

وهلاقي مصرية وافتخر واقفة معاهم بتناقش برده القضايا الدوليا

هههههههههههههههههههههههههههههههههههه





وبعدين هلاقي واحد طويل و نظراته ثاقبة ولابس بدلة سودا

والاقي البت بيرو بتقولى شايفة الهناك ده .........ابن البلد

اقوم انا اخاف واكش

هههههههههههههههههههههههههههههههههههههههه

وبعدين هقوم جرىىىىىى ادور على بننت مقطقطة

هعرف انها مورااااااااا هلاقيها مكسوفة ومحندقة وفي حالها واعد ارغى معاها حبة حلوين


هوبعدين هلاقي واحد مسرح شعره كدا هخمن انه عادل الشرقاوى

ههههههههههههههههههههههههههههه



وبعدين هبص

هلاقي واحد غاطس في البوفيه

ههههههههههههههههههههههههههههههههه

وفي الايد دي بطاطايا ............وفي الايد دى كوز درة

طبعا انا هقول دا محدش غير حمادو يعنى

ههههههههههههههههههههههههههههههه




هلاقي واحد ماشي بكام متطورة وحديثة ثلاثية الابعاد شرقية غربية

وممتدة على جميع النواحي حار جاف صيفا ربيع ممطر شتاءا

على طووووووووووووول هعرف انه سانزيوووو وشغااااااال تصوير

وهاينزلنا الصور في موضوع




وكل دا وانا معررفش مين العريس والعروسة

بس اكيد هخمن

ههههههههههههههههههههههههههههههه



وهلاقي دكتور بيدو داخل ومعاه البشمهندس بيدوووو

والبنت مريييييييييييييييم

وانا امسك في بيدو اعد افعص فيه

وهو هيعد يدينى بالشلاليت

ههههههههههههههههههههههههههههههههههههههههههه

وامسك مريم وافعص فيها وتقريبا هعد العب مع العيال لاخر اليوم والجدع بقة اليشيلنىىىىىىىى

ههههههههههههههههههههههههههههههههههههههههههه
ههههههههههههههههههههههههههههههههههههههههههه


وهشوف ارتحال لانها بطبيعة الحال عرفاها من برة اساسا

واقولها الله ........انتى معانا في المنتدى


صباح الفل على بتوع الرياضة

هههههههههههههههههههههههههههههه

وهلاقي واحدة واقفة معاها على طوووووول هعرف انها ام الشهيد واجرىى امسك فيها

عشان الموضوع العسل ده

هههههههههههههههههههههههههههههههههههههههه



هدور على يسرا ..........واديها ميسد كوول

هههههههههههههههههههه

عشان تظهر وانا هعمل ايه يعنى يا ام الشهيد يعنى اقطع نفسي

هههههههههههههههههههههههههههههههه وهعد ارغي معاها كتيييييييييييييير

البنت دي عاوزة ارغى معاها كتيييييييييييييييير قوى

واخر واحدة هالاقي سمسم هاخدها ونروح نلعب شوية في المراجيح

هههههههههههههههههههههههههههههههههه

ودمتم

ياااااااااااااه كان يوم حلو قوىىىىىىى


وانا عشت اوى اوى

ههههههههههههههههههههههههههه






تسلم ايدك يا ام الشهيد

تحياتى

Emad.
08-09-2007, 02:57 AM
ايه ده فين باقي المعازيم ده كلام برضه
كله هرب كده طيب اللي مش هيخش يسجل حضور
بالصور وهنفضحه
يالا ياشباب عوزين نملا دفتر حضور ومباركه للعروسين

om elbanat
09-09-2007, 10:32 PM
السلام عليكم
تسجيل حضور للفرح وحتى اجد كرسى اجلس عليه للمشاهده وضعت شنطتى على الكرسى واوعى حد يقعد مكانى لغايه لما ارجع

hanoaa
23-05-2008, 12:09 AM
السلام عليكم و رحمة الله و بركاتة
الاخوة و الاخوات الاحباء ..

النهاردة جاية اعزمكم علي حفل زواج عضو و عضوة من المنتدي .. هما مين مش مشكلة احنا اصلا مش حنقترح اسماء لسببين :-
1. ثلاث جدهن جد و منهم الزواج طبعا.
2. ان كل الاعضاء المعروفين في المنتدي من المعازيم يعني اعتبروا العروسة و العريس أعضاء غير معروفين.

عاوزين نتوقع ايه اللي حيحصل في حفل الزفاف و ازاي حنسعي للتعارف علي بعض مع الاخذ في الاعتبار الاشياء التالية :-
1. حفل الزفاف كل اللي حاضرينه اعضاء المنتدي فقط يعني مفيش اي حد من برة حتي اهل العريس و العروسة مشيناهم .. ههههههههههه ..
2. مفيش اي حد من الاعضاء حيجيب حد مش عضو معاه و بالتالي كل اللي موجودين في قاعة الفرح من اعضاء المنتدي حتي الدي جي .. (و مافيش جارسونات لتقديم الجاتوه يعني الفرح حيكون بنظام اخدم نفسك بنفسك).
3. حنعتبر ان مفيش اي اعضاء يعرفوا بعض خارج المنتدي اطلاقا الا القرايب طبعا غير كدة لا حد شاف حد قبل كدة و لا كلمة علي الماسنجر و لا التليفون و لا في اي اتفاقات بخصوص الحضور للفرح.

----- حاسة اني حتضرب دلوقتي ...

قاعة الفرح فيها ناس عزاز جدا علينا بنشاركهم المعلومة و الفكرة و الضحكة و المشاعر الطيبة و الحب ..
البعض منهم بنعتبرة قدوة و مثل اعلي و البعض الاخر بنعتبره اصدقاء و ناس تانية شايفينهم زي نجوم السماء و ناس تانية متغاظين منهم عشان بيحذفوا مشاركاتنا ( سامع يا ابن البلد .. ههههه ) لكن طبعا في النهاية بتجمعنا كل مشاعر الود و الحب و الاخوة و الطيبة ... بنقضي معاهم وقت كبير من وقتنا في بيتنا الجميل المنتدي رغم اننا مشفناهمش و منعرفهمش و اهي جات الفرصة للتعارف خارج عالم الاسلاك و الكابلات .
يا تري كل واحد فينا حيتصرف ازاي لما يدخل الفرح و ازاي حيتوقع الناس الموجودة .. مين اول حد متخيل انك تدور عليه .. و مين اللي حتعرفه علي طول من تصرفاته و لو كنت بتدور علي حد معين ازاي حتحاول تتعرف عليه .. يا تري متخيل انك تخرج من الفرح و انت متعرف علي كل الاعضاء و لا يهمك ناس معينة . و لو كان في عضو معين حصل معاه تاتش حتتعامل معاه ازاي.

يالله يا منتدي عاوزين نشوف المواهب بتاعتنا لما نقابل بعض ...
مستنية تفاعلكم ..
تحياتي يا حلوين و يا حلوات.
السلام عليكم
بجد فكرة هايله و جميله
و عارفه احلى حاجة فيها ايه انه ماشاء الله كل الردود اللى موجوده بتقول انه الناس كلها فى المنتدى اصحاب و قرايب
بجد شئ جميل
يمكن انا مساهماتى فى المنتدى قليله يعنى علشان الوقت و تقريبا كلها فى موضوع واحد
بس بجد حاسه انه انا فاتنى كتير ماشوفتوش و ماعملتوش فى المنتدى
بس مين عارف يمكن الظروف تساعدنى و اشارك معاكوا اكتر و اقرب منكوا و اعرفكوا اكتر
بجد المنتدى ده عزيز عليا جدااااااااااااااااااااااااا
و ذكرياتى معاه من يوم مادخلته كلها جميله
كفايه انه عرفنى على ناس هايله و بقى ليا اصدقاء فيه يمكن مش كتار بس مين عارف اكيد حايزيدوا و يكتروا
انا انشاء الله حاحضر الفرح
و لما نتقابل هناك طبعا حاتكون موجوده ساسو اول حد اتعرفت عليه فى المنتدى و باقى اصحابى اللى عرفتهم هنا اللى انا بجد معتزة بصداقتهم جداااااااااااااااااااااااااااااااااااااا
وكلهم اتعرفت عليهم فى الموضوع اللى عملته ساسو علشان كده حاقعد معاهم على ترابيزة واحدة و لما حضرتك تشرفى القاعة حانتعرف على بعض و على كل الأعضاء الحلويييييييييييييييييييييييييييييييين الهايلييييييييييييييييييييييييييييييييييييييين دول
و انشاء الله تكون صداقة العمر

the_chemist
23-05-2008, 06:55 PM
هما المعازيم ناموا و لا ايه؟


لا دا السبوع و لا ايه؟

ع العموم

كرسيا جنب العريس

و أحيانا بأحب أقعد بين العريس و العروسة

رخامة يعنى

nariman
23-05-2008, 07:22 PM
فكره هايله ياأم الشهيد

حدخل احجز كرسى كويس كده على جنب وأتابع الأجواء فى القاعه بمزاج

بنت شهريار
27-05-2008, 12:17 PM
رااااااااااااااااااااااااااااااجعة تانى
اكمل الحفلة :d

نشــــوى
05-11-2009, 09:54 AM
موضوع جميل يستحق الرفع .. وحشتيني يا شيماء
:f:

حكيم عيووون
05-11-2009, 02:52 PM
نشوى

برافو عليكي في رفعك للموضوع دا

الله الله

وبقول معاكي

شيماء

إنتي وحشتي المنتدى كله بإبداعاتك

تحياتي


حكيم عيووون


http://www.nakaf.com/up/image/17659.jpeg

بنت شهريار
13-11-2009, 04:51 PM
ياااااااااااااااااااااااااة ياشيمو
فين ايامك وايام اغلب المتواجدين هنا
انا فضلت اقرأ الردود واضحك زى اوى مرة ضحكت لما نزل موضوعك

وقريت ردى انا وقلت فعلااااااا مفترية :d
كانت ايام جميلة اوى تجمعنا كلنا
احساسنا ببعض ومعرفتنا بدون حتى ما نتقابل
يارب نرجع تانى كلنا فى يوم من الايام
علشان نكمل باقى الحفلة سوا من تانى
دمتم بألف خير
:f2:


Photo Gallery