سجين زيندا
17-08-2007, 03:16 AM
--------------------------------------------------------------------------------
الهلع
هو ده اللى أقدر أقوله فى اليوم ده
واحد من أصعب الايام فى تاريخ الشعب المصرى وانا طبعا بما انى احد اعضاء الشعب ده
نجيب اليوم من أوله
انا فاكره جدا رغم انه من حوالى 15 سنه
12 اكتوبر
حلو أوى
كنت عيان بقالى 4 ايام ومش بروح المدرسه
العيا التقليدى اللى كان لازم اعياه
سخونه .... ترجيع ..... صداع ...... وجع بطن (دى الأعراض)
المستشفى .... دكتور الباطنه اللى كل سنه الاقيه هو هو ومش بيكبر ابدا كأنه بيعالج نفسه من الشيخوخه)
ايزيلين ... بيسلفون .... برونكوفين .....ستريم .....نوفلو .....ريفو على شوية مضاد حيوى
عادى يعنى
كنت فى مرحلة الاستشفاء
وكنت خلاص يادوب المفروض اروح المدرسه
صحيت فى اليوم ده مش طالبه معايا مدرسه قلت اعمل فيها لسه عيان عشان ماروحش
وطبعا بما انى عيان فعلا فكله صدقنى والمفاوضات عشان اكمل نوم لم تستغرق اكتر من دقيقه ونص
الساعه 3
كله موجود ومفيش مشاكل
خلصت الغدا وقاعد قدام التلفزيون والحياه فى منتهى الهدوء والروتينيه
وفجأه
البيت بيقع
ليه؟
هو ايه اللى ليه ... بيتنا بيت عادى ومن حقه يقع زى كل البيوت
يا نهار اسود ... ده بيحصل فى الافلام بس؟
لا ممكن يحصل فى بيتنا احنا كمان
طيب وبعدين
اجرى
هاجرى
(ده حوار بسيط بينى وبين نفسى نتيجه لاندفاع اكبر كمية ادرينالين فى عروقى)
وانا بجرى لاقيت كله بيجرى ونازل على السلم
ولاقيت ابويا بيطمن واقف على الباب بيطمن ان كله لحق يجرى
يا الله ...
هو دور الاب بيشمل انه يطمن ان ولاده لحقوا ينزلوا اثناء وقوع البيت وينزل هو اخر واحد
انا كنت فاكره بيجيب لحمه بس وبيدينا قلوس الدروس الخصوصيه
انا مش عايز ابقى اب لو الموضوع بالصعوبه دى
وانا بجرى على السلم لاحظت حاجه تانيه
مفيش تراب بيقع من فوق
دايما فى الافلام لما ييجى البيت يقع بلاقى تراب واقع من فوق
بس هو الافلام نفعتنا بأيه يعنى
ماهو بيتنا نفسه بيقع رغم انه عمره ماوقع فى اى فيلم
نزلت ووصلت لمدخل العماره
وانتهى كل شىء وانا على المدخل
ولا هزه
ولا رجه
ولا تراب
ولا اى حاجه
وانا على المدخل تحت لاقيت الناس كلهم فى العماير المجاوره مرعوبين وواقفين على مداخل بيوتهم وفى ستات بتصوت ورجاله بتقول الله أكبر وخالد بن أم ديدى بيحدف طوب مش عارف على مين
قلت فى سرى (هى الناس دى مالها ... بيتنا بس اللى بيقع .... محدش ليه دعوه ومش عايز حد يشاركنا قلقنا... فعلا التطفل ده يقرف)
بعد كده اكتشفت
ده بيتنا برىء براءة الذئب من دم ابن يعقوب
ده أكيد بيت تانى ووقوعه هو اللى عمل كده
بس انهو بيت
بيت ام رأفت سليم
بيت البت سمر سليم
بيت الواد شريف سليم
يبقى بيت فى شارع تانى
انا مش فاهم حاجه
وفى اللحظه دى
طلع واحد كان ضيف عند جيراننا وقال بصوت جهورى
ماتقلقوش يا جماعه ... ده زلزال ...
الحمد لله ... ده زلزال ... لا لا بسيطه ... ده انا لو أعرف انه زلزال مكنتش اتهزت شعره من شعرى
وقام الراجل قال dont panic
يعنى ايه dont panic
ويعنى اييييييييييييييه زلزال
لما كبرت عرفت ان دونت بانيك يعنى ماتخافوش بحيث انكوا تفقدوا اعصابكوا
راجل بليغ جدا وبروفسيور انجليزى ولو كنت فهمت بانيك دى ساعتها كان زمانى اديته مكافأه افضل تعبير على لفظ واحد شايف ناس مرعوبه وعايز يهديهم (بس هل ده وقته)
لاقيت ابويا بيقول ده زلزال ... يالا نطلع
طيب كويس ....
فتحت التلفزيون لاقيتهم بيقولوا حصل زلزال
لا لا لا استغفر الله العظيم
التلفزيون كان مفتوح اساسا ....
هو حد لحق يعنى يطفيه لما البيت كنا فاكرين ان البيت بيقع واصبنا كلنا بحالة panic
يمكن لو كنا عرفنا انه زلزال كنا طفينا التلفزيون قبل مانجرى
فى الساعات اللى بعد كده عرفت يعنى ايه زلزال وبيحصل ليه وازاى وامتى
وعرفت ان فى بيوت كتير وقعت
وان الريس قطعت زيارته للصين ورجع عشان يحل مشكلة الزالزال دى (فعلا شمعه تحترق من اجل الاخرين)
سألت سؤال بسيط أوى
هو الزلزال ده بييجى كل قد ايه .
والرد كان أبسط
الله أعلم
وفعلا الله أعلم بكل شىء
وطبعا الرد ده كان كافى ان يخرجنى من أى حالة استقرار نفسى لمدة شهور
فى نفس اليوم بالليل
التلفزيون المصرى بذكائه وعبقرية مسئوليه كان عارض فيلم بين السما والارض على القناه الاولى
وساعتها بس عرفت يعنى ايه فيلم كوميدى ممكن ببساطه يبقى فيلم رعب
فيلم يخليك يجيلك panic
الحاجه اللى فعلا نفسى اعرفها لحد دلوقتى
الواد خالد كان بيحدف الطوب على مين ؟؟؟
when i finished making my boat
the sea dried
الهلع
هو ده اللى أقدر أقوله فى اليوم ده
واحد من أصعب الايام فى تاريخ الشعب المصرى وانا طبعا بما انى احد اعضاء الشعب ده
نجيب اليوم من أوله
انا فاكره جدا رغم انه من حوالى 15 سنه
12 اكتوبر
حلو أوى
كنت عيان بقالى 4 ايام ومش بروح المدرسه
العيا التقليدى اللى كان لازم اعياه
سخونه .... ترجيع ..... صداع ...... وجع بطن (دى الأعراض)
المستشفى .... دكتور الباطنه اللى كل سنه الاقيه هو هو ومش بيكبر ابدا كأنه بيعالج نفسه من الشيخوخه)
ايزيلين ... بيسلفون .... برونكوفين .....ستريم .....نوفلو .....ريفو على شوية مضاد حيوى
عادى يعنى
كنت فى مرحلة الاستشفاء
وكنت خلاص يادوب المفروض اروح المدرسه
صحيت فى اليوم ده مش طالبه معايا مدرسه قلت اعمل فيها لسه عيان عشان ماروحش
وطبعا بما انى عيان فعلا فكله صدقنى والمفاوضات عشان اكمل نوم لم تستغرق اكتر من دقيقه ونص
الساعه 3
كله موجود ومفيش مشاكل
خلصت الغدا وقاعد قدام التلفزيون والحياه فى منتهى الهدوء والروتينيه
وفجأه
البيت بيقع
ليه؟
هو ايه اللى ليه ... بيتنا بيت عادى ومن حقه يقع زى كل البيوت
يا نهار اسود ... ده بيحصل فى الافلام بس؟
لا ممكن يحصل فى بيتنا احنا كمان
طيب وبعدين
اجرى
هاجرى
(ده حوار بسيط بينى وبين نفسى نتيجه لاندفاع اكبر كمية ادرينالين فى عروقى)
وانا بجرى لاقيت كله بيجرى ونازل على السلم
ولاقيت ابويا بيطمن واقف على الباب بيطمن ان كله لحق يجرى
يا الله ...
هو دور الاب بيشمل انه يطمن ان ولاده لحقوا ينزلوا اثناء وقوع البيت وينزل هو اخر واحد
انا كنت فاكره بيجيب لحمه بس وبيدينا قلوس الدروس الخصوصيه
انا مش عايز ابقى اب لو الموضوع بالصعوبه دى
وانا بجرى على السلم لاحظت حاجه تانيه
مفيش تراب بيقع من فوق
دايما فى الافلام لما ييجى البيت يقع بلاقى تراب واقع من فوق
بس هو الافلام نفعتنا بأيه يعنى
ماهو بيتنا نفسه بيقع رغم انه عمره ماوقع فى اى فيلم
نزلت ووصلت لمدخل العماره
وانتهى كل شىء وانا على المدخل
ولا هزه
ولا رجه
ولا تراب
ولا اى حاجه
وانا على المدخل تحت لاقيت الناس كلهم فى العماير المجاوره مرعوبين وواقفين على مداخل بيوتهم وفى ستات بتصوت ورجاله بتقول الله أكبر وخالد بن أم ديدى بيحدف طوب مش عارف على مين
قلت فى سرى (هى الناس دى مالها ... بيتنا بس اللى بيقع .... محدش ليه دعوه ومش عايز حد يشاركنا قلقنا... فعلا التطفل ده يقرف)
بعد كده اكتشفت
ده بيتنا برىء براءة الذئب من دم ابن يعقوب
ده أكيد بيت تانى ووقوعه هو اللى عمل كده
بس انهو بيت
بيت ام رأفت سليم
بيت البت سمر سليم
بيت الواد شريف سليم
يبقى بيت فى شارع تانى
انا مش فاهم حاجه
وفى اللحظه دى
طلع واحد كان ضيف عند جيراننا وقال بصوت جهورى
ماتقلقوش يا جماعه ... ده زلزال ...
الحمد لله ... ده زلزال ... لا لا بسيطه ... ده انا لو أعرف انه زلزال مكنتش اتهزت شعره من شعرى
وقام الراجل قال dont panic
يعنى ايه dont panic
ويعنى اييييييييييييييه زلزال
لما كبرت عرفت ان دونت بانيك يعنى ماتخافوش بحيث انكوا تفقدوا اعصابكوا
راجل بليغ جدا وبروفسيور انجليزى ولو كنت فهمت بانيك دى ساعتها كان زمانى اديته مكافأه افضل تعبير على لفظ واحد شايف ناس مرعوبه وعايز يهديهم (بس هل ده وقته)
لاقيت ابويا بيقول ده زلزال ... يالا نطلع
طيب كويس ....
فتحت التلفزيون لاقيتهم بيقولوا حصل زلزال
لا لا لا استغفر الله العظيم
التلفزيون كان مفتوح اساسا ....
هو حد لحق يعنى يطفيه لما البيت كنا فاكرين ان البيت بيقع واصبنا كلنا بحالة panic
يمكن لو كنا عرفنا انه زلزال كنا طفينا التلفزيون قبل مانجرى
فى الساعات اللى بعد كده عرفت يعنى ايه زلزال وبيحصل ليه وازاى وامتى
وعرفت ان فى بيوت كتير وقعت
وان الريس قطعت زيارته للصين ورجع عشان يحل مشكلة الزالزال دى (فعلا شمعه تحترق من اجل الاخرين)
سألت سؤال بسيط أوى
هو الزلزال ده بييجى كل قد ايه .
والرد كان أبسط
الله أعلم
وفعلا الله أعلم بكل شىء
وطبعا الرد ده كان كافى ان يخرجنى من أى حالة استقرار نفسى لمدة شهور
فى نفس اليوم بالليل
التلفزيون المصرى بذكائه وعبقرية مسئوليه كان عارض فيلم بين السما والارض على القناه الاولى
وساعتها بس عرفت يعنى ايه فيلم كوميدى ممكن ببساطه يبقى فيلم رعب
فيلم يخليك يجيلك panic
الحاجه اللى فعلا نفسى اعرفها لحد دلوقتى
الواد خالد كان بيحدف الطوب على مين ؟؟؟
when i finished making my boat
the sea dried
