المساعد الشخصي الرقمي

مشاهدة النسخة كاملة : مواقف وطرائف ابناء مصر كله يشارك



Emad.
09-08-2007, 10:07 PM
السلام عليكم
ايه رئيكم كل واحد فينا يخش يكتب عن موقف و طرائف حصلت معه الان او من زمن

وهبدء انا
توكلنا علي الله

في احدي المرات وانا رايح باريس نزلنا من الطياره والمفروض بنعدي من بوابه للخروج منا اللي يروح طياره تانيه ومنا اللي يروح علي مكان الشنط
طبعا انا من العاده اول ما الطياره تقف بكون اول واحد جري خارج الطياره لحظي مكنتش او واحد يصل الي هذا الباب ورحت لقيت طابور طويل امام الباب وفضلنا وقفين منتظرين اسئل يقولو الباب مقفول فضلنا منتظرين وفجئه الباب اتفتح ازاي واحد جي من ناحيه التانيه دفع الباب وعدا علينا اتضح ان الباب تسحبه للداخل واللي كانو اول الصف كانو بيدفعوه للخارج فضلنا نضحك لما هلكنا المفاجئه بقي الاكبر ان اللي كان اول الصف اتنين فرنسيين انا بقي كنت بضحك علي حاجه تاني
حمدة ربنا ان مش مصر بس اللي فيها صعيده لا اتضح كمان ان في فرنسا خوات لنا

محمد طرباى
10-08-2007, 01:29 AM
طيب واللى مش عنده موقف يعمل ايه ؟؟؟؟
================
عندى موقف بس جميل حصل معاية .. من فترة طويلة
كنت رايح أخطب لإبن خالتى . كان هو عنده 36 سنة
وكنت انا وخالتى وابنها والعريس ماكنش معانا
اللى حصل وأنا قاعد ندهوا على العروسة
على أساس إنى أنا العريس وهى كانت اكبر منى
وكانت جميلة كمان أوى أوى .. وفى آخر القاعدة
عرفت أن العريس مش معانا .. بعد ما كانوا موافقين عليا
وحصل سوء تفاهم بس لذيذ أوى ...
وشوف انت بقى إحساسك ايه ساعتها ..
كنت عايز اسيبهم وأرجع اخطبها أنا ...
تحيااااااااااااااااااااااتى
ميدو

محمد طرباى
10-08-2007, 01:31 AM
فكرة جميلة
مشكور
ميدو

Emad.
10-08-2007, 02:04 AM
السلام عليكم
لا يااستاذ محمد ده ياخد الجائزه الاوله في اطرف موقف
طيب عجبتك وعجبتها خلاص كنت توكل علي الله ومش مشكله السن ولا انها اكبر منك المهم انكم ترتاحو لبعض والله
بس موقف فعلا مش ممكن
بس ياتري حصل ايه اتجوزها ابن خالك ولا لاء

abdo_1st
14-08-2007, 12:46 AM
انا مرة (أما كنت صغير) دخلت مول و كان معايا انا و صحابي جيل شعر شايلينو في جيبنا ((بتاعنا)) جينا نحط منو في الحمام فا طلعناه و بنحط دخل علينا فراش و طلع و دخل تاني لقاني بدي حزامي لواحد من صحابي حزامو اتقطع هههه .. المهم جابلنا الأمن جيه راجل و قال تعالوا ورايا ، رحنا وراه و لقينا ناس فوق كتير و قال ايه احنا سرقنا جيل و حزام من هنا لهنا قلتلو طيب الحزام اهو شافو لقاه مش جديد يعني ، و دفعنا تمن الجيل تاني بكل غبء هههههههههههههههه أه لو الموقف دا يتكرر عاللي هعملوا مع الأمن....

Emad.
14-08-2007, 04:41 AM
شكرا لحضورك
بس موقف يدل علي البرائه برضه وعرفت تتصرف في شئ
فعلا اعتقد الان ممكن تتصرف اكثر من الاول
شكرا لحضورك

أمـــيره
14-08-2007, 05:15 PM
ههههههههههههههههههههههههه

موقف طريف جدا ياعماد ربنا يسعدك ويحفظك

Emad.
14-08-2007, 06:10 PM
الله يكرمك
منتظرين بقي موقفك لاتتاخري علينا

أمـــيره
14-08-2007, 06:16 PM
بصراحه موضوعك اكتر من رائع

ححكيلك موقف ليا بس استحملني اصلي مبعرفش اختصر ومينفعش اختصر لانه كله بلاوي هههههههه

موقف ليا مع زوجة اخويا هههههههههههههه انا عارفه انها هتدخل وتقراه

كنت في الكويت عند اهلي وكالعاده نسهر انا والاولاد وزوجة اخويا للصبح
المهم وحنا سهرانين بنات اخويا قالوا لامهم احنا جعانين ونفسنا نطلب من بيرجركينج كانت الساعه 3 الفجر
اتصلنا عالمطعم قال الوقت ده مفيش دلفيري طب نعمل ايه البنات مصممين
بصت لي مرات اخويا بصه فهمتها فقلت لها يالله
خدنا الاولاد وخرجنا كانت هتبقى خرجتنا من الدنيا بس ربنا ستر
خرجنا رحنا لاقرب مطعم لبيتنا لقيناه قافل رحنا لغيره وبرضه لفينه لغاية مالقينا واحد فاتح
خدنا الوجبات ورجعنا والله الجو كان حلو انبسطنا كتير بس طلعت من عنينا ههههههههههههه
لما قربنا من البيت لقينا اخويا ورانا شافنا من بعيد ولحقنا وجه بسرعه زي المجنون ووقف السياره
اما جوزي لقيته واقف لنا بره في الشارع وبيدخن سيجاره ورى سيجاره
احنا شفنا المنظر ده ركبنا سابت عرفنا ايه اللي مستخبي بصيت لمرات اخويا واحنا الاتنين مرعوبين
قلت لها بصي انا هبعت حد يجيب باقي حاجتي من السعوديه وانتي انا هساعدك ولم معاكي الشنط شكلها فركش ياروحي لينا احنا الاتنين هههههههههههههه والله كنا ميتين من الخوف وبنضحك
دالوقتي عايزين ننزل من السياره مش قادرين رجلينا تشنجت جوزي وخويا واقفين لنا
انا بقولها اتفضلي انزلي تقولي لا والله مش ممكن نزل علينا ادب غريب
المهم نزلنا محدش كلمنا محنا لسه في الشارع انا سحبت كرسي وقلت لها بيات قالت فين
قلت لها في الشارع مهو طول محنا بره البيت محدش هيهزانا
المهم دخلنا انا خدت وجبه من بنات اخويا ورحت لجوزي قلت له مالك فيه ايه
طبعا ..تك...تك...تك
هههههههه عشان الرقابه وفيه اعضاء صغيرين ميصحش بس اكيد انتوا عارفين وخصوصا الرجاله
انا طبعا تمسكنت وقلت له ده جزائي اللي خارجه اشتريلك عشا
طبعا عدت على جوزي اما اخويا طبعا معدتش عليه اداها المقسوم وفضل مبوز كم يوم
جت بنت اخويا عايزه تاخد وجبتها فقلت لها اني اديتها لجوزي زعلت وبوزت وقالت اشمعنى انا اللي تاخدوا مني عشايا بصراحه صعبت عليا فبصيت لمرات اخويا تاني ههههههههههههههههههه فهمت على طول قصدي ايه
قالت لاااااااااااااااااااااااااء انا ف عرضك خروج ودالوقتي يا اميره لاء
قلت لها وبنتك المفجوعه قالت لي تتفلق دالوقتي اعمل لها حاجه تاكلها
لكن البنت ابدا راسها والف سيف الا وجبة بيرجر كنج طب والله صعبت عليا بجد قلت لها قومي
ربنا يهدك انا عارفه ان نهايتي على ايدك
امها خافت قالت لي اميره بلاش جنانك ده دالوقتي والله مش حلوه
البنت لما سمعت كلام امها عيطت وقالت لي عمتي بشاير ربنا يخليكي خديني معاكي
قلت لها خلاص انا هخدك بس بشرط منتاخرش ربع ساعه ونرجع
امها لما سمعتني تجننت قالت لي اميره ابوس اديكي بلاش طبعا طنشتها وخدت البنت وخرجت
ههههههههههههههه خدت لها وجبه وحنا راجعين بسرعه كنت سايقه تقريبا 140 مهي الشوارع فاضيه
في الوقت ده الا من حاجه وحده ؟؟؟
تفتكروا ايه هيا؟

هااااااااااا


هههههههههههههههه البوليس طبعا مهي زاطت بقى
وقفني وقعد يتكلم ويدي نصايح ونا كل شويه ابص في الساعه والاخ ولا هو هنا
لما شفته مش راضي يسكت قلت له لو سمحت ارأعني بمخالفه وخلصني انا تاخرت اوي عالبيت
ههههههههههههههههه خساير من كل ناحيه بنت الايه هيا كلت وجبه ونا كلت مخالفه
رجعت البيت لقيت مرات اخويا زي المجنونه تدخل تبص بره وترجع تدخل خايفه من جوزي
اول منزلت بنتها راحت جري وقالت لها البوليس مسك عمتي امها هنا سورقت ههههههههه

Emad.
14-08-2007, 06:31 PM
ياوقعتك البيضه دنتي نسجلك في موسوعة جنييز للمراءه الشجاعه
ايه ده وربنا انا هفطس من الضحك وقعتك بيضه
لا لا الصراحه من موقفك بينتي شجاعه انك رحتي
وبينتي قلبك طيب ومهنش عليكي بنت اخوكي
وكمان بينتي مش مهم المخالفه المهم تك تك تك اللي هتمنعه الرقابه اللي هيحصل من البيه زوجك
لا لا فدائيه من نوع فريد
بس علي فكره ما احلاه الادب في مواقف اللي زي دي
بس انا لو منك هقول للتكسي ارجع علي بيت ابويا افضل من دخول البيت
بس شطره عرفتي تتصرفي ماهو مش ممكن تجيبي عشا لزوجك وخيفه عليه وياعيني بتفكري فيه ويزعلك
المفروض بقي ام بشاير تتعلم منك
تحياتي لكي وشكرا كتير علي موقفك الفدائي مع بنات اخوكي
منتظرينك كمان في موقف اخر لان اعتقد حضرتك عندك كتير
هههههههه

أمـــيره
14-08-2007, 06:46 PM
اللي عندي ياعماد مش مواقف دي بلاوي ههههههههههههه

والله جوزي له الجنه هو واهلي وصحباتي

حاضر دنا حتحفك في مواقفي على فكره انا بحب الكتابه اوي يعني حتشوفوا مني البدع ههههههههه

بس بجد موضوعك حلو اوي وتشكر عليه

Emad.
14-08-2007, 06:50 PM
الله يكرمك ومرحب بيكي
وربنا يباركلك في زوحك واهلك واصحابك
بس المفروض تغيري اسمك وتبقي الفدائيه
ات اكتبي وهنقرء لكي باذن الله
الف شكر وسعيد ان فكرته عجبتك منتظرينك

أمـــيره
14-08-2007, 09:32 PM
انا متشكره اوي لك ياعماد

لترحيبك بيا ربنا ميحرمناش منك .. أمــــيره

Emad.
14-08-2007, 09:39 PM
العفو والف شكر علي اغلا وجبة عشاء في التاريخ طبعا بعد ماتضيفي المخاطر عليها اللي حصلت لكي وكمان تمن المخالفه من عسكري المرور
ربنا معك
مرحب بيكي مره اخري

ابراهيم بندق
14-08-2007, 10:01 PM
موضوع جميل اوى يا عمدة
انا بقى هتاخد منى تحف للصبح بس انا فى الشغل دلوقتى مش هعرف اكتب
هرجعلك تانى ومعايا طن مصايب
استحمل انت بس
سلام مؤقت يا جميل

Emad.
14-08-2007, 10:15 PM
لا مش ممكن هتكون اكبر من اميره دي تستحق لقب انتحاريه للي عملته علشة عشاء من البرجر
بس مستنيك تروح بالسلامه ان شاء الله

ابراهيم بندق
16-08-2007, 06:19 PM
ازيك يا عمدة
انا جيت اهو يا سيدي زى ما وعدت
بمناسبة النحس والكلام عن النحس جايبلك موقف كده مؤقتا
بص يا سيدي
مرة كنت انا وواحد صاحبي اسمه جمال بنتمشي فى وسط البلد
وفيه هناك فى اول شبرا كده حلوانى معروف اسمه العيسوى
قلنا ناخدلنا كيلو حلويات مشكل ولا حاجة واحنا ماشيين كده
دخلنا على الراجل وبنقوله عايزين كيلو حلويات مشكل
قام الراجل بكل ابتسامة عريضة قايلنا لا والله مفيش مشكل
قلناله طب بسبوسة
قال لا والله خلصت
طب كنافة
مفيش للأسف
طب مشبك
والله لسه خلصان
قلناله طب انتوا فاتحين ليه فاضل ايه عندكم
قالنا مفيش والله الا جاتوه
قام جمال باصصلى وقالى لا بلاش خلاص مش مشكلة
مشينا خطوتين وقلت لجمال يا عم جاتوه جاتوه اى حاجة نحلى بيها وخلاص
قالى ماشي يا سيدي
رجعنا للراجل بقوله طب يا سيدي هات دستة جاتوه وخلاص
رد علينا الراجل

والله لسه بايع اخر واحدة دلوقتى

طبعا جمال فضل يسب ويلعن فيا وقالى اجرى يا عم قبل ما المحل يقع علينا هههههههههههههه
وقام موقف تاكسي وركب
قلتله يا عم طب استنى نروح مع بعض
قالى لا يا عم احسن العربية تتقلب بينا ولا حاجة....سلام يا عم
انا بقى طبعا متعود على المواقف دى وعادى بتحصل معايا كتير
فضلت اضحك لوحدى فى وسط الشارع وكل الناس تبصلي وفاكرانى مجنوووووووون
دى اول البلاوى وما خفى كان اعظم

فاصل اعلانى ولنا عودة
تابعووووووووناااااااااااااااااااااااااا

Emad.
19-08-2007, 12:20 PM
الله يعمر بيتك ايه ياحج ده دنت تجنن والله هفطس من الضحك لا بقولك ايه كفايا عليا اصحابك في المنتدا بس
اوع تحاول تقابلني او اشوفك
لا بجد انت فقط حظك كان معترس شويه بس متخفش هتبقي زي الفل فقط قبل متنام قول انا محظوظ عشر مرات وانت تبقي اخر تمام
ربنا يكرمك عسل والله

om elbanat
20-08-2007, 08:27 AM
السلام عليكم
أهلا بك اخى فى الله عماد موضوعك هنضحك منه كتير لان المواقف التى لاتنسى حتى لو محرجه بتبقى بتضحك وعاوزة احيى اميره على شجاعتها الخارقه والحمد لله انها لسه عايشه
انا جه على بالى موقف من سنين طويله قوى وانا صغيره رحت مع خالى وهوة بيخطب وطبعا بيبقى المكان زحمه وفيه ناس كتير من اهل العروسين وجه خالى امام الناس وقالى ايه رايك فى العروسه قلت له زى الزفت وحشه مش هقولك بقى اللى حصل كأنى القيت قنبله هيروشيما على الجالسين
طبعا انا كل مايذكر هذا الموضوع الان وبالذات اللى دايما يفكرنى هو ( خالى) اشعر بخجل شديد جدا لما حدث منى رغم انى كنت صغيره جدا
اشكرك والى لقاء

Emad.
20-08-2007, 08:32 AM
وعليكم السلام
مرحب بحضرتك اختي الفاضله
الله يكرمك انا والله ماكنت متوقع
انا توقعت قلبتي طربيزه قلبتي ساقع ركبتي عربيه غلط بدل مع اهلك ركبتي مع اهل العروسه
انما تعملي كده لا بجد موقف مش ممكن
ولعلم حضرتك اكيد الكلمه كانت مؤثره لانها المفروض طفله او بنت صغيره كلها برائه قالت بتلقائيه
الحمدلله المهم معرفناش خال حضرتك اجوزها ولا لاء
هههههههه

مصريه وافتخر
20-08-2007, 09:34 AM
الله يا عماد
موضوع حلو جدا
ده طبيعي عشان انت زملكاوي
المواقف كلها حلوة وتضحك
انا بقى اللي حصلي مش سهل

كنت مرة في المطار
وبجري عشان الحق ماما
بجري في صالة المغادرين
طيب
وكنت بجر ورايا شنطة هاند باج
وعينك متشوف الا النور
وقعت 2 رجالة كبار
واختي الكبيرة على الارض
لكن اللي قهرهم
ان انا بكل برود قلت sorry
وكملت جري ولا اللي في الماراثون
ولسه لحد النهارده فاكرة الراجل ونظرة عينيه

موضوع رائع يا عماد

Emad.
20-08-2007, 10:20 AM
مرحب بيكي نورتي الموضوع
لاجدعه بهدلتي الناس ويعيني البراءه في عينها
الحمدلله انهم محدش اصيب منهم كانت وقعتك هتبقي بيضه مكنتيش هتبقي مغادره كنتي هتبقي دخله مكان تاني قسم الشرطه
الحمدلله علي وصولك سالمه

مصريه وافتخر
20-08-2007, 10:27 AM
الله يخليك
وميرسي على الرد الجميل
والموضوع للاجمل
بعدين وقعة بيضة حلوة طالما فيها زمالك
هههههههه

Emad.
20-08-2007, 10:33 AM
ربنا يخليكي شكرا لزوقك
وان شاء الله بيضه
ومنتظرين منك كمان وكمان اكيد الاوله وقعتي تلات ياتري المره تاني هتوقعي ايه

مصريه وافتخر
20-08-2007, 11:55 AM
ميرسي كمان مرة
وللعلم انت لاتستقبل بريد من الاعضاء
الرجاء تعديل ملفك الشخصي
وشكرا كمان مرة
شكرا كتيييييييييييييييير

Emad.
21-08-2007, 04:46 AM
لا العيب عند المرسل مش المرسل اليه وانا عملت توبك وضحت فيه للزملاء في رئيك يهمنا

alias
21-08-2007, 12:56 PM
في يوم من أيام أخويا إلي مالهاش نهايه ،كان مستولي على النت وقاعد مندمج وخلاص مش هيقووم ولا السنه الجايه...رن التليفون .ردييت قالوا مين؟..رد واحد خلاص هيموت.مايييييييييييييهه .قلت ده تايه في الصحره ولا إيه..بعدين صوته إتعدل وقالي ماعرفتنييش؟قلت لأه..قالي مكسوفه مني خلاص إنتي عارفه أوضتي تعالي وهاتي معاكي إلي قلت عليه..طبعا ساعتها إتشتم لما قال يابس ونادييت بابا يتصرف معاه .. قالي لااااااا خلاص أنا مكسل أقوم من ع النت ممكن تجبيلي مايه....طبعا ده أخوياا

مصريه وافتخر
21-08-2007, 01:05 PM
ههههههههههههههههه
قصة حلوة جدًا
رائعة
وفكرة نبقا نجربها في اخواتنا

Emad.
25-08-2007, 12:21 PM
في يوم من أيام أخويا إلي مالهاش نهايه ،كان مستولي على النت وقاعد مندمج وخلاص مش هيقووم ولا السنه الجايه...رن التليفون .ردييت قالوا مين؟..رد واحد خلاص هيموت.مايييييييييييييهه .قلت ده تايه في الصحره ولا إيه..بعدين صوته إتعدل وقالي ماعرفتنييش؟قلت لأه..قالي مكسوفه مني خلاص إنتي عارفه أوضتي تعالي وهاتي معاكي إلي قلت عليه..طبعا ساعتها إتشتم لما قال يابس ونادييت بابا يتصرف معاه .. قالي لااااااا خلاص أنا مكسل أقوم من ع النت ممكن تجبيلي مايه....طبعا ده أخوياا
كويس والله معذور النت شغاله جدا معلش بس ياتري جبتيله المايه ولا مرضتيش

Emad.
25-08-2007, 12:22 PM
ههههههههههههههههه
قصة حلوة جدًا
رائعة
وفكرة نبقا نجربها في اخواتنا
طبعا انتي هتقوليلي ده حضرتك استاذه ورئيسة قسم المقالب
ربنا يكون في عون اخواتك

naguib88
28-08-2007, 01:04 AM
من ازبل المواقف الي حصلتلي اني مره كنت واقف في المدرسه في اولي ثانوي تقريبا وبتكلم عادي مع اصحابي شوفت استاذ عدي وانا مكنتش بطيقه بس بقول لصحابي ايه تعالوا هتريلوكوا علي الواد المتخلف الي اسمه محمد خلف ده ولسه بلف وريا لقيت واقف معرفش ازاي مع اني متاكد لغايه دلوقتي انه كان بعيد عني جدا بس اتمنينت اني مقلتهاش

Emad.
28-08-2007, 02:02 PM
لاجدع
الصراحه موقف جامد جدا كله حراج وصعب
عموما تعلمك متغلطش في حد تاني من وراه ههههههههههههه
شكرا لك ومنتظرين من الجديد

فينوس
29-08-2007, 08:13 PM
الموضوع جميل جدااااااااااا

بس بجد دة مواقف محرجة جداااااااااااااااا

Emad.
08-09-2007, 02:59 AM
السلام عليكم
وفين موقفك انتي بقي ياست البنات ولا خيفه نضحك معك عليه
عموما اللي هتقوليه سر محدش هيعرفه غير امة الا اله الا الله بس
وليمكن حد نهائي ياخد علم او خبر متخفيش سرك في بير موصل للمحيط


Photo Gallery